MIMAROPAhayagan 2017 Final v2_Q2

Ika - 10 taon ng
Mangyan
MAMBURAO, Occidental
Mindoro – 1,536 na mga
katutubo mula sa pitong (7)
tribu ng Mangyan— Hanunuo,
Alangan, Gubatnon, Iraya,
Buhid, Bangon at Tadywan — at
iba’t ibang National Government
Organization (NGOs) at
National Government Agencies
(NGAs) na sumusuporta sa mga
Indigenous Peoples ang dumalo
sa pagdiriwang ng ika-10 taon
ng Araw ng mga Mangyan
na inorganisa ng HAGIBBAT-
MANGYAN MINDORO.
Ang mga kawani ng Department of
Social Welfare and Development
Central Office, DSWD Field Office
MIMAROPA at Pantawid Pamilyang
Pilipino Program ay nakiisa din sa
selebrasyon na ginanap ika-Abril 25-
28, sa Sitio Kahil, Barangay Tayamaan,
Mamburao Occidental Mindoro.
Day
ipinagdiriwang

DAYALOGO at
SERBISYO TUNGO
SA MAPAYAPA AT
MASAGANG PAMUMUHAY
NG MGA KATUTUBONG
MANGYAN
Nagsagawa ang DSWD ng Dayalogo
kasama ang mga lider ng 7 tribu ng Manygan
upang pakinggan ang kanilang mga tinig,
mga problema at suliraning kanilang
kinakaharap at matukoy kung anu ano ba
ang mga akmang social services para sa
kanila.
Sa pagtitipon, ilan sa mga napagusapan
ay ang implementasyon ng Modified
Conditional Transfer Program (MCCT) sa
MIMAROPA, ang kanilang lumalalang isyu
ng pagkagutom dulot ng matinding tagtuyot
at resulta ng militarisasyon sa kanilang
lugar.
“Atin pong aaralin ang mga
programa at serbisyo na ating
maaring maiabot sa mga kababayan
nating Mangyan sa Mindoro. Sa
direktiba na rin ni Pangulong
Rodrigo Duterte, sisikapin nating
mas abutin ang iba’t-ibang
grupong katutubo sa ating bansa
upang makapaghatid ng maagap
at mapagkalingang serbisyo,“ ang
tugon ni Sec. Judy Taguiwalo para sa mga
katutubong Mangyan.
Pagkatapos ng dayalogo, pinirmahan ng
mga katutubo ang resolusyon na kanilang
ninanais para sa DSWD. Sinigurado
naman ng mga kawani ng departamento na
makakarating sa kinauukulan ang kanilang
mga isyu at rekomendasyon.
“Kung nasaan po ang mga
mahihirap, kung nasaan po ang mga
nangangailangan, doon po titindig
ang DSWD, “ ika ni Alleco Silverio, Media
Officer ng OSEC sa pagpupulong ng mga
Mangyan.
Samantala, naghandog naman ang mga
ahensya ng gobyerno ng iba’t ibang serbisyo
tulad ng medical mission, feeding program, at
pagbabahagi ng kaalaman ukol sa karapatan
ng mga batang Mangyan.
Bukod pa rito, may mga pagsasanay din sa
weaving, paggawa ng banig at kuwako (pipe),
paggawa ng alternatibo sa gatas na gawa sa
soy bean at film showing ukol sa mga isyung
kanilang kinakaharap.
Sa huling gabi naman ng pagdiriwang,
nagkaroon ng pagtatanghal ang mga
katutubog. Ipinaabot nila ang kanilang mga
pinaglalaban sa pamamagitan ng malikhaing
pagsayaw, pagkanta at pagtula.
Ang katutubong Mangyan ay bahagi ng 20%
sa kabuuang populasyon ng isla ng Mindoro.
Isa sila sa mga pangunahing ethno-linguistic
na grupo sa Pilipino na hitik sa kultura at
tradisyon.
“Mangyan, Patuloy na Magkaisa, Kumilos
Para sa Pagbabago; Lupang Ninuno at
Sariling Pagpapasya, Depensahan at
Ipaglaban!” ito ang tema para sa taong
pagdiriwang. ###

