July 13, 2016 BULGAR: BOSES NG PINOY, MATA NG BAYAN

More documents

Recommendations

Info

8 Showbiz Editor: JANICE DS NAVIDA HULYO Mga tinalo nina Maine at Alden… KATHNIEL, LIZQUEN AT JADINE, ‘DI SINIPOT ANG MOST BEAUTIFUL STARS 2016 EVENT TIMING na timing ang pagkakapili kina Alden Richards at Maine Mendoza bilang Yes! magazine’s No. 1 Most Beautiful Stars for 2016 dahil showing na ngayong July 13 ang pelikulang Imagine You & Me na kanilang pinagbibidahan na kinunan pa sa Como, Italy. Ito’y mula sa direksiyon ni Mike Tuviera. Star-studded ang ginanap na event ng Yes! mag na dinaluhan ng mga Kapuso at Kapamilya stars. Bukod kina Alden at Maine, in full force na dumalo sina Barbie Forteza, Kris Bernal, Andre Paras, Ken Chan, Mike Tan, Rochelle Pangilinan, Bianca Umali, Miguel Tanfelix, Benjamin Alves, Jerald Napoles, Bela Padilla, atbp.. Bagama’t hindi nakadalo ang mga Kapamilya love teams na KathNiel, LizQuen at JaDine, nandu’n naman sina JC de Vera, Iñigo Pascual, Nash Aguas at Alexa Ilacad. No show din ang mga big stars na sina Coco Martin, Vice Ganda, Piolo Pascual, John Lloyd Cruz, Angel Locsin, atbp.. Ganunpaman, ang presence ng AlDub love team ay more than enough upang maging maningning ang nasabing Yes! magazine event. Sobrang flattered sina Alden at Maine na sila ang napiling 2016 Most Beautiful Stars. Noon pa, aminado na si Alden na pinangarap niyang maging cover ng Yes! magazine’s Most Beautiful Stars special issue. At hindi lang minsan, kundi tatlong beses silang naging cover ni Maine Mendoza ng Yes! mag. ☺☺ Kung si Arnell, AVP ng PCSO… AIZA, UMAYAW SA POSISYONG INALOK NI DUTERTE KUNG si Arnell Ignacio ay tinanggap ang pagiging AVP sa Community, Relations and Services ng PC- SO, how true na tumanggi o tinanggihan nina Aiza Seguerra at Liza Dino ang posisyon na ibinibigay sa kanila ni Pangulong Digong Duterte? At maging si Robin Padilla na very open sa kanyang pagsuporta noon sa kandidatura ni DU30, eh, nagsalita na rin na wala siyang pabor o posisyong hinihingi sa nahalal na pangulo at hindi naghihintay ng kapalit na kabayaran. Kapuri-puri ang ganitong paninindigan kung ikukumpara sa ilang celebrities na bumalimbing at mistulang bubuyog na panay ang bulong at epal kay Pangulong Digong. Pinakaepal daw sa lahat ng naging supporters ni Digong... MOCHA, INAABANGAN NA KUNG SAAN IPUPUWESTO NI DUTERTE Inaabangan din kung saan naman malalagay si Mocha Uson na kinaiinisan ng mga bashers at tinawag pang feelingera. Sa halip nga naman na gawan niya ng paraan na ilapit si Pangulong Digong sa media, siya pa ang nanggagatong at nanunulsol. Halos inako na niya ang lahat ng kredito sa pagkapanalo ni Duterte. Eh, sina Freddie Aguilar at April Boy Regino nga na “orig” na malapit kay Duterte, hindi umeepal at nagmamagaling. Bakit si Mocha, sobrang mapapel at papansin? ☺☺ FINALLY, umamin na at nagpakatotoo ang aktordirektor na si Ricky Davao sa real status ng kanilang pagsasama ni Jackie Lou Blanco. Matagal nang bulungbulungan sa showbiz na hiwalay na sila ng kanyang misis. Pero, pareho nilang pinili na manahimik at huwag magsalita para na rin sa kapakanan ng kanilang mga anak. Ayaw nina Ricky at Jackie Lou na pagpistahan ng publiko ang kanilang private life. Maayos naman silang naghiwalay, and they remained good friends. Open na open na nga si Direk Ricky sa pagsasabing hiwalay na sila ng ina ng kanyang mga anak. At bukod dito, inamin din niya na ang