MIMAROPAhayagan 1st Quarter 2017 Final

RSCWC Children’s Caravan cum
Adoption Consciousness Month,
Pinagdiwang sa Occidental
Mindoro
KAPIT-BISIG
SA PAGGABAY SA
KABATAAN TUNGO
SA MASAGANANG
PAMUMUHAY
‘Convergence Strategy’, ito
ang malaking sangkap upang maging
matagumpay ang pagdiriwang ng Regional
Sub-Committee for the Welfare of Children
(RSCWC) Children’s Caravan’ at ‘Adoption
Consciousness Month’, ika 2-3 ng Pebrero
2017, sa Municipal Gymnasium ng San
Jose, Occidental Mindoro.
Sa pamumuno ng RSCWC at DSWD
MIMAROPA, nagbuklod ang iba’t ibang
ahensya at programa ng gobyerno na
nagsusulong sa karapatan ng kabataan
upang makapagbigay ng makabuluhang
araw para sa kanila.
Nagbigay naman ng kaalaman ukol sa
‘Multiple Intelligence and Positive Parenting’
si Estrelita B. Turingan, Psychologist
ng DSWD NCR, samantala, pinalawak
naman ni Karen Malabanan-Baciles,
Special Investigator III ng Department of
Education (DepEd), ang karunungan ng
mga estudyante ukol sa ‘Child Protection
Policy and Anti-Bullying Law’.
Upang mabigyan ng kabuoang
paglalarawan ang kalagayan ng kabataan
sa Occidental, Mindoro, prinesenta ni
Mayor Romulo M. Festin ang ‘State of the
Children’s Report’.

Pinaigting naman ni Concepcion P. Deymos,
Recovery and Reintegration Program for
Trafficked Person (RRPTP) Focal, ang
adbokasiya sa Anti-Child Pornagraphy sa
pamamagitan ng Film Showing, at ni Rosa
Fe B. Roxas, RJJWC Focal, ang kampanya
sa “Rehab, Hindi Rehas: No to Lowering
of MACR!” sa pagsulong ng signature
campaign.
Gayundin, pinalaganap din ni
Priscila C. Contreras, ARRS Head,
ang benepisyo ng Legal na pagaampon
at Foster Care at ni
Gilbert Rey P. Avena, Provincial
Link, ang programang Pantawid
Pamilyang Pilipino Program.
Sa tulong naman ni Maria Fe Rivera, Dentist II
ng Municipal Health Office (MHO), sinimulan
ni Erica Paywan, RSCWC Focal, ang
kampanya sa pamamahagi ng ‘toothbrush’
at ‘toothpaste’ sa kabataan ng MIMAROPA
upang mapalaganap ang kahalagahan ng oral
hygine.
“Sipilyo, Sagot ko, Para sa Ngiting Aprubado!”
ito ang tema ng kampanya ng RSCWC.

Parada
para sa pagsulong ng
KARAPATAN
ng KABATAAN
Pagkatapos ng parada, nagtipon ang
mga kalahok sa gymnasium kung saan
sinalubong sila ng pambungad na
pananalita ni Vice Mayor Roderick Q. Agas.
Pormal namang binuksan ni Wilma D.
Naviamos, Regional Director ng DSWD
MIMAROPA at RSCWC Chairperson,
ang pagdiriwang ng Children’s Caravan
cum Adoption Consciousness Month
sa pamamagitan ng pagbibigay ng
inspirational message.
Nagpatuloy ang makabuluhang pagdiriwang
sa pagbibigay ng sertipiko sa mga Foster
Families. Nagbahagi rin ng karanasan ang
isang foster parent, ayon sa kanya:
“Being a foster parent has a feeling
of moral obligation and social
responsibility. I learned to love a child
who is not my relative. My biological
children are very fortunate that they
have parents who are also caring for
them. “
Sinimulan ang selebrasyon ng isang
masiglang parada sa palibot ng Munisipyo
ng San Jose na nilahukan ng mga
estudyante, magulang at guro mula sa iba’t
ibang paaralan ng Occidental Mindoro at
iba’t ibang ahensya ng pamahalaan.
Bawat kalahok ay nagdala ng ‘placard’
upang maipalaganap ang adbokasiya
sa karapatan ng kabataan.
“Isulong: Karapatan na Edukasyon Para
sa Lahat ng Bata”, ito ang tema para sa
taong pagdiriwang.
“Masaya akong makita na nagtipontipon
ngayon ang mga aktibong
kabataan sa Occidental, Mindoro.
Mahalagang mabigyang pansin ang
pagsulong sa inyong mga karapatan,
lalong-lalo na ang pagkamit sa kalidad
na edukasyon at pagkakaroon ng
mapagkalingang pamilya,” ika ni Dir.
Naviamos sa kanyang mensahe.
Ang Foster Care ay isang programa ng
Adoption Resource and Referral Section
(ARRS) ng DSWD na nagkakaloob ng
pansamantalang pag-aaruga sa isang
bata sa ilalim na isang foster parent/
family.

