Siglingafélagið Ýmir

Siglingafélagið Ýmir 

Skýrsla stjórnar fyrir starfsárið 2010 

Kæru félagar 

Nú er lokið enn einu starfsári Siglingafélagsins Ýmis og félagsmenn koma saman á 

aðalfundi til að gera upp árið og leggja línurnar fyrir næsta ár. Síðastliðið ár var mjög 

líflegt hjá félaginu og leggur stjórnin stolt fram þessa skýrslu sem við vonum að 

félagsmenn séu sáttir við. 

Aðstaðan 

Hin nýja glæsilega félagsaðstaða okkar hefur nýst félaginu vel frá því lokið var við 

byggingu hennar. Framkvæmdum er þó ekki að fullu lokið en nokkur frágangsvinnia 

er eftir kringum húsið. 

Yfir sumarmánuðina iðaði allt af lífi hér frá morgni til kvölds en Kópanes 

(sumarnámskeið) voru hér á daginn og síðan tóku við æfingar á vegum félagsins 

seinni part dags auk þess sem tilkoma bryggjunnar hefur fært aukið líf í kjölbátasiglingar 

á vegum félagsins. Þá var haldið hér þjálfaranámskeið í samvinnu við 

Siglingasamband Íslands og ISAF um mánaðarmótin apríl og maí og æfingabúðir í 

júlí. 

Á árinu var skifað undir rekstrarsamning við Kópavogsbæ vegna aðstöðunnar og er 

hann í samræmi við samninga annarra íþróttafélaga í bænum. 

Salurinn hefur nýst félagsstarfinu vel auk þess sem hann hefur fært okkur nokkrar 

tekjur af útleigu. Salurinn er vel búinn til veisluhalda og hefur eftirspurn verið mikil. 

Stjórnin hefur þó gætt þess að félagið er í fyrsta sæti hér og því ekki farið offari í 

útleigu. 

Hljóðvist í salnum var bætt til muna með því að klæða loftið að hluta. Við það minkaði 

bergmál verulega en betur má ef duga skal. 

Nú í vor er salurinn bókaður alla fermingardaga auk þess sem búið er að bóka hann 

fyrir nokkur afmæli og fundi fram á vor. 

Flotbryggjan 

Á vormánuðum var steyptur stöpull fyrir landgang og flotbryggju komið fyrir. Við 

bryggjuna eru stæði fyrir átta til níu báta auk þess sem gæslubátar hafa getað lagt við 

hana. Um mitt sumar var síðan sett hlið á bryggjuna og lagt vatn að henni. Á þessu 

ári stendur síðan til að leggja út á hana rafmagn. 

Bryggjan var fullnýtt í sumar og er full þörf á að lengja hana um eina einingu. Vonandi 

fæst sú lenging í gegn hið fyrsta. 

Mjög gott skjól er fyrir báta við bryggjuna en þrátt fyrir það losnaði hún upp á einu 

horni í sumar en með snarræði nokkurra félagsmanna tókst að koma í veg fyrir tjón. 

Það sem virðist hafa gerst er að keðja hafi legið í flækju á botninum og síðan allt í 

einu losnað um flækjuna og því lengst verulega í þeirri festingu með þeim afleiðingum 

að bryggjan færðist úr stað. 

Fyrir sumarið stendur til að ganga betur frá botnfestum þannig að þetta komi ekki fyrir 

aftur. 

Ein erlend skúta kom til hafnar hjá okkur á síðasta sumri. Það er skútan Chamade frá 

Sviss. Þessi skúta var síðan hífð á land og hefur hjá okkur vetursetu. Fleiri erlendir 

skútueigendur hafa sett sig í samband og er því að koma hér vísir að ferðaþjónustu.

Barna- og unglingastarf 

Æfingar fyrir börn og unglinga var með blómlegasta móti. Myndarlegur hópur sem 

stundaði æfingar þrisvar í viku undir handleiðslu Arons Steins Guðmundssonar, 

Birgis Sigurðssonar og Helga Freys Ólafssonar sem skiptu með sér æfingum. 

