C:\Users\GITOGO\Documents\8 AI6 - Excel Exams

EXCEL EXAM
A6
KENYA EXAMS ONLINE
DARASA LA NANE 2011
KISWAHILI
MUDA: SAA 1 DAKIKA
40
Soma vifungu vifuatavyo. Vina nafasi 1 mpaka 15. Kwa kila nafasi umepewa majibu manne. Chagua jibu lifaalo
zaidi kati ya yale uliyopewa.
Katika karia __1__, paliishi Mzee Kazi. Kondeni __2__ alikuwa amebuni wazo __3__ kuanzisha bustani iliyotoa
mazao na matunda mengi. Kati ya matunda hayo yalikuwa machungwa aliyoyatumia kutengeneza __4__.
Madhumuni ya sharubati yalikuwa ni matumizi yake binafsi na wanawe. Fauka ya hayo, alijitengea __5__ kwenye
bonde __6__ sana. Aliyapa maudhi __7__ kwa adinasi yeyote. Pasina shaka __8__ uadilifu.
1.A. chetu B. wetu C. yetu D. letu
2.A. lake B. chake C. mwake D. vyake
3.A. nzuri B. zuri C. mzuri D. wazuri
4.A. mkandaa B. pure C. mashendea D. sharubati
5.A. baiti B. kidurusi C. chumbani D. masika
6.A. refu B. ndefu C. mrefu D. kurefu
7.A. kipaumbele B. mawaidha C. kisogo D. jeki
8.A. alitamani B. alithamiria C. alidhamania D. alithamani
Serikali yetu __9__ kwa kutozingatia mchezo uitwao pool ambao unazidi kuwa __10__ katika sehemu mbalimbali
nchini. Ni muhimu kuzingatia umuhimu wa __11__ kwani wachezaji wanaweza __12__ katika __13__ ya kimataifa.
Mchezo huu ukichukuliwa kuwa kamari, juhudi za kuendeleza zitaambulia __14__ na mchezo __15__.
9. A. imesifiwa B. imekashifiwa C. imeimarishwa D. imetukizwa
10.A. maarufu B. marufuku C. changamoto D. duni
11.A. kuudunisha B. kuuzorotesha C. kuupuuza D. kuuimarisha
12.A. kushindwa B. kudhoofika C. kushindikana D. kutamba
13.A. sifa B. safu C. siafu D. faifu
14.A. pono B. ukingo C. nunge D. ushindi
15.A. utaimarika B. utakufa C. utapendwa D. utafaulu
Kutoka swali la 16 mpaka 30, chagua jibu lililo
sahihi
16. Safari iling’oa nanga wakati jua lilikuwa
likivaa joho lake.
A. Safari ilianza wakati wa machweo.
B. Safari ilikamilika wakati wa adhuhuri.
C. Safari ilianza wakati wa macheo.
D. Safari ilikamilika wakati wa magharibi.
17. Chagua orodha iliyo na vivumishi pekee.
A. Kitisti, asteaste, uadilifu, ihsani
B. Cheka, bingiri bingiri, imani, kashifu
C. Kwa ajili, madhumuni, kichinichini,
adhuhuri
D. Sugu, kokote, mahiri, yapi
18. Bainisha kundi ambalo lina visawe
A. Fulusi, darhimu, ghawazi, njenje
B. Amali, amani, amana, dhamana
1
Available at www.kenyaexams.com
C. Gange, uganga, uchaga, changa
D. Bashasha, bahasha, mabasha, mipasho
19. Chagua sentensi iliyo katika mahali maalumu
na ni dhahiri.
A. Joka limejitoma humu shimoni
B. Huko ndiko walikonaswa.
C. Wachezaji wote wamefika hapa ugani.
D. Aliingia humo.
20. Umoja wa sentensi “Weledi wowote hawawezi
kuiudhimisha mimea hiyo.”
A. Mweledi yoyote hawezi kuidhinisha
mmea huu.
B. Mweledi yeyote hawezi kuidhinisha mmea
huo.
C. Mweledi yeyote hawezi kuidhinishwa na
mmea huo.
D. Mweledi yeyote hawezi kuidhinika na mmea
huo.

21. Chagua kinyume cha sentensi.
Mimi ndimi niliyeibandika.
A. Wewe ndiwe uliyeibandika.
B. Mimi ndiye niliyeibandua.
C. Yeye ndiye aliyeibandua.
D. Sisi ndisi tuliyeibandua.
22. Chagua usemi wa taarifa ulio sawa wa
“Nitakusubiri hapa kesho.” Maksuudi
akasema.
A. Maksuudi akasema kwamba atamsubiri
hapa siku ya kesho.
