TE MAU OHIPA E TE MAU HAAMAITAIRAA O TE AUTAHU'ARAA

TE MAU OHIPA E TE
MAU HAAMAITAIRAA
O TE AUTAHU‘ARAA
Buka haapiiraa na te feia e mau nei i te autahu‘araa, Tuhaa B

TE MAU OHIPA E TE
MAU HAAMAITAIRAA
O TE AUTAHU‘ARAA
Basic Manual for Priesthood Holders, Part B
Haapararehia e
Te Ekalesia a Iesu Mesia i te Feia Mo‘a i te Mau Mahana Hopea Nei
Salt Lake City, Utah
Faaapîhia i te matahiti 2000

Te mau mana‘o e te mau mana‘o turu
E farii-poupou-hia to outou mau mana‘o e te mau mana‘o turu.
A faatae atu i te reira i te :
Curriculum Planning
50 East North Temple Street, Floor 24
Salt Lake City, UT 84150-3200
USA
E-mail: cur-development@ldschurch.org
Papa‘i i to outou i‘oa, te vahi nohoraa, te paroita, e te t¥t¥. Haapapû
maite i te horo‘a i te upoo parau o teie buka. I muri mai a faaite mai i
to outou mau mana‘o e te mau mana‘o turu no ni‘a i te mau vahi puai
o teie buka e te mau vahi o te riro i te faahaere i mua.
© 1979, 1987, 1993, 1996, 2003 na Intellectual Reserve, Inc
Faturaa paruruhia
Neneihia i te Fenua Marite
Parau faati‘a no te reo Peretane: 1/99
Parau faati‘a no te iritiraa 1/99
Iritiraa no Duties and Blessings of the Priesthood:
Basic Manual for Priesthood Holders, Part B
Tahitian

TE MAU UPOO PARAU
Omuaraa. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . v
Te Mesia Ora . . . . . . . . . . . . . . . . . . . . . . . . . . . . . . . . . . . . . . . . . . . . . . . . . vii
Te Utuafare : E Poro‘i i To te Ao Nei. . . . . . . . . . . . . . . . . . . . . . . . . . . . . . . x
Te autahu‘araa e te faatereraa a te ekalesia
1. Te T≤p∂raa e te Fafauraa o te Autahu‘araa . . . . . . . . . . . . . . . . . . . . . . 2
2. Te Mau Taviri o te Autahu‘araa. . . . . . . . . . . . . . . . . . . . . . . . . . . . . . . . 9
3. Te Faahanahanaraa i te Autahu‘araa . . . . . . . . . . . . . . . . . . . . . . . . . . 21
4. Te Tumu no te Mau oro‘a o te Autahu‘araa. . . . . . . . . . . . . . . . . . . . . 29
5. Te Raveraa i te Mau oro‘a o te Autahu‘araa . . . . . . . . . . . . . . . . . . . . 44
6. Te Hahaereraa Utuafare . . . . . . . . . . . . . . . . . . . . . . . . . . . . . . . . . . . . . 54
7. Te Oraraa ia Oe iho . . . . . . . . . . . . . . . . . . . . . . . . . . . . . . . . . . . . . . . . . 67
8. Ta Tatou Mau Hopoi‘a no te Hiero e te Aamu o te Utuafare . . . . . . 76
9. Te Faaiteraa i te Evanelia . . . . . . . . . . . . . . . . . . . . . . . . . . . . . . . . . . . . 88
10. Te Faahoaraa : Te Hoê Hopoi‘a na te Autahu‘araa. . . . . . . . . . . . . . . 98
Te Utuafare e te Mau Auraa i roto i te Utuafare
11. Te Metua Tane ei Patereareha . . . . . . . . . . . . . . . . . . . . . . . . . . . . . . . 106
12. Te Faatereraa Tano i te Utuafare . . . . . . . . . . . . . . . . . . . . . . . . . . . . . 116
13. Te Haapuairaa i te Utuafare na roto i te Pô Utuafare. . . . . . . . . . . . 124
14. Ia Oaoa Amui ei Utuafare . . . . . . . . . . . . . . . . . . . . . . . . . . . . . . . . . . 136
15. Te Opereraa i te Ohipa i roto i te Utuafare . . . . . . . . . . . . . . . . . . . . 145
16. Te Faaapuraa i te Fare Iho . . . . . . . . . . . . . . . . . . . . . . . . . . . . . . . . . . 155
Te Faahoturaa i te Taata Iho
17. Te Mau Fâ no te Taata Hoê Iho e no te Utuafare . . . . . . . . . . . . . . . 170
18. Te Faatupuraa e te Haapiiraa i te Tape‘araa Ia’na Iho . . . . . . . . . . . 180
19. Te Faatupuraa i Ta Tatou Mau Taleni . . . . . . . . . . . . . . . . . . . . . . . . . 190
20. Te Faatupuraa o te Faatereraa [ia Maitai] . . . . . . . . . . . . . . . . . . . . . 200
21. Te Faatereraa : Te Raveraa i te Faaotiraa i Faauruhia. . . . . . . . . . . . 209
22. Te Ti‘aauraa e te Horo‘araa i te Mana i te Tahi Atu Taata . . . . . . . . 219
23. Te Arata’iraa i te Mau Putuputuraa e te Mau Uiuiraa. . . . . . . . . . . 226
24. Te Tape‘araa i te Ea Maitai i te Pae Tino. . . . . . . . . . . . . . . . . . . . . . . 234
25. Te Haapa‘oraa i te Parau Paari . . . . . . . . . . . . . . . . . . . . . . . . . . . . . . 240
26. Te Imiraa i te Ite. . . . . . . . . . . . . . . . . . . . . . . . . . . . . . . . . . . . . . . . . . . 247
iii

Te Mau Upoo Parau
Te Mau Parau Tumu o te Evanelia e te Mau Haapiiraa
27. Iesu Mesia, To Tatou Niu Papû . . . . . . . . . . . . . . . . . . . . . . . . . . . . . . 258
28. Te Ti‘amâraa: E Horo’a No ô mai i te Atua . . . . . . . . . . . . . . . . . . . . 267
29. Te Haamo‘araa i te Mahana Sabati . . . . . . . . . . . . . . . . . . . . . . . . . . . 277
30. Te Tuhaa Ahuru e te Mau Ô. . . . . . . . . . . . . . . . . . . . . . . . . . . . . . . . . 283
31. Ia Vai Parau Ti‘a. . . . . . . . . . . . . . . . . . . . . . . . . . . . . . . . . . . . . . . . . . . 291
32. Te Viivii Ore [Mâ] o te Mana‘o . . . . . . . . . . . . . . . . . . . . . . . . . . . . . . 300
33. Te Faataeraa e te Fariiraa i te Faaoreraa Hara. . . . . . . . . . . . . . . . . . 308
34. Te Mau Horo‘a o te Pae Varua. . . . . . . . . . . . . . . . . . . . . . . . . . . . . . . 318
35. Te Paturaa i te Basileia o te Atua. . . . . . . . . . . . . . . . . . . . . . . . . . . . . 327
Faahororaa . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 334
Te mau nota . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 344
Tuhaa hoho‘a . . . . . . . . . . . . . . . . . . . . . . . . . . . . . . . . . . . . . . . . . . . . . . . . 345
iv

OMUARAA
Faaohiparaa i teie buka
E 35 haapiiraa i roto i teie buka haamauhia i ni‘a i te mau parau tumu
o te evanelia e te mau hopoi‘a a te feia e mau nei i te Autahu‘araa a
Aarona e i te Autahu‘araa a Melehizedeka. Mai te faaururaa a te Varua,
ia faanahonaho e ia haapii te feia faatere e te mau orometua haapii i te
mau haapiiraa o te faaite i te huru varua, te putapu, e te mau titauraa
pae tino a te mau melo i roto i to ratou paroita e aore ra te amaa.
Ia faaohipahia teie buka ei buka haapiiraa na te Autahu‘araa a
Melehizedeka e na te Autahu‘araa a Aarona i roto i te mau tuhaa o te
Paroita e aita â te Buka ra Te Mau Haapiiraa a te Mau peresideni o te Ekalesia
e te buka haapiiraa a te Autahu‘araa a Aarona i haapurorohia’tura i roto
i to outou reo. Ia rava’i maite teie mau buka i te mau vahi e faaohipahia
ai teie buka na te feia ato‘a e mau nei i te Autahu‘araa a Melehizedeka e
na te feia faatere o te Autahu‘araa a Aarona e to ratou mau orometua
haapii. Ia hi‘o atu te feia faatere i te Parau Faaararaa no te Feia Faatere o te
Autahu‘araa e no te mau P∂p∂ Tauturu i ni‘a i te Faanahoraa Haapiiraa no te
hi‘oraa e aha te mau matahiti e tia‘i ia faaohipa i te buka Tuhaa A e te
Tuhaa B no Te Mau Ohipa e te Mau Haamaitairaa o te Autahu‘araa.
I roto i te mau tuhaa o te Ekalesia e te vaira te buka ra Te Mau Haapiiraa
a te Mau peresideni o te Ekalesia e te buka haapiiraa a te Autahu‘araa a
Aarona, e tano ïa (1) ia faaohipa i teie buka i te Mau Sabati matamua e
te maha o te Sabati o te ava‘e i te Autahu‘araa a Melehizedeka ; (2) oia
ato‘a na te Autahu‘araa a Aarona; e (3) mai te faataahia, na te Sotaiete
Tauturu « Te Mau Haapiiraa no to Tatou Tau » i te mau maha Sabati
ato‘a o te ava‘e. Ia rava’i ïa teie mau buka na te feia faatere e na te
mau orometua haapii i roto i te Sotaiete Tauturu, te Autahu‘araa a
Melehizedeka, e te Autahu‘araa a Aarona. Hau atu e faaitoito te feia
faatere i te feia e mau nei i te Autahu‘araa a Melehizedeka ia hoo mai
i teie buka na ratou iho e no te haapiiraa i te utuafare.
v

Omuaraa
Faaineineraa no te haapii
Te vai nei i roto i teie buka te hoê tuhaa « Faaineineraa i te Orometua
Haapii » mai te mau uiraa o ta te mau orometua haapii e nehenehe e
ui, te mau mana‘o turu no te aparauraa i roto i te piha haapiiraa, te faaohiparaa
i te mau hoho‘a e te mau tabula. E nehenehe ato‘a ta te mau
orometua haapii e faaohipa i te tahi atu mau rave‘a e aore ra te tahi
mau hi‘oraa no te haapiiraa o ta ratou i ite e mea maitai no te mau
melo o ta ratou piha haapiiraa e o te faaitoito ia ratou ia haapii. Faatata
te taato‘araa o te mau haapiiraa e faaohipahia te peni tara no te tabula
papa‘i, no reira ia faanahonaho te mau orometua haapii i te reira no
te haapiiraa tata‘itahi. E rave rahi o te mau hoho‘a o te faaohipahia e
nehenehe noa ia tapiri atu i ni‘a i te mau tabula papa‘i. Te vai tura te
tahi mau mana‘o turu no te haapiiraa i roto i te Buka Arata‘i Haapiiraa
(34595) e i roto i te buka, Te Haapiiraa, Aore e Piiraa Teitei Atu (36123).
Mea ti‘a ia faaitoito i te mau melo no te piha haapiiraa ia faaineine ia
ratou no te aparauraa na roto i te tai‘oraa i roto i te roaraa o te hepetoma,
i te haapiiraa i faataahia. Mea ti‘a ia faaitoito-atoa-hia ratou ia
ta‘ita‘i mai i ta ratou mau papa‘iraa mo‘a.
Faaohiparaa i te mau melo ma’ima’i
I roto i te tau no To’na taviniraa i te tahuti nei, ua haere o Iesu i ni‘a i te
hoê mou‘a faatata i te Miti no Galilea.
« E e feia rahi tei haere mai Ia’na ra, i te hopoi ato‘a raa mai i te pirioi,
e te matapo, e te vava, e te paruparu, e te mau ma’i e’e ato‘a e rave
rahi, e ua tuu maira i te pae avae o Iesu; faaora ihora oia ia ratou :
« Maere ana‘e ihora taua feia rahi ra, i te iteraa ratou i te vava i te parauraa,
e te paruparu i te oraraa, e te pirioi i te haereraa, e te matapo i te
hi‘oraa; haamaitai atura ratou i te Atua o Iseraela » (Mataio 15:30–31).
Ua haamau te Faaora i te hi‘oraa na tatou ia faarii tatou i te aroha no
ratou i roto i te ma’ima’i. I To’na haereraa e farerei i te Mau Ati Nephi i
muri a‘e i To’na Tiafaahouraa, ua parau atura Oia :
« Inaha, ua î to‘u aau i te aroha ia outou.
« E feia ma’i to outou, a hopoi mai i ô nei. E pirioi anei to outou, e
matapo, e lepera, e hapepa, e vava, e feia roohia i te tahi huru ma’i a
hopoi mai ia ratou i ô nei, e na‘u e faaora ia ratou, e aroha ho‘i to‘u ia
outou na; ua î to‘u aau i te aroha » (3 Nephi 17:6–7).
Ei orometua haapii i roto i ta outou piha haapiiraa e nehenehe roa ta
outou e faaite i to outou aroha. Noa’tu e aita outou i haapiihia i te toro‘a
no te atuaturaa i te feia tino ma’ima’i to ratou e mea tano râ i te mau
orometua haapii ia ite e ia hinaaro i te faaô i teie feia i roto i te ohiparaa.
vi

Omuaraa
E mea titauhia ia haapa‘o maitai i te feia e fifi i te pae no te feruriraa, no
te tino anei, e aore ra no te tahi atu ma’i. Teie i muri nei te tahi mauhaa
o te riro ei tauturu no outou :
■ A imi ia ite outou i te mau titauraa e te mau mea e vaira no te melo
tata‘itahi o te piha haapiiraa.
■ Hi‘o na mua roa i te hoê melo o te piha haapiiraa hou a pii ai ia’na
no te tai‘o, no te pure, e aore ra no te tahi mau ohipa. A ui i te mau
uiraa mai teie te huru « E aha to oe huru no ni‘a i te tai‘oraa i roto i te
taime no te haapiiraa ? E aore ra « E nehenehe anei ta oe e faaoti mai
i te pure ? » Mai te mea e titauhia, a ui atu i te feia faatere o te autahu‘araa,
te mau metua, e te mau melo o te utuafare e te vaira anei te
tahi titauraa taa ê no tera e tera melo o te piha haapiiraa.
■ Tamata i te faarahi e ia faahaere i mua i te parau no te haapiiraa e te
faaohiparaa i te melo e tei roto oia i te tino ma’ima’i.
■ Haapapû e te faaturahia ra te melo tata‘itahi i te tahi e te tahi.
■ Faahoa e ia vai mai te mahanahana. E mea titauhia te here e te iteraa
i te tamaiti tata‘itahi a te Atua.
Ei orometua haapii i roto i te Ekalesia, a haamana‘o e noa’tu te huru
o te melo tata‘itahi, te pae no te tino, no te feruriraa, no te putapuraa,
e aore ra te faito no te oraraa totiare, te vaira râ te faanahoraa no te
faahaere ia ratou i te faateiteiraa. E hopoi‘a ïa na outou i te tauturu
i te taata tata‘itahi ia haapii i te mau parau tumu o te evanelia i roto
i ta outou piha haapiiraa. Haamana‘o i te mau parau a te Faaora:
« O outou i na reira i te hoê taea‘e iti haihai roa i roto i ta‘u mau taea‘e
nei, ua na reira mai ïa outou ia‘u » (Mataio 25:40).
vii

viii

A
TE MESIA ORA
TE ITERAA PAPU O TE MAU APOSETOLO
TE EKALESIA A IESU MESIA I TE FEIA MO’A ITEMAU MAHANA HOPEA NEI
faahanahana ai tatou i te fanauraa o Iesu Mesia a piti
miliniuma i teie nei, te pùpù atu nei matou i to matou
iteraa papu no ni’a i te huru mau oTo’na oraraa faito
ore e te mâ e te mana mure ore o Ta’na tusia taraehara rahi.
Aita atu e mana tei haaputapu hohonu i ni’a i te mau taata atoa
o tei ora a’e na e o te ora â i ni’a i te fenua.
O Oia taua Iehova Teitei roa o te Faufaa Tahito, te Mesia o
te Faufaa Apî. I raro a’e i te arata’iraa a To’na Metua i te Ao ra,
o Oia tei hamani i te fenua. “Na’na i hamani te mau mea atoa
nei, aore roa e, e ere oia i te hoê mea i hamanihia” (Ioane 1:3).
Noa’tu e aita Ta’na e hara, ua bapetizohia ra Oia no te faatupuraa
i te parau ti’a atoa. Ua haere noa Oia ma te “hamani maitai”
(Te Ohipa 10:38), noa’tu ra, ua faahapahia Oia no te reira.
Ta’na evanelia o te hoê ïa poroi no te hau e te hamani maitai.
Ua titau Oia i te taato’araa ia pe’e i To’na huru. Ua haere Oia
na ni’a i te mau e’a o Palesetina, ua faaora Oia i te feia ma’i, ua
ite te matapô, ua faati’a i tei pohe. Ua haapii Oia i te parau mau
no te ora mure ore, i te huru mau o to tatou oraraa na mua a’e
i teie oraraa, i te tumu o to tatou oraraa i ni’a i te fenua nei e i
te faufaa no te mau tamaroa e te mau tamahine a te Atua no te
oraraa amuri a’e.
Ua haamau Oia i te oro’a ei haamana’oraa i Ta’na tusia taraehara
rahi. Ua tape’ahia Oia e ua faautu’ahia i ni’a i te mau pariraa
haavare no te haamauruuru i te hoê pùpù taata iino e ua faautu’ahia
ia pohe i ni’a i te satauro i Kalavari. Ua horo’a Oia i To’na ora
no te faaore i te mau hara a te taata nei. O Oia te horo’araa rahi
roa a’e no te feia atoa o te haere mai e ora i ni’a i te fenua nei.
Te haapapu maitai nei matou e To’na ora, ua faatumuhia ïa i ni’a
i te aamu o te taata nei, ua haamata anei i Betelehema e aore râ, ua
hope anei i Kalavari. O Oia te Fanau Matamua a te Metua i te Ao
ra, te Tamaiti Hoê roa i roto i te tino, te Faaora o to te ao nei.
Ua ti’a mai Oia mai roto mai i te menema ia “riro ei matamua
no te feia i mairi i te taoto ra” (1 Korinetia 15:20). Ei Fatu
tei Ti’a faahou mai, ua haere Oia i rotopu ia ratou o Ta’na i here
i roto i te oraraa nei. Ua haere atoa Oia i rotopu i Ta’na mau
“mamoe ê atu” (Ioane 10:16) i te fenua Amerika tahito ra. I
roto i teie anotau apî nei, ua fâ mai Oia e To’na Metua i te
tamaiti ra ia Iosepha Semita, te haamataraa ïa o te tohu maoro
e, “Ia tae i te tu’uraa parau i te hope’araa mau o te mau tau ra”
( Ephesia 1:10).
TE PERESIDENIRAA MATAMUA TE PÙPÙ NO TE TINO AHURU MA PITI
Te 1 no Tenuare, matahiti 2000
Ua papa’i te Peropheta Iosepha no te Mesia Ora: “Mai te
ura auahi ra To’na na mata; te rouru o to’na upoo ra e mea
teatea roa ïa mai te hiona mâ roa ra; ua ana’ana maira to’na
mata e ua hau a’e i te ana’ana o te mahana; e o to’na reo ra
mai te taheraa ïa o te pape rahi, oia te reo o Iehova, i te na
oraa mai e :
“O vau nei te matamehai e te hope’a ra; o vau nei hoi oia o
te ora nei, o vau nei oia o tei taparahihia; o vau nei hoi to outou
arai i te Metua ra” (PH&PF 110:3–4).
Ua parau â te Peropheta No’na ra: “E i teie nei, i muri mai i
te mau parau faaite e rave rahi o tei horo’ahia no’na ra, o teie
hoi te parau faaiteraa hope’a roa ra, o ta maua e faaite atu nei
no’na ra; Oia hoi te ora nei oia!
“No te mea ua ite mata’tura maua ia’na, i te pae atau hoi no
te Atua; e ua faaroo maua i te reo i te faaiteraa mai e o oia ana’e
te Fanau Tahi ra no te Metua—
“Na’na, e na roto ia’na, e no’na hoi, te mau ao i hamanihia
nei e i hamanihia na hoi, e te mau taata hoi no reira e mau
tamaiti e e mau tamahine fanau hoi ratou no te Atua ra”
(PH&PF 76:22–24).
Te faaite nei matou na roto i te mau parau u’ana oia hoi, ua
faahoihia mai To’na autahu’araa e Ta’na Ekalesia i ni’a i te fenua
nei—“patuhia i ni’a iho i . . . te mau aposetolo e te mau peropheta,
e o Iesu Mesia iho te tihi rahi” (Ephesia 2:20).
Te faaite papu nei matou e e hoi mai Oia i te hoê mahana i
ni’a i te fenua nei. “E faaitehia mai te hanahana o Iehova, e ite
paatoa te taata” (Isaia 40:5). E faatere Oia ei Arii no te Mau
Arii e e parahi mai ei Fatu no te Mau Fatu, e e pi’o hoi te mau
turi o te mau taata atoa i raro e e fa’i hoi te mau vaha atoa i
roto i te haamoriraa i mua Ia’na. E ti’a tatou tataitahi ia haavahia
e A’na mai te au i ta tatou mau ohipa e te mau hinaaro
o to tatou mau aau.
Te faaite papu nei matou, ei Mau Aposetolo Na’na i
Faatoro’a-mau-hia e—o Iesu te Mesia Ora, te Tamaiti tahuti
ore a te Atua. O Oia te Arii rahi o Emanuela o te ti’a i teie
mahana i te pae atau o To’na ra Metua. O Oia te maramarama,
te ora, e te ti’aturiraa o to te ao nei. To’na haere’a, o te e’a ïa o
te arata’i i te oaoa i roto i teie oraraa e i te ora mure ore i roto i
te ao e haere mai nei. Ia haamauruuruhia te Atua no te horo’a
faito ore o Ta’na Tamaiti hanahana.

T E FAAITE PAPU ATU NEI MATOU, OIA TE PERESIDENIRAA
MATAMUA e te Tino Ahuru Ma Piti Aposetolo o te Ekalesia
a Iesu Mesia i te Feia Mo◊a i te Mau Mahana Hopea Nei e,
ua haapaohia e te Atua te faaipoiporaa i rotopu i te tane e te
vahine e ua riro te utuafare ei pû no te opuaraa a Tei Hamani
no te hopea mure ore o Ta÷na ra mau tamarii.
UA HAMANIHIA TE MAU TAATA ATOA—te tane e te vahine—
i te hoho◊a o te Atua ra. Ua riro te taata tataitahi ei tamaiti
varua herehia e ei tamahine varua herehia a na metua i te ra◊i
ra, e no reira, tei roto i te taata tataitahi te huru atua e te ravea
ia riro ei atua. Ua riro te apeniraa tane e te apeniraa vahine ei
tuhaa faufaa rahi roa no te ihotaata e no te tumu o te taata
tataitahi i roto i te ao na mua a◊e, i roto i te ao tahuti nei, e i
roto hoi i te ao a muri atu.
I ROTO I TE AO NA MUA A◊E, ua ite e ua haamori hoi te mau
tamaroa varua e te mau tamahine varua i te Atua ei Metua
Mure Ore no ratou e ua farii i Ta÷na opuaraa e tia ai i Ta÷na
mau tamarii ia roaa mai te hoê tino i◊o e te ivi e ia roaa mai hoi
te ite i nia i te fenua nei no te haere i mua e tae atu ai i te maitairoa-raa,
e tae atoa atu ai hoi i to÷na hopea hanahana ei taata
ai◊a no te ora mure ore. Auaa a◊e te ravea rahi oaoa e tia ai i te
mau aufetiiraa ia vai tamau noa i muri a◊e i te pohe ra. Na te
mau oro◊a mo◊a e te mau fafauraa mo◊a o tei itehia i roto i te
mau hiero e faatia i te taata tataitahi ia ho◊i faahou atu i mua i
te aro o te Atua e e faatia hoi i te mau utuafare ia taati-mureore-hia.
TE FAAUERAA MATAMEHAI ta te Atua i horoa ia Adamu raua
o Eva, no to raua ïa riroraa ei metua na roto i te tiaraa ei tane
faaipoipo e ei vahine faaipoipo. Te faaite papu atu nei matou
e, te faaueraa a te Atua i Ta÷na mau tamarii ia fanau e ia rahi e
ia faaî i te fenua, te mana noa nei â ïa. Te faaite atu nei â matou
e, ua faaue mai te Atua e, te mana mo◊a no te hamaniraa i te
taata, ia faaohipahia ïa i rotopu i te tane e te vahine ana◊e iho,
o tei faaipoipohia, mai te au i te ture, ei tane faaipoipo e ei
vahine faaipoipo.
TE FAAITE PAPU ATU NEI MATOU E, te ravea e hamanihia ai
te oraraa tahuti, ua haapaohia ïa e te Atua. Te haapapu nei
matou i te huru mo◊a o te oraraa e te faufaa rahi no te reira
i roto i te
E HOPOIA MO◊A TA TE TANE FAAIPOIPO E TE VAHINE FAAIPOIPO
no te here e no te haapao ia raua iho e i ta raua atoa ra mau
tamarii. ‘Te tamarii ra, e tufaa ïa no ô mai ia Iehova ra’ (Salamo
127:3). Tei te mau metua te hopoia mo◊a no te aupuru i ta ratou
TE UTUAFARE
TE PERESIDENIRAA MATAMUA E TE TINO AHURU MA PITI APOSETOLO NO TE
EKALESIA A IESU MESIA I TE FEIA MO◊A ITEMAU MAHANA HOPEA NEI
mau tamarii i roto i te here e te parau-tia, no te haapao i to
ratou mau hinaaro pae tino e pae varua, no te haapii ia ratou
i te here e i te tavini te tahi i te tahi, no te haapao i te mau
faaueraa a te Atua e no te riro ei feia faatura i te mau ture o te
fenua e faaeahia e ratou. Te mau tane faaipoipo e te mau
vahine faaipoipo—te mau metua vahine e te mau metua
tane—e tia ratou i mua i te aro o te Atua ia haavahia mai te au
i to ratou haapaoraa i taua mau hopoia ra.
UA HAAPAOHIA TE UTUAFARE e te Atua. E tuhaa faufaa rahi
roa te faaipoiporaa i rotopu i te tane e te vahine i roto i Ta÷na
opuaraa mure ore. E mea tia roa ia fanauhia te mau tamarii
i na metua o tei faaipoipohia e ia aupuruhia ratou e te hoê
metua tane e te hoê metua vahine o te faatura ma te tuutuu
ore i te mau fafauraa no te faaipoiporaa. E mea papu a◊e te
oaoa i roto i te oraraa utuafare ia faatumuhia te reira i nia i
te mau haapiiraa a te Fatu ra a Iesu Mesia. Te mau
faaipoiporaa e te mau utuafare tei hau i te manuïa, ua faatumuhia
ïa e ua haamauhia i nia i te parau tumu no te faaroo,
te pure, te tatarahapa, te faaoreraa hara, te faatura, te
here, te aroha, te ohipa, e te mau faaoaoaraa maitai. Mai te
au i te opuaraa a te Atua, e faatere te mau metua tane i to
ratou utuafare na roto i te here e te parau-tia e tei ia ratou te
hopoia no te haapaoraa i te mau mea tumu o te oraraa e no
te parururaa hoi i to ratou ra utuafare. Te ohipa matamua a
te mau metua vahine o te aupururaa ïa i ta ratou mau
tamarii. I roto i taua hopoia mo◊a ra, e titauhia i te metua
tane e te metua vahine ia tauturu raua te tahi i te tahi ei hoa
aifaito i roto i te hopoia. E riro te ma◊i huma, te pohe e aore
ra te tahi atu ati i te titau i te tahi faanahonahoraa taa ê. E tia
atoa i te mau fetii piri ia paturu mai, ia hinaaro-ana◊e-hia.
TE FAAARA ATU NEI MATOU i te taata atoa o te ofati i te mau
fafauraa no te viivii-ore, o te hamani ino i to ratou hoa
faaipoipo e aore ra i ta ratou mau tamarii, e aore ra hoi o te ore
e faaoti i ta ratou mau hopoia utuafare, ia tae i te hoê mahana
e tia mau â ratou i mua i te aro o te Atua ia haavahia. Oia atoa,
te faaara nei â matou e, na te vavahiraa o te utuafare e hopoi
mai i nia i te mau taata tataitahi, te mau oire, e te mau nunaa
i te mau ati rahi i tohuhia a◊ena e te mau peropheta i tahito ra
e i teie nei anotau.
TE TIAORO ATU NEI MATOU i te hui raatira parau-tia e te feia
toro◊a o te hau i te ao atoa nei, ia paturu i taua mau ravea ra
i faataahia no te haamau e no te faaetaeta i te utuafare ei niu
no te sotaiete.
Ua tai◊ohia teie nei poro◊iraa e te Peresideni Gordon B. Hinckley ei tuhaa no ta÷na a◊oraa i te
Amuiraa Rahi o te Sotaiete Tauturu tei tupu i te 23 no Setepa 1995, i Salt Lake City, Utah.
© 1995 na Intellectual Reserve, Inc. Faturaa paruruhia.. Nene◊ihia i te Fenua Marite. Parau faati◊a no te Reo Beretane: 10/95. Parau faati◊a no te iritiraa: 10/95. Iritiraa no Family Proclamation. Tahitian 35602 895

TE AUTAHU‘ARAA E
TE FAATERERAA A
TE EKALESIA

2
TE T≠P±RAA E
TE FAFAURAA O
TE AUTAHU‘ARAA
Haapiiraa 1
Te tumu no teie haapiiraa no te tauturu ïa ia maramarama tatou i te
t≤p∂raa e te fafauraa o te autahu‘araa e nahea ia faaohipa i to tatou
mau piiraa.
Omuaraa
Ua riro na o Elder Reed Smoot ei hoê melo no te P∂p∂ o te Tino Ahuru
Ma Piti Aposetolo mai te matahiti 1900 e tae roa’tu i to’na poheraa i
te matahiti 1941. Ua riro ato‘a na oia i te tahi nau taime ei melo no
te Apooraa HuiToofa no te Fenua Marite. E rave rahi mau taata tei
faaitoito ia’na ia horo ato‘a ei peresideni no te Fenua Marite. Tera râ
ua parau ratou ia’na ia faarue i ta’na faaroo no te mea i taua tau ra
aita te mau taata e maiti i te hoê Momoni ei peresideni. Ua parau oia,
« Ahiri e e titauhia vau ia maiti i te ti‘araa diakono i roto i Te Ekalesia
a Iesu Mesia i te Feia Mo‘a i te Mau Mahana Hopea Nei, e no te ti‘araa
peresideni no te Fenua Marite, e maiti au ei diakono » (faahitihia i roto
i te Bryant S. Hinckley, The Faith of Our Pioneer Fathers (1956), 202).
■ Ia mana‘o outou no te aha o Elder Smoot i haafaufaa ai i te
autahu‘araa ?
Ua titauhia o Elder Smoot ia haapa‘o i te tahi mau titauraa no te ti‘araa
huitoofa no te Fenua Marite. Oia ato‘a, no te faariiraa tatou i te autahu-
‘araa e mea titauhia tatou ia haapa‘o i te tahi mau titauraa. E uiuihia
tatou na to tatou feia faatere o te autahu‘araa, o te ani mai ia tatou i te
tahi mau aniraa no te haapapû i to tatou tiamaraa no te farii i te autahu-
‘araa e to tatou hinaaro no te farii i te mau hopoi‘a mo‘a o te autahu‘araa.
■ E aha te tahi mau uiraa o ta to tatou feia faatere no te autahu‘araa e
nehenehe e ani mai ?
I muri a‘e i to Elder Smoot maitiraahia ei huitoofa, ua tapu oia i to’na
ti‘araa e ua fafau e rave oia i ta’na mau hopoi‘a i roto i te faatereraa
hau. Na reira ato‘a tatou, ia faarii ana‘e tatou i te autahu‘araa e fafau
tatou ia faatupu i ta tatou mau ohipa i te Fatu ra.

Haapiiraa 1
Te t≤p∂raa e te fafauraa o te autahu‘araa
E faarii tatou i te autahu‘araa mo‘a na roto i te « t≤p∂raa e te fafauraa »
Te auraa no te reira oia ho‘i e horo‘a mai te Metua Here i te Ao ra ia
tatou i Ta’na t≤p∂raa (haapapûraa) e e nehenehe ia tatou ia faarii i te
mana e te mau haamaitairaa o te autahu‘araa mai te mea e fafau tatou
Ia’na ia rave i te tahi mau ohipa. « No reira, o outou ato‘a o te faarii
mai i te autahu‘araa, e faarii ïa i teie nei t≤p∂raa e te fafauraa a to‘u
Metua, o te ore e ti‘a ia’na ia ofati, e ore roa ato‘a e ti‘a ia afai ê hia’tu »
(PH&PF 84:40).
Ua haamaramarama te peresideni Marion G. Romney i te auraa no te
hoê fafauraa: « Te hoê fafauraa o te hoê ïa faaauraa, e te hoê faaauraa o
te hoê ïa faati‘araa parau i rotopu e piti na taata e aore ra hau atu. Mai
te mea e tomo atu vau i roto i te hoê fafauraa e o outou, e fafau atu vau
ia outou i te tahi mea mai ia outou ato‘a o te fafau mai i te hoê mea ia‘u
iho nei. Mai te mea e faaau atu vau ia outou no te aufau atu ia outou i
te hoê tino moni no te hoê pereoo uira, e o outou e fafau mai outou ia
horo‘a mai i te hoê pereoo uira no taua tino moni ra, o tera te fafauraa.
Teie nei, i roto i te hoê fafauraa o te autahu‘araa, e fafau tatou i te Fatu,
e fafau mai oia ia tatou i te tahi mea ei faaho‘iraa no te mea o ta tatou
e rave No’na ra » (i roto i te Amuiraa Rahi, Korea Area Conference
1975, 36).
Ua haamaramaramahia te t≤p∂raa e te fafauraa o te autahu‘araa i roto
i Te Parau Haapiiraa e te Mau Parau Fafau 84. Ua haamaramarama
maitai teie tuhaa i te mau fafauraa o ta tatou e rave e te mau fafauraa
o ta te Fatu e rave ia faarii ana‘e tatou i te autahu‘araa.
■ Papa‘i i ni‘a i te tabula papa‘i Ta Tatou Mau Fafauraa e Ta Te Fatu Mau
Fafauraa. A papa‘i i raro nei i te mau fafauraa ta tatou e rave e te mau
fafauraa ta te Fatu e rave mai te au i te mau aparauraa o te tupu.
Ta tatou mau fafauraa i te Fatu
■ Tai‘o i Te Parau Haapiiraa e te Mau Parau Fafau 84:33.
I roto i te afaraa matamua o te irava 33 ua faaite te Fatu i ta tatou tuhaa
no te fafauraa: « No te mea o tei haapa‘o maitai e ua noaa ho‘i ia ratou
teie na autahu‘araa e piti o tei parauhia e au, e ua faarahi ho‘i i to ratou
parauraahia ...
■ Ia au i teie irava, e aha ta tatou tuhaa o te fafauraa ? (Ua fafau tatou
ia faarahi i to tatou mau piiraa).
No te faarahi i to tatou mau piiraa, ia rave ïa tatou mai to tatou puai
ato‘a i roto i te faariiraa e te amoraa i te mau ohipa ato‘a o te autahu‘araa
oia ho‘i te faarahi ra tatou i te basileia o te Fatu i ni‘a i te fenua nei. Ia
faarii ana‘e tatou i te autahu‘araa e fafau ato‘a tatou ia vai faaroo noa e
ia haapa‘o i te mau faaueraa ato‘a.
3

Haapiiraa 1
E fafau mai te Fatu ia tatou
■ Tai‘o i Te Parau Haapiiraa e te Mau Parau Fafau 84:33–38. Faataime
rii i muri a‘e i te fafauraa a te Fatu, a papa‘i i ni‘a i te tabula papa‘i,
e a aparau i ni‘a i te reira.
Ua fafau mai te Fatu mai te mea e haapa‘o tatou i ta tatou tuhaa o te
fafauraa, e faari tatou « E e haamo‘ahia ïa (tatou) e te Varua i te faaapiraa
i to (tatou) ra mau tino » (PH&PF 84:33). E riro tatou i te haapuaihia i
roto i te tino e i roto i te varua a faatupu ai tatou i to tatou mau piiraa.
E riro ato‘a mai tatou « ei mau tamaiti no Mose e no Aarona » (PH&PF
84:34). Ua faatere te mau tamaiti a Mose e ta Aarona i te mau oro‘a no
te faaoraraa i te mau tamarii o Iseraela. Tei ia tatou ato‘a ra te reira oia
te faatereraa i teie mau oro‘a mo‘a na roto i te autahu‘araa i teie
mahana.
Ua fafau mai te Fatu e riro mai tatou ei « huaai ho‘i no Aberahama »
(PH&PF 84:34). Te auraa ra, e nehenehe tatou e faarii i te mau haamaitairaa
i fafauhia ia Aberahama e i to’na huaai.
■ A ani i te hoê melo o te piha haapiiraa ia tai‘o mai i te Aberahama
2:8–11.
Ua fafau te Atua ia Aberahama e i to’na huaai e na roto ia ratou e
haamaitaihia te taato‘araa o te mau taata o te fenua nei i te evanelia.
Mea na roto i te mana o te faaohipahia e te mau taata e mau nei i te
autahu‘araa teie na haamaitairaa e horo‘ahia ai i to te ao nei.
Ua fafau ato‘a te Fatu i te feia faaroo e mau nei i te autahu‘araa e, e
« riro ratou ... tei maitihia e te Atua » (PH&PF 84:34). Te auraa ra oia
ho‘i, tatou e mau nei i te autahu‘araa o te faaohipa i to tatou mau piiraa
e o te tomo i roto i te mau oro‘a faaoraraa ato‘a o te autahu‘araa, e horo-
‘ahia ia tatou te îraa o te basileia o te Metua.
E ua parau â te Fatu. « O te mau mea ato‘a na to‘u Metua ra, e hope roa
ïa i te horo‘ahia (ia ratou) » (PH&PF 84:38).
Ua haamaramarama te peresideni Spencer W. Kimball: « Ua faaea anei
outou no te tai‘o i te mau haamaitairaa e te mau mana e vaira i te Fatu ?
Te mau mana ato‘a, te mau huru ato‘a, te mau puai ato‘a e riro ïa ia
outou ra, e teie i ni‘a i te t≤p∂raa e te fafauraa o te autahu‘araa mo‘a o
ta outou e mau nei » (i roto i te Amuiraa, Buenos Aires 1975, 51).
Aita e tûtâperepereraa e faatupu mau iho te Fatu i Ta’na mau fafauraa
i te feia faaroo e te haapa‘o maitai. Tei ia tatou ra ïa te hopoi‘a. Ia ore
tatou e haapa‘o i ta tatou mau fafauraa i te Fatu e tape‘a ato‘a te reira
i te Fatu i te horo‘a mai i Ta’na i faaineine no te horo‘a mai na tatou.
4

Haapiiraa 1
Faaohiparaa i to Tatou Mau Piiraa o te Autahu‘araa
Ua fafau tatou, i to tatou Metua Here i te Ao ra, ia faaohipa i to tatou
mau piiraa.
■ I roto i tei hea mau rave‘a tatou e faaohipa ai i to tatou mau piiraa o
te autahu‘araa ?
Ia horo‘a ana‘ehia mai te Autahu‘araa a Aarona ia tatou, ua faatoro‘ahia
tatou i te hoê ti‘araa i roto i taua autahu‘araa: diakono, haapii, e aore ra e
tahu‘a. Teie mau ti‘araa e mau piiraa ïa e te mau ohipa e te mau hopoi‘a
no te reira. Te mau ti‘araa i roto i te Autahu‘araa a Melehizedeka o te
peresibutero, tahu‘a rahi, patereareha, Hitu Ahuru e te Aposetolo. (A hi‘o
i te buka ra Te mau Parau Tumu no te Evanelia chapter 14, te mau api
85–93, no te hoê haamaramaramaraa i teie mau piiraa).
« E horo‘a te Atua i te mana o te autahu‘araa i te mau taea‘e tiamâ o te
Ekalesia ia nehenehe ia ratou ia rave i te ohipa na ni‘a i To’na i‘oa no te
faaoraraa i te utuafare o te taata nei...
« E faarii te hoê taata i te Autahu‘araa a Aarona e aore a i te
Autahu‘araa a Melehizedeka ia horo‘a ana‘e te hoê taea‘e e mau nei
i te autahu‘araa i te reira ia’na e ia faatoro‘a ia’na i te hoê ti‘araa i roto
i taua autahu‘araa ra (a hi‘o i te Hiro‘a Faaroo 1:5; PH&PF 42:11). Aita
e taata e rave noa i te hanahana i ni‘a ia’na (a hi‘o i te Hebera 5:4) »
(Buka Haamaramaramaraa a te Ekalesia, Buka 2: Te Feia Faatere o te
Autahu‘araa e to te Mau P∂p∂ [1998], api 161).
Ua parau te peresideni Spencer W. Kimball :
« E ere teie autahu‘araa i te hoê tao‘a hauti. E ere i te hoê mea e maunoa-hia
e ia haamo‘ehia atu. O te hoê mea tei hau roa’tu i te faufaa i te
tahi noa’tu mea e vai nei i roto i te ao nei, e faarii tatou i te reira na roto
i te t≤p∂raa e te fafauraa...
« ... Ua ite te Fatu e e mau taata paruparu tatou e riro ato‘a tatou i te
faahemahia, e ua parau mai oia e o te reira te tumu oia i ani ai ia tatou
ia pure i te pô e te po‘ipo‘i e i te mau taime ato‘a. No te reira oia i
horo‘a mai ai te pureraa pô utuafare ia nehenehe tatou ia haamana‘o
noa i te reira. No te reira oia i horo‘a mai ai i te mau pureraa autahu-
‘araa, i reira tatou e haere atu ai e amui atu ai i to tatou mau taea‘e e ia
faahamana‘o-noa-hia tatou » (i roto i te Conference Reprot, Amuira
retioni, Korea 1975, 40–41).
Na mua a‘e te hoê taata e faaohipa ai i to’na piiraa o te autahu‘araa e
mea ti‘a ia ite oia e aha te mea o te titauhia ia’na. Ia haapii oia na mua
roa « i ta’na iho ohipa, e ia rave ho‘i i te ohipa i roto i te toro‘a tei
faataahia no’na ra, ma te itoito ato‘a » (PH&PF 107:99).
5

Haapiiraa 1
Na te aamu i muri nei e faaite mai e ua maramarama te peresideni
Kimball i ta’na mau ohipa e ua faaohipa i to’na piiraa ei diakono:
« Te haamana‘o nei au ia‘u i diakono ai... Ua mana‘o vau e hanahana
rahi roa te reira ia riro ei hoê diakono. Ua haapa‘o maite to‘u metua
tane i ta‘u mau hopoi‘a e ua faati‘a noa oia ia‘u ia rave i to‘u pereoo
puaahorofenua iti no te haere e ohi i te mau moni haapaeraa maa. Tei
roto ato‘a te hoê tuhaa o to matou oire i ta‘u hopoi‘a, e mea huru atea ia
haere mai tera utuafare e tera utuafare, ia rave mai hoê pute faraoa ota
anei e aore ra te hoê mohina maa hotu e aore ra mau maa tupu e aore
ra faraoa ia amuihia te reira e mea huru teimaha ïa. No reira e mea au
maitai te pereoo puaahorofenua iti ... E mea hanahana rahi mau ia rave
i teie ohipa na to‘u Metua Here i te Ao ra; e ... e te riro noa nei â ei
hanahana rahi ia tavini i teie ohipa.
« E diakono vau. E mea oaoa roa na‘u e diakono vau. Ia ite ana‘e au i
te mau aposetolo ia haere ana‘e i mua i roto i te hoê amuiraa hanahana
no te haamaitai i te oro‘a, e te tahi atu mau Hui Mana Faatere Rahi ia
haere i mua i te mau iri no te oro‘a no te rave i te faraoa e te pape e ia
opere ma te haehaa i te mau taata ato‘a i roto i te amuiraa e ia faaho‘i
i ta ratou mau faarii pau. E oaoa rahi to‘u i to‘u ti‘araa diakono, ei
haapii, e ei tahu‘a » (i roto i te Conference Report, eperera 1975, 117;
e aore ra Ensign, me, 1975, 79).
■ Eaha te huru o te peresideni Kimball no to’na piiraa i roto i te autahu‘araa
? Nahea to tatou huru e riro ai ei haapuairaa ia vetahi ê ?
Faariiraa i te Tauturu na roto i te Faaohiparaa i to Tatou Mau Piiraa
Ua parau te peresideni Marion G. Romney: « No te faohiparaa i to
tatou mau piiraa i roto i te autahu‘araa, e toru na mea o te titauhia:
A tahi oia ho‘i ia tupu te hinaaro mau ia rave i te reira. Te tahi ia imi e
ia tuatapapa i te mau parau no te oraraa mure ore. E te toru oia ïa o te
pure » (i roto i te Conference Report 1973, 116; e aore ra Ensign, tiurai
1973, 89).
■ E aha na mea e toru ta te peresideni Romney i parau o te titauhia no
tatou ia faaohipa i to tatou mau piiraa ? (Papa‘i i te mau pahonoraa i
ni‘a i te tabula papa‘i. O teie ïa (1) ia faarii i e te hinaaro, (2) haapii i
te mau papa‘iraa mo‘a e te mau parau no te mau peropheta ora, e
(3) te pure)
6
Mai te mea e rave tatou i teie mau mea e ia haapa‘o i te mau faaueraa,
e tauturu mai te Metua Here i te Ao ra ia faaohipa tatou i to tatou
mau piiraa.

