весник царина број 13 - Царинска управа на Република ...

More documents

Recommendations

Info

МЕЃУНАРОДНА СОРАБОТКА И ЕВРОПСКИ ИНТЕГРАЦИИ кршење на правата од истата се смета за “victimless” односно криминал без опасност по животот на човекот. Криминалот со индустриската сопственост е изразено комплексен со постоење на мрежи од криминални организации и поединци кои се добро координирани и организирани. Тоа од своја страна бара поголема сериозност и координираност на субјектите од другата страна на оштрицата. Во решавањето на овој проблем нужно е активното учество на законодавната власт која ќе ги следи сите измени и ефективни постигнувања на земјите со развиена проблематика во областа на индустриската сопстевност, но која во исто време ќе мора да осмислува и сопствени начини и модуси за справување со проблемите кои се случуваат на матичното тло. Министерството за внатрешни работи и Царинската управа ќе мора да постапуват крајно координирано, притоа ненадминувајќи ги сопствените овластувања и ограничувања, токму поради исклучително високата сензитивност на Царината како институција, во време на сé позачестени и поизразени напади и обвинувања за коруптивни дејствија во рамките на истата. Бизнис секоторот има исто така значајна улога во кревање на сопствената свесност за оваа проблематика и во разбирањето на истата. Треба да се знае дека не постои мал или голем бизнис при фалсификувањето и пиратеријата. Секој бизнис, секој производ е потенцијална мета на недозволено копирање и ползување на профитите од неговата посебност противправно. Како посебен моментум, многу значаен за правилна имплементација на законодавната платформа во оваа област се јавува правилното функционирање на Царината. Царинската управа и нејзините составни испостави согласно Законот за царински мерки за заштита на права од интелектуална сопственост има право да постапува на начин утврден во законот. „Со Законот за Царинска управа во јули 2004 година постапките и функционирањето на Царината се усогласени со европските стандарди и царинската служба добива ингеренции на орган за спроведување на законот со посебни овластувања. Со ова посебен акцент во хармонизација се посветува на дефинирањето на надлежностите на царината во оперативна смисла и нејзино позиционирање како служба која треба активно да учествува во сузбивање на прекуграничниот криминал.“ 1 Царината де јуре има начини да се справи со криминалот од индустрсика сопственот, и де факто може индиректно да влијае на приспособување на законодавната платформа кон сопствените потребите и потребите на вртоглаво брзото развивачко општество. Царината е директно одговорна за заштита на сопственоста на сите ентитети. Методологијата со која се користи во остварување на својата задача мора да биде прилагодена на моменталните случувања и општествената поставеност на подрачјето на кое дејствува. Тоа би значело дека стандардите кои се наметнуваат со зачленувањето во определени меѓународни институции, пристпаувањето кон определени асоцијативни и интегративни процеси би требало да бидат најнапред анализирани, понатака ревидирани и конечно прилагодени на ситуацијата во која се наоѓа општеството во кое дејстува конкретната царина. Тоа доаѓа од фактот дека било кој стандард, насочник или упатсво има своја конкретна намена која не може да биде сéопфатна. Институциите би требало да водат сметка за ефикасно и ефективно искористување на погодностите од добиените асоцијативни или други статуси. Ова значи дека преземените одговорности мора да се почитуваат, но преземањето на одговорности и употребата на истите мора да биде крајно претпазлива и да ја задоволува општата ситуација на царината. Иако во моментов во светот речиси и не постои подрачје кое не е зафатено од економската криза сепак тоа не треба да претставува посериозен проблем за заштитата на интелектуалната сопстевност како и за развој на истата проблематика. Тоа произлегува и од фактот дека Светската царинска организација (СЦО) на 60-тата сесија во Буенос Аирес која што го опфати доста широко проблемот на финансиската криза, многу малку го корелира истиот со заштитата на интелектуалната сопственост. Имено, СЦО во само една потточка зборува за засилување на мерките кои ја регулираат проблематиката на интелектуалната сопственост во доменот на јавното здравство, безбедноста на производите, и олеснување на легитимна трговија. Тоа е и очекувано, со оглед на фактот дека протекционизмот во периоди на светска криза е најголема закана за бизнисот и трговијата воопшто, па консеквентно добива и соодветно внимание. Но, предходно кажаното треба истовремено да потенцира и еден важен факт, а тоа е дека во светот проблемот на заштита на интелектуалната сопственост е сé уште целосно неистражен и прилично занемаруван без разлика дали тоа во определен момент е оправдано или не. Тоа нé наведува кон заклучокот дека методологијата која во иднина ќе се користи пред сé треба да биде ефикасна во заштитата, но и широко ефективна во 24
