sheria au roho.vp (Read Only) - Martin Bucer Seminar

kulinganisha Agano na Ahadi, na kuongea juu ya “agano la ahadi”
mahali popote (Efe. 2:12). Paulo anadhihirisha, mrithi wa kweli ni Kristo
(Kol. 1:12-18), ambaye katika yeye ahadi zote zinatimizwa. “Maana
Mwana wa Mungu, Kristo Yesu… hakuwa Ndiyo na Siyo; bali katika
yeye ni Ndiyo” (2 Kor. 1:19-20). Basi hii inamaanisha kwamba, Paulo
anatafsiri Agano la Kale kwa mpango wa kufuata miaka, jambo lifanyalo
wazo kuwa Kristo ni mpinzani wa moja kwa moja wa ufunuo wa Agano
la Kale kuwa kichekesho. 50
‘Diatheke’ yapaswa kutafsiriwa kama ‘agano’ katika Waebrania
9:16-17 51 “Kwa maana mahali palipo na agano, mtu aliyeliwekea muhuri
agano lile lazima afe. Kwa kuwa agano lina nguvu baada ya kifo, kwa
sababu haliwezi kuwa halali, ikiwa aliyelifanya agano bado yungali
anaishi.”(Tafsiri ya mwandishi). Hii haimaanishi kwamba Kristo
alipaswa kufa, kwa sababu patano lingeweza tu kufanya kazi baada ya
kifo chake, bali kwa sababu, kama agano, lingeweza kufanywa imara
kwa damu tu, kwa kupoteza maisha, yaani kama ilivyokuwa katika
Agano la Kale mnyama alipotolewa dhabihu kuthibitisha agano (Mwa.
15; Law. 1). Kama kilivyo kifo cha mtu hakilifanyi patano kuwa halali tu,
bali pia kinalifanya agano liwe katika vitendo, ili kwamba mrithi aweze
sasa kurithi; ndivyo ilivyo kwa kifo cha Kristo kilithibitisha Agano la
Mungu badala ya kulitangua.
Katika Wagalati 3:6-29, Paulo anadhihirisha kwamba Ahadi kwa
Ibrahimu, ambayo kwayo Wayahudi hurejea daima, ilitangulia utoaji wa
Sheria katika mlima Sinai, na huo ni uthibitisho usiokanushika kwamba
kuhesabiwa haki hutegemea Ahadi na Imani, na sio utunzaji wa Sheria.
Sababu muhimu iliyomfanya Ibrahimu “Baba wa Mataifa mengi”, sio
suala juu ya urithi wa kibaolojia na wala sio uhalali wa kisheria wa utii wa
Sheria, bali ni tumaini lake lisilo mpaka katika ahadi ya Mungu
(Waeb.11:8-9).
Swali, “Akina nani ni watoto wa Ibrahmu?” linajadiliwa sio tu katika
Wagalatia 3, bali pia katika Warumi 4 52 na katika maandiko mengine
mengi. Kwa upande mwingine, Wayahudi wote wanatajwa kama watoto
wa Ibrahamu kwa mujibu wa mababu zao (Mdo. 13:26), lakini Wayahudi
wasioamini wanakosa dai hilo kwa sababu ni imani pekee iwezayo
kumfanya mtu mtoto wa Ibrahimu. Yohana 8:37-40 ni mfano halisi wa
pande hizi mbili, “Najua kuwa ninyi ni uzao wa Ibrahimu…” wakati
mwingine, Yesu anasema kwamba Mungu aweza kumwinulia Ibrahimu
watoto kutoka kwenye mawe ili kuchukua sehemu ya Mafarisayo na
30