Aukablað Morgunblaðsins 9. febrúar 2007 - Samtök iðnaðarins

Þingsályktunartillaga:
Breyting á
skattalögum
Fjárfestum verði gert kleift að gjaldfæra fjárfestingar lögaðila í sprotafyrirtækjum
í stað þess að eignfæra þær eins og nú er.
Fjárfestar fái þannig raunverulega skattaafslátt strax við upphaf fjárfestingar. Skattstofn
myndast ekki hjá fjárfestinum fyrr en við sölu á sprotanum, sem þá er skattlagður með
eðlilegum hætti, eða ef fjárfestirinn fer að fá arðgreiðslur af fjárfestingu sinni. Við þær
aðstæður greiðir hann fjármagnstekjuskatt af arðinum. Eign í viðkomandi sprota er þess
vegna ekki til hjá fjárfestinum fyrr en við sölu á sprotanum. Ef sprotinn nær ekki fullum
vexti hefur fjárfestirinn ekki tekið stórkostlega áhættu með eigið fjármagn, heldur fjármagn
sem annars hefði runnið til ríkissjóðs.
Vottun sprotafyrirtækja er grundvöllur að þessari útfærslu skattalaga. Taka þarf til athugunar
í þessu samhengi, skattaívilnun sem orðið gæti innan fyrirtækja, ef stórt nýsköpunarfyrirtæki
stofnaði dótturfyrirtæki til þess að halda utan um alla sína þróunarstarfsemi. Setja þarf mörk
um það hverjir geti fjárfest í hverjum.
Hér er um raunverulegan hvata fyrir fjárfesta að ræða, þar sem áhætta þeirra er lítil og leiða
má líkur að því að vegna þess verði þetta fjármagn þolinmóðara en gengur og gerist.
Þingnefnd nr. 7:
Útdráttur úr niðurstöðu umræðna í þingnefnd:
Nefndin taldi almennt að skýra þyrfti þessa tillögu nánar m.a. þau atriði sem snúa að vottun
fyrirtækjanna. Í því sambandi mætti skoða betur “First North”-leiðina. Þá þyrfti að forðast að
framkvæmdin kafni vegna tæknilegra atriða. Fram komu sjónarmið um að meta þurfi vinnuframlag
frumkvöðuls sem hans fjárfestingu. Þá þarf að skilgreina vel hvað er sprotafyrirtæki.
Breytingartillögur þingnefndar:
1. Breyting á skattalögum, þær nái til “viðskiptatengla” og frumkvöðla
Fundargerð þingnefndar og breytingartillögur eru birtar í heild sinni á www.si.is
Einkunn:
Flutningsmaður:
Helga Sigrún Harðardóttir skrifstofustjóri
þingflokks Framsóknarmanna
Tillagan hlaut 348 stig
Þingsályktunartillaga:
Endurgreiðsla
rannsóknar- og
þróunarkostnaðar
Nánari upplýsingar eru birtar á www.si.is
2.sæti
Alþingi ályktar að fela ríkisstjórn Íslands að heimila endurgreiðslu rannsóknarog
þróunarkostnaðar að ákveðnu hámarki í skilgreindum verkefnum.
Greinargerð:
Þess misskilnings hefur gætt að hagstætt skattaumhverfi sé sprotafyrirtækjum mikilvægt.
Þar sem sprotafyrirtæki eru eðli málsins samkvæmt að vaxa og nýta þar með alla
krafta sína til vaxtar er þar engan hagnað að hafa og því skiptir hagstætt skattaumhverfi
þau litlu máli.
Sprotafyrirtæki eiga það flest sammerkt að verja stærstum hluta veltu sinnar í rannsóknir
og þróun. Víða erlendis eru fyrirtæki studd með ýmsum hætti á þessu stigi. Það er almennt
viðurkennt að rannsóknir fyrirtækjanna koma fleirum vel en fyrirtækjunum sjálfum. Ýmis
þekking verður til sem leiðir til verðmæta utan þeirra, auk þess sem rannsóknir eru í sjálfu
sér mjög verðmætaskapandi.
Víða í nágrannalöndum okkar hafa stjórnvöld valið að örva rannsóknir og þróun með ýmsum
aðferðum. T.d.hafa Norðmenn farið þá leið að endurgreiða hluta af rannsóknar- og þróunarkostnaði
fyrirfram skilgreindra og samþykktra verkefna hátæknifyrirtækja. Sú leið hefur haft
mjög örvandi áhrif á rannsóknar- og þróunarstarf fyrirtækja í Noregi. Einkum hafa minni
fyrirtæki notið góðs af átakinu sem er afar mikilvægt því það er sá hluti nýsköpunargeirans
sem hvað fæst úrræði hefur til að afla sér rannsóknar- og þróunarfjár.
Með endurgreiðslukerfi sem þessu er ekki verið að reiða fram beina styrki til fyrirtækja
heldur er aðeins verið að endurgreiða hluta af rannsóknarfé skilgreindra verkefna. Mestur
hluti kostnaðar við rannsóknir- og þróunarstarf er launakostnaður og því er talið að miðað
við t.d. 20% endurgreiðslu myndi meira fé en sem nemur endurgreiðslunni skila sér til ríkisins
í formi tekjuskatta starfsfólks. Hér er því ekki um meðgjöf að ræða heldur fjárfestingu.
Samfylkingin leggur því til að meðan á hátækniátaki stjórnvalda stendur verði allt að
fimmtungur slíks kostnaðar endurgreiddur að ákveðnu hámarki sem útfært verði í samráði
við Samtök sprotafyrirtækja og aðra hagsmunaaðila.
Þingnefnd nr. 8:
Útdráttur úr niðurstöðu umræðna í þingnefnd:
Viðhorf til tillögunnar voru almenn mjög jákvæð. Höfuðkostinn töldu menn að tillagan muni
efla samstarf fyrirtækja og rannsóknarstofnana og fyrirkomulagið væri hvetjandi fyrir fyrirtæki
sem almennt að taka ekki þátt í rannsóknar- og þróunarstarfi. Mikilvægt væri að þetta virkaði
vel í kerfinu og gengi hnökralaust fyrir sig í innleiðingu. Fram komu m.a. sjónarmið um
20% endurgreiðsluhlutfall væri of lágt og 50% væri nær lagi.
Breytingartillögur þingnefndar:
1. Tilgangur tillögunnar er að kveða skýrar að orði um hvenær hleypa eigi
endurgreiðslukerfinu af stokkunum, að sé skylt að endurgreiða en ekki
heimilt og jafnframt að skýra kosti tillögunar nánar í greinargerð
2. Endurgreiðsla rannsóknar- og þróunarkostnaðar
Fundargerð þingnefndar og breytingartillögur eru birtar í heild sinni á www.si.is
Einkunn:
Flutningsmaður:
Dofri Hermannsson
framkvæmdastjóri
þingflokks
Samfylkingarinnar
Tillagan hlaut 394 stig