B. Maksuudi alisema kwamba angemsubiri
hapa siku ya kesho.
C. Maksuudi alisema kana kwamba
atamsubiri hapo siku iliyofuatia.
D. Maksuudi alisema kwamba angemsubiri
hapo siku iliyofuata.
23. Jaribosi ni kwa sikio, kigwe ni kwa
A. shingo B. mkono
C. mguu D. kiuno
24. Chagua kivumishi na kielezi mtawalia kutoka
sentensi.
Mdarisi huyo aliwasili shuleni mafungulia
nyama.
A. aliwasili, shuleni
B. huyo, mafungulianyama
C. shuleni, mafungulianyama
D. huyo, aliwasili
25. Bainisha sentensi iliyo sahihi kisarufi.
A. Angekuwako shuleni angaliwaalika wageni.
B. Asingekuwa shuleni angewaalika wageni.
C. Angalikuwako shuleni angaliwaalika
wageni.
D. Asingalikuwako shuleni asingewaalika
wageni.
26. Chagua sentensi ambayo ni muungano sahihi
wa hizi.
Mwehu alijitoma darasani.
Mwehu aliwaogofya wanagenzi.
A. Mwehu alijitoma darasani kwa mintaarafu
ya kuwaogofya wanagenzi.
B. Mwehu alijitoma darasani lau aliwaogofya
wanagenzi
C. Mwehu alijitoma darasani na kuwaogofya
wanagenzi.
D. Mwehu alijitoma darasani na kuwaogofya
wanagenzi.
27. Methali, “Kozi halei kuku wa wana” ina
maadili gani?
A. Hutuonya dhidi ya kuwa na marafiki.
B. Hutuonya kuwa waangalifu na vitu vyetu.
C. Hutuonya kuwa tusitumie uwezo wetu
ovyovyo
D. Hutuonya tusiwadharau wale wanaokula
chakula duni.
28. ‘Kupata pashua la moyo’ ni
A. Kutokuwa na hamu ya kutenda jambo.
B. Kuwa na wasiwasi kabla ya kuamua kutenda
jambo.
C. Msukumo wa kufanya jambo
D. Kutokuwa na hamu ya kuendelea kufanya
jambo.
29. Barua inayopokewa kupitia tarakilishi ni
A. wavuti B. pataninga
C. mdahalisi D. mtandao
30. Kitendawili “Kabla sijala nyama, mwanangu
huila kwanza.” Jibu lake ni
A. Kuku B. Kisu
C. Kinu D. Jua
Soma kifungu kifuatacho kisha ujibu maswali 31- 40
Mambo yalipochupa mipaka na kukithiri, Adili hakuweza kustahimili tena ila alimwasa na kumwambia
Jeta ya kuwa vitendo vyake alivyovitenda vilikuwa alijojo na vinamchukiza: itakuwa bora akiviacha na akawaepuka
nemsi zake Jeta alikuja juujuu na kupandwa na ghaidhi si haba, ati kwa kuwa Adili anamtuhumu anafanya
vitendo vibaya. Chambilecho wahenga, moyo wa kupenda hauna kinyongo. Adili alisunyaa na kunyerereka.
Mambo yaliendelea na kutia maji maziwani. Sasa Adili hakuweza kustahimili tena ila alimweleza mkewe vizuri.
Jeta aliangua kilio cha kutaka kureja mastakimuni kwa wavyele wake. Adili alisema ya kuwa hapana haja ya
hayo, lakini ingekuwa bora pindi wangekaa baiti mbalimbali mpaka hasira zao ziishe. Adili alihamia kiambo
kingine akamwachia nyo Jeta.
Baada ya kupita haya, manzili yao na mahaba yao yakawa segemnege. Zilipita siku ayami pasina ya
kuonana ana kwa ana’ ingawa Jeta akipeleka waraka kwao na yeye huletewa kuelezewa kila kitu, lakini hajawaarifu
yakuwa ana ugomvi na mumewe. Baada ya mwia ayami wa kupatikana ugomvi na sintofahamu, Jeta hakujali ila aliletewa
barua za simanzi na misaada iliyohitajika.
Makazi ya upweke na kuwa mbali na adinasi aliyemuenzi yalimchosha adili, na aliondoka pasina kusema
wapi anakwenda na lini atarudi. Kabla ya kuondoka alikuja kumwaga Jeta na kumsabihia chochote atakacho na
kumpa ruhusa ya kwenda atakapo. Adili aling’oa habta na kwenda zake. Jeta alisalia akicheza kidege jinsi
2

alivyotaka; mambo yalifurutu alipokuwa mumewe hayupo. Nyumba yake ilikuwa mithani ya mkahawa kila atakaye alikuwa
na fursa ya mja na kufanya atakavyo. Hazikupita siku nyingi Jeta alichoka na maisha ya namna hiyo, na akataka kwenda
kwao. Safari ilitengenezwa na Jeta akaondoka na kwenda kiamboni kwao.