креирањето свесност за овој проблем што секако значи построги казни, поригидна законска регулатива, и цврсти етички вредности на целото општество. Горан Исаковски, студент, Економски факултет, Универзитет „Свети Кирил и Методиј“ Скопје MОЕТО ИСКУСТВО ВО ЦАРИНСКАТА УПРАВА Оваа година повторно продолжи соработката помеѓу Економскиот факултет во Скопје и Царинската управа на Република Македонија, која веќе неколку години наназад може да се издвои со успех во практично зближување на студентите до материјата од студиите, која ја совладуваат како теоретски материјал. Овој начин на поврзување има двојни ефекти. Од една страна на нас студентите ни се доделува можност одблизу да погледнеме во секојдневната работа на Царината и да добиеме впечаток дали во иднина можеме да се замислиме како носители на тие работни места, додека од друга страна царинските службеници и вработените, соработувајќи со млади студенти кои се жедни за знаење, го споделуваат нивното работно искуство, мотивирајќи се себеси да се подобрат на работните места и да напредуваат за да истите ги зачуваат . Кога на огласната табла стоеше списокот на студенти кои ја добиваат оваа шанса, бев пресреќна што и моето име стоеше на него. Од секогаш сум имала пред себе некое мое видување за Царината како извршен орган, но никогаш не замислував дека таа ќе биде еден толку сложен и на високо ниво поврзан систем. Уште од првиот контакт со одговорните лица, во мене преовладуваше почетна љубопитност да дознам се што царинското работење крие во себе. Но, секое убаво и долго патување мора да почне со еден чекор. Тој прв чекор, зародишот на моето практикантско искуство, се наоѓаше во одделението за нетарифни мерки и се што тогаш знаев е дека тоа одделение хиерархиски влегува во составот на Секторот за царински систем и дека има одговорност во поглед на интелектуалната сопственост. На почетокот некои податоци за Царинската управа многу ме изненадуваа. Така беше и со бројот на вработени кој броеше 1200 луѓе. Отпрво си мислев дека таа бројка е преголема, дури и непотребна, но подоцна кога ја добив целосната слика за Царинскиот систем и кога видов со колку многу работа се оптоварени вработените и колку широк спектар на работи треба да бидат извршени, моето мислење се промени. Царината како орган кој носи толку голема одговорност во улогата да не заштити од глобализацијата, во улогата да влијае на конкурентноста на домашните компании како и во заштитата на своите граѓани од надворешните штетни влијанија, мора да добие значајно место во државата. Таа има високо заштитна функција која е поврзана и е во служба на многу министерства и институции. Оттука, државата мора да вработи високо обучен и морален кадар за да Царината во целост ја извршува правилно својата функција. Кога одблизу погледнавме како изгледа работата на царинските испостави и граничните премини, кога видовме колку голем проток на луѓе и промет на добра се одвива и кога видовме во колку строги услови се исполнуваат работните задачи, добив впечаток дека платите на цариниците треба да бидат на повисок ранг. Тоа е од посебно значење кога моралот треба да биде основна карактеристика и кога станува збор за работа во која лесно може криминалот и корупцијата да пуштат никулец. Во последните неколку години Царината повеќе става акцент на заштитната функција отколку на фискалната, што е карактеристика на високо развиените западни системи. Во свет кога тероризмот зема голем замав и кога пиратеријата и трговијата со дрога се најблиски соработници на сивата и недозволена трговија, се чини дека ваквиот тренд на заштитната функција е навистина оправдан. Сепак, со зголемување на заштитната функција се зголемуваат и приходите во буџетот, како што е тоа случај и во Република Македонија, која во време на рецесија и глобална криза успеала да покаже поголеми приходи и уште еднаш да докаже дека го подобрува своето работење, трудејќи се да се доближи до законодавството и практиката на Европската унија. За разлика од ЕУ која уште од самиот почеток е формирана како царинска унија, па оттука има повеќедецениско искуство, Република Македонија во тој поглед ја живее својата полнолетност, учејќи од стапките и советите на другите земји. Таа вложува во високо софистицирана опрема која треба да биде уште поголем отпор и закана на криминалот, но се чини дека на полето човечки ресурси треба уште да се вложува за да може напредокот во технологијата да биде кадровски следен и резултатите да се подобруваат уште повеќе. Сепак, не постои и никогаш нема да постои машина, ниту технологија која може да го замени човечкиот мозок. 25
Page 1: царина / Гласило на
Page 4 and 5: НОВОСТИ СЕМИНАР ЗА
Page 6 and 7: НОВОСТИ година беш
Page 8 and 9: ЦАРИНСКИ ПРОПИСИ а)
Page 10 and 11: ЦАРИНСКИ ПРОПИСИ -
Page 12 and 13: КОНТРОЛИ И ИСТРАГИ
Page 20 and 21: МЕЃУНАРОДНА СОРАБО
Page 22 and 23: МЕЃУНАРОДНА СОРАБО
Page 26 and 27: Она што секој човек

весник царина број 13 - Царинска управа на Република ...

You also want an ePaper? Increase the reach of your titles

Delete template?

Save as template?