BAGONG
PAG-ASA ng
KATUTUBONG MANGYAN

HUWARAN
AT PALABANG
Ilaw ng Tahanan

Pitong Hardin
ng Barangay Mendoza
Sa bulubunduking lupain ng
Barangay Mendoza sa Palawan
matatagpuan ang pitong biointensive
gardens ng Sitio Taliwara/
Little Baguio, Purok Mauranen,
Purok Durian, Purok Malungkot,
Purok Old Site, Purok Proper 1
at Purok Proper 2. Ang layunin
ng mga hardin na ito ay upang
solusyonan ang malnutrisyon sa
barangay sa tulong ng Pantawid
Pamilyang Pilipino Program ng
Department of Social Welfare and
Development sa paghikayat sa
mga benepisyaryo na magsagawa
ng bio-intensive gardening (BIG).
Ang BIG ay isang pamamaraan ng
pagtatanim kung saan ang indigenous na
buto ng halaman at organikong pataba ay
ginagamit sa pagtatanim ng mga gulay.
Ang pamamaraang ito ay mas akma sa
mga komunidad na nasa malalayong lugar
na may maliliit na lupa dahil nagpopokus
ito sa pagkamit ng madaming ani gamit
ang malilit na lupain.
Mas maraming naitatanim na iba’t ibang
uri ng gulay sa maliit na espasyo ng lupa
gamit ito dahil sa mas matipid sa lupang
pamamaraan ng pagtatanim dito.
Ang Barangay Mendoza ay patuloy na
kasama sa listahan ng mga barangay
na may pinakamataas na kaso ng
malnutrisyon sa munisipalidad ng Roxas,
Palawan. Sa katunayan, noong nakaraang
taon, walo sa sampung bata sa barangay
ay malnourished. Kaya naman sa tulong
ng family development session (FDS) ng
Pantawid, nagkaroon ng talakayan sa mga
maaring aksyon na gawin upang lutaasin
ang mga problema sa komunidad.
At mula sa mga napag-usapan sa FDS
tungkol sa environmental education
and information, at oryentasyon tungkol
organikong pagtatanim, ang pagsasagawa
ng proyekto ng BIG ay naimungkahi.
Sa tulong at inisyatibo ng kanilang
municipal link na si Valerie Magallado,
ang bawat isang cluster ay nagsagawa ng
kani-kanilang pagtitipon sa pangunguna
ng kanilang mga parent leader upang
mapagusapan ang tungkol sa BIG.
Ang bawat cluster ay bumuo ng grupo
na mayroong kani-kanilang gampanin
para sa kanilang hardin. Matapos ang
ilang mga pagtitipon, ang ilang cluster
ay nakapagsimula na sa pag-aayos ng
kanilang hardin noong Disyembre 2016.
Kalimitan sa mga butong ginagamit nila
sa pagtatanim ay galing sa sariling hardin
ng mga miyembro, samantala, ang iba
naman ay kanilang binibili. Ang mga tanim
na kanilang kalimitang itinatanim ay mga
talong, kamatis, okra, sitaw, labanos,
kalabasa, sili, at iba pa.
Nagtatanim din sila ng mga bulaklak at iba
pang halaman upang pangsangga nila sa
mga peste at mga insektong nakakasira sa
kanilang pananim.