Samhliða æfingum voru nokkur byrjendanámskeið haldin og kom nokkur nýliðun af 

þeim upp í æfingahópinn sem nú telur 12 einstaklinga. 

Eins og sumarið á undan var alltaf einn stjórnarmaður til aðstoðar á æfingum, auk 

þess sem foreldrar veittu oft mikla og ómetanlega hjálp. Það var oft mikið um að vera 

á æfingatímunum og kom oft fyrir að allir bátar væru komnir á sjó og var miður 

gaman að þurfa að vísa frá. Stjórnin tók ákvörðun um mitt sumar að bæta einum 

Topper Tópaz báti við flotann, báturinn var til hjá Siglingasambandinu. Sótt var um 

styrk til Íþróttasjóðs Ríkissins til kaupanna og var að koma frá þeim svar vegna styrks 

sem nemur 1/3 af kaupverði bátsins. 

Árangur á mótum 

Eftirfartaldir félagsmenn tóku þátt í opinberum mótum á árinu: 

Ýmir Guðmundsson 

Opnunarmót kæna 7. Sæti 

Miðsumarmót kæna 6. sæti, A flokkur 

Íslandsmót kæna 8. sæti, A flokkur 

Sigurjón Ágústsson 



Sumarmót Brokeyjar 5. sæti, A flokkur 


Baldvin Ari Jóhannesson 


Sumarmót Brokeyjar 3. sæti, B flokkur 

Gaukur Steinn Guðmundsson 


Miðsumarmót kæna 6. sæti, B flokkur 

Íslandsmót kæna 5. sæti, B flokkur 

Gunnar Bjarki Jónsson 

Miðsumarmót kæna 2. sæti, B flokkur 


Hinrik Guðmundsson 



Aron Steinn Guðmundsson 

Miðsumarmót kæna 2. sæti, Opinn fl. 

Eyþór Aðalsteinsson 

Miðsumarmót kæna 9. sæti, Opinn fl. 1 

Sumarmót Brokeyjar 9. sæti, Opinn flokkur 

Íslandsmót kæna 10. sæti, Opinn flokkur 

Áramót 9. Sæti 

Aðalsteinn Jens Loftsson 

Miðsumarmót kæna 7. sæti, Opinn fl. 2 

Íslandsmót kæna 4. sæti, Laser flokkur 

Áramót 1. sæti 

Ásmundur Ásmundsson 


Sigurður Örn Alfonsson 


Páll Hreinsson 

Íslandsmót kjölbáta 3. sæti, Sigurborg 

Lokamót kjölbáta 2. sæti, Sigurborg 

Axel Wolfram 



Smári Smárason 


Hannes Sveinbjörnsson 


Birgir Ari Hilmarsson 

Lokamót kjölbáta 3. sæti, Aría 

Sigurður Jónsson 


Guðmundur Hauksson 


Jón Gunnar Hilmarsson 

Lokamót kjölbáta 3. sæti, Aría

Secret 26 

Báðir bátarnir voru á sjó í sumar og lágu við nýju bryggjuna hjá Ými. Mikil eftirspurn 

var í leigu en aðeins haldið eitt námskeið. Það má segja að um mitt sumar hafi báðir 

verið á siglingu alla daga. 

Fyrir sumarið voru þeir báðir skoðaðir, keypt var ný talstöð í annan bátinn og 

rafgeimar í þá báða. Auk þess sem keyptar voru nýjar vöggur fyrir þá. Nú bíða þeir 

eftir því að komast inn til viðhalds en nýju vöggurnar gefa okkur færi á að rúlla þeim í 

hús. 

Mótahald 

Félagið hélt fimm mót á árinu. Opnunarmót kæna, Miðsumarmót kæna, Sumarmót 

kjölbáta, Lokamót kjölbáta og Áramót. 

Öll þessi mót tókust mjög vel og er þeim fjölmörgu sjálfboðaliðum sem unnu fórnfúst 

starf við þessi mót þakkað fyrir. 

