Freyja 2009 - tímart POWERtalk á Íslandi

Ávarp forseta
POWERtalk International
á Íslandi
Stef forseta: „Að fortíð skal
hyggja ef frumlegt skal byggja“
Í vetur hafa samtökin starfað
undir nýju heiti, POWERtalk
International á Íslandi. Hefur
verið ánægjulegt að fylgjast
með því hvað félagar hafa allir
tekið höndum saman og notað
nýja heitið.
Miklar breytingar hafa átt sér
stað í þjóðfélaginu á undanförnum
árum bæði á sviði
tækni og eins því hvers krafist
er af fólki á vinnumarkaði.
Þess vegna er mjög mikilvægt
fyrir okkur að vera meðvituð
og tilbúin að aðlaga starf samtakanna
að nýjum tímum með
breyttum áherslum, þó á þeim
grunni og þeirri reynslu sem
samtök okkar byggjast á.
Útbreiðsla er okkur ofarlega í
huga og síðasta sumar var
hafist handa við að setja upp
nýja heimasíðu fyrir samtökin.
Gekk sú vinna einstaklega
hratt og vel og var ný og glæsileg
heimasíða komin í gagnið í
byrjun september. Heimasíða
er ótrúlega mikilvægt og öflugt
útbreiðslutæki og ég veit að
allir eru meðvitaðir um það og
fullir af eldmóði til að hafa á
síðunni nýjustu upplýsingar og
áhugavert efni. Vil ég þakka
þeim sem komu að undirbúningi
sérstaklega vel fyrir frábæra
vinnu.
Á þessu starfsári hafa verið
haldnir tveir kynningarfundir.
Við undirbúning fyrir seinni
fundinn bauðst okkur samstarf
við Nískupúkann.is – vin neytandans,
til að kynna samtökin
og kynningarfundinn. Er þetta
í fyrsta skipti sem við fáum
utanaðkomandi aðstoð til að
kynna samtökin. Nískupúkinn
er með um 1700 manns á póstlista,
75 skráðu sig á fundinn.
Þrátt fyrir að einungis 16
manns hafi komið á kynningarfundinn
þá erum við sannfærð
um að mörgum fræjum hefur
verið sáð, því fjöldi manns las
þessa auglýsingu og hefur þar
með heyrt minnst á POWERtalk
samtökin. Það var frábært
að vera í samstarfi við Nískupúkann,
bæði vegna þess hvað
þeir eru öflugir og ekki síður
mikilvægt að fá þeirra sjónarhorn
á hvað þeir telja vera
árangursríkt í útbreiðslu.
Félagar í íslensku samtökunum
eru öflugir og sést það meðal
annars á því að við eigum nú
þegar þrjá Fellow of ITC og 26
félagar eru leiðbeinendur - það
er, þeir hafa farið í gegnum
skipulagt námskeið þar sem
þjálfun í POWERtalk námsefninu
fór fram.
Á heimsþinginu í sumar
verðum við sýnileg, því þar
mun Gunnjóna Una Guðmundsdóttir
keppa í ræðukeppni sem
haldin er fyrir félaga sem ekki
hafa ensku að móðurmáli.
Þrátt fyrir að okkur hafi ekki
fjölgað í vetur hefur starfið í
deildum gengið vel og hefur
verið ánægjulegt að fylgjast
með kraftinum og þeim fjölbreyttu
verkefnum sem félagar
hafa tekið að sér.
Á ráðsfundi 5. mars s.l. var
samþykkt tillaga Jóru þess
efnis að leggja niður starf
POWERtalk á Íslandi á ráðssviði.
Fyrir marga var þetta
erfið ákvörðun, en í ljósi þess
að erfitt hefur verið að fá félaga
til starfa í stjórn og nefndum
var nauðsynlegt að staldra við
og endurskoða starfið.
Embætti varaforseta verður
bætt við í landsstjórn og mun
tryggt að skyldur ráðs færast
yfir á landsstjórn og má segja
að fræðsluskyldan sé þar mikilvægust.
Ég er sannfærð um að
þessi einföldun á samtökunum
á eftir að reynast vel og félagar
gefi kost á sér í stjórnunar- og
nefndarstörf, því við megum
ekki gleyma því að það er
mikilvægur hluti af þjálfun
okkar að starfa í stjórnum og
nefndum.
Nú líður að lokum þessa starfsárs
og vil ég þakka samstarfsmönnum
mínum í landsstjórn
og öðrum félögum fyrir mjög
gott samstarf.
Framundan er landsþing sem
er bæði árshátíð og uppskeruhátíð
því öll dagskráin er í
höndum félaga. Við í landsstjórninni
hlökkum til að taka á
móti ykkur þar, til að fræðast
og eiga góðar stundir saman.
Kærar þakkir fyrir samstarfið í
vetur, höldum áfram að efla
okkur sjálf.
Jóna Sæmundsdóttir
forseti POWERtalk á Íslandi
3