Haapiiraa 1
O Elder Orson Pratt, te hoê o te mau misionare rahi o te Ekalesia, tei
ti‘aturi maite ma to’na aau ato‘a. I to’na piiraahia ia haere i te misioni i
Scotland, e 80 ana‘e melo i taua fenua ra. Te mau misionare na mua atu
ia’na i Scotland ua tiavaruhia ratou i rapae ma te taorahia i te ofa‘i,
te pehu, e te hamaniinoraa. I to’na taeraa tu i te omuaraa i te matahiti
1840, « ua tere atu oia i . . Edinburgh te oire pû. I te mahana i muri a‘e
o to’na taeraa’tu i reira, ua tauma atu oia i ni‘a i te hoê mou‘a ofa‘i i
ropu i te fenua vahi faafaearaa, ei reira e mea nehenehe mau ia hi‘o
mai i te oire tahito. Ua piihia taua vahi ra o te parahiraa o Arthur, e o
tei matauhia i te parau i te Feia Mo‘a te Mou‘a o Pratt. I reira to Orson
Pratt piiraa i te Fatu ia horo‘a mai e piti hanere mau varua taata no te
faafariu mai. Ua faaroo te Fatu e ua pahono i taua pure ra » (Muriel
Cuthbert, « Strong Saints in Scotland », Ensign, atopa 1978, 36).
Ua faaohipa o Elder Pratt i to’na piiraa, e no te reira, ua haamaitaihia
vetahi ê. I te matahiti 1853, 13 matahiti noa i muri mai i to Elder Pratt
taumaraa i ni‘a i tera tupuai mou‘a e te piiraa i te Fatu i te tauturu, ua
roaahia e 3.291 melo no te Ekalesia i Scotland.
Opaniraa
« E horo‘ahia te mau haamaitairaa a te Fatu i te Feia Mo‘a e i te ao nei
na roto i te mau ohipa a te feia e mau nei i te autahu‘araa... Te mauraa i
te autahu‘araa e ere ïa i te hoê mea mama noa. Te ohipa ra tatou e te
mana o te Fatu, o ta’na i horo‘a mai ia tatou na roto i te iritiraa i te mau
ra‘i i teie mahana ia nehenehe i te mau haamaitairaa ato‘a ia tae mai ia
tatou » (Joseph Fielding Smith, « Blessings of the Priesthood », Ensign,
titema, 1971, 98).
Ua fafau te Faaora na roto i te t≤p∂raa e te fafauraa e ia faaohipa ana‘e
tatou i to tatou mau piiraa o te autahu‘araa, e faarii ïa tatou i te mau
mea ato‘a a to tatou Metua. Te horo‘a rahi roa a‘e Ta’na e vaira no tatou
o te ora mure ore ïa (a hi‘o i te PH&PF 14:7), e ua fafauhia mai tatou e
riro mau te reira ia tatou mai te mea e vai faaroo noa tatou. A na reira
ai tatou, e ia vai to tatou hinaaro ia haapa‘o i te mau fafauraa e rahi atu
te reira e arata‘i te reira ia tatou i te ora mure ore.
Te titauraa
Faaoti i teie mahana e faaohipa outou i to outou mau piiraa. E haapii
outou i te mau papa‘iraa mo‘a no te faarii i te mau faaururaa; e a pure
tuutuu ore no te tauturu. A haamana‘o noa i te t≤p∂raa e te fafauraa o te
autahu‘araa, haamana‘o noa e te hinaaro nei to tatou Metua Here i te Ao
ra ia horo‘a mai i te mau mea ato‘a o Ta’na e vaira. Ia puai noa tatou i roto
i te taviniraa ia vetahi ê, mai te faaohiparaa i to tatou mau ti‘araa e te mau
piiraa i roto i te autahu‘araa no te haamaitai i to ratou mau oraraa.
7

Haapiiraa 1
Te tahi atu mau papa‘iraa mo‘a
■ Iakoba 1:17–19 (faaohipa i to tatou mau piiraa)
■ Mosia 2:20–24 (e amutarahu tatou i te Atua ra)
■ Te Parau Haapiiraa e te Mau Parau Fafau 58:26–29 (ia faaô ia outou i
roto i te hoê ohipa maitai)
■ Te Parau Haapiiraa e te Mau Parau Fafau 121:34–36 (e faatere te autahu‘araa
na roto i te mau parau tumu o te parauti‘a)
Te faaineineraa i te orometua haapii
Hou a haapii ai i teie haapiiraa :
1. Tai‘o i Te Parau Haapiiraa e te Mau Parau Fafau 84:1–48. Ia
haamatau ia tatou i te mau irava 33 e tae atu i te irava 44.
2. Faataa i te mau melo o te piha haapiiraa ia faati‘a mai i te mau
aamu, i te mau papa‘iraa mo‘a, e aore ra te mau faahitiraa parau o ta
outou e hinaaro.
8

TE MAU TAVIRI O
TE AUTAHU‘ARAA
Haapiiraa 2
Te tumu no teie haapiiraa no te faahaere ïa i mua i to tatou maramaramaraa
i te auraa no te mau taviri o te autahu‘araa
Omuaraa
E tatara te hoê taviri i te uputa o te hoê fare. Eita tatou e nehenehe e
tomo noa i roto i te hoê fare maoti râ ua faarii tatou i te taviri e aore ra
te parau faati‘a a te fatu fare. Oia ato‘a, taa ê atu i te ti‘araa o te mau tane
faaipoipo e to te mau metua tane no te haamaitai i to ratou mau utuafare,
te hoê taata o te mau i te autahu‘araa e nehenehe oia e faaohipa i te
reira maoti râ na roto i te parau faati‘a. Ei hi‘oraa, te hoê tahu‘a, e mana
to’na no te faatoro‘a i te tahi atu i te hoê ti‘araa i roto i te Autahu‘araa a
Aarona, eita râ oia e nehenehe e rave i te reira maoti râ ia faarii oia i te
parau faati‘a no te rave i te reira mai ô mai i to’na epesikopo e aore ra te
peresideni amaa. Teie mana no te horo‘a i te parau faati‘a, e parauhia ïa
te mau taviri o te autahu‘araa.
« E mea titauhia ia rave i te mau ohipa ato‘a i raro a‘e i te mana e ia
rave i te taime tano e i te vahi tano, na roto i te faanahoraa mau,e mai
te au i te faanahoraa afaro. Te mana no te faatereraa i teie mau ohipa o
te parauhia te mau taviri o te Autahu‘araa » (Joseph F. Smith, Gospel
Doctrine, 5raa o te nene‘iraa (1939), 136).
Ua haamaramarama te peresideni Joseph Fielding Smith: « Teie mau
taviri o te ti‘araa ïa o te peresideniraa, o ratou te mana no te faatere e
no te arata‘i i te mau ohipa ato‘a a te Fatu i ni‘a i te fenua nei. O ratou o
te mau i te reira e mana ïa to ratou no te faatere e no te hi‘o i te huru o
te tahi pae a tavini ai i roto i te autahu‘araa. O tatou paato‘a e nehenehe
e mau i te autahu‘araa, aita râ tatou e nehenehe e faaohipa noa i te reira
maoti râ ia faati‘ahia e ia arata‘ihia no te rave i te reira mai roto mai ia
ratou o te mau i te mau taviri » (i roto i te Amuiraa, eperera 1972, 98; e
aore ra Ensign, tiurai 1972, 87).
■ E aha te taa-ê-raa i rotopu i te autahu‘araa e te mau taviri o te autahu-
‘araa ? (Te autahu‘araa o te mana ïa o te Atua. Te mau taviri o te ti‘araa
ïa no te faaohipa i teie mana i roto i te tahi mau faanahoraa papû).
9

Haapiiraa 2
O Vai te Mau i te Mau Taviri o te Autahu‘araa ?
I mau noa na o Iesu Mesia i te mau taviri ato‘a o te autahu‘araa. I To’na
pii matamuaraa i Ta’na mau Aposetolo Hoê Ahuru Ma Piti, ua horo‘a o
Iesu i te mau taviri o te autahu‘araa ia ratou ra (a hi‘o i te Ioane 15:16).
■ Faaite i te hoho‘a 2-a, « Ua faatoro‘a te Mesia i Ta’na Mau Aposetolo e
ua horo‘a i te mau taviri o te autahu‘araa ia ratou. »
Na mua a‘e Oia i faasataurohia ai, ua horo‘a te Mesia i te mau taviri o
te autahu‘araa ia Petero, Iakobo, e ia Ioane. Ua ravehia te reira i ni‘a i te
Mou‘a o te Faahuru‘eraa (A hi‘o i te Teachings of the Prophet Joseph Smith,
haaputuhia e Joseph Fielding Smith (1976), 158; Mataio 17:1–9). Teie râ, i
roto i te mau tenetere i muri mai i te poheraa o te Mau Aposetolo, ua
mo‘e teie mau taviri, e na mua a‘e te taata e faaohipa ai i te autahu-
‘araa, e mea titauhia teie mau taviri ia faaho‘ihia mai. No teie tumu te
Fatu i tono ai ia Petero, Iakobo, e o Ioane i te Peropheta Iosepha Semita
no te faaho‘i mai i te Autahu‘araa a Melehizedeka e te mau taviri no
taua autahu‘araa (a hi‘o i te PH&PF 27:12–13).
Ua horo‘ahia teie mau taviri mo‘a i te taato‘araa o te Mau Aposetolo e
te mau peropheta o te Ekalesia e te mauhia ra te reira e te peropheta e
te Mau Aposetolo o te Ekalesia i teie mahana.
■ Faaite i te hoho‘a 2-b, « Te peresideni Gordon B. Hinckley. »
Noa’tu te mau nei te Aposetolo tata‘itahi i te mau taviri no te autahu-
‘araa, e faanahonahoraa râ na te Fatu oia ho‘i hoê noa taata i te taime
hoê e nehenehe e faaohipa i teie mau taviri na ni‘a i te i‘oa o te Ekalesia.
No teie tumu e faatoro‘ahia ai te Aposetolo maoro roa a‘e (mai te au i te
tai‘o mahana no te faatoro‘araa, eiaha na ni‘a i te matahiti paari) ei peresideni
no te Ekalesia na te P∂p∂ o te Tino Ahuru Ma Piti e ua horo‘ahia
te ti‘araa no te faaohipa i te taato‘araa o te mau taviri o te autahu‘araa. Ia
pohe ana‘e oia, na te toe‘a o te Mau Aposetolo e faatoro‘a i te Aposetolo
maoro roa a‘e (te peresideni o te P∂p∂ o te Tino Ahuru Ma Piti) e
faaohipa ïa oia i ta’na mau taviri no te aposetoloraa i roto i te îraa
ei peresideni no te Ekalesia.
O te peresideni o te Ekalesia, i te reira taime, te taata ana‘e i ni‘a i te
fenua nei e mau ra i te mana no te faaohipa i te taato‘araa o te mau
taviri o te autahu‘araa (a hi‘o i te PH&PF 132:7). Teie râ, e horo‘a oia i te
tahi mau taviri i te feia faatere o te peresideni i roto i te Ekalesia. Teie
mau taata o te mau peresideni misioni, te mau peresideni amaa, te mau
peresideni hiero, e mau peresideni t¥t¥, te mau epesikopo, e te mau peresideni
no te p∂p∂ Autahu‘araa a Melehizedeka. E na ratou e horo‘a i te
hoê tuhaa no to ratou mana (eiaha râ ta ratou mau taviri) i te mau taata
e te mau vahine i roto i ta ratou mau tuhaa na roto i te faataaraa ia
ratou i roto i te mau ti‘araa e te mau piiraa.
10

2-a, Ua faatoro‘a te Mesia i Ta’na Mau Aposetolo e
ua horo‘a ia ratou i te mau taviri o te autahu‘araa.
11

Haapiiraa 2
Ua haamaramarama te peresideni Joseph F. Smith: « I roto i to ratou
îraa, na te hoê noa taata e mau i te mau taviri i te hoê taime, te peropheta
e te peresideni o te Ekalesia. E nehenehe ta’na e horo‘a i te hoê
tuhaa o teie mana i te tahi atu taata, i reira e mau ïa i taua taata ra i
te mau taviri no taua ohipa ra. Mea na reira, te peresideni o te hoê
hiero, te peresideni o te hoê t¥t¥, te epesikopo o te hoê paroita, te
peresideni o te hoê misioni, te peresideni o te hoê p∂p∂ autahu‘araa,
e mau ïa ratou tata‘itahi i te mau taviri no te mau ohipa o ta ratou e
rave i roto i to ratou mau tuhaa. Aita to’na Autahu‘araa i hau atu na
roto i teie piiraa taa ê to’na » (Gospel Doctrine, 136).
Ua horo‘a te tahi o te mau ti‘araa i te hoê taata i te taime ihoa oia a
horo‘ahia ai te Auahu‘araa a Aarona e aore ra a Melehizedeka. Ei
hi‘oraa, ia faarii ana‘e te hoê taata i te Autahu‘araa a Melehizedeka,
e horo‘ahia ia’na te mana no te horo‘araa i te mau haamaitairaa a te
metua tane, ia horo‘a i te mau haamaitairaa no te tamahanahana, e no
te haamaitai i te feia ma’i. E mau ato‘a oia i teie mau ti‘araa a haapa‘o
ai oia i taua autahu‘araa. Noa’tu te pohe eita te reira e tatara i taua
mana ra mai ia’na ra.
Teie râ, te vai nei te tahi mau ti‘araa o ta te hoê taata e mau no te hoê
noa taime poto. Ei hi‘oraa, te hoê peresideni amaa, e mau oia i te mau
taviri no to’na amaa no te taime noa oia e pereisdeni amaa ai. Ia
haamauruuruhia oia mai roto mai i taua ti‘araa ra, aita ïa oia e mau
faahou i teie mau taviri.
Te Faufaa no te Mau Taviri o te Autahu‘araa
Ia pii ana‘ehia te hoê taata i te hoê ti‘araa tau poto noa i roto i te
Ekalesia ei taata faatere anei e aore ra ei orometua haapii, e faataahia oia
no taua piiraa ra. E mau te taata faatere i te mau taviri no taua piiraa e
horo‘a ra i te taata i te ti‘araa no te ohipa i roto i taua piiraa e ia horoa i
te haamaitairaa. I muri iho, aita atu ai e taata e nehenehe e faaohipa i
to’na piiraa–mai ta’na ato‘a e ore e nehenehe e rave i te mau ohipa a te
tahi ê atu. E mau te taata tata‘itahi i te reira e tae noa’tu e ua haamauruuruhia
oia i to’na ti‘araa. E horo‘ahia teie haamauruururaa e te hoê
taata faatere peresideniraa; i muri mai i te reira aita taua taata ra e mau
faahou i te ti‘araa no te rave i te ohipa i roto i taua toro‘a ra. E nehenehe
te mau melo o te Ekalesia i te faataahia ia tavini atu i roto i te mau
ti‘araa no te tavini i te Ekalesia no te hoê anei tau hepetoma noa, taua
ava‘e anei, e aore ra tau matahiti. Te roaraa o te tau no te taviniraa tei te
huru ïa no Te titauraa, te aravihiraa o te taata, e te arata‘iraa a te Fatu i
te faatere peresideniraa.
Noa’tu e faataahia te tane e te vahine no te tahi mau piiraa, o te feia ana‘e
e mau nei i te autahu‘araa o te faatoro‘ahia i te mau ti‘araa o te autahu-
‘araa. Teie mau ti‘araa o te diakono ïa, te haapii, te tahu‘a, te peresibutero,
12

2-b, peresideni Gordon B. Hinckley
13

Haapiiraa 2
te tahu‘a rahi, te epesikopo, te patereareha, te Hitu Ahuru, e te Aposetolo.
Na te faatoro‘araa i roto i te hoê o teie mau ti‘araa e horo‘a i te hoê taata i
te mau rave‘a no te tavini i roto i te Ekalesia–mai tei faaitehia i mua a‘e
nei, mea na roto ïa i te parau faati‘a a te feia e mau nei i te mau taviri o
te autahu‘araa.
Te faaite mai nei te aamu i muri nei e mea nahea ia faaohipa tano i
te mau taviri o te autahu‘araa no te haapa‘o i te nahonaho i roto i te
Ekalesia:
I te mau mahana matamua o te Ekalesia, ua mau o Hiram Page i te
mana no te heheu i te parau a te Fatu i to te Ekalesia. Ua haamata oia
i te faaite i te tahi pae no ni‘a i ta’na mau heheuraa, e rave rahi mau
melo o te Ekalesia tei ti‘aturi i te mau mea ato‘a o ta’na i haapii. Ua
pure te Peropheta Iosepha Semita e ua ani i te Fatu e aha te mea e
rave. Ua pahono mai te Fatu ia’na i te na ô raa. « E ore roa te hoê taata
e maitihia ia faarii i te mau faaueraa e te mau heheuraa i roto i teie
ekalesia nei maori râ o ta‘u tavini ra o Iosepha Semita, tamaiti. »
(PH&PF 28:2). Ua parau faahou â te Fatu e mea ti‘a ia Iosepha ia parau
atu ia Hiram Page i te mau mea o ta Hiram i haapii e i papa‘i no ô mai
ïa i te diabolo. Ua haamaramarama te Fatu e ere o Hiram te faarii i te
mau heheuraa na te Ekalesia: « Aita roa teie nei mau mea i faataahia
na’na... No te mea e rave afaro noahia te mau mea ato‘a e ti‘a ai »
(a hi‘o i te PH&PF 28:11–13).
Ua rave te Peropheta Iosepha mai te au i te faaueraa a te Fatu. Ua farerei
atu oia ia Hiram Page e ua parau atu ia’na i te mea o ta te Fatu i parau.
Mai te aau haehaa i te varua, ua faaite te taea‘e Page i to’na tatarahapa e
ua fafau ia’na e faaea roa oia i te mea o ta’na i rave noa na. Mai to’na
tatarahaparaa, ua ani o Iosepha ia’na ia haere i te misioni. I te tau i muri
mai, i roto i te hoê amuiraa, ua parau te Peropheta i te mau melo o te
Ekalesia i te mea o ta te Fatu i heheu mai e i ani mai ia ratou ia haamo‘e i
te mau haapiiraa ta Hiram i haapii ia ratou. Ua faarii paato‘a ratou e ua
maiti ia faarii ia Iosepha o oia ana‘e to ratou peropheta, te hi‘o, e te
heheu parau. (A hi‘o i te History of the Church, 1:109–15).
■ No te aha e mea faufaa e na te hoê noa taata e faaohipa i te taato‘araa
o te mau taviri o te autahu‘araa ?
Te Ekalesia a te Fatu e « Fare no te Haapa‘oraa »
No te mea e mea mo‘a te autahu‘araa, ua parauhia tatou ia faaohipa i te
reira mai te haapa‘o maite. E faaterehia te autahu‘araa i roto i te haapa-
‘oraa mau no te arai i te ahuehue e te faaohipa tano ore. « Inaha, e fare
haapa‘oraa to‘u fare nei, te na reira mai nei te Fatu o te Atua, e ere ho‘i,
i te fare no te ahuehue noa » (PH&PF 132:8).
14

Haapiiraa 2
I riro noa na teie huru haapa‘oraa ei tuhaa no te basileia o te Fatu i ni‘a i
te fenua nei. Ei hi‘oraa mai ia Mose, tei haapii i Te titauraa no te haapa-
‘oraa i muri noa mai i to’na piiraahia ia arata‘i i te Ati Iseraela. E mea
titauhia te faatereraa no te Ati Iseraela no te faatahoê noa ia ratou, ua ite
râ o Mose e mea fifi ia arata‘i ia ratou e oia ana‘e ra. Ua maiti atura oia i
te « taata itoito, i tei mata‘u i te Atua ra, ei taata haapa‘o maitai » e ua
piihia ratou ei mau tavana. Ua faataa oia ia ratou ei feia tavana i ni‘a i te
hanere, te tahi mau tavana i ni‘a i te pae ahuru, e te tahi mau tavana i
ni‘a i te ahuru. E ua haapii atura oia ia ratou e nahea ia peresideni i ni‘a
i ta ratou mau p∂p∂. (A hi‘o i t Exodo 18:17–22).
I teie mahana to tatou feia faatere o te autahu‘araa–te mau epesikopo e
te t¥t¥, te mataeinaa, te misioni, te amaa, e te p∂p∂ o te mau peresideni–tei
horo‘ahia te mau taviri o te autahu‘araa ia nehenehe tatou ia
arata‘ihia i roto i te nahonaho ia faarii i te mau oro‘a no te evanelia. E
rave rahi te mau hopoi‘a a te feia faatere o te Ekalesia no te mea te mau
nei ratou i te mau taviri o te autahu‘araa. Teie te mau hopoi‘a i raro nei:
Uiuiraa ia ratou o te faarii i te mau oro‘a.
Haamaramaramaraa i te faufaa o te mau oro‘a.
Haapapûraa e ua ineine anei te mau melo ia faarii i te mau oro‘a.
Haapa‘oraa i te mau parau.
Haapapûraa i te tiamaraa o te feia o te faatere i te mau oro‘a.
Aniraa i te tahi ia arata‘i i te mau ohiparaa a te Ekalesia.
Aniraa i te mau melo o te Ekalesia no te hoê patururaa maiti.
E Mau te Hoê Metua Tane i te Mau Taviri no te Haamaitai i To’na
Utuafare
Na roto i te faaueraa a te Fatu, o te hoê metua tane te upoo o to’na
utuafare. No te riro ei upoo faatere maitai mau no to’na utuafare, e
mea ti‘a ia faahanahana maitai oia i to’na autahu‘araa. Ia na reira oia,
e mau ïa oia i te mana no te arata‘i e no te haamaitai i to’na utuafare
na roto i te here e te au maite.
■ E aha te mau taviri o ta tatou e mau ei mau upoo faatere no to tatou
mau utuafare ? E aha ta teie mau taviri e faati‘a nei ia tatou ia rave no
to tatou mau melo o te utuafare ?
E nehenehe ta te autahu‘araa e horo‘a mai e rave rahi mau haamaitairaa
rahi i roto i to tatou mau oraraa. Teie te tahi o taua mau haamaitairaa ra
o ta te Epesikopo H. Burke Peterson i tabula mai: « mai te mea e ora
tatou (i roto i te hoê faanahoraa no te faaineine ia tatou ia faarii i te
reira), e faarii ïa tatou i te mana mai ô mai i to tatou Metua Here i te
Ao ra o te horo‘a mai i te hau i roto i te utuafare. E roaa mai te mana ia
15

16
2-c, Te vai nei te mau haamaitairaa a te autahu‘araa
i te taato‘araa o te mau melo o te utuafare.

Haapiiraa 2
tatou no te haamaitai e te tamahanahana i te mau tamariirii, o te horo‘a
mai i te taoto maitai e ia araara mai i te po‘ipo‘i ma te ta’i ore. E roaa
mai ia tatou i te mana no te ... tamaru i te iria o te hoê hoa vahine
faaipoipo tei rohirohi. E roaa ia tatou i te mana no te arata‘i i te feia apî
i roto i te e‘a maitai. E roaa ia tatou i te mana no te haamaitai i te hoê
tamahine hou oia a haere ai na muri i te hoê hoa e aore ra hou oia a
haaipoipo ai i roto i te hiero, e aore ra ia haamaitai i te hoê tamaiti hou
oia a haere ai i te misioni e aore ra a haere ai i te fare haapiiraa teitei...
E oaa ia tatou i te mana no te faaora i te ma’i e no te tamahanahana i te
feia mo‘emo‘e » (i roto i te Conference Report, eperera 1976, 50–51; e
aore ra Ensign, me 1976, 33).
■ E aha to outou mana‘o no ni‘a i te hoê metua tane tiamâ o te mau i te
mana no te haamaitai i ta’na vahine e ta’na mau tamarii ? E aha to
outou mana‘o mai te mea e ani mai te hoê melo o to outou utuafare i
te hoê haamaitairaa ?
Ua faarii te tuahine Kyuln Lee no Korea i te hoê haamaitairaa a te autahu‘araa
i roto i to’na utuafare. Teie te aamu o ta’na i faati‘a:
« Ua tupu te reira a hitu matahiti i teie nei, hoê ahuru ava‘e to to‘u aiu.
E melo to‘u hoa faaipoipo no te peresideniraa Mataeinaa no Korea,
e tere atea oia i te mau hopea hepetoma ato‘a no to’na ti‘araa no te
Ekalesia, e o vau ana‘e iho e ta maua tamahine to te fare, o Po Hee.
I tera hopea hepetoma, ua tere oia e 270 maire te atea i Pusan i te
Mahana Maa (e hitu hora tere na ni‘a i te pereoo auahi no te haere e
na reira ia ho‘i mai) e ia ho‘i mai i Seoul i taua pô ra no te amuiraa i
roto i te Amaa Seoul Hitiaa o te ra i te Sabati. E mea rohirohi mau, e
ua pe‘ape‘a vau no’na.
« Mea maitai o Po Hee i te Mahana Maa e i te Sabati, e, noa’tu e mea
maniania oia i roto i te pureraa oro‘a, i muri a‘e i to matou ho‘iraa i te
fare ua inu oia i ta’na mohina û e ua ta‘oto atura. I te area no te hora 9 i
te pô ua haamata oia i te haapahi. Ua puai rahi te haapahi, e ua haere
atura vau e tii ia’na, i reira ua ite au e fiva rahi to’na. Aita vau i ite e
nahea râ. E ua ite au e te fare ma’i fatata mai i to matou fare ua opani
ïa i tera mahana. Ua tamau noa oia i te haapahi no te tahi nau taime, e i
to to‘u hoa faaipoipo tomoraa mai, ua haamata ihora vau i te ta’i ato‘a.
« Apa maira ta‘u tane i te aiu e ia‘u ato‘a nei e ua ui maira e aha te fifi.
Ua oti roa o Po Hee i te rohirohi. I to‘u faaiteraa ia’na i te mea i tupu,
ua tuu ihora oia i to’na pereue e ta’na afata afa‘ifa‘i i raro e ua tatara
maira i te mohina hinu orive i haamo‘ahia. E ua haamaitai ihora i ta
maua tamahine. Aita vau i haamana‘o i te taato‘araa o te mau parau i
muri a‘e i to’na faahitiraa i te mau parau i titauhia no te pure haamaitairaa
ua parau oia: ‘Te Metua i te Ao ra, ua mauruuru roa ino vau no
17

Haapiiraa 2
te aho ora, no ta‘u vahine faaipoipo e ta‘u aiu. Ua mauruuru vau no te
evanelia i faaho‘i faahouhia mai e to‘u taime taviniraa. Ua tono Oe ia‘u
i Pusan e i te Amaa Seoul Hitiaa o te râ no te faatere ïa i te tahi mau
ohipa no te mataienaa. Ua rave au i ta‘u hopoi‘a i ananahi ra e i teie
mahana, e i teie nei te ite nei au e ma’i rahi to to‘u aiu. Ua tauturu mai
Oe ia‘u i te mau taime ato‘a. A tauturu mai ia‘u i teie pô.’
« Hou a‘e oia a opani ai i ta’na pure, vare‘a ihora te aiu i te ta‘oto, e i to‘u
hi‘oraa tu i ni‘a, te ti‘a noa ra to‘u hoa e te roimata i roto i to’na mata.
« Tei roto ta maua tamahine i teie nei i te piha piti e mea maitai roa e te
oaoa rahi, tera râ te haamana‘o noa nei au i tera mau parau ta ta‘u tane
faaipoipo i faahiti i roto i ta’na pure i to’na parauraa i te Fatu, ‘ua rave
au i ta‘u hopoi‘a i ananahi ra e i teie mahana’ Te ti‘aturi nei au e tamau â
vau i te turu ia’na ia nehenehe oia ia parau i te Fatu e ua haapa‘o maitai
oia. Aue ïa, i te maitai rahi no te hoê tane faaipoipo o te faahanahana i
te autahu‘araa ! » (« Our Baby, My Husband, and the Priethood »,
Ensign, atete, 1975, 65).
■ Faaite i te hoho‘a 2-c, « Te vai nei te mau haamaitairaa a te autahu-
‘araa na te mau melo ato‘a o te utuafare. »
Te vai nei te mau haamaitairaa a te autahu‘araa no te mau melo ato‘a o
te utuafare. E nehenehe ta te hoê tamarii e aore ra ta te hoê vahine e fifi
to’na e titau i te arata‘iraa no te hoê haamaitairaa taa ê e i reira ia faarii
i te tauturu o ta’na e hinaaro ra mai ô mai i te Fatu ra. Na roto i te
faariiraa i tera mau haamaitairaa, e mea ti‘a ia haamana‘o noa tatou e
rave rahi te mau tamataraa ta tatou e farerei. Ia tutava tatou i te tatara i
to tatou mau fifi na mua roa. E ia ite râ tatou e mea titauhia te tauturu,
e nehenehe atu ai tatou e fariu i te hoê melo e mau nei i te autahu‘araa
i roto i to tatou utuafare, i to tatou mau orometua hahaere utuafare, e
aore ra i te tahi atu taata faatere no te autahu‘araa e ia ani ia’na i te hoê
haamaitairaa taa ê a te autahu‘araa.
■ A ani i te tahi na melo o te piha haapiiraa ia faaite poto noa mai i te
tahi o te mau haamaitairaa o ta to ratou mau utuafare i faarii na roto
i te autahu‘araa.
« E mea titauhia te metua tane ia po‘ia e ia poiha e ia titau ia haamaitai
i to’na utuafare, ia haere i te Fatu, tuatapapa i te mau parau a te Atua,
e ia ora na roto i te Varua no te ite i te mana‘o e te hinaaro o te Fatu e e
aha te mea o te ti‘a ia’na ia rave no te arata‘i i to’na utuafare » (Ezra Taft
Benson, God, Family, Country: Our Three Great Loyalties [1974], 185).
« (Hau atu no te faatupuraa i te faatereraa maitai,) ia faaitoitohia te hoê
metua tane tiamâ o te mau i te Autahu‘araa a Melehizedeka ia topa te
18

Haapiiraa 2
i‘oa e ia haamaitai i ta’na mau tamarii. E mea ti‘a oia ia haamaitai i te
ma’i i roto i to’na utuafare... E nehenehe ta’na e horo‘a i te hoê haamaitairaa
metua tane.
« Ei patereareha no to’na utuafare, e heheu parau te hoê metua tane no
to’na utuafare ... e ... i roto i te reira e faari oia i te mau heheuraa no ô
mai i te Fatu no te maitai e te haamaitairaa no taua utuafare ra (a hi‘o
i te Doctrines of Salvation, 3:172) » (A. Theodore Tuttle, i roto i te
Amuiraa, atopa 1973, 86; e aore ra Ensign, tenuare 1974, 66–67). E mea
ti‘a i te mau metua tane tiamâ ia bapetizo i ta ratou mau tamarii, ia
haamau e ia horo‘a i te Varua Maitai, e ia faatoro‘a ia ratou i te autahu-
‘araa. Teie râ, mai te au i te mau ti‘araa mana o te metua tane, e nehenehe
ta te hoê metua tane e rave i teie mau oro‘a i muri a‘e i to’na
faariiraa i te parau faati‘a mai roto mai i te feia faatere o te autahu‘araa
o te mau i te mau taviri i roto i te reira tuhaa o te Ekalesia.
Opaniraa
Noa’tu e mana to tatou no te raveraa i te tahi mau oro‘a ei mau melo no
te autahu‘araa, eita tatou e nehenehe e rave noa maoti râ ua faarii tatou
i te parau faati‘a mai roto mai i to tatou feia faatere o te Ekalesia no te
rave i te reira. Te mana no te horo‘araa i teie parau faati‘a e parauhia ïa
te mau taviri o te autahu‘araa. O te peropheta oia ana‘e te taata i ni‘a i te
fenua nei o te mau i te taato‘araa o te mau taviri o te autahu‘araa, tera râ
ua horo‘a oia i te tahi o teie mau taviri i te feia faatere o te peresideni atu
i ni‘a i te tahi mau tuhaa o te Ekalesia, e,na ratou e horo‘a mai ia tatou i
te parau faati‘a no te faaohipa i to tatou autahu‘araa no te haamaitai i te
mau tamarii a te Metua Here i te Ao ra.
Oia ato‘a, ia faatoro‘a ana‘ehia tatou i te Autahu‘araa a Melehizedeka,
e faarii tatou i te tahi mau taviri, no te faaohipa ei mau metua tane. Na
roto i teie mau taviri e nehenehe ai ia tatou ia faaohipa i te autahu‘araa
no te haamaitai i to tatou mau utuafare.
Te titauraa
Pure tamau no te hi‘oraa e nahea outou e nehenehe ai ia faaohipa i to
outou autahu‘araa no te haamaitai i te mau melo o to outou utuafare.
Te tahi atu mau papa‘iraa mo‘a
■ Te Parau Haapiiraa e te Mau Parau Fafau 65:1–6 (te mau taviri o te
basileia o te Atua horo‘ahia i te taata)
■ Te Parau Haapiiraa e te Mau Parau Fafau 110:11–16 (te mau taviri o
teie e te tahi atu mau tuuraa tau horo‘ahia i te taata)
19

Haapiiraa 2
Te faaineineraa i te orometua haapii
Hou a haapii ai i teie haapiiraa:
1. Haapii i te 1 Korinetia 12:12–28.
2. Faataa i te mau melo o te piha haapiiraa ia faati‘a mai i te mau
aamu, te mau papa‘iraa mo‘a e aore ra i te mau faahitiraa parau o ta
outou e hinaaro.
20

TE FAAHANAHANARAA
I TE AUTAHU‘ARAA
Haapiiraa 3
Te tumu o teie haapiiraa no te tauturu ïa ia tatou ia maramarama i te
mana mo‘a o te autahu‘araa e ia faarahi i to tatou hinaaro ia faahanahana
i te reira.
Omuaraa
■ Himene « E te Mau Nunaa e » (Te mau Himene, no. 4 e aore râ Te
mau Parau Tumu no te Evanelia, 342).
Ua anihia e piti na misionare e tavini ra i Hong Kong ia haere e tamaa io
te taea‘e e te tuahine Wong. Ua ineine te iri airaamaa e te mau au‘a na’ina’i
e te mau mereti. Ua ata’ata rii noa’tu te tuahine Wong i ni‘a i na misionare
tei te poro fare oia i te ti‘araa i pihai iho i te umu. Ua tuu atura oia i te mau
au‘a e te mau mereti maa i ni‘a i te iri airaamaa. Ua maere roa na Elder nei
i teie faanahoraa. Te vaira te mau au‘a raiti, te vai ato‘a ra te mau mereti
oura pape e te tahi atu mau maa tinito, e mea rahi roa te maa no te hoê
utuafare ha’iha’i roa mai teie te huru. Ua faaoti ihora te taea‘e Wong i te
pureraa e ua haamata i te tamaa; aita râ te taea‘e e te tuahine i tamaa, ua
faataa noa raua i na maa iti na raua, e ua vaiiho te tuhaa rahi no na elder.
E ua ite teie na elder i tera huru to raua, e a tahi ra raua a amu ai i te maa
faahiahia roa mai ta Wong mâ e aita ho‘i o Wong e haamau‘a nei no raua
iho i te faito maa mai te reira te huru–eita e ore te moni i pau no tera huru
maa o te faito moni ava‘e ïa–aita râ te elder e hinaaro ia inoino na taata nei
e aore ra aita ato‘a raua e nehenehe e pato‘i i te reira, inaha e faatusiaraa
rahi roa ta raua i rave.
« E mea huru fifi ia amu i teie maa, inaha no roto roa mai i te aau te
horo‘araa, ua ite ato‘ahia te fifi e te po‘ia o taua mau mahana ra–te
faatusiaraa–i nehenehe ai teie faatamaaraa e te tupu. Ua faanahonaho
maite te taea‘e e te tuahine Wong e tae noa’tu i ta raua na tamaroa i
te tamaaraa. Ua mauruuru roa ino ratou i muri a‘e i to te mau elder
tamaaraa e ua hinaaro ratou ia ite e ua nava’i anei te maa. I te ti‘araa
mai ratou paato‘a i ni‘a ua ohi ihora te tuahine Wong i te mau mereti,
e ua rave ihora te hoê o na elder i te rima o te taea‘e Wong e ua na ô
21

22
3-a, Ua hamanihia te fenua nei na roto i te mana o te autahu‘araa.

Haapiiraa 3
atura: ’E aha outou i na reira ai i te faahanahana ia maua no te mea e
haamau‘araa rahi roa no tera huru tamaaraa’Mai te aau haehaa mai
roto mai i te hoê taata tei faarue i to’na fenua e tei haere mai i te tahi
atu fenua e o tei faarii i te parau mau, na ô atura te taea‘e Wong: ‘Ua
rave matou i te reira no orua no te mea te mau nei orua i te autahu-
‘araa, e na te Atua i tono mai ia orua i ô nei no te haapii ia matou’
«(Life and Teachings of Jesus, New Testament Volume 1 [Church
Educational System Manual] 1974, 134).
■ Nahea to te taea‘e e te tuahine Wong faaiteraa i te hanahana ia ratou
o te mau nei i te autahu‘araa o te Atua ? No te aha e mea faufaa e ia
faahanahana tatou i te autahu‘araa o ta tatou e mau nei ?
Te Autahu‘araa–Te Mana Rahi Roa a‘e i ni‘a i te Fenua
Te autahu‘araa te mana rahi roaae i ni‘a i te fenua. E ere i te mana noa o
te Atua tei horo‘ahia i te taata nei i ni‘a i te fenua nei no te rave i Ta’na
ohipa, o te mana ato‘a râ te reira ta te Metua Here i te Ao ra e Iesu Mesia
i faaohipa no te raveraa i ta Raua ohipa. Oia mau, mea na roto i te mana
o te autahu‘araa i hamani ai te Faaora i te fenua nei.
■ Faaite i te hoho‘a 3-a, « Ua hamanihia te fenua na roto i te mana o te
autahu‘araa. »
E haamaitairaa rahi roa tera no tatou i te horo‘araahia mai teie autahu-
‘araa e to’na mana.
■ A ani i te mau melo o te piha haapiiraa ia tai‘o i Te Parau Haapiiraa
e te Mau Parau Fafau 107:1–4. E aha te i‘oa mana o te autahu‘araa ?
« (Te Autahu‘araa Mo‘a, mai te au i te Haapa‘oraa a te Tamaiti a te
Atua »)
Te pii nei tatou i te autahu‘araa te Autahu‘araa a Melehizedeka no te
arairaa i te faahiti pinepineraa i te i‘oa « te Tamaiti a te Atua », teie râ
te autahu‘araa o te autahu‘araa ïa o te Faaora.
E rave rahi o tatou o te ore e maramarama ra i te mana rahi o te autahu‘araa.
I te tau o Enoha, ua fafau te Atua e, « te feia atoa e faatoro‘ahia
i teie haapa‘oraa e i teie nei piiraa, e roaa ïa ia’na te mana, na roto i
te faaroo, no te tuparari i te mau mou‘a, no te vahi i te moana, no te
tamaro i te mau pape, no te taui i to ratou taheraa, no te aro i te mau
nuu faaehau o te ao nei, no te vahi i te fenua, no te tuparari i te mau
p∂p∂ atoa, no te ti‘a i mua i te aro o te Atua; no te rave i te mau mea
atoa ia au i to’na ra hinaaro, ia au i ta’na faaue » (Iritiraa a Iosepha
Semita, Genese 14:30–31 ; hi‘o atoa John Taylor, The Mediation and
Atonement [1882], 85).
O ratou o te mau i te autahu‘araa te mau ti‘a o te Mesia. No reira, e mea
titauhia ia rave tatou i te mea o Ta’na e ani mai ia tatou ia rave mai te
23

Haapiiraa 3
mea e faarii tatou i To’na mana. E titauhia tatou ia haapa‘o i Ta’na mau
faaueraa e ia tamata i te faaohipa i te autahu‘araa, e ia faaohipa mai
Ta’na e faaohipa ra.
Ua haamaramarama o Elder H. Burke Peterson: « ua ite au e te vai
nei te taa-ê-raa i rotopu i te mana no te faatere e te mana o te autahu-
‘araa... Tatou paato‘a o te mau nei i te autahu‘araa e mana to tatou no
te rave i te ohipa na te Fatu, area râ te tupu mauraa o to tatou mana–,
o te mana ïa o te haere mai mai roto mai i taua mana ohipa ra–e te
reira tei te huru o to tatou mau oraraa, tei te huru i to tatou parauti-
‘araa » (i roto i te Conference Report, Epereraa 1976, 50; e aore ra
Ensign, me 1976, 33).
Mai te mea e mea tiamâ tatou, e faarii tatou i te mana no te haamaitai
i to tatou mau utuafare, ia faarii i te mau heheuraa no to tatou mau
piiraa o te autahu‘araa, faatupu i te mau semeio, e te manuiraa i ni‘a
ia Satane. Te autahu‘araa o te mana ïa e na roto i reira te mau oro‘a e
ravehia ai, te ohipa hiero, e te pororaahia te evanelia. Eita tatou e faarii
i te hoê noa a‘e o teie mau oro‘a e te mau haamaitairaa e aita te mana o
te autahu‘araa.
■ A ani i te tahi mau melo o te piha haapiiraa ia faaite mai e mea nahea
to ratou iteraa i te mana o te authu‘araa i roto i to ratou oraraa.
Na roto i te hoê ohipa i tupu ua nehenehe i te hoê misionare ia
maramarama i ni‘a i te mana o te autahu‘araa:
Ua haere teie misionare e to’na hoa misionare i roto i te tahi mau
mataeinaa veve no te hoê haapiiraa. E na taata o ta raua e haapii ra e na
taata veve roa. E te mea faufaa roa ia raua maoti râ ta raua tamahine iti,
tei ma’i roahia. Ua uriuri roa to’na hoho‘a mata. E piri noa na mata mai
te mea ra e vare‘a noa oia i te taoto. E pe‘ape‘a rahi e te ta’i ato‘a ra na
metua nei. Te ite ra raua e ua fatata roa ta raua tamahine i te pohe. Ua ô
maira te hoê mana‘o puai roa i roto i teie misionare apî, « Faaohipa i to
oe autahu‘aaraa ! » E ua ani atura oia i te metua tane ia rave i teie tamahine
iti i roto i to’na rima. E ua tuu ihora teie misionare e to’na hoa
misionare i to raua rima i ni‘a i te upoo na’ina’i o teie tamahine iti e ua
faaohipa atura i to raua faaroo e ua horo‘a i te hoê haamaitairaa ia’na ra.
Ua parau maira te reo o te Varua ia haamaitai ia’na ia nehenehe ia’na ia
faarii i te ora e ia tupu mai ei tamahine maitai roa. Ua tupu tera haamaitairaa.
Ua faaho‘ihia te ora maitai i taua tamahine ra.
Ua oaoa roa teie misionare apî i te Fatu no to’na riroraa ei tavini
No’na ra. Ua tupu maitai te reira ohipa. Ua haapii te reira ia’na i te
hoê mea no te mana rahi o te Atua, o te horo‘ahia i To’na mau tavini
na roto i te autahu‘araa.
24

Haapiiraa 3
■ No te aha to tatou faaroo e riro ai ei mea faufaa na roto i te faaohiparaa
i te mana o te autahu‘araa ?
Faahanahanaraa i te Autahu‘araa
Ua faati‘a te peresideni Harold B. Lee i teie i muri nei: « Te haamana‘o
nei au i te hoê aamu i faati‘ahia e te hoê o to tatou mau faehau. Ua animanihini-hia
oia ia haere i te hoê fare inuinuraa, e mea huehue roa te
huru o te mau faehau i reira. E ua ite oia i te hoê faehau e parahi noa ra
i te hiti e aita oia e au ra i te mau mea e tupu ra, e ua tapiri atura oia i
pihai iho i taua taata ra, mai ia’na ato‘a ra aita ona e au ra, e ua parau
atura oia, « Aita oe e anaanatae ra i roto i teie inuraa.’ Ua ti‘a maira teie
faehau i ni‘a e na ô maira, ‘Aita roa’tu, aita vau e faaô ia‘u i roto i teie
huru inuraa, no te mea, ia ite mai oe e melo vau no roto i te Fare Arii
no Peretane.’ E ua parau’tura to tatou faehau, ‘Aita ato‘a vau e au, no
te mea e melo vau no te Fare Arii o te Atua’ « (Ye Are the Light of the
World [1974], 22; a hi‘o ato‘a i te 1 Petero 2:9).
No te mea e autahu‘araa teie no te Faaora, e mea ti‘a tatou ia faahanahana
mai ta te Mesia e faahanahana ato‘a ra i te reira. Ua papa‘i o Elder
James E. Talmage no ni‘a i to’na faatoro‘araahia i te autahu‘araa e to’na
huru a tamata ai oia i te faahanahana i te reira.
« I muri noa mai i to‘u faatoro‘araahia, ua ô maira te hoê mana‘o e aita
roa vau i nehenehe i te tatara maitai i te reira. Mai te mea ra e mea taia
rii no‘u, te hoê tamaiti na’ina’i, o tei faahanahanahia e te Atua e o tei
piihia i te autahu‘araa... Ua mo‘ehia ia‘u e ahuru ma hoê noa to‘u matahiti;
ua puai roa râ te mana‘o i roto ia‘u oia ho‘i na te Fatu vau iho nei,
e tauturu mai oia ia‘u i roto i te mau mea ato‘a o ta’na e titau mai ia‘u.
« Ua ô roa to‘u faatoro‘araahia i roto i te mau ohipa no to‘u oraraa i
to‘u apiraa. E ri‘ari‘a vau i te tahi taime e mo‘ehia e o vaira vau nei, tera
râ ua mauruuru râ vau no te mea aita i mo‘ehia ia‘u, e na te haamana‘o
noaraa o vai râ vau nei i faariro i ta‘u taviniraa ei mea maitai roa’tu. Ia
hauti ana‘e au i te fare haapiiraa anei, e penei a‘e paha e tamatahia vau
ia hauti ino, i roto anei i te hautiraa e tama’i au i te tahi atu tamaiti
hauti, e haamana‘o mai tera mana‘o ia‘u mai te mea ra e mea parau
vaha roahia maira–’E diakono vau; eita i te mea tano i te hoê diakono
ia na reira.’ I te mau mahana hi‘opo‘araa, e mea ohie roa ia hi‘o noa’tu i
ni‘a i ta te tahi papa‘iraa, ... E parau vau i roto i to‘u feruriraa, ‘E mea
ino roa’tu no‘u ia rave i te reira, no te mea e diakono vau.’
« ... Te auraa no te hanahana rahi o to‘u faatoro‘araa i haamaitai i ta‘u
taviniraa...
Aita roa tera huru ei diakono i ore noa a‘e. Tera mana‘o e ua piihia vau
no te tavini taa ê i te Fatu, ei melo tei mau i te autahu‘araa, e o te riro ei
25

Haapiiraa 3
puai no‘u i roto i te mau matahiti i haerehia mai e au. I te mau tau i
muri mai a faatoro‘ahia ai i te mau ti‘araa teitei i roto i te Ekalesia, ua
vai noa â taua huru ra i roto ia‘u–e ua mau vau i te mana mai ni‘a mai i
te ra‘i ra, e ua ani mai te Fatu ia‘u ia faahanahana i to’na mana. Ua
faatoro‘ahia vau ei haapii, ei peresibutero, ei tahu‘a rahi, e ei Aposetolo
no te Fatu o Iesu Mesia, e i roto i te mau faatoro‘araa ato‘a e ô mai ihoa
tera huru o ta‘u i ite mai te taime mai au i faatoro‘ahia ai ei diakono no
te tavini i te Fatu »(Incidents from the lives of Our Church Leaders [buka
arata‘i a te diakono, 1914], 135–36).
■ Mea nahea to Elder Talmage faahanahanaraa i to’na autahu‘araa ?
Ua a‘o te peresideni Harold B. Lee: « E mea titauhia tatou ia parau, ‘No
te mea te mau nei au i te autahu‘araa a te Atua ora, e ti‘a ïa vau no to
tatou Metua Here i te Ao ra e te mau nei i te autahu‘araa e na reira ho‘i
Oia i te rave i te ohipa na roto ia‘u; e aita vau e nehenehe e rave i te tahi
atu mau mea ê atu no te mea te tiaau nei au i te autahu‘araa a te Atua...
« E o te reira ta te mau feia ato‘a e mau nei i te autahu‘araa e titauhia ia
parau ia ratou iho: ‘Aita tatou e nehenehe ia riro ei feia mau i te autahu‘araa
e ia riro mai te huru o te mau taata ato‘a. E mea titauhia ia taa ê
tatou’ « (i roto i te Conference Report, atopa 1973, 115; e aore ra Ensign,
tenuare 1974, 97).
Ua horo‘ahia i te feia faatere o te Ekalesia te arata‘iraa e nahea te mau
melo ia faahanahana i te autahu‘araa. Ua parau te peresideni Brigham
Young « te mau taata e mau i te Autahu‘araa mo‘a, e tei ia ratou te mau
parau no te ora mure ore i to te ao nei, ia tamau noa te na reira i roto i
ta ratou mau parau e ta ratou mau ohipa ... ia rave i te mea hanahana
no te teiteiraa o to ratou piiraa ei faatere ei tavini e ei mau ti‘a no te
Teitei Roa » (Discourses of Brigham Young, John A. Widtsoe [1941], 130).
Ua parau o David O. McKay: « Ia haamaitai mai te Atua ia outou e te
mau tane no te autahu‘araa. Ia mau outou i te reira ma te hanahana e te
parauti‘a o te haere mai mai roto mai i te reira, e ere no rapae ê mai. No
te mau i te autahu‘araa o te Atua na roto i te mana hanahana o te hoê ïa
o te mau horo‘a o te nehenehe e tae mai i ni‘a i te taata nei. E haamaitairahi-hia
oia o te faarii i te hopoi‘a no te ti‘araa atu no te Teitei ra. E mea
ti‘a ia ite oia i te reira e ia ite oia i ta’na mau ohipa e rave e te mau
parau e parau » (i roto i te Conference Report, atopa 1967, 152–53;
e aore ra Improvement Era, titema 1967, 109).
■ Mai te au i te peresideni Young e i te peresideni McKay, nahea e ti‘a
ai i te feia e mau nei i te autahu‘araa ia faahanahana i te autahu‘araa ?
26

Haapiiraa 3
Ua haamaramarama o Elder Robert L. Simpson :
« Ia mau i te autahu‘araa na roto i te hanahana te auraa ra ... ia haere
tatou ma te faatura, eiaha i te iri no te oro‘a ana‘e ra, i te ohipa ato‘a, i
te haapiiraa, e tae noa’tu i te vahi e haerehia e Papa i ta’na vahi raveraa
ohipa, e mau taata tatou e mau nei i te autahu‘araa, e mea taa ê tatou,
aita tatou i maitai roa’tu i te tahi, tera râ e mea taa ê tatou. E faanehenehe
mâ mai te hoê ti‘a no te Atua, e mea nehenehe oia... E ia mâ ato‘a
to tatou mau tino, tae noa’tu i to tatou ahu, ia mâ roa ino te reira...
« ... Te tahi mau taime e titauhia i te hoê melo e mau nei i te autahu-
‘araa ia haamaitai i te huru no ta’na parauparauraa. Aita e tura i roto i
te mau parau hauti roa. Aita te Atua e au i te parau faufau...
« ... Te eia ra tatou i te Atua mai te mea eita tatou e haapa‘o i te ture no
te tuhaa ahuru. (A hi‘o i te Malaki 3:8). Aita te hoê melo e mau nei i te
autahu‘araa e nehenehe e ti‘a atu ma te tura mai te mea e aita ta’na
faanahoraa faufaa i te Fatu i afaro e te aufau peeroahia.
« Aita e taata e mau nei i te autahu‘araa e nehenehe e ti‘a atu ma te tura
mai te mea e aita oia i faaherehere i to’na tino mai te hoê hiero no te
Atua ra... E te mau taea‘e, aita mau ihoa to tatou e turaraa mai te mea e
ofati tatou i te ture no te ora maitai o te tino a te Metua Here i te Ao ra
[na roto i te raveraa i te ava, te raau taero, e aore ra te avaava] » (i roto i
te Conference Report, Amuiraa retioni no Melbourne 1976, 38).
■ E aha ta Elder Simpson e parau mai nei o te nehenehe e tauturu ia
tatou ei feia mau i te autahu‘araa na roto i te tura ? (A papa‘i i te mau
pahonoraa i ni‘a i te tabula papa‘i. I roto i te mau pahonoraa te vaira
te haehaa, te faanehenehe mâraa, ia nehenehe, ia mâ, ia parau i te
parau maitai, ia aufau i te tuhaa ahuru, e ia haapa‘o i te Ture no te
Parau Paari). E aha atu ai ta tatou e nehenehe e rave no te faahanahana
i te autahu‘araa ?
■ A ani i te mau melo o te piha haapiiraa ia feruri e aha te mea o ta
ratou e nehenehe e haamaitai no te faahanahana i te autahu‘araa o ta
ratou e mau nei i teie nei e aore ra o ta ratou e mau i te hoê mahana.
Opaniraa
Te autahu‘araa o te mana ïa o te Atua. O te reira te mana rahi roa a‘e i
ni‘a i te fenua nei. E nehenehe tatou e faahanahana i te autahu‘araa na
roto i te haamana‘oraa e te mau nei tatou i te mana o te Atua e te titau
mai nei te Fatu ia faahanahana tatou i taua mana ra. Ia mau tatou i te
autahu‘araa ma te tura e ia haapa‘o ana‘e tatou i te mau faaueraa e ia
rave i te mau mea ato‘a ia riro tatou ei feia parauti‘a.
27

