Shkarko - Ministria e Administratës Publike

Masa 2.2. Rishikimi i progresit të zbatimit dhe përditësimit të Strategjisë së RAP dhe
Planit të Veprimit. Ky do jetë aktiviteti kryesor për vitin 2010 për Departamentin e
RAP-it dhe Integrimeve Evropiane.
OBJEKTIVA STRATEGJIKE 3: PËRMIRËSIMI I SHËRBIMEVE TË OFRUARA PËR QYTETARËT
NËPËRMJET KANALIZIMIT TË PROCESEVE ADMINISTRATIVE, ZVOGËLIMIT TË BARRIERAVE PËR TË
SUGURUAR QASJE DHE APLIKIMI I ZGJIDHJEVE TË E-QEVERISJES
Masa 3.1. Të riorganizohet Departamenti i TI, të alokohen burimet për të kanalizuar
procedurat administrative dhe për zhvillimin e politikave të e-qeverisjes. Pjesa e
mbetur e vitit 2009 do t’i kushtohet hartimit të përshkrimit të vendeve të punës për
divizionet e porsakrijuara dhe për procesin e përzgjedhjes së stafit. Më 2010 stafi do t’i
nënshtrohet një procesi për ngritjen e kapaciteteve.
Masa 3.2. Gjatë vitit 2010 të krijohet Agjencia e specializuar për Shërbime të TI-së në
kuadër të Ministrisë. Agjencia do të jetë përgjegjëse për shërbime mbështetëse të cilat
aktualisht ofrohen nga departamenti dhe teknikisht për zbatimin e Strategjisë së eqeverisjes
si dhe për politikat e zhvilluara nga Divizioni për e-Qeverisje. Agjencia
gjithashtu do të ofrojë mbështetje për zbatimin e zgjidhjeve të e-qeverisjes për
proceset administrative dhe shërbimeve të ofruara për qytetarët.
OBJEKTIVA STRATEGJIKE 4: FOKUSIMI I BURIMEVE NË FUNKSIONET E POLITIKËBËRJES DHE
RRITJA E KAPACITETEVE PËR KRIJIMIN E POLITIKAVE
Masa 4.1. Të riorganizohet gjatë vitit 2009 Departamenti për Shërbime të
Inxhinieringut dhe Menaxhimit të Ndërtesave si dhe të krijohet një Divizion për
Politikat dhe Strategjinë për Pasuritë e Patundshme ku si detyrë kryesore do të kishte
hartimin e strategjisë së qeverisë në këtë fushë dhe të përgatis planin e veprimit për
intervenimin e dytë në Departament. Gjatë periudhës 2010-2011 Divizioni për
Shërbime të Inxhinieringut së pari do të transformohet në Ndërmarrje Publike dhe më
pastaj duhet të privatizohet. Përveç kësaj, divizioni i mbetur i Menaxhimit të
Ndërtesave do të transformohet në Divizionin për Investime në Ndërtesa, Prokurim
dhe Monitorim.
Masa 4.2. Të transferohet gjatë vitit 2010 Agjencia Kadastrale e Kosovës në kuadër të
Ministrisë së Mjedisit dhe Planifikimit Hapësinor.
Masa 4.3. Gjatë vitit 2010, posa të krijohet korniza ligjore, të transferohet funksioni i
regjistrimit të OJQ-ve te Ministria e Tregtisë dhe Industrisë dhe funksioni i Mbikëqyrjes
së OJQ-ve me status të interesit publik të vendoset te administrata tatimore.
Masa 4.4. Të përgatitet një plan gjatë vitit 2010 dhe të transferohet Agjencia e
Statistikave te institucioni më i përshtatshëm.
10