1ue4FyT
1ue4FyT
1ue4FyT
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Hilaadinta Fanka iyo Suugaata<br />
Halabuurka fanku asagu na, sida uu u dhan yahay, waxa uu ku arooraa han iyo hilaadin. Fannaan, maansoyahan,<br />
muusiqeeye, qoraa masrax iyo sheeko, iyo farshaxan kale, mid kasta oo uu yahay, adduunka ayuu u eegaa una arkaa si<br />
dadka kale ka duwan. Isha ayuu geliyaa, ka dibna inta uu furfuro oo uu cardaadduqaha ka dhigo ayuu si kale maskaxdiisa<br />
dib ugu dhisaa. Tiisa hummaagga ah ayaa qalbigeenna qaadata oo aynu la ashqaraarnaa oo ku hirannaa. Adduunka uu<br />
halabuuray waa hilaadinta cabqariyadda fannaanka ee si kale uga muuqaal-celinaysa adduunkeenna iyo waayaha<br />
nolosheenna. Filqanka dunida iyo waxa ku nool buu si aan caadigii lagu ogaa ahayn u rogayaa oo u dhaqdhaqaajinyaa.<br />
Hummaagyada uu asagu ka halabuuray buu ina rumaysiinayaa.<br />
Maxamed Ibraahin Warsame “Hadraawi” tixdiisa Debedyaal, ninka uu ula baxay magacaas ee uu tixda na ugu magac-daray,<br />
ma aha nin nool oo jira. Hadda na waa qof leh sifaale gaar ah oo dadka lagaga soo sooci karo, waa shakhsiyad suugaaneed<br />
ama faneed dhab ahaan u jirta. Jiritaanka shakhsiyaddaasi kuwo nool oo dhulka dushiisa soconaya bay ka sugnaan roon<br />
tahay. Waxaynu odhan karnaa Hadraawi meel durugsan buu ka hilaadiyey qofaynta debedyaal.<br />
Debedyaal dad ahaan buu ugu soo arooray tixda. Waxa ka sii xeel dheer marka uu fannaanku qofeeyo wax kale oo aan dad<br />
ahayn. Xasan Cabdillaahi “Ganey” gorgor buu hortiisa soo fadhiisiyey oo uu waraysi iyo dood dheer la yeeshay. Hadraawi<br />
na mar kale, tixdiisa Daahyaley, silsiladdii Deelley lafteeda ayuu ka dhigay qof uu la hadlayo. Waa kan ducada faraya ee ku<br />
odhanaya:<br />
Deelleyna aan faro<br />
Duco iyo sidii roon<br />
Dowgaagu waa sahan<br />
Dadku waa abbaartaa<br />
Isku dira bahdeed iyo<br />
Kala dila ha noqonnine<br />
Isku dara ha lagu dhaho<br />
Nin xumaa danee’yoo<br />
Waxa jira damqanayee<br />
Yaanu xagalkadaac iyo<br />
Goldaloolo kaa helin<br />
Xidho duubka nabadeed<br />
Daacadd’iyo runta ba sheeg<br />
Daaraanta magacow.<br />
Ilaa tiro ka badan konton sadar ayuu Deelley, sidii qof hortiisa jooga, ku la dardaarmayaa oo aakhirka na maansada ku soo<br />
gunaanadayaa.<br />
Axmed Sheekh Jaamac na, sheekadiisa maanseed ee Cadlidoonaha Daal Allaa baday, xoolaha soomaalida<br />
ayuu dad ka dhigay oo shirweyne isugu geeyey. Wuu ka hadliyey oo waxa uu afka u geliyey doodda ka dhex<br />
oogan labada dhinac ee kala ah soomaalida maanta iyo ilbaxannimada aadamiga ee qarniga kow iyo labaatanaad.<br />
Lama-seegaanka timaaddada ayuu ka hilaadiyey. Ayadu na waa tusaalaha hanka iyo hilaadinta fanka.<br />
Hilaadin Taban<br />
Han iyo hilaadin tabani na way jiraan. Aynu soo qaadanno tusaale laba ah. Midi waa ismoodsiis qofka been tusa. Waa<br />
marka qofku madaxiisa ka abuuro wax aan jirin ee uu meeshii xaqiiqada gashado, ee uu taas run ka dhigto ugu na dhaqmo<br />
sidaa. Ha lagu ba kala heer noqdo ee waa bukaan dadka qaar garashada kaga dhaca. Kiisa u darani waa ka waallida ah<br />
22