Matapos ang limang buwan, ang iba
sa mga clusters ay nakapag-ani ng
maraming gulay sa kanilang mga hardin.
Napagdesisyunan nila na ang mga aning
ito ay ibebenta sa mga miyembro ng
cluster sa mas murang presyo kumpara
sa mga gulay na itinitinda sa merkado.
Ang kanilang nalilikom na pera sa kanilang
ani ay kanila namang iiniipon para sa iba
pang gastusin sa mga gawain ng grupo.
May ibang mga cluster na nagpaplanong
gamitin ang pera bilang kapital sa pagbili
ng baboy.
Ang anak ng baboy na ito ay kanilang
paghahatian sa kanilang mga
miyembro para sa kani-kanilang sariling
pagkonsumo.
Kapag nanganak muli ang baboy, ang
mga hindi nakatanggap ang siya namang
makakakuha. May iba ring cluster
na nagbabalak gawing puhunan ang
kanilang ipon upang ipangutang sa ibang
benepisyaryo ng Pantawid na may interes
upang mapalago ang kanilang kita.
Ang maiipon naman nila mula rito ay kanila
ring gagastusin para sa kanilang hardin.
Para sa una nilang ani, ang bawat cluster
ay kumita ng limang daan hanggang
tatlong libong piso.
Nais ipagpatuloy ng mga mkiyembro ng
bawat cluster ang kani-kanilang hardin
dahil sa natutulong nito sa kanilang
komunidad.
“Dati yung mga bata wala talagang
makain dito sa amin lalo na’t mahal
ang mga pagkain, pero ngayon
kumukuha na lang kami sa garden
namin para may mapakain sa mga
anak namin,” ani Emmi Delaguna,
parent leader ng Purok Proper 2.
Gayunpaman, kahit halos lahat ng
miyembro ang nagpapakita ng kanilang
pagkasabik sa paggawa ng mga gawaing
nakaatas sa kanila, may ibang miyembro
na nagpapakita ng kawalan ng interes
sa proyektong ito dahil sa problema sa
lokasyon ng hardin, na nangyari sa Purok
Malungkot at Purok Proper 1.
Ang mga lupang ginagamit sa proyekto ng
BIG ay kalimitang galing sa miyembro o di
kaya naman ay hiram mula sa mga mayari
ng lupa.
Ang hardin ng Purok Malungkot ay malapit
sa kanilang barangay hall na siya namang
malayo sa bahay ng mga miyembro nito.
Kaya naman, nawawalan ng gana
ang mga miyembro na tumungo pa sa
kanilang hardin lalo pa’t mayroon naman
silang sariling hardin sa bakuran ng kanikanilang
bahay.
Samantala, sa Purok Proper 1 naman,
nahihirapan ang mga miyembro na
pangalagaan ang hardin dahil ang tubig
na pinagkukunan nila ay nasa ibaba ng
kanilang taniman.

Contemporary
Women ng MIMAROPA
Ayon kay Melanie Cadenas, parent leader
ng Purok Proper 1, at ni Adeliza Heredero
ng Purok Malungkot, ang kanilang
cluster ay naghahanap na rin naman ng
panibagong lokasyon para simulan muli
ang kanilang hardin.
Sa panimulang bahagi ng pagsasagawa
ng proyekto, ang mga bio-intensive
garden na ito ay naging matagumpay sa
kaniyang layunin na maging alternatibong
pinagmumulan ng mga masusutansyang
pagkain para sa mga benepisyaryo ng
Pantawid.
Sa kabila ng mga problemang na
nakakaharap ng proyekto, inaasahan pa
rin na ang inisyatibong ito ay makakatulong
upang mawala ang kagutuman at food
insecurity sa mga komunidad, upang
makabawas sa epekto sa kahirapan ng
pamilyang Pilipino. Naglalayon din ang
proyekto na makipagtulungan sa iba pang
ahensya gaya ng Department of Agriculture
(DA) upang maturuan ang mga miyembro ng
iba’t iba pang pamamaraan ng sustainable
food production. ###
Nagsagawa ng aktibidad ang
Pantawid Pamilyang Pilipino Program
ng Department of Social Welfare and
Development (DSWD) MiMaRoPa kasama
ang mga nanalo sa Regional Search for
Contemporary Woman na sina Marites
Bolasco ng Occidental Mindoro, Jenper
Fajilan ng Oriental Mindoro, Analiza
Lupangco ng Marinduque, Marife Fabito
ng Romblon, at Maylende Esler ng
Palawan noong Mayo 25, 2017.
Ang buong araw na aktibidad na ito ay
naglalayong makilala ang mga pagsisikap at
tagumpay ng mga kababaihang benepisyaryo
ng Pantawid Pamiilya bilang aktibong
tagapagpalaganap ng pagkakapantay-pantay
ng kasarian. Bilang panimula, dumalo sa isang
educational discussion sa GABRIELA National
Alliance of Filipino Women sa pangunguna
ni Joms Salvador, secretary general ng
GABRIELA, ang limang kababaihan, kasama
ang iba pang mga kawani ng DSWD.

