Qafarey, Qafar xaylow - Afar Forum
Qafarey, Qafar xaylow - Afar Forum
Qafarey, Qafar xaylow - Afar Forum
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
<strong><strong>Qafar</strong>ey</strong>, <strong>Qafar</strong> <strong>xaylow</strong><br />
Maca neh taysseeh? intah tan esserok ugutak, mascassa<br />
ceelah yan yaabat yaabam faxak, yoolih kusaaqissay fayissa.<br />
Naharaak nanu kulsa elle linom macaay? boola elle linom<br />
macaay? innamak ugutnek. Kulsi nek gadda le baaxoy Afrikah<br />
gaysih caddol fula ley ISTRATEGIIKIK tani ( buqre iyyenik fidin<br />
baaxoy kallayti kak xarraytu baahe sinni, Barakinih tu gactek<br />
Afrikah gayssal baxsa yan saami lem qafar rasu, gaddak fula leh<br />
yan gadday qasa badih gadda kinnih iyyah saami lem kaadu qafar<br />
rasu akkaluk 1500km yakkeh yan baddi maadu lem qafar baaxo,<br />
abuuy akaakayyu qafar ikoytah leh tan lacti tuxxiq akkuk yeneh<br />
gide akke waa way; uxih yaanam qafar kah tan). Tah inkih anuk,<br />
nanu baacaay; tû-sinnaay; dulaay dalkat kah geytimnam macaay<br />
intah tan maxco takkel agaaradam faxam. Tamah taniimi'kkal<br />
aqrah ma tanak ma'nnal kak korsitnaah, maca nek faxximtaah,<br />
yanam inne nee tekkek:<br />
1 - yoh tambullem tah inkih nee kak tabbixu duddem Tû-sinna.<br />
Nanu <strong>Qafar</strong>ak, qaku naale way, boola mannu. Tiyay nismiteh<br />
iyyay net maali gadda le mari ane waam fanah, qadaagaay;<br />
tellemooy; boqoyshira sinaama'lluk alle waynam fanah, mano nek<br />
bissoh mintaay, kah nan dubya dananak makorsitna. Aallinnaanim<br />
marah aallennooh, qaku buxah orbissenno.<br />
2 - wagga hayteenik, mari nee'lluk elle yan rassu hinnay, cagallah<br />
nan baaxooxah addal tellemoo kee boqoyshirah allahi marih gabat<br />
tan. Nanu cagalnah nan baaxoxah addal, ninim gabat luk marak<br />
xaamitnaah, ninih dukkaan nek loowitah yan num ma yan, maaqoh<br />
arac nek loowitah yan num ma yan.<br />
Tahat inkih koossitnuh nek faxximtam macaay ?????????<br />
<strong>Qafar</strong> Kulsi Sandug (QKS) xissaanam faxinta. Tama Sandug<br />
xissimuh <strong>Qafar</strong>ak Sidooca baaxok adoytit dooranam faxximta.<br />
<strong>Qafar</strong>ak gaddaleela elle aninnaanih rasul (Gabuuti takkay,<br />
Itiyoobiya takkay, Eretriya takkay, hinnay kaadu afa-baaxol<br />
geytimtah tan qafar takkay). Adoytit doorimtê gamadal, kaxxa<br />
taama faxxinta. Too tama elle kulsa taallu waytam, doorenih yanin<br />
adoytit gexissu waytah tan taama. <strong>Qafar</strong>ak gaddaloola<br />
geyssiseenik gamadal, sanat gide takkem maaluk timixxigem
keenik beyaanam keeh, aracat tet hanama. Tohuk lakal<br />
taakumeemik, Gabuutik inaytâ mandaral qafar maddartiinoh<br />
caddol kulsa bahtuh, naharaak deeqo abba heenih boqoyshirâ<br />
taamah tu-habit elle yagdaboonu waanah yanin gurrih waraakit<br />
(feasibility studies or business plans) xayyosaanam keenik<br />
essereenama. Toh kak yassakaatu waanah yanin marak, tamah<br />
yagdaboonuh, Sandug maaluk timixxigem keenih tamcayyeeh, too<br />
maalu elle gacsoonu waan gitih migda axaguk keenik raqak,<br />
Sandug adoytit taama keeni'llih kataatak raqta. Lakqo kah yecen<br />
mari, keenih madqeenih yanin uddurih addat, keenih yeceenim<br />
gacissiiy, alsal Sanduguh kaal heenim baaham kaak faxximtam<br />
taama gexissi haam fanah QKS kaak maraqta. Gaddaloolitiy<br />
Sandugut gaba tessegelle, keenik beenih yanin maaluk<br />
udduruluuy tu keenih gacisak, kenim keenih taduurem faxximta.<br />
Inkadda yaceenim faxe gide takke kal, tohuk wadir QKS keenik<br />
faxak raqtuwaam mali. Toh kah kinnim, QKS maalu kah teceh tan<br />
mari, teetit adoytiitih raaqaah, alsal keenil heenim acayuk raaqan.<br />
Too'nnal, amoh tan Gabuutil, <strong>Qafar</strong> qadaagâ caagidil kaxxah yan<br />
kulsa baahele.<br />
Itiyoobiyah tu gactek, QKS, qafar rakaakayih addal fidin<br />
baaxoy qafar buqre elle abtuh dudda kah aalle waytah tanih iyah,<br />
kulsa akkuk buqre baaxo leh yan marah Gabuutil kah abba heen<br />
innah abaanam faxinta. <strong>Qafar</strong> elle aninnaanih rasul qeddadô<br />
ceyak <strong>Qafar</strong> ummatta tawqem keh.<br />
Baddaafat raqta baaxooxah tu gactek, taalluwaytam gaca<br />
saami hinna Oson taamah loonum inkih kullum taama tekkek<br />
wadir, ken elle cataanam faximtam dawaanik kee hawaari limo.<br />
Tuh orbisih oson ma gacan. Qarab rasu kee qafar rasih fanat<br />
merraytuh tanim keeniiy, aboonu waan taama, elle aboonu waan<br />
gurrih migda isinnih bahite lon. Aka baaxooxal kah tikki ittennah<br />
keenih akkele.<br />
Tohuk wadir, yi toobokoy <strong>Qafar</strong> ummattat ceyah tanim tûsinna<br />
kinnim nismitek wadir, tannah yan eglâ Sandug bicam qafar<br />
sarri-maqaaneh able. Kaadu toh bictek wadir, ummatak mano<br />
xinto fayya axce leeh, barittot nek yan num baritto caddo guffsele.<br />
Nakkem fanxeeh, raaqeh yan ayyuntat matarnam fanxek,<br />
maddartiinô kulsa naallem faximta. Faxe'kkel siyaasô gexso koo<br />
abe kalaanam bictah. Takkay immay, maddartiino abe koo kaltam<br />
tanim m'akkala; sinamak tu faxe waytek wadir.
Awayih ibak tama gidet kak adeeh, ciggiltah tan exa ahimih<br />
kusaq sinik ubleek lakal sinih baxxaqisseyo; toh ( tama elle takku<br />
wa gurra kee QKS elle xissimtu duddanih mala).<br />
<strong>Qafar</strong>ak Paltalk saqoltik tama caagid neh fokkaqtaanam fanna,<br />
innih yan numuk elle anih an baaxol Paltalk bica mayyu.<br />
Salamata.<br />
Sin kacnoyti<br />
Adam.M.Ismail<br />
N.I: raddi kaal elle gacissoonu duddaanam: matriss31@hotmail.com