Taarikhdii_sheekhii - Maktabada.com

eer Shaam wuxuu yiri isagoo sheekh muxammad ka
hadlaya: " wuu buuxsamay, dhanka culuumta sunnada iyo
dhaqankii saxaabada ayuuna ka bislaaday, mad-habka
Axmedna xariif ayuu ku noqday". 1
Sidee sheekhu Basra uga soo baxay?
Qofka isu taaga faridda samaha iyo reebidda xumaha
dadku isku aragti kama qaataan, qaar waa soo
dhaweeyaan, waxa uu sheegana waa qaataan, qaar waa la
diriraan samaha uu sheegayana xumaan ayey ku
tilmaamaan, xumaha uu ka digayana samaan ahaan ayey
u difaacdaan, waana arrin weligeed soo taxnayd in dadku
sidaa u qaybsamo, Nabiyadii Allaah soo diri jirayna sidaa
uun ayaa dadku ugu kala qaybsami jiray, qolyo kalaa jira
oo aan danba ka gelin waxa la sheegayo, balse marka
dagaal la isaga horyimaaddo qolyaha samaddoonka la
dirira ayey la jaal yihiin.
Sheekhu Basra oo aan deegaankiisii ahayn ayuu cilmi u
doontay, intuu joogayna wacyigelin ayuu ka bilaabay balse
taa laguma nabad gelin ee waa lagula diriray, waxayna
keentay in magaalada laga soo saaro.
Taariikhyahan ibnu Bishri wuxuu yiri: " Dad reer Basra ah
oo qaarkood madaxdoodii yihiin ayaa sheekha kusoo
ururay, dhibaato daran ayeyna u geysteen, xilli kulul oo
qorraxdu bartamaha samada joogto ayeyna soo saareen,
markii uu marayey meel u dhaxaysa Basra iyo Zubeyr ayuu
dhanqalmay! oo geeri qarka u fuulay, wuuna lugaynayey
isagoo kaligii ah, waxaa markaa la kulmay nin dameer ku
shaqaysta oo magaciisa la oran jiray Abuu Xumeydaan,
wuu waraabiyey dameerkiina wuu saaray ilaa uu gaarsiiyey
magaalada Zubeyr. 2
1 Almadkhal ilaa mad-habi imaam Axmed 230, alcabuud 1/181
2 Cinwaan Almajdi: 1/8
14