Matapos ang diskusyon, naimbitahan
silang makipanayam sa DZRB Radyo
ng Bayan 738 Khz sa paaanyaya ng
Philippine Commission on Women.
Dito ay naibahigi nila ang kani-kanilang
mga istorya ng woman empowerment at
pahayag tungkol sa kanilang karanasan
sa programa ng Pantawid Pamilya.
Natapos ang aktibidad sa isang
symposium na pinamagatang Women
Leading Change: A Symposium on
Women Empowement. Ito ay ginanap
sa Noel B. Benitez Hall, Philippine
Women University (PWU), Taft Avenue,
Manila noong hapon pagkatapos ng
radio guesting.
sa Regional Search for Contemporary
Woman. Ang nagwagi bilang Grand
Winner ay si Jeneper Fajilan mula sa
Oriental Mindoro, samantalang si Marife
Fabito mula sa Romblon ang nakakuha
ng Ikalawang Karangalan.
Ang Ikatlong Karangalan ay napunta kay
Marites Bolasco ng Occidentl Mindoro,
na sinundan naman ni Maylende Esler
ng Palawan, at Analiza Lupangco ng
Marinduque.
Ang limang nanalo ay magiging
aktibong kasama ng Pantawid Pamilya
sa pagpapalaganap ng pagkakapantaypantay
ng kasarian sa kani-kanilang
mga probinsya. ###
Ang symposium na ito ay dinaluhan
naman ng mga estudyante ng BS Social
Work at mga guro mula sa PWU.
Sa symposium na ito, nabigyan ng
pagkakataong magtalakay ang limang
kababaihan ng kanilang mga kwento
kung paano nila naipapakita ang women
empowerment sa pagtulong sa kapwa,
sa relihiyon, edukasyon, at pulitika.
Nagbigay din ng diskusyon tungkol
sa relasyon ng social work sa woman
empowerment si Mary Nhiang Sung,
ang panauhing pangdangal na mula
sa Myanmar, na siyang nagbahagi ng
kaniyang research study na “Women
Empowerment in the UN Context and
Social Work Perspective”.
Sa symposium rin na ito ginanap ang
pagbibigay-karangalan sa mga nanalo

Sports
Festival
MALATE, Manila- Sa katatapos
lamang na 2017 sports festival ng
Department of Social Welfare and
Development (DSWD) MIMAROPA,
muling pinatunayan ng mga kawani
ang kanilang galing sa larangan ng
sports at larong Pinoy.
Labanan ng Lipi ang naging tema ng palaro
kung saan apat na katutubong tribo ang binuo
at nagsipagsiklaban. Ito ay ang Tagbanwa,
Iraya, Bantoanon, at Hanunuó.
Sa pangunguna ng Human Resource and
Development Unit, isinasagawa ang sports
festival upang mas lalong mapaigting
ang samahan ng mga kawani sa loob
ng departamento. “Ito rin ay naglalayong
mabigyan sila ng pagkakataong maglibang at
paraan ng stress debriefing mula sa bigat ng
kani-kanilang mga trabaho,” ang pahayag ni
Rose Jean Mayrena HR officer.
Samantala, itinanghal na pangkabuang
kampeon ang grupo ng Iraya, pumangalawa
ang grupo ng Tagbanwa, pangatlo ang
Bantoanon at pang-apat ang grupo ng
Hanunuó.
Nagkamit naman ng tropeyo at cash prize
ang mga nanalong grupo. Ginawaran din ng
certificate appreciation ang mga kawani na
nagwagi sa mga larong pang-indibidwal. ###
Bilang panimula ng sports fest, isang payak
na parada na dinaluhan ng mga kawani at ng
apat na lipi na may kanya-kanyang lakambini
at lakandula bilang representante ng tribo.
Isa namang sayawan o zumba ang inihanda
at sa pagtatapos ng opening celebration,
isang masayang kainan o boodle fight ang
pinagsaluhan ng lahat.
Karaniwan sa naging mga patimpalak sa
sports ang basketball, dart, chess, volleyball,
table tennis at badminton para sa mga
kababaihan at kalalakihan.
Samantalang nagkaron din ng iba’t ibang laro
ng lahi na mas nagpakulay nang nasabing
festival.