isa niyang anak na babae ay lesbian. Ikinagulat man niya ang pagtatapat ng anak sa tunay nitong kasarian, tinanggap at inirespeto niya ang naging choice nito. Well, at least, hindi sinungaling si Direk Ricky Davao at hindi niya ikinahiya ang mga kaganapan sa kanyang buhay. At nakikita naman namin na masaya siya at walang bakas ng bitterness. Ngayon, ang pagdidirek ng Sinungaling Mong Puso ang kanyang pinagkakaabalahan. ☺☺ AY, bongga ang mga eksena ni Heart Evangelista (as Happy) at ng husband snatcher-homewrecker na si Kim Domingo (as Agatha) sa Juan Happy Love Story. Mistulang remake ng eksena nina Megastar Sharon Cuneta at Cherie Gil sa Bituing Walang Ningning kung saan binuhusan ng tubig sa mukha ni Heart si Kim nang magkita sila sa party nina Lola Mameng at Lolo Caloy. Nakakaloka rin ang linya ni Happy na patama kay Agatha na, “Maputi ka lang at hindi maganda at malapad ang noo. You’re nothing but a trying hard kabit!” Nakakaaliw ang eksenang ‘yun sa Juan Happy Love Story. ☺☺ HINDI nawawalan ng pagasa ang pamilya at mga kaibigan nina Sen. Jinggoy Estrada at Sen. Bong Revilla, Jr. na mabibigyan sila ng fair treatment ngayong nagbago na ang mga taong namumuno sa ating bansa. Hiling lang ng dalawang senador ay makapagpiyansa sila upang magkaroon ng pansamantalang kalayaan. Hindi naman sila tatakbo sa anumang responsibilidad nila habang hindi natatapos ang kanilang kaso. Handa sina Sen. Bong at Sen. Jinggoy na harapin ang mga kasong ibinibintang sa kanila. Sa September ay kaarawan na naman ni Sen. Bong. Ipinagdarasal ng kanyang pamilya na sana naman, ma-grant na ang motion nila para makapagpiyansa. Bagama’t masasabing stable at secured na ang estado ng buhay ng mga anak ni Sen. Bong dahil nanalong mayor ng Bacoor ang maybahay niyang si Lani Mercado at nasa puwesto pa rin ang anak niyang si Jolo Revilla bilang vice-governor ng Cavite, still, hindi kumpleto ang lahat dahil wala ang padre de familia sa kanilang piling. Laging may kulang na hindi mabubuo hangga’t hindi nakakalaya si Sen. Bong. Ganu’n din naman ang sitwasyon ni Sen. Jinggoy. Nanalong vice-mayor ng San Juan City ang panganay na anak nila ni Precy Vitug na si Janella Ejercito at mukhang ito ang magtutuloy ng political career ng kanyang ama. Sa San Juan nag-umpisa ang pagiging public servant ng mga Estrada-Ejercito at proud father si Sen. Jinggoy kay Janella.☺ Wala raw sa kaseksihan ‘yan… HIRIT NI LUIS: UNFAIR KINA ANGEL, JENNYLYN AT JESSY NA SINYOTA LANG NIYA DAHIL SEXIEST PINAY W ALA namang masama kung nakita man recently si Kris Aquino na nagpunta sa Salu Restaurant na pag-aari nina Romnick Sarmenta at Harlene Bautista, now Mr. & Mrs. Tejedor. Kung gusto niyang kumain du’n, eh, di... wow! ‘Yun nga lang, nag-esep-esep ang iba na baka raw gusto lang makita ni Kristetay ang huling lalaking na-link sa kanya romantically na si QC Mayor Herbert Bautista na siofatid ni Harlene. But heard na happy na si Yorme na nakipag-bonding sa U.S. trip nila ng tinagurian naming Mayora na si Tates Gana at dalawa nilang dyunakis, so let them be happy together, okidoki? One thing more, sinabi ni Kristetay sa kanyang social media account na gusto niyang maging private ang kanyang love life kaya no talkies na siya (for the meantime siguro) ngayong private citizens na sila ni ex-P-Noy, her dear kuya. So, bigyan ng privacy ‘yan! Insert smiley, ☺! ☺☺ Pumapatol daw talaga sa mga bashers… SIGAW NI LUIS: GAGO