PAGDIRIWANG
NA WALANG
TINATANGI
Walang diskriminasyon, ito pa ang isa
sa mga kahanga-hangang ipinamalas
ng selebrasyon.
Lahat ng kabataan --- pati mga
nabibilang sa Indigenous Peoples (IP)
at Persons with Disability (PWD) --- ay
masayang nakilahok sa pagdiriwang.
Sa katunayan, naghandog pa sila ng
kanilang talento.
Ang Christian Organization for the
Rehabilitation of Disabled (CORD)
Foundation Chorale ay nakilahok sa
talakayan at ang umawit ng Doxology
at National Anthem. Samantala,
naghandog naman ng tradisyunal na
sayaw ang mga batang Mangyan ng
Bato-Ili, Danlog and Salafay Minority
School.
Bukod pa rito, iba’t ibang mapanlikhang
gawaing pambata ang inihandog ng mga
kalahok na ahensya para sa lahat ng
kabataaan.
Nagsagawa ng ‘Zumbata’ o Zumba para
sa Kabataan, upang higit na mapalakas
ang kanilangang pangangatawan.
Samantala, nagkaroon din ng ‘Supervised
Art Workshop’ para malinang ang
kakayanan ng mga kalahok sa pagguhit,
pagpinta at paggawa ng ‘hand puppet’.
Isang ‘Poster Making Contest’ naman
ang isinagawa ng Regional Juvenile
Justice and Welfare Concil (RJJWC)
upang mapaigting ang adbokasiya sa ‘No
to Lowering the Minimum Age of Criminal
Responsibility (MACR)’.
Nagsaya din ang lahat --- hindi lamang
mga bata, kundi pati na rin ang mga
matatanda --- sa libreng ice cream,
popcorn, at photobooth na handog ng
lokal na pamahalaan.

Nagtapos ang aktibidad sa
isang palaro, pagbibigay
ng ‘awards at certificate’ at
pasasalamat ni Shemiah M.
Pineda, Municipal Council
for the Protection of Children
(MCPC) Representative at
ni Dr. Myrna G. Zapanta,
Chairperson, SB Committee
on Women Children and
Family.
Malaki ang pasasalamat ng
mga bata, guro at magulang
sa pagsagawa ng Children’s
Caravan cum Adoption
Consciousness Month sa
Occidental Mindoro.
NAGAWAGI sa
“Sobrang saya ko po na
napasama sa event na
ito. Ang swerte po ng
anak ko, kasi sa dami Po
ng estudyante sa school
nila, isa po sya sa napiling
sumama. Ang dami po
naming natutunan tapos
nag-enjoy din po kami sa
maraming pagkain po,”
masayang sambit ng isang
Pantawid Pamilya Parent
Leader. xxx
POSTER
MAKING
CONTEST
ng Regional Juvenile Justice Welfare Council