Opnunarmót kæna fór fram 5. júni og voru þátttakendur 14 talsins, keppt var í tveimur 

flokkum, Optimist og opnum flokki. 

Miðsumarmót kæna fró fram 3. júlí og var það haldið í framhaldi af æfingabúðum. 

Þátttakendur í miðsumarmóti voru alls um 40 talsins en keppt var í fjórum flokkum. A 

og B flokk Optimist, opnum flokki 1 og opnum flokki 2 

Sumarmót kjölbáta fór fram 17 júlí og voru tvær umferðir sigldar. Aðeins fjórar áhafnir 

mættu til leiks að þessu sinni. 

Lokamót kjölbáta fór síðan fram 11. september. Sjö áhafnir hófu keppni við 

Reykjavíkurhöfn en sex skiluðu sér í mark í Kópavogi þar sem ein áhöfn dró sig í hlé 

á leiðinni. 

Áramót Ýmis var haldið að venju á Gamlársdag. Þetta árið var metþátttaka, 15 

keppendur á 9 bátum. 

Æfingabúðir 

Um mánaðarmótin júní/júlí voru haldnar hjá okkur æfingabúðir í samvinnu við SÍL. 

Alls tóku nærri 50 ungmenni þátt í þessum æfingabúðum sem stóðu í fimm daga og 

komu þátttakendur frá 6 siglingafélögum. Leiðbeinandi var Tom Wilson frá Bretlandi. 

Ásamt honum voru þjálfarar siglingafélaganna til aðstoðar. Það var mikið líf og fjör 

þessa daga hjá okkur og var gaman að fylgjast með krökkunum. Fossvogurinn var 

svo að segja fullur af seglum og þegar í land var komið skein ánægjan úr hverju 

andliti. Hádegisverður var borinn fram handa þátttakendum í salnum okkar og sáu 

starfsmenn Kópaness um matinn og aðra þjónustu þessa viku. Við kunnum þeim og 

Kópavogsbæ bestu þakkir fyrir framlagið. Þá gistu þátttakendur af landsbyggðinni í 

íþróttahúsi Kársnesskóla. 

Félagsstarf 

Fyrir utan hefðbundið siglingastarf í sumar hefur í haust og vetur verið opið eftir því 

sem hægt er á laugardögum. Húsið hefur verið opið frá kl. 12 og eitthvað frameftir. 

Rjúkandi kaffi á könnunni og oft eitthvað með því. Félagsmenn geta komið, spjallað 

saman eða skoða siglingablöð. Stundum hafa þeir hörðustu farið að sigla. 

Nokkur rafræn fréttabréf voru send út á síðasta ári.

Afmæli 

Ýmir verður 40 ára í ár. Félagið var stofnað 4. mars árið 1971. Ákveðið hefur verið að 

minnast tímamótanna á afmælisdaginn og hefur þegar verið skipuð afmælisnefnd. Í 

nefndinni eru Margrét Björnsdótti, Erla Alexandersdóttir og Ólafur Sturla 

Hafsteinsson. Þá er Páll Hreinsson að taka saman sögulegar heimildir í tilefni 

tímamótanna. Afmælisdagskrá verður nánar gefin út á næstunni. 

Lokaorð 

Kæru félagar, bjartir tímar eru framundan hjá félaginu okkar. Aðstaðan orðin til 

fyrirmyndar og innviðurinn góður. Ýmir er á góðri leið með að verða aftur hið mikla 

stórveldi í siglingaheiminum sem það áður var. 

Ég þakka öllum þeim sem lagt hafa hönd á plóginn í starfi félagsins á árinu. Ég þakka 

sérstaklega stjórnarmönnum þeirra góðu störf sem og nefndarmönnum. Þá einnig 

öllum þeim sem með einum eða öðrum hætti lögðu fram vinnu við mótahald, 

flotbryggju, barna- og unglingastarfið og annað í starfsemi félagsins. 

Fyrir hönd stjórnar Ýmis 

Birgir Ari Hilmarsson 

formaður

Siglingafélagið Ýmir

Create successful ePaper yourself

Delete template?

Save as template?