Haapiiraa 3
Te titauraa
A feruri i teie mau uiraa: Te vaira anei te hoê mea o ta‘u e rave nei e ere i
te mea tano i ni‘a i to‘u ti‘araa mau i te autahu‘araa ? Te haapa‘o maite ra
anei au i to‘u autahu‘araa i roto i ta‘u mau ohipa ato‘a ? Te parau tamau
ra anei au mai te au i te parau a Elder Talmage. A tamata puai roa i te
haamaitai i te turaraa no to outou autahu‘araa i roto i to outou oraraa.
Te tahi atu mau papa‘iraa mo‘a
■ 1 Petero 2:9 (e u‘i maitihia)
■ Te Parau Haapiiraa e te Mau Parau Fafau 121: 39–43 (te mau reni
arata‘i no te feia e mau nei i te autahu‘araa)
Te faaineineraa i te orometua haapii
Hou a haapii ai i teie haapiiraa :
1. A tai‘o i te Te Mau Ohipa e te Mau Haamaitairaa a te Autahu‘araa, Tuhaa
A, haapiiraa 2, « Te Autahu‘araa mai ia Adamu mai e tae roa mai i te
Faaho‘ifaahouraahia mai. »
2. Faaineine i te piha haapiiraa no te himene « E te Mau Nunaa e » ei
haamataraa (Te mau Himene, no. 5; e aore râ Te mau Parau Tumu no
te Evanelia, 342).
3. Faataa i te mau melo no te piha haapiiraa ia faati‘a mai i te mau
aamu, i te mau papa‘iraa mo‘a, e aore ra i te mau faahitiraa parau o
ta outou e hinaaro.
28

TE TUMU NO
TE MAU ORO‘A O
TE AUTAHU‘ARAA
Haapiiraa 4
Te tumu no teie haapiiraa no te faarahi ïa i to tatou maramarama no
ni‘a i te mau oro‘a o te autahu‘araa e to ratou faufaa i roto i to tatou
mau oraraa.
Omuaraa
« Te ti‘aturi nei matou e, na roto i te Taraehara a te Mesia e ti‘a ai i te
taata ato‘a ia faaorahia, na roto i te haapa‘oraa i te mau ture e te mau
oro‘a o te Evanelia » (Te Mau Hiro‘a Faaroo 1:3).
I roto i te Ekalesia, te parau te mau oro‘a maoti râ o te mau mea ïa ta te
Fatu i horo‘a mai ia tatou no to tatou faaoraraa, arata‘iraa, e te tamahanahana
(a hi‘o i te Bruce R. McConkie, Mormon Doctrine, 2raa o te
nene‘iraa (1966), 548–49). E mau ohipa teie o te ravehia i te pae tino nei
no te faahoho‘a i te mau mea o te varua. Na roto i te raveraa i te reira e
faarii ïa tatou i te mana varua o te titauhia e tatou no to tatou oraraa.
Ei hi‘oraa, te bapetizoraa, o te tamâraa ïa i te mau hara i muri a‘e i te
tatarahaparaa mau.
Te titau nei te Metua Here i te Ao ra e ia ravehia teie mau oro‘a e te mau
taata o te mau nei i te mana o te autahu‘araa. E faarii te Metua Here i te
Ao ra i teie mau oro‘a mai te mea na teie mana e rave i te reira.
E piti huru na oro‘a o te autahu‘araa: tera e titauhia no te faateiteiraa e
tera e ravehia no to tatou maitai e no te arata‘iraa ia tatou.
Te Mau oro‘a e Titauhia no te Faateiteiraa
Ua parau te peresideni Wilford Woodruff: « Aore roa te hoê e faarii
i te basileia tiretiera maori râ na roto i te mau oro‘a o te Fare o te
Atua » (i roto i te Journal of Discourses, 19:361; a hi‘o ato‘a i PH&PF
84:20-22). Te mau oro‘a titauhia no tatou no te ho‘i i to tatou Metua
Here i te Ao ra oia te bapetizoraa, te tuuraa rima, te oro‘a, te horo‘araa
i te Autahu‘araa a Melehizedeka (no te mau taea‘e), te oro‘a hiero, e te
faaipoiporaa hiero.
29

Haapiiraa 4
■ Faaite i te hoê hoho‘a no te tabula i muri nei, e aore ra a hi‘o i te
haamaramaramaraa i ni‘a i te tabula papa‘i:
Bapetizoraa
■ Faaite i te hoho‘a 4-a, « Te bapetizoraa o te oro‘a matamua o te
evanelia. »
■ Tai‘o i te Ioane 3:3–5. E aha te oro‘a i parauhia i roto i teie papa‘iraa
mo‘a ? (Te bapetizoraa i te pape e i te Varua, e aore ra i te Varua
Maitai)
Te bapetizoraa o te oro‘a matamua ïa o te titauhia ia tatou ia faarii mai
te mea e ho‘i tatou i to tatou Metua Here i te Ao ra. No te ora i pihaiiho
Ia’na e mea titauhia ia mâ e ia tiamâ tatou i te varua. Na roto i te tatarahaparaa
e te bapetizoraa e faaorehia ai ta tatou mau hara e riro atu
ai tatou ei mea mâ no te ora i mua i te aro o te Fatu. (A hi‘o i Te Mau
Ohipa e te Mau Haamaitairaa a te Autahu‘araa, Tuhaa A, haapiiraa 29,
« Bapetizoraa, te Hoê Tamauraa o te Fafauraa. »)
Te bapetizoraa mai te hoê ïa haamataraa i te hoê oraraa apî. Ia bapetizo
ana‘ehia tatou e tuuhia tatou i raro i te pape. Te faahoho‘a nei te papa-
‘iraa mo‘a i teie mai te hunaraa, e aore ra te vaiihoraa i muri, to tatou
huru tahito (a hi‘o i te Roma 6:4; Mosia 18:14; PH&PF 76:51).
Ia haere ana‘e mai tatou i rapae i te pape ua tamâhia tatou i ta tatou
hara. I te tamâraahia ta tatou hara, e faarii ïa tatou i te mana varua
puai atu no te taui i to tatou mau oraraa e ia riro mai to tatou Metua
Here i te Ao ra.
■ A titau te tahi na melo o te piha haapiiraa ia faaite mai e mea nahea
te bapetizoraa i te tauiraa i to ratou mau oraraa.
Te Haamauraa
I muri a‘e i to tatou bapetizoraahia e faarii tatou i te oro‘a no te
haamauraa. I roto i teie oro‘a, te mau taata o te mau nei i te
30
Te Mau oro‘a e Titauhia no te Faateiteiraa
1. Te Bapetizoraa
2. Te Haamauraa
3. Te oro‘a mo‘a
4. Te Horo‘araa i te Autahu‘araa a Melehizedeka
(na te mau taea‘e)
5. Te oro‘a hiero
6. Te faaipoiporaa hiero

4-a, Bapetizoraa o te oro‘a matamua o te evanelia.
31

Haapiiraa 4
Autahu‘araa a Melehizedeka te tuu i to ratou mau rima i ni‘a i to tatou
upoo e (1) haamau ia tatou ei melo no Te Ekalesia a Iesu Mesia i te
Feia Mo‘a i te Mau Mahana Hopea Nei e (2) horo‘a ia tatou i te horo‘a
o te Varua Maitai, e o te parau-ato‘a-hia te « bapetizoraa i te auahi »
(2 Nephi 31:13).
■ Faaite i te hoho‘a 4-b, « Te Horo‘araa i te Horo‘a o te Varua Maitai o te
hoê oro‘a ïa no te Autahu‘araa a Melehizedeka. »
Ua parau o Iosepha Semita: « Te bapetizoraa i te pape, e aita te bapetizoraa
i te auahi e te Varua Maitai i reira, aita ïa e faufaa, e mea titauhia
e e mea tu‘atihia raua. E mea titauhia i te hoê taata ia fanau i te pape e i
te Varua ia nehenehe oia ia ô i roto i te Basileia o te Atua » « Teachings
of the Prophet Joseph Smith, maitihia e Jospeh Fielding Smith (1976), 360).
■ E aha te mau mea maitai o ta tatou e faari mai roto mai i te horo‘a o
te Varua Maitai ?
E horo‘a mai te Varua Maitai i te mana, na roto i to tatou faaroo, ia faarii
i te Varua Maitai ei arata‘i no tatou. E tauturu mai te Varua Maitai ia
tatou ia haapa‘o i te mau ture, te mau parau tumu, e te mau oro‘a o te
evanelia. E faaite mai Oia i te Metua e te Tamaiti (a hi‘o i te 3 Nephi
28:11), faaite mai Oia i te mau mea e tae mai (a hi‘o i te Ioane 16:13),
e faahaamana‘o mai Oia i te mau mea ia tatou (a hi‘o i te Ioane 14:26),
e haapii mai ia tatou i te parau mau i te mau mea ato‘a (a hi‘o i te
Moroni 10:5). (A hi‘o i te Tuhaa A, Te Mau Ohipa e te Mau Haamaiatairaa
o te Autahu‘araa, Haapiiraa 30, « Te Horo‘a a te Varua Maitai. »)
■ A ani i te tahi na melo o te piha haapiiraa ia faaite mai e mea nahea
te Varua Maitai i te tauiraa i to ratou mau oraraa.
Te oro‘a Mo‘a
Te oro‘a no te oro‘a mo‘a o te faahaamana‘oraa ïa ia tatou i te mau
fafauraa ta tatou i rave i to tatou bapetizoraahia. Te faaapî nei tatou i
te fafauraa no te bapetizoraa na roto i te raveraa i te oro‘a mo‘a. A rave
ai tatou i te faraoa e te pape, no te haamana‘o ïa i te ora o te Faaora e
Ta’na Tusia Taraehara. E haamana‘o tatou i ta tatou fafauraa ia apee
Ia’na. Ia rave ana‘e tatou i te reira na roto i te mâ, e riro ïa te oro‘a mo‘a
ei pû no te puai varua. E tauturu mai te reira ia tatou ia faatupu i te
mana puai atu no te haapa‘o i te mau faaueraa. Na roto i te tatarahaparaa
mau e tauturu mai te reira ia tatou ia tamâ i ta tatou mau hara
o ta tatou e rave i muri a‘e i te bapetizoraa.
■ Nahea tatou e nehenehe ai ia faariro i te oro‘a mo‘a ei faufaa atu â i
roto to tatou oraraa ?
32

4-b, Te Horo‘araa i te horo‘a o te Varua Maitai e
oro‘a ïa no te Autahu‘araa a Melehizedeka.
33

Haapiiraa 4
Te Horo‘araa i te Autahu‘araa a Melehizedeka
■ Faaite i te hoho‘a 4-c, « No te faateiteiraa, e mea titauhia i te taata ia
faarii i te Autahu‘araa a Melehizedeka. »
E mea ti‘a ia horo‘ahia te Autahu‘araa a Melehizedeka i te mau melo
taea‘e taata paari tiamâ o te Ekalesia e ia faatoro‘ahia ratou i te hoê
ti‘araa i roto i taua autahu‘araa ra. Na teie autahu‘araa e faati‘a i te hoê
taata ia faarii i te mana e te faati‘araa mana a te Atua. Na roto i teie
mana, e faati‘ahia oia ia rave i te mau oro‘a no te faaoraraa no te tahi
atu mau taata, no te taata ora e te taata pohe.
Noa’tu e aita te mau vahine e faarii i te autahu‘araa, e hamaitaihia
ratou no te reira na roto e rave rahi mau faanahoraa. Na roto i te mau
taea‘e tiamâ mau i te autahu‘araa, e faarii te mau vahine i te mau oro‘a
o te evanelia, o te titauhia no te faateiteiraa. Te mau haamaitairaa o te
tae i roto i te hoê utuafare ia faaohipa ana‘e te hoê taata i to’na autahu‘araa
e faarii ïa te hoa faaipoipo i te reira mai ta’na ato‘a ra e faarii.
Penei a‘e te mea faufaa roa ta te hoê vahine e nehenehe e rave i roto i
te mau haamaitairaa o te autahu‘araa maoti râ na roto i te faariiraa oia
i to’na oro‘a hiero e i te faaipoiporaa i roto i te hiero.
Te oro‘a Hiero
■ Faaite i te hoho‘a 4-d, « E tae mai te faateiteiraa na roto i te mau oro‘a
hiero. »
E oro‘a mo‘a te oro‘a hiero i roto ana‘e i te hiero e ravehia ai te reira. Ua
parau te peresideni Brigham Young, « To outou oro‘a, o te faariiraa ïa i
te mau oro‘a i roto i te Fare o te Fatu, e mea titauhia te reira no outou,
i muri a‘e i to outou faarevaraa mai teie nei atu oraraa, na te reira e
faahaere ia outou i mua i te aro o te Metua, te haereraa na mua atu i te
mau melahi o te ti‘a ra ei mau tia‘i, e te neheneheraa ia tatou i te horo‘a
i te mau parau taviri, te mau tapa‘o e te mau tokene, no te Autahu‘araa
Mo‘a, e ia roaa to outou faateiteiraa mure ore tei hau atu i te fenua nei e
i hade » (iroto i te Journal of Discourses, 2:31).
E rave rahi te mau mea te haapiihia ia tatou i roto i te oro‘a hiero, e mau
mea ïa tei titauhia ia tatou ia ite e ia rave no te ho‘iraa i pihaiiho i to
tatou Metua i te Ao ra. I roto i te oro‘a hiero e fafau atoa tatou i te Fatu e,
e haapa‘o tatou i te mau ture no te tusia e no te viivii ore e ia horo‘a atoa
i ta tatou mau tao‘a atoa no te tauturu i Ta’na ohipa. No te mo‘a ho‘i teie
nei mau fafauraa, no reira, e horo‘ahia te oro‘a hiero ia tatou nei mai te
mea e, ua itehia to tatou itoito i te haapa‘oraa i te mau faaueraa a te
Metua i te Ao ra. No te faahaamana‘o ia tatou i teie nei mau fafauraa,
ua horo‘ahia mai ia tatou te ahu mo‘a o te hiero o ta tatou e oomo.
■ Mea nahea te faariiraa i teie oro‘a e tauturu ai ia tatou ia ho‘i i to
tatou Metua Here i te Ao ra ?
34

Haapiiraa 4
Te Faaipoiporaa Hiero
Te oro‘a no te faaipoiporaa hiero e mea titauhia ïa no tatou no te faariro
ia tatou mai to tatou Metua Here i te Ao ra. Na te faaipoiporaa hiero e
horo‘a ia tatou i te mau utuafare mure ore. Ia faarii ana‘e tatou i teie
oro‘a ma te ti‘a e ia haapa‘o i te mau fafauraa ta tatou e rave, e haamaitaihia
to tatou mau utuafare no te ora i teie nei tau e no te tau mure
ore. E mea ti‘a i te mau metua ia haapii i ta ratou mau tamarii i te
faatura i te hiero e ia faaineine ia ratou no te faaipoiporaa hiero.
■ A faati‘a ai oia i to’na ho‘i-faahou-raa mai i roto i te Ekalesia, ua
faaite mai te hoê taea‘e i te faufaa o te faaipoiporaa hiero no to’na
utuafare:
■ « Te hoê o ta matou mau haapiiraa (i roto i ta matou piha haapiiraa
evanelia a to matou amaa) no ni‘a ïa i te faaipoiporaa hiero e te ohipa
faaoraraa i te feia pohe. I te hoê pô, ua moemoeâhia vau, e ua ite au i
to‘u pâ‘ino, o tei pohe a ahuru ma iva matahiti i teie nei, e i to‘u papa
faaamu, o tei pohe a‘e na. Mai te mea ra te hinaaro mai nei raua i te
hoê mea ia‘u nei. Ua puhi maira te tahi reo iti ia‘u oia ho‘i e mea
titauhia vau ia haere i te hiero, e tera faaipoiporaa hiero o te hoê ïa
faaueraa na te Atua.
■ « I to‘u ara’araraa mai, tuturi ihora vau i raro e ua ani atura i te
Metua Here i te Ao ra ia faarii ia‘u ia haere i te hiero. E no to‘u
hinaaro rahi ia tupu ihoa tera hinaaro, rave ihora vau i te hoê api
parau e papa‘i atura i ta‘u pure ‘E te Metua Here i te Ao ra, mai te
mea o te reira ihoa to oe hinaaro, te ani atu nei au ia faati‘a oe ia‘u e
to‘u hoa faaipoipo o Ceci, e i ta‘u mau tamarii o Diego e o Adrianita
ia haere i te hiero.’ Ua faaara ihora vau i ta‘u vahine e faati‘a ihora
vau ia’na i te mea o ta‘u i rave iho nei. Ua ta’i roa oia e ua haru maira
ia‘u. Ua ite oia e mea ohipa rahi roa ino ia faatupu i tera opuaraa.
■ « No te mea te noho nei matou i Ambato, Ecuador, te hiero fatata roa
a‘e ia matou e haere atu ïa i te tahi a‘e pae fenua i Lima, Peru. No te
tere i te reira vahi mea titauhia ia faanahonaho i te mau parau, e toru
ahuru ma ono hora na ni‘a i te pereoo mataeinaa, e tusia rahi roa o te
titauhia. E mea teimaha no ta maua mau tamarii, o tei ore a‘e nei i
tere e ere ato‘a ho‘i i te mea itoito. Teie râ, ua faaitoitohia matou i roto
i to matou tutavaraa i to matou faariiraa i to matou mau haamaitairaa
patereareha.
■ « I te 20 no me 1987, ua ite ihora to‘u hoa faaipoipo, ta‘u tamahine,
ta‘u tamaroa e o vau iho nei i te hiero. Ua vai mai te tii o te melahi o
Moroni, mea hi‘o ti‘a atu i te ra‘i i ni‘a i te hoê o na patu. E oaoa rahi
to maua to‘u hoa faaipoipo faariiraa i to maua oro‘a hiero e te taatiraahia
i ta maua na tamarii no te tau amuri noa’tu ! E i muri iho ua
35

36
4-c, No te faateiteiraa, e mea titauhia i te taata ia faarii
i te Autahu‘araa a Melehizedeka.

ave maua i te oro‘a monoraa i to matou metua i pohe a‘e na »
(Vicente Mu∑oz Ulloa, « Our Return to Full Activity », Tambuli,
tetepa 1994, 22).
Haapiiraa 4
■ A ani i te hoê melo o te piha haapiiraa ia tai‘o mai i Te Parau Haapiiraa
e te Mau Parau Fafau 131:1–4. Mai te au i teie nei papa‘iraa mo‘a, no te
aha e mea titau roahia i te faaipoiporaa i roto i te hiero ?
■ Nahea te iteraa e, e nehenehe to outou faaipoiporaa e riro ei mea
mure ore, i te faatupu i te taa-ê-raa i roto i to outou faaipoiporaa e to
outou mau auraa utuafare ?
Te Mau oro‘a no te Tamahanahana e no te Arata‘iraa
Ua horo‘a mai te Fatu e rave rahi mau oro‘a o te autahu‘araa o ta tatou
e nehenehe e faarii e aore ra e rave no te arata‘iraa e no te tamahanahana.
Tei roto i te reira te toparaa i‘oa e te haamaitairaa i te mau
tamarii, haamaitairaa i te feia ma’i, te mau haamaitairaa patereareha, te
mau haamaitairaa a te metua tane, e te mau haamaitairaa no te arata-
‘iraa e no te tamahanahana, e te haamo‘araa i te menema.
■ A faaite i te hoho‘a no te tabula i muri nei, e aore ra a hi‘o i te haamaramaramaraa
i ni‘a i te tabula papa‘i:
Te Mau oro‘a no te Tamahanahana e no te Arata‘iraa
1. Toparaa i‘oa e te haamaitairaa i te mau taamarii
2. Haamaitairaa i te feia ma’i
3. Te mau haamaitairaa patereareha
4. Te mau haamaitairaa metua tane
5. Te mau Haamaitairaa no te arata‘iraa e no te tamahanahana
6. Haamo‘araa i te mau menema
Toparaa I‘oa e te Haamaitairaa i te Mau Tamarii
■ Faaite i te hoho‘a 4-e, « E ravehia te toparaa i‘oa e te haamaitairaa
tamarii i roto i te pureraa oro‘a. »
E ravehia te horo‘araa i‘oa e te haamaitairaa o te mau tamarii i roto
i te hoê pureraa oro‘a haapaeraa maa e te faaiteraa i te iteraa papû.
E ravehia teie oro‘a na te hoê melo o te mau nei i te Autahu‘araa a
Melehizedeka, te tanoraa na te metua tane (a hi‘o i te PH&PF 20:70).
I muri a‘e i to’na haamaitairaa i ta’na aiu iti, ua parau te hoê metua
tane apî i te mea o ta’na i ite i roto i to’na iteraa papû. Teie na parau:
37

38
4-d, E mea titauhia te mau oro‘a hiero no te faateiteiraa.
(Hiero no Portland Oregon)

Haapiiraa 4
« Ua putapu roa ino vau i teie avatea. I to‘u ti‘araa no te haamaitai ia
Mark aita vau i papû maitai e aha te mea o ta‘u e parau, noa’tu e te
vaira te tahi mau mana‘o i roto i to‘u feruriraa. Teie râ i to‘u tape‘araa
ia’na i roto i to‘u rima e te haamataraa i te pure, i rahi roa mai ai te
mau mana‘o i roto i to‘u feruriraa. Aita vau i vaiihohia e o vau ana‘e ra
no te horo‘a i te hoê haamaitairaa i ta‘u tamaiti ta te Fatu e faauru mai
ia‘u na roto i te mana o te Varua Maitai ia ite au e aha te mea e parau »
(Jay A. Parry », Miracles Today ? » Ensign, tenuare 1978, 53).
■ A ani i te tahi nau melo o te piha haapiiraa o tei rave a‘e nei i teie
oro‘a ia faaite mai i to ratou mau mana‘o no ni‘a i tera oro‘a.
Haamaitairaa i te Feia Ma’i
■ Faaite i te hoho‘a 4-f, « E mana to te mau peresibutero haapa‘o no te
horo‘a i te hoê haamaitairaa no te ora o te hoê taata ma’i. »
Mai ta Iesu i haamaitai i te taata ma’i, e mana to te feia faaroo e mau
nei i te Autahu‘araa a Melehizedeka ia haamaitai e ia faaora i te taata
ma’i. E mea ti‘a i te mau taea‘e e haamaitai ra i te taata ma’i ia imi e ia
faahiti i te hinaaro o te Fatu i roto i te haamaitairaa (ahi‘o i te PH&PF
42:43–48).
■ A ani i te tahi nau melo ia faaite poto noa mai i te mau mea o ta
ratou i ite na roto i te haamaitairaa i te taata ma’i.
Te Mau Haamaitairaa Patereareha
E mea faauruhia te mau haamaitairaa patereareha o te horo‘ahia i te
mau melo tiamâ o te Ekalesia na te mau patereareha i faatoro‘ahia. E
horo‘a teie mau haamaitairaa i te hoê taata i te arata‘iraa e te a‘oraa mai
ô mai i te Fatu. E heheu ato‘a mai te reira i te reni tupuna i roto i te fare
arii no Iseraela. E papa‘i e e faaherehere te Ekalesia i te mau haamaitairaa
patereareha i horo‘ahia e te mau patereareha i faatoro‘ahia. Teie
mau haamaitairaa na te mau taata iho ïa, e mea mo‘a ho‘i eita e ti‘a ia
faaite i te mau taata ato‘a.
Te Mau Haamaitairaa Metua Tane
E nehenehe ta te hoê metua tane e mau nei i te Autahu‘araa a
Melehizedeka e horo‘a i te mau haamaitairaa a metua tane i ta’na mau
tamarii. E riro teie mau haamaitairaa ei tauturu mau i te hoê tamarii o
te haere i te haapiiraa, o te haere i te misioni, o te faaipoipo ra, o te
tomo ra i roto i te aua faehau, e aore ra o te farerei ra i te tahi tamataraa.
E nehenehe ia papa‘i i te hoê haamaitairaa a te metua tane i roto
i te buka aamu a te utuafare, eita te reira e tape‘ahia i roto i te mau
buka a te Ekalesia.
39

40
4-e, E ravehia te toparaa i‘oa e te haamaitairaa tamarii
i roto i te pureraa faaiteraa i te iteraa papû.

Haapiiraa 4
Te Mau Haamaitairaa no te Arata‘iraa e no te Tamahanahana
Mai te mea e aita e roaa te haamaitairaa metua tane, e nehenehe e
horo‘a i te hoê haamaitairaa no te arata‘iraa e no te tamahanahana na
te hoê epesikopo, peresideni amaa, taea‘e hahaere utuafare, e aore ra te
tahi atu melo e mau nei i te Autahu‘araa a Melehizedeka. Hoê â teie
mau haamaitairaa i te mau haamaitairaa metua tane. E tauturu ïa i te
taata ia faaineine no te mau taime taa ê e aore ra i te arai i te mau fifi o
te titauhia te tauturu taa ê no ô mai i to tatou Metua Here i te Ao ra.
■ A ani i te tahi nau melo o te piha haapiiraa ia faaite poto noa mai i ta
ratou faaohiparaa i te horo‘araa te mau haamaitairaa metua tane e te
tahi atu mau haamaitairaa no te arata‘iraa e no te tamahanahana.
Te Mau Haamo‘araa i te Mau Menema
Na te hoê melo e mau nei i te Autahu‘araa a Melehizedeka e rave i te
mau haamo‘araa menema. I roto i te pure haamo‘araa te vai nei te mau
parau no te tamahanahana i te utuafare no te taata pohe, ia ani i te
parururaa taa ê no te menema, tae noa’tu i te tahi atu mau haamaitairaa
ia au i ta te Varua e arata‘i mai.
Opaniraa
Ua horo‘a mai te Metua Here i te Ao ra i te mau oro‘a o te autahu‘araa
no te haamaitai ia tatou. E apeehia teie mau oro‘a i te mana varua puai
o te tauturu ia tatou ia faariro ia tatou mai te Metua Here i te Ao ra e ia
faaineine no te ho‘i Ia’na ra.
No te faariihia i te Atua, e mea titauhia teie mau oro‘a ia ravehia na
roto i te mana o te autahu‘araa i faati‘ahia. Ua parau te peresideni
Lorenzo Snow: « Hoê ana‘e iho raveraa e na reira te faateiteiraa e te
hanahana e paruruhia ai. Titauhia tatou ia bapetizohia no te faaoreraa i
te mau hara e te tuuraa rima i ni‘a ia tatou no te faarii i te Varua Maitai.
Teie mau oro‘a e te tahi atu mau oro‘a, e mea titau-roa-hia ïa no te
faateiteiraa e no te hanahana » (Millennial Star, 27 tiunu 1895, 405).
E mea ti‘a ia haamana‘o noa tatou e te mau haamaitairaa i fafauhia
ua tu‘atihia ïa i te tahi noa’tu oro‘a o te ravehia na roto i te oraraa
parauti‘a.
Te titauraa
A rave i te mau faanahonahoraa papû no te faarii i te taato‘araa o
te mau oro‘a o te titauhia no te faateiteiraa. A ora tiamâ no te faatere i
te mau oro‘a o te autahu‘araa no vetahi ê. Faanahonaho no te faariro i
te mau oro‘a ato‘a ei mea mo‘a no te mau melo o to outou utuafare.
41

Haapiiraa 4
Te tahi atu mau papa‘iraa mo‘a
■ Iakobo 5:14–15 (e mana to te mau peresibutero ia haamaitai i te taata
ma’i)
■ 3 Nephi 11:32–40 (titauhia no te bapetizo e no te horo‘a o te Varua
Maitai)
■ Moromona 9:24 (tuuraa rima no te haamaitai i te taata ma’i)
■ Te Parau Haapiiraa e te Mau Parau Fafau 20:41 (faariiraa i te horo‘a o
te Varua Maitai)
■ Te Parau Haapiiraa e te Mau Parau Fafau 105:33 (te oro‘a hiero ia
ravehia)
Te faaineineraa i te orometua haapii
Hou a haapii ai i teie haapiiraa:
1. Faaineine i te mau hoho‘a no teie haapiiraa, e aore ra a papa‘i i te
haamaramaramaraa i ni‘a i te tabula papa‘i.
2. A faataa i te mau melo o te piha haapiiraa ia faati‘a mai i te mau
aamu, te mau papa‘iraa mo‘a, e aore ra te tahi mau faahitiraa o ta
outou e hinaaro.
Nota : Eiaha e tatara hu‘ahu‘a roa i te parau no te huru o te raveraa i te
mau oro‘a. E horo‘ahia teie haamaramaramaraa i roto i te haapiiraa 5.
42

4-f, E mana to te mau peresibutero faaroo no
te horo‘a i te haamaitairaa no te faaora i te ma’i.
43

44
TE RAVERAA I
TE MAU ORO‘A O
TE AUTAHU‘ARAA
Haapiiraa 5
Te tumu no teie haapiiraa no te haapii ïa ia tatou e nahea ia rave i te
mau oro‘a o te autahu‘araa.
Omuaraa
Ua parau mai te Fatu ia tatou, « No reira, i teie nei a tuu atu i te mau
taata ato‘a ia haapii mai i ta’na iho ohipa, e ia rave ho‘i i te ohipa i roto
i te toro‘a tei faataahia no’na ra, ma te itoito atoa » (PH&PF 107:99).
E mea ti‘a ia ite te mau taata e mau nei i te autahu‘araa e nahea ia rave
i te mau oro‘a o te autahu‘araa e ia tiamâ no te faarii i te arata‘iraa a te
Varua Maitai no te raveraa i te reira.
Tei ni‘a i te huru o to tatou faaroo e te haapa‘oraa e nehenehe ai tatou
ia haamaitai i te mau oraraa o vetahi ê na roto i te mau oro‘a o te autahu‘araa.
Ua parau o Joseph Fielding Smith, « Ua papû ia‘u ... e ite hau
atu tatou i te mau faaiteraa a te Varua o te Atua, na roto anei i te faaoraraa
i te ma’i, mai te mea e ora fatata noa tatou i teie mau faanahoraa
mau (faaohiparaa i te faaroo i te Atua ra na roto i te raveraa i ta tatou
mau ohipa ei mau melo no te Ekalesia) » (Doctrines of Salvation, haaputuhia
e Bruce R. Mc Conkie, 3 buka, [1954–56], 2:311–12).
E nehenehe ato‘a to tatou puai ei mau melo e mau nei i te autahu‘araa
i te faahaerehia i mua na roto i te pure. Na mua a‘e tatou e rave ai i te
mau oro‘a o te autahu‘araa e mea ti‘a tatou ia imi i te Fatu na roto i te
pure. I te tahi mau taime e titauhia ia haapae i te maa no te tahi ïa mau
faanahoraa taa ê. (A hi‘o i Te Mau Ohipa e te Mau Haamaitairaa o te
Autahu‘araa, Tuhaa A, Haapiiraa 31, « Pure e te Haapaeraa Maa. ») Mai
te mea e haafatata atu tatou i te Fatu na roto i te varua o te pure e te
haapaeraa maa e ia ora i Ta’na mau haapiiraa mai to tatou puai ato‘a,
e arata‘i ïa te Varua ia tatou i roto i ta tatou ohipa a te autahu‘araa.
E aha te Mau oro‘a ta Tatou e nehenehe e Rave ?
■ E aha te mau oro‘a ta tatou e nehenehe e rave na roto i te mau ti‘araa
o te autahu‘araa o ta tatou e mau nei ? (Faaohipa i te haamaramaramaraa
i muri nei no te arata‘i i te aparauraa).

Haapiiraa 5
Te Mau Diakono
E rave te mau diakono i te opereraa i te faraoa e te pape i te mau melo
o te Ekalesia i roto i te oro‘a mo‘a.
Te Mau Haapii
E faaineine te mau haapii i te oro‘a. E nehenehe ato‘a ratou e opere i te
oro‘a ia ore ana‘e te mau diakono.
Te Mau Tahu‘a
E haamaitai te mau tahu‘a i te faraoa e te pape no te oro‘a. E nehenehe
ratou e tauturu e ia faaineine e ia opere i te oro‘a mai te mea e titauhia.
Mai te mea e faati‘ahia i te epesikopo e aore ra te peresideni amaa, e
nehenehe ta te mau tahu‘a e rave i te oro‘a no te bapetizoraa, ia horo‘a i
te Autahu‘araa a Aarona, e ia faatoro‘a i te tahi atu i te mau ti‘araa i roto
i te Autahu‘araa a Aarona.
Te Mau Melo e Mau nei i te Autahu‘araa a Melehizedeka
E nehenehe i te mau melo e mau nei i te Autahu‘araa a Melehizedeka e
rave i te mau oro‘a ato‘a o te Autahu‘araa a Aarona, e nehenehe ratou e
haamaitai e e topa i te i‘oa o te mau tamarii, faariro ei mau melo no te
Ekalesia e ia horo‘a i te horo‘a no te Varua Maitai, haamo‘a i te hinu,
haamaitai i te taata ma’i, haamo‘a i te mau menema, horo‘a i te mau
haamaitairaa metua tane i ta ratou mau tamarii, horo‘a i te mau haamaitairaa
no te arata‘iraa e no te tamahanahana, e ia horo‘a i te Autahu‘araa
a Melehizedeka ia faati‘a ana‘ehia mai e te peresideni t¥t¥ e aore ra te
peresideni misioni. E nehenehe i te mau peresibutero e faatoro‘a i te tahi
atu taata i te toro‘a peresibutero, e nehenehe i te mau tahu‘a rahi e faatoro‘a
i te tahi atu mau tahu‘a rahi e aore ra peresibutero.
■ No te haamaramaramaraa hau atu no ni‘a i te mau oro‘a o te ravehia
i te autahu‘araa, a hi‘o i Te Mau Ohipa e te Mau Haamaitairaa o te
Autahu‘araa, Tuhaa A, haapiiraa 5, 6, 7 e te 9.
Nahea ia Rave i te Mau oro‘a
E mea ti‘a i te mau taea‘e o te rave i te mau oro‘a o te autahu‘araa ia
faaineine ia ratou ia arata‘ihia ratou e te Varua Maitai. E rave ratou i te
oro‘a tata‘itahi na roto i te hanahana, ma te haapapû e ua tueâ i ni‘a i te
mau titauraa i muri nei:
1. E ravehia te taato‘araa o te mau oro‘a na roto i te i‘oa o Iesu Mesia.
Ia rave ana‘e te hoê taata i te mau oro‘a o te autahu‘araa, e mea ti‘a
ia’na ia ite e te rave nei oia na ni‘a i te i‘oa o te Faaora.
2. E ravehia te taato‘araa o te mau oro‘a na roto i te mana o te autahu-
‘araa. O te mau taea‘e ana‘e o te mau i te autahu‘araa ti‘a e o tei
tiamâ o te nehenehe e rave e aore ra e ti‘a atu i roto i te haamenemeneraa
no te hoê oro‘a.
45

Haapiiraa 5
3. E mea titauhia ei parau faati‘a na te mana peresideniraa o te mau i te
mau taviri (te tanoraa o te epesikopo e aore ra te peresideni t¥t¥) o te
rave i te mau oro‘a i muri nei: toparaa i‘oa e te haamaitairaa i te mau
tamarii, te bapetizoraa, te haamauraa, te haamaitairaa i te oro‘a, te
horo‘araa i te autahu‘araa e te faatoro‘araa i roto i te hoê ti‘araa, e te
haamo‘araa i te mau menema. Te haamo‘araa i te hinu, te haamaitairaa
i te taata ma’i, e te horo‘araa i te haamaitairaa metua tane e ere
ïa i te mea titauhia te parau faati‘a na te mana peresideniraa. E faati-
‘ahia te hoê taata o tei faati‘ahia ia rave i teie mau oro‘a mai te mea e
te mau nei oia i te Autahu‘araa a Melehizedeka e mea tiamâ ho‘i oia.
4. E ravehia te taato‘araa o te mau oro‘a mai te au i te mau arata‘iraa
mai te tuuraa i te mau parau e aore ra te tuuraa rima.
I raro a‘e i te faatereraa a te feia faatere o te autahu‘araa, a maiti i te
tahi o te mau oro‘a i muri nei no te faahi‘o atu i te mau melo o te piha
haapiiraa :
« E haapii te feia faatere o te Autahu‘araa i te mau taea‘e e nahea ia
rave i te mau oro‘a e i te mau haamaitairaa. E tauturu ato‘a te feia
faatere i te mau metua tane ia ineine ratou e ia tiamâ no te rave i te
mau oro‘a e te mau haamaitairaa no te mau melo o te utuafare » (Buka
Haamaramaramaraa a te Ekalesia, Buka 2: Te Autahu‘araa e te Feia Faatere o
te Mau P∂p∂ [1998], 171).
■ Te haamaramaramaraa i muri nei no ni‘a ïa i te mau oro‘a o te
evanelia faaterehia e te autahu‘araa. I raro a‘e i te faatereraa a te feia
faatere o te autahu‘araa, a maiti i te tahi o te mau oro‘a i muri nei no
te faahi‘o atu i te mau melo o te piha haapiiraa.
Te Haamaitairaa e te Toparaa I‘oa no te Mau Tamarii
I raro a‘e i te faatereraa a te mana peresideniraa, o te mau taea‘e ana‘e e
mau nei i te Autahu‘araa a Melehizedeka o te nehenehe e rave i te oro‘a
no te toparaa e te haamaitairaa i te mau tamarii (ahi‘o te PH&PF 20:70).
E mea ti‘a ia faaitoitohia te mau metua tane e mau nei i te Autahu‘araa
a Melehizedeka ia haamaitai i ta ratou iho mau tamarii.
Ia haamaitai ana‘e i te hoê aiu, e amui atu te mau taea‘e i roto i te hoê
haamanemeneraa e ia tuu i to ratou mau rima i raro a‘e i te aiu. Ia
haamaitai ana‘e i te hoê tamarii paari a‘e, e tuu te mau taea‘e to ratou
mau rima i ni‘a i te upoo o te tamarii. Teie te ohipa ta te taata e horo‘a i
te haamaitairaa e rave :
1. Tiaoro i te Metua Here i te Ao ra.
2. Faahiti e te haamaitairaa e ravehia ïa na roto i te mana o te
Autahu‘araa a Melehizedeka.
3. Horo‘a i te hoê i‘oa i te tamarii;
46

Haapiiraa 5
4. Horo‘a i te hoê haamaitairaa a te autahu‘araa mai te arata‘ihia e te
Varua.
5. Opani na roto i te i‘oa o Iesu Mesia.
Te bapetizoraa
E ravehia te oro‘a o te bapetizoraa na te hoê tahu‘a tiamâ e aore ra na te
hoê e mau nei i te Autahu‘araa a Melehizedeka i raro a‘e i te faatereraa
a te mana peresideniraa. Teie te ohipa ta te taata tei mau i te autahu-
‘araa e rave:
1. E ti‘a atu i roto i te pape e te taata e bapetizohia ra.
2. (No te au e no te paruru) e tape‘a i te pu‘oiraa rima o te taata i to’na
rima aui, e tape‘a te taata e bapetizohia ra i te rima aui o te melo
autahu‘araa.
3. Afa‘i i to’na rima atau i te tuea.
4. Faahiti i te taato’oaraa o te i‘oa o te taata e ia parau, « No te mana i
tuuhia mai ia‘u e Iesu Mesia, te bapetizo nei au ia oe i te i‘oa o te
Metua, e no te Tamaiti, e no te Varua Maitai. Amene » (PH&PF
20:73).
5. A faatape‘a i te taata i to’na ihu i te rima atau (mea maitai a‘e), i reira
e tuu te melo o te autahu‘araa i to’na rima atau i ni‘a a‘e i te tua o te
taata e bapetizohia ra e utuhi atu ai te taato‘araa o te taata e to’na
ahu taato‘a.
6. Tauturu i te taata i bapetizohia ia haere mai i rapae i te pape.
E mea titauhia ia rave e piti ite ei tahu‘a anei e aore ra e mau melo no
te Autahu‘araa a Melehizedeka, no te haapapû e ua tupu maite te bapetizoraa.
E titauhia ia haamata apî faahou i te bapetizoraa mai te mea e,
aita i tano maitai te faahitiraa o te pure, e aore ra, mai te mea e, aita te
hoê vahi o te tino e aore ra, o te ahu o te taata e bapetizohia ra i mo‘e
roa i raro i te pape.
Te haamauraa
E faarii te hoê taata i te oro‘a no te haamauraa i muri a‘e i to’na bapetizoraa
(a hi‘o i te PH&PF 20:41). I raro a‘e i te faatereraa a te epesikoporaa
e aore ra a te peresideniraa amaa, hoê e aore ra hau atu o te mau
melo e mau nei i te Autahu‘araa a Melehizedeka o te nehenehe e faaô
atu i roto i teie oro‘a. E tuu ratou i to ratou mau rima ma te faateimaha
ore i ni‘a te upoo o te taata i bapetizohia. I muri iho, teie te ohipa e
ravehia e te taata e rave ra i teie oro‘a:
1. Faahiti i te taato‘araa o te i‘oa o te taata.
2. Faahiti e te oro‘a e ravehia ra na roto ïa i te mana o te Autahu‘araa a
Melehizedeka.
47

Haapiiraa 5
3. Haamau i te taata ei melo no Te Ekalesia a Iesu Mesia i te Feia Mo‘a i
te Mau Mahana Hopea Nei.
4. Horo‘a i te horo‘a o te Varua Maitai mai te parauraa, « A faarii mai i
te Varua Maitai. »
5. Horo‘a i te hoê haamaitairaa a te autahu‘araa mai te au i te faaururaa
a te Varua.
6. Opani na roto i te i‘oa o Iesu Mesia.
Te oro‘a Mo‘a
O te hoê oro‘a mo‘a roa te reira e ia faaterehia te reira i raro a‘e i te
faatereraa a te epesikoporaa e aore ra a te peresideniraa amaa. Na te
Autahu‘araa a Aarona e rave noa nei i teie mau ohipa. Teie râ, e nehenehe
ato‘a i te mau melo e mau nei i te Autahu‘araa a Melehizedeka e
haamaitai e e opere i te oro‘a mai te mea e aita e rava’i te mau taea‘e no
te Autahu‘araa a Aarona e aore ra mai te mea e ani atu te epesikopo e
aore ra te peresideni amaa ia ratou ia rave i te reira.
E mea ti‘a i te melo ato‘a o te autahu‘araa e rave nei i teie oro‘a ia
maramarama maitai e te rave nei oia na ni‘a i te i‘oa o te Fatu. E mea
ti‘a ia faaite i te hi‘oraa mâ e te tura no teie oro‘a mo‘a. Ia tamâ te mau
melo o te autahu‘araa i to ratou mau rima hou i te faaineineraa, te
haamaitairaa e aore ra te opereraa i te oro‘a.
E nehenehe ta te mau haapii, te mau tahu‘a, e te mau melo e mau nei i
te Autahu‘araa a Melehizedeka ia faaineine i te oro‘a. Hou te pureraa a
haamata ai, o ratou o te faaineine i te oro‘a titauhia ratou ia haapapû e
te vai nei te vairaa faraoa mâ e te faraoa ofati-ore-hia i roto, e te mau
vairaa pape mâ e ua faaîhia te mau hapaina i te pape apî, e te mau ahu
uouo mâ ato‘a.
E nehenehe i te mau tahu‘a tiamâ e te mau melo tiamâ e mau nei i te
Autahu‘araa a Melehizedeka ia haamaitai i te oro‘a. E nehenehe i te
mau diakono, te mau haapii, te mau tahu‘a, e te mau melo tiamâ e mau
nei i te Autahu‘araa a Melehizedeka e opere i te oro‘a.
A himenehia ai te himene oro‘a, e vavahihia te faraoa na te melo o te
autahu‘araa o te haamaitai i te faraoa. I muri mai i te himene oro‘a, e
tuturi te taata o te haamaitai i te faraoa e pûpû atu ai i te pure oro‘a no
te faraoa (a hi‘o i te PH&PF 20:77). Ua heheuhia mai te mau pure no te
oro‘a e te Fatu. E haapapû te epesikopo e aore ra te peresideni amaa e
mea maramarama maitai te faahitiraa, e ua tano, e na roto i te hanahana.
Mai te mea e titauhia i te epesikopo e aore ra te peresideni amaa ia tata‘i
i te hoê hape, e mea titauhia oia ia haapa‘o maitai eiaha ia fifi te huru
hanahana o te oro‘a mo‘a.
48

Haapiiraa 5
I muri a‘e i te pure, e opere te mau diakono e aore ra te tahi atu mau
melo o te autahu‘araa i te faraoa i te amuiraa na roto i te tura e te nahonaho.
E farii te taata faatere peresideni i te oro‘a na mua roa. Ia oti
ana‘e te opereraa i te faraoa, e faaho‘i mai ratou i te mau mereti i te iri
oro‘a. E o ratou i te iri oro‘a e tapo‘i ïa ratou i te ahu uouo i ni‘a i te
mau mereti faraoa e tatara mai ai i te ahu tapo‘i i ni‘a i te mau mereti
faarii pape. Te taata na’na e haamaitai i te pape e faaoti ïa oia i te pure
oro‘a no te pape (a hi‘o i te PH&PF 20:79), e ma te mono i te parau
uaina i te pape. I muri a‘e i te pure, e opere te mau diakono e aore ra te
mau melo o te autahu‘araa i te pape i te amuiraa. Ia oti ana‘e, e faaho‘i
ratou i te mau mereti i te iri oro‘a, a tia‘i ai i te taata e faatere ra i te
oro‘a ia tapo‘i i te mau mereti, i reira e ho‘i atu ai ratou i to ratou mau
parahiraa na roto i te tura.
Te horo‘araa i te Auahu‘araa e te faatoro‘araa i roto i te hoe ti‘araa
Autahu‘araa
E ravehia te hoê faatoro‘araa i te hoê ti‘araa i roto i te Autahu‘araa a
Aarona i raro a‘e i te faatereraa a te epesikopo e aore ra a te peresideni
amaa. Te faatoro‘araa i te hoê ti‘araa i roto i te Autahu‘araa a
Melehizedeka i raro a‘e ïa i te faatereraa a te peresideni t¥t¥ e aore ra
peresideni misioni. No te rave i te faatoro‘araa autahu‘araa, e tuu te hoê
e aore ra hau atu mau melo o te mau nei i te mana autahu‘araa tei faati-
‘ahia i to ratou mau rima ni‘a i te upoo o te taata e faarii maira. Teie te
ohipa e ravehia e te taata e rave ra i te faatoro‘araa:
1. Faahiti i te taato‘araa o te i‘oa o te taata
2. Faahiti i te mana na roto i te reira oia e rave ai i te faatoro‘araa
(Autahu‘araa a Aarona e aore ra Autahu‘araa a Melehizedeka).
3. Horo‘a i te Autahu‘araa a Aarona e aore ra Autahu‘araa a
Melehizedeka mai te mea e aita â i horo‘ahia’tura.
4. Faatoro‘a i te taata i te hoê ti‘araa i roto i te Autahu‘araa a Aarona e
aore ra Autahu‘araa a Melehizedeka e horo‘a atu ai i te mau ti‘araa,
te mau mana, e te mana faati‘ahia no taua ti‘araa ra.
5. Horo‘a i te hoê haamaitairaa a te autahu‘araa mai te au i te faaururaa
a te Varua.
6. Opani na roto i te ioa o Iesu Mesia.
Haamo‘araa i te Hinu
E mea titauhia hoê e aore ra hau atu mau melo e mau nei i te
Autahu‘araa a Melehizedeka no te haamo‘a i te hinu olive hou a faaohipahia
ai no te faatahinu i te taata ma’i e aore ra te mauiui ra. Aita atu ai
e hinu e faaohipahia. No te rave i te reira, teie ta te melo e mau nei i te
autahu‘araa e rave:
49