4 na LGU sa
Bilang ng mga babaeng may
kapansanan sa MIMAROPA, tukoy ng
Listahanan
4 na LGU sa
MIMAROPA,
naparangalan
GAPAS Award
ng
MALATE, Manila- Ayon sa datos ng
Listahanan ng Department of Social
Welfare and Development (DSWD)
MIMAROPA, may 1,491 kababaihang
mahirap na may kapansanan sa
Occidental Mindoro; 1,448 sa Oriental
Mindoro; 460 sa Marinduque; 718 sa
Romblon; at 2,341 sa Palawan.
Samantalang ang pinakamaraming
mahihirap na babaeng may kapansanan
ay matatagpuan sa Puerto Princesa City,
Palawan sa bilang na 480. Pumangalawa
ang bayan ng Sablayan, Occidental
Mindoro sa 439 bilang at sumunod ang
bayan ng San Jose, Occidental Mindoro
na may 389 na kababaihan.
Nitong ika-15 ng Pebrero, pinangunahan
ng DSWD ang selebrasyon ng ’13th
Women with Disabilities Day na may
temang, “Babaeng May Kapansan,
Manguna at Maninidigan Tungo sa
Pagbabago” sa bayan ng Boac,
Marinduque.
Ang huling Lunes sa buwan ng Marso
ay idineklarang Women with Disabilities
Day ayon sa Proclamation No. 744
na nilagdaan noong 2004 ni dating
Presidente Gloria Macapagal-Arroyo.###
Tumanggap ng parangal si Department
of Social Welfare and Development
MIMAROPA Regional Director Wilma D.
Naviamos, kabilang ang apat (4) na Local
Goverment Unit (LGU), ng GAPAS award
sa Panata ko sa Bayan Awarding Ceremony
sa DSWD Auditorium, Quezon City.
Ang Gawad Paglilingkod sa Sambayanan
(GAPAS) award ay ang pagkilala sa Lokal
na Pamahalaan at Non-Government
Organization (NGO) na may katangitangi
at mahusay na kontribusyon sa
pagimplementa ng programa at serbisyo
ng DSWD.
MGA PARANGAL NA NATANGGAP:
1. Model LGU Implementing Day Care
Services: Sablayan, Occidental Mindoro
2. Model LGU Implementing KALAHI-CIDSS:
Sablayan, Occidental Mindoro
3. Model LGU Implementing Protective
Program and Services:
San Jose, Occidental Mindoro
4. LGU Implementing Outstanding Sustainable
Micro-enterprise Development Model:
Taytay, Palawan

Noo’y Utak
Talangka,
Ngayo’y Utak
MANHAK:
Kwento ng
Tagumpay
ng Blue Crab
Fattening
Production ng
SLP MANHAK
Association

“Bago ito nagawa, yung project
namin, napakahirap talaga ng
dinaanan namin. Mahirap po pala
kapag hindi naniniwala sa’yo ang
mga taong nasa paligid mo, yung
hihilahin ka pa nila pababa. ‘Yun
po ang pinanghawakan ko, sabi ko
sa sarili ko na ‘talagang itutuloy ko
ito, hindi pwede na magpapatalo
kami sa mga sabi-sabi,” ito ang
mga katagang sinambit ni Luz E. Soriano,
Presidente ng SLP MANHAK Association,
ng tanungin siya ukol sa mga pagsubok na
kanilang pinagdaanan bago makamit ang
tagumpay ng kanilang Blue Crab Fattening
Production.
Ang Blue Crab Fattening Production ng SLP MANHAK
Association (Sustainable Livelihood Program -
Manggagawang Aktibo na Naglalayong Harapin ang
Kinabukasan), sa gabay at suporta ng Sustainable
Livelihood Program ng Department of Social Welfare and
Development Field Office MIMAROPA Region, ang hinirang na
‘Kampyon’ sa kategoryang Micro-Enterprise
sa nakaraang SLP Bangon Kabuhayan 2017.

Bayanihan:
Sandata sa
Kahirapan
Nagtulungan ang mga miyembro ng
MANHAK, pati ang kanilang pamilya,
upang mabuo ang proyekto – simula sa
paghahabi ng net, pagtatayo ng cage,
paghuli at pagpapataba ng alimasag.
“Dahil wala naman po kaming
totoong sweldo sa pagtayo
nito, pagbabayanihan po
ginawa namin para tuloy-tuloy
po. ‘Yun pong mga asawa at
anak namin, nagtulong-tulong
po kami sa pagbubuhat… sa
lahat, para matapos po ito,”
sambit ni Luz na may ningning sa
kanyang mga mata.
Pati ang iba’t-ibang ahensya ng
gobyerno ay nagtulungan upang
suportahan ang proyekto. Naglaan ng
P525, 741.00 ang SLP-DSWD para
sa Skills Training at Cash for Building
Livelihood Assets (CBLA) para sa
pagtatayo ng kanilang ‘Foot Bridge at
Bamboo Cottage’; nagbigay naman
ang Bureau of Fisheries and Aquatic
Resources (BFAR), Department of
Trade and Industry (DTI) at Department
of Science and Techlogy (DOST)
ng training ukol sa pagnenegosyo
at teknolohiya sapagpapataba ng
alimasag; sinuportahan naman ng
Department of Labor and Employment
(DOLE) ang pagbibigay permit para magoperate
ang asosasyon, nagsagawa ng
‘Food for Work’ ang Municipal Social
Welfare and Development (MSWDO)
at nagbigay ng environmental permit
ang Local Government Unit (LGU) ng
Looc, Romblon upang magamit ng
asosasyon ang lugar na pinagtirikan ng
kanilang proyekto.

