BEURER hitapúði HK 125

BEURER hitapúði HK 125XXL
Er framleiddur af BEURER í Þýskalandi en Beurer hefur um 80 ára reynslu í framleiðslu á hitateppum
og hitapúðum. Beurer vörur hafa verið í notkun á Íslandi í um 55 ár og reynst frábærlega vel. Með
réttri notkun mun þessi hitapúði endast um ókomin ár. Eftirfarandi eru nokkrar ábendingar um meðferð
hitapúðans sem rétt er að hafa í huga:
Lesið notkunarreglurnar vandlega
• Tengið hitapúðann aðeins við uppgefna spennu (230 Volt)
• Ekki stinga nálum eða oddhvössum hlutum í púðann
• Hindrið að brot eða krumpur myndist í púðanum
• Rofi og kló mega ekki komast í snertingu við raka. Ekki nota púðann blautan
• Ekki toga, snúa upp á eða brjóta saman rafmagnssnúruna
• Ekki nota púðann á ósjálfbjarga einstaklinga, ungabörn eða þá sem skynja illa hita án
gæslu og það má undir engum kringumstæðum sofna út frá hitapúðanum
• Langtíma samfelld notkun hitapúðans getur orsakað bruna í húð
• Þessi hitapúði er ekki ætlaður til nota á sjúkrahúsum
• Vinsamlegast veitið athygli leiðbeiningum um hreinsun (sjá upplýsingar um hreinsun og
meðferð)
• Aftengið púðann og komið honum í geymslu á þurrum stað eftir að hann hefur kólnað
• Athugið að leggja ekki neitt ofan á hann þegar hann er í geymslu
• Ekki staðsetja rofa hitapúðans á eða undir honum á meðan hann er í notkun
• Hitapúðann má aldrei nota samanbrotinn
• Notið hitapúðann aldrei án gæslu
• Skoðið hitapúðann reglulega að utanverðu með tilliti til slits og skemmda. Ef slíkt er
tilfellið skal láta fagmann yfirfara hann. Viðgerð sem er ranglega útfærð, getur orsakað
umtalsverða hættu fyrir notandann.
Notkun:
Vinsamlegast tryggið að púðinn kuðlist ekki eða liggi samanbrotinn við notkun. Notið púðann alltaf
með baðmullarverinu til að vernda plastbyrði hans. Þetta á einnig við ef notaðar eru olíur eða krem.
Löng samfelld notkun púðans getur orsakað bruna í húð. Þegar púðinn er notaður í fyrsta skipti er
hætt við að það finnist plastlykt en hún hverfur fljótlega við notkun.
Hitastilling:
Fljótlegast er að hita púðann þegar rofinn er stilltur í byrjun á hæstu stillingu en lækka svo eftir því sem
á þarf að halda.
0 = slökkt 1 = minnsti hiti 2 – 5 meðalstillingar 6 = mesti hiti
Slekkur á sér sjálfkrafa
Hitapúðinn slekkur sjálfkrafa á sér ca. 90 mínútum eftir að hann var settur í samband. Athugið hins
vegar að ljósið á honum slökknar ekki !. Til að setja hitapúðann í samband á ný verður að slökkva
á honum ( stilla hann á 0), og eftir ca. 5 sekúndur er hægt að kveikja á honum á ný. Ef ekki á að nota
púðann lengur eftir að hann slekkur á sér þá ætti annaðhvort að slökkva á honum eða taka hann úr
sambandi við rafmagn.
Hreinsun og meðferð
Hægt er að taka baðmullarverið af púðanum og þvo það skv. þvottaleiðbeiningum sem eru á verinu.
Ábyrgð og þjónusta
Vinsamlegast athugið að öll viðgerða og ábyrgðarþjónusta er hjá umboðsaðilanum sem er:
PFAFF – Borgarljós hf
Grensásvegi 13

108 Reykjavík
sími: 414-0451