31. Kwa mujibu wa aya ya kwanza, Adili
hakuweza kustahimili tena mambo ya Jeta
kwa sababu
A. yalikiuka miigo
B. yalipindukia hasara
C. yalipita maelezo
D. yalikiuka mipaka
32. Jeta alipandwa na ghaidhi si haba. Hivi ni
kusema alikuwa na
A. hamaki na hasira kwa sababu ya kubezwa
na mumewe
B. hasira kwa sababu ya kupuuzwa kwa ajili ya
vitendo vyake
C. hamaki kwa sababu vitendo vyake viliigwa
na mumewe
D. hasira kwa sababu ya kukanywa dhidi ya
vitendo vyake
33. Jeta alikasirika kwa sababu
A. alidai mumewe alikuwa akimsingizia uovu
B. ni kweli kuwa yeye alikuwa mwadilifu
lakini mumewe akamsingizia uovu
C. Adili aliwataka nemsi zake kuja nyumbani
kwao
D. Yeye alikuwa mama aliyekasirika mara
kwa mara
34. “Mambo yaliendelea na kutia maji maziwani”
hii ina maana kuwa
A. Adili aliendelea kumkashifu akimsingizia
uovu
B. Jeta aliendelea kukataa kuchota maji
ziwani
C. Jeta aliendelea na tabia yake mbaya bila
kujali maonyo
D. Adili na mkewe Jeta waliendelea kupigana
nyumbani
35. Kulingana na kifungu hiki, Adili alihamaki
akamwachia nyumba Jeta kwa mintaarafu ya
nini?
A. Adili aliona ilikuwa heri kuondoka mpaka
hasira zake zipungue kabisa
B. Adili alikuwa amemchukia sana Jeta kwa
sababu ya tabia yake
C. Adili alikuwa amechokeshwa sana na
maisha ya Jeta
D. Adili alikuwa akitaka Jeta awe na upuuzi
3
36. Kwa mujibu wa kifungu hiki, neno ‘kukithiri’
lina maana gani?
A. kudhihirisha
B. kuzidi
C. kupungua
D. kuonekana waziwazi
37. Kulingana na kifungu hiki ulichosoma, neno
linalotumiwa badala ya kuudhi ni gani?
A. kukereketa
B. kutuhumu
C. kuchupa mipika
D. kuchukiza
38. Jeta alituhumiwa na mumewe Adili kwa
sababu ya tabia yake. Hivi ni kusema Jeta
A. aliadhibiwa na mumewe
B. alinasihiwa na mumewe
C. alishukiwa na mumewe
D. alishutumiwa na mumewe
39. Baada ya kupita haya, manzili yao na mahaba
yao yakawa segemnege. Hivi ni kusema
baadaye
A. mambo yao na mapenzi yao yalikuwa
ndivyo sivyo
B. mambo yao na mapenzi yao yalikuwa
shwari
C. mambo yao na mapenzi yao yalirudia hali
ya kawaida
D. mambo yao na mapenzi yao yalitengenea
40. Kwa mujibu wa kifungu hiki, baada ya mume
kuondoka nyumbani mwake kwa muda mrefu,
A. hatimaye tabia ya mkewe Adili ilibadilika
na mumewe akarejea kiamboni kwao
B. hatimaye tabia ya mkewe ilimfanya ajute
mpaka akahiari kuondoka na kwenda kwa
wavyele wake.
C. hatimaye marafiki zake Jeta walimsaidia
mpaka nyumba ikawa kama mkahawa
D. hatimaye wazazi wa Jeta walikuja
kumchukuwa wakamrejesha kwao

Soma taarifa ifuatayo kisha ujibu maswali 41 mpaka 50
Mwaka uliopita shule yetu ilichaguliwa kuwa kituo cha kukutania kimichezo. Tulikuwa na michezo aina
ainati shuleni kwetu. Maandalizi yalikuwa kabambe bin kabambe. Mdarisi wa michezo ya riadha alikuwa na gange ya tija
na tijaranya kusimamia maandalizi hayo. Sisi wanagenzi tulikuwa katika mstari wa mbele kabisa kuhakikisha kila kitu
kiliendelea sawa kwa ajili ya kuwa nilikuwa kiranja mkuu.
Siku moja ya Jumatatu wakati wa macheo, mdarisi Bw. Jagina aligonga kengele akatuita twende uwanjani.