AKO, PALA- MURA, BASTOS AT MASAMA ANG UGALI! SA grand preskon ng pagbabalik ng Minute To Win It airing this coming July 18 before TV Patrol at host uli si Luis “Lucky” Manzano ay isa si yours truly sa pitong press na naglaro muna bago ang Q&A portion. But sad to say, una akong na-eliminate sa first round pa lang, eh, birthday pa naman ng inyong yours trulily that day (Happy birthday, Tamers! ‘Di ka man po lucky sa game, lucky ka naman to have a million fans all over the world! — JDN). But oks lang ‘coz level-up sa saya naman ang makapaglaro sa MTWI, in pernes. Sa Q&A portion, yours truly asked El Manzano a.k.a. Luis a.k.a. Lucky kung anik ang masasabi niya na ang mga girlash na naging girlfriends o parte ng buhay niya ay pare-parehong tinanghal na Sexiest Women like Angel Locsin, Jennylyn Mercado and now, si Jessy Mendiola (amininnn, Luis! Insert smiley, ☺!). Ang sagot niya, “I don’t want to limit women to titles nor statistics. Napaka-unfair naman sa kanila nu’n, parang de-numero lang. “Yes, it’s a prestigious title being hailed as the nation’s sexiest. Pero kapag ni-refer na sa akin, parang putting them as statistics, and that’s very unfair to all the ladies out there. Basta parang ang pangit lang na statistics lang ang kababaihan.” And one thing more, talaga raw pumapatol siya sa kanyang mga bashers and haters kasi tao lang siya na may dugo, may laman, at may puso na nasasaktan din. Sabi pa niya, “Oo, gago ako, palamura ako, bastos ako, masama ang ugali ko! I’m the opposite of my parents. ‘Di ako magmamalinis, sa akin pa manggagaling, I’m exactly the opposite of my parents.” So, bigyan ng patola ‘yan! Again, insert smiley, ☺! Pero sa mga totoong nakakakilala kay Luis, well, alam naming he’s a good person inside and out! ☺☺ IN pernes, sa nasabing preskon ng MTWI ay binigyan si Luis ni Tita Aster Amoyo ng title na... KING OF GAME SHOWS OF ABS-CBN ‘coz naging host siya ng Kapamilya, Deal Or No Deal, Panahon Ko ‘To (with Billy Crawford), Celebrity Playtime at ngayon nga, sa Minute To Win It. Well, some guys have all the luck like Lucky, you know. ‘Yun na! ☺☺ OY, sa mga misis ng tahanan d’yan at pati na rin sa mga bagets na mahilig magpabyuti, don’t miss today’s episode of ‘Yan ang Morning hosted by Marian Rivera with co-host Boobay na umeere sa GMA-7 tuwing Lunes hanggang Biyernes nang umaga. Bibisitahin kasi nina Marian at Boobay ang salon ng legendary beauty expert na si Ricky Reyes na magbibigay ng free makeover kay Lucia, isang nanay na nagtatrabaho bilang welder at construction worker at may apat na dyunakis. Bongga! Makakasama rin nila sa YAM ang mga Kapuso hunks na sina Rodjun Cruz at Jak Roberto na iri-reveal ang kanilang sikreto sa pagiging vain. ☺☺ PANALO sa mga avid viewers ng Tubig at Langis ang ginawang pag-spoof or panggagaya ni Vice Ganda sa catfight scene ni Cristine Reyes. In pernes, ang daming nag-comment sa FB fan page ng TAL na nagsabing halakhak-to-themax sila sa pag-spoof ni VG kay Cristine. (Sundan sa p.11) Photo by: DADA NAVIDA