Women
Empowerment
Bukod sa pagbabayanihan,
ipinamalas din ng grupo ang ‘Women
Empowerment’, siyam (9) sa 10
miyembro ng SLP MANHAK Association
ay kababaihan. Higit sa lahat, babae
ang kanilang presidente.
Pinatunayan ng asosasyon na hindi
basehan ang kasarian upang maging
matagumpay sa buhay.
Ang mga kababaihan ng SLP MANHAK
Assoc., katuwang ang kanilang pamilya,
ang nagpasan ng mabibigat na trabaho
tulad ng paghahabi ng net, paggawa ng
‘Cage’ ng talangka, pagtatayo ng tulay
at pagsisid sa karagatan.
“Kami po talagang gumawa
ng lahat ng makikita ninyo
dito. Kami po ang naglala ng
mga net, nagbuhat ng mga
kawayan para po mabuo ang
aming cage at tulay. Sumisisid
din po kami sa karagatan para
po manguha ng mga talangka
na aming papatabain,”
pagmamalakaing sambit ni Luz habang
inaalala ang malaking kontribusyon ng
kababaihan sa kanilang proyekto.
Kirot ng
kahirapan ng
buhay
Bago natikman ng grupo ang tagumpay,
mas masakit pa siguro sa nasipit ng
alimasag ang kanilang naranasan.
Noong hindi pa nagsisimula ang
proyekto, kumikirot ang kanilang puso
na makita ang kanilang pamilya na
hikahos sa buhay --- hindi sapat ang
kanilang kita sa pangingisda sa pang
araw-araw na gastusin, hindi sila
makabili ng kagamitan sa bahay at
higit sa lahat wala silang pantustos sa
edukasyon ng mga anak.
“Mahirap po talaga ang buhay
namin bago itong proyekto.
Kulang pa minsan sa pangkain
namin. Tapos napilitan akong
patigilin yung college ko na
nag-aaral ng Political Science.
Masakit po para sa isang
magulang na patigilin ang
kanilang mga anak,” sagot ni
Luz habang nanginginig ang kanyang
boses sa pagpigil sa pagpatak ng luha
sa kanyang mga mata.
Bukod pa rito, dahil sa hindi naman
madaliang makita at makamtan ang
bunga ng paghihirap, marami rin sa
mga miyembro ng SLP MANHAK
Association ang pinanghinaan ng loob
sa kalagitnaan ng kanilang proyekto.
Kumalas sila sa asosasyon sa pagaakalang
hindi magtatagumpay ang
proyekto.
“Marami po ang umalis sa
grupo namin dahil nga po
wala naman kaming sweldo
sa paggawa nito. Simula
po 23 miyembro eh 10
nalang po kami. Kami po
yung nagtiwala talaga na
magiging matagumpay po
itong proyekto naming ito.
Kahit wala agad kita simula,
go pa rin po kami,” paliwanag
ni Luz kung bakit nangalahati nalang
ang miyembro ng asosasyon.

