Letsatsi la gago la matsalo ke lone le bontshang gore o ... - Saps

Nka ntshwafatsa jang laesense ya me ya ditlhobolo?
Letsatsi la gago la matsalo ke lone le bontshang gore o tshwanela go
ntshwafatsa laesense ya tlhobolo ya gago leng.
Letsatsi la matsalo 1 Ferikgong go fitlha ka 31 Mopitlwe
Nako ya ntšhwafatso 1 Ferikgong 2005 go fitlha ka 31 Mopitlwe 2006
Letsatsi la matsalo 1 Moranang go fitlha ka 30 Seetebosigo
Nako ya ntšhwafatso 1 Ferikgong 2005 go fitlha ka 31 Mopitlwe 2007
Letsatsi la matsalo 1 Phatwe go fitlha ka 30 Lwetse
Nako ya ntšhwafatso 1 Ferikgong 2005 go fitlha ka 31 Mopitlwe 2008
Letsatsi la matsalo 1 Diphalane go fitlha ka 31 Sedimonthole
Nako ya ntšhwafatso 1 Ferikgong 2005 go fitlha ka 31 Mopitlwe 2009
Kgato ya 1
O tshwanetse go fetsa ka katlego teko e e patelesegang e e malebang le kitso ya
gago ya Molao kwa motlameding wa katiso yo o filweng tumelelo semmuso.
Ikgolaganye le Motlhankedi wa gago yo o Tlhophilweng wa Ditlho-bolo kgotsa o
leletse mogala go Lefelo la Bosetšhaba la go Bona Thuso ka Mogala kaga
Ditlhobolo go bona dintlha ka botlalo tse di maleba le motlamedi wa katiso yo o leng
gaufi le kwa o nnang teng. Gape o ka nna wa etela setsha sa inthanete sa SAPS go
bona tshedimosetso e e oketsegileng.
Kgato ya 2
Tsaya ditokomana tse di latelang mo go wena go ya go Motlhankedi wa Ditlhobolo
yo a Tlhopilweng kwa seteišeneng sa mapodisi se se gaufi le kwa o nnang teng:
Lekwaloitshupo la gago la semmuso ka bolone, phemiti kgotsa lekwalotetla la
(di)tlhobolo le o batlang go le ntshwafatsa, setlankana sa katiso ka bosone, le
dinepe di le nne tse di tlhapileng sentle tsa mmala tse di lekanang le tsa paseporoto
ka bogolo. O ka nna wa tla le ka setlankana sa bokgoni ka bosone, fa e le gore se

setse se ntshitswe.
Kgato ya 3
Fa o sena go amogela setlankana sa katiso o tshwanetse go dira kopo ya go
ntshwafatsa (di)laesense ya gago ya ga jaana. O tshwanela go tlatsa dikarolo tse di
maleba tsa diforomo tsa –
(1) SAPS 517 (Kopo ya setlankana sa bokgoni) le
(2) (2) SAPS 517(e) (Kopo ya ntšhwafatso ya laesense go ya ka Molao wa pele
ga o).
Kgato ya 4
Motlhankedi wa Ditlhobolo yo a Tlhophilweng o tla gatisa menwana ya gago yotlhe,
mme e tla dirisiwa mo kopong ya setlankana sa bokgoni.
Kgato ya 5
O tla duela R70,00 mo laesenseng ya tlhobolo nngwe le nngwe ya gago e o batlang
go e ntshwafatsa le R70,00 ya setlankana sa bokgoni. Tuelo e tshwanetse go dirwa
ka kheše kgotsa tšheke e e nang le karanti ya banka. O tshwanetse go romela rasiti
eno go Motlhankedi wa Ditlhobolo yo o Tlhophilweng gore go tswelelwe ka kopo ya
gago.
Kgato ya 6
Uyothola incwadi esayiniwe ekhomba ukuthi basitholile isicelo sakho (SAPS 523)
njengobufakazi bokuthi uzilethile izicelo zoku-vuselelwa kwezincwadi zezibhamu.
Kgato ya 7
Motlhankedi wa Ditlhobolo yo a Tlhopilweng o tla dira tlhatlhobo ka lemorago la
gago go bona gore a o motho yo o siametseng le go tshwanela go ka nna le
tlhobolo. Ga o tle go nna le seabe mo tlhatlhobong eno.
Kgato ya 8
Motlhankedi wa Ditlhobolo yo o Tlhophilweng o tla etela legae la gago go tlhatlhoba
lefelo la gago le seife ya gago. Seife e tshwanela go tsamaisana le maemo a