13, 2016 AlDub Nation, ‘di lang pang-Twitter, may datung ding pambayad… MOVIE NINA ALDEN AT MAINE, SURE BOX OFFICE HIT M AHIRAP kapain ang panlasa ng publiko. Sa isang panahong akala nati’y pinahahalagahan nila ang karangalang tinanggap ng isang artista sa napakaprestihiyosong labanan ay hindi naman pala nila ‘yun tatangkilikin kapag ipinalabas na ang pelikula. Nanood ng Ma’ Rosa ang kaibigan naming propesor. Binilang nito ang mga tao sa loob ng sinehan. Isa, dalawa, tatlo, apat, lima, ito ang pang-anim. Napakalamig sa sinehan hindi dahil sa malakas ang aircon kundi dahil walang body heat. Ayon kay kaibigang prop ay puwedeng magkaroon ng karera ng kalabaw sa loob ng sinehan dahil walang katau-tao. “Sinimulan at tinapos ko ang movie kung saan nanalong best actress sa Cannes Film Festival si Jaclyn Jose. Napakaganda ng pelikula, karapat-dapat lang siyang manalo sa Cannes. “Pero nakakalungkot lang dahil hindi nagkaroon ng interes ang mga kababayan natin na panoorin ang pelikulang nagbigay ng karangalan sa bayan natin. “Aanim lang kami sa sinehan. Sa kalahatian ng palabas, eh, may pumasok na lima. Pero lumabas naman ang mga nauna. May nadagdag pang isang grupo bago ako lumabas, pero nakakalungkot ‘yun! “Pinahalagahan sa isang matindihang labanan ang Ma’ Rosa, pero rito sa atin, hindi man lang ‘yun binigyan ng importansiya ng mga kababayan natin. “Plano pa sanang manood ng mga estudyante ko dahil ikinuwento ko sa kanila na well-deserved ni Jaclyn ang best actress award niya sa Cannes, pero wala na pala, pinull-out na, foreign movie na ang palabas. “Umuwi akong malungkot na malungkot. Nagmamaneho ako na nasa Ma’ Rosa pa rin ang utak ko. Nakakapanghinayang na hindi man lang nasilip ng mga kababayan natin ang pelikula,” malungkot na pahayag ni prop. ☺☺ NAKAKAHON na ang tagumpay ng pelikula nina Alden Richards at Maine Mendoza na ngayon ang pagbubukas sa mga sinehan. Huwag lang mabiktima ng pamimirata ang kanilang proyekto ay nakasapatos na ang pera ng bayan para magpunta sa mga sinehan. At kapag kinuyog ng mga kababayan natin ang kanilang pelikula ay may mas malalim na dahilan ‘yun kesa sa kilig lang ng buong bayan sa kanilang tambalan. Malakas ang tambalan nina Alden at Maine, merong pundasyon ang kanilang love team, ang AlDub Nation na gustong patunayan na hindi lang sila pangkalyeserye kundi pampelikula rin. Bukod du’n ay puwedeng bigyan ng konsiderasyon ang pulso ng bayan. Sa araw-araw nating panonood ng mga pambalitaang programa ay puro patayan ang ibinabalita. Magkakapamilyang nagpatayan, magkakaibigang nag-inuman lang pero ang ending ay saksakan at bugbugan, mga gumagamit at tulak ng droga na pinagpapatay. Wala nang laman kundi puro ganu’n. Patayan, patayan, patayan. Gusto namang kiligin at pansamantalang sumaya ng ating mga kababayan. Napakabigat na ng sitwasyon ngayon, puro panggagahasa at patayan na lang ang ating natutunghayan, kaya kahit sa loob lang nang dalawang oras ng panonood ng pelikula ay gusto nating makatakas sa reyalidad. ☺☺ NU’NG taong 2001, sa SONA ni dating Pangulong Gloria Macapagal-Arroyo, ay tatlong batang taga-Payatas ang iniharap sa publiko. Nagpaanod sila ng bangkang papel sa ilog na ang nilalaman ay ang kanilang hiling at pangarap. Ang isa ay humiling ng trabaho para sa kanyang pamilya, ang isa nama’y humiling na ipasarado na ang dump site sa Payatas, at ang isa ay nagpahayag ng kanyang kagustuhang makapagtapos ng pag-aaral. Isa sa tatlong bata ng makasaysayang bangkang papel ay kasamahan namin sa TV5. Si Erwin Dolera. Pitong taon lang siya nang magpaanod ng bangkang papel ng kanyang pangarap. Lumaki si Erwin Dolera sa kapaligiran ng Payatas na pinagtatambakan ng lahat ng klase ng basurang nakakalap sa buong Maynila at mga karatig na lugar. Sa umaga pa lang sa kanyang paggising ay mabahong hangin na ang kanyang