sheria au roho.vp (Read Only) - Martin Bucer Seminar

WAGALATIA 3:8-14 : JE, SHERIA INAJIPINGA
YENYEWE?
Wagalatia 3:8-14: “Na andiko, kwa vile lilivyoona tangu zamani
kwamba Mungu atawahesabia haki Mataifa kwa imani, lilimhubiri
Ibrahimu habari njema zamani, kusema, Katika wewe Mataifa yote
watabarikiwa. Basi hao walio wa imani hubarikiwa pamoja na Ibrahimu
aliyekuwa mwenye imani. Kwa maana wale wote walio wa matendo ya
sheria, wako chini ya laana; maana imeandikwa, Amelaaniwa kila mtu
asiyedumu katika yote yaliyoandikwa katika kitabu cha torati, ayafanye.
Ni dhahiri ya kwamba hakuna mtu ahesabiwaye haki mbele za Mungu
katika sheria; kwa sababu Mwenye haki ataishi kwa imani. Na torati
haikuja kwa imani, bali, Ayatendaye hayo ataishi katika hayo. Kristo
alitukomboa katika laana ya torati, kwa kuwa alifanywa laana kwa ajili
yetu; maana imeandikwa, Amelaaniwa kila mtu aangikwaye juu ya mti;
ili kwamba baraka ya Ibrahimu iwafikilie Mataifa katika Kristo Yesu,
tupate kupokea ahadi ya Roho kwa njia ya imani.”
Kwa mujibu wa Ragnar Bring 53 , sura ya tatu ya Wagalatia, hususani
mstari wa 12, unadhihirisha uwiano mkubwa na Warumi 10:4-5. Kwa
sababu hii, basi tuchunguze Warumi 10:4-5.
Katika Warumi 10:4-8, Paulo anasema, “Kwa maana Kristo ni mwisho
wa sheria, ili kila aaminiye ahesabiwe haki. Kwa maana Musa aliandika
juu ya haki itokayo kwa sheria, ya kuwa, Mtu afanyaye hiyo ataishi kwa
hiyo. Bali ile haki ipatikanayo kwa imani yanena hivi, Usiseme moyoni
mwako, Ni nani atakayepanda kwenda mbinguni? (Yaani, ni kumletea
Kristo chini), au, ni nani atakayeshuka kwenda kuzimuni? (Yaani ni
kumleta Kristo juu, kutoka kwa wafu.) Lakini yanenaje? Lile neno li
karibu nawe, katika kinywa chako, na katika moyo wako; yaani, ni lile
neno tulihubirilo.”
Kwa nini Waisraeli katika kumkataa Kristo, hawakujali haki na Sheria
(Rum.10:2-3)? Walimkataa Kristo, aliye mwisho wa sheria. Neno la
Kigriki ‘telos’ lina maana nyingi, na linapaswa kutafsiriwa kama ‘mwisho’
au ‘kusudi’. Tafsiri hutegemea imani ya mtafsiri juu ya Sheria ya Musa.
Kwa maoni yangu, tafsiri, “Kristo ni utimilifu (au lengo) la sheria” inaakisi
vema maelezo ya Paulo juu ya Sheria katika Warumi (kwa mfano, 3:20,
31; au 7:7, 12-16, 22-24; 8:3-4, 13:8-10). 54 Sheria yote inatafuta lengo
lake, maana yake, ukamilifu wake na utimilifu wake katika Kristo.
32