Haapiiraa 5
1. Tape‘a matara noa i te tapo‘i no te faarii no te hinu olive.
2. Tiaoro i te Metua Here i te Ao ra.
3. Faahiti e te rave nei oia na roto i te mana o te Autahu‘araa a
Melehizedeka.
4. Haamo‘a i te hinu (eiaha te faarii) e a faataa i te reira no te faatahinuraa
e te haamaitairaa i te ma’i e i tei mauiui.
5. Opani na roto i te i‘oa o Iesu Mesia.
■ E haamo‘a te taata e mau ra i te Autahu‘araa a Melehizedeka i te
hinu olive na’na iho e no te tahi atu feia i roto i te piha haapiiraa
o te hinaaro no to’na utuafare.
Haamaitairaa i te Taata Ma’i
O te mau melo ana‘e e mau nei i te Autahu‘araa a Melehizedeka o te
haamaitai i te ma’i e aore ra tei mauiui. E piti tuhaa i roto i te haamaitairaa
i te ma’i: (1) faatahinuraa i te hinu e (2) haamauraa i te faatahinuraa.
Na te hoê melo e mau nei i te Autahu‘araa a Melehizedeka e rave i te
faatahinuraa. Teie ta’na ohipa e rave:
1. Manii i te hoê tuhaa iti no te hinu haamo‘ahia i ni‘a i te upoo o te taata.
2. Tuu i to’na na rima i ni‘a i te upoo o te taata e ma te faahiti i te taato-
‘araa o te i‘oa o te taata.
3. Faahiti e te rave nei oia na roto i te mana o te Autahu‘araa a
Melehizedela.
4. Faahiti e te faatahinu nei oia i te hinu haamo‘ahia.
5. Opani na roto i te i‘oa o Iesu Mesia.
Te faanahoraa, e piti e aore ra hau atu o te mau melo e mau nei i te
Autahu‘araa a Melehizedeka te tuu i to ratou mau rima i ni‘a i te upoo o
te taata. Teie te ohipa ta te taaa na’na e haamau i te faatahinuraa e rave:
1. Faahiti i te taato‘araa o te i‘oa o te taata.
2. Faahiti e te rave nei oia na roto i te mana o te Autahu‘araa a
Melehizedeka.
3. Haamau i te faatahinuraa.
4. Horo‘a i te hoê haamaitairaa autahu‘araa mai te au i te arata‘iraa
ateVarua.
5. Opani na roto i te i‘oa o Iesu Mesia.
Mai te mea e titau mai â te hoê taata i te hoê atu â haamaitairaa no taua
ma’i noa ra, eita te melo autahu‘araa e faatahinu faahou i muri a‘e i te
haamaitairaa matamua. E horo‘a râ oia i te hoê haamaitairaa na roto i te
tuuraa i te rima e na roto i te mana o te autahu‘araa.
50

Haapiiraa 5
Haamo‘araa i te Mau Menema
E mea ti‘a ia haamo‘ahia te mau menema na te hoê melo e mau nei i te
Autahu‘araa a Melehizedeka, mai tei faati‘ahia e te taata faatere o te
autahu‘araa o te arata‘i ra i te oro‘a. No te haamo‘a i te hoê menema,
teie ta’na ohipa e rave:
1. Tiaoro i te Metua Here i te Ao ra.
2. Faahiti e te rave nei oia na roto i te mana o te Autahu‘araa a
Melehizedeka.
3. Haamo‘a i te vahi o te menema i reira te vairaa o te tino o te taata
pohe.
4. (Mai te mea e tano) pure e ia paruruhia e tae noa’tu i te
Ti‘afaahouraa.
5. Ani i te Fatu ia tamahanahana i te utuafare e faahiti i te mau mana‘o
mai te au i te arata‘iraa a te Varua.
6. Opani na roto i te i‘oa o Iesu Mesia.
Te Mau Haamaitairaa Metua Tane e te Mau Haamaitairaa no te
Tamahanahana e no te A‘o
E nehenehe ta te mau metua tane e aore ra ta te tahi atu e mau nei i te
Autahu‘araa a Melehizedeka e horo‘a i te mau haamaitairaa no te tamahanahana
e no te a‘o. E nehenehe ta te mau metua tane e horo‘a i te
mau haamaitairaa i ta ratou iho mau tamarii i roto i te mau faanahoraa
taa ê mai te haereraa i te tau faehau e aore ra te vaiihoraa mai i te utuafare
no te haere i te haapiiraa e aore ra no te misioni. E nehenehe ta te
hoê utuafare e papa‘i i roto i te hoê buka a te utuafare i te haamaitairaa
metua tane, eita te reira e tape‘ahia i roto i te mau buka a te Ekalesia.
No te horo‘a i te hoê haamaitairaa metua tane e aore ra i te tahi atu mau
haamaitairaa no te tamahanahana e no te a‘o, e tuu hoê e aore a hau atu
o te mau melo tiamâ e mau nei i te Autahu‘araa a Melehizedeka i to
ratou rima i ni‘a i te upoo o te taata. I muri iho e horo‘a te taata faatere
o te autahu‘araa i te haamaitairaa:
1. Faahiti i te taato‘araa o te i‘oa o te taata.
2. Faahiti e te ravehia nei te haamaitairaa na roto i te mana o te
Autahu‘araa a Melehizedeka.
3. Haamaitai i te taata mai te au i te arata‘iraa a te Varua.
4. Opani na roto i te i‘oa o Iesu Mesia.
A ani i te melo tata‘itahi e mau nei i te Autahu‘araa a Melehizedeka ia
haamo‘a i te tahi hinu olive na’na iho e na te tahi pae i roto i te piha
haapiiraa o te hinaaro ra i te tahi hinu no to ratou utuafare.
51

Haapiiraa 5
Opaniraa
Ei mau melo e mau nei i te autahu‘araa, e mea ti‘a ia faaineine tatou ia
tatou iho no te mau tau e titauhia ai tatou ia rave i te mau oro‘a. Na
roto i te ineineraa no te rave i te mau oro‘a o te autahu‘araa te auraa ra
te ora nei tatou i te mau faaueraa i te faito hau roa i te maitai e ua
maramarama tatou e nahea ia rave i te mau oro‘a. Na te reira huru
faaineineraa e haamaitai mai ia tatou iho e ia vetahi ê.
Te titauraa
Haapii i te mau arata‘iraa no te raveraa i te mau oro‘a. Haamau te hoê
opuaraa no te haapii hoê i te hepetoma tata‘itahi. A feruri i te hoê
tuhaa o to outou oraraa i reira e titauhia ai ia faahaere i mua i roto i
to outou tiamaraa no te rave i te mau oro‘a o te autahu‘araa. Faaoti
no te faahaere i mua i to outou oraraa i roto i taua tuhaa ra.
Te tahi atu mau papa‘iraa mo‘a
■ Mataio 3:13–17 (bapetizoraa o Iesu)
■ Mareko 6:13 (te taata ma’i faatahinuhia e te hinu)
■ Mareko 16:17–18 (tuuraa i te rima i ni‘a i te taata ma’i)
■ Iakobo 5:14–16 (te mau peresibutero o te Ekalesia o te faatahinu i te
taata ma’i)
■ 3 Nephi 11:22–26 (faanahoraa no te bapetizoraa)
■ Moroni 2:2 (Horo‘ahia te Varua Maitai na roto i te tuuraa rima)
■ Te Parau Haapiraa e te Mau Parau Fafau 42:11 (e faatoro‘ahia te mau
taata na te feia e mau nei i te mana)
Te faaineineraa i te orometua haapii
Hou a haapii ai i teie haapiiraa:
1. Tai‘o i Te Mau Ohipa e te Mau Haamaitairaa a te Autahu‘araa,
Tuhaa A, Haapiiraa 4, « Te P∂p∂ Autahu‘araa », e te 31, « Pure e
te Haapaeraa Maa. »
2. Afai mai te tahi na mohina hinu olive–hoê na te utuafare tata‘itahi
i roto i te piha haapiiraa. Na te reira e faaohie i te utuafare ia faarii
i te hoê mohina hinu olive i haamo‘ahia e o te faaohipahia e te mau
melo e mau nei i te Autahu‘araa a Melehizedeka ia faaohipa no te
haamaitairaa.
52

Haapiiraa 5
3. Faanahonaho ‘oi‘oi i te tuhaa matamua o teie haapiiraa ia nehenhe
ia rava’i te taime rahi no te piha haapiiraa ia aparau i ni‘a i te mau
oro‘a.
4. Faataa i te mau melo o te piha haapiiraa ia faati‘a mai i te mau
aamu, te mau papa‘iraa mo‘a, e aore ra te mau faahitiraa parau
mai ta outou e hinaaro.
53

54
TE HAHAERERAA
UTUAFARE
Haapiiraa 6
Te tumu no teie haapiiraa no te tauturu ïa ia tatou ia maramarama e ia
faaoti i ta tatou mau hopoi‘a ei mau taea‘e hahaere utuafare.
Omuaraa
Ei mau haapii, ei mau tahu‘a, e aore ra ei mau melo e mau nei i te
Autahu‘araa a Melehizedeka, e nehenehe tatou e piihia ei mau taea‘e
hahaere utuafare. Na teie ohipa e horo‘a mai ia tatou i te rave‘a no te
faaohiparaa i to tatou autahu‘araa na roto i te haapiiraa, te hahaereraa,
te hi‘oraa, te tautururaa i te mau melo o te Ekalesia.
Ua parau o Elder Boyd K. Packer, « Ua faaroo vau i te mau taata i te
parauraa e, ei pahonoraa i te hoê uiraa no ni‘a i ta ratou ohipa a te
Ekalesia, ‘E taea‘e hahaere noa vau ti‘ara atu ai.’ « E ua haamaramarama
mai i muri iho e, te hahaereraa utuafare o te hoê ïa o te mau
ohipa faufaa rahi a te autahu‘araa i roto te Ekalesia. O te mau taea‘e
hahaere te mau tia‘i no te hoê nana. Ua faataahia ratou i te hoê vahi
faufaa roa. E mau tavini ratou na te Fatu (i roto i te Conference
Report, atopa 1972, 104; e aore ra Ensign, tenuare 1973, 90).
■ Faaite i te hoho‘a 6-a, « Faataahia te mau taea‘e hahaere e te taata
faatere o te p∂p∂ autahu‘araa. »
Na te feia faatere o te p∂p∂ Autahu‘araa a Melehizedeka e horo‘a i te
mau ohipa no te hahaereraa utuafare i te mau melo o te p∂p∂ autahu-
‘araa i muri a‘e i te aparauraa i te epesikopo e aore ra i te peresideni
amaa. E faataa te hoê melo o te epesikoporaa e aore ra o te peresideniraa
amaa i te mau haapii e te mau tahu‘a no te Autahu‘araa a Aarona
ei mau taea‘e hahaere. Mai tei matauhia na te feia faatere o te autahu-
‘araa e faataa e piti na taea‘e ei na hoa taea‘e hahaere utuafare e te
mau taea‘e no te Autahu‘araa a Aarona.
Te Mau taea‘e Hahaere–Te Mau Tavini o te Fatu
E faaite mai te aamu i muri nei i te faufaa no te hahaereraa utuafare :

6-a, Ua faataahia te mau taea‘e hahaere utuafare na to ratou
taata faatere no te p∂p∂ autahu‘araa.
55

Haapiiraa 6
Ei na taea‘e hahaere utuafare ua faataahia te taea‘e Earl Stowell e to’na
hoa hahaere ia hahaere i te tahi mau utuafare huru paruparu. Te faati‘a
ra te taea‘e Stowell: « Ua tae atu maua i tera taime i te uputa fare. No
to‘u poto ua matau noa vau i te faahauti i to‘u upoo ma te hi‘o i muri i
te hoho‘a mata o te hoê taata. Teie taime i te matararaa mai te uputa
fare e taata iti poto atu tei ti‘a mai i teie taime o vau atura te hi‘o atu i
raro i ni‘a ia’na.
■ Faaite i te hoho‘a 6-b, « O Ben te taata poto. »
« E taata pararai e te paari ho‘i, are‘a râ e taata peepee roa eita e mana-
‘ohia e taata paari. Mea araara maitai to’na na mata. Mea hamama maitai
te vaha, mea havitiviti maitai to’na hoho‘a mata. Mea au maitai to’na iri.
« Parau atura maua e na hoa maua e na melo no te Ekalesia ho‘i, e ua
haere mai maua no te haamatau ia’na. Mai te mea ra e aita oia i au
maitai ua parau mai oia ia maua ia tomo atu i roto i te fare, mea nahonaho
e te vaira te mau vairaa rehu avaava... Ua parau mai oia ia maua i
faahoro na oia i te pereoo rarahi. I to‘u mana‘o ra e pereoo na’ina’i noa
ïa; eita e pereoo rarahi mau ta’na i faahoro na. Ua maere roa vau.
« Te feia faahoro pereo rarahi ei mau taata rarahi ïa. Mea nahea oe –’
« Ua tapu mai oia i ta‘u parau. Te vai nei to‘u maru parahiraa i ni‘a
noa mai i to‘u parahiraa faahoro. Ua ite te tahi atu mau taata faatere
i te reira...
« A mairi ai te mau ava‘e i muri mai, ua tupu mai te hiaai ia haere ihoa
e farerei ia Ben iti. (Te hoê ahiahi a hahaere ai maua ia’na, ua rohirohi
roa oia i to’na ohiparaa i ni‘a i to’na pereoo rahi) ua haapoto noa maua
i to maua farereiraa ia’na. A haere mai ai maua i te uputa, ua hi‘o maira
o Ben iti e ua parau maira, ‘Afea orua e parau mai ai ia‘u i te ohipa o te
ti‘a ia‘u ia rave’–faaea i te puhipuhi i te avaava’, haere mai i te pureraa
autahu‘araa e i te pureraa, e aha tu â ?’
« Na o aera vau, ‘Ben, e oaoa roa maua mai te mea e rave oe i te reira
mau mea, na oe ihoa e faaoti i te reira. Mai te mea e tamata maua i te
parau atu i te mea o te titauhia ia oe ia rave o ta oe i ite a‘e na aita ïa
maua i tano. Ua haere mai maua e farerei ia oe no te mea–e, aita ïa to
maua utuafare i hope roa ino mai te mea e aita oe.’ Ua tape‘a oia i
to‘u rima...
« I taua hepetoma ra ua ta’i maira te hoê niuniu no te ani mai, ‘E aha te
hora no te pureraa autahu‘araa ? ‘Ua faaite atu vau ia’na e ua parau atu
vau e na‘u e haere mai e tii ia’na ei hoa no’na.
« ’Aita, ua ite au i te e‘a e aita vau e hinaaro e na te tahi taata e faahoro
ia‘u i te vahi o ta‘u e hinaaro ia haere.’
56

6-b, « Little Ben »
57

Haapiiraa 6
« Ua ite atu vau ia’na i muri iho i rapae a‘e i te fare pureraa. ‘Eita paha
e tano ia‘u ia tomo i roto, na mua paha vau i te faaea i te puhipuhi i te
avaava,’na ô atura vau mea maitai a‘e ia rave na roto i te rave‘a tauturu
a te Fatu. Na ô mai nei oia, ‘Mai te va‘uraa o to‘u matahiti to‘u puhipuhiraa
i te avaava, aita vau i papû e mau anei ia‘u.’ Ua parau atu vau
ia’na, i to‘u mana‘oraa e nehenehe ta’na ia faaea i te puhipuhi i te
avaava.
« Ua nehenehe roa ia Ben iti i te vaiiho i tera mau mana‘o i muri, e
noa’tu e aita oia i rava’i i te haapiiraa, noa’tu to’na na’ina’i, e to’na
matahiti, aita i maoro roa ua faahoa oia i te mau hoa papû e ua itoito
roa oia i roto i te mau ohiparaa a te p∂p∂ o te mau peresibutero.
« I te hoê ahiahi ua ta’i mai te hoê niuniu. ‘Hinaaro vau e paraparau ia
oe.’ Mai te mea ra to’na reo e mea huru pe‘ape‘a. « Te hinaaro nei ratou
ia‘u ei orometua hahaere. Aita ta‘u e nehenehe. Te puhipuhi nei au i te
avaava e aita vau i ite i te hoê noa a‘e mea’. Nahea vau e nehenehe ai e
haapii i te taata i te mea e aita vau i ite ? ... Nafea vau ?
« Ua maere ato‘a vau. Mea taa ê roa o Ben iti ia maua nei, e aita maua i
hinaaro ia mo‘e faahou oia. Ua pure u‘ana vau i tera taime i roto ia‘u.
Ua huti ihora vau i te aho e ua haamata tura i te parau, ‘E Ben, ua
tamata anei maua i te parau atu ia oe i te mea o te ti‘a ia oe ia rave ?’
« ’Aita, ua faaite noa mai orua e taata faufaa vau ia orua ra, na te reira
i haafaufaa ia‘u. No te reira paha i haamata ai au i te haere mai i te
pureraa.’
« ’I to maua farereiraa ia oe, ua ite atu maua i te hoê taata faufaa e mea
ti‘a ia maua ia rave i te tahi ohipa. I teie nei e nehenehe anei ta oe e pii i
teie na taata e ma te haamana‘o e na taata faufaa roa raua ? E nehenehe
ta oe e parau atu ia raua e na taata faufaa raua e te hinaaro nei oe e
parahi amui atu i pihaiiho ia raua i te taime o ta oe e hinaaro e ma te
parau atu e ua ite oe i te tahi mea faufaa roa i roto ia raua, e te hinaaro
nei oe i te haafaana‘o ato‘a ia raua ?’
« Ua faaea muhu ore atura te tahi taime, e i muri iho, ‘E hoa aera, e
parauti‘a roa te reira !’
« I te mau ahiahi ato‘a e mea pinepine au i te tere na te puromu e te
reira te tahi mau fetii o Ben te faaearaa. Mau melo paruparu ana‘e
ratou, te rahiraa o ratou ua faaea ïa i te tane melo ore e aore ra i te
vahine melo ore, e ua taa ê roa ratou i te Ekalesia no tau matahiti i
te maoro i teie nei. Te hoê ahiahi ua ite atu vau ia Ben iti i te amoraa
i te hoê mereni huru rahi. E ua mau maitai te reira i roto i to’na rima
e ohipa rahi mau ta’na i reira. Ua atea mai oia i te matete. A tere ai au
na pihaiiho ia’na, ua tomo atura oia i roto i te hoê o te mau fare.
58

Haapiiraa 6
« I to‘u farereiraa atu ia’na. Ua parau maira oia, ‘E, i to‘u ho‘iraa i te
fare ua haere atu vau na te matete. Ua haamana‘o vau i tera mau
tamarii. Aita e ohipa ta te metua tane. Mea varavara te mereni e mea
moni rahi ato‘a i teie nei taime o te matahiti. Ua ite au e aita hoê a‘e ta
te mau tamarii. E ia rava’i maitai te mau tamarii, ua hoo mai au i te
mereni rarahi i te fare hooraa.’
« Te tahi atu â taime ua ite atu vau ia’na i te haereraa i te ahiahi ma
te tape‘a i roto i to’na rima te hoê faraoa monamona no te hoê oro‘a
mahana fanauraa, ua faati‘a mai oia ia‘u i te hoê taime e ‘Te vai nei
teie tamahine iti e mau taea‘e ana‘e to’na. O ratou ana‘e te haapa‘ohia.
No reira ua mana‘o vau e mai te mea e na‘u iho e afa‘i i te parau no
to’na mahana fanauraa, e ite ïa oia e mea faufaa oia. Mai te tahi a‘e
nei hepetoma, ua ume matara roa ino te mau tamaroa i te rima o te
pepehurio. Aita hoê noa a‘e taata i haapa‘o maoti teie tamahine iti.
Ua rave au i ta’na pepehurio e ua afa‘i au i te fare no te tamau faahou
i te rima. E pô taato‘a to‘u hamaniraa, tera râ ua hoona maitai te taime
i to‘u faaho‘iraa tu. Ia haere ana‘e au i ô, e rave mai oia i ta’na pepe
hurio, e parahi mai oia i ni‘a i te tahua fare i mua ia‘u, e tuu mai ai i
to’na upoo i ni‘a iho ia‘u.’ E reo mauruuru to roto ia’na.
« I muri noa mai i te reira, ua ta’i mai te hoê niuniu. ‘Tera tamahine o
ta‘u i hahaere na e bapetizohia ra ! ‘ E ohipa faahiehie mau tei tupu
[na roto i ta’na hahaereraa]. Ua oaoa roa ino vau...
« Na matahiti e pae i mairi a‘e nei, aita tera mau utuafare i farerei i
te Ekalesia maoti te mau orometua hahaere utuafare te tahi taime e
niuniuhia mai te mau tuahine hahaere. Area râ e va‘u taime i roto i
na matahiti e toru i muri mai ua niuniu mai o Ben iti, no te faaite mai
ia‘u no te hoê haamaitairaa o te ti‘a ia ravehia, no te hoê bapetizoraa
e fatata maira, e aore ra no te faanuuraa i te hoê tamaiti i mua i roto i
te autahu‘araa. Ua ani atu vau ia’na mea nahea ta’na raveraa no te
haaputapu i to ratou mau oraraa. ‘Ua rave au mai ta oe i parau mai
ia‘u. Ua faaite au ia ratou e aita vau i hau atu i te faufaa ia ratou e aita
vau i haere mai no te parau ia ratou i te mea o te tano ia ratou ia rave’.
Ua haere maira au no te mea ua faanahonaho te Fatu i te hoê airaamaa
varua no to’na utuafare, e aita ana‘e ratou, aita ato‘a ïa tera mau
parahiraa i faaîhia i te iri airaamaa, aita te utuafare e hope paato‘a
mai’ » (« Little Ben. » Ensign, mati 1977, 66-68).
■ No te aha te mau taea‘e hahaere i manuia ai i ni‘a ia Ben iti ? E aha
te haapiiraa o te roaa mai ia tatou mai roto mai ia ratou o te riro ei
tauturu no tatou ei mau taea‘e hahaere utuafare ?
59

60
6-c, Ua faataahia te mau taea‘e hahaere utuafare no te hahaere i te mau utuafare.

Te Mau Hopoi‘a a te Mau taea‘e Hahaere Utuafare
■ Faaite i te hoho‘a 6-c, « Ua faataahia te mau taea‘e hahaere no te
hahaere i te mau utuafare. »
Haapiiraa 6
Te hopoi‘a a te mau taea‘e hahaere no te hahaere i te mau utuafare
melo e ia faaitoito ia ratou ia pure e ia rave i ta ratou mau ohipa no te
utuafare ta te Fatu i horo‘a ia ratou. Ua pii Oia ia ratou ei mau taata
« tia‘i » no te haapa‘o e no te hi‘o i Ta’na mau tamarii (a hi‘o i te
Ieremia 31:6; Ezekiela 33:1–9).
Ua parau te peresideni Harold B. Lee e mea ti‘a te mau taea‘e hahaere
ia maramarama i ta ratou misioni no te haapa‘o e te hi‘o, te haapuai,
e ia tauturu i te mau melo ia rave i ta ratou ohipa. Ua ani oia i te feia
faatere o te autahu‘araa ia taui te parauraa ei mau taea‘e hahaere utuafare
no te haapiiraa, e parau râ e, ei mau tia‘i no te haapa‘oraa i te
Ekalesia. Ia maramarama ana‘e tatou i tera mana‘o, e maitai atu â ta
tatou hahaereraa utuafare. (A hi‘o i te ‘regional representatives’
seminar, eperera 1972, 8).
■ E aha te auraa ei taata haapa‘o no te Ekalesia ? No te aha e mea
faufaa ia ite mai te mau utuafare e te haapa‘ohia ra ratou eiaha i
te tamataraa i te haapii ia ratou ? (A hi‘o i te aamu o Ben iti).
Ei mau taea‘e hahaere o tatou ïa te ti‘a no te epesikopo e aore ra no te
peresideni amaa i te mau taata o ta tatou e tavini nei. I roto i te mau
uiuiraa e te feia faatere o te autahu‘araa e faite tatou i ta tatou mau
hahaereraa e te mau titauraa no teie mau melo. Ia ma’ihia te mau melo
e aore ra ia fifi te mau melo o te titau paha i te hi‘oraa a te feia faatere o
te autahu‘araa, e mea ti‘a ia faaara vitiviti atu tatou i te reira.
Pahonoraa i te Mau Titauraa o te Mau Melo
Ei mau taea‘e hahaere e mea ti‘a ia pure tamau tatou no Te titauraa a
te taata tata‘itahi e no te mau titauraa o te utuafare o te mau melo o ta
tatou e tavini nei. E ia faanahonaho e ia ohipa tatou no te tauturu ia
faatupu i to ratou mau titauraa, te horo‘araa i te turu e te faaitoitoraa.
Aita e rava’i i te pupu-noa-raa i te tauturu.
Te hoê mea o ta te hoê taata e titau maoti râ te Varua. Ua parau te peresideni
David O. McKay « E ohipa na tatou ei mau taea‘e Hahaere Utuafare
ia amo i te hanahana o te varua i roto i te mau utuafare ato‘a e i roto i te
mau aau ato‘a » (faahitihia na Marion G. Romney », The Responsibilities
of Home Teachers, Ensign, mati 1973, 15). No te tauturu i te mau utuafare
ia faarii i te Varua, e mea ti‘a ia faaitoito tatou ia ratou ia faatupu i te
pureraa pô utuafare, faatupu i te pure utuafare e i te pure a te taata tata-
‘itahi, e ia rave itoito i te ohipa i roto i te Ekalesia (a hi‘o i te PH&PF
20:51, 53–55).
61

Haapiiraa 6
Te titau ato‘a nei te mau taata ia tauturu ia ratou i roto i te mau taime
ma’i. Ua a‘o mai te Fatu e i roto i tera mau taime e mea ti‘a ia « tii i te
mau peresibutero o te ekalesia ra » (Iakobo 5:14; a hi‘o ato‘a te irava
15). Ei mau taea‘e hahaere utuafare e mea ti‘a ia ite tatou i te taime e
ma’ihia ai te mau melo o te mau utuafare i faataahia na tatou, e ia vai
mâ e te ineine no te haamaitai ia ratou ia ani ana‘ehia mai tatou.
Ia horo‘a ato‘a te mau taea‘e hahaere utuafare i te tauturu ia farerei
ana‘e te hoê taata e aore ra te utuafare i te mau tamataraa e aore ra
ia paruparu ana‘e ratou.
■ E aha te mea e ti‘a ia tatou ia rave no te mau utuafare ? (A papa‘i i te
mau pahonoraa i ni‘a i te tabula papa‘i. A faarava’i i teie tabula i te
tahi atu mau mana‘o o te horo‘ahia i roto i te haapiiraa).
■ Mea nahea ta Ben iti faatupuraa i te mau titauraa o ta’na mau utuafare
i faataahia na’na e hahaere ?
Te faaite mai nei te aamu i muri nei e mea nahea ta te hoê taea‘e
hahaere utuafare tautururaa i te hoê utuafare :
« Te taea‘e e te tuahine Robertson ... e na taata apî raua e te itoito i roto
i te Ekalesia o te ore râ e faatupu i te pureraa pô utuafare e aore ra i te
pure utuafare ‘no te mea o raua ana‘e ra.’ Ua horo‘a atu matou i te mau
haapiiraa no ni‘a i teie parau tumu e ua faaitoito ia raua, eiaha ia ape...
« I na hepetoma i muri mai ua farerei maua to‘u hoa hahaere i te tahi
mau taime no te aparau i te mau titauraa o ta maua mau utuafare. Ua
tapa‘o maua i tera mau mea o ta maua i mana‘o e mea faufaa. E i muri
iho i roto i ta maua hahaereraa ua tamata â maua i te tahi atu faanahoraa.
No te taea‘e e te tuahine Robertson, eiaha e parau e, ‘E aha te mea o ta
maua e nehenehe e rave no te tauturu ?’, e parau râ e, ‘E nehenehe anei
tatou e farerei i te mahana maha i mua nei i to‘u utuafare e ia amui mai
orua i roto i te hoê pureraa pô utuafare taa ê ?’... [Ua pahono mai raua],
‘E, mauruuru maitai !’...
« I muri a‘e i te hoê pureraa oro‘a, ua haere maira te taea‘e e te tuahine
Robertson e farerei ia‘u e ua faaite maira i to raua iteraa papû, ma te
faaite mai i to raua oaoa i roto i to raua utuafare e ua rahi roa te reira i
teie nei mai to raua ihoa faatupuraa i te pure utuafare e te pô utuafare »
(Don B. Center, « The Day We Really Started Home Teaching », Ensign,
tiunu 1977, 18–19).
Tautururaa i te Upoo o te Utuafare
■ Faaite i te hoho‘a 6-d, « Te Mau taea‘e Hahaere ei tauturu i te upoo o
te utuafare i roto i te faatereraa i te utuafare. »
62

6-d, Te mau taea‘e hahaere no te tauturu ïa i te upoo faatere
o te utuafare ato‘a e faatere nei i te utuafare.
63

Haapiiraa 6
Te upoo o te utuafare–te metua tane, maori râ aita e metua tane–na’na
te hopoi‘a matamua roa no te arata‘iraa i te utuafare i te faateiteiraa. Ei
mau taea‘e hahaere utuafare e faufaa roahia tatou mai te mea e tauturu
tatou i te upoo faatere o te utuafare ia rave i te reira.
Te hoê o te mau raveraa maitai roa e mea nahea tatou ia tauturu maoti
râ te hoê farereiraa i te upoo utuafare na mua roa. I reira, e nehenehe
tatou e ani atu i te mau titauraa o te utuafare e aha te mea o ta tatou e
nehenehe e rave no te tauturu.
Teie i muri nei te tahi faaiteraa no ni‘a i na taea‘e hahaere utuafare tei
ohipa na roto atu i te upoo no te hoê utuafare:
« E ere o Samuel Bowen i te melo no te Ekalesia. Ta’na vahine e te mau
tamarii e mau melo ïa ratou, e na roto i te reira, e rave rahi mau hahaereraa
tei ravehia na te mau p∂p∂ e na te mau taea‘e hahaere i te utuafare
Bowen. E ua farerei-noa-hia te mau melo no te Ekalesia i roto i te
utuafare. No reira, aita te taea‘e Bowen e parahi mai i roto i te taime
no te hahaereraa...
« I roto na matahiti e piti i mairi a‘e nei, ua faataahia te hoê taea‘e
hahaere utuafare apî, te taea‘e Walker i te utuafare o Bowen. I muri a‘e
i to’na farereiraa ia ratou e te aparauraa i to’na taata faatere o te autahu‘araa,
ua ite atura te taea‘e Walker e aha te mea o te titauhia ia’na ia
haapa‘o maite ... i te taea‘e Bowen. I te mau ava‘e i muri mai, ua rave
maite oia i te tahi mau ohipa, tei feruri maitaihia. Ei hi‘oraa, ua
faanahonaho oia i te mau farereiraa e te taea‘e Bowen... I roto i te reira
mau hahaereraa e aparau ratou i te mea e nehenehe ai oia ia tauturu
i te melo tata‘itahi o te utuafare. I te haamataraa aita te taea‘e Bowen
i ohie noa i te faaô ia’na i roto no te mea aita oia i matau, area râ aita
i maoro roa ua haamata ihora oia i te mauruuru i te ohipa e ravehia ra
e te taea‘e Walker. Rave rahi mau farereiraa i ravehia no te utuafare,
e mea varavara te faaheporaa i te haapiiraa evanelia i te utuafare.
« I te hoê ahiahi, ua haere mai te taea‘e Walker e farerei i te taea‘e
Bowen raua ana‘e ra i roto i te piha faafaearaa. Ua ui atura oia, ‘E Sam,
e utuafare nehenehe roa to oe i roto i te Ekalesia, mea nahea oe i ore ai
i feruri i te parau no te meloraa i roto i te Ekalesia ?’Ua huru maere te
taea‘e Walker i te pahonoraa: ‘No te mea paha e aita te hoê taata i ani
noa a‘e mai ia‘u ua hinaaro anei au. Inaha, ua tai‘o vau i ta outou mau
buka a te Ekalesia e te ti‘aturi nei au mai ia outou ato‘a na.’
« Hoê ava‘e i muri mai, ua bapetizohia te taea‘e Samuel Bowen i roto
i te Ekalesia, e i teie mahana ua taatihia to’na utuafare ... i roto i te
hiero » (When Thou Art Converted, Strengthen Thy Brethren [Buka
haapiiraa a te Authu‘araa a Melehizedeka, 1974], 217–18).
64

Haapiiraa 6
■ A ani i te taea‘e hahaere utuafare i faataahia no te faaite mai i to’na
iteraa papû no ni‘a i te hahaereraa utuafare. E a ani atu i te metua i
faataahia ia faaite mai i to’na iteraa e mea nahea te hahaereraa utuafare
i riro ai ei haamaitairaa i to’na utuafare.
Opaniraa
Ei mau taea‘e hahaere utuafare ua horo‘ahia ia tatou i te hopoi‘a no te
haapa‘o i te mau melo o te Ekalesia. Ia hahaere tamau tatou ia ratou,
haapii ia ratou i te evanelia, e ia faaitoito ia ratou ia ora i te evanelia
ma te parauti‘a. E mea ti‘a ia faarahi i te here no te taata tata‘itahi o ta
tatou e tavini nei. E mea ti‘a ia ohipa ato‘a tatou na roto i te pure e te
upo faatere o te utuafare tata‘itahi e ia ite e ia tauturu i te utuafare i
roto i to ratou mau titauraa.
Te titauraa
Na roto i te pure a faaoti i te mau rave‘a o ta outou e nehenehe e rave
no te faahaere i mua i ta outou ohiparaa ei taea‘e hahaere utuafare,
tauturu i to outou hoa hahaere ia riro mai ei taea‘e hahaere utuafare
maitai atu â, ia ohipa e te upoo faatere o te utuafare tata‘itahi i
faataahia na outou, e ia faatupu i te mau titauraa no te taata
tata‘itahi i roto i te utuafare.
Aparau e to outou iho utuafare e nahea outou e nehenehe ai ia tauturu
i to outou mau taea‘e hahaere utuafare.
Te tahi atu mau papa‘iraa mo‘a
■ Ioane 21:15-17 (faauehia ia haapii te tahi i te tahi)
■ 2 Timoteo 2:2 (ia rahi te faaroo no te haapii ia vetahi ê)
■ 1 Petero 5:1-4 (te hopoi‘a e te faito no te hanahana o te mau
peresibutero)
■ Te Parau Haapiiraa e te Mau Parau Fafau 46:27 (te horo‘a no te ite
horo‘ahia i te mau taea‘e hahaere utuafare)
■ Te Parau Haapiiraa e te Mau Parau Fafau 84:106 (te puai no te patu i
te taata paruparu)
Te faaineineraa i te orometua haapii
Hou a haapii ai i teie haapiiraa:
1. Haapii i te Parau Haapiiraa e te Mau Parau Fafau 20:46–47, 53–55.
2. A ani i te hoê taea‘e hahaere utuafare ia faaineine ia’na no te horo‘a
i to’na iteraa papû no ni‘a i te hahaereraa utuafare i te hopearaa o te
haapiiraa.
65

Haapiiraa 6
3. A ani i te hoê metua tane ia faaineine ia’na no te horo‘a i to’na iteraa
papû no ni‘a i te hahaereraa utuafare i te haamaitairaa i to’na utuafare
i te hopearaa o te haapiiraa.
4. Faataa i te mau melo no te piha haapiiraa ia faati‘a mai i te mau
aamu, te mau papa‘iraa mo‘a, e aore ra te mau faahitiraa parau o
ta outou e hinaaro.
66

TE ORARAA
IA OE IHO
Haapiiraa 7
Te tumu no teie haapiiraa no te tauturu ïa ia tatou ia rava’i i ta tatou
iho faufaa.
Omuaraa
I te 9 no fepuare 1971 ua aueue te fenua i San Fernando Valley
California. Ua faati‘a te tuahine Ina Easton i te tahi mau mea i tupu i
roto i te aueueraa fenua :
« I te po‘ipo‘i roa i te Mahana Piti, 9 no fepuare–i muri noa mai i te
aueueraa te fenua–mai te ahiahi Mahana Pae e tae roa’tu i te 12 no
fepuare, ua faari matou i roto i to matou utuafare 17 haere atu i te 22
taata. Aita ta matou e uira no te hoê mahana e hoê pô e aita ato‘a e ito
no te faamahanahanaraa e no te tunuraa i te maa e aore ra aita ato‘a e
rava’i maitai i te pape no te taime ratou i faaea mai i o matou.
« ... Ua riro mau ei tamataraa no te haapa‘o i teie rahiraa taata i roto i
te hoê vahi na’ina’i e te iti ho‘i o te mau rave‘a. Ua roaahia ia matou ia
faatere i te reira, mauruuru i teie mau manihini e tae noa’tu i te maa
a te Ekalesia e te faanahonahoraa no te haaputu i te pape... Ua parari
paato‘a te mau faretoa fatata noa mai ia matou. Ua parari te mau
puromu. Aita ta matou e nehenehe e haere i te faretoa. Ua mauruuru
roa ino matou no te maa e te pape o ta matou i haaputu...
« E rave rahi te mau mea o ta matou i haapii. I roto i te reira, te haaputuraa
ïa i te mau mea maitai, te pu‘a e te mau mea no te tamâ o te
tuuhia i roto i te pape to‘eto‘e, te mau tauera tahito... ; te parau haumitiraa
e te mau parau horoi rima, te mau purumu niho e te pu‘a
niho... E te mau ahu hau atu–hoê ahu taui no te melo tata‘itahi o te
utuafare ? Te mau raau rapaau matamua o te titauhia. Ua mutumutu
ho‘i to matou mau avae e ua pepe i te tahi mau vahi o te tino. E ere te
tahi mau pepe i te mea fifi roa, ua riro maira ei fifi i muri iho no te mea
aita i rava’i i te ahu taamu no te haapa‘o ia ratou. Ua ta’i noa e rave
rahi mau tamarii no te po‘ia ïa e te nahonaho ore. Te mau aiu ihoa. Ua
erehia te maa aiu, te mau mohina û, te mau paraitete, te raau, e te pahii
67

Haapiiraa 7
taui... Teie te mau mea i mo‘ehia e te mau taata i roto i to ratou rûraa te
mau raau mafatu e te mau raau ma’i omaha tihota. No te tahi pae e fifi
rahi roa ïa.
« Ua ite matou e mea maitai roa ia vai noa te hoê umu afa‘ifa‘i. E mea
ohie te mori e mea ohie ato‘a ia haaputu. E mea maitai ato‘a te mori gaz
no te turama mai te mea e aita e uira...
« E mea rahi atu â te mea o te nehenehe e parau atu, area te mea faufaa
roa no tatou paato‘a ia haamana‘o e ua parau mai te Fatu ia tatou ia
haaputu i te maa, te pape, te ahu, e te moni, no te mea te vaira te
mahana e hinaaro outou i te reira. To‘u iteraa papû tera e mea titau
mauhia te reira. Na roto i te haapa‘oraa i te mau faaueraa i horo‘ahia
mai e to tatou feia faatere, e mea rahi roa ïa ta tatou e te rava’i ato‘a ia
opere i to tatou mau hoa e i te mau melo o te paroita o te faarue i to
ratou mau utuafare’ « (Relief Society of Study 1977–78, 78–79).
Te Faanahonahoraa a te Fatu
Te faanahonahoraa a te Fatu no te mau melo o te Ekalesia no te ravairaa
ia ratou iho, e mea ohie roa ïa. Maoti ia rave tatou ma to tatou puai ato‘a
ia faarava’i ia tatou iho e i to tatou utuafare na roto i te faatupuraa i te
mau peu maitai, ia tarani; haaputu i te mau mea e titauhia no te paturu
ia tatou no te hoê a‘e matahiti, faanahonahoraa no te mau titauraa no
ananahi, e no te haamaitairaa i te tino, te varua, te feruriraa, e te orara
maitai o te tino. E haamata te faaraava’iraa i te utuafare na mua roa, no
te taata iho e no te utuafare.
■ Tei ia vai te hopoi‘a no te haapa‘o i to tatou mau titauraa e te mau
titauraa no to tatou mau tamarii ?
Mai te mea e aita ta tatou e nehenehe e haaputu i ta tatou iho, a ani i te
tauturu i to tatou mau fetii. Ei hi‘oraa, te hoê taata ma’ima’i eita e ore e
titauhia te tautururaa hau atu i ta to’na iho utuafare. I te reira huru, e
mea ti‘a ia anihia te tauturu a te tahi atu mau fetii. Inaha, mai te mea e
aita ta tatou e nehenehe e pahono i te mau titauraa e hinaarohia na roto
anei ia tatou iho e aore ra na roto anei i te mau fetii, i reira e nehenehe
ta tatou e ani atu i te tauturu no te hoê taime poto i te Ekalesia.
Te ineine maitairaa tatou e tauturu ïa ia tatou iho, e riro ato‘a ei tauturu
ia vetahi ê atu i roto i te mau taime fifi. E tupu tatou i te rahi i te pae
varua a horo‘a ai tatou mai te nounou ore i ta tatou iho mau tao‘a, te
taime, e te taleni no te tauturu ia vetahi ê.
■ No te aha i to outou mana‘oraa i hinaaro ai te Metua Here i te Ao ra
ia tatou ia faarava’i tatou ia tatou iho e i to tatou mau utuafare ?
■ Mea nahea tatou i te haamaitairaahia ia tauturu ana‘e tatou ia
vetahi ê ?
68

Haapiiraa
Puai i te pae
varua, i te pae
aehuehu e i te
pae sotiare
Tabula faarava‘iraa
ia oe iho
Ohipa
Maitai i te pae
no te ‘ea
7a, Na tuhaa e ono no te faarava’iraa
Faatereraa
i te faufaa
Haaputuraa
maa
69

Haapiiraa 7
Faaineineraa i to Tatou Mau Utuafare
■ Faaite i te hoê hoho‘a no te Faarava’iraa (hoho‘a 7-a), e aore ra a hi‘o i
te haamaramaramaraa i ni‘a i te tabula papa‘i.
Ia riro te mau melo o te Ekalesia ei mau taata rava’i ia ratou iho i roto i
na tuhaa e ono i muri nei:
Haaputuraa Maa i te Utuafare
Mai te au i te ture e mai te mea e nehenehe, ia haaputu te taata tata‘itahi
e te utuafare ia rava’i te maa no te haapa‘oraa i to ratou mau titauraa no
te hoê matahiti te maoro. Te auraa e mea ti‘a tatou ia faaapu i ta tatou iho
maa e ia haaputu e ia faaohipa i te reira e ia mono i te maa i amuhia no
te arai eiaha te maa ia tahito e ia faarue (a hi‘o i te haapiiraa 16 i roto i
teie buka no te hoê aparauraa i ni‘a i te faaapu na te utuafare). E mea ti‘a
tatou ia ite e nahea ia nira i te ahu e, mai te mea e nehenehe, haaputu i te
mori e te mau raau rapaau ma’i. Te faaapuraa e te haaputuraa e tauturu
ïa te reira ia tatou iho e i to tatou mau utuafare, e ia vetahi ê i te mau
taime fifi. (A hi‘o i Te Mau Ohipa e te Mau Haamaitairaa o te Autahu‘araa,
Tuhaa A, Haapiiraa 22, « Faaapuraa e te Haaputuraa i te Maa »).
■ Nahea tatou ia faarahi i to tatou iho rava’iraa i roto i te faaapuraa e
te haaputuraa i te maa ?
Te Ora Maitai i te Pae Tino
E mea mo‘a to tatou mau tino, e mea faufaa ia haapa‘o tatou i te reira e
ia vai mâ noa te reira, te puai, e te ora maitai. Mai tei heheuhia i roto i te
Ture no te Parau Paari, e mea ti‘a tatou ia amu i te mau maa faaitoito
eiaha ia inu i te ava, eiaha ia puhipuhi te avaava, e te tahi atu mau mea
au ore no te tino (a hi‘o i te PH&PF 89). No te arai i te ma’i e mea ti‘a ia
haapa‘o tatou i to tatou mau utuafare e to tatou mau aua e ia faarii i te
mau patia i titauhia i roto i te fenua. E mea ti‘a ia faaetaeta noa tatou i
to tatou tino, ia vai mâ noa,e ia apee i te tahi mau faanahoraa no te ora
maitai o te tino. A haapa‘o ai tatou i to tatou tino e hau atu to tatou
haapa‘o maitairaa ia tatou iho e ia tavini ia vetahi ê.
■ Nahea tatou ia faahaere i mua i te ora maitai o to tatou tino ?
Te Puai Pae Varua, te Puai i te Pae Feruriraa, e te Puai Totiare
E mea ti‘a ia tatou ia haapuai ia tatou iho e i to tatou mau utuafare i te
pae varua, i te pae feruriraa, e i te pae totiare. A na reira ai tatou e ineine
ïa tatou no te pahono i te mau fifi e te mau pe‘ape‘a. Ua parau o Elder
Boyd K. Packer:
« Ua faanahonahohia teie oraraa ei tamataraa. Ua ti‘a ïa ia faarii tatou i
te mauiui, te pe‘ape‘a, te oto, e tae noat’u i te manuia-ore-raa.
70

Haapiiraa 7
« Haapii i to tatou mau melo e, mai te mea e... e tupu mai te hoê mahana
haapa‘o ore i te hoê taime, e aore ra te tahi tau pu‘e mahana, a ti‘a
pautuutu atu e a faaruru atu i te reira. E afaro mai ihoa te oraraa.
Te vai nei te tumu rahi no to tatou aroraa i roto i te oraraa (i roto i te
Conference Report, eperera 1978, 140; e aore ra Ensign, me 1978, 93)
Ia tupu mai te mau tamataraa, e mea ti‘a ia here tatou, ia turu, e ia
faaitoito te tahi i te tahi. Ia tauturu tatou te tahi i te tahi, e faatupu ïa
tatou i te puai no te arai i to tatou mau fifi. Ua parau o Elder Marvin J.
Ashton no te hoê utuafare o tei faatupu i te puai i roto ia ratou :
Ua fanauhia mai te tamahine apî roa e ua fifi roa te roro e aita teie
tamahine i tupu maitai i roto i to’na oraraa i te pae no te feruriraa. Ua
pohe oia i te 17 raa o to’na matahiti, area te utuafare ua puai roa ratou i
roto i taua taime ra. Ua parau â o Elder Ashton: « Ua haapa‘o tamau
noa te metua vahine, te faaoromai e te mahanahana mai roto mai i te
hoê metua tane aroha, e te haroaroaraa mai roto mai i te mau taea‘e
tootoru e te hoê tuahine tei î i te mana‘o maitai tei faariro ia’na ei mea
taa ê i roto i te utuafare... Ua parau to’na metua, ‘Aita e moni no te hoo
i to matou here, faaoromai, e te haehaa i rotopu ia matou i to matou
haapa‘oraa ia’na.’ Teie te hoê hi‘oraa pe‘ape‘a ... tei faarirohia ei rave‘a
no te mau haamaitairaa » (« Family Home Storage », i roto i te 1977
Devotional Speeches of the Year, 69).
Mai ta teie aamu e faaite mai nei, te aroha, te pure, te hoê utuafare here
e nehenehe e riro ei hoê haamaitairaa rahi i roto i te oraraa o te melo
tata‘itahi o te uuafare. Ia riro tera hi‘oraa ei titauraa na te utuafare
ato‘a. Ua haamaramarama o Elder Marvin J. Ashton :
« E mea pinepine te mau tauturu rahi i te tae mai na roto mai i te
faanahonahoraa o to tatou mau utuafare. Te tahi taime e mea titauhia
te mau rima turu no ratou i pihaiiho noa ia tatou... Ua haamana te
Atua i te mau melo no te utuafare no te tauturu i te mau melo no te
utuafare...
« E mea titauhia tatou ia rave i te rima o to tatou mau melo o te utuafare
e ia faaite i to tatou here mau ia ratou » (i roto i te Conference
Report, atopa 1873, 131 ; e aore ra Ensign, tenuare 1974, 104).
■ Nahea tatou i te faatupu e i te horo‘a i te feruriraa puai i roto i to
tatou mau utuafare ?
■ No te aha te tautururaa, te haroaroaraa, e te hereraa ia vetahi ê i riro
ai ei mea faufaa no to tatou hau e to tatou oaoaraa ? Nahea tatou e
nehenehe ai i te tauturu ia faaineine ia tatou no te tau i mua nei ?
71

