01. Serat Centhini Jilid 01 (PDF) - Adjisaka.com

pêksi dhandhang sung ngalamat muni |
kêna dèntitèni |
kandhane wong sêpuh ||
16. Lamun ana paksi dhandhang muni |
sangking wetan ngulon |
nglamat bêcik tamuwan badhene |
ing pandhita utawa wong luwih |
lamun dhandhang muni |
sangking wetan kidul ||
17. Yèku bêcik ing alamatnèki |
barang karya dados |
lamun ana dhandhang munya mangke |
saka kidul bênêr prênahnèki |
ngalamat rêjêki |
ingkang karsa rawuh ||
18. Lamun ana paksi dhandhang muni |
sangking kidul kulon |
iya iku ala ngalamate |
arsa padu rêbut sapalèki |
lamun dhandhang muni |
kulon sangkanipun ||
19. Ngalamate apan arsa rabi |
yèn sangking lor kulon |
dhandhang muni ala ngalamate |
apan arsa kagêringan ati |
dèn angati-ati |
awas lawan emut ||
20. Atobata maring ing Hyang Widdhi |
poma dikalakon |
dhandhang muni lor bênêr sangkane |
yèku ala ngalamatirèki |
yêkti arsa manggih |
kawirangan agung ||
21. Yèn amuni ing lor wetan sangking |
ngalamat tan awon |
yun katêmu ing prasanakane |
miwah kadang ingkang wisma têbih |
lamun dhandhang muni |
mencok wuwungipun ||
22. Ing wismane kang nginggil pribadi |
swaranira alot |
yun katêkan susah ngalamate |
tamat ngalamate dhandhang muni |
gurune wismèki |
ngêndi sangkanipun ||
23. Wangsiting Hyang lamun prênjak muni |
iku dèn waspaos |
< Serat Centhini Jilid 01 - Halaman : 80 >
Jilid 1 - Kaca : 62