Taba ng
Talangka
tungo sa
Malusog na
Pamumuhay
Sa tiwala, bayanihan at gabay ng
may kapal, naging malusog din ang
pamumuhay ng mga taga-SLP MANHAK
Assoc. tulad ng mga pinataba nilang
alimasag.
Kung dati, ang kita ng bawat miyembro ay
0 hanggang 100 piso, ngayon ay kumikita
na sila ng P225.00 kada araw. Para
naman sa buong asosasyon, kumikita
sila ng P140,00.00 kada buwan.
Nagkaroon na ang asosasyon ngayon
ng kanilang sariling ‘motor banca’ at
karagdagang ‘fish nets’ na kanilang
ginagamit upang higit na mapalawig ang
kanilang proyekto.
Nakapagpundar din ang bawat miyembro
ng iba’t ibang kagamitan sa bahay tulad
ng refrigerator, rice cooker at telebisyon.
Bukod pa rito, natupad na rin nila ang
ilan sa kahilingan ng kanilang pamilya.
Si Gemma Tabayay, miyembro ng SLP
MANHAK Association, ay natupad na
ang kahilingan ng kanyang mga anak na
makapanood ng malinaw sa
kanilang telebisyon. Kamakailan ay
nakapagpakabit na sila ng GSAT cable.
Si Alita Gaito naman, miyembo din ng
asosasyon, ay nakapagbigay ng mas
malawak na tahanan para sa kaniyang
pamilya ng nakapagpa-second floor siya
ng kanilang bahay.
Isa rin sa kanilang pinagmamalaki
ngayon ay ang kanilang kakayanang
makapagpaaral ng mga anak. Karamihan
sa kanila ay nakapagpatapos na ng
kolehiyo.
Sa ngayon, ang anak ni Luz ay bumalik
na sa kolehiyo at kumukuha ng kursong
BS in Fisheries and Aquatic Resources
upang makatulong sa pagpapaunlad ng
kanilang Blue Crab Fattening Production.
Malaki rin ang naging kontribusyon ng
asosasyon sa pag-unlad ng kanilang
komunidad. Isa na sila sa mga
pangunahing taga-supply ng alimasag sa
iba’t ibang restaurant sa Looc, Romblon
at sa karatig na Munisipyo. Pati mga
turista sa Boracay ay nakatikim na rin ng
kanilang mga matatabang alimasag.
Higit sa lahat, tumaas na ang kanilang
kumpyansa sa sarili. Ang dating mahiyain,
ngayon ay nagsisilbi ng tagapagsalita sa
iba’t ibang okasyon upang maibahagi
ang kanilang paglalakbay at paghihirap
tungo sa masagana at matagumpay na
proyekto.
Dati’y Utak Talangka,
Ngayo’y Utak MANHAK
Ang Utak Talangka ay isa sa mga hindi
magandang ugali ng mga Pilipino. Ito ang
mga taong ayaw na may nakaka-lamang
sa kanya, kapag nakaka-angat sa buhay
ang isang kababayan ay sisiraan niya ito
at pag-iisipan ng masama.
Sa una, ito ang malupit na naranasan nga
mga taga SLP MANHAK Association ---
ang pagdudahan ang kanilang kakayanan
at hilahin sila pababa upang hindi
magtagumpay--- pero ngayon, ang mga
taong noo’y humamak sa kanila ang siya
na nilang katuwang at katulong sa pagangat
sa buhay.
Dahil sa pagsisikap ng SLP MANHAK
Association, sila ngayon ay nagsisilbi ng
inspirasyon sa kanilang komunidad upang
huwag mawalan ng pag-asa, magbayanihan
at maging positibo upang makakamtan
din ang inaasam na tagumpay sa buhay.
Kung dati sila’y may ‘Utak Talangka’ na
nanghihigla pababa, ngayon ay meron na
silang ‘Utak MANHAK’ na humihila pataas
at umaalalay sa tagumpay ng kanilang
kapwa. ###

REGIONAL
FAMILY
DAY 2017
ANNUAL PHOTO SHOOT. Sinalubong ng opisyales at empleyado ng DSWD MIMAROPA ang taong 2017
ng buong sigla --- handa sa maaagap at mapagkalingang paglilingkod sa publikong Pilipino.
Matibay at masaganang
pagsasamahan ng pamilya,
ito ang isa sa kinakampanya
at sinusuportahan ng DSWD
MIMAROPA sa pagdiriwang ng
kanilang Regional Family Day
2017.

WELLNESS
PROGRAM
ART
WORKSHOP
FILM SHOWING
BOODLE
FIGHT

EDITORIAL BOARD
ADVISERS
Wilma D. Naviamos, CESO III
Regional Director
Floreceli G. Gunio
Assistant Regional Director for Operations
WRITERS
Rea Rosario G. Malite
Jason Eco Oliverio
Sharmaine Mae Catapang
Maria Alyssa Esguerra
Ang MIMAROPAHayagan ay ang opisyal na pahayagan ng
Department of Social Welfare and Development MIMAROPA.
Para sa inyong mga katanungan at suhestyon, maaring kayong
mag-email sa fo4b@dswd.gov.ph o tumawag sa
(02) 336-8106 loc 109.