nilalanghap. ‘Yun din ang trabaho ng isa niyang kapatid na nang gumuho ang bundok ng mga basura ay natabunan. Tatlong buwan bago nila natagpuan ang bangkay ng kanyang Photo by: DADA NAVIDA kuya sa pinakapusod ng tambakan ng mga basura. Nakapagtapos ng pagaaral si Erwin Dolera sa pagayuda ng ating pamahalaan. Natupad ang kanyang pangarap, nagtrabaho siya sa departamento ng News ng TV5, malakas na halakhak ang iginaganti niya kapag may tumatawag sa kanya ng “baklang papel.” Magkaiba man ang aming departamento ay palagi naming nakakasama si Erwin Dolera. Nakaugalian na namin ang pagluluto ng meryenda ng aming staff sa radyo, ng mga guwardiya at janitor, kasama ang tropa ni Erwin sa News 5 na nabibiyayaan ng pagkain. Papasok siya sa opisina ng Radyo Singko, may dala-dala siyang maliit na kahon, “Nanay, magandang hapon po. Kukunin ko na po sana ang aming rasyon.” Palagi siyang nakangiti. Parang walang naimbentong problema sa mundo sa kanyang mga halakhak. Napakamasayahin ni Erwin. Ang lahat ay mga kuwento na lang ngayon. Nu’ng Lunes nang gabi ay dumalaw kami sa lamay ni Erwin Dolera. Pumanaw siya sa sakit na pneumonia. Beintekuwatro anyos lang si Erwin. Sa ibabaw ng kanyang kabaong ay maraming nakapalamuting bangkang papel na may iba-ibang kulay. Sabi ng isang nagsulat ng kanyang huling pamamaalam kay Erwin, “Anak tayo ng basura, pero kahit kailan, hindi tayo naging basura.” Mami-miss namin si Erwin Dolera. Wala na ang masayahing “baklang papel” tuwing nagpapaluto kami ng meryenda. Wala na ang anak-anakan namin na hanggang sa palabas na kami ng TV5 ay humahabol pa at bumebeso. Kung magpapaanod kami ngayon ng bangkang papel bilang huling pamamaalam kay Erwin Dolera ay maigsi lang ang aming sasabihin. “Maraming salamat sa mga ngiti, sa mga halakhak, walang kahit sinong makapagpupuno sa puwang na iniwan mo sa aming puso. “Magkakaroon ng mga pagbabago sa aming buhay, pero ang iyong mga alaala ay mananatiling buhay na buhay. Paalam, anak kong baklang papel.”☺ Kung sa men’s mag, atras… NADINE, NAGBUYANGYANG SA PILING NI JAMES, IKINALAT PA SA SOCIAL MEDIA I LANG pictures ni Nadine Lustre na naka-two-piece bikini ang nagme-make rounds online. Kasama niya siyempre rito ang boyfriend na si James Reid, kapatid nitong si Vanessa, si Ian Dorschner at si Bret Jackson. Ito ay kuha after na mag-outing sila sa Cebu. Kung ating maaalala, si Nadine ang tinanghal na third “Sexiest Woman in the Philippines” sa poll survey ng isang men’s magazine. Masaya kuno siya sa recognition na natanggap pero sabi ni Nadine, ‘di pa siya ready na mag-pose para sa men’s mag. Pero tingnan n’yo sa pictures kung gaano ka-sexy si Nadine sa suot na skimpy twopiece black bikini. May “K” naman pala siya. On the other hand, may mga bali-balita na ang tema ng latest JaDine project ay tungkol sa LGBT community. Based kasi sa trailer na ipinalabas nu’ng trade launch, ipinakitang sa kasal nina Sebastian (James) at Nadine, biglang nagkaroon ng flashback on the part of the bride nang makita niya si JC Santos, isang theatre actor na gumaganap bilang Alejandro na kanyang tunay na crush. Sa screen, biglang may lalabas na something which suggests the color of the rainbow na symbol ng LGBT community. This somehow made people conclude na the project will touch on the particular issue. Masaya, ‘di ba? ☺☺ Si Yaya Dub lang ang kilig na kilig… ALDEN, TODO-SABING SI MAINE LANG ANG BABAE SA BUHAY NIYA, ‘DI NAMAN