SABS. Netefatsa gore seife ya gago e na le setempe sa SABS. Kwantle ga moo, o
ka nna wa kopa setlankana sa bokgoni mo morekising. Fa seifi e o nang le yone ga
jaana e tsamaisana le ditlhokego tsa Melawana ya Dibetsa le Ditlhobolo, 1994, e a
amogelesega.
Fa kopo ya setlankana bokgoni e sa atlega, lokwalo lwa kganetso lo lo nang
le mabaka, lo tla posetswa kwa atereseng ya poso ya gago. O ka nna wa
ikuela kgatlhanong le kganetso kwa go Modulasetulo wa Boto ya Boikuelo,
Private Bag X811, Pretoria, 0001.
DITLHOBOLO TSE DI SA TLHOLENG DI BATLIWA
1. Motho mongwe le mongwe yo a sa tlholeng a na le kgatlhego ya go tshwara
(di)tlhobolo tsa laesense, a ka kgaogana natso ka tsela e e latelang:
- Go rekisetsa (di)tlhobolo go morekisi wa ditlhobolo yo a nang le laesense
- Go rekisetsa (di)tlhobolo tse go motho yo mongwe yo a setseng a bone ka
katlego (di)laesense tsa go tshwara (di)tlhobolo tseo
- Go tima thuntsho ya (di)tlhobolo
- Go isa (di)tlhobolo go Tirelo ya Sepodisi ya Aforika Borwa go senngwa
2. Tsamaiso ya go ithaopa go isa (di)tlhobolo go Tirelo ya Sepodisi ya Aforika
Borwa ke e e latelang:
O tshwanetse go tsaya (di)tlhobolo le/kgotsa marumo, le didokumente tse di
latelang go Motlhankedi wa Ditlhobolo yo o Tlhopilweng:
- Lokwaloitshupo lwa semmuso
- Tetla ya semolao ya go tshwara tlhobolo eo, sekao, laesense kgotsa tetla ya
tlhobolo, jalojalo.
- Lokwalo lwa go tlhopiwa jaaka mophatlalatsaboswa, fa tlhobolo e tlisiwa mo
boemong jwa motho yo a boneng tlhobolo jaaka
- O tla kopiwa go tlatsa dikarolo tse di maleba tsa foromo ya SAPS 522 (a)
(Neelo ya (di)selwana (tsa)sa ditlhobolo).

- Motlhankedi wa Ditlhobolo yo o Tlhopilweng kgotsa Leloko le le Tlhopilweng
kwa seteišeneng sa mapodisi le tla tsaya (di)tlhobolo le/kgotsa marumo.
3. Fa e le gore (di)laesense (tsa)ya tlhobolo e santse e le mo lokwaloitshupong lwa
gago, e tla phimolwa.
4. O tla amogela tumelo ya kamogelo e e saenilweng(SAPS 523), jaaka bosupi jwa
gore o neetse (di)tlhobolo le/kgotsa marumo.
5. (Di)tlhobolo le/kgotsa marumo DI TLA senngwa. Morago ga gore (di)tlhobolo di
neelwe Tirelo ya Sepodisi ya Aforika Borwa, ga o kgone go ya go di tsaya gape.
Tirelo e ga e duelelwe.
! Akanya pele ga o dirisa tlhobolo.
! Dirisa tlhobolo jaaka mong yo o nang le maikarabelo.
! Itsise mapodisi ka ditlhobolo tse di seng kafa molaong.
! Nna le seabe mo go direng gore Aforika Borwa e nne e e
babalesegileng.
TSHEDIMOSETSO E E OKETSEGILENG
Lefapha la Bosetšhaba la SAPS Lefelo la go Bona Thuso ka Mogala kaga
Ditlhobolo:
Mogala: 012 353 6111
Fekese: 012 353 6036
Setsha sa inthanete sa SAPS: www.saps.gov.za
DINOMORO TSE O KA DI ITSENG
Thibelobonokwane ya SAPS:08600 10111
Nomoro ya Tshoganyetso ya SAPS: 10111
E tlhagisitswe ke
Ditirelo tsa Tlhaeletsano le Kgokagano tsa SAPS le Bokwadisi jwa Taolo ya
Ditlhobolo jwa SAPS

Private Bag X94,
PRETORIA,
0001
Setswana