Migracioni shqiptar pas viteve 90 dhe ndikimi i - Mirë se erdhet në ...

Italisë, shteteve KE dhe SHBA 16 . Këta të rinj e shohin përmbushjen e
interesit për aresimim cilësor dhe kariere profesionale, jashtë
Shqipërisë. “Në 2005 në Itali rreth ¼ e universitarëve dhe e studentëve të
huaj, përbëhej nga shqiptarë. Vetëm për vitin shkollor 2004-2005, nga të
huajt, të regjistruarit shqiptarë zinin vëndin e parë me 2,508 studente të
ndjekur nga rumunet me 363 studente. 17
2.2 Analize e emigrimit në kohë
Shqiperia ka një histori të gjatë emigrimesh masive duke filluar që
nga Mesjeta. Para shekullit të 20-të, emigrimi i shqiptarëve
karakterizohej nga lëvizje kaotike të popullsisë shqiptare, jo vetëm në
rajonin e Ballkanit, por edhe në vënde të tjera përfshire edhe Rusine dhe
Amerikën. Pushtimet, luftrat si edhe vështirësitë ekonomike ishin
shkaqet kryesore të emigrimit.
Në fund të shekullit 19-të, emigrantet shqiptarë ishin të
përqëndruar në disa rajone të Perandorisë Osmane, si në Azinë e Vogël,
Egjypt, Bullgari e Rumani. Të dhëna të vitit 1880 tregojnë se në Stamboll
kishte 60,000 shqiptarë, në Egjipt 30,000, në Rumani 10,000 dhe
Bullgari 2,000. 18
Në fillim të viteve 1900, potencialet ekonomike që ofronin SHBA,
Australia, Brazili e Argjentina, tërhoqën vëmëndjen e shumë emigrantëve
e mes tyre edhe të shumë shqiptarëve. Pas vitit 1903 emigrantët
shqiptarë u drejtuan për në Amerikë, Australi, në Madagaskar, në Hindi,
në Brazil dhe në Argjentinë. Gjatë viteve vijuese sidomos pas vitit 1905,
shqiptarët emigruan në SH.B.A. dhe në Kanada duke u nisur jo vetëm
nga Shqipëria, por edhe nga Turqia, nga Greqia dhe Egjypti. Si rrjedhojë
e kësaj përqëndrimet më të medha të emigranteve shqiptarë në këtë
periudhë jane në SHBA ku me 1910, numëroheshin rreth 30,000
shqiptarë. Në vitin 1912 numri i emigrantëve u rrit në 40.000 dhe me
1916 arriti në 50.000 deri në 80.000 emigrantë . 19
Pas Luftës së Parë Botërore, intensiteti i emigracionit u rrit në
mënyrë të ndjeshme dhe llogaritet që rreth 111.000 20 persona emigruan
në drejtim të shteteve të ndryshme e kryesisht në SHBA. Duke marre në
konsiderate faktin se popullsia e Shqipërisë në atë kohë numëronte rreth
900.000 banorë, popullsia e larguar në emigracion jashtë Shqipërisë
16 Bajraba Kosta, Looking beyond borders, August 2004
17 ZNP, Buletin Informativ “Migrator”, Tirane 2005
18 Mark Tirta “Identiteti Shqiptar në Botën e Jashteme”; Botim i Fondacionit “Friedrich
Ebert” Tirane 1999, Fq. 3.
19 Fan Noli, Vepra e 2, Prishtine, 1988, fq. 307.
20 Studim I UNDP; viti 2000;
22