Taarikhdii_sheekhii - Maktabada.com

Safarradiisii waxbarasho:
Waxaa caado ahaan jirtay ilaa haddana jirta in marka
ardaygu cilmiga ka faaiidaysto deegaankiisa uu u safro
meeshii uu cilmi kale ka kororsan karo, waxayna ahayd
caado tan iyo saxaabadii soo taxnayd.
Markii sheekh Maxamed uu kulansaday cilmigii
deegaankiisa kana qaatay culimadii magaaladiisa kuwii ugu
waaweynaa ee aabbihii ka mid ahaa ayuu goaansaday inuu
u dhaqaaqo halkii kale ee uu gaari karo cilmina ka heli
karo.
Safarkiisa wuxuu ku hormariyey Maka iyo Madiina oo ah
labada xarumood ee islaamka saldhiga u ah.
Wuxuu yiri Dr C/laahi Cuthaymiin oo ka mid ah
taariikhyahannada reer Najdi isagoo ka hadlaya safarkan
sheekha: " xasuustiisa ayey ku tiil waxyaabihii uu xajkiisii
ugu horreeyey soo arkay, wixii labada xaram uu kusoo
arkay ayaana qancin ugu fillaaday inuu tallaabadiisa ugu
horraysa xijaas ka bilaabo". 1
Markuu muddo joogay labada xaram cilmina kororsaday
ayuu soo maray magaaladiisii Cuyeyna isagoo usii jeeda
Basra (Ciraaq), wuxuuna u tagay sheekh jooga tuulo basra
u dhow oo la oran jiray Almajmuuca, xarun cilmi ayaana
ku taallay, muddo ayuuna ku nagaaday. 2
Dhowr jeer ayuu isaga noqnoqday inta u dhaxaysa Basra
iyo Axsaa (baxreyn ayey ahaan jirtay haddase waa bariga
sacuudiga). 3
Markuu Basra kasoo noqday labada xaram ayuu haddana
soo maray, xajkana wuusoo gutay, carrigiisii najdi ayuuna
kadib yimid, waxaa qassadkiisu ahaa inuu Shaam u safro
oo cilmigiisa sii ballaariyo balse mooriyaan xujeyda dhici
jirtay ayaa jidka u gashay sahaydiina ka furatay. 4
1
Sh Maxamed C/wahaab noloshiisii iyo fikirkiisii: bogga 30aad.
2
Cinwaan almajdi:1/7-8
Aldurar alsaniyah: 9/216 3
4
Alrasaail wal-masaail alnajdiyah:3/340
10