MGA
CENTENARIAN
NG
MIMAROPA
TUMANGGAP
NG 100K
MULA SA
DSWD
MALATE, Manila- Umabot sa tatlum putanim
na mga centenarian sa rehiyon
ng MIMAROPA ang kumpirmadong
nakatanggap ng tig-iisang daang libong
piso mula sa Department of Social
Welfare and Development (DSWD)
simula nitong buwan ng Abril, 2017.
Ayon sa datos ng DSWD MIMAROPA, apat na
centenarian ang nakatanggap sa probinsya
ng Occidental Mindoro; labing apat sa Oriental
Mindoro; anim naman sa Marinduque; tatlo sa
Romblon; at siyam sa Palawan.
Ipinag-uutos ng Republic Act 10868 o ng
Centenarians Acts of 2016, na ang lahat ng
Pilipinong nakatira man sa bansa o hindi, may
edad 100 years old o mas kilala sa tawag
na centenarian, ay makakatangap ng Letter
of Felicitation mula sa Pangulo ng bansa at
perang nagkakahalaga ng isang daang libong
piso.
Sa kasalukuyan, umaabot na sa P3.6 milyong
piso ang kabuuang halaga ang naipapamahagi
ng DSWD para sa mga nasabing matatanda.
Ibinahagi ni Maricel dela Vega, tagapagsalita
ng programa na patuloy ang kanilang
isinasagawang balidasyon para sa natitirang
tatlum put-isang centenarians sa rehiyon.
“Kinakailangang masiguro natin na totoo at
karapatdapat silang tumanggap ng cash gift
mula sa gobyerno,” pahayag ni dela Vega.
Katuwang ang lokal na pamahalaan at
ng lokal na tanggapan ng Senior Citizens,
mas pinaigting ang pagsisiyasat sa mga
sinasabing centenarian. Isang mekanismo
nito, ang pagkuha ng birth certificate ng
matatanda para makuha ang kanilang tunay
na edad.
Samantala, makakatanggap rin ang mga
centenarian ng plaque of recognition at cash
incentive mula sa kani-kanilang lokal na
pamahalaan bagama’t ito ay nakabatay sa
desisyon ng pamunuang lokal.
Ayon naman sa Listahanan, isang
pamamaraan ng pamahalaan sa pagtukoy
ng mga mahihirap sa bansa, mayroong
dalawampu’t dalawang matatanda sa rehiyon
ang naging centenarian ngayong taon ang
napapabilang sa mahihirap na sambahayan.
###