Haapiiraa 7
Haapiiraa
Te faaite mai nei Te Parau Haapiiraa e te Mau Parau Fafau e te parau
mai nei te Fatu ia tatou e « te hanahana o te Atua o te ite ïa, oia ho‘i, te
maramarama e te parau mau » e ua faaue mai ia tatou ia « haapii i ta
(tatou) mau tamarii i roto i te maramarama e te parau mau » (PH&PF
93:36,40). Ia haapii tatou paato‘a i te tai‘o, te papa‘i, e te rave i te mau
numeraraa e ia haapii i teie mau ite i ta tatou mau tamarii. E mea ti‘a
ia haapii tamau tatou i te mau papa‘iraa mo‘a, mai ta tatou e haapii
nei mai roto mai i te tahi mau buka, e ia tai‘o i te reira i ta tatou mau
tamarii. Ia rave tatou i te mau haapiiraa a te hau e te tahi atu mau
faanahonahoraa i te pae no te haapiiraa.
■ No te aha e titauhia ai ia tatou e i to tatou mau utuafare ia haapii i
te tai‘o, te papa‘i e te raveraa i te mau numeraraa ? No te aha e mea
faufaa te haapiiraa ?
Te Ohipa
I te vahi e nehenehe, ia titau tatou i te mau ohipa o te horo‘a mai ia
tatou i te faarava’iraa i to tatou mau utuafare e o te horo‘a mai i te
mauruuru ia tatou. E mea ti‘a i ta tatou ohipa ia au maite i te mau
haapiiraa a te Ekalesia e o te vaiiho ia tatou ia rave i ta tatou mau
ohipa no te Ekalesia. Hau atu, ia roaa te ohipa na tatou iho, e mea
ti‘a tatou ia a‘o atu i ta tatou mau tamarii e te tahi atu feia apî ia maiti
maitai i to ratou toro‘a no amuri a‘e.
Ua a‘o o Elder Marvin J. Ashton : « Faariro i te haapiiraa ei faanahoraa
tamau. A rave hope roa i te tau haapiiraa mai te mea e nehenehe. Oia
ho‘i, te haapiiraa no te pae no te faarava’iraa faufaa. Te faahotu- maitairaa
i te moni. Faaohipa i te haapiiraa o te pô e te haapiiraa na te reva ei
faaineineraa. Titau ia roaa mai te tahi mau aravihi o ta tatou e nehenehe
e faaohipa no te arai i te ereraa i te ohipa » (« One for the
Money », Ensign, tiurai 1975, 73).
■ Aparau i te mau rave‘a e vai nei no te tauturu i te mau melo o te piha
haapiiraa ia faahotu i to ratou mau aravihi i te pae no te ohipa. Mai
te mau haapiiraa na roto i te reva o ta te mau fare teitei e horo‘a nei
na te feia paari, e no te haapaariraa i te toro‘a ohipa. A farerei i to
outou epesikopo e aore ra peresideni amaa mai te mea te vaira anei
ta te paroita e aore ra ta te amaa e taata aravihi no te pae no te totauturu
e haapa‘o i te pae no te ohipa. Mai te mea te vaira, e nehenehe i
teie taata i te tauturu i te mau melo ia imi i te ohipa.
■ Nahea e nehenehe ai i te feia apî tamaroa ia faaineine ia ratou no te
hoê toro‘a ?
72

Haapiiraa 7
Faatereraa i te Faufaa
No te ineineraa i te pae no te faufaa moni, e mea ti‘a ia tatou ia haapii
e nahea ia ora ia au i te faufaa moni e roaa ra ia tatou. Titauhia ia
faanahonaho e ia faatere maite i te hoê tabula faufaa. Te hoê tabula
faufaa tano, o te tabula faufaa ïa o te haamau i te mau opuaraa i te pae
no te faufaa moni, te aufau i te mau tuhaa ahuru e te mau ô, e te arairaa
i te tarahu. Hau atu i te hoê tabula faufaa, te hoê ïa faatereraa paari no
ta tatou faufaa moni mai te hooraa mai i te maa e te tahi atu mau mea e
titauhia i te taime hooraa mama, ia arai i te haamau‘a, e, mai te mea e
nehenehe ia haaputu i te moni no te mau taime fifi e ai i te moni.
Ua horo‘a mai te hoê utuafare i te mana‘o tauturu i muri nei no te
faatereraa i te mau faufaa moni a te utuafare: « Te hoê mea eiaha roa ia
tupu ... to tatou huru, « Na‘u teie moni, no reira e haamau‘a vau mai
ta‘u e hinaaro.’ Noa’tu na te tane anei e aore ra na te vahine anei e afa‘i
mai nei te moni, te taato‘araa o te moni na raua toopiti ïa. Aita e ti‘a i te
tane e aore ra i te vahine ia haamau‘a noa mai ta’na e hinaaro ‘no te
mea na‘u teie moni’ « (Orson Scott Card, « Family Finances », Ensign,
tiunu 1978, 13).
■ Nahea te faaohiparaa na roto i te paari i te moni e hopoi mai ai i te
hau i te utuafare ?
■ A ani i te mau melo o te piha haapiiraa ia feruri e aha te huru no to
ratou ineine i roto i na faanahoraa e ono no ni‘a i te faarava’iraa ia
ratou iho.
Te Vai Ineineraa no te Tauturu mai te hoê Ekalesia
Ua ani mai te Fatu ia tatou ia tauturu te tahi i te tahi e ia haapa‘o atoa
ia tatou iho e i te mau titauraa o te utuafare (a hi‘o i te PH&PF 52:40).
Te tahi mau taime ta tatou mau tutavaraa no te tauturu ia vetahi ê e
nehenehe ïa mai roto noa mai ia tatou iho. Te tahi mau taime e amuihia
te mau tutavaraa e te mau rave‘a a te mau melo a te Ekalesia e faaohipahia
te reira na te feia faatere o te autahu‘araa.
Ua haamaramarama o Joseph B. Wirthlin :
« Aita te Ekalesia e taoti‘a nei i ta’na mau tautooraa faarava’iraa no
to’na noa iho mau melo, te apee ato‘a ra râ oia i te parau a te Peropheta
Iosepha Semita i to’na parauraa e, ‘Te hoê taata tei î i te here o te Atua,
eita ïa oia e haamaitai noa i to’na ana‘e utuafare, e tuu oia ia’na i ni‘a i
te ao nei, te hinaaroraa ia haamaitai i te taata ato‘a. ‘Ua haapii oia te
mau melo ia ‘faaamu i tei poia, ia faaahu i tei vai tahaa noa, ia horo‘a i
ta te vahine ivi, ia tamaro i te roimata i te tama otahi, ia tamahanahana
i tei oto.’
73

Haapiiraa 7
« Hau atu i te ahuru matahiti i teie nei, ua hapono te Ekalesia hau atu i
te 27000 tane ahu, 16000 tane maa, e 3000 tane raau rapaau ma’i e te
mau rave‘a haapiiraa e te mau tao‘a no te tamaru i te mau mauiui o te
tahi tau mirioni o te mau tamarii a te Atua i roto e 146 fenua i roto i te
ao nei. Aita tatou i ani e, ‘E melo anei outou no te ekalesia ?’ Ua ani
noa tatou, ‘Te mauiui ra oe ?’ (I roto i te Conference Report, eperera
1999, 100, e aore ra Ensign, me 1999, 77).
Teie te tahi mau hi‘oraa i muri nei no te mau ati o tei titauhia te
tauturu na te Ekalesia:
« I roto i te vaipu‘e i tupu i Rapid City, South Dakota (USA), ua pahono
‘oi‘oi noa te Feia Mo‘a o te reira tuhaa no te tauturu i te feia tei fifi i roto
i te vaipu‘e. Ua horo‘ahia te ahu, te maru ro‘i, e te maa mahanahana mai
roto atu i te faanahonahoraa a te Ekalesia i reira... Hoê ana‘e pereoo no
te mau tauihaa i hinaarohia, mai te mau maa na te aiu, te mau pahii aiu,
e te mau paraitete o tei haponohia i reira » (Junior Wright Child,
« Welfare Is the Church », Ensign, tetepa 1973, 71).
I te ava‘e no titema 1972 ua aueue te fenua i Managua, Nicaragua, i
Central America, « te mea noa i haponohia na teie Feia Mo‘a mai te
fenua Marite atu o te raau patia ïa no te typhoïde... Area te taato‘araa o
te tauturu, na te Feia Mo‘a iho no Costa Rica, i faanahonaho i te mau
tauturu e te ohiparaa na roto i te feia faatere o te hau, e te faatereraa i
te mau faanahonahoraa ato‘a » (Child, Ensign, tetepa 1973, 71).
Ua haamaramarama o Elder Russell M. Nelson e « tera huru ohipa
amuiraa no te tauturu i te mau taata tupu i roto i te fifi, aita ïa e oti‘a no
te reira, i te pae faaroo anei, te huru o te taata, e aore ra te huru o te
ihotumu o te fenua. Tera mau huru ohipa, o te here ïa o te feia mo‘a tei
faaohipahia ! » (i roto i te Conference Report, eperera 1994, 91; e aore ra
Ensign, me 1994, 70).
E mea titauhia tatou ia ineine mai te hoê Ekalesia ra, ei mau taata, e ei
mau utuafare no te oraraa i roto i te mau tau fifi. Ia faanahonaho maitai
ana‘ehia te Ekalesia i roto i to outou tuhaa, e nehenehe ta tatou e ohipa
amui no te faaineine i te maa, te ahu, e te mau tauihaa no te fare no te
faaohipa atu i roto i te mau tau fifi. Na roto i teie huru faanahoraa e
nehenehe ai i te feia tei roto i te fifi, e tera mau utuafare o tei tutava
itoito, ia tauturuhia. Mai te mea e tauturu tatou i te tahi e te tahi i roto i
te mau rave‘a ato‘a, e mea ti‘a ato‘a ïa ia tatou ia faarii i te tauturu i te
taime e hinaaro ai tatou i te tauturu.
Opaniraa
A ohipa ai tatou no te faarava’i i to tatou oraraa, e rahi atu â to tatou
here no to tatou mau utuafare e no vetahi ê e oia ato‘a i to tatou iteraa
papû no Te titauraa ia rava’i tatou. Na roto i te reira iteraa papû e
74

Haapiiraa 7
hinaaro noa ai tatou i te tauturu ia vetahi ê e ia tauturu atu ratou ia
vetahi ê atu â.
Ua parau te Fatu, « No te pae varua te mau mea ato‘a ia‘u nei, aore au i
horo‘atu ia outou i te hoê ture tahuti noa » (PH&PF 29:34). Te niu no te
tautururaa ia tatou e ia vetahi ê o te here ïa e te aroha. Ua parau te
Faaora, « O outou i na reira i te hoê taea‘e iti haihai roa i roto i ta‘u
mau taea‘e ua na reira mai ïa outou ia‘u » (Mataio 25:40).
Te titauraa
I roto i ta outou pureraa pô utuafare, a hi‘o i te huru no ta outou faarava-
’iraa ia outou iho. A hi‘o i te mau vahi outou e paruparu ra, e a faanahonaho
i te mau rave‘a no te haamaitai. Ei taea‘e hahaere utuafare, ia vai
ara noa outou i te mau titauraa o te mau utuafare i roto i ta outou
tiaauraa. Faaitoito ia ratou ia faaineine ia ratou no te arai i te mau fifi.
Te tahi atu mau papa‘iraa mo‘a
■ 1 Timoteo 5:8 (mea titauhia ia arai tatou i to tatou mau utuafare)
■ 1 Ioane 3:17 (te faufaa no te tautururaa ia vetahi ê)
■ Alama 34:28 (Te titauraa ia tauturu tatou ia vetahi ê)
■ Te Parau Haapiiraa e te Mau Parau Fafau 56:16–18 (faaararaa i te
feia moni e te feia veve)
■ Te Parau Haapiiraa e te Mau Parau Fafau 68:30–32 (faautu‘ahia te
feia faatau)
Te faaineineraa i te orometua haapii
Hou a haapii ai i teie haapiiraa :
1. A tai‘o i te buka ra Te mau Parau Tumu no te Evanelia, te mau
pene 27, Te Ohipa e te Hopoi‘a a te Taata Tata‘itahi », e te 37, « Te
mau Hopoi‘a a te Utuafare ».
2. Faaineine i te hoho‘a i roto i teie haapiiraa, e aore ra papa‘i i te
haamaramaramaraa i ni‘a i te tabula papa‘i.
3. Faataa i te mau melo o te piha haapiiraa ia faati‘a mai i te mau
aamu, i te mau papa‘iraa mo‘a, e aore ra i te mau faahitiraa parau
o ta outou e hinaaro.
75

76
TA TATOU MAU
HOPOI‘A NO TE
HIERO E TE AAMU
O TE UTUAFARE
Haapiiraa 8
Te tumu no teie haapiiraa no te tauturu ïa ia tatou ia maramarama i ta
tatou mau hopoi‘a no te hiero e no te tuatapaparaa aamu no te utuafare.
Mea Titauhia te Mau oro‘a no te Faaoraraa
Ia nehenehe tatou ia ho‘i i mua i te aro o to tatou Metua Here i te Ao ra,
e mea titauhia tatou tata‘itahi ia farii i te mau oro‘a no te faaoraraa. Ua
parau o Elder Boyd K. Packer :
« Te mau oro‘a e te mau fafauraa ua riro ïa ei titauraa no te haereraa
atu i mua i To’na aro. Te tiamâraa tatou no te faarii i taua mau oro‘a ra,
o Te titauraa ïa no te taato‘araa o te oraraa; no reira, ua riro te haapa‘o i
te reira ei tamataraa no te tahuti nei.
« Ia faarii tatou i te reira e to tatou mau utuafare, e titau ato‘ahia tatou
ia rave i te mau oro‘a monoraa no to tatou feia i pohe na, oia mau no
te taato‘araa o te mau utuafare o te taata nei » (i te Conference Report,
eperera 1987, 27; e aore ra Ensign, me 1987, 24).
Faariiraa i to Tatou Iho Mau oro‘a Hiero e te Tautururaa i te Mau
Melo o te Utuafare ia Faarii i to Ratou
Te bapetizoraa e te tuuraa rima, na oro‘a matamua ïa no te evanelia, o
te uputa ïa e na reira atu ai tatou i te tomo atu i ni‘a i te e‘a piriha‘o o
te arata‘i i te ora mure ore (a hi‘o i te 2 Nephi 31:17–18). No te haere
tamau na ni‘a i teie e‘a i muri a‘e i te bapetizoraa, e mea titau ato‘ahia
ia faarii i te mau oro‘a mo‘a no te hiero–te oro‘a hiero e te mau oro‘a
taatiraa. Titauhia ia haapa‘o noa i te mau fafauraa o ta tatou e rave.
E mea titau-roa-hia teie mau oro‘a no to tatou faateiteiraa.
Ua haamaramarama te peresideni Howard W. Hunter i te faufaa no te
mau oro‘a hiero : « Te taato‘araa o ta tatou mau tutavaraa no te pororaa
i te evanelia, haamaitairaa i te Feia Mo‘a, e te faaoraraa i te feia pohe,
no te arata‘i ïa i te hiero mo‘a. No te mea e mea faufaa mau te mau
oro‘a hiero; eita e nehenehe ia tatou ia ho‘i i mua i te aro o te Atua e
aita taua mau oro‘a ra. Te faaitoito nei au i te mau taata ato‘a ia vai

Haapiiraa 8
tiamâ noa no te haere i te hiero e aore ra ia ohipa atu no te mahana
outou e nehenehe ai e tomo atu i roto i te fare mo‘a no te faarii i to
outou mau oro‘a e te mau fafauraa » (i roto i te Conference Report,
atopa 1994, 118; e aore ra Ensign, novema 1994, 88).
Te mau melo feia paari o tei ore â i haere atura i te hiero e mea ti‘a ia
haere ratou e farerei i to ratou epesikopo e aore ra te peresideni amaa no
te hi‘o e nahea ia faaineine no te faarii i te mau haamaitairaa hiero. Ia
oomo tatou i roto i ta tatou mau tamarii e te tahi atu mau melo o te utuafare
i te hinaaro no te faaineine no te bapetizoraa e no te mau oro‘a hiero.
■ Nahea tatou e nehenehe ai ia haapii i ta tatou mau tamarii e te tahi atu
mau melo o te utuafare i te faufaa no te hiero ? (Papa‘i i te mau pahonoraa
i ni‘a i te tabula papa‘i. Tei roto i reira te parau no te hi‘oraa
maitai na roto i te haere-tamau-raa i te hiero e aore ra te rave-itoito-raa
no te haere i reira, ia mau i te hoê parau faati‘a no te hiero, te faaiteraa
i te mauruuru i roto i to tatou mau pure utuafare no te hiero e no te
mau oro‘a i roto i reira, e te afa‘iraa i te mau tamarii i te faito 12 te
matahiti e hau atu i te hiero ia bapetizohia no te feia i pohe).
Te Mauraa i te hoê Parau Faati‘a e te Haere-Tamau-raa i te Hiero.
■ Faaite i te hoho‘a 8-a, « E fare no te Fatu. »
No ni‘a i te mau hiero, ua parau te peresideni Gordon B. Hinckley :
« Teie ana‘e te mau fare nehenehe i reira te mau oro‘a e ravehia ai, tei
riro ei titauraa hopea no ta tatou haamoriraa. Ua riro mai teie mau
oro‘a ei mau faaiteraa hohonu roa no to tatou faaroo. Te parau nei au i
to tatou mau taata i te mau vahi ato‘a, na roto i to‘u puai taato‘a, ia ora
tiamâ noa no te mauraa i te hoê parau faati‘a, ia haapa‘o maitai i te
reira e ia hi‘o ei mea faufaa roa a‘e, e ia haapuai i te haere i te fare o te
Fatu e ia faarii i te varua e te mau haamaitairaa o te faariihia i roto i
reira. Te oaoa nei au no te tane ato‘a e aore ra no te vahine ato‘a o te
haere i te hiero na roto i te hoê varua parauti‘a e te faaroo e ia haere
mai i rapae i taua fare ra mai te hoê taata maitai atu â. Te vaira Te
titauraa tamau no te faahaereraa i mua i roto i te taato‘araa o to tatou
oraraa. Te vaira te hoê titauraa i te hoê mau taime ia vaiiho i te
maniania e te muhumuhu o te ao nei e ia haere atu i roto i te hoê fare
mo‘a o te Atua, i reira tatou e faarii ai i To’na varua i roto i te hoê vahi
no te mo‘a e te hau » (i roto i te Conference Report, atopa 1995, 72; e
aore ra Ensign, novema 1995, 53).
Noa’tu eita tatou e tae noa i te hiero no tera tumu e tera tumu, ia mau
râ tatou i te hoê parau faati‘a. Ua parau te peresideni Howard W.
Hunter: « E mauruuru te Fatu mai te mea e vai tiamâ noa te taata paari
ato‘a e –ia mau–i te hoê parau faati‘a no te hiero. Te mau mea o te
titauhia ia tatou ia rave e aore ra eiaha ia rave no to tatou vai tiamaraa
77

78
8-a, Te hoê fare no te Fatu. (Te Hiero no Guatemala City)

Haapiiraa 8
no te hoê parau faati‘a hiero o te mau mea ïa o te haapapû ia tatou i te
oaoa no tatou iho e no to tatou mau utuafare » (i roto te Conference
Report, atopa 1994, 8; e aore ra Ensign, novema 1994, 8).
■ E aha te mau haamaitairaa o te fafauhia ia tatou mai te mea e mau
tatou i te hoê parau faati‘a hiero e ia haere tamau i te hiero ?
No te faarii i te hoê parau faati‘a hiero, mea titauhia te hoê uiuiraa
matahiti e to tatou feia faatere o te autahu‘araa. E nehenehe ato‘a tatou
e anihia mai ia haere i te tahi mau haapiiraa taa ê no te faaineineraa.
(No te haamaramaramaraa hau atu no ni‘a i te faaineineraa ia haere i
te hiero, a hi‘o i Te Mau Ohipa e te Mau Haamaitairaa o te Autahu‘araa,
Tuhaa A, haapiiraa 35, « Te Utuafare Mure Ore. »)
Te Raveraa i te Mau oro‘a no te Mau Tupuna i Pohe.
Te hinaaro nei te Fatu i te mau taata ato‘a o tei ora i ni‘a i te fenua nei, e
tei mairi i te va‘u o to ratou mahana fanauraa, ia faarii ïa ratou i te mau
oro‘a no te bapetizoraa, te oro‘a hiero, e te taatiraa hiero. Ua tono Oia i
te peropheta Eliaha ia Iosepha Semita ra no te faaho‘ifaahouraa mai i te
mau taviri no te faaoraraa no te feia pohe, e na roto i te reira mau taviri
i nehenehe ai i te feia ora ia rave i te mau oro‘a no te feia o tei pohe. Ei
mau melo no te Ekalesia, e hopoi‘a na tatou i te raveraa i te mau oro‘a
no te evanelia no to tatou mau tupuna o tei pohe mai te ore i ite i teie
mau oro‘a.
■ Tai‘o i Te Parau Haapiiraa e te Mau Parau Fafau 128:15. No te aha e
mea faufaa no tatou ia rave i te mau oro‘a no to tatou mau tupuna tei
pohe ? (Eita ratou e faarii i te oraraa teitei mai te mea e aita tatou, eita
ato‘a e nehenehe e faarii i te oraraa teitei mai te mea e aita o ratou).
A fariu ai to tatou mau aau i to tatou mau tupuna ra, ma te haapii
maitai no ni‘a ia ratou ra, e ia rave i te mau oro‘a o te autahu‘araa no
ratou, e faarii ato‘a tatou i te oaoa mai to tatou ato‘a ra mau tupuna a
faarii ai ratou i te rave‘a no te ora mure ore. Hau atu, a tavini ai tatou i
to tatou mau taea‘e e to tatou mau tuahine, hau roa’tu â to tatou iteraa
e te mauruuru i te auraa no te Tusia Taraehara a te Faaora i roto i to
tatou nei oraraa. Ua haamaramarama te Peropheta Semita i ta tatou
ohipa i roto i te ohipa hiero e te aamu o te utuafare :
« E horo‘ahia mai te mau taviri, e tae mai te varua o Eliaha, ... e ti‘a mai
te Feia Mo‘a ei mau faaora i ni‘a i te Mou‘a no Ziona.
« Nahea ratou e riro mai ai ei mau faaora i ni‘a i te Mou‘a no Ziona ?
Na roto i te paturaa i to ratou mau hiero ... e te faariiraa i te taato‘araa o
te mau oro‘a ... ei monoraa i te taato‘araa o to ratou mau tupuna o tei
pohe, e ia faaora ia ratou ia nehenehe ratou ia ti‘a mai i te ti‘afaahouraa
matamua e ia faateiteihia i ni‘a i te mau terono o te hanahana e o ratou;
79

80
8-b, E nehenehe i te mau ti‘a tauturu no te tuatapaparaa aamu utuafare e
tauturu no te faaineine i te haamaramaramaraa.

Haapiiraa 8
e te reira te mau taamuraa i te mau aau o te mau metua i to te mau
tamarii, e to te mau tamarii i to te mau metua, i reira ua tupu te
misioni a Eliaha » (Teachings of the Prophet Joseph Smith, maitihia e Joseph
Fielding Smith [1976], 330).
■ E aha te mau haamaitairaa o te tae mai na roto i te raveraa i te oro‘a
no to tatou mau tupuna i pohe ?
Haamana‘oraa i to Tatou Mau Tupuna
E haamata tatou na mua roa i ta tatou mau hopoi‘a no te aamu o te
utuafare na roto i te hamaniraa i te hoê tabula i‘oa o te mau fetii o ta
tatou i ite. Aita e titauhia i te tahi maimiraa rahi. E nehenehe teie tabula
e tauturu ia tatou ia ite i tera mau tupuna tei pohe ma te ore e farii i to
ratou mau oro‘a faaoraraa no te hiero. Noa’tu e mau melo te tahi mau
tupuna to tatou no te Ekalesia e aore ra te tahi mau fetii to tatou tei
rave i te tahi mau tuatapaparaa aamu utuafare, e nehenehe ta tatou
e imi i te tahi o ratou tei ore i ravehia tura to ratou mau oro‘a.
■ Opere te mau api parau e te mau peni tara i te mau melo o te piha
haapiiraa. A ani ia ratou ia papa‘i i te hoê tabula i‘oa no to ratou mau
fetii i pohe o ta ratou e haamana‘o nei, e a hi‘o o vai i roto ia ratou tei
pohe e tei ore i ravehia to ratou mau oro‘a hiero.
E ia ite ana‘e tatou i tera mau fetii e aita â to ratou mau oro‘a hiero i
ravehia tura, e mea ti‘a ia haapapû tatou e ia ravehia te reira. Ua faaite
te peresideni Gordon B. Hinckley i te faufaa no te hiero i roto i te aamu
utuafare. « Te taato‘araa o te mau ohipa tuatapaparaa aamu i ravehia e
faahaerehia ïa i roto i te ohipa hiero. Aita atu ai e tumu no te reira. O te
mau oro‘a hiero te mau haamaitairaa teitei a‘e ta te Ekalesia e pûpû
mai nei na tatou » (i roto i te Conference Report, eperera 1998, 115-16;
e aore ra Ensign, me 1998, 88).
■ Faaite i te hoho‘a 8-b, « E nehenehe ta te mau ti‘a tauturu i te ohipa
tuatapaparaa aamu utuafare e tauturu no te faaineine i te haamaramaramaraa.
»
E nehenehe ta te mau ti‘a tauturu i te ohipa tuatapaparaa aamu utuafare
e tauturu ia tatou no te faaineine i te haamaramaramaraa o ta te
hiero e titau hou te mau oro‘a a ravehia ai. E mea ti‘a ia vai teie mau
parau i roto i te tuatapaparaa aamu utuafare a te Ekalesia, ta te feia
faatere, e ta te mau hiero.
■ Aparau i te mau melo o te piha haapiiraa i te faanahonahoraa e te
mau titauraa no te faaineineraa i te mau i‘oa no te ohipa hiero. Mai
te mea e nehenehe, a vaiiho i te ti‘a tauturu i te ohipa tuatapaparaa
aamu o te utuafare ia arata‘i i te aparauraa.
81

82
8-c, E mea faufaa i te papa‘iraa i te mau tuatapaparaa
aamu o te taata iho e o te utuafare.

Haapiiraa 8
Taa ê atu i te raveraa i te mau oro‘a hiero no te mau tupuna o ta tatou
e haamana‘o nei, e mea ti‘a ia hi‘o tatou i te tahi atu mau tupuna.
E nehenehe ta tatou e paraparau i to tatou mau metua, te mau metua
ruau, te mau ma’ino, te mau pa’ino, te mau taea‘e, e te tahi atu mau
melo no te opu fetii o te haamana‘o ra paha i te tahi mau taata o ta
tatou i ore i ite. E nehenehe tatou ia hi‘o e ia ravehia te oro‘a hiero no
teie mau tupuna.
Papa‘iraa i ta Outou Haamaramaramaraa
A haapii ai tatou no ni‘a i to tatou mau tupuna, e titauhia paha ia tatou
ia papa‘i tera mau haamaramaramaraa i ni‘a i te mau api parau aamu
utuafare a te Ekalesia e ia tuu i roto i te mau faanahonahoraa rorouira
no te tauturu ia tatou. E nehenehe ato‘a ta outou e faaohipa i te tahi
noa’tu rave‘a o te tauturu ia outou ia haamana‘o i te mea o ta outou i
haapii mai. E mea faufaa roa ia papa‘i i te mau tai‘o mahana i ravehia
ai te mau oro‘a ia ite outou e o vai te toe ra o te ore â i ravehia tura.
Te Tahi Mau Parau Arata‘i
A tuu ai tatou i te mau i‘oa no te ohipa hiero, e mea ti‘a ia haamana‘o
tatou i teie mau Parau arata‘i :
1. Ta tatou ohipa faahepohia no to tatou ïa mau tupuna. Eiaha tatou e
tuu i te mau i‘oa o te mau taata e ere i te fetii no tatou, tae noa’tu i te
mau i‘oa e roaa mai ia tatou na roto i ta tatou iho mau ma’imiraa.
2. Te i‘oa o te hoê taata o ta tatou e tuu atu, ei taata ïa tei pohe a tahi
matahiti ti‘a i teie nei.
3. Mai te mea ua fanauhia te taata a 95 matahiti i mairi, titauhia te parau
faati‘a na te hoê fetii fatata roa hou te i‘oa a tuuhia ai no te oro‘a.
4. Aita e titauhia ia rave i te oro‘a no te mau tamarii fanau pohehia.
Teie râ, mai te mea te vaira te hoê haapapûraa e ua ora mai te hoê
tamarii i muri a‘e i te fanauraa, e nehenehe ïa oia ia taatihia i te mau
metua, mai te huru e, e tamarii fanauhia i roto i te fafauraa (te auraa,
ua taatihia na metua hou te tamarii a fanauhia mai ai).
5. Te mau tamarii o tei pohe hou i te va‘u o te matahiti e o tei ore i
fanauhia i roto i te fafauraa o te oro‘a no te taatiraa noa i to ratou
mau metua o te ravehia. Aita e titauhia te tahi atu mau oro‘a.
Te Tahi Atu Mau Rave‘a No te Rave i te Tuatapaparaa Aamu Utuafare
■ Faaite i te hoho‘a 8-c, « Papa‘iraa i te mau aamu no te taata iho e no
te utuafare e mea faufaa ïa. »
Te tahi atu mau rave‘a faufaa o te nehenehe e rave i roto i te tuatapaparaa
aamu utuafare :
83

84
8-d, Parau Tupuna

Haapiiraa 8
Haaputuputu i te haamaramaramaraa no ni‘a i te mau tupuna o tei
ora na mua atu i te feia o ta tatou e haamana‘o nei, e ia rave i to
ratou oro‘a hiero.
Te haapiiraa i ta tatou mau tamarii no ni‘a i to tatou mau tupuna e te
faaitoitoraa ia ratou ia faatupu i ta ratou mau hopoi‘a no ta ratou iho
tuatapaparaa aamu utuafare.
Papa‘iraa i te mau tuatapaparaa aamu o te taata iho e to te utuafare.
Haapa‘oraa i te mau parau e te mau papa‘iraa no te tuatapaparaa
aamu utuafare.
Haapa‘oraa i te hoê buka aamu.
Faaôraa i roto i te mau faanahonahoraa tuatapaparaa aamu utuafare
a te Ekalesia mai te tuuraa i te mau i‘oa utuafare i roto i te Apaparaa
Parau Tupuna e te faaôraa i roto i te ma’imiraa i‘oa.
■ Mai te mea e taime to outou, a faaite i te hoho‘a 8-d, « Parau Tupuna. »
E a tauturu i te mau melo no te piha haapiiraa ia faaî i te parau tuatapaparaa
(e roaa teie mau api parau mai roto mai i to outou ti‘a no te
tuatapaparaa aamu utuafare e aore ra mai roto mai i te feia faatere o te
autahu‘araa) no to ratou iho mau utuafare :
Opaniraa
Mea titauhia ia farii tatou i te mau oro‘a o te evanelia e nehenehe ai
tatou ia ho‘i i to tatou Metua Here i te Ao ra. No te faarii i te taato‘araa o
te mau haamaitairaa e vaira i roto i teie mau oro‘a, e mea ti‘a tatou ia :
1. Faarii i to tatou iho mau oro‘a e ia tauturu i te mau melo o to tatou
utuafare fatata ia faarii i to ratou iho.
2. Ia mau i te hoê parau faati‘a no te hiero e ia haere pinepine i te hiero.
Noa’tu e aita tatou e faaea nei i te vahi e nehehene ai ta tatou e haere
i te hiero, e mea ti‘a râ ia mau tatou i e hoê parau faati‘a no te hiero.
3. Ia ite i to tatou mau tupuna o tei pohe e o tei ore i faarii i to ratou
mau oro‘a e ia haapapû e ua ravehia to ratou mau oro‘a.
A rave ai tatou i ta tatou mau hopoi‘a no te autahu‘araa no te hiero e no
te tuatapaparaa aamu utuafare, e tauturu mai te Metua Here i te Ao ra
ia tatou na roto i te faaururaa a To’na Varua.
Te titauraa
Mai te mea e aita â outou i faarii i to outou mau oro‘a hiero, a faanahonaho
i te hoê uiuiraa e to outou epesikopo e aore ra to outou peresideni
amaa no te hi‘o e aha te mea e titauhia ia outou ia faaineine.
Haapii i to outou utuafare no ni‘a i te faufaa no te bapetizoraa e te mau
oro‘a hiero.
85

Haapiiraa 8
A imi hoê a‘e tupuna o tei pohe ma te ore e faari i te mau oro‘a faaoraraa
no te evanelia, e ia rave i to’na mau oro‘a.
Mai te mea e aita ta outou e parau faati‘a no te hiero, a faaineine no te
faarii i te hoê parau.
Te tahi atu mau papa‘iraa mo‘a
■ Malaki 4:5-6 (faafariuraa i te aau o te mau metua e to te mau tamarii
te tahi i te tahi)
■ 1 Korinetia 15:29 (bapetizoraa no te feia pohe)
■ 1 Petero 3:18–19; 46 (te evanelia porohia i te feia pohe)
■ Moroni 8:5–23 (e ere i te mea titauhia te bapetizoraa no te mau
tamariirii)
■ Te Parau Haapiiraa e te Mau Parau Fafau 124:26-39 (ia patuhia te hoê
fare i te Fatu, i roto i reira e ravehia ai te ohipa no tei pohe)
■ Te Parau Haapiiraa e te Mau Parau Fafau 128 (te mau arata‘iraa no te
haapa‘o-maitai-raa i te mau parau e te bapetizoraa no tei pohe)
■ Te Aamu o Iosepha Semita 1:38–39 (te misioni a Eliaha)
Te faaineineraa i te orometua haapii
Hou a haapii ai i teie haapiiraa:
1. Tai‘o i te pene 40 no te buka Te mau Parau Tumu no te Evanelia,
« Te ohipa hiero e te Aamu Utuafare. »
2. No te tahi atu haamaramaramaraa no ni‘a i te haapa‘oraa i te mau
tuatapaparaa aamu o te taata iho e o te utuafare, a hi‘o i te The
Latter-day Saint Woman, Part B, lesson 19, « Te mau aamu no te
Utuafare e no te taata iho. »
3. A faanaho i te mau parau opere e te peni tara na te melo tata‘itahi o
te piha haapiiraa.
4. Ia faanaho i te mau api parau faaî no te tuatapaparaa utuafare no te
tapa‘o i te haamaramaramaraa no te hiero no te utuafare na te melo
tata‘itahi o te piha haapiiraa.
5. Mai te mea te vaira to outou ti‘a tauturu no te ohipa tuatapaparaa
aamu utuafare paroita, amaa, t¥t¥, e aore ra misioni, a ani ia’na i te
mau faanahoraa e faaohipahia no te tuuraa i te mau i‘oa no te ohipa
hiero. Mai te mea e nehenehe, faanahonaho ia haapii oia i te hoê
tuhaa no te haapiiraa. Mai te mea e aita tera taata, e nehenehe ta
86

Haapiiraa 8
outou e ani atu i teie mau faanahoraa i to outou Pû Aamu Utuafare i
to outou na vahi, mai to outou feia faatere o te autahu‘araa, e aore ra
mai te hoê hiero fatata mai io outou.
6. Faataa i te mau melo o te piha haapiiraa ia faati‘a mai i te mau
aamu, te mau papa‘iraa mo‘a, e aore ra te mau faahitiraa parau o ta
outou e hinaaro.
87

88
TE FAAITERAA
I TE EVANELIA
Haapiiraa 9
Te tumu no teie haapiiraa no te faaitoito ïa ia tatou ia faaite papû i te
evanelia
Omuaraa
I roto i te aamu i muri nei te faaite nei te hoê melo faafariu e mea
nahea oia e to’na utuafare i te faaôraahia i roto i te Ekalesia :
« I muri noa iho i to matou tauiraa i to matou nohoraa, tei roto vau i te
aua i te ohiparaa e ua horo‘a maira te hoê o te mau taata e parahi ra i
pihaiiho noa mai i te tahi mau tomati no ofati-noa-hia mai ra. O tera te
haamataraa no to matou auhoaraa.
« I te mau ava‘e i muri mai, ua faaite roa mai to matou nei mau hoa e
ei mau hoa papû mau ratou ... no matou. Aita ratou i taia a‘u nei paha
e rahi roa ai ta ratou faanahoraa hoa i ni‘a i to matou utuafare mai te
huru ra e ua riro roa to matou utuafare ei utuafare ato‘a no ratou. Ua
mauruuru roa matou no ta ratou mau faraoa i horo‘a mai na matou i te
mau hepetoma ato‘a, te maa i te hoê ahiahi no te mea e ma’i rahi to‘u;
te amuraa ice-cream i to matou ho‘iraa mai i te fare...
« Mea ani pinepinehia matou ia haere i te mau ohiparaa a te Ekalesia
ma te faahepo ore ia haere. Ia haere ana‘e matou i te mau ohiparaa, e
haere mai te tamahine a to matou hoa e haapa‘o i ta matou aiu–e te
tahi taime aita oia e hinaaro ia aufauhia oia.
« I muri a‘e i te hoê mahana ohipa rohirohi, e ani mai to‘u hoa ia‘u ia
haere i te pureraa Sotaiete Tauturu na muri ia’na. To‘u hinaaro mau ra
maoti râ ia faaatea noa i te fare i te hoê taime. Are‘a râ ia tae ana‘e au i
rotopu ia ratou e mea faarii poupouhia mai au e te mau tuahine no te
hoê maororaa hoê matahiti hou matou a bapetizohia ai...
« I muri a‘e i te hoê pu‘e tau, ua ite matou i roto i to matou aau e te
hinaaro roa nei matou ia faariro i to matou oraraa mai to ratou ra. Ua
anihia maira matou ia haere i te pureraa i te mau Mahana Sabati e ua
haamata ihora i te haere i roto i te haapiiraa na te mau hoa no te
Ekalesia i te hoê taime i te hepetoma.

Haapiiraa 9
« I te ava‘e no mati 1976 ua tomo ihora matou i roto i te pape no te
bapetizoraa.
« Aita i maoro noa iho i muri mai ua faaroo matou i te hoê a‘oraa taa
ê i roto i te pureraa oro‘a no ni‘a i te hoê taata o tei taia i te faaite i te
evanelia a‘u nei e rahi roa atu ai ta’na raveraa–e ua tia‘i tera utuafare
hoê ahuru matahiti te maoro. Ahuru matahiti, ia mana‘o vau. Teihea
pa’i ïa matou i roto i tera ahuru matahiti ahiri e aita matou i roto i
te Ekalesia i teie nei ? Ua horuhoru roa ino to‘u aau maoro noa te
faaotiraa te pureraa ua hinaaro roa vau e farerei i to‘u mau hoa i
rapae mai te fare pure.
« ’Mauruuru maitai i te faaiteraa mai i te evanelia ia matou’ o tera
te parau i matara atu mai roto atu i to‘u vaha. Mea rahi atu â te mau
parau ta‘u i hinaaro e parau, ua rava’i noa râ tera. Ua tahe to‘u
roimata, a parau noa ai matou i te mau parau auhoaraa e te tape‘a te
tahi i te tahi, e ua ite roa ino vau e vai te reira no teie tau e no te tau
amuri atu » (Doris E. Heydon, faahitihia e Jay A. Parry, « Converts
Tell ... What Brought me In », Ensign, fepuare 1978, 43).
■ E aha ta teie utuafare i rave no te faaineine i te mau taata i pihaiiho
noa mai ia ratou ia faarii i te evanelia ?
■ A ani i te mau melo no te piha haapiiraa ia feruri hohonu no te hoê
taime, o vai te feia o ta ratou e haere e faaite i te evanelia i teie
mahana.
Faaiteraa i te evanelia–to tatou piiraa mai ô mai i te Fatu ra
■ Faaite i te hoho‘a 9-a, « E misionare te melo tata‘itahi. »
Ua faaue te Fatu na roto mai i Ta’na mau peropheta i te melo paato‘a o
te Ekalesia ia faaô i roto i te ohipa misionare. Te mana‘o ra paha te tahi
pae o tatou e te ohipa misionare na te mau misionare tamau ana‘e te
reira ohipa. E hopoi‘a râ na tatou paato‘a o tei bapetizohia ia ani i te
tahi pae ia faarii i te mau haamaitairaa o te evanelia. Ua parau te Fatu :
■ E teie faahou â, te parau atu nei au ia outou e, te horo‘atu nei au ia
outou te hoê faaueraa, ia haere te mau taata atoa, te peresibutero, te
tahu‘a, te haapii, e te mau melo atoa ho‘i, mai to’na puai atoa, mai te
ohipa o to’na ra rima, ia faaineine e ia faaoti ho‘i i te mau mea ta‘u i
faaue ra.
■ E ia riro ta outou a‘oraa ei reo faaaraaraa, te taata atoa i to’na ra taata
tupu, na roto i te maru e te haehaa » (PH&PF 38:40–41).
■ No te aha te Metua Here i te Ao ra i hinaaro ai ia tatou ia faaite i te
evanelia ? (Te ti‘aturi nei Oia i ni‘a ia tatou no te opere i te evanelia ia
89

Haapiiraa 9
90
ratou o tei ore â i faaroo atura ia nehenehe i te taato‘araa o Ta’na mau
tamarii ia oaoa i te mau haamaitairaa).
■ E aha te mau haamaitairaa o te evanelia o ta tatou e faarii e o ta tatou
e hinaaro nei ia vetahi ê ia faarii ? (Te hoê haamaitairaa maoti râ te
iteraa e mau tamarii tatou na te hoê Metua Here i te Ao ra, o ta tatou
e nehenehe e pure atu no te tauturu mai e no te arata‘i mai. E tauturu
mai te evanelia ia tatou ia oaoa i roto i teie oraraa e ia ora tiamâ no te
parahi atu i pihaiiho i to tatou Metua Here i te Ao ra i roto i te oraraa
i mua nei. E tauturu te evanelia ia tatou ia faariro i to tatou utuafare
ei utuafare mure ore).
Te vai ra te tahi o to tatou mau hoa e te mau fetii o te ore roa e faarii i te
mau haamaitairaa o te evanelia e tae noa’tu e ua haapa‘o maitai tatou ia
ratou ma te faariroraa ia tatou ei mau misionare papû. Eita roa paha
ratou e ani mai ia haapiihia ratou i te evanelia maoti râ ia parau tatou i
te reira ia ratou. E parau mau roa e na roto i te hi‘oraa maitai no te mea
o ta tatou e ti‘aturi nei ei tuhaa ïa no te misionare, e mea ti‘a ato‘a râ
tatou ia imi te mau rave‘a no te parau i te taata i to tatou mau ti‘aturiraa.
Ua parau te Fatu: « No te mea te vai nei â te mau taata e rave rahi i ni‘a
i te fenua nei i rotopu i te mau haapa‘oraa ato‘a, te mau p∂p∂, te mau
huru ekalesia, o tei haamatapohia na roto i te paari huna o te taata nei,
na roto i te reira ratou e tia ai ia haavare atu, e o tei faaerehia’tu i te
parau mau no te mea ana‘e aita ratou i ite i te vahi te reira e itea mai
ai » (PH&PF 123:12).
Faaite-papû-raa i te Evanelia
Ua horo‘a mai te peresideni Spencer W. Kimball i te tahi mana‘o tauturu
ia tatou no te faaite papû i te evanelia: « Na oe te metua, e arata‘i. Na
roto i te ohipa amuiraa e te utuafare, e rahi atu â te ohipa e oti. A maiti
na roto i te pure, i te hoê e aore ra e piti utuafare no te faahoa atu. A
faaoti o vai i rotopu i to outou mau fetii e aore ra to outou mau hoa o ta
outou e faaô atu i roto i te Ekalesia. Penei a‘e paha e faanahonaho outou
i te hoê pureraa pô utuafare e o ratou ... e aore ra e faaohipa i te tahi atu
mau rave‘a. E ia anaanatae mai teie mau utuafare, faaau na roto atu i to
outou taata faatere i te ohipa misionare o te paroita e aore ra amaa no te
ani atu ia ratou e i te mau misionare i roto i to outou utuafare no te
horo‘a atu i te poro‘i no te Faaho‘iraa. Mai te mea e apee outou i tera
arata‘iraa ohie roa, e rahi ïa te mau utuafare maitai o ta outou e faaô mai
i roto i te Ekalesia » (Sharing the Gospel through Priesthood Missionary
Service [filmstrip, 1975]).

9-a, E mea ti‘a ia riro te melo tata‘itahi ei misionare.
91

Haapiiraa 9
E rave rahi o tatou o te hinaaro nei ia faaite i te evanelia ia vetahi ê no
to tatou ïa here e no to tatou tau‘araa ia ratou. Aita râ te tahi pae o tatou
e ite ra e nahea i te opere i te evanelia, e te tahi pae te taia nei â ia rave.
E nehenehe i te faanahonahoraa i muri nei i te tauturu ia tatou ia opere
papû i te evanelia.
■ Faaite i te hoho‘a o te tabula i muri nei, e aore ra a hi‘o i te haamaramaramaraa
i ni‘a i te tapura papa‘i :
Maiti na roto i te pure i te hoê utuafare e aore ra i te hoê taata
Na mua roa, maiti na roto i te pure i te hoê utuafare e aore ra i te hoê
taata no te faaite atu i te Ekalesia. E mea faarii ohie roa te mau taata i
muri nei:
1. O ratou o tei faarii i te hoê tauiraa rahi i roto i to ratou mau oraraa
(mau taata apî tei faaea mai i to outou na tuhaa e aore ra te hoê
fanau apî, te hoê faaipoiporaa apî, e aore ra te hoê tei pohe noa’tu
ra i roto i te utuafare).
2. O ratou o tei haere a‘e nei i te hoê pureraa a te Ekalesia e aore ra
te hoê ohiparaa a te Ekalesia, tei haere i te hoê uputa iriti no te hoê
hiero, no te hoê vahi faaiteiteraa a te Ekalesia, te hoê vahi no te aamu
o te Ekalesia, e aore ra i te hoê fare pure a te Ekalesia, tei mata’ita’i i
te hoê faanahonahoraa a te Feia Mo‘a i te Mau Mahana Hopea Nei; e
aore ra tei faaroo i te P∂p∂ Himene a te Fare Menemene.
3. O ratou ei mau hoa no te mau melo no te Ekalesia.
4. O ratou e fetii to ratou i rotopu i te mau melo o te Ekalesia (te hoê
tuhaa utuafare ei mau melo no ratou e aore ra ei mau fetii no ratou
o tei faafariuhia mai i roto i te Ekalesia).
92
Nahea ia faaite papû i te Evanelia
1. Maiti na roto i te pure i te hoê utuafare e aore ra i te
hoê taata.
2. Faahoa i te utuafare e aore ra i te hoê taata.
3. Faaite i te utuafare e aore ra i te hoê taata i te
Ekalesia.
4. A ani i te utuafare e aore ra i te taata ia farerei i te
mau misionare.

