Dapat Sila'y Pinagmamalasakitan din Natin

Śrī Chaitanya Sāraswat Maṭh Philippines – Śrī Nāma Hāééa Center
Pebrero 14, 2018
Dapat Sila’y Pinagmamalasakitan din Natin,
Pinagsasabihan at Pinaaalalahanan
Turong-aral nang Kanyang Banal na Pagpapala
Om Viṣṇupād Śrīla Bhakti Nirmal Āchārya Mahārāj
Nirmal Bhakti – Dapat Sila’y Pagmamalasakit Din Natin Pinagsasabihan at Pina-aalalahanan 1

Tanong: May mga pagkakataon, na minsan, di natin maiwasang
mag-utos sa isang deboto, kaya lamang, di-rin nila maiwasang
magkamali. Subalit kapag sila’y pinupuna, ito’y nauuwi sa
pagtatalo. Hindi ba’t ang bilin sa atin, kung halimbawang
dumating ang ganitong sitwasyon, sumangguni tayo sa mga
masmataas sa atin, na dahil sa kanilang karanasan, malalaman
natin kung ano ang tama at kung ano ang mali. Kaya lamang,
bagama’t ganun nga ang ginagawa natin, na tayo’y
sumasangguni sa mga masmatataas sa atin, ganunpaman, may
mga deboto, na bagama’t matataas na deboto na ang nagsasabi sa
kanila, ayaw parin nilang sundin. Minsan ang dahilan nila, tama
daw sila at ito’y naaayon sa aral ng ating Misyon.
Alam mo po ninyo, ayaw din po namin silang itaboy, o kaya
pagsalitaan, dahil nangangamba kami na baka, kung ito’y aming
gagawin, malamang, lumayo sila o kung hindi man, baka ito pa
ang maging dahilan na mawalan sila ng gana sa kanilang
paglilingkod. Ang sa amin naman, ano po ba ang dapat naming
gawin, papaano namin sila matutulungan, papaano namin
matutuwid ang sa palagay namin ay mali at hindi naaayon sa
mga aral natin?
Alam ninyo, ayon kay Śrīla Bhakti Siddhānta Saraswatī Ṭhākur,
“Kapag ang guru ay puro na lang puri nang puri at oo na lang ng
oo, sa kanyang disipulo,” ito’y hindi talaga guru. Kaya kung
talagang nagmamalasakit ako sa inyo, kung totoo talagang
mabuting kaibigan ako, dapat sinasabi ko sa inyo kung ano ang
ikabubuti ninyo. Kung ano ang dapat ninyong gawin. Sa
madaling-salita, pagsasabihan kita.
Nirmal Bhakti – Dapat Sila’y Pagmamalasakit Din Natin Pinagsasabihan at Pina-aalalahanan 2

Noo’y naikwento ko na sa inyo ang istorya ng isang duktor at
kanyang pasyente na palagi nalang mataas ang dugo at asukal.
Ang bilin ng duktor sa kanyang pasyente, dapat iwasan nito ang
madalas na pagkain ng patatas at mga matatamis na pagkain,
kaya lamang, agad itong kinontra ng kanyang pasyente, aniya,
“Dok, mahirap iwasan ang ganoong pagkain, yun pa naman ang
pinaka-paborito kong kainin.” Ang ibang duktor, kapag ganun
ang sinabi ng kanyang pasyente, nagbabago ang pasya, “Ganun
ba, o sige, pero kaunti lang, ha.” Kapag ganun ang duktor mo,
tiyak hindi ka gagaling. Dapat kung ano ang tama, ito ang
inihahabilin mo. At tayo naman, dapat sundin naman natin kung
ano ang ipinapayo ng duktor natin.
May mga deboto na talaga namang, hindi nakakasunod sa mga
aral at tagubilin, dapat sila’y pinagsasabihan natin, subalit dapat
ito ay sa paraang malumanay at may pagmamalasakit, at para sa
kanilang kabutihan, “Naku Prabhu, masama yan. Huwag mong
gawin yan.” Di-maikakailang may ilang deboto ang talaga
namang nagkakasala, subalit tignan mo, hindi ba’t sila’y
pinagpapasensyahan parin ni Gurudev, hindi kinukunsinti at
matiyagang pinapangaralan. Dapat ganun din tayo. Walangsawang
patuloy na nangangaral parin sa kanila. Ang totoo, dapat
pa nga, sila’y ipinagdadasal din natin, “Gurudev, bigyan po
ninyo ako ng lakas ng loob, na sana, humaba pa ang aking
pasensya, tulungan po ninyo ako. Hindi ko po alam kung ano
ang dapat kong gawin. Bahala na po kayo sa kanila. Sila po ay
inyong kaawaan.” Bakit, bukod dito, may magagawa ka pa ba?
Totoo naman talaga na wala tayong magagawa, ni hindi din natin
sila maaaring sipain palabas ng ating misyon, kundi, dapat pa
Nirmal Bhakti – Dapat Sila’y Pagmamalasakit Din Natin Pinagsasabihan at Pina-aalalahanan 3

nga sila ay patuloy parin nating inuunawa, walang-sawang
inuunawa, iniintindi, muli’t-muling pinagsasabihan, at paulit-ulit
na pinapaalalahanan. Dapat lahat ng deboto ganito. Kaya lamang
ang problema, lahat tayo ay magkakaiba ng mga pag-uugali.
Meron d’yan, maraming ulit mo nang pinagsabihan, tinuruan at
kinausap ng masinsinan, subalit ganun pa din, wala pa rin
pagbabago. Ang alam natin, ang sabi, kapag ang isang deboto ay
nakitaan mo nang mabuting asal at pag-uugali, at sumusunod sa
mga tagubilin ni Gurudeva, ibig sabihin, maraming sukṛti ang
debotong ito.
Alam ninyo sa totoo lang, sa lahat, ang pinakamahalaga ay kung
papaano tayo makakapaglingkod, na dapat palaging śravaṇam at
kīrtanam ang ginagawa natin. Sinomang deboto kapag ang
gawain ay puro śravaṇam at kīrtanam, kailanman ito’y hindinghindi
babagsak. Bakit, may nakita na ba kayo, na, bagama’t
maayos at palaging bumibigkas nang Banal na Pangalan at
ginagawa ang śravaṇam at kīrtanam, ay bumagsak? Wala po.
May iba’t-ibang klase ng śravaṇam at kīrtanam? Dapat ito’y alam
din ninyo. At ang isa pa, dapat maging maingat kayo sa inyong
ginagawa, iwasan ninyong makapanakit ng damdamin at
magkasala, lalu na sa mga deboto ng Panginoon. Iwasan din
ninyo ang Vaiṣṇava-aparādh, ang Nām-aparādh, sevā-aparādh,
at iba pang aparādh.
Minsan kapag tayo’y nagki-kīrtan, di natin namamalayan
Vaiṣṇava-aparādh o sevā-aparādh, na pala ang ginagawa natin.
Na nagiging sanhi ng pagbagsak natin.
Nirmal Bhakti – Dapat Sila’y Pagmamalasakit Din Natin Pinagsasabihan at Pina-aalalahanan 4

Nirmal Bhakti – Dapat Sila’y Pagmamalasakit Din Natin Pinagsasabihan at Pina-aalalahanan 5