Migracioni shqiptar pas viteve 90 dhe ndikimi i - Mirë se erdhet në ...

Kapitulli 1. Fenomeni i emigrimit të prindërve
1.1 Baza teorike për analizë të thelluar të emigrimit dhe efekti i tij
tek fëmijët dhe familjet e lëna pas
Edhe pse është e vështirë që të llogaritet numri i të migruarve jashtë
Shqipërisë pas tranzicionit, vlerësime zyrtare 3 tregojnë së pas vitit 1990
rreth 1/5 e popullsisë aktuale ose rreth 0,75 milion individë, jetojnë
jashtë saj si emigrantë. Ndërkohë vlerësime të tjera 4 e llogarisin numrin e
migrantëve nga 0.8 në deri 1 milion. Pavarësisht së cila shifër i afrohet
më shumë realitetit, një “rrjedhje” me përmasa të tilla, e rendit
Shqipërinë si një ndër vëndet me nivel më të larte emigrator.
Që prej 20 vjetësh, Shqipëria është një prej vendeve që e mbështesin
një pjesë të të ardhurave kombëtare në hyrjet e dërguara nga emigrantët,
të njohura gjërësisht me termin ”remitanca”. Shifra zyrtare tregojnë së
remitancat përbëjnë burimin më të madh të dërgesave nga jashtë dhe në
2007 remitancat kishin vlerën 951.7 milion euro 5 dhe përfaqsonin rreth
12 % të PBB-se. 6 një studimi i vitit 2005 i IOM tregoi së 68% e
emigranteve dërgonin remitanca në familjet e tyre dhe kjo u konfirmua
edhe nga LSMS 2005.
Remitancat, të cilat vijnë kryesisht në formën e dërgesave në kesh,
kanë një efekt të fortë në luftën kundër varfërisë si dhe në stimulimin e
zhvillimit. Në strukturën e të ardhurave të familjeve shqiptare,
remitancat përfaqësojnë rreth 13 % të totalit të të ardhurave. Sipas të
dhënave të VSMJ 7 të vitit 2005, rreth 65 % e emigrantëve dërgojnë
remitanca në familjet e tyre në Shqipëri, duke kontribuar në reduktimin
e varfërisë. Niveli i konsumit dhe i varfërisë tek familjet me anëtarë
emigrantë jashtë Shqipërisë është i ndryshëm, krahasuar me familjet pa
emigrantë. Kjo e konfirmuar edhe nga VSMJ-te e 2002 dhe 2005.
Remitancat shërbejnë edhe për të mbështetur financiarisht
zhvillimin e rajoneve të mbetura pas. Por ky rol prej zhvilluesi i tyre nuk
mund të merret si i mirëqënë, pasi paratë që hyjnë jo gjithmonë mund të
transformohen në kapital që investohet. Menyra së si vijnë këto para,
sasia dhe frekuenca e tyre, shpesh kthehen në faktorë pengues, duke e
reduktuar rolin e tij vetëm në zbutës të thjeshtë varfërie. Sipas VSMJ në
2002, 3 në çdo 10 familje me emigrantë, tregojnë së remitancat u
dërgohen me qëllimin e përmirësimit të të ushqyerit dhe plotësimin e
nevojave baze 8 , 4 në çdo 10 nuk ka destinacion të përcaktuar, 1 në çdo
10 synon mbulimin e investimeve apo blerje pajisjesh, ndërsa 1 në çdo
3 Vlerësime të ISTAT
4 (Barjaba 2004, INSTAT 2002)
5 Banka e Shqipërisë
6 World Bank, Albania, Urban growth , Migration and Poverty Reduction, June 2007
7 Anketa për vlerësimin e standarteve të mjeteve të jetesës
8 World Bank, Albania Poverty Assessment, 2003.
10