9-b, Ia riro ei hoê misionare maitai ia riro ïa ei hoê hoa maitai.
93

Haapiiraa 9
5. O ratou o tei anaanatae e aore ra o te hinaaro ra ia ite no ni‘a i te
Ekalesia (o ratou o te ui nei no ni‘a i te Ekalesia, o ratou o te parau
maitai nei no ni‘a i te mau melo o te Ekalesia, tei faaite i to ratou
anaanatae i ni‘a i te mau parau tumu e te mau ti‘aturiraa o te
Ekalesia e aore ra o ratou o te imi nei i te hoê faaroo apî).
Ua parau te peresideni Gordon B. Hinckley: « E ere roa’tu te evanelia
i te hoê mea o te faahaamâ. O te hoê mea râ no te faateitei. ‘Eiaha oe e
haama i te parau o to tatou Fatu,’ta Paulo ïa i papa‘i ia Timoteo ra
(2 Timoteo 1:8). Tei te mau vahi ato‘a te mau rave‘a no te faaiteraa i te
evanelia » (« Find the Lambs, Feed the Sheep », Ensign, me 1999, 105–6).
Faahoa i te utuafare e aore ra i te taata hoê.
■ Faaite i te hoho‘a 9-b, « Te riroraa ei hoê misionare maitai maoti râ ia
riro ato‘a ei hoa maitai. »
Ia riro te upoo o te utuafare ei hi‘oraa maitai na to’na mau melo o te
utuafare i roto i te faahoaraa i te mau melo ore.
■ Nahea tatou e riro ai ei mau hoa no te mau melo ore e aore ra no te
mau taata tata‘itahi ? (Teie te tahi mau hi‘oraa, ei taata oaoa noa, ei
taata faaroo maitai, haamana‘o i to ratou mau i‘oa, e rave te tahi mau
ohipa maitai no ratou, paraparauraa e o ratou no ni‘a i to ratou mau
hinaaro, te hahaereraa i to ratou utuafare, te ani manihiniraa ia ratou
ia haere mai i to ratou fare, te haere amuiraa i te mau faaoaoaraa, e
rave amuiraa i te tahi mau ohipa no te faaite ia ratou e ua here tatou
ia ratou).
I roto i te aamu i muri nei te faaite ra te hoê taata e mea nahea te
faahoaraa i arata‘i ai ia’na i te Ekalesia:
« I roto i te raveraa ohipa te vai nei te hoê taata rave ohipa e ua matau
roa ino maua ia maua iho. Ua roaa roa ia‘u i te faatura i tera hoa. E a
rahi noa’tu ai to mau auhoaraa, e paraparau maua na ni‘a i to maua na
utuafare e ta matou mau ohiparaa, o te arata‘i i te Ekalesia ra. Ua nehenehe
ia‘u ia parau e na te Ekalesia i faariro ia’na e to’na utuafare ei mea
taa-ê–e hi‘oraa maitai roa–ia faaauhia i te rahiraa o te mau taata. Aita i
maoro roa ua haamata maua i te paraparau no ni‘a i te mau haapiiraa a
te Ekalesia, aita râ oia i faahepo noa a‘e ia‘u e aore ra i poro mai ia‘u i
te evanelia... Te hoê mahana i te taime faafaearaa avatea ua ani mai oia
e aita râ anei au e hinaaro ia ite hau atu â... [Ua faarii to‘u nei utuafare i
te mau haapiiraa misionare] i to’na ra fare.
« Ahiri e aita te hiaairaa mau e te anaanataeraa rahi o Brooks i to‘u
utuafare, aita vau e mana‘o e riro mai matou ei mau melo no te ekalesia
mau roa e ia faarii i te maramarama e te ite no to tatou Metua Here i te
94

9-c, Faaiteraa i te evanelia o te hoê ïa haamaitairaa.
95

Haapiiraa 9
Ao ra e i ta’na mau faanahonahoraa no tatou » (Keith Knoblich, quoted
by Jay A. Parry, Ensign, fepuare 1978, 39).
Ua parau ato‘a te hoê taata i faafariuhia, « Mea titauhia tatou ia faahoa
na mua hou tatou a faafariu mai ai. »
Faaite i te utuafare e aore ra i te taata hoê i te Ekalesia
■ Faaite i te hoho‘a 9-c, « Faaiteraa i te evanelia o te hoê ïa haamaitairaa. »
■ Nahea tatou ia faaite i te Ekalesia i te mau taata ?
Te tahi mau rave‘a ta tatou e nehenehe e faaite i te Ekalesia i te mau
taata na roto ïa i te paraparauraa ia ratou no ni‘a i te evanelia; horo‘a
ia (ratou i te hoê Buka a Moromona e aore ra te hoê ve‘a a te Ekalesia;
faaite i to tatou iteraa papû; afa‘i ia ratou i te mau pureraa a te Ekalesia,
i te mau ohiparaa a te Ekalesia, te mau pureraa pae auahi, te mau
iritiraa uputa; ani manihini ia ratou ia haere mai i te mau pureraa pô
utuafare e te mau faaoaoaraa, ani manihini ia ratou ia haere mai i roto i
te ohipa tauturu a te Ekalesia; ani manihini ia ratou ia haere mai e mata-
’ita’i i te Fare Tuatapaparaa Aamu Utuafare a te Ekalesia. E nehenehe
ato‘a ta tatou e ani manihini i te mau taata ia haere mai i te mau oro‘a
bapetizoraa, mata’ita’i i te mau hoho‘a a te Ekalesia e o ratou, haere e
farerei i te mau taata tei faaea apî mai i to outou na tuhaa, te raveraa i
te ohipa i roto i te oraraa huiraatira.
Te hoê rave‘a faufaa roa no te faaite i te Ekalesia ia vetahi ê o te
faanahoraa i te hoê hi‘oraa maitai. Mai te mea e na reira tatou, e ite mai
te taata e ananatae mai ratou no to tatou huru taa-ê-raa.
Hau atu i te mau mea ato‘a, e mea ti‘a ia faaite tatou i to tatou here i
te mau melo ore a tutava ai tatou i te rave i te mau rave‘a no te haapii
i te evanelia. Mea hau a‘e i te maitai ia faaite tatou i to tatou mana‘o
here ia ratou i te tamata tatou i te haafatata atu ia ratou.
Ani i te utuafare e aore ra i te taata hoê ia farerei i te mau misionare
Ia ite ana‘e tatou e ua ineine te hoê taata ia faaroo i te mau haapiiraa
misionare, e mea ti‘a ia « parau afaro atu, e te maramarama ho‘i i te
aniraa ia faaroo i te mau haapiiraa misionare ma te faaohipa atu i te
mau parau ‘e faarii anei.’ Na te mau faahoaraa e faaohie i te rahiraa o
te taime i te mau aniraa noa’tu e aita te taata e hinaaro e farerei i te
mau misionare » (Church Handbook of Instructions, Book 2: Priesthood and
Auxiliary Leaders [1998], 251).
Ia ani ana‘e tatou i te mau taata ia farerei i te mau misionare eiaha roa
tatou ia taia e riri paha ratou, e aore ra eiaha tatou ia haaparuparu ia
tatou mai te mea aita ratou e faarii. Aita te aniraa ia ratou ia haapii i te
96

Haapiiraa 9
evanelia e haafifi i to tatou auhoaraa, e na te Varua e tauturu ia tatou ia
ite e aha te taime e ani faahou ai.
Ua parau te peresideni Gordon B. Hinckley: « E ohipa rahi ta tatou, e
hopoi‘a rahi ta tatou i te tautururaa ia imi i te mau taata no te haapii.
Ua tuu mai te Fatu i ni‘a ia tatou te hoê faaueraa ia haapii i te evanelia i
te mau taata ato‘a. Titauhia i te mau puai ato‘a o te mau melo
tata‘itahi » (Ensign, me 1999, 107).
■ Tai‘o i Te Parau Haapiiraa e te Mau Parau Fafau 84:85. Nahea teie
papa‘iraa e tano ai i ni‘a i te ohipa misionare ?
I roto i te mau faanahoraa no te ohipa misionare e mea titauhia ia vai
te faaroo i roto ia tatou i te Fatu ra e na roto i te pure ia imi i To’na
Varua. Ia na reira ana‘e tatou, e arata‘i mai te Varua ia tatou e tauturu
mai Oia ia tatou a rave ai tatou i te ohipa a te Fatu (a hi‘o i te PH&PF
100:5–8).
Opaniraa
Ua parau te Fatu, « E mea tia roa i te taata ato‘a o tei faaarahia ra ia
faaara’tu i to’na ra taata tupu » (PH&PF 88:81). Mai te mea e rave tatou
mai ta te Fatu i haapii mai, faaohiparaa i te mau faanahoraa i faaitehia i
roto i teie haapiiraa, e rave rahi ïa mau taata ta tatou e tauturu no te
faarii i te parau mau.
Te titauraa
Ia riro ei hoê hoa maitai e ei hi‘oraa na te mau hoa melo ore e na te
mau melo o te utuafare. A maiti na roto i te pure i te hoê utuafare melo
ore e aore ra te hoê taata melo ore no te faaite atu i te Ekalesia. Faahoa i
te utuafare e aore ra i te hoê taata e faaite i te Ekalesia ia ratou. A ani ia
ratou ia farerei i te mau misionare.
Te faaineineraa i te orometua haapii
Hou a haapii ai i teie haapiiraa :
Faataa i te mau melo no te piha haapiiraa ia faati‘a mai i te mau aamu,
te mau papa‘iraa mo‘a, e aore ra te mau faahitiraa parau o ta outou e
hinaaro.
97

98
TE FAAHOARAA:
TE HOÊ HOPOI‘A NA
TE AUTAHU‘ARAA
Haapiiraa 10
Te tumu no teie haapiiraa no te faaitoito ïa ia tatou ia haapuai i te mau
melo o te Ekalesia na roto i te autaea‘eraa.
Omuaraa
■ Tai‘o i Te Parau Haapiiraa e te Mau Parau Fafau 18:10. No te aha te
taata hoê e riro ai ei mea faufaa i te Metua Here i te Ao ra ?
Noa’tu e o vai râ tatou, te vahi ta tatou e noho nei, te reo ta tatou e
parau nei, e aore ra te p∂p∂ taata no reira tatou, te ohipa e te hanahana
a te Metua Here i te Ao ra o te faatupuraa ïa i te tahuti ore e te ora mure
ore (a hi‘o i te Mose 1:39). No te tauturu Ia’na i roto i teie nei ohipa, ua
faaho‘i faahou mai te Fatu i te autahu‘araa i ni‘a i te fenua nei e ua
horo‘a mai ia tatou i te hopoi‘a no te hereraa te tahi i te tahi mai Ta’na e
here nei ia tatou. E hopoi‘a e e ohipa na tatou ia tauturu i to tatou mau
taea‘e e te mau tuahine ia faarii i te mau haamaitairaa i faaineinehia e te
Metua Here i te Ao ra na ratou o te faarii i te faaroo.
Mea faufaa te ohipa misionare, are‘a râ aita te tautururaa i to tatou mau
taea‘e e te mau tuahine e faaea i te bapetizoraa. Ua parau te peresideni
Gordon B.Hinckley: « Aita e faufaa i te raveraa i te ohipa misionare
maoti râ ia nehenehe ia tatou i te tape‘a i te mau melo faafariuhia mai i
roto i te evanelia. Mea taamuhia na mea e piti nei. E mea faufaa teie
mau taata i faafariuhia mai. E tamaiti e aore ra e tamahine na te Atua te
taata ato‘a e faafariuhia mai. E hopoi‘a rahi e ia haapa‘o maitaihia te
taata fariu-api-hia mai. E mea titau roahia tatou ia haapa‘o ia ratou
inaha e tuhaa ratou i rotopu ia tatou » (« Find the Lambs, Feed the
Sheep », Ensign, me 1999, 108).
■ Tai‘o i te Luka 22:32. Nahea tatou, tatou te mau nei i te autahu‘araa,
ia haapuai ia vetahi ê ?
Tei ô nei tatou no te tauturu te tahi i te tahi ia haere i mua. Titauhia
tatou ia haapa‘o te tahi i te tahi mai te mau tamarii a te Fatu ra. Ua
parau te peresideni Hinckley, « Ua ite au e eita e rahi te feia e mo‘e i
rotopu ia ratou o te haere mai i roto i te Ekalesia mai te mea e haapa‘o
maitai tatou ia ratou » (Ensign, me 1999, 109).

Haapiiraa 10
Te Autaea‘eraa i roto i te Ekalesia
Te auraa no te autaea‘eraa o te faaitoitoraa ïa e te tautururaa te tahi i te
tahi ia oaoa i te taato‘araa o te mau haamaitairaa o te evanelia. O te
faaiteraa ïa i te hoaraa e te aroha, te opereraa i te maitai, e te raveraa i
te mau ohipa tauturu e te here. Te autaea‘e nei tatou na roto i te faariroraa
ia tatou ei hoa maitai e ia riro ei taata maitai i te vahi ta tatou e
noho nei.
Ia horo‘a ana‘e tatou i te taime, te mau taleni, e te mau faufaa ia vetahi ê,
te faatupu ra tatou i te varua no te hoêraa. Ua faaite o Paulo i te parau
no te hoêraa e ere atura te mau melo apî o te Ekalesia i te mau taata e’e
« hoê ato‘a râ to outou oire e te feia mo‘a » (Ephesia 2:19).
Noa’tu e te tamata nei tatou i te faaite i to tatou auhoaraa e te here i te
mau taata ato‘a, te horo‘araa i te tauturu e te hoaraa i te mau melo
itoito e aore ra i te mau melo paruparu ia ite râ tatou e, e hopoi‘a te
reira na te autahu‘araa. Te tauturu nei te Ekalesia ia tatou na roto e rave
rahi mau rave‘a. Te horo‘araa mai i te mau faanahonahoraa mai te
hahaereraa utuafare o te faaitoito ia tatou ia tavini atu i to tatou mau
taea‘e e te mau tuahine. Te mau pureraa i reira tatou e amui ai no te
haamatau te tahi i te tahi. E no te horo‘araa i te haapiiraa i roto i te
huru mau o te here e te haapa‘o maitai.
E mea ti‘a ia haapa‘o maite tatou i tera mau utuafare i rotopu ia tatou e
melo ore anei te metua tane, e aore ra te metua vahine, te tamaiti, e
aore ra te tamahine. Te hinaaro mai nei teie utuafare ia tatou. Na roto i
te autaea‘eraa ia ratou e te opereraa ia ratou i te maramarama e te here,
e nehenehe ïa ta tatou e tauturu i tera mau utuafare e te vaira te tahi
melo ore i rotopu ia ratou no te faatahoê ia ratou i roto i te evanelia.
■ Papa‘i i ni‘a i te tapura papa‘i te i‘oa o ratou o te titauhia i ta tatou
autaea‘eraa.
Te Mau Rave‘a no te Autaea‘e
Nahea tatou ia autaea‘e i te hoê taata o te turu‘i maira i ni‘a ia tatou.
Ua faaite te mau melo o te hoê utuafare e mea nahea to ratou autaea-
‘eraa i te hoê taata e’e i te pureraa : « Aita tera taata e’e i matau maitai.
Ua hi‘o noa oia i mua faatata e aita oia e huti ra i te aho. Aita roa oia
i ata noa a‘e i ni‘a i ta maua na tamarii, e mea ohie ho‘i no raua ia
faahoa. I muri a‘e i te pureraa, ua ani atu to‘u hoa faaipoipo i teie taata
ia haere mai i te fare no te amu‘amu. Ua ata’ata mai teie taata. ‘No
bapetizo-noa-hia mai nei au i teie hepetoma i mairi a‘e nei, e ua faanuu
mai au i roto i to outou paroita,’ te parau ïa a teie taata. E i te mau
hepetoma i muri mai e tapae mai oia i te fare, ma te anaanatae e te
hiaai i te (faarahi i to’na ite no te evanelia), hinaaro i te aparau i te mau
papa‘iraa mo‘a, e te ananatae atoa i roto i ta’na iho mau ohipa. E oaoa
99

Haapiiraa 10
rahi roa matou i te hi‘oraa i te tupuraa o teie taea‘e. Aita tura oia i riro
faahou ei taata e’e » (Susan Spencer Zmolek », The Strangers within
Our Gates », Ensign, mati 1976, 49).
■ E riro ato‘a te hahaereraa utuafare ei faatupuraa i te autaea‘eraa. Ua
parau te hoê vahine e mea nahea ta to’na mau taea‘e hahaere tuuraa
ia’na e ta’na tamaiti i roto i te ohiparaa : « Ua hinaaro roa vau e
haamata apî i te hoê oraraa i muri a‘e ïa i te hoê faataaraa mauiui
roa, ua rave au i ta‘u tamaiti iti e ua taui maua i te vahi faaearaa no
te faaoti-roa-raa i te haapiiraa teitei. Mai te mana‘o e mea mahanahana
tera vahi, aita tura maua i afa‘i i te mau ahu mahanahana e te
mau paraitete. Aue ïa te to‘eto‘e i roto i te fare o ta maua i faaea i tera
taime hiona, tera râ, ua taia roa ino maua i te ani i te rave‘a tamahanahanaraa
e aore ra ia ani i te tahi mau paraitete no te hoê noa
taime poto. Aita vau i matau noa a‘e i te hoê taata. Ua mana‘o tura
vau e, aita vau e tano maitai i rotopu i te mau melo i te pureraa no te
mea e vahine faataahia vau i ta‘u tane, e aita roa vau e hinaaro ra ia
faaohipa rahi i te hoê taata. Ua mauruuru roa ino vau i to te mau
taea‘e hahaere haereraa mai ! Ua hinaaro roa raua ia faariro ia maua
ei na taata faarii-poupou-hia. Ua haere tamau mai raua i te fare
noa’tu e aita ta maua e niuniu paraparau e te tahi mau taime aita
maua to te fare. E ua ani manihini mai raua ia maua ia amui atu i
roto i ta ratou mau ohiparaa utuafare. E inaha aita vau i taia faahou i
te ani atu i te tahi mau paraitete mahanahana ia ratou (as quoted by
Susan Spencer Zmolek, Ensign, mati 1976, 47–48).
■ Papa‘i i ni‘a i te tabula papa‘i i te mau rave‘a rau no te autaea‘e o tei
faaitehia i ni‘a nei.
Ia roaa ana‘e ia tatou i te here ia vetahi ê, e haere roa ta tatou autaea-
‘eraa e hau atu i te mau pureraa i te Sabati e hau atu i roto i te hepetoma.
E ô mai i roto i te autaea‘eraa te ani manihiniraa ia ratou ia haere
mai i to tatou mau utuafare, ia haere mai i roto i te mau faaoaoaraa, ia
haere mai i roto i te ohiparaa a te Ekalesia. E tapa‘o te autaea‘eraa no te
hoê taata Feia Mo‘a mau, o ta Iesu i faaau i te na ôraa « e taata ‘e Au e
ua ite mai outou ia‘u » (Mataio 25:34–36).
Te faaite mai nei te aamu i muri nei e mea nahea ta na taea‘e toopiti
faaiteraa i te autaea‘e :
Te vaira te hoê tamaiti mo‘emo‘e e te oaoa ore. E ere oia i te mea haere
tamau i te pureraa, e aita oia e haapa‘o maitai i te mau ohiparaa a te
Ekalesia. Ua ani na taata toopiti nei, e na taata ivi raua, i teie tamaiti ia
amui mai i roto i to raua mau pureraa pô utuafare.
Aita i maoro roa, ua riro roa te ahiahi Monire ei taime faufaa no’na. Ua
faaô oia ia’na i roto i te mau aparauraa evanelia e ua roaa te hinaaro
100

TE MAU OHIPA AUTAEA‘ERAA
Te Mau ohipa i roto i to Outou Utuafare
Faatupu i te hoê tamaaraa.
Faatupu i te faaoaoaraa.
Mata’ita’i i te hoê faanahonahoraa hoho‘a i roto i te
afata teata.
Faaite i te mau hoho‘a no te utuafare.
Haere i te hoê vahi faaoaoaraa.
Faatupu i te hoê hautiraa amui.
Ohipa amui i ni‘a i te hoê opuaraa ohipa.
Te Mau Ohipa i roto i to Ratou Utuafare
Faatae i te hoê aroharaa.
Faanahonaho amui i te hoê hautiraa.
Tauturu ia ratou i roto i ta ratou faaapu anei, e aore ra
i te tata‘iraa i te hoê ohipa.
Hahaere ia ratou.
Haapa‘o i ta ratou mau tamarii.Te Mau Ohipa i roto
i te Oraraa Amui
Haere i te hoê pataraa hoho‘a.
A rave ia ratou no te afa‘i i te haapiiraa (faanahonaho
i te amuamuraa i roto i to outou utuafare i muri a‘e
i te ohiparaa).
Haere i te hoê faaoaoaraa.
Haere i te hoê ohiparaa na te mau tamarii, mai te hautiraa
popo.
10-a, Te mau ohipa autaea‘eraa
101

Haapiiraa 10
ia’na ia pure ma te tuutuu ore. E ua taui oia e ua tupu to’na iteraa
papû i te rahi no ni‘a i te parau mau.
Ua farii maite teie na taea‘e ia’na e ua faarahi i to ratou auhoaraa ma to
ratou puai ato‘a. Ua parahi amui ratou i roto i te mau pureraa a te
Ekalesia, ua ani manihini ia’na ia haere mai e tamaa i roto i to raua
utuafare, e ua tauturu ia’na i te tata‘iraa i to’na fare.
I muri mai ua na reira atu oia iho i ni‘a i te tahi pae, e ua riro mai oia ei
taata tei mau i te hopoi‘a i roto i te mau ohiparaa a te Ekalesia. I te hoê
mahana a aparau ai oia i te hoê hoa no to’na huru oaoa i roto i te
oraraa, ua ani atu tera hoa ia’na, « Mea nahea te reira i te tupuraa ? »
Ua parau atura oia, « na roto i te aroha o na hoa toopiti o te reira te
tuhaa faufaa roa ». Ua roaa ia‘u i te ti‘aturi e te paruru na roto i to raua
here, o tei tauturu mai ia‘u ia rave i te mau ohipa o ta‘u i ore a‘e nei i
mana‘o e oti ia‘u i te rave » (adapted from Relief Society Courses of
Study, 1977–78, 130).
■ Faaô atu i ni‘a i te tapura no te mau rave‘a ta teie na taea‘e i rave no
te autaea‘eraa i te hoê melo mo‘emo‘e.
Ua faati‘a te hoê taea‘e i te aamu i muri nei no ni‘a i te autaea‘eraa :
« E melo itoito o Susan Munson no te Ekalesia e ua tia‘i faaoroma’i noa
oia i ta’na tane melo ore ia faaite i te hoê mana‘o anaanatae i te Ekalesia.
E parau noa te tane, ‘E hoa, ua tano noa ia oe e te mau tamarii, aita vau
e anaanatae ra.’
« E parau mau ihoa râ te reira. E taata haama noa ato‘a ra (o Jack)... ani
roa’tura o Susan i te taea‘e Caldwell, te taea‘e faatere i te ohipa misioni
o te paroita, aita anei te tahi mea te nehenehe e rave. Ua parau maira te
taea‘e e tuu oia i tera tumu parau i roto i te apooraa hepetoma a te
misionare.
« Ua faaoti ... te p∂p∂ ia faatupu i te hoê faaanaanataeraa penei a‘e o te
reira te rave‘a no te haamata. Ua ani atura i na utuafare e toru e noho
ra i roto i taua tuhaa ra ia faanaho i roto i to ratou aua no te faahaere
mai i te mau Munsons e te mau Nobles i reira, e mau utuafare hoa teie
no te Ekalesia... Ua amui paato‘a mai na utuafare tootoru i roto i te
autaea‘eraa.
« Aita o Jack i faarii roa ia haere i reira, ua hitimahuta râ e ua oaoa oia i
te faariiraa poupou, e te auhoaraa a te p∂p∂. I te hoperaa o te ohipa, ua
paturu roa oia i te mana‘o ia faatupu â i te hoê faanahonahoraa mai te
reira te huru i na hepetoma i mua nei. Aita te hoê taata i parau noa a‘e
no te haereraa i te pureraa, area râ o Allen Westover, tei tau‘a parau i te
opuaraa no te peniraa fare a Jack, ua haere mai oia i te Mahana Maa e
102

Haapiiraa 10
ta’na e‘a— e ua ho‘i mai oia i te mau ahiahi i muri a‘e i te ohipa. Ua
tauturu ato‘a o Steve Caldwell e o Glen Rivers i te tahi mau taime.
« I roto i taua ava‘e ra a faanaho ai te p∂p∂ a te mau peresibutero i te
tahi ohipa, ua hinaaro o Jack i te tauturu ia ratou... A piri mai ai te tau
mahanahana, ua haere pinepine o Jack na muri i te mau melo o te
Ekalesia. Ua rahi te mau taime oaoaraa no ni‘a anei i te tereraa tai‘a e
te oraraa poritita e te haapa‘oraa i te mau tamarii, te faaapuraa, te
tuatapaparaa i te mau fifi i roto i te oraraa faaipoipo, te mau fifi i te
pae ohipa. Ua paraparau atoa o Jack e ua faaroo atoa. Ua haere ato‘a
oia i roto i te mau pô faaoaoaraa na muri i te mau utuafare tae noa’tu
i te mau pureraa pô utuafare e te mau aparauraa evanelia. Ua oaoa
roa ino o Susan i te hoê pô, i to Jack parauraa atu ia’na e ua ineine oia
no te taahiraa i muri mai oia ho‘i ia haapiihia oia e te mau misionare
e ... te faaôraa mai i roto i te Ekalesia. »
■ Ua parau faahou mai oia : « Aita atu e mea hau roa i te maitai maoti ‘te
faahoaraa’. Mea titauhia ia tae mai te hinaaro na mua roa. « Ua parau
mai oia e mea tano ihoa ia faaroo maitai tatou, ia oti ia imi i te mau mea
e auhia i te taata e aore ra te mau mea e ore e auhia i te taata, te mau
ohiparaa utuafare anei, e te imiraa faufaa anei. Ua parau â oia e o ratou
o tei faarii i te autaea‘eraa e mea ti‘a ia ratou ia ite e te haapa‘o tura
tatou ia ratou. (Ernest Eberhard, « That Part-Member Family », Ensign,
tiurai 1978, 38–39).
■ E aha te mau rave‘a no te autaea‘eraa i roto i teie aamu o ta tatou e
nehenehe e tuu atu i roto i te tapura mana‘o ?
■ Faaite i te hoho‘a 10-a, « Te mau ohipa autaea‘eraa. » Faaite tera mau
ohiparaa i tapurahia o tei ore â i aparauhia. A ani i te mau melo o te
piha haapiiraa ia faaite mai i te tahi mau ohiparaa no te autaea‘eraa.
Opaniraa
E hopoi‘a faufaa roa te autaea‘eraa na te autahu‘araa. E tauturu te reira
i te mau melo faafariu-api-hia e te tahi atu mau melo o te Ekalesia o te
hinaaro e te titau ra ia faaitoito ia ratou ia ohipa i roto i te Ekalesia. A
faarii ai tatou i te hopoi‘a no te tauturu ia vetahi ê ia itoito mai i roto i
te Ekalesia, e roaa ia tatou te oaoa e te mauruuru. Ua fafau te Fatu e
teie oaoa e mea mure ore ïa.
■ Tai‘o i Te Parau Haapiiraa e te Mau Parau Fafau 18:15–16. Mea nahea
te autaea‘eraa e hopoi mai ai i te oaoa ia tatou ?
■ A ani i te melo o te piha haapiiraa i faataahia ia faaite mai i to’na
iteraa papû e mea nahea te autaea‘eraa i te tautururaa ia’na.
103

Haapiiraa 10
Te titauraa
A imi i te hoê melo faafariu-api-hia mai e a faatupu i te autaea‘eraa
ia’na. Faarahi i ta outou autaea‘eraa i roto i ta outou mau hahaereraa
utuafare. Maiti i te hoê utuafare huru paruparu, e autaea‘e atu i te mau
melo no taua utuafare ra ia ho‘i mai i roto i te ohiparaa a te Ekalesia. Ia
faahoa i te taato‘araa o te mau melo o te Ekalesia, o ratou ihoa râ tei tae
apî mai. Mai te mea te vaira te hoê utuafare e ere te hoê o ratou i te
melo, a faaô i tera melo ore i roto i te mau ohiparaa a te Ekalesia.
Te faaineineraa i te orometua haapii
Hou a haapii ai i teie haapiiraa :
1. A ani i te hoê melo o te piha haapiiraa ia faaite mai i te iteraa papû e
mea nahea te autaea‘eraa i te tautururaa ia’na. E taata faafariu-apihia
mai paha oia, e melo faaho‘i-faahou-hia mai i roto i te ohiparaa a
te ekalesia, e aore ra o te hoê taata o tei tauturu i te tahi taata ê atu ia
itoito mai.
2. A faataa i te mau melo o te piha haapiiraa ia faati‘a mai i te mau
aamu, te mau papa‘iraa mo‘a, e aore ra te mau faahitiraa parau o ta
outou e hinaaro.
104

TE MAU AURAA
I TE FARE E I ROTO
I TE UTUAFARE

106
TE METUA TANE
EI PATEREAREHA
Haapiiraa 11
Te tumu no teie haapiiraa no te haapuai ïa i to tatou iteraa i te ti‘araa o
te metua ei patereareha i roto i te utuafare.
Omuaraa
■ Faaite i te hoho‘a 11-a, « Te titau nei te Fatu i te mau metua ia faatere
i to ratou mau utuafare. »
Ua parau te peresideni Spencer W. Kimball : « Ua faanahoaho te Fatu i
(Ta’na Mau Tamarii) i te haamataraa i te hoê metua no te hamani, no te
haapa‘o, e no te here e no te faatere, e te hoê metua vahine no te hamani
e no te fanau e no te faaamu e no te atuatu e no te haapii [e i te mau
tamarii] te haere mai no te here, no te faatura, e no te mauruuru te tahi i
te tahi. E faanahonahoraa rahi roa te utuafare no te oraraa i to’na hamaniraahia
e te faanahonahoraahia na to tatou Metua Here i te Ao ra » (i roto
i te Amuiraa eperera 1973, 151; e aore ra Ensign, tiurai 1973, 15).
■ E aha ta te peresideni Kimball i parau ei hopoi‘a na te metua ?
« Te ti‘araa metua e mea mo‘a e te mure ore. I roto i te mau ti‘araa ato‘a
no te tura e te hanahana e te haamoriraa o te parauhia no te Atuaraa,
ua ani oia ia tatou ia paraparau ia’na ei Metua » (Father, Consider Your
Ways (pamphlet, 1973), 2).
■ A himene « Ta‘u Metua », e aore ra a tai‘o i te mau parau (no te
Himene no. 292)
I roto i te tau no te misioni a te Faaora i ni‘a i te fenua nei, ua parau
pinepine Oia i To’na Metua e na roto i te huru mo‘a. Te faaite ra te mau
papa‘iraa mo‘a e ua ite Oia i To’na Metua, no te mea ua aparau Oia
Ia’na ra e ua rave i To’na ra hinaaro (a hi‘o i te Mareko 14:36). E mea
ti‘a ia tatou ia apee, e ia haapii i ta tatou mau tamarii ia apee, i te
hi‘oraa o te Faaora no te faatura e te faahanahana no To’na ra Metua.
■ Nahea tatou ia faaite i te faatura i to tatou Metua Here i te Ao ra ?
I to tatou metua i te tino nei ?

11-a, Te hinaaro o te Fatu ia faatere te mau metua i to ratou mau utuafare.
107

Haapiiraa 11
E mea ti‘a i te hoê metua o te mau nei i te autahu‘araa ia ora tiamâ noa
no ta’na ra mau tamarii ia pii mai ia’na na roto i te i‘oa mo‘a ei metua.
Mai te mea e na reira oia, e ineine roa oia no te oraraa mure ore ei
metua. E mana to tatou tata‘itahi ia farii i te oaoa i to tatou utuafare
e a muri noa’tu.
E Patereareha te hoê Metua no To’na Utuafare
■ Tai‘o i te Ephesia 5:23.
Ua faaue te Metua Here i te Ao ra i te tane faaipoipo e aore ra te metua
tane ei upoo faatere no te utuafare–o oia te patereareha no te utuafare.
Mea haamaitai roahia tatou te mau melo no te Ekalesia no te mea tei ia
tatou ra te autahu‘araa no te tauturu ia tatou ia riro ei mau patereareha
maitai roa atu.
Ua riro te utuafare tata‘itahi ei hoê basileia e aore ra ei hoê faatereraa
hau. O te metua tane te upoo faatere o taua hau ra, o oia te mana rahi
a‘e i roto i te fare e na’na e peresideni i ni‘a i te mau ohipa ato‘a o te
utuafare. (A hi‘o i te Joseph F. Smith, Gospel Doctrine, 5raa ed. (1939),
286–88). No ni‘a i te reira, ua papa‘i te peresideni Joseph F. Smith :
« Te tahi taime e piihia te mau peresibutero no te haamaitai i te mau
melo o te hoê utuafare. I rotopu i tera mau peresibutero te vaira paha
te mau peresideni t¥t¥, te mau aposetolo, e aore ra te mau melo no te
peresideniraa matamua no te Ekalesia. E ere i te mea tano i te metua
tane ia faaatea ia’na i roto i teie huru e ia vaiiho i te mau peresibutero
ia rave i te haamaitairaa no teie piiraa faufaa roa. Tei reira te metua
tane. E ti‘araa no’na e e ohipa na’na ia peresideni. E mea ti‘a ia maiti
oia e na vai e faatahinu, e na vai e faaoti i te pure, e mea ti‘a ia’na ia
... faatere i te reira haamaitairaa no te evanelia i roto i to’na fare »
(Gospel Doctrine, 287).
Te hinaaro nei te Fatu ia haamaitai te metua tane i te mau melo o to’na
utuafare, eiaha i te faatere noa i te utuafare. No te rave i te reira e mea
ti‘a i te metua ia faaohipa parauti‘a oia i to’na autahu‘araa no te
haamaitai ia ratou. Ua faaite o Eldred G. Smith, te Patereareha faatuhaahia
o te Ekalesia no ni‘a i te hoê vahine o tei haere mai ia’na ra no
te imiraa i te hoê haamaitairaa taa ê no te autahu‘araa. Ua parau oia :
« I to‘u aniraa ia’na no te aha oia i hinaaro ai i te hoê haamaitairaa taa ê,
aita oia i faarii ia pahono mai. Ua ite râ vau mai roto mai ia’na e, i riro na
ta’na tane faaipoipo ei melo no te Ekalesia e ua mau oia i te Autahu‘araa
a Melehizedeka, no reira ua rave au te tahi taime roa no te haapii ia’na
i te parau tumu o te faanahonahoraa o te autahu‘araa, te vahi i reira te
metua e haamaitai ai i te mau melo o te utuafare. (Ua ani au ia’na ia ho‘i)
i te fare e na ta’na tane e horo‘a i te haamaitairaa ia’na eiaha râ na‘u nei.
108

Haapiiraa 11
« Te tahi taime i muri iho ua ho‘i mai oia i to‘u piha toro‘a, ma te faaite
mai i te ohipa i tupu, e ua parau ato‘a mai i to’na mata‘u ia’na i faarue
mai ai i to‘u piha toro‘a ...
« Na ô maira oia e, te tumu oia i ore ai i faaite mai ia‘u e no te aha oia
i hinaaro ai i te hoê haamaitairaa, no te mea ïa e, aita e auraa maitai
faahou i rotopu ia’na e ta’na tane, e ua faaho‘i au ia’na i te fare e na
ta’na tane e haamaitai ia’na. No reira oia i ore ai i au.
« E ua na ô mai â oia, « O tera te hoê ohipa tei hau roa i te faahiahia
o tei tupu’ Ua parau mai oia e ua ho‘i oia i te fare, e ua pure oia no te
reira, ua feruri noa oia, e ua faaitoito noa oia i te ani i ta’na tane no te
haamaitairaa. Oia mau, ua maere roa te tane, tera râ ua faaoromai oia,
ua vaiiho oia i te tane ia feruri rii, e ia pure no te reira, e inaha ua
horo‘a oia te haamaitairaa. Ua parau faahou maira oia e « A tahi nei
to maua oraraa i roto i te utuafare i maitai ai mai tera ihoa taime oia a
haamaitai ai ia‘u’ « (i roto i te Conference Report, eperera 1965, 115;
e aore ra te Improvement Era, tiunu 1965, 534).
O te fare te vahi e haere ai te utuafare i mua–te utuafare e te taata hoê.
No te faaitoito i teie haereraa i mua e mea ti‘a i te metua ia peresideni
tamau i roto i te fare na roto i te here, te paari, e te maru, e te maramarama,
e te faaoromai. Ei patereareha i roto i te fare, e mea ti‘a i te metua
ia riro ei hi‘oraa maitai no te arata‘iraa. Ia vai te faaroo e te haapa‘o
maitai i te mau metua o te faatere i to ratou mau utuafare i roto i te
oraraa parauti‘a i ni‘a te fenua nei e na te reira e tauturu ia ratou ia
ora tiamâ e a muri noa’tu.
Ei mau patereareha i roto i to tatou mau utuafare e mea ti‘a ia tatou ia
faatura maite i ta tatou vahine faaipoipo e ta tatou mau tamarii.
■ Tai‘o i te Ephesia 5:25–28. Nahea tatou i ni‘a i ta tatou vahine
faaipoipo ?
■ Tai‘o i te Ephesia 6:4. Nahea te mau metua ia turu i ta ratou mau
tamarii ?
Ua parau te peresideni N. Eldon Tanner, « Ia ite ana‘e te hoê taata e
metua tahuti oia no te hoê varua tamarii na te Atua, eita oia e nehenehe
e ape i ta’na hopoi‘a no te atuatu i tera tamarii na roto i te here
e te aroha » (« Fatherhood », Ensign, tiunu 1977, 2).
■ Tai‘o i Te Parau Haapiiraa e te Mau Parau Fafau 121:41–45. Nahea
teie mau parau a te Fatu e tauturu ai ia tatou ia riro ei mau patereareha
maitai i roto i to tatou mau utuafare ?
109

Haapiiraa 11
Te vaira i roto i te mau papa‘iraa mo‘a e rave rahi mau aamu no ni‘a i
te mau metua o tei riro ei mau patereareha maitai. O Alama te Tamaiti
tei haaputuputu i ta’na mau tamaroa e ua horo‘a i te tamarii tata‘itahi i
ta’na a‘oraa e ta’na haamaitairaa (a hi‘o i te Alama 35:16). Ua haapii te
Arii Beniamina i ta’na mau tamaroa ia maramarama i te mau papa‘iraa
mo‘a (a hi‘o i te Mosia 1:2). Na mua a‘e o Adamu e o Lehi i te poheraa,
ua haamaitai raua i ta raua mau tamarii (a hi‘o i te PH&PF 107:53;
2 Nephi 3: 1–25; 4:1–11). Mea na roto i te mana o te autahu‘araa to teie
mau peropheta raveraa i ta ratou mau hopoi‘a patereareha no to ratou
mau utuafare. Na roto ato‘a tatou i te mana o te autahu‘araa e nehenehe
ai tatou e horo‘a i te mau haamaitairaa patereareha parauti‘a i to
tatou mau utuafare.
Arairaa i te Mau Titauraa o te Utuafare
Ei patereareha no to’na utuafare, e hopoi‘a na te hoê metua i te tauturu
i te mau melo o te utuafare no te arairaa i to ratou mau titauraa. A tahi,
te vai nei Te titauraa a te melo tata‘itahi mai te maa, te fare, e te ahu.
■ E aha atu â te tahi mau titauraa a to tatou mau utuafare ? (Papa‘i i te
mau mana‘o i muri nei i ni‘a i te tapura papa‘i).
Ia Hinaarohia e ia Herehia
E nehenehe ta tatou e faatupu i te mau titauraa a te mau melo no to
tatou utuafare no te here e te faariiraa ia ratou na roto i te parauraa atu
ia ratou e ua here tatou ia ratou. Ua horo‘a o Elder Loren C. Dunn i te
hoê hi‘oraa no te reira :
« Te haamana‘o nei au i te hoê hautiraa taata ora tei tavirihia ei hoho‘a
teata. E hoho‘a ïa no ni‘a i te mau metua e hoê ana‘e ta raua tamarii,
e tamaroa, tei ho‘i mai i te fare na roto mai i te aua faehau. E ere te
metua e te tamaiti i te mea afaro roa. E na taata ho‘i raua tei here te
tahi i te tahi aita râ raua e ite ra e nahea ia parau i te reira, e no reira ua
tupu mai te ma’inoinoraa i rotopu ia raua no te mea ua mana‘o te tahi
e aita te tahi e au ra ia’na...
« Te vahi puai mau o teie hauti maoti râ i te taime ïa te tamaiti i parau
atu ai i te hoê parau mai teie te huru :
« ’Papa, i au ore noa na vau ia oe mai to‘u na’ina’iraa no te mea aita oe
i parau noa a‘e mai ia‘u e ua here oe ia‘u, are‘a râ ua ite au i muri mai e
aita ato‘a vau i parau a‘e nei ia oe e ua here au ia oe. No reira, e Papa,
te parau atu nei au ia oe i teie nei: Ua here au ia oe.’
« No te hoê taime roa ua haharu te metua e te tamaiti ia raua e ua apa
te tahi i te tahi na roto i te here e te mauruuru no te rahiraa o te mau
matahiti i haerehia mai » (i roto i te Conference Report eperera 1969,
22–23; e aore ra te Imrovement Era, tiunu 1969, 52–53).
110

Haapiiraa 11
■ No te aha e ti‘a ai ia tatou ia parau i te mau melo o te utuafare e ua
here tatou ia ratou ? Nahea atu â tatou i te faaite ia ratou e mea hinaarohia
e mea herehia ratou ?
Ia Vai te Faatura Ia’na IHo
E nehenehe ta tatou e tauturu i te mau melo o to tatou utuafare ia patu
i te faatura ia’na iho na roto i te haapoupouraa i ta ratou mau ohipa i
rave. E nehenehe ta tatou e haapii ia ratou e e mau tamarii ratou na te
Atua e ia tauturu ia ratou ia faatupu i to ratou mau taleni. E tauturu
teie mau mea ato‘a ia ratou ia patu i te ti‘aturiraa, te hoê hi‘oraa afaro,
e te hoê mana‘o e mea faufaa ratou. E mea ti‘a ia imi tamau te mau
metua i te mau rave‘a no te haapoupou e no te faaitoito i ta ratou mau
tamarii. E mea ti‘a ato‘a i te mau tamarii ia faaite i to ratou mauruuru i
to ratou mau metua. Ua parau te hoê metua : « E haapoupou noa vau i
ta‘u mau tamarii i roto i te pureraa pô utuafare e aita vau e faahapa na
ia ratou. E mea hau na‘u ia parau atu ia ratou i te mea tano o ta ratou i
rave eiha râ i te ohipa hape ta‘u i ite ia ratou i te raveraa » (quoted by
George Durrant », A Gift from Heaven, « Ensign, mati 1971, 7).
Ia Roaa te hoê Tumu i roto i te Oraraa
Te hiaai nei te taata ato‘a ia ite e te vaira te hoê auraa i roto i te oraraa.
E nehenehe ta tatou e tauturu i te mau melo o te utuafare ia faaî i te reira
na roto i te haapiiraa ia ratou i te evanelia. E mea titauhia ia ite te taato-
‘araa e te oraraa tahuti nei no te tauturu ia tatou ia tupu e ia riro mai
te Atua ra te huru. Mea titauhia tatou ia haapii i ta tatou mau tamarii
e te tumu tatou i ni‘a i te fenua nei no te imi ïa i te hau e te oaoa e no te
faaineine ia tatou ia ho‘i i mua i te aro o to tatou Metua Here i te Ao ra.
Ia Roaa i te Faatere Ia’na iho e ia Nehenehe ia Rave i te Ohipa
Ua anihia i te taea‘e Glenn E. Nielson, te peresideni no te hoê taiete
rahi mori, i te hoê taime e o vai te orometua i haapii maitai ia’na i roto
i to’na oraraa. Ua pahono oia : « O to‘u metua ... tei haapii mai ia‘u e ia
rave faaoti maitai i te ohipa ma te oaoa. Ua haapii mai oia ia‘u e nahea
ia patia i te auri patia e ia nuu i mua e ia patia i te mea e vaira i mua,
e ua na ô faahou mai oia, ‘E mea ohie e mea mama te mau ohipa ato‘a
mai te mea e rave maitai oe i te reira eiaha râ e haavarevare’ » (Church
News, 25 mati 1978, 2).
■ Faaite i te hoho‘a 11-b, « Titauhia i te mau metua ia haapii i ta ratou
mau tamarii i te rave i te ohipa. »
Te faufaa no te haapiiraa i te ohipa tei faaitehia i roto i te aamu i muri nei
: « E piti na taata paari i te hoê mahana e tau‘a parau noa ra raua no ni‘a
i to raua oraraa e ta raua mau tamarii. No oti noa’tu ra te haapiiraa teitei
a te tamaiti paari a John e ua tapurahia oia i ni‘a i te tapura o te mau
111

112
11-b, Ia haapii te mau metua i ta ratou mau tamarii i te ohipa.

Haapiiraa 11
tamarii faahiahia i roto i te taatoaraa o ta’na mau haapiiraa. Are‘a te
tamaiti a Jim ua faautu‘ahia ïa no te hoê taparahiraa taata e ua tape‘ahia
oia i te fare auri. O John raua o Jim i ora fatata noa na raua ma te pe‘ape‘a
ore e ua ite raua i te paariraa mai ta raua na tamaiti. Ua hauti amui
na teie na tamarii e ua haere amui raua i te haapiiraa. E i roto i ta raua
tau‘araa parau ua na ô atura o Jim, « Te mea i faataa-ê i te oraraa o ta
taua na tamarii no te mea ïa e ua faaamu oe i te hoê puaatoro, e John. Te
haamana‘o nei au ia hauti ana‘e na tamaiti nei, e ho‘i ‘oi‘oi ta oe tamaiti
no te haere e faatê i te û e e faaamu i te puaatoro. No to oe tape‘araa i
tera puaatoro ua haapii oe i ta oe tamaiti ia faarii i te amo i te hopoi‘a’
»(1967–68 Priesthood Study Course: Aaronic Priesthood–Adult, 35).
Ia horo‘a tatou i te ohipa i ta tatou mau tamarii e ti‘a ai. E ia horo‘a
ato‘a tatou i te tiamâraa ia ratou ia rave i te ohipa e ia tatara i te mau
fifi o te itehia i roto i te ohipa; eiaha tatou e rave i te ohipa na ratou ia
tauturu râ ia ratou ia manuia i ni‘a i ta ratou mau hopoi‘a... (A hi‘o i te
haapiiraa 15, « Sharing in Family Work. »)
Faatupuraa i te Mau Titauraa Varua a te Mau Melo o te Utuafare
E ti‘araa e e hopoi‘a na te metua e mau nei i te autahu‘araa i te
haamaitai i te mau melo o to ratou utuafare e ma te faatere maiteraa
te autahu‘araa e ia rave i te mau oro‘a o te autahu‘araa no ratou.
E nehenehe i te mau metua e arata‘i e e haamaitai ia ratou i roto i
te mau faanahoraa i muri nei :
1. peresideni i roto i te fare.
2. Arata‘i i te mau uiuiraa no ta ratou mau tamarii tata‘itahi. (Ua parau
te peresideni N. Eldon Tanner e ua uiui to’na metua ia’na i to’na
apîraa : « Ua parau mai oia ia‘u e mea faufaa roa te autahu‘araa e,
e aha te mea e titauhia ia‘u ia rave ia vai tiamâ noa no taua autahu-
‘araa ra. O oia to‘u hoa maitai roa a‘e » (i te Amuiraa, atopa 1978, 58;
e aore ra Ensign, novema 1978, 41).
3. Horo‘a i te mau haamaitairaa no te tamahanahana i ta ratou mau
vahine e te mau tamarii (na te feia ana‘e e mau nei i te Autahu‘araa
a Melehizedeka).
4. Haamaitai i te taata ma’i i roto i to ratou mau utuafare (na te feia
ana‘e e mau nei i te Autahu‘araa a Melehizedeka).
5. Faarii i te heheuraa e te faaururaa no to ratou mau utuafare.
6. Faatupu i te mau pureraa utuafare i te po‘ipo‘i e i te ahiahi.
7. E pii i te mau melo o te utuafare no te pure e no te haamaitai i te maa.
8. Faatupu i te pureraa pô utuafare i te mau pô Monire ato‘a.
113

Haapiiraa 11
9. Faaitoito i te mau melo o te utuafare ia faaô i roto i te ohipa misionare,
te tuatapaparaa aamu utuafare, e te mau oro‘a hiero.
10. ia riro ei hi‘oraa maitai e ia haapa‘o i te mau faaueraa.
11. Faatupu i te mana‘o no te here e te maramarama i roto i te fare.
■ A ani i te melo e mau nei i te autahu‘araa i faataahia ia faaite mai i
to’na iteraa papû no te oaoa no to’na riroraa ei tuhaa no te hoê utuafare
no te here.
Opaniraa
I roto i te faanahonahoraa a te Fatu, o te mau tane faaipoipo e te mau
metua te mau upoo no to ratou mau utuafare e te mau patereareha no
to ratou mau utuafare. Mea na reira te hoê metua i te faatupu i e hoê
auraa no te here, no te ti‘aturi, e no te ohipa amuiraa e ta’na vahine e
te mau tamarii e ia tau‘a oia i te mau titauraa totauturu o te melo tata‘itahi
o te utuafare. Na teie mau uiraa i muri nei e tauturu ia’na ia ite e
nahea ia faahaere ia’na i mua :
1. Te rave ra anei au i te taime no te tau‘araa i to‘u utuafare ?
2. Te faaite ra anei au i te faatura i te mau mana‘o, te mau hiaai, te
faufaa, e te vai tura o te mau melo o to‘u utuafare ?
3. Te faarii ra anei au e mea faufaa te melo tata‘itahi o to‘u utuafare ?
4. Te parau ra anei au i te mau melo o to‘u utuafare e ua here au ia
ratou ? Te faaite ra anei au ia ratou i to‘u here ?
Ua faaite te peresideni N. Eldon Tanner, « E oaoaraa e e haamaitairaa
e e hopoi‘a teimaha roa, te riroraa ei metua tane e ei patereareha no
te hoê utuafare, e te tamataraa no te haapii e no te faaineine i te mau
melo o te utuafare ia ho‘i i mua i te aro o to ratou Metua Here i te Ao ra,
i reira te utuafare e tamau ai i te oaoa amui no te hoê oraraa mure ore »
(Ensign, tiunu 1977, 2).
Te titauraa
Te Mau Tane Faaipoipo e te mau metua : Ia maramarama outou i ta outou
hopoi‘a ei patereareha i roto i to outou fare. A aparau i teie e to outou
hoa faaipoipo i roto i te hepetoma, e ia faarii i ta’na paturu i te tautururaa
mai ia oe no te rave i ta oe mau ohipa. Faahanahana i to metua,
o oia to oe patereareha noa’tu i muri a‘e i to oe faaipoiporaa.
Te Feia Apî Tamaroa e te mau tane faaipoipo-ore-hia : Faahanahana i to
outou autahu‘araa. Faaineine ia outou ia riro ei patereareha parauti‘a i
roto i to outou utuafare. Faahanahana i to metua, o oia te patereareha i
roto i to outou utuafare.
114

Te tahi atu mau papa‘iraa mo‘a
Haapiiraa 11
■ Deuteronomi 6:1–7 (ia haapii te mau metua i ta ratou mau tamarii ia
here i te Fatu e ia haapa‘o i Ta’na mau faaueraa).
■ Iosua 24:14–15 (maiti e o vai o ta outou e tavini)
■ 1 Timoteo 3:4–5 (e faatere maitai te mau metua i to ratou mau utuafare)
■ Te Parau Haapiiraa e te Mau Parau Fafau 75:28–29 (na te mau metua
e arai i to ratou mau utuafare)
Te faaineineraa i te orometua haapii
Hou a haapii ai i teie haapiiraa :
1. Tai‘o i Te Mau Ohipa e te Mau Haamaitairaa o te Autahu‘araa,
Tuhaa 1, haapiiraa 12, « Te Hopoi‘a a te Metua no te pae Totauturu
o To’na Utuafare. »
2. Faaineine i te mau melo o te piha haapiiraa ia himene i te haamataraa
o te haapiiraa « Ta‘u Metua » (Himene no).
3. Faataa i te hoê melo e mau nei i te autahu‘araa e utuafare maitai e te
vaira te here i roto ia faaite mai i to’na iteraa papû no te oaoa o ta’na
e ite ra i roto i to’na utuafare.
4. Faataa i te mau melo o te piha haapiiraa ia faati‘a mai i te mau aamu,
te mau papa‘iraa mo‘a, e aore ra te mau faahitiraa parau o ta outou e
hinaaro.
115

116
TE FAATERERAA
TANO I TE UTUAFARE
Haapiiraa 12
Te tumu no teie haapiiraa no te faaitoito ïa ia tatou ia imi e ia apee i te
faaururaa a te Varua Maitai i roto i te arata‘iraa i to tatou mau utuafare.
Omuaraa
Ua faati‘a o Elder Bruce R. McConkie i te aamu i muri nei no te aha e
mea ti‘a ia faaroo tatou i te Varua.
« Te hoê o te mau mea o ta‘u e haamana‘o nei i to‘u tamariiraa oia ho‘i
te hororaa na ni‘a i te puaahorofenua na roto i te hoê faaapu apara. Ua
rohirohi e ua pêpê roa te puaahorofenua, e ua vaiiho vau i te parahiraa
i te fare.
Are‘a râ i te hoê mahana ua ri‘ari‘a roa vau i to‘u hororaa, e ua horo te
puaahorofenua na roto i te faaapu. Ua taorahia vau i te ao‘ao, hoê avae
tarere noa i raro. Ua tape‘a noa vau i ni‘a i te hoê iripuaa tahito roa
faatata i te mutu... E motu teie iripuaa i to‘u teimaha, ua mau râ te reira
no te hoê taime. Mai te mea e horo pûpara noa te puaahorofenua e nehenehe
teie iri puaa i te mutu e aore ra e matara mai to‘u rima atau e papû
maitai e pêpê roa vau e aore ra e pohe roa e tafifi ho‘i to‘u avae i roto.
« E ua mau ta‘ue noa te puaahorofenua, inaha ua nehenehe i te hoê
taata i te tape‘a e i te tamaru i te puaahorofenua. Te reira ato‘a taime
ua mau mai au i roto i te pu‘e rima o to‘u metua.
« E aha tei tupu ? E aha te mea i tae mai ai to‘u metua no te faaora ia‘u
i te taime a hee ai au i raro a‘e i te puaahorofenua ?
« Te parahi noa ra to‘u metua i roto i te fare e a tai‘o noa ai i te ve‘a i
muhumuhu ai te Varua ia’na, e, ‘A horo i roto i te faaapu apara !’
« Aita oia i faataia, aita oia i tia‘i no te ani e aha râ e aore ra e aha te
tumu, ua horo râ to‘u metua tane. Ua tae oia i roto i te faaapu e aita
roa a‘e oia i ite e aha te tumu oia i tae ai i reira, ua ite maira oia i te
puaahorofenua e ua mana‘o ihora oia, mea titauhia vau ia tape‘a i teie
puaahorofenua.

Haapiiraa 12
« Ua na reira oia e ua ite ihora oia ia‘u. E mea na reira vau te faaoraraahia
mai roto mai i te ati rahi e aore ra mai roto mai i te pohe »
(« Faaroo i te Varua », Friend, tetepa 1972, 10).
■ E aha te mea i tura‘i i te metua tane o Elder McConkie ia haere i roto
i te faaapu ? No te aha e mea faufaa i te papa ia faaroo i te Varua i te
reira ihoa taime ?
■ A ani i te melo o te piha haapiiraa i faataahia no te faaite mai i te hoê
ohipa o ta te Varua Maitai i tauturu ia’na ei metua tane.
E Nehenehe i te Varua Maitai ia Arata‘i i te Utuafare
Te hoê o ta tatou mau hopoi‘a rahi roa i ni‘a i te fenua nei o te aratairaa
ïa i to tatou mau utuafare. Ua faaite o Elder N. Eldon Tanner : « Titauhia
i te metua ia ite e o te utuafare te mea faufaa roa a‘e i roto i to’na
oraraa... Tei roto i te fare te mau haapiiraa faufaa roa a‘e e haapiihia ai
e i reira e taraihia ai te mau oraraa o to tatou mau tamarii » (Ensign,
tiurai 1973, 92). Ua haapii te peresideni David O. McKay e « aita atu e
manuiraa i rapae i te utuafare e nehenehe e haamaitai i te topatariraa i
roto i te utuafare » (quoted from J. E. McCulloch, Home: The Savior of
Civilization (1924), 42; i roto i te Conference Report, eperera 1935, 116).
E hopoi‘a na te mau metua ia haapii i ta ratou mau tamarii e mea
faufaa roa ïa, e hau roa’tu i teie nei tau inaha te rahi noa’tura te ino
i roto i te ao nei.
I roto i te hi‘oraa i te tamataraa o teie mahana tatou te mau metua te
mana‘o nei paha tatou e ere tatou i te mea paari e aore ra e aita tatou
i puai maitai no te raveraa i te faaotiraa tano no to tatou mau utuafare.
Ua ite te Fatu i te reira e ua horo‘a mai oia i te hoê rave‘a na tatou ia
faarii i te arata‘iraa o ta tatou e titau nei. No roto mai teie arata‘iraa
i te Varua Maitai.
No te faarii i te tauturu mai roto mai i te Varua Maitai e mea titauhia
tatou ia haapa‘o i te mau faaueraa. Eita te Varua Maitai e haere i
pihaiiho i te hoê taata e aita oia e haapa‘o maitai i te mau faaueraa e
aore ra aita roa oia e haapa‘o i te mau faaueraa. Mai te mea e hinaaro
tatou i Ta’na tauturu e mea titauhia tatou ia tatarahapa tamau i ta
tatou mau hara e ia rave i ta te Fatu e hinaaro ia tatou ia rave.
Ia ite te mau metua e o te utuafare ta ratou hopoi‘a matamua roa, e roaa
ïa ia ratou i te maru inaha ua ite ratou e nehenehe ta ratou e pure e ia
arata‘ihia i te Varua Maitai no te rave i te mau mea ti‘a no to ratou mau
utuafare. Ei hi‘oraa, te hoê metua, « i muri a‘e i te imiraa i te tauturu a te
Fatu, ua putuputu oia i to’na utuafare na mua a‘e oia a faaoti ai i te hoê
ohipa i te tahi atu oire. Ua ani oia i te mau mana‘o o te mau melo o te
utuafare e au anei ratou ia faanuu e ua horo‘a oia ia ratou i te taime no te
117

Haapiiraa 12
ani i te Fatu e ia faarii i te hoê pahonoraa no ratou e aha te mea o te ti‘a
ia ratou ia rave. I muri a‘e i to ratou pureraa, ua ite ratou i te faaururaa,
mai ta te metua ato‘a ra, e mea ti‘a ia ratou ia faanuu. No te mea, ua
horo‘a oia ia ratou i te rave‘a no te ani i te pahonoraa a te varua o ta’na
ato‘a i faarii, i nehenehe ai ia ratou i te ti‘aturi e ia apee i ta’na a‘oraa »
(Henry B. Eyring, « Family Followership, « Ensign, eperera 1973, 32).
Apeeraa i te Arata‘iraa a te Varua Maitai
■ Tai‘o i te 2 Nephi 32:5.
E tauturu te Varua Maitai ia tatou ia tatara i to tatou mau fifi e ia pahono
i ta tatou mau uiraa na roto e rave rahi mau rave‘a. Te hoê rave‘a Ta’na e
rave na roto ïa i te faaite papûraa i te mau tatararaa i roto i te mau papa-
‘iraa mo‘a. Ia fifi ana‘e tatou e mea ti‘a tatou ia haapii i te mau papa‘iraa
mo‘a no te mau pahonoraa. A rave ai tatou i te reira, e tauturu afaro mai
te Varua Maitai ia tatou i te mau pahonoraa e faaite papû mai te reira ia
tatou e parau mau ihoa te mau pahonoraa. E tauturu ato‘a te Varua
Maitai ia tatou ia haamana‘o i te mau mea o ta tatou i ite i te hoê taime
e o tei mo‘ehia e tatou (a hi‘o i te Ioane 14:26).
Noa’tu e nehenehe ta te Varua Maitai e tauturu mai ia tatou no te
tatara i to tatou mau fifi, e tauturu noa Oia. Eita paha Oia e tatara noa
i to tatou mau fifi no te mea noa ua ani tatou i te tauturu. I te mau
mahana matamua o te Ekalesia, ua haapii o Oliver Cowdery e mea
pinepine tatou i te anihia ia rave hau atu â eiaha i te ani noa i te mau
pahonoraa.
■ Tai‘o i Te Parau Hapiiraa e te Mau Parau Fafau 9:1–9. Ia au i teie papa-
‘iraa mo‘a, e aha ta tatou e rave na mua a ani ai i te Fatu no ni‘a i te
hoê o to tatou fifi ? (A feriuri na mua i roto i to tatou mau feruriraa).
Nahea tatou e ite ai e ua tano anei te faaotiraa o ta tatou i rave ? (E ani
tatou i te Fatu, o te faaite mai mai te mea ua ti‘a te reira).
Te tahi atu mau rave‘a ta te Varua Maitai e nehenehe i te tauturu ia
tatou ia tatara i to tatou mau fifi na roto ïa i te heheuraa mai i te mau
pahonoraa ia tatou iho, na roto i te hoê reo iti ha‘iha‘i roa (a hi‘o i te
1 te Mau Arii 19:11–13) e aore ra na roto mai i te a‘oraa a te hoê taata
faatere o te Ekalesia, mai roto mai anei i te hoê melo o te utuafare, te
hoê hoa anei, te mau papa‘iraa mo‘a, e aore ra te tahi atu â faanahoraa.
I te tahi atu mau taime e muhumuhu mai te Vaua Mo‘a ia tatou ia
haere e rave i ta tatou mau ohipa. Tera huru muhumuhuraa maoti râ e
mea titauhia tatou ia rave â i te tahi taime e te hoê melo i roto i to tatou
nei utuafare e aore ra ia rave i te hoê mea taa ê no’na ra.
Noa’tu e tae mai te hoê pahonoraa i te hoê pure na roto i te mau rave‘a
taa ê, ua horo‘a mai te Fatu i te hoê rave‘a no tatou ia ite e, te paho-
118

Haapiiraa 12
noraa no ô mai ïa Ia’na ra. E parau mai Oia ia tatou mai te mea ua ti‘a
te faaotiraa ta tatou i rave, e faarii tatou i te hau i roto i to tatou mau
aau e to tatou mau mana‘o (a hi‘o i te PH&PF 6:14–16, 22–24; 8:2).
Eita paha te hoê pahonoraa i ta tatou mau pure e tae ‘oi‘oi mai mai ta
tatou e hinaaro. Tera râ ua here te Fatu ia tatou e ua ite Oia i te mea
tano roa a‘e no tatou. No reira, eiaha râ tatou e haaparuparu mai te
mea aita tatou e faarii ‘oi‘oi noa i te hoê pahonoraa. E mea ti‘a ia tatou
ia pure â, ia ora parauti‘a, ia haapii i te mau papa‘iraa mo‘a, e ia imi i
te arata‘iraa a te Varua Maitai.
Ia roaa ana‘e te hoê pahonoraa i ta tatou mau pure, e mea ti‘a tatou
ia rave mai ta te pahonoraa i titau mai ia tatou ia rave. Eiaha tatou e
mana‘o noa e tamau noa te Varua Maitai i te tauturu ia tatou mai te
mea eita tatou e haapa‘o i Ta’na mau muhumuhuraa ia tatou. Noa’tu
te pahonoraa e ere i te mea o ta tatou e hinaaro ra e aore ra te aniraa o
Ta’na e ani maira e mea rahi roa, e mea titauhia râ ia rave tatou mai
Ta’na e arata‘i mai i te rave. Aita ana‘e, e nehenehe tatou e ere i te
Varua Maitai e Ta’na arata‘iraa e To’na ra hau.
E vaiiho te Fatu i te tahi mau faaotiraa na tatou iho e rave. E teie mau
faaotiraa o te mau mea paha ta tatou e au ra eiaha râ i te hoê mea ti‘a e
aore ra mea hape. (A hi‘o i te PH&PF 58:26–28 ; 60:5 ; 80:3). I roto i teie
mau huru e mea ti‘a ia faaohipa tatou i te hoê faaotiraa niuhia i ni‘a i to
tatou ite e te aravihi.
Ua horo‘a te peresideni Joseph Fielding Smith i teie a‘oraa: « I teie nei,
ia mana‘o vau te mea hau roa a‘e i te ao nei oia ho‘i o vau iho nei e o
outou ra, e te taato‘araa o te mau melo o te Ekalesia e ti‘a ia tatou ia
imi i te arata‘iraa a te Varua o te Fatu. I te hoê faito e nehenehe ai e
roaa ia tatou i te arata‘iraa a taua Varua ra e riro ïa tatou ei mau peropheta
no tatou iho e i roto i ta tatou iho mau ohipa, e au ato‘a tatou
mai tera mau peropheta o ta te Fatu i tuu i roto i te Peresideniraa
Matamua e i roto i te Apooraa o te Tino Ahuru Ma Piti » (Joseph Fielding
Smith: A prophet among the People, ed. J.M. Heslop and Dell R. Van
Orden (1971), 24–25).
Nahea te Varua Maitai e Nehenehe ai e Haamaitai i to Tatou Mau
Utuafare
Ia arata‘i ana‘e te Varua Maitai ia tatou, e haamaitai-rahi-hia tatou e i reira
e nehenehe ai ia tatou ia haamaitai i to tatou mau utuafare. Ei hi‘oraa, i te
apîraa o Elder Bruce R. McConkie, no te faaroo o te metua i te Varua
Maitai ua nehenehe ia’na i te faaora i ta’na tamaiti i roto i te ati. E nehenehe
tera huru parururaa e tae mai i ni‘a iho ia tatou mai te mea e mea
faarii tatou i te faaururaa mai ô mai i te Varua Maitai e mai te mea e rave
tatou i Ta’na e parau mai ia tatou ia rave.
119

Haapiiraa 12
Taa ê atu i Ta’na parururaa ia tatou i te pae tino, e tauturu ato‘a te
Varua Maitai ia tatou ia arai i te mau faahemaraa o te nehenehe i te
haamauiui ia tatou i te pae varua. Na roto i te Varua Maitai e nehenehe
ta tatou e ite i te hoê mea hape i roto i to tatou mau utuafare. Penei a‘e
te hoê o te mau melo o te utuafare e fifi taa ê to’na e mea titauhia ia
tau‘a parau. E aore ra penei a‘e te vaira ta ratou mau uiraa no ni‘a i te
Ekalesia e aore ra te mana‘ona‘o ra ratou no ni‘a i to ratou huru ia ora i
te mau faaueraa o te ti‘a ia ratou ia haapa‘o. Na roto i te tauturu a te
Varua Maitai e nehenehe tatou e tauturu e haapuai i to tatou mau utuafare.
E nehenehe ato‘a ta tatou e faaora mai ia ratou mai roto mai i te
mauiui e te aau oto.
Ia faatere ana‘e tatou i ta tatou mau tamarii, e mea ti‘a ia ani tatou i
te arata‘iraa mai ô mai i te Varua Maitai ra. Te haapii mai nei te mau
papa‘iraa mo‘a ia tatou ia faaohipa i te mea paari i ni‘a i ta tatou mau
tamarii ia faauru ana‘e mai te Varua Maitai ia tatou ia na reira, e ia
faaite ia ratou i to tatou here rahi e te maramarama i muri a‘e i to tatou
faatitiaifaroraa ia ratou. Ia na reira tatou e ite mai ratou i to tatou
hinaaro mau no te tauturu ïa ratou. (A hi‘o i te PH&PF 121:41–44).
E nehenehe te Varua Maitai e tauturu mai ia tatou ia horo‘a ana‘e i te
mau haamaitairaa metua. E nehenehe Ta’na e muhumuhu mai ia tatou
ia horo‘a i te arata‘iraa i to tatou mau utuafare, tae noa’tu no te mau fifi
o te ore e itehia ia ratou. E nehenehe tera haamaitairaa e riro ei ohipa
mo‘a roa i roto i to tatou utuafare.
■ Faaite i te hoho‘a 12-a, « E nehenehe te mau haamaitairaa metua e
haapuai i te mau melo o te utuafare. »
Ua parau te peresideni Ezra Taft Benson i te ohipa i tupu i muri nei :
« Ua haere mai te hoê taurearea tamaroa i to‘u piha toro‘a ... no te hoê
haamaitairaa. Te vai nei to’na mau fifi ... ; ua tafifi to’na feruriraa; ua
pe‘ape‘a roa oia. E ua tau‘a parau rii maua no te tahi na minuti e ua
parau atu vau ia’na, ‘ua ani a‘e nei oe i to oe metua i te hoê haamaitairaa
?’ ‘A,’ na ô mai nei oia, ‘Aita vau ite e rave anei to‘u metua i te
reira ? E ere oia i te mea itoito roa i roto i te Ekalesia. E ere i te mea
itoito. ‘Na ô atura vau, ‘Noa’tu, o oia to oe metua.’ ‘E’ ‘Te mau nei oia
i te autahu‘araa ?’ ‘E, e peresibutero paruparu râ oia.’ Na ô atura vau
ia’na, ‘Ua here oe ia’na ?’ E ua parau maira oia, ‘E, ua here au ia’na.
E taata maitai oia, e taata maitai oia i ni‘a i te utuafare, mea maitai i
ni‘a i te mau tamarii... Na ô atura vau, ‘Na reira, e hinaaro anei oe e
ho‘i i te fare e ia hi‘o i te hoê rave‘a, e ani i to oe metua e nehenehe
anei ta’na e horo‘a i te hoê haamaitairaa no oe ? Mai te mea aita, e
ho‘i mai oe, i reira vau e tauturu ai ia oe.’
« Ua haere atu teie tamaiti, e toru mahana i muri mai ua ho‘i mai oia.
Na ô mai nei oia ‘Te taea‘e Benson, o teie te hoê mea nehenehe roa tei
120

12-a, E nehenehe te mau haamaitairaa a te Metua e
haapuai i te mau melo o te utuafare.
121

Haapiiraa 12
tupu i roto i to matou utuafare, ua parahi mai o Mama e te mau
tamarii, to‘u mau taea‘e e to‘u mau tuahine, e ua tahe te roimata o to‘u
mama. Ua faaite oia i to’na mauruuru i muri a‘e. Ua horo‘a mai o papa
i te hoê haamaitairaa nehenehe roa. Ua nehenehe ia‘u ia parau e mai
roto mai te reira i to’na aau’ « (God, Family, Country: Our Three Great
Loyalties (1974), 84).
■ No te aha te metua o teie tamaiti i riro ai ei taata maitai roa a‘e no te
horo‘a i te hoê haamaitairaa no’na i te hoê taime taa ê ?
■ Nahea e nehenehe ai ia tatou ia parau e te arata‘ihia nei ta tatou mau
ohipa e te Varua Maitai ?
Opaniraa
Ua horo‘a mai te Fatu ia tatou i te hoê horo‘araa faufaa roa no te
tauturu ia tatou ia rave i te mau faaotiraa e ia tatara i te mau fifi. Teie
horo‘a o te auhoaraa ïa o te Varua Maitai. Na roto i te Varua Maitai e
fatata ai tatou i te Metua Here i te Ao ra e faarii ai i te heheuraa no te
arata‘i i to tatou mau utuafare ma te parauti‘a. E nehenehe i teie
heheuraa i te tauturu ia tatou ia horo‘a i te puai e te paari i te mau
melo o to tatou utuafare o te titau ra i te paruru ia ratou i te mau faahemaraa
e te mau fifi. E nehenehe ta te Fatu e hapapû mai i te tauturu
ia tatou mai te mea ua hinaaro tatou i te rave mai to tatou puai ato‘a.
E piti na ohipa faufaa roa o te nehenehe e tupu mai a faarii ai tatou i
teie tauturu: e fariu mai ta tatou mau tamarii ia tatou no te arata‘iraa e
no te tamahanahana, e fatata atu tatou i te Fatu ra.
Te titauraa
Haapii i te mau papa‘iraa mo‘a ia ite i te mau faanahoraa a te Varua
Maitai no te tauturu ia tatou. Na roto i te tatarahaparaa, ia vai tiamâ
noa tatou ia nehenehe i teVarua Maitai ia arata‘i ia tatou. Apee i te mau
muhumuhuraa o ta outou e faarii mai ô mai Ia’na ra, noa’tu e aha te
huru o te fifi.
Te tahi atu mau papa‘iraa mo‘a
■ Luka 12:11–12 (e parau mai te Varua Maitai i te mea o ta tatou e
parau)
■ Ioane 16:13 (e faaite mai te Varua i te mau mea e tae mai)
■ 3 Nephi 28:11 (e faaite papû mai te Varua Maitai no te Metua e no te
Tamaiti)
■ Moroni 10:3–5 (na roto i te mana o te Varua Maitai e ite ai tatou i te
parau mau)
122

Haapiiraa 12
■ Te Parau Hapiiraa e te Mau Parau Fafau 39:6 (e haapii mai te Varua
Maitai ia tatou i te mau mea no te hau)
Te faaineineraa i te orometua haapii
Hou a haapii ai i teie haapiiraa :
1. Tai‘o i Te Mau Ohipa e te Mau Haamaitairaa a te Autahu‘araa, Tuhaa A,
Haapiiraa 30, « Te Horo‘a o te Varua Maitai. »
2. Tai‘o i te buka ra Te mau Parau Tumu no te Evanelia chapter 21,
« Te horo‘a o te Varua Maitai. »
3. A ani i te hoê o te mau metua i roto i te piha haapiiraa ia faaineine
no te faaite mai i te hoê taime i tauturu ai te Varua Maitai ia’na i
to’na ti‘araa metua.
4. Faataa i te mau melo no te piha haapiiraa ia faati‘a mai i te mau
aamu, te mau papa‘iraa mo‘a, e aore ra te mau faahitiraa parau o
ta outou e hinaaro.
123

124
TE HAAPUAIRAA
I TE UTUAFARE
NA ROTO I TE
PÔ UTUAFARE
Haapiiraa 13
Te tumu no teie haapiiraa no te haapii ïa ia tatou i te haapuai i to tatou
mau utuafare na roto i te pureraa pô utuafare.
Omuaraa
Ia rave te mau utuafare ato‘a i te hoê a‘e taime ahiahi i te hepetoma no
te haaputuputu e ia haapii e ia haapuai te tahi i te tahi. No te faaitoito
i te reira, ua faanahonaho te Ekalesia i te ahiahi Monire ei pureraa pô
utuafare.
■ Faaite i te hoho‘a 13-a, « Ia faatupu te mau utuafare ato‘a i te hoê
taime i te hepetoma i te pureraa pô utuafare » ; 13-b, « O te utuafare
te faanahoraa faufaa roa ino i roto i te Ekalesia »; 13-c, « Ia riro
te haapiiraa i te evanelia ei tuhaa no te pureraa pô utuafare » ;
13-d, « Mea titauhia ia tauturu i te mau tamarii i te faatupuraa i
te pae varua. »
No te mea e mea taa ê ana‘e te taato‘araa o te mau utuafare, oia ato‘a ïa
te mau pureraa pô utuafare. Te tahi mau utuafare te vai nei na metua
toopiti e te mau tamarii i te fare, te tahi pae hoê ana‘e iho metua, e te
tahi pae te tane e te vahine ana‘e iho. E mea rahi te feia apî paari e ora
tata‘itahi noa ra ratou e aore ra hoê fare o te tahi pae o ratou. Noa’tu e
aha te huru e aore ra te tarairaa o te utuafare, te pureraa pô utuafare na
te taato‘araa ïa. E mea ti‘a ia putuputu te mau metua e te mau tamarii
i te hepetoma. O ratou o te ora ra o ratou ana‘e ra e haamaitaihia ïa
ratou ia amui atu i roto i te mau pureraa pô utuafare e te tahi atu mau
taata, e aore ra i te tahi atu mau utuafare.
« Aita atu e vahi hau atu i te maitai no te haapiiraa i te evanelia maoti
râ te utuafare. I te fare ana‘e e nehenehe ai te mau tamarii e haapii i te
naturaraa o te oraraa utuafare mai tei faanahohia i to tatou Metua Here
i te Ao ra. Ia amui te utuafare i te pô Monire e ia faanahonaho i te hoê
varua no te mau ohipa ato‘a o te utuafare. O ratou o te faarii i teie varua
i rotopu ia ratou e roaa ia ratou te oaoa rahi » (The First Presidency,
Family Home Evening (manual, 1971,4).

13-a, Ia faatupu te utuafare tata‘itahi i te pureraa
pô utuafare hoê taime i te hepetoma.
125

Haapiiraa 13
Eiaha tatou e haaparuparu mai te mea e aita te pureraa pô utuafare i
tupu maitai; te vahi faufaa maoti râ ua putuputu mai no te hoê taime.
Ua fafau te Fatu mai te mea e tamau noa tatou i te faaoromai i te
faatupu i te pureraa pô utuafare, e haapuai mai Oia i to tatou mau
utuafare.
Faanahonahoraa e te Arata‘iraa i te Pureraa Pô Utuafare
E mea maitai ia faatupu i te hoê apooraa utuafare poto noa e aore ra te
hoê apooraa faaineineraa ei tuhaa no te pureraa pô utuafare no te hi‘o
amui i te mau ohipa a te mau melo o te utuafare e rave no te hepetoma
i muri mai. E tautururaa taa ê teie mai te mea e mea rahi te mau melo o
te utuafare.
Ua parau te hoê metua tane e, te apooraa utuafare « e amui matou i te
iri airaa maa, e to matou papa te haapa‘o mai i te reira, e paraparau
matou i te mau ohipa na te utuafare ... E faaite matou i te tahi mau
parau faaararaa faufaa no te utuafare e haamauruuru i te mau ohipa i
ravehia na te mau tamarii i te reira hepetoma. Ia faaroo ana‘e te mau
tamarii e oaoa roa ratou–oia ato‘a te mau metua » (Glen W. Harper,
« Participation : Our Family Home Evening Success Key », Ensign,
titema 1977, 17).
O te mau metua te mau patereareha no to ratou mau utuafare e mea
ti‘a ia ratou ia peresideni i ta ratou mau pureraa pô utuafare. Ia mairi
te tane faaipoipo e aore ra te metua tane, na te vahine e aore ra te
metua vahine e peresideni. E mea ti‘a i te mau metua ia faanahonaho
na mua roa i te pureraa pô utuafare tata‘itahi e ia opere i te mau
ohiparaa na ni‘a i te mau melo o te utuafare.
■ Faaite i te hoho‘a 13-e, « Ia ô te taato‘araa o te mau melo o te utuafare
i roto i te pureraa pô utuafare. »
Na te metua tane e haapii i te haapiiraa e aore ra e nehenehe ato‘a oia e
horo‘a i te haapiiraa i ta’na ra vahine e aore ra i te mau tamarii.
E rave rahi mau ohipa o te tano no te pureraa pô utuafare, mai te tai‘oraa
i te mau papa‘iraa mo‘a aparauraa i ni‘a i te evanelia, horo‘araa i te mau
iteraa papû, raveraa i te tahi mau ohipa tavini, haereraa i te hoê vahi, e
aore ra hauti amui na te utuafare. Ia haamata i te mau ohiparaa na roto i
te hoê pure.
Teie i muri nei te hoê hoho‘a no te faanahonaho i te hoê pureraa pô
utuafare :
1. Arata‘i himene. (Te i‘oa o te melo o te utuafare e arata‘i i te himene)
2. Himene haamataraa : (te i‘oa o te himene e aore ra te himene
Paraimere)
126

13-b, Te utuafare te faanahonahoraa faufaa roa a‘e i roto i te Ekalesia.
127

Haapiiraa 13
3. Pure haamataraa : (te i‘oa o te melo utuafare e horo‘a i te pure)
4. Te mau ohipa a te utuafare : (na te upoo faatere o te utuafare e
arata‘i i te reira)
5. Himene (te i‘oa o te melo utuafare o te himene)
6. Haapiiraa mai roto mai i te buka Gospel Principles : (te i‘oa o te
melo utuafare e horo‘a i te haapiiraa)
7. Aparauraa e te faanahonahoraa no te hepetoma i muri mai.
8. Himene hopea : (te i‘oa o te himene e aore ra te himene Paraimere)
9. Pure hopea : (te i‘oa o te melo utuafare e horo‘a i te pure)
10. Faaoaoaraa : (te i‘oa o te melo utuafare e faanahonaho mai i te reira)
11. Amu‘amuraa : (te i‘oa o te melo utuafare i faataahia no te reira)
Eiaha tatou e taia i te ani i te mau tamarii ia faanahonaho mai i te
haapiiraa. Ua faaite te hoê tamaiti i te tahi ohipa i tupu : « Ua parau o
Papa e mea ti‘a i te melo tata‘itahi o te utuafare ia haapii i te haapiiraa
i te hoê pô utuafare. Ua mana‘o vau e mea ohie roa ia parau : « E ! Horo‘a
na John e haapii i te haapiiraa, e toru matahiti ana‘e to John. Ua horo‘a
o Papa i te haapiiraa na John mai te tauturuhia e mama, e ua haapii mai
o John i te hoê haapiiraa hau roa’tu i te maitai, e te oaoa i ni‘a i te hoho‘a
mata o tera tamaiti iti ua hau atu ïa i te maitai o te ore e ti‘a ia matou ia
faaho‘i’ » (quoted by Lowell Durham Jr., in « What Makes a Good Family
Home Evening », News Era, tiunu 1972, 13).
E nehenehe i te melo utuafare tata‘itahi e tauturu i te haamanuia i te
pureraa pô utuafare. Ia vaiiho te taato‘araa i te pô Monire ei pô pureraa
utuafare. Ia faaineine te melo utuafare tata‘itahi e aore ra ia horo‘a i te
haapiiraa e aore ra ia rave i te tahi ohipa no te pô pureraa utuafare.
Mea oaoa roa na te mau tamarii ia pure, ia faatere i te himene e aore ra
ia tai‘o i te mau papa‘iraa mo‘a, ia faati‘a i te tahi mau aamu, ia opere i
te amu‘amuraa, e ia faaô i roto i te tahi mau ohiparaa. E nehenehe i te
metua vahine e aore ra i te tahi tamarii paari e faaineine i te reira mau
mea i roto i te hepetoma. E mea au roa na te mau tamarii ia faaôhia
ratou i roto i te mau ohiparaa e mea faaoromai ato‘a ratou.
Ua ite roa te hoê metua e ia faaineine ana‘ehia te hoê ohipa e aita e
here e te faaoromai i roto eita ïa te pureraa pô utuafare e manuia.
« Tau matahiti i mairi a‘e nei ua rohirohi au i tera pô Monire. A haamata
ai matou i ta matou pureraa pô utuafare, te hauti noa ra te mau tamarii
e aita e haapa‘o ra. Huru au orehia’tura vau haamata ihora vau i te
vaha rarahi, ‘Faaafaro mai ia outou ! Faaea i te hauti aita ana‘e e tupu
te tahi fifi rahi. ‘Ua ite roa te mau tamarii e ua riri au ua ma‘uteute to‘u
hoho‘a mata. Mamu ihora ratou Na ô ihora vau aita vau e ite ra no te
128

13-c, Ia riro te haapiiraa i te evanelia ei tuhaa no te pureraa pô utuafare.
129

Haapiiraa 13
aha e aita ta outou e nehenehe e parahi mamu noa i te tahi taime e ia
faaroo. Aita vau e hinaaro e faaroo faahou i te hoê mea e tae noa’tu ua
oti te haapiiraa. E ia hope ana‘e e ui atu vau ia outou i te tahi mau
uiraa. Mea maitai e roaa ia outou i te pahono mai...
« Te otiraa ta‘u tai‘oraa e haamata ihora vau i te ui i te mau uiraa. Ua
ite ratou i te mau uiraa ato‘a. Ua haapii maitai au i te haapiiraa. E ua
ui atu â vau, ‘E uiraa anei ta outou e te mau tamarii ?’
« Na ô mai nei ta‘u tamaiti paari ma te hoê reo taia, ‘E uiraa ta‘u.’
I teie hepetoma i mua nei e nehenehe anei ta mama e haapii mai i te
haapiiraa ?
« Na roto i ta’na mau parau e to‘u mau mana‘o tei faaite mau ia‘u e te
mea ta‘u i tamata i te rave, ua rave hape au i te reira. Ua haapii noa
vau i te mau mana‘o, aita râ vau i haapii i to‘u utuafare...
« Ua haapii mai au i te tahi na mea i te reira taime. Aita ato‘a vau i
vaiiho noa i te tamarii ia rave noa na i te mea au ore –tera râ ua faaohipa
vau i te tahi atu mau rave‘a no te faatere aumaiteraa. Ua roaa ia‘u i te
faaoromai ia‘u iho, e, na roto i te tauturu a te pure, ua maraa ia‘u. Aita
vau i hinaaro faahou ia faataia i roto i te taime no te pureraa pô
utuafare. »
Teie te mana‘o tauturu o teie metua :
« Ia riro ei taata auhia. Vaiiho i te huru maitai roa no te fare...
« E ere to tatou fare, te pureraa pô utuafare mai te hoê piha haapiiraa i
te fare pure. Aita e ture e parau maira e mea titau-roa-hia ia parahi i
ni‘a i te parahiraa; e parahi pinepine nei tatou i raro i ni‘a i te tahua e
mea au a‘e no te taato‘araa...
« E inoino te metua no te mea te hinaaro nei ratou ia faaterehia te
haapiiraa e ia faaroo maitai mai te mau melo o te utuafare. Ua tano rii
tera mana‘o, mai te mea râ e, e faahepohia, e riro ïa te pureraa pô utuafare
ei mea au ore » (George D. Durrant, Love at Home, Starring Father
(1976), 44–46).
■ Nahea tatou ia faaohipa i te pure no te faahaere i mua i ta tatou mau
pureraa pô utuafare ?
■ E hia taime ta tatou e rave no te faaineineraa i te hepetoma tata‘itahi
i ta tatou pureraa pô utuafare ? Nahea te faanahonahoraa maitai a‘e e
faahaere ai i ta tatou mau pureraa pô utuafare i mua ?
Ua ani te mau melo o te Peresideniraa Matamua i te mau metua :
« Ua rave anei outou i te taime no te faariroraa i to utuafare e to outou
fare ei vahi manuiaraa no te pae totiare e no te pae aravihi i te ohipa ?
Ua tuu anei outou i to outou puai hau atu i roto i te faufaa o te –utua-
130

13-d, Titauhia ia tauturu i te mau tamarii no te faatupuraa i te pae varua.
131

Haapiiraa 13
fare, e aore ra, e mea maitai anei to outou huru i to outou utuafare,
e aore ra aita ? »
Ua parau â ratou, i te na ôraa e, « Mea titauhia i te mau metua e te mau
tamarii ia tuu na mua roa te mau hopoi‘a no te utuafare no te faatupuraa
i te faateiteiraa o te utuafare » (Family Home Evening (manual,
1973, 4).
E Haapuai te Pureraa Pô Utuafare i te Utuafare
■ A tape‘a i roto i to outou rima te tahi nau raau mati. E a parau atu
i te mau melo o te piha haapiiraa e, te faahoho‘a nei teie i te mau
melo o te hoê utuafare. A tatara hoê raau mati e a ofati na te afaraa.
A parau i to te piha haapiiraa e ia ti‘a ana‘e tatou e o tatou ana‘e iho
e ere ïa tatou i te mea puai ia faaau tatou i roto i te hoê utuafare.
I muri iho a rave i te hoê taura anei e aore ra i te hoê uaua e a taamu
i te mau raau mati. Teie taamu o te faahoho‘a ïa i te puairaa o te
evanelia. E mea fifi roa ia vavahi i teie mau raau mati. E mea puai a‘e
tatou ia hoê ana‘e tatou ei utuafare e ia tutava i te ora i te evanelia.
Mai te mea e faaineine-maite-hia te mau pureraa pô utuafare na mua
e riro ïa ei tauturu i te mau melo o te utuafare ia arai i te mau faahemaraa
e vaira i roto i te ao nei. Te aro nei o Satane i te parauti‘a, e e
faaohipa oia i te mau faahemaraa taa ê no te faarahi i te hara e te ino.
E o te u‘i apî ta’na mau fâ taa ê. Mai te mea e haapii tatou ia ratou i te
evanelia e haapuai ia ratou i te varua i roto i te utuafare, e nehenehe ïa
ratou i te paruru ia ratou i te mau faahemaraa i roto i te ao nei.
« E nehenehe ta tatou mau Pureraa Pô Utuafare e te tahi atu mau ohipa
maitai a te utuafare i te faaî i to tatou mau varua i te mau mea o te
Atua ra, eita ïa tatou e vaiiho i te hoê area no te ino ia ô mai i roto i to
tatou mau aau e aore ra to tatou mau feruriraa » (The First Presidency,
Family Home Evening (manual, 1972), 4).
I te matahiti 1915 ua horo‘a te Peresideniraa Matamua i te hoê fafauraa :
« Mai te mea e haapa‘o te Feia Mo‘a i teie a‘oraa (faatupu i te pureraa
pô utuafare), te fafau atu nei matou e tae mai te mau haamaitairaa
rarahi. Te here i roto i te utuafare e te faaroo i te mau metua. E tupu te
faaroo i te rahi i roto i te mau aau o te feia apî o Iseraela, e roaa ia ratou
te mana no te aro i te mau mea iino e te mau faahemaraa o te vai mai i
mua ia ratou » (« Home Evening », Improvement Era, tiunu 1915, 734).
■ E aha te mau haamaitairaa i tae mai i roto i to outou utuafare na roto
mai i te pureraa pô utuafare ?
E nehenehe i te faanahonahoraa no te pureraa pô utuafare ia patu i te
here e te hau i roto i to tatou mau utuafare. A tupu ai te reira i te rahi,
e hiaai roa to tatou mau utuafare i te ora i te evanelia, e ore roa te mau
132

13-e, Ia ô te taato‘araa o te mau melo o te utuafare i roto i te pureraa pô utuafare.
133

Haapiiraa 13
aimaroraa e te mau pe‘ape‘a i roto i to tatou mau utuafare. A pure ai
to tatou mau utuafare, a himene ai, e a aparau amui ai i te evanelia,
e haere mai te Varua o te Fatu i roto i ta tatou mau utuafare e mono
atu i te tahi noa’tu varua ino e vaira i reira.
Ua horo‘a o Elder Marion D. Hanks i te hoê aamu no ni‘a i teie Varua :
« Ua tuturi au e to‘u nei utuafare, i te hopearaa o te hoê pureraa pô
utuafare nehenehe roa ino, i te pô ïa na mua noa a‘e ta maua tamahine
here e faaipoipohia ai i roto i te hiero. Aita vau e mana‘o e inoino oia
ia‘u ia faati‘a atu ia outou i te reira i muri a‘e i to matou ‘ataraa e te
ta’iraa e te haamana‘oraa, ua anihia oia ia faaoti mai i te pure. Aita vau
e haamana‘o ra i te rahiraa o ta’na pure, te roimata e te oaoa e te here
rahi, te mea râ ta‘u i haamana‘o hoê ïa parau: ua haamauruuru oia i te
Atua no te here faito ore o ta’na i faarii. Aita i rahi te mau taime i roto
i teie nei oraraa mai teie te huru te hanahana e te poupou, ua ite râ vau
i te reira i taua pô ra » (i roto i te Conference Report, atopa 1971, 119;
e aore ra Ensign, titema 1971, 106).
■ Nahea te hoê pureraa pô utuafare e faatupu ai i te here e te hau i roto
i to tatou mau utuafare ? Nahea ta tatou e nehenehe ai i te tauturu i
te mau melo o te utuafare ia aro atu i te mau puai o te ino ? (Papa‘i i
te mau mana‘o i ni‘a i te tapura papa‘i).
■ A ani i te mau melo o te piha haapiiraa i faataahia ia faaite mai i te mau
mea o tei roaa ia ratou na roto i ta ratou mau pureraa pô utuafare.
Opaniraa
E tuhaa te pureraa pô utuafare no te faanahonahoraa a te Fatu no te
tauturu ia tatou ia ho‘i i mua i To’na ra aro. E taime faataa-êhia no
tatou ia haapii i ta tatou mau tamarii i te mau parau tumu o te evanelia
e ia tauturu i te haafatata i to tatou mau utuafare i roto i te here e te
maramarama. E mau taime amui te reira no te haapuai ia tatou e to
tatou mau utuafare e ia haapii ia tatou e nahea ia ora amui na roto i te
here rahi e te hau. E rahi atu â ïa te maitai o te aroraa a to tatou mau
melo no te utuafare i te ino i roto i te ao nei.
« Faahou â te parau faahou atu nei matou i te mau metua ia haaputuputu
i ta ratou mau tamarii i pihaiiho ia ratou na roto i te here e te faaoromai e
te haroaroa, e ia haapii ia ratou i te parau mau e te parauti‘a... O te utuafare
te vahi matamua e te vahi maitai a‘e no te mau tamarii ia haapii i te
mau haapiiraa no te oraraa » (The First Presidency, Family Home Evening
(manual, 1975, 3).
Te titauraa
Mai te mea e aita outou e faatupu tamau nei i te mau pureraa pô utuafare,
a haamata i teie hepetoma. A faanahonaho na roto i te pure no te
134

Haapiiraa 13
pahono i te mau titauraa a to outou utuafare. A faaô i te taato‘araa o te
mau melo o te utuafare i roto i te pureraa pô utuafare i te mau taime e
nehenehe ta outou ia na reira.
Te tahi atu mau papa‘iraa mo‘a
■ Mosia 4:14–15 (ia haapii te mau metua i te parau mau i ta ratou mau
tamarii)
■ Te Parau Haapiiraa e te Mau Parau Fafau 68:25 (ia haapii te mau
metua i te evanelia i ta ratou mau tamarii)
Te faaineineraa i te orometua haapii
Hou a haapii ai i teie haapiiraa :
1. Faaineine i te tahi nau raau mati e aore ra mau raau riirii no te rave i
te tahi faahoho‘araa no te haapiiraa.
2. A ani i te tahi nau melo o te piha haapiiraa ia faaineine mai no
te faati‘a i te mau mea i roaa ia ratou na roto mai i te pureraa pô
utuafare.
3. Faataa i te mau melo o te piha haapiiraa ia faati‘a mai i te mau
aamu, te mau papa‘iraa mo‘a e aore ra te mau faahitiraa parau
mai ta outou e hinaaro.
135

136
IA OAOA AMUI
EL UTUAFARE
Haapiiraa 14
Te tumu no teie haapiiraa no te faaitoito ïa ia tatou ia haapuai i to tatou
mau utuafare na roto i te faaoaoa amuiraa ia ratou.
Omuaraa
■ Faaite i te hoho‘a 14-a, « Ia oaoa amui e haapuai ïa i te mau utuafare. »
■ A ani e piti na melo o te piha haapiiraa ia faaite mai i to ratou oaoa
na roto i te raveraa i te reira i roto i to ratou utuafare. Faaite e, te hoê
mea faufaa i roto i te oraraa i te evanelia, o te rave-amuiraa ïa i te
ohipa i roto i te utuafare.
Ua faaite o Elder Marion D. Hanks i te aamu i muri nei :
« Te hinaaro nei te feia apî i te mau metua e te hoê utuafare e nehenehe
ai ratou ia faahiahia... te huru no te hoê utuafare maitai mai teie i tatarahia
muri nei :
« I te hoê mahana nehenehe roa no te ava‘e atopa. Ua haere maua ta‘u
tane o Art i te uahu poti no te tauturu i to maua hoa o Don no te ume
mai i to’na poti i ni‘a i te tahatai. Ua ite o Art e taime maoro ia tia‘i e
nehenehe faahou ai ia matou ia tere faahou na ni‘a i te poti. Na ô mai
nei o Don e « E ho ma e mea tano outou e haere e faahee, mai to matou
utuafare, e oaoa noa ïa outou i te taato‘araa o te matahiti. »
« E ere anei i te mea moni rahi ? » ta‘u ïa uiraa.
« ’Hi‘o mai nei o Don e ata mai nei, « Mea oaoa roa », ta’na ïa i parau.
« te faaea nei matou i roto i te hoê fare no te tau tahito... Tau matahiti
to matou faaoromairaa no te faarava’i i te moni no te hamani i te fare
hopuraa pape. Tera râ pauroa te tau hiona e tatara mai matou i te moni
mai te fare moni mai e haere atu ai i to matou utuafare e faahee. Tei
te aua faehau to maua tamaiti paari i teie nei, e mea pinepine oia i te
papa‘i mai i roto i ta’na mau rata i to’na oaoaraa rahi i roto i tera mau
tere ta matou i tere. Ua ite oe aita vau e mana‘o e e papa‘i mai oia i roto
i ta’na rata, ‘Homa, e fare pape nehenehe roa to tatou, e ere anei ?’

« (i roto i te Conference Report, eperera 1968, 57; e aore ra Ensign,
tiunu 1968, 75).
■ Mea nahea ta teie utuafare haapuairaa i te hoêraa i roto i te
utuafare ?
Haapiiraa 14
Te rave nei te pae‘au rahi o tatou i te taime no te rave i te mau ohipa
faufaa roa. Raveraa i te ohipa, faaohiparaa i to tatou mau piiraa o te
Ekalesia, te faafaaearaa, te faahaereraa ia tatou i mua–e mea faufaa
ana‘e teie mau mea e taime rahi to tatou i roto i te reira. Teie râ, e ere
paha te reira i te mau ohipa tei hau roa’tu i te faufaa i roto i to tatou
oraraa. A feruri e nahea outou ia pahono mai i te mau uiraa i muri nei:
■ E aha te mau ohiparaa faufaa roa i roto i to‘u oraraa ?
■ Te rave ra anei au i te taime no te rave i te ohipa faufaa roa a‘e i roto i
to‘u oraraa ?
■ Nahea vau i te faanahonaho i to‘u oraraa ia nehenehe au ia faarava’i
i te taime no te mau ohipa faufaa roa a‘e ?
Te hoê o te mau raveraa faufaa roa a‘e no te haamau‘a i te taime maoti
râ i roto i to tatou utuafare. Teie râ mai te mea ra e tahana noa te ohipa,
haapa‘o noa te taata ia’na noa iho, e aore ra mea rava’i ore te faanahonahoraa,
e tupu mai â te mau peu au ore e mau‘a te taime o ta tatou e
faanaho e te utuafare. Noa’tu te mau huru o to tatou oraraa, mea
titauhia tatou ia faanaho i te taime e to tatou mau utuafare e ia imi i
te mau raveraa no te faahaere i mua i to tatou mau auraa i roto i te
utuafare.
■ E aha te mea e haafatata ai i te hoê utuafare ? (E riro te mau pahonoraa
mai teie i muri nei te atuaturaa, faaiteraa i te here, opereraa,
e te raveraa i te mau mea no te melo tata‘itahi o te utuafare).
Te Mau Ohipa O Te Faatahoê i te Mau Utuafare
Rave rahi o tatou o te haamana‘o nei i te oaoa rahi o to tatou tamariiraa
na roto i te raveraa i te mau ohipa e te utuafare. Ua faaite te hoê metua
vahine i te hi‘oraa i muri nei :
« Ia hi‘o ana‘e au i muri i to‘u tamariiraa e to‘u taure‘are‘araa te
haamana‘o nei au i te huru tura o te mau mea o ta matou te mau
tamarii e te mama e te papa i rave amui ei utuafare. Te haamana‘o ra
vau e i tera mau mahana aita i rahi roa te mau ohipa hautiraa i rapae
no reira e imi noa matou i te hautiraa i te fare. Mea hau roa a‘e te mau
mea o ta‘u e haamana‘o nei i tera tau i te mau teataraa o teie nei tau,
te mau taoraraa poro, e te mau fare tamaaraa...
137

138
14-a, E haapuai te oaoa amuiraa i te mau utuafare.

Haapiiraa 14
« Ua faaoti au e faanahonaho i te mau mea ato‘a no to‘u nei utuafare o
te hopoi mai i te Varua o te Fatu i roto i to matou utuafare mai te
faanahoraa o te Varua tei faaî i te utuafare o to‘u na metua. Te hinaaro
nei au i ta‘u mau tamarii ia faarii i te haamaitairaa rahi ia haamana‘o
noa ratou i te mau mea faufaa mai ta‘u e haamana‘o nei » (Family Home
Evening Manual (1968), 184–85).
Mai teie mama, e mea ti‘a ia tamata tatou i te faanaho i te mau mea
maitai o te haamana‘ohia i to tatou nei mau utuafare. Aita te mau
faanahonahoraa o te ao nei i rapae mai i ta te utuafare e nehenehe ia
faarii noahia; e rave rahi o taua mau ohipa ra o te ore e patu i te hoêraa
o te utuafare e o te ore e haafatata ia tatou i to tatou Metua Here i te Ao
ra. Ua ite te feia faatere o te Ekalesia i te hiaairaa o te mau utuafare no
te rave amuiraa i te ohipa e ia a‘o amui no te faanahonaho i te mau
ohiparaa a te utuafare. Ua a‘o mai te peresideni David O. McKay, ei
hi‘oraa, no te faariro i to tatou mau utuafare ei mau vahi nehenehe roa
(a hi‘o i te Gospel Ideas (1954), 485–486). Mai te mea e rave tatou i te
reira, e oaoa ïa ta tatou mau tamarii e au ato‘a ratou i te afa‘i i to ratou
mau hoa i te fare, no te mea ua riro te fare ei vahi mahanahana, ei vahi
no te hoaraa, e ei vahi no te oaoa.
■ E aha te tahi mau ohipa o te faatahoê i te mau utuafare ? (Papa‘i i te
mau mana‘o tauturu i ni‘a i te iri papa‘i. A faarava’i atu i teie tapura
te tahi mau mana‘o : papa‘i tamauraa i te hoê taata i te vahi atea,
faanaho i te hoê buka hauti na te utuafare, faanahonaho i te hoê
hauti, faatupu i te ‘amu‘amuraa i muri a‘e i te ohiparaa, faatupu i te
hoê pô himeneraa, i te hoê pô ori-haere-raa, hamani anei i te pauma,
tai‘o puai anei i te hoê buka tei auhia, e aore ra te tautururaa i te hoê
atu utuafare).
Ua faati‘a te hoê metua e mea nahea oia i te tautururaa i to’na utuafare
ia putuputu amui mai :
« I to‘u piiraahia ei peresideni misioni, ua pe‘ape‘a roa ino vau no te
mea o te hoê taime fifi te reira no ta‘u mau tamarii toova‘u e aita paha
vau i riro ei metua maitai no ratou. Ua ite au e te piiraa faufaa roa
maoti râ te piiraa metua no ô mai i te Fatu i te ti‘araa peresideni. Te
auraa ra noa’tu e tuu vau i to‘u oraraa i roto i te misioni, e faarahi atu â
vau i to‘u oraraa ei metua. Ua ite au e no te peresideni maiteraa i roto i
te misioni, mea titauhia vau ia peresideni maitai i roto i to‘u utuafare.
Ua faarahi au i te taime i roto i to‘u utuafare, te iteraa o ratou ana‘e iho
te vai mai ia‘u ia hope ana‘e ta‘u misioni. Mai te mea ua roaa ia‘u te
oaoa i te mau mahana matamua no ta maua misioni, ua ite au e rahi
noa’tu te maitai i muri iho mai.
139

Haapiiraa 14
« Te hoê o te mau mea matamua o tei ravehia o te taoraraa ïa i te hoê
taura i ni‘a i te hoê tumu raau i mua noa mai i te fare. Ua pauma (te
hoê misionare) e te taura i ni‘a e ua taamu i ni‘a i te tumu. E o te reira
te taura ou‘araa na te mau tamarii i roto i te misioni. E ua haere mai
te mau tamarii i te tahi a‘e pae e hauti i reira e ta maua mau tamarii.
« Tau ava‘e i muri mai i to matou taeraa, ua haere atu maua i te hoê
haapiiraa na te peresideni misioni. Ua anihia i te peresideni tata‘itahi
ia faaite i te mea faufaa, o ta’na i mana‘o ia tuuhia i roto i te haapiiraa.
I te taeraa mai i to‘u taime, ua parau atura vau, « Te mea faufaa roa
ta‘u i rave maoti râ te hamaniraa ïa i te hoê taura ou‘araa na te tamarii.
‘Ua ata te taato‘araa. Ua maere te peresideni S. Dilworth e ua ui maira,
‘E aha ?’ Ua faaite ihora vau e te tumu vau i rave ai i te reira no te mea
ta‘u opuaraa matamua roa oia ho‘i te riroraa ei metua maitai... Ua riro
te reira ei tapa‘o. I muri mai ua hamanihia te hoê tahua taororaa popo
i roto i te ete, e ua haaputuhia te hoê puu one e ua riro roa ei vahi
hautiraa na matou e te mau tamarii no na matahiti e toru matou i te
nohoraa. Ia mana‘o vau, e ore roa te reira e mo‘ehia i to matou nohoraa
i Kentucky e i Tennesse » (George D. Durrant, Love at Home, Starring
Father, (1973), 18–20).
■ E aha ta teie metua tane i rave no te tauturu i te paturaa i te hoêraa o
te utuafare ?
■ A ani i te hoê melo o te piha haapiiraa ia tai‘o mai i te Koheleta 3:1–8.
Te faaite mai nei te papa‘iraa ia tatou e « e tau to te mau mea ato‘a, e
taime to te mea ato‘a i raro a‘e i te ra‘i », tae noa’tu ‘e taime to te ata. »
Noa’tu te riroraa tatou i roto i te ohipa, e mea ti‘a ia rave tatou i te
taime no te utuafare, no te faafaea e ia oaoa amui. Ia î to tatou utuafare
i te oaoa e te ‘ata.
E riro ho‘i te ohipa ei taime oaoa mai te mea e rave maitehia te reira.
Mai teie te huru, i roto i te mau utuafare e te vaira te mau tamarii na’inai’,
e tano ïa ia faanahonaho i te tanuraa tiare anei, tamaraa i te fare,
e aore ra te horoiraa i te mereti e riro ho‘i mai te tahi ohipa hauti rii.
Na teie e tape‘a i te anaanatae e te hiaai i roto i te ohipa. E arata‘i ato‘a
te reira i to tatou mau utuafare i te oraraa oaoa tei tano i ni‘a i te
ohiparaa, te faafaearaa, e te hautiraa.
Faanahonahoraa i te Mau Ohiparaa Utuafare
Ia faanahonahohia na mua roa te mau ohiparaa a te utuafare e manuia ai.
Teie te tahi mau mana‘o tauturu ia tatou no te faanahonaho e no te rave i
ta tatou mau ohiparaa a te utuafare :
140

Haapiiraa 14
1. Tapura i te mau ohipa e nehenehe i te taato‘araa o te mau melo o te
utuafare ia oaoa. E nehenehe te reira ia faanahonahohia i te taime no
te pureraa pô utuafare.
2. Maiti i te hoê ohipa mai roto mai i te tapura.
3. Faataa i te hoê tai‘o mahana no te ohiparaa. Papa‘i i ni‘a i te tarena
ohipa a te utuafare eiaha ho‘i ia tafifi i te tahi atu mau faanahoraa.
4. Faanahonaho amui i te ohipa, faaô i te taato‘araa. Opere i te ohipa
na ni‘a i te melo tata‘itahi o te utuafare.
5. Paraparau amui i te reira i roto i to tatou utuafare–ia anaanatae
maitai te utuafare.
6. Haaputu i te moni no te reira ohipa mai te mea e titauhia.
7. A rave i te reira !
■ E aha atu ai te mea o ta tatou e nehenehe e rave no te rave i te mau
ohiparaa a te utuafare ?
I muri a‘e i te faatupuraa i te ohipa, e mea ti‘a ia feruri tatou e nahea ia
faahaere i mua i te faaoaoaraa i to tatou utuafare. E ui tatou ia tatou e
aha te mea i manuia ai ta tatou ohiparaa e nahea i te haafatataraa i te
utuafare. Mai te mea e na reira tatou, e iti mai ïa ta tatou mau hape i te
rave. E nehenehe tatou e faanahonaho amui i te ohiparaa no muri mai
ia maitai roa’tu ho‘i te reira.
E mea ti‘a ia papa‘i tatou i ta taou mau raveraa ohipa i roto i te buka
utuafare e i roto i te buka aamu a te taata tata‘itahi e ia tuu ato‘a i roto i
te mau hoho‘a e te mau mea e riro ei haamana‘oraa, mai te mea e nehenehe.
Te haamana‘oraa i te taime faaoaoaraa o ta tatou i ora mai e
haapuai ïa i to tatou here te tahi i te tahi.
Ia faanahonaho te mau metua i te taime no’na e te melo tata‘itahi o te
utuafare. E rave‘a maitai teie no te hoê metua ia haafatata ia’na i ta’na
mau tamarii. E ite te mau tamarii e mea faufaa ratou, e te herehia ra
ratou ia rave ana‘e te mau metua i te hoê taime e o ratou ana‘e ra.
E nehenehe ato‘a te mau ohipa o te faanahonaho-’oi‘oi-hia e riro ei
haafatataraa i te mau utuafare. E mea faufaa roa teie mau huru
ohiparaa; ia rave maitai tatou i te reira e tia‘i.
E Haapuai te Mau Ohiparaa i te Mau Utuafare
Teie te hoê aamu i muri nei o te faaite ra i te mea o ta te mau tamarii e
hinaaro roa ra mai roto mai i to ratou mau metua :
« E toru hanere e piti ahuru ma ono mau tamarii haapiiraa no te hoê
tuhaa mataienaa tapiri noa ia Indianapolis tei anihia ia papa‘i e aha to
ratou mana‘o tata‘itahi no to ratou ra metua.
141

Haapiiraa 14
« Ua ti‘aturi te orometua haapii e ia tai‘o te mau metua i te reira e riro
ïa ratou i te haere mai i te hoê apooraa a te Taatiraa Metua e te Mau
Orometua Haapii.
« Ua tupu ihoa te reira.
« Ua haere mai ratou na roto mai i to ratou mau pereoo tahito to te tahi
e ei mau pereoo nehenehe roa to te tahi pae. E peresideni fare moni,
taata rave ohipa tamahana, taata fatu ohipa, papa‘i parau hoo tao‘a,
taata faaapu, tunu faraoa, taata tapu ahu, hamani tao‘a, hamani fare te
mau huru taata ato‘a, te taata moni anei, aravihi anei, hi‘oraa parauti‘a
anei e te vai tura...
« Ua rave te peresideni i te hoê parau i roto i te mau otaa parau i papa-
‘ihia. Teie tei papa‘ihia ‘Mea au roa na‘u i to‘u papa’ E rave rahi mau
tumu tei papa‘ihia: ua hamani oia i ta‘u pepe hurio, ua faaorihaere oia
ia‘u, haapii oia ia‘u i te pupuhi, tauturu oia ia‘u i ta‘u haapiiraa, afa‘i
oia ia‘u i te vahi faafaearaa, ua horo‘a mai oia i te hoê puaa e na‘u e
faaamu e ia hoo. Ia haapotohia te rahiraa o te mau parau o teie ïa:
‘Mea au roa na‘u i to‘u papa. E hauti oia e o vau iho nei.’
« Aita hoê tamarii i papa‘i noa a‘e no ni‘a i to’na fare, pereoo anei,
te feia e noho ra i pihaiiho io ratou, te maa anei, e aore ra te ahu.
« Te mau metua i tae mai i te apooraa mai roto mai ïa i te mau faanahonahoraa
taa ê o te oraraa nei; ua haere mai ratou i roto e piti p∂p∂ : te
hoê ei mau hoa no to ratou mau tamarii e te tahi ei mau taata ‘e roa i ta
ratou mau tamarii.
« Aita e taata moni roa e aita ato‘a e taata veve roa no te hauti i ta’na
mau tamarii » (Bryant S. Hinckley, Not by Bread Alone (1955), 84).
Na te hauti-amui-raa e ta tatou mau tamarii e horo‘a mai ia tatou i te
rave‘a no te haapii i te mau parau tumu o te evanelia. Te haamataraa i
ta tatou mau ohipa na roto i te pure utuafare te haapii ra ïa tatou i ta
tatou mau tamarii i te faufaa no te pure. Te iteraa i te taa-ê-raa e vai
nei i roto i ta tatou hautiraa e riro te reira ei haapiiraa ia ratou e nahea
ratou ia hauti i te tahi atu mau taata e te huru o tera mau taata.
Tautururaa te tahi i te tahi e te ohipa amuiraa mai te hoê p∂p∂ ra te
huru e riro ïa ei rave‘a haapii ia tatou i te hopoi‘a e te rave amuiraa i te
ohipa. Te oaoa amuiraa e tauturu ho‘i te reira i te mau melo o te utuafare
ia haapapû i to ratou huru.
Na te tereraa o te mau matahiti, e faariro i te mau ohipa a te utuafare ei
peu tumu na te utuafare. Te tahi mau utuafare, te faatupu nei ratou i te
mau apooraa utuafare fetii, te tahi pae e teretere ratou, te tahi pae e tere
hiero, e tere tai‘a e aore ra e haere e pupuhi i te animara, te tahi pae e
haamau ïa i te p∂p∂ himene e aore ra e hauti amui ratou. E rave rahi
142

Haapiiraa 14
mau faanahoraa peu no te mau utuafare o te nehenehe e haamau, e mea
faufaa ana‘e no te mea na te reira e taamu etaeta i te mau utuafare.
■ A ani manihini i te tahi na melo o te piha haapiiraa ia faaite mai e
mea nahea te hautiraa amui i te haapuairaa i to ratou mau utuafare.
Te tahi pae o tatou tei roto i te ohipa a te Ekalesia e aita tatou e haapa‘o
i to tatou mau utuafare. Aita te reira i au i to tatou Metua Here i te
Ao ra. Te hoê taata mai te reira te huru e tei tuu i te rahiraa o te taime o
to’na oraraa no te ohipa a te Ekalesia, e ia tae i te hoê mahana e ua ite
ihora oia e ua mo‘e te hoê tamaiti ta’na. Aita oia i rave i te taime no teie
tamaiti, e aita ho‘i raua i fatata te tahi i te tahi ei metua e ei tamaiti e
au ai. Ia tamata ana‘e oia i te haapii i ta’na tamaiti ia ora i te evanelia,
e orure mai ta’na tamaiti ia’na e e paruparu oia i roto i te Eakalesia.
Teie râ, e taime ho‘i to teie metua ia rave i te taime no ta’na tamaiti,
mai ta’na i na reira i ta’na mau tamarii paari na mua a‘e oia a riro ai
ei taata ohipa rahi roa. Aita oia i poro ia’na; ua haamata râ oia i te
hauti i ta’na tamaiti. Ua haamata oia i te rave i te ohipa mai ta to’na
tamaiti e hinaaro. Ua haere raua i te mau hautiraa popo. Ua haere
raua e pupuhi i te animara e ua haere raua e tai‘a amui. Ua haere
raua e puhapa amui.
I muri a‘e i na matahiti e toru i te na reiraraa, ua fatata roa raua nei te
tahi i te tahi, ua ho‘i mai te tamaiti i roto i te Ekalesia. Ua faarii oia i
muri iho i te hoê piiraa no te tavini i te hoê misioni. Ua haapii teie
metua e te hoê rave‘a no te faaho‘i mai i te hoê tamaiti, ia rave ïa i te
mau ohipa e o oia iho.
Opaniraa
O to tatou utuafare te hoê mea faufaa roa i roto i to tatou oraraa. No
reira, e mea faufaa, e ia rave tatou i te mea o te tauturu ia tatou ia
faariro i to tatou mau utuafare ei mea mure ore. Te faataaraa i te hoê
taime no te hauti amui e te patu amuiraa te tahi i te tahi.
■ Faaite i to oe iteraa papû no te faufaa i te hauti amuiraa e to outou
utuafare.
Te titauraa
Faanahonaho i te hoê ohipa na te utuafare o te riro ei faaoaoaraa i te
taato‘araa o te mau melo o te utuafare. E nehenehe i teie faanahonahoraa
ia ravehia i roto i te pureraa pô utuafare. Faanahonaho i te hoê
tarena na te utuafare ma te faaô i te mau ohipa o ta tatou e rave amui i
te mau ava‘e ato‘a.
143

Haapiiraa 14
Te faaineineraa i te orometua haapii
Hou a haapii ai i teie haapiiraa:
1. A ani e piti na melo o te piha haapiiraa ia faaineine no te faaite poto
mai i to ratou oaoa i to ratou rave-amui-raa i te ohipa.
2. Ia ineine no te horo‘a i to outou iteraa papû no te faufaa no te
hautiraa amui e to outou utuafare.
3. Faataa i te mau melo o te piha haapiiraa ia faati‘a mai i te mau
aamu, te mau papa‘iraa mo‘a e aore ra i te tahi mau faahitiraa
parau o ta outou e hinaaro.
144

TE OPERERAA I
TE OHIPA I ROTO
I TE UTUAFARE
Haapiiraa 15
Te tumu o teie haapiiraa no te tautururaa ïa ia tatou ia faatupu i te mau
huru ti‘araa maitai no ni‘a iho i te ohipa e te faaitoitoraa i teie huru
ti‘araa i rotopu i te mau melo o te utuafare.
Omuaraa
« [Ua nene‘i te hoê ve‘a] i te hoê uiuiraa e te hoê taata tia‘i mamoe i
faatuhaahia tei tabulahia to’na matahiti 165. O Shirali Mislimov to’na
io‘a. Ua fanauhia oia e ua ora na no to’na oraraa’toa i ni‘a i te mau
Mou‘a Caucasus ... i rotopu i te Miti Ereere e te Miti Caspien…
« Te tapupu nei a o Mislimov i te tapu raau. ‘Ua papû ia‘u e, eita te hoê
taata hupehupe e nehenehe e ora maoro.’ ta’na ïa i parau i to’na taata
uiui... »
« Te parau ra te papa‘iraa e, ‘te ‘o haati nei a teie ruau i te mau tumu
raau i roto i te hoê aua maa faaapu, o ta’na i tanu faahou e rave rahi
taime i roto i te roaraa o to’na oraraa.’
« ‘Te rave-tamau-raa i te ohipa, te mata’i o te mou‘a, e te amu-tano-raa i te
maa tei tauturu ia‘u ia tae‘a teie matahiti paari,’ ta Mislimov ïa i parau,
tei ore roa te inu ava e te puhipuhi avaava » (Wendell J. Ashton, « The
Sweetness of Sweat », Ensign, Tiurai 1971, 35; mau papa‘iraa hipa tei
tuuhia).
Ua faaite o Elder Neal A. Maxwell e mea nahea to’na haapiiraa mai i te
faufaa o te ohipa i to’na apîraa : « Ua haamaita’ihia vau i na metua, e
mau melo haapa‘o no te Ekalesia, tei haapii ia‘u i te mau mea e rave
rahi no ni‘a i te evanelia i te omuaraa ra o to‘u oraraa, e tae noa’tu i te
faufaa no te evanelia o te ohipa. Na rave ohipa toopiti puai raua e tei
tamata i te haaputu i te moni e roaa ia raua ... E mea ohie na‘u ia haapii
mai ia au maitai i te ohipa no te mea ua farii au i na metua tei rave i te
ohipa ma te amuamu ore » (« Gospel of Work », Friend, Tiunu 1975, 6).
Ua parau te peresideni David O. Mckay, « Ia ite mau tatou e, te fana‘o
ia rave i te ohipa, e horo‘araa ïa, e te puai no te rave i te ohipa te hoê
145

146
15-a, E ti‘a i te mau melo atoa o te utuafare ia tufa te ohipa o te utuafare.

Haapiiraa 15
haamaitairaa ïa, oia ho‘i te here i te ohipa e manuïa ïa. (faahitihia e
Franklin D. Richards, « The Gospel of Work », Improvement Era, Ditema
1969, 101).
■ No te aha e mea faufaa to tatou huru ti‘araa i ni‘a i te ohipa ? Mea
nahea to tatou huru ti‘araa i te ohipa i ni‘a i ta tatou e rave nei ? Mea
nahea to tatou huru ti‘araa no te ohipa e nehenehe ai e faaitoito i ta
tatou mau tamarii ?
A Ohipa no te Utuafare Taatoa
■ A faaite i te hoho‘a 15-a, « E ti‘a i te mau melo atoa o te utuafare ia
tufa i te ohipa a te utuafare. »
Noa’tu o vai tatou nei, e aore râ eaha te vahi ta tatou e ora nei, e ohipa
paatoa ta tatou no te rave. Te rahiraa o te taime, na te mau metua tane
e horo‘a i te maa, te ahu, e te tapo‘i fare no to ratou mau utuafare. Tei
matarohia, na te mau metua vahine e haapa‘o te utuafare e, e haapii
oia i te mau tamarii. E hopoi‘a ra na te mau melo atoa o te utuafare te
mau ohipa o te utuafare. E ti‘a i te mau tamarii ia taa maitai e, e tuhaa
faufaa ratou no te utuafare e, e hinaarohia ta ratou tautururaa.
■ Eaha te tahi o ta ratou mau ohipa peu matauhia i te utuafare tei riro
ei hopoi‘a na tatou e na ta tatou mau tamarii ? (E nehenehe e faaô
mai i roto i te mau pahonoraa, te tata‘iraa e te tamaraa o te mau aua
e te mau fare, te haapa‘oraa i te mau animala, te iriti-ê-raa o te pehu,
te faaineineraa i te maa, te aupururaa i te mau tamarii, te niraa i te
ahu, te hooraa mai e te tamaraa).
I te tahi mau taime, e ti‘a paha ia faatupu e aore râ ia imi tatou i te
ohipa na te mau tamarii. Te faaite ra o Elder Loren C. Dunn e mea
nahea to’na metua tane i te faaafaroraa i teie fifi :
« A paari mai ai maua i roto i te hoê oire na’ina’i, ua ite atu to‘u metua
tane i te hinaaro no to‘u taea‘e e no‘u ho‘i ia haapii i te parau tumu no
te ohipa. Ei pahonoraa, ua faaohipa oia ia maua i roto i te hoê faaapu
na’ina’i i te hiti o te oire i reira oia i te paariraa mai. Ua faatere oia i te
ohipa nene‘iraa ve‘a o te vahi iho, e no reira eita e nehenehe ia’na ia
horo‘a rahi te taime i pihaiiho ia maua maoti ra i te po‘ipo‘i roa e i te
ahiahi. E hopoi‘a rahi ïa te reira no maua na taure‘are‘a toopiti, e i te
tahi mau taime, ua rave maua i te hape.
« Ua haatihia ta matou faaapu na’ina’i e te tahi atu mau faaapu, e ua
haere atura hoê o te mau taata faaapu e farerei i to maua metua tane i
te hoê mahana no te parau atu ia’na i te mau mea ta’na i mana‘o e ua
hape ta maua raveraa. Ua faaroo maira to maua metua tane ia’na ma
te haapa‘o maitai e i muri a‘era ua parau atura, ‘E Timi, aita oe e taa
maitai nei, Te ite nei oe, te faaamu nei au i te mau tamaroa e, e ere i te
147

Haapiiraa 15
mau puaatoro.’ I muri a‘e i te poheraa to maua metua tane, ua faaite
maira o Timi i teie aamu. Aue to‘u mauruuru no to‘u metua tane tei
faaoti ia haapii i te mau tamaroa e, e ere ra i te mau puaatoro. Taa ê
atu i te mau hape, ua haapii mai maua ia rave i te ohipa i roto i taua
faaapu iti ra, e te mana‘o nei au, noa’tu e aita raua i parau i te reira i
roto e rave rahi parau, ua ite tamau ra maua e, e mea faufaa maua no
to maua Metua Vahine e no to maua Metua tane i te mau puaatoro e
aore râ, no taua ohipa ra, i te tahi noa’tu mea » (i roto Conference
Report, Atopa 1974, 12 ; e aore râ Ensign, Novema. 1974, 11).
Te Faanahonahoraa e te Faaueraa Ohipa
E maitai te mau melo atoa o te utuafare na roto i te ohipa i ravehia i te
fare, e no reira e ti‘a ia hinaaro ratou ia rave i ta ratou tuhaa. E ti‘a ia
faauehia te melo tata‘itahi o te utuafare i te mau hopoi‘a o te tano i te
mau aravihi o te tamahine e aore râ o te tamaroa. E paruru te reira i te
vai ohipa oreraa e, e oti ho‘i te ohipa’toa. Oia’toa no te mau tamarii rii,
e nehenehe ia horo‘ahia’tu te mau ohipa ohie noa.
Ia faanahonaho e ia faaue ana‘e i te ohipa o te utuafare, e ti‘a ia farerei
tatou e to tatou mau melo o te utuafare e ia faariro ia ratou ei tuhaa no
te raveraa i te faaotiraa. E rave paha tatou i teie i roto i te taime no te pô
pureraa utuafare, e aore râ, e faatupu paha tatou i te hoê apooraa taa ê
no te utuafare. Noa’tu te huru o ta tatou faatereraa i te reira, e ti‘a i te
mau melo atoa o te utuafare ia faaohipahia i roto i te faanahonahoraa,
inaha e titauhia i te taato‘araa ia rave i ta ratou tuhaa no te ohipa.
Hoê rave‘a ia faanahonaho i te ohipa o te fare, maoti te papa‘iraa i te
hoê tabula no te mau ohipa atoa te ti‘a ia faaotihia, ma te tabula i te
mau ohipa i roto i te faanahoraa no te faufaa e aore râ no te fifi. I muri
iho, e nehenehe ia tuu te io‘a o te melo o te utuafare i ni‘a i te api parau
i pihaiiho i te ohipa tata‘itahi. Mai te peu e, aita hoê melo o te utuafare
e nehenehe e tai‘o, e nehenehe ia papa‘ihia’tu te mau hoho‘a no te
faataaraa o te mau parau e o te mau io‘a.
■ A faaite i te hoê hoho‘a rahi no te hoho‘a tabula i muri nei, e aore râ
a hi‘o i te haamaramaramaraa i ni‘a i te tabula papa‘iraa :
148

Te Mau Hopoi‘a a te Utuafare
Tamaraa i te aua na Papa
Hooraa mai
Tafairaa e te papû‘araa ahu na Mama
Faaineineraa i te mau maa
Faataheraa u o te puaatoro na John
Faaamuraa i te mau animala
Afa‘iraa i rapae te pehu
Horo‘iraa au‘a na Mary
Aupururaa o te mau tamarii
Tamaraa i te vahi tunuraa maa na Sarah
Haaputuraa i te mori arahu
Haapiiraa 15
No te horo‘araa i te tauiraa apî e te huru rauraa o te mau iteraa ohipa,
e hinaaro paha te mau melo o te utuafare ia taui haere te mau ohipa na
roto i te hebedoma e te hebedoma e aore râ na roto i te ava‘e e te ava‘e.
Mai te mea e oti teie ohipa, e ti‘a ïa ia monohia’tu te tabula faaueraa
ohipa e te hoê tabula apî. Oia ïa, ua riro teie tabula ei hoê noa raveraa
no te faanahonahoraa o te mau ohipa o te utuafare.
■ A ani manihini i te tahi tau melo o te piha haapiiraa ia faaite mai e
mea nahea ratou i te faanahonahoraa i te mau ohipa o te utuafare.
Hoê utuafare tei faaohipa i teie hoho‘a raveraa ohipa tei ite e, ua horo‘a te
reira i te hoê rave‘a no ratou ia haapii i ta te taata iho hopoi‘a i ta ratou
mau tamarii. I roto i te pô pureraa utuafare, ua papa‘i te utuafare i te hoê
tabula no te mau ohipa o te fare. Ua faati‘a te tamaroa e ono matahiti te
paari ia haapa‘o oia i te aua i mua i to ratou fare. Te auraa ra, e ti‘a ia’na ia
pipi i te mau raau tupu, ia hutihuti te m au aihere ino, e ia tapu i te matie.
Tau mahana i muri a‘era, ua ite atu te metua tane i te api parau e vai
haere ra e te hi‘oraa haapa‘o-ore-hia o te matie. Ua mana‘o oia ia rave i
te ohipa a te tamaiti. E mea ohie ia rave. Area ra, ua ite oia e, maite
mea e na reira oia, te rave maira oia ia’na ra te hopoi‘a tei horo‘ahia’tu
e ana. No reira ua vaiiho oia i te aua mai te au i ta’na i ite atu.
I te ahiahi i mua mai, e hi‘oraa ino atu to te aua. Aita roa ta’na tamaiti e
rave ra i ta’na ohipa. Ua faarahi atu te reira te ma o te mau aua o to’na
149

Haapiiraa 15
mau taata tupu no te hi‘oraa ino atu o to’na iho aua. Ua mana‘o atura te
metua tane i te haamau‘araa mai te mea e pohe te mau raau tupu. Ua
feruri atoa oia e, aita anei oia i horo‘a rahi atu i te ohipa na te hoê tamaiti
e ono matahiti te paari. Faahou a, ua faaoti oia ua hau atu te faufaa o
ta’na tamaiti i te mau ohipa, e ua pato‘i oia ia rave mai i te reira.
Teie ra, ua ani atu te metua tane i ta’na tamaiti, ua nehenehe anei ia
raua toopiti ia haere atu no te hi‘o i te huru o te mau ohipa. Ua faati‘a
maira te tamaiti. I muri a‘e i to raua haereraa na roto i te aua, ua parau
maira te tamaiti, «O Papa, e mea teiaha roa !» Ua parau atura te metua
tane, « E hinaaro anei oe ia‘u ia tauturu ia oe ? » « E! » ta ta’na tamaiti
i parau. « A tia‘i mai i ô nei. » Ua horo atura te tamaiti i roto i te fare,
hopoi maira e piti pute, e ani ihora i to’na metua tane ia tama te tahi
tuhaa o te aua a tama ai oia i te toe‘a. Tau minuti i muri a‘era, ua oti
[te ohipa] ia raua.
I roto i na hebedoma e piti, ua riro mai taua tamaiti ra ei haapa‘o mau
no te aua. Ua ite oia e, mai te mea eita oia e haapa‘o i te reira, aita e
taata no te rave. Ua ite atoa oia e, ua turu‘i to’na metua tane i ni‘a ia’na
e ua ti‘aturi ia’na. (Faatanohia no roto mai ia Stephen R. Covey,
Spiritual Roots of Human Relations [1970], 145–46).
■ Mea nahea ta teie metua tane tautururaa i ta’na tamaiti ia faaoti i
ta’na hopoi‘a ? Taa ê atu i te horo‘a i te tautururaa o te taata iho, eaha
atu a te nehenehe ia tatou ia rave no te faariroraa i te mau ohipa ei
mea oaoa ? (E nehenehe tatou e horo‘a i te mau haamauruururaa
na’ina’i no te faaitoito atu i te mau tamarii ia faaoti i ta ratou mau
opuaraa ohipa).
Te haapiiraa i te hopoi‘a e te tufaraa i te ohipa e mea faufaa ïa. Te
faanahonahoraa i te utuafare ia farii te taato‘araa i te mau ohipa taa
maitai, e nehenehe ïa e tauturu i na metua ia rave i te reira. Teie ra,
eiaha tatou e haamo‘e, ia vaiiho atoa i te taime no te faafaaearaa e no
te haamaharaa o te tino. Ua faahaamana‘o mai o Elder Franklin D.
Richards ia tatou ia faataa i te taime no te haamaharaa o te tino e no te
ohiparaa’toa : «I roto i te imiraa i te mau rave‘a no te faatupuraa o te
here no te ohipa, eita e ti‘a ia tatou ia ore e hi‘o i te ohipa no te haamaharaa
o te tino. Noa’tu a, e mea faufaa roa te ohipa no te rave-faaotiraa’tu,
mai te reira atoa te haamaharaa o te tino e te faafaaearaa tano te
titauhia. [Te mana no te haaviraa ia oe iho, e tuhaa faufaa ïa i roto i te
faatupuraa o te here no te ohipa. Te titau nei te Fatu ia tatou ia ohipa
no te hoê faafaitoraa tano i rotopu i te ohipa e te haamaharaa o te tino
e oia’toa no te mau huru o te oraraa i te pae tino e te pae varua »
(Improvement Era, Ditema 1969, 103).
150

Te Faufaa no te Rave-Amui-raa i te Ohipa
Haapiiraa 15
■ Eaha te faufaa no te rave-amui-raa i te ohipa ei utuafare ? (A tabula i te
mau pahonoraa i ni‘a i te tabula papa‘iraa. A haapapû ia faaô mai teie
mau mea : e ite tatou i te oaoa i roto i te ite-mau-raa i te mau faaotiraa
ohipa o ta tatou mau haaraa amuihia, e ite tatou i te fatata-a‘e-raa o to
tatou mau utuafare, e haapiii mai ta tatou mau tamarii ia rave tahoê e
ia tufa te hopoi‘a, e ite tatou i te popou ei mau metua no te mea e, te
haapa‘o nei ïa tatou i te hinaaro o te Fatu, e e maitai te melo tata‘itahi o
te utuafare na roto i te haapiiraa mai i te rave i te ohipa).
« I roto i te hoê utuafare o te Feia Mo‘a o te Mau Mahana Hope‘a nei,
e taote te metua tane, ua feruri na metua ia haapii atu ta raua mau
tamarii i te faufaa no te ohipa. Ua taa maitai raua e, te horo‘a ê ra raua
i te rave‘a fana‘o no te tupuraa o ta raua mau tamarii na roto i te
tihepuraa mai i te hoê taata tama i te piha ohipa.
« Ma te anaanatae te mau tamarii no te rave‘a fana‘o ia noaa tamau
mai te moni, ua rave atura i te ohipa no te tamaraa o te piha toro‘a i
te po‘ipo‘i tata‘itahi. Ua riro maira te raveraa ohipa tapupu ei ohipa
faufaa. E tama te mau tamahine o te utuafare i te piha toro‘a hoê po‘ipo‘i
a faaea ai te mau tamaroa i te fare no te tauturu i te mau ohipa o
te fare ; i muri iho, i te po‘ipo‘i a‘e, e faataui ratou i te mau ohipa...
« Ei faahope‘araa no te opuaraa ohipa : (1) Ua matau mai te mau
tamarii i te toro‘a o to ratou metua tane... (2) Ua ite te mau tamarii i
roto i te aau e, ua riro ratou ei tuhaa no te ohipa imiraa moni a to ratou
metua tane, e ua ite ratou i te hoê te‘ote‘o i roto ia ratou iho no ta’na
ohipa. (3) Ua farii te mau tamarii i te hoê opuaraa tamau no te ohipa
e te mau hopoi‘a o te mahana tata‘itahi no te rave e [ua farii] i te hoê
horuhoruraa o te aau no te hopoi‘a na roto i te iteraa e, ua rave faaotihia
te ohipa. (4) Ua faatupu te mau tamarii i te raveraa ohipa tapupu ...
(5) Ua farii te mau tamarii i te moni tamau » (Elwood R. Peterson,
« Family Work Projects for Fun and Profit », Ensign, Tiunu 1972, 8).
■ Eaha te ture no te ootiraa ? («E ooti tatou i ta tatou e ueue.» A papa‘i
i teie parau i ni‘a i te tabula papa‘iraa).
Te ohipa tata‘itahi ta tatou e rave, e farii ihoa ïa i ta’na iho haamauruururaa.
A tanu ai tatou i te mau faaapu raau e a haapa‘o ai no te reira, e
oaoa tatou i te mau hotu o ta tatou haaraa i te taime ootiraa. A patu ai
tatou e a tata‘i ai i to tatou mau fare, e ora tatou i roto i te tamahanahanaraa
rahi a‘e e te parururaa. A haapa‘o ai tatou ia ma to tatou ahu e
te nehenehe maitai, e oaoa tatou i te tamahanahanaraa rahi a‘e e, e
faaite tatou i te hi‘oraa no te maraa. A faaineine ai tatou no te maa tano
maitai e a tape‘a ma ai i te mau au‘a, e oaoa maita’i a‘e tatou.
151

Haapiiraa 15
Hoê o te mau fa no te ohipa a te utuafare, te faatupuraa ïa i te huru o te
feruriraa e te haapiiraa ia rave i te ohipa. E riro mai te mau taata otahi
ei feia ti‘aturihia a rave ai ratou i te hopoi‘a e a oaoa ai i te hoonaraa no
te hoê ohipa i rave faaoti-maitai-hia. Te parau ra te peresideni Spencer
W. Kimball : «Te ti‘aturi nei au e, te taa maitai nei tatou, e a farii ai i te
hoê aua faaapu ei hi‘oraa, e mea pinepine i te faufaa i roto i te faaitiraa
mai o te mau hoo o te maa e te noaaraa mai o te mau hotu apî e te
momona e te mau pota, e hau atu ta te reira e horo‘a mai. O vai te
nehenehe e faito i te faufaa o taua paraparauraa taa ê ra i rotopu i te
tamahine e te Papa a vaere ai raua i te aihere ino e aore râ a pipi ai te
aua faaapu i te pape ? Nahea tatou ia faaau atu i te maitai te noaa mai
na roto mai i te mau haapiiraa ihoa ra no te tanuraa, te faaapuraa, e te
ture mure ore no te ootiraa ? E nahea tatou ia faito i te tahoêraa o te
utuafare e te rave-amuiraa-raa o te ti‘a ia pee atu i te tapunuraa maa
manuïa maitai ?Oia ïa, te apapa nei tatou i te mau faufaa i roto i te fare
toa, tera râ, te maitai rahi a‘e te vai ra ïa i roto i te mau haapiiraa o te
oraraa ta tatou e haapii mai a ora ai tatou ma te tia‘i-maite-hia e a faatae
ai i ta tatou mau tamarii ta ratou faturaa tupuna o te feia omua »
(« Welfare Services: The Gospel in Action », Ensign, Novema 1977, 78).
Te faaite nei te aamu iti i muri nei e mea nahea to te hoê utuafare melo
haapiiraa mai i te faufaa no te raveraa ohipa e to’na utuafare :
« I roto i te mau ava‘e afa tau mahanahana, te vai ra te mau afa ta no te
mau betteraves [hamani] tihota te ti‘a ia haavaravarahia. Te auraa ra,
e ti‘a ia matou ia ‘o mai i te tahi o te mau pota na’ina’i no te vaiiho i
te vahi no te mau betteraves tihota ia tupu aano atu..Mea au roa na
matou ia amu i te mau aa momona o te mau betteraves o ta matou i
haavaravara, tera râ, ua rohirohi mau a matou i te pi‘oraa i te mahana
taatoa no te haavaravararaa i te reira. I te hoê mahana ua tamata vau
i te faaea i te fare e ore ai e haere atu na roto i te mau aroa o taua mau
betteraves roroa ra na ni‘a i to‘u na rima e na turi ava‘e. Ua faaite au
i to‘u metua tane e te mauiui ra to‘u upoo—o ta‘u i papû maitai te
mauiui ihoa ra—tera râ, aita oia i faati‘a ia‘u ia faafaaea. No reira ua
haere ava‘e paatoa’tura matou i roto i te faaapu e haamata a‘era i te
rave i te ohipa.
« I muri a‘e i te haavaravaraa no te hoê taime iti, ua amuamu atu vau e,
te mauiui ra to‘u upoo. Aita mau ihoa to‘u metua tane i ti‘aturi ia‘u no
te mea e, aita vau i faaho‘ihia i te fare. Faahou e faahou a, ua amuamu
vau no te mauiui o to‘u upoo... I te pae hope‘a, ua parau maira to‘u
metua tane, « Na reira ïa, e ho‘i oe i te fare e a parau atu i to oe mama
ia haere mai no te haavaravara i te mau betteraves i to oe vahi.’ Ua
faari‘ari‘a te reira ia‘u—Aita i nehenehe ia‘u ia mana‘o no to‘u mama ia
haere mai oia i roto i te faaapu e rave ai i ta‘u ohipa. Ua parau atoa vau
152

Haapiiraa 15
i to‘u papa e, e mea hau a‘e na‘u ia faaea mai e ia rave i te ohipa : a rave
ai au i te ohipa ua faaea te mauiui o to‘u upoo e aita vau i amuamu
faahou.»
■ Eaha ta teie tamahine i haapii mai na roto mai i to’na iteraa no te
ohipa ? (E nehenehe e faaô mai i roto i te mau pahonoraa te faufaa o
te ohipa, te raveraa i ta’na tuhaa ohipa, te faatura no to’na na metua).
Faahope‘araa
Te parau ra o Elder Neal A. Maxwell :
« Aita vau e ti‘aturi nei e, e nehenehe te mau taata e oaoa maoti ra e
ohipa ta ratou no te rave. E nehenehe mau ra te hoê taata e riro hau atu
ei titi no te ohipa-ore-raa i te raveraa i te ohipa. E tape‘a te raveraa i te
ohipa ia tatou ia haehaa e, e faahaamana‘o te reira ia tatou e mea nahea
te mau haamaitairaa atoa i te tae mai ia tatou ra mai o mai i to tatou
Metua i te Ra‘i ra…
« Te riro nei te evanelia no te ohipa ei haapiiraa faufaa roa no te
Ekalesia. Mai te peu e haapii mai tatou i te rave i te ohipa i te omuaraa
ra o te oraraa nei, e riro mai ïa tatou ei mau taata otahi maitai a‘e, ei
mau melo maitai a‘e no te mau utuafare, ei mau taata tupu maitai a‘e, e
ei mau pipi maitai a‘e na Iesu Mesia, o tei haapii mai Ona iho ia rave i
te ohipa ei taata tamuta. » (Friend, Tiunu 1975, 7).
Tamataraa
Ia oaoa e ia amuamu ore no ni‘a i ta outou ohipa. A opua e a faanahonaho,
e a faaineine i te hoê tabula ohipa na te utuafare i teie hebedoma o te
faaue i te mau melo o te utuafare i ta ratou mau ohipa.
Te Tahi Atu Mau Papa‘iraa Mo‘a
■ Maseli 6:6–11 (hoho‘a no te rô)
■ Ephesia 4:28 (a‘oraa ia riro ei taata faarava’i ia’na iho e te aroha)
■ 1 Tesalonia 4:9–12 (Te feia mo‘a ia rave i te ohipa ma to ratou iho
mau rima)
■ 2 Nephi 5:17 (Ua faaitoito te mau Ati Nephi ia riro ei feia faatupu
ohipa)
■ Te Parau Haapiiraa e te Mau Parau Fafau 42:42 (Te taata hupehupe
eita oia e amu i te pane a te taata haa)
■ Iosepha Semita—Aamu 1:55 (Ua haa o Iosepha Semita)
153

Haapiiraa 15
Faaineineraa a te Orometua Haapii
Hou a horo‘a ai i teie haapiiraa :
1. A tai‘o Te Mau Ohipa e te Mau Haamaitairaa o te Autahu‘araa, Tuhaa A,
haapiiraa 23, « Te Faatupuraa e te Haamaitairaa i te mau Aravihi no
te Ohiparaa. »
2. A tai‘o Te Mau Parau Tumu no te Evanelia pene 27, « Te Ohipa e te
Hopoi‘a a te Taata Iho. »
3. A faaineine i te mau hoho‘a rarahi i horo‘ahia’tu te mana‘o i roto i te
haapiiraa, e aore râ a papa‘i i te haamaramaramaraa i ni‘a i te tabula
papa‘iraa.
4. A faataa i te mau melo no te faaite mai i te tahi noa’tu mau aamu,
mau papa‘iraa mo‘a, e aore râ mau faaiteraa papa‘iraa ta outou e
mana‘o nei.
154

TE FAAAPURAA
I TE FARE IHO
Haapiiraa 16
Te tumu o teie haapiiraa no te tauturu ïa ia tatou ia haamaitai i to tatou
mau aravihi i roto i te faatupuraa i te mau faaapu a te utuafare.
Omuaraa
Ua parau te peresideni Spencer W. Kimball : « Te faaitoito nei matou ia
outou ia faatupu i te mau maa’toa ta outou e nehenehe ia faatupu i ni‘a i
to outou fenua iho. Te mau huru rii maa mai te berry [baie], te mau vine,
te mau tumu raau hotu —a tanu i te reira mai te mea e tano te tau i o
outou no to ratou tupuraa. A faatupu i te mau pota e a amu i te reira mai
roto mai i ta outou iho aua. E tae noa’tu ia ratou o te noho nei i roto i te
mau nohoraa appartement e aore râ te mau nohoraa copropriété [condominium]
e nehenehe i te rahiraa o te taime e faatupu i te mau maa rii i
roto i te mau farii e te mau afata tanuraa. A haapii i te mau raveraa maitai
roa‘e no te noaaraa mai ta outou iho mau maa. A faariro i ta outou faaapu
ei hi‘oraa ... mâ e te nehenehe e ia hotu atoa mai. Mai te peu te vaira te
mau tamarii i roto i to outou fare, a faaohipa ia ratou i roto i te raveraa, te
mau hopoi‘a i faataahia [na ratou]» (i roto Conference Report, Eperera.
1976, 170–71 ; e aore râ Ensign, Me 1976, 124).
Te Mau Haamauruururaa no te Faaapuraa i te Fare Iho
Te vai nei te mau tumu maitai e rave rahi no te fariiraa i te mau faaapu :
Te Hoêraa o te Utuafare
Te mau utuafare o te rave amui nei i te ohipa i roto i te hoê faaapu i te
fare iho, e patu ïa ratou i te hoêraa o te utuafare no te mea, hoê â tumu
ta ratou e ohipa nei. Te parau ra te peresideni Kimball : « Te ti‘aturi nei
matou e te faariro nei outou i teie [opuaraa no te faaapuraa] ei ohipa
na te utuafare, e te mau taata atoa, tae noa’tu i te mau tamarii rii, ia
faaohipahia’tu no te tahi mea. E rave rahi roa no te haapii mai e no te
ooti mai i roto i ta outou faaapu, hau roa’tu i te hoê hoturaa maa iho.»
(I roto Conference Report, Eperera. 1978, 120; e aore râ Ensign, Me
1978, 79).
155

16-a, E nehenehe te hoê faaapu i te fare iho e horo‘a i te mau huru maa e rave rahi.
156

Haapiiraa 16
Te Mauruururaa no te Ohipa
E tauturu te hoê faaapu i te fare iho i te mau tamarii ia haapii mai i te
faufaa no te ohipa. I muri a‘e i to ratou tautururaa i te utuafare ia tanu
i te hoê faaapu e ia haapa‘o i te reira, e oaoa ïa ratou ia ite atu i te mau
hope‘araa te roaa mai na roto mai i ta ratou ohipa puai.
Te Faarava’iraa Ia’na Iho
E tauturu te faatupuraa i te hoê faaapu ia tatou ia faatupu i te ti‘aturiraa
a riro mai ai tatou ei feia ineine maitai a‘e no te haapa‘o i to tatou
iho mau hinaaro. Ua ite matou e, mai te mea e tae mai te mau fifi, e
nehenehe tatou e pahono i te reira no te mea ua faaherehere tatou i te
hotu, ua faatupu i te hoê faaapu, e ua tanu i te mau tumu maa hotu
e te mau huru rii maa berry. Te hoê atu haamaitairaa i amuihia mai
oia te iteraa e, e nehenehe tatou e tauturu ia vetahi ê i roto i te ati.
Te Haamaramaramaraa e te Oaoaraa
E faahaamana‘o te hoê faaapu ia tatou no te mau nehenehe o teie nei ao
ta to tatou Metua i te Ra‘i ra i hamani no tatou, e e nehenehe te reira e
horo‘a ia tatou i te mau hora no te haamaramaramaraa e no te oaoaraa a
ite mata ai tatou i te semeio no te faatupuraa, Ua parau te peresideni
W. Kimball e, na te faaapuraa e « faahaamana‘o ia tatou atoa no te ture
o te ootiraa... E ooti ihoa tatou i te mea ta tatou e ueue. Noa’tu â te vahi
repo ta outou e haamaru, e tanu, e e ooti mai e mea na’ina’i, e haafatata’tu
râ te natura taata i te natura mai tei iteahia i roto i te haamataraa e
to tatou mau metua matamua » (i roto Conference Report, Eperera 1976,
117; e aore râ Ensign, Me 1978, 77–78).
Te Ea [Te Ora Maitai o te Tino]
Te here nei te Fatu ia tatou e te hinaaro nei ia maitai tatou i te pae tino.
Na te faatupuraa e te amuraa i ta tatou iho mau pota e te mau maa hotu
apî maitai e tauturu ia tatou ia tape‘a maite i te ea maitai. Oia’toa, te maa
ta tatou e roaa mai i roto i ta tatou mau faaapu, tei matarohia ho‘i, e mea
apî a‘e ïa e, e mea au maitai a‘e i te maa ta tatou e hoo mai nei.
Te Mau Haamau‘araa i Faaitihia mai
E nehenehe te faaapuraa i te fare iho e faaiti mai i te haamau‘araa no
te oraraa. Na te amuraa i te maa ta tatou iho e faatupu nei, e faatia ia
tatou ia faaherehere i te moni o ta tatou e haamