sheria au roho.vp (Read Only) - Martin Bucer Seminar

juu ya kazi ya Sheria ya Agano la Kale. Hili pia linakubalika kwa
Wagalatia 5:26: “Tusijisifu bure, tukichokozana na kuhusudiana”.
2) Wakati Kanisa lilijumuisha zaidi waamini wa Mataifa, Paulo
anazungumzia mambo halisi ya Wakristo wa Kiyahudi. Hii
inaashiria kuwa alikuwa anashughulikia uzushi wa Wayahudi na
wa Mataifa kwa ujumla. 17
Haiwezekani kabisa kuwa kanisa la Mataifa lingejitoa
kikamilifu kujaribu kuwa la namna ya Kiyahudi pasipo sababu.
Mgawanyiko miongoni mwa waamini wa Mataifa waliofuata kosa la
Kiyahudi, na wengine waliowakataa kwa kutumia fikra zisizo za
kibiblia yanaelezea utajaji wa daima wa Paulo juu ya migogoro. 18
Waamini wa Kiyahudi na wa Mataifa walitofautiana juu ya
suala la tohara, kwa kuwa ni wale wasio Wayahudi tu
wangelazimishwa kutahiriwa. Wagalatia 5:6 na 6:15 husema juu ya
kiburi cha kundi moja katika ‘tohara’ yake na kiburi cha jingine
katika ‘kutokutahiriwa’ kwake. 19
3) Kitabu cha Wagalatia mara nyingi kinazungumzia kundi moja tu la
kanisa, mfano, kama ilivyo katika Wagalatia 4:21, “Niambieni, ninyi
mnaotaka kuwa chini ya sheria, je! Hamwisikii sheria?”. Paulo
anaongea na wale washiriki wa kanisa walioishi kwa kulingana na
Sheria tu, jambo ambalo linaonesha kuwa si wote waliokubaliana
juu ya jambo hili. 20 Mfano mwingine ni Wagalatia 5:4, “Mmetengwa
na Kristo, ninyi mtakao kuhesabiwa haki kwa sheria, mmeanguka
na kutoka katika hali ya neema”, ambao unazungumza na washiriki
waliotafuta kuhesabiwa haki chini ya Sheria. Ingawa kwa ujumla
anakataa wazo la kambi mbili katika kanisa la Galatia, 21 Theodor
Zahn anaamini kwamba, hapa Paulo anazungumza na sehemu tu
ya kanisa. 22
Wagalatia 6:1 pia inazungumzia sehemu tu ya ushirika, wakati
Paulo aandikapo, “ninyi mlio wa Roho” 23 au (“Ninyi mnaojiona kuwa
wa kiroho zaidi”). Hapa, mtume anazungumza na wale ambao
waliamini kuwa wao wenyewe ni wa kiroho zaidi kuliko wengine.
Theodor Zahn aliwaita watu hawa ‘Wana-roho. 24 Anawalinganisha
na ‘wenye nguvu’ wa Warumi 14 na 15, waliojishikilia wenyewe
kama Wakristo bora zaidi ya waamini ‘dhaifu’ wa Kiyahudi. 25
4) Hakuna kutokukubaliana juu ya ukweli kuwa makanisa yote ya
Galatia yalijumuisha Wakristo waliodanganywa na dini ya kiyahudi
14