MAAMING GF BAKIT kasi pinagpipilitan na magkaroon ng relasyon sina Alden Richards at Maine Mendoza? The way it is, maganda ang takbo ng kanilang relasyon as friends. Kahit maka-sampung beses na sabihin ni Alden na, “Ikaw lamang ang nag-iisang Maine Mendoza sa buhay ko,” this has nothing to do with his having some feelings for the lady. Sa palagay n’yo, ilang girls ba ang may pangalang Maine na kilala ni Alden? Naman! On the other hand, nagpapakatotoo lang si Maine sa pagsasabing “crush” niya si Alden. Sino naman ang ‘di magkaka-crush kay Alden na bukod sa ubod nang guwapo ay may dimples pa na nagpapa-cute lalo sa kanya? 9 Let’s just wait for the proper time kung saan magpo-fall sila sa isa’t isa. They are two beautiful creatures and they deserve to be happy, sabihin pa mang sa piling ng ibang partner. For all you know, history has shown na bibihira sa mga love teams ang nauuwi sa isa’t isa, ‘di ba? Nandidiyan ang Guy and Pip, ang Vi and Bot, Susan Roces at Eddie Gutierrez, Megastar Sharon Cuneta at Gabby Concepcion, o kaya sina Dawn Zulueta at Richard Gomez. Pero happy sila sa kani-kanilang respective partners. Ang ipinagtataka lang namin ay wala ‘yung kabonggahang na-witness namin nu’ng unang magkapelikula ang AlDub. Nasaan ang mga pilgrimage ng fans sa Philippine Arena? Two days before the showing ng movie today, wala pa kaming mga pasabog na naramdaman tulad last time. Nawawala na nga ba ang AlDub Nation. Nasaan na sila??? ☺☺ SAYANG, kung ‘di sana namatay si Direk Wenn Deramas, balak pala nitong gawin ang Bakekang na ang bida ay si Pokwang. ‘Di ba, nagkaanak sa foreigner si Bakekang? Ang magiging anak sana nila ni Lee O’Brian na ipinagbuntis noon ni Pokwang ang gaganap naman sa papel na Kristel. Kaya sabi ni Pokie, alagang-alaga raw sana ni direk ‘yung pagbubuntis niya. Ang magiging ama ng bata sa pelikula ay si Lee mismo, ang poging boyfriend ni Pokie in real life. Sayang, nakunan si Pokwang at namatay ang bata. Sumunod naman dito ay namatay din si Direk Wenn. May pag-asa pa kayang magkaroon ng remake ang Bakekang? Masasabing sobra-sobra ang blessings ni Pokwang. Bukod sa pagkakaroon ng isang mabait at poging boyfriend, ayan, hindi rin ito nawawalan ng proyekto. Kaya naman sinasabi nitong ang Sunday niya ay inilalaan nilang pamilya sa pagpapasalamat sa Panginoon. She makes it a point to be with her family to thank the Lord every Sunday. ☺☺ NU’NG Monday morning, while on our way to Antipolo, nagkaroon na naman kami ng chance encounter sa isang madaldal na taxi driver. Mga nasa early 30’s lang ito at habang bumibiyahe, nilibang niya kami sa kuwento. Interested naman kami kasi tungkol sa mommy ni Dennis Trillo ang kuwento niya. Dati raw siyang driver nito. Sabi nito sa amin, “Alam mo, Ma’m, napakabait niya. ‘Pag may pagkain siya sa loob ng kotse, isine-share niya sa akin. ‘Pag may party naman siya na pupuntahan, gusto niya, pumasok din kami sa handaan para kumain.” (Sundan sa p.11)
Page 1 and 2: MIYERKULES, HULYO 13, 2016 Kung sa
Page 3 and 4: HULYO 13, 2016 3 Editoryal Trunk li
Page 5 and 6: HULYO 13, 2016 5 Nag-apply sa recru
Page 7: HULYO 13, 2016 7 N AGBABADYA ang pa
Page 11 and 12: HULYO 13, 2016 Bulgar I-ASK Send to
Page 13 and 14: HULYO 13, 2016 13 Instant lie-detec
Page 15 and 16: HULYO 13, 2016 15 NOTICE TO THE PUB

July 13, 2016 BULGAR: BOSES NG PINOY, MATA NG BAYAN

Create successful ePaper yourself

Delete template?

Save as template?