Evacuation Center sa
Barangay Tampayan,
Pinasinayanan.
Magdiwang Romblon– Nagbunyi
ang mga mamamayan ng Barangay
Tampayan sa kanilang natanggap na
evacuation center cum multi-purpose
hall noong umaga ng Hunyo 7, 2017
mula sa kalahi cidss.
Ang pagpapasinaya ng nasabing
imprastraktura ay dinaluhan ng mga
mamamayan at volunteers ng Kalahi CIDSS
sa Barangay Tampayan, mga volunteers
mula sa katabing Barangay ng Agutay,
mga miyembro ng Sangguniang Bayan na
pinangungunahan ni Mayor Denisa Repizo,
mga opisyales ng barangay Tampayan
kasama ang lahat ng mga punong
barangay mula sa Bayan ng Magdiwang at
mga kawani ng Kalahi CIDSS mula sa subregional
at regional office.
Isa sa pinakaaantay ng mga dumalo ng
nasabing pagtitipon ay ang pakikinig
sa testimonya ng mga Kalahi CIDSS
Community Volunteers partikular na
riyan ang testimonya nila Project
Implementation Team (PIT) head
Raymundo delos Reyes at Warehouse
keeper Bernadeth Tangco. Ito ang unang
beses na nag volunteer ang dalawa
para sa kanilang pamayanan at sila ya
nagpahiwatig ng pagnanais na muling
maging boluntaryo kung mabibigyan
pang muli ng pagkakataon.
Sinabi ni G. Delos Reyes sa kaniyang
testimonya “nung nag simula na yung
project, ako yung tinatawag nilang
segunda engineer. Kung titingnan mo,
hindi naman paniniwalaan na engineer
yan.
Sabi ko sa sarili ko, sa ngayon iisipin
ko muna yung komunidad hindi lang
pansarili. At kung kakailanganin ulit ako
ng aking barangay ay willing ako na mag
volunteer ulit.”
Nabanggit naman ni Gng. Tangco na .
“Unang beses kong nakapag trabaho
buong buhay ko at masaya ako na kumita
ng sarili kong sahod bilang warehouse
keeper.”
Matapos ang mga testimonya ay
ibinigay na sa komunidad ang mga hindi
nagamit na materyales sa pag buo ng
kanilang proyekto, at ang Certificte of
Completion and Acceptance. Sinundan
ito ng ceremonial turn-over ng susi sa
operation and maintenance group na
binuo ng komunidad upang mangalaga
sa evacuation center.
Sa pangunguna ni Mayor Repizo at DRPM
Peraren, pinarangalan ng certificate
of appreciation ang mga community
volunteers upang bigyang pugay ang
kanilang walang sawa at walang pagod na
pakikibahagi sa programa.
Ang evacuation center cum multi-purpose
hall ay isa sa mga proyekto na napondohan
ng Kalahi CIDSS sa bayan ng Magdiwang.
Ang Kalahi CIDSS ay isa sa tatlong
pangunahing programa ng DSWD na
naglalayong mabawasan ang kahirapan sa
rehiyong MIMAROPA.
Layunin nito na mabawasan ang kahirapan,
mapaigi ang pag hahatid ng mga
pangunanahing serbisyong oanlipunan
sa mga komunidad at mapaigi ang local
na pamamahala sa pakikibahagi ng mga
mamayan lalo na ang mga mahihirap na
saektor sa pagpaplano at pagdedesisyon
sa pamayanan.
###

KAlipunan ng
LIping
PIlipino
Basic Facilitation Skills
ng KALIPI Pinahusay
ng DSWD MIMAROPA
KAWIT, CAVITE – Bilang pagkilala sa
kahalagahan ng mahusay na pamumuno
at pagoorganisa sa ikatatagumpay ng
isang programa, nagsagawa ng Basic
Facilitation Skills ang Department
of Social Welfare and Development
MIMAROPA para sa mga lider at miyembro
ng Kalipunan ng Liping Pilipina (KALIPI),
ika-20 hanggang 24 ng Hunyo 2017.
Ang KALIPI ay pambansang pederasyon
ng mga organisasyong pumoprotekta at
nagsusulong sa karapatan at adbokasiya
ng mga kababaihan na naitatag taong 1990
sa ilalim ng Bureau of Women’s Welfare
ng Department of Social Welfare and
Development.
Katuwang ang komunidad at lokal na
pamahalaan, tinutulungan ng KALIPI ang
mga kababaihan lalong lalo na ang mga
kabilang sa mahihirap na sektor, nasa
laylayan na lipunan at nasa mapaghamong
sitwasyon na matugunan ang kanilang mga
pangangailangan, maiwasan o makawala
sa kalupitan, matulungang makahanap ng
hanapbuhay at maiangat ang kabuuang
antas ng kanilang pamumuhay.
“Bilang modelo ng komunidad at mga
kababaihan, mahalagang magkaroon ng
kaalaman at kakayanan ang mga lider ng
KALIPI sa pag-oorganisa at iba pang skills
training. Malaki ang responsibilidad na
kanilang gagampanan sa ikatatagumpay ng
programa,” ayon kay Josephine Macalagay,
Social Techology Unit Head.
Sa Training on Basic Facilitation Skills,
pinaigting ang kalaaman at kakayanan
ng mga kasapi sa mga sumusunod: 1)
Leadership Skills; 2) Principles of Meeting
and Facilitation; at 3) Organizational
Communication.
“Sinigurado naming mahasa ang leadership,
facilitation at communication skills ng mga
KALIPI dahil ito ang mga pangunahing
sangkap ng isang magaling na lider,” dagdag
pa ni Macalagay.
Upang suportahan naman ang pinansyal
at pang-ekonomiyang pangangailangan ng
KALIPI, ang bawat samahan nila ay lumalapit
sa mga ibat ibang “agencies” upang mag
resource generation para sa kanilang mga
proyekto sa pamamagitan ng proposals.
“Ang pagkakapit-bisig ng bawat miyembro ng
KALIPI at iba’t ibang ahensya ng gobyerno
ay mahalaga upang higit na maprotektahan
at masuportahan ang adbokasiya natin para
sa mga kababaihan. Maraming salamat sa
inyo! Patuloy nating pagibayuhin ang ating
laban para sa kababaihan,” pagtatapos ni
Macalagay. ###

Calapan City, OrMin – Upang higit
na palakasin at paunlarin ang Social
Protection Support Initiatives (SPSI)
Convergence Project nagsagawa
ng Program Review and Evaluation
Workshop ang SPSI sa nasabing lugar,
ika-28 hanggang 29 ng Hunyo 2017 .
Ang SPSI Convergence Project ay ang
pinagbuklod-buklod na mga proyekto
ng: Department of Social Welfare and
Development (DSWD) sa pamamagitan
ng Sustaining Interventions in Poverty
Alleviation and Governance (SIPAG)
project; Department of Health (DOH)
SPSI
PREW
Isinagawa
sa
Oriental
Mindoro
sa kanilang Watching Over Mother and
Babies (WOMB); at ng Philippine Health
Insurance Corporation (PhilHealth) sa
kanilang Sigurado at Garantisadong
Insurance Pangkalusugan (SAGIP)
Project na naglalayong mapaangat ang
pangkabuuang pamumuhay ng mga
mahihirap na natukoy ng Listahanan lalo
na ang mga benepisyaryo ng Pantawid
Pamilyang Pilipino Program.
Ang pinakapuso at sentro ng SPSI
Convergence Project ay ang kanilang
Electronic Referral System para sa SIPAG,
WOMB at SAGIP information system na
nakikitang mekanismo upang pagtibayin
ang Cross-Agency Data Sharing at padaliin
ang pagalam sa mga priority cases
upang pagbuklurin ang mga serbisyong
inahahandog ng DSWD, DOH at Philhealth.
Sa unang bahagi ng programa, ibinahagi
ni DSWD-NCTSU Dir. Christian Deloria
at iba pang kinatawan ang mga nagawa
at kasalukuyang kalagayan ng SPSI sa
probinsya ng Oriental Mindoro.
Upang higit namang mapaunlad ang
programa, nagsagawa ng prioritization
workshop ang grupo na pinangunahan ni
Ms. Julieta Flores, Project Development
Officer III ng SIPAG Project.
“Mahalagang makagawa tayo ng action
plan kung papaano natin matugunan ang
mga isyu at pagsubok na kinaharap natin sa
pagimplementa ng ating programa upang
masiguro natin ang patuloy nitong pagusad
at pagunlad,” ika ni Ms. Flores.
Taong 2011 ng magsimula ang SPSI
Convergence Project sa anim na
munispyo ng Oriental Mindoro: Bansud,
Bongabong, Bulalacao, Mansalay, Naujan
at Pola. Lumawak at nakompleto ang
implementasyon nito sa syudad ng Calapan
at walo (8) pang munisipyo kabilang ng
Baco, Gloria, Pinamalayan, Puerto Galera,
San Teodoro, Socorro at Victoria noong
Hunyo, 2014.
Ngayong 2017 na ang huling taon ng
implementasyon ng SPSI Convergence
Project sa Oriental Mindoro.
“Ang SPSI program ay isa sa
pinakamatagumpay na programa ng
gobyerno na aking nakita. Ito ay isang
magandang modelo kung papaano
makakapagbigay ng mas epektibong
serbisyo ang iba’t ibang ahensya ng
gobyerno para sa masang Pilipino. Mainam
na nakagawa tayo ng sustainability plan
sa huling taon ng implementasyon nito sa
Oriental Mindoro,” pagtatapos ni Dir.Deloria.