Alituambia tutengeneze uwanja wa kufanyia michezo ya riadha. Tulichora mistari yenye safu sita kuzunguka uwanja. Alituambia
hiyo ni sehemu ya wakimbiaji wa masafa au vitalifa mbalimbali. Tulijua kwamba wakimbiaji
wa masafa mafupi, kiasi cha mita mia moja, wangetimuka usawa wa goli moja hadi jingine. Wakimbiaji wa mita
mia mbili wangezunguka nusu ya mzunguko wa uwanja mzima.
Walikuwapo wakimbiaji ambao wangezunguka uwanja mzima mara moja, mara mbili na mara kadhaa
kulingana na masafa ya mbio zao. Mbio nyingine zilikuwa ni za kupokezana vijiti. Mbio hizo husisimua sana.
Wapo wanariadha waliokimbia kwa kuchupachupa mithili ya kangaruu au Abunuwasi. Watoto wadogo walipaswa
kukimbia kwa kusukuma magurudumu huku wengine wakiwa na mayai kwenye vijiko. Wengine walicheza mchezo
wa kubururana kwa kamba. Hayo yote tulielezwa na mdarisi Bw. Jagina. Katikati ya uwanja paliandaliwa michezo anuwai
kama vile; kutupa tufe, kurusha mkuki, kutupa kitumbua na ulengaji shebaha. Papo hapo palikuwa na sehemu iliyotengwa
kwa michezo ya kuruka chini na kuruka juu. Fauka ya hayo, kulikuwa na kuruka kwa upondo.
Tuliandaa mzunguko wa uwanja, mahali pa kukimbia kwa kuruka viunzi. mchezo huu ni wa ajabu zaidi.
Ilipofika siku ya Jumamosi, shule yetu ilijaa na kufurika furifuri umati wa mahuluki kiasi cha kwamba mwenzako akikupotea,
usingeweza kukutana naye tena, labda kwa bahati nasibu tu. Mimi nilikuwa mkimbiaji mahiri kiasi cha kusimama na
kushindana na swara. Basi, kabla ya kwenda kwenye mbio zangu, nilipata nafasi ya kuangalia na kutazamatazama michezo
ya kandanda, raga, mpira wa pete, magongo, jugwe, voliboli na netiboli. Hatimaye, nilijiunga na wapasua hewa wenzi
wangu kama kina Maksudi, Hekima na wengineo.
41. Shuleni kulikuwa na michezo aina ainati. Hivi
ni kusema michezo ilikuwa
A. haba
B. anuwai
C. aina ya kuchokesha
D. migumu mno
42. Shule yetu ilichaguliwa kuwa kituo chao
kukutania kimichezo. Hivi ni kusema shule
yetu
A. ndiyo iliyokuwa kituo cha maandalizi
B. ndiyo iliyowaalika wenyeji wa michezo
hiyo
C. ndiyo iliyokuwa mwenyeji
D. ndiyo ingekutana na wachezaji wote wa
michezo
43. Wanagenzi walishirikiana na mdarisi wa
michezo
A. kuandaa timu yetu ya michezo
B. kuwapokea wachezaji mbalimbali
C. kuwa katika msitari wa mbele
D. kuandaa yaliyohitajika kukimarisha
michezo
44. Kwa mujibu wa taarifa hii, mchezo wa
kubururana kwa kamba ni
A. jugwe B. magongo
C. raga D. tufe
45. Mbio za masafa marefu ni kama vile
A. kuruka viunzi
Available at www.kenyaexams.com
4
B. mbio za kupokezana vijiti
C. mbio za mita mia moja
D. mbio za nyikani
46. Mchezo mwingine wa watoto wadogo ni
A. kurusha mkuki
B. kuruka kwa upande
C. kukimbia mbio za kuchupachupa
D. kucheza raga
47. Kutupa vitumbua ni mchezo unaoshirikisha
A. wazee pekee yake
B. wazee na vijana
C. wavulana na wazee
D. wasichana na wazee
48. Mwalimu wa michezo katika shule yetu
alikuwa
A. Hekima B. Maksuudi
C. Hakutajwa jina D. Jagina
49. Msimulizi wa taarifa hii alikuwa ni
A. mwanariadha wa masafa marefu
B. mwanariadha wa mbio za kuruka viunzi
C. mwanariadha wa masafa mafupi
D. kiranja mkuu lakini sio mwanariadha
50. Kwa mujibu wa taarifa hii, ni mchezo upi
mmoja ambao hauwezi kuchezwa na
wasichana
A. mwereka B. hakuna
C. ndondi D. kuruka viunzi