Procesverbal, datë 18.12.2012

për efekt të vazhdimit të investimit të tyre dhe që nuk duhet ta paguajnë tek organet doganore.
Ky ishte thelbi i ligjit.
Mimi Kodheli – A ka një faturë financiare? Nëse po, sa është?
Arben Ahmetaj – Kam dy pyetje:
E para, pse bëhet një diferencim investimesh jo në kategori, por në shumë? Pra, pse
investimet nën 500 mijë dollarë janë të përjashtuara nga kjo lehtësi tatimore? Në dijeninë time,
një pjesë e mirë e këtyre investimeve nën 500 mijë dollarë, shkojnë në bujqësi, në agro-biznes
dhe në fason.
E dyta, nëse një biznes, një importues apo një investitor investon nën 500 mijë dollarë
dhe është në një nga kategoritë që ju keni përshkuar, cila do të jetë dominante pjesa e
kategorizimit apo pjesa e shumës që do të vendoset për përjashtimin e tij? Pse i keni diferencuar
ato grupe investitorësh të cilët janë në procesin e marrjes së autorizimit, apo që kanë marrë
autorizimin, por që nuk kanë paguar akoma, pra rezultojnë sot debitorë për shkak të procedurës
së shtyrjes së TVSH-së? A nuk do të ishte mirë që edhe ky grup të përjashtohej?
Edmond Spaho – Kjo është një kategori e cila ka marrë autorizimin, pra i ka mbaruar
afati, por ende nuk e ka shlyer TVSH-në, a nuk do të ishte e udhës që edhe kjo kategori të
përfshihej në përjashtim?
Kategoria e cila ka për të shlyer, por ka edhe për t’u kredituar, më duket se nuk është
trajtuar. Mendoj se duhet të kompensojnë njëra-tjetrën. Cili është mendimi juaj për këto dy
kategori?
Arben Malaj – Duke qenë se një nga problemet kryesore është miratimi i ligjeve, a është
konsultuar me komunitetin e biznesit procesi ku ato përgatiten dhe diskutohen? A jeni ju në
dijeni për kërkesat konkrete që ka bërë biznesi, të cilët e kanë konsideruar ligjin pozitiv, por të
paplotë? A keni ju një përgjigje konkrete për kërkesën drejtuar Kryeministrit dhe juve lidhur me
marrëdhëniet që krijohen në rastet kur shtyrja apo përjashtimi në ligj duket pak i mbingarkuar
dhe në disa elemente mund të krijojë edhe një lloj konkurrence abuzive nëse investimet nuk
trajtohen si të tilla dhe përfitimet nuk kushtëzohen nga fakti nëse dikush është në hapin e parë,
dikush te gjysma dhe tjetri duke mbaruar (nëse realisht duam ta ndihmojmë ekonominë shqiptare
të fillojë të gjallërohet)? Sigurisht që ju e keni llogaritur efektin buxhetor që është 5,7 miliardë
lekë. A keni ju një përllogaritje të impakteve të saj në hapjen e vendeve të punës, në pagesa e në
sigurime shoqërore apo për përfitimin e të ardhura të tjera? Nëse jo, si mendoni se do të
4