MIMAROPA
YOUTH
CENTER
Ang MIMAROPA Youth Center (MYC) ay rehabilitation facility na itinayo ng Department of
Social Welfare and Development para maprotektahan at suportahan ang pangagangailangan
ng mga Children in Conflict with the Law (CICL) sa MIMAROPA habang sila ay inihahandang
makapiling uli ang kanilang pamilya at makisalamuha sa komunidad.
Sa MYC hinuhubog ang ispiritwal, mental, pisikal at sosyal na kakayan ng kabataan. Ilan
sa mga programang inihahandog ng MYC ay ang: 1) SOCIAL SERVICES - pagbibigay ng
counseling at iba pang social work interventions para sa rehabilitasyon ng mga bata;
2) HOMELIFE SERVICES - pagpapanitili ng family living atmosphere sa loob ng center at
pagbibigay ng iba pang pangangailangan ng bata tulad ng balanseng pagkain;
3) EDUCATIONAL SERVICES - oportunidad
na magkaroon ng formal, non-formal, distant
learning at Alternative Learning System;
4) HEALTH PROMOTION SERIVCES - ang
pagsigurado sa malusog na pangangatawan
at pagiisip ng mga CICL sa pamamagitan
ng pagbibigay ng medical treatment, dental
examination, at psychological assessment;
5) SPIRITUAL SERVICES - ang regular
na pagasagawa ng evening devotion at
pagsimba tuwing linggo;
6) PRACTICAL SKILLS ENHANCEMENT -
ang pagbibgigay ng mga training tulad ng
life skills training at backyard gardening;
7) SOCIAL at SOCIO CULTURAL
ACTIVITIES - nagsasagawa ng sports
festival, arts, dance and music activities
upang mahubog ang pakikisalamuha ng
mga CICL;
8) at LEGAL SERVICES - kung saan
sinasamahan ng mga social workers ang
mga menor de edad sa court hearings at
nagsasagawa ng libreng konsultasyon sa
mga PAO lawyers.

EDITORIAL BOARD
ADVISERS
Wilma D. Naviamos, CESO III
Regional Director
Floreceli G. Gunio
Assistant Regional Director for Operations
WRITERS
Rea Rosario G. Malite
Jason Eco Oliverio
Sharmaine Mae Catapang
Maria Alyssa Esguerra
Rica Thea Ladaga
Ang MIMAROPAHayagan ay ang opisyal na pahayagan ng
Department of Social Welfare and Development MIMAROPA.
Para sa inyong mga katanungan at suhestyon, maaring kayong
mag-email sa fo4b@dswd.gov.ph o tumawag sa
(02) 336-8106 loc 109.