May 12, 2016 BULGAR: BOSES NG PINOY, MATA NG BAYAN

2, 2016
‘Wag na raw magtaka kung maging pangulo rin…
PACQUIAO, ABSENERO SA KONGRESO
PERO LUSOT PA RIN SA SENADO
P
ORMALIDAD na lang ang kailangan pero ngayon
pa lang ay pasok na sa banga ang
pangarap na maging senador ng ating
Pambansang Kamao.
Iba na ang magiging titulo ngayon ni Pacman,
tatawagin na siya ngayon ng buong bayan
bilang Senador Manny Pacquiao, parang
panaginip lang ang lahat pero kailangan nating
tanggapin ang hatol ng bayan.
Palaging pinapansin nu’n si Pacman bilang kongresista
ng Sarangani. Nakikipag-agawan kasi siya ng titulo
kay Congressman Jules Ledesma sa paramihan ng absent
sa mga pagdinig sa Mababang Kapulungan.
May laban man siya o wala, may pinagkakaabalahan
man siyang ensayo o ano, ay bilang na bilang ang pagdalo
sa Congress ng Pambansang Kamao.
‘Yun ang hiling ngayon ng ating mga kababayan, malaking
responsibilidad ang nakaatang ngayon sa kanyang mga
balikat sa pagiging senador, sana raw naman ay bigyan nang
sapat na panahon ni Pacman ang kanyang upuan sa Senado.
At sana’y magsunog siya ng kilay para makapag-aral,
may mga abogadong aayuda sa kanya ngayon, pero iba pa
rin ang personal niyang kaalaman tungkol sa mga batas na
pinaiiral sa ating bayan.
Hindi biru-biro ang pagiging
mambabatas. Hindi siya puwedeng
magbutas lang ng silya sa Mataas
Na Kapulungan ng Kongreso.
Kailangan niyang pag-aralan ang
maraming aspeto para makuha niya
ang respeto ng ating mga kababayan.
Iba ang Senado sa boxing arena.
Pisikal ang laban du’n, kailangan
niyang patumbahin ang kanyang
katunggali, napakalaki ng kaibahan
nu’n sa Senado na utak
ang kailangang paganahin
at hindi ang mabangis
niyang kamao.
Sa usapin ng kagandahan
ng puso ay walang
kuwestiyon, maganda
ang puso ni Pacman, alam
niya ang likaw ng bituka
ng mga nagdarahop nating
kababayan dahil du’n din
siya nagmula.
Pareho lang sila ni Vice-Mayor Isko Moreno na puwedeng
magbitiw ng makasaysayang linyang “Alam ko po ‘yun.”
Pero ang Senado ay hindi labanan lang ng puso, kailangang
mag-aral ng kanyang leksiyon si Pacman, para hindi
siya mapahiya at pagtawanan.
Sa kanyang pinakahuling mensahe ay sinabi ng anak ng
GenSan na ang una niyang tututukan sa kanyang pag-upo
bilang senador ay ang padagdagan ang pondo ng mundo ng
palakasan para patuloy nating maipagbunyi ang lakas at
kakayahan ng mga Pinoy sa mga labanang internasyonal.
Sinasang-ayunan namin ang kanyang punto, ano nga ba
naman ang laban ng ating mga manlalaro sa mga international
competition sa kakapiranggot na budget na inilalaan para sa
kanila ng gobyerno, para sa kanila na ay ninanakaw pa?
XPLOSION. . . (mula sa kaliwa)
(mula sa kaliwa)
ers. Wala kaming kamalay-malay na ganu’n pala ang
nangyari kasi nga sinabi ng organizer na siya na raw
ang bahala sa transpo nila. Let me just repeat na sa
lahat ng ito, never nakisali si Gabbi sa usapan, dahil
siya ay nagpapahinga lamang sa loob ng van.
“As of this message, nakausap na ng management
team ni Gabbi si Jovan, at binaba na ni Jovan ang
kanyang post, dahil in-acknowledge niya na walang
kinalaman si Gabbi sa pangyayari, at naging biktima
lang si Gabbi sa sitwasyon na ito.
“Dahil sa post din ni Jovan, naging biktima ng
cyberbullying si Gabbi Garcia, na isang menor-de-edad.
“Thank you for giving us the opportunity to give
our side. We hope this clarifies the issue.”☺
9
At hindi niya siyempre maaaring kalimutan ang mahihirap
nating kababayan, lalo na sa malalayong
probinsiya, na mas madalas
pang dalawin ng kalamidad kesa sa
mga tauhan ng ating pamahalaan.
Sa parang panaginip lang na pananalo
ni Pacman bilang senador,
minsan pa, ay kailangan nating paniwalaan
ang tinatawag na destiny.
Sa pagkapanganak pa lang sa kanya ay nakasulat na
sa kanyang palad ang pagdakila sa kanya ng buong
mundo bilang kampeong boksingero at pagiging senador
ng kanyang mahal na bayan.
At kung nakasulat pa rin sa kanyang bituin ang pagiging
pangulo ay huwag na tayong mawiwindang, tuntunin na
lang natin ang dinaanang kalye ni Mayor Rodrigo Duterte,
nagsalita na ang bayan at sa Hunyo ay ito na ang bago
nating pangulo.
☺☺
PARANG tagasuporta ng Barangay Ginebra si Richard
Gomez na naniniwala sa linyang “Never say die!” Sa
maraming pagtatangka niya sa mundo ng serbisyopubliko
ay nabigo ang guwapong aktor. Paulit-ulit ‘yun
hanggang sa matumbok din niya ang kanyang pangarap
dahil mayor na siya ngayon ng
Ormoc.
Matagal naming nakasama
sa trabaho si Congresswoman
Lucy Torres-Gomez.
Kapag nabibigo si Goma ay
ramdam namin ang kanyang
kalungkutan. Dala-dala ng
maganda niyang misis ang mas
matinding porsiyento
ng lungkot tuwing mabibigo
siya sa halalan.
Pero sa pagkakataong
ito ay bumiyahe sa
Maynila ang mag-asawa
na punumpuno ng kaligayahan.
Sa wakas,
may titulo na si Richard
Gomez, tagumpay silang
mag-asawa sa nakaraang
halalan.
Mayor Richard Gomez
na ang itatawag natin ngayon kay Goma, napakaguwapong
mayor ng bayang mahal ni Lucy, at kung
kapasidad ang tatanungin ay may karapatang mamuno
si Richard Gomez sa Ormoc.
Hindi lang siya guwapo, matalino rin si Goma,
kayang-kaya niyang maging tagapamuno ng Ormoc
na matagal na niyang inaasinta.
☺☺
Lahat ng mga kapamilyang tumakbo, panalo…
JINGGOY AT BONG, NAKAKULONG NA,
GUMAGANA PA RIN ANG POWER
SIGURADONG nag-aapir ngayon sa PNP Custodial
Center ang magkaibigang karnal na sina Senador Jinggoy
Estrada at Senador Bong Revilla dahil sa matinding
tagumpay ng kanilang mga mahal sa buhay.
Butas ng karayom ang nilusutan ni Pangulong-Mayor
Joseph Estrada sa siyudad ng Maynila, pero ito pa rin
ang nagtagumpay, naiproklama nang bagong vice-mayor
ng San Juan ang panganay nila ni Precy na si Janella.
Sinuyod naman nina Vice-Governor Jolo Revilla, Congresswoman
Lani Revilla (mayor na siya ngayon ng Bacoor),
Mayor Strike Revilla (congressman na ito ng kanilang
distrito) at Rowena Revilla (na nahalal uling konsehal)
ang tagumpay sa Cavite.
Nakapiit man ngayon ang magkaibigan ay nagsasalita
pa rin ang kanilang pangalan sa pakikipagtunggali
ng kanilang mga mahal sa buhay.
Sabi nga, may panahon ng pagtatanim, kung paanong
may panahon din ng pag-ani.
Maligayang bati sa inyong lahat!☺