You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
T Ə N H A C A N A V A R<br />
pencək geyinmişdi. Diqqətlə baxanda, əlbəttə ki, onun kiminsə<br />
cangüdəni olduğunu bilmək olardı. Bir anlıq dayanıb nə<br />
barəsindəsə düşündü. Sonra telefonunu çıxarıb kiməsə zəng<br />
vurdu:<br />
- Tamerlan, sən indi haradasan?<br />
- Aeroportun qarşısındayam, nə isə olub?<br />
- Yox, heç nə olmayıb. Sən hazır ol, biz artıq düşürük.<br />
“İlqar, mən gecikəcəyəm deyəsən, bir az cəld olmaq lazımdır,<br />
bu gün işlərim çoxdur. Həm də çəkilişdə olmalıyam. Axşam isə<br />
yeni bir layihə ilə bağlı təqdimatım olacaq. İşləri təxirə sala<br />
bilmərəm” – bu sözləri bayaqdan bəri salondakıların diqqətini<br />
özünə cəlb etməkdə olan həmin gənc xanım dedi. Onun<br />
gözəlliyi, həqiqətən də, göz qamaşdırırdı. Əynində mütənasib<br />
bədən quruluşuna xüsusi gözəllik verən çox da qısa olmayan<br />
qara yubka onu daha da gözəl göstərirdi. İlqar adlı bu cangüdən<br />
oğlan artıq bir neçə dəqiqə ərzində insanlarda ikrah hissi<br />
yaratmışdı. Onun kobud hərəkətlərindən narazı olan yaxın<br />
cərgələrdə oturan sərnişinlər öz aralarında sanki səmimiləşib<br />
söhbət etməyə başladılar. “Keç, ay oğul keç, dayan bir dəqiqə<br />
mən qalxım, sənə yol verim, rahat keç!” Bunu bir az əvvəl<br />
deyinən qoca qadın canıyananlıqla deməyə başladı.<br />
- Əşi, otur görək, ay xala! Görürsən tələsirəm, sən də yolumu<br />
kəsmə! – İlqar kobudluğu ilə fəxr edirmiş kimi növbəti dəfə<br />
səsləndi, hətta ona yol vermək istəyən bu qadının çiynindən<br />
aşağı basıb onu oturmağa məcbur etdi və istəyinə nail olub<br />
sahibinə tərəf yönəldi.<br />
- A bala, qəribəsən, vallah... – qoca qadın küskün tərzdə<br />
dilləndi.<br />
Təxminən altı dəqiqədən sonra Heydər Əliyev adına Beynəlxalq<br />
Hava Limanı artıq birinci salonda əyləşən sərnişinləri qəbul<br />
edirdi. Hava limanının xidməti avtobusu bir az əvvəl mühərriki<br />
söndürülmüş təyyarənin yanında quraşdırılmış trapın<br />
yaxınlığında gözləyirdi. Avtobusa ilk olaraq iki cavan qadın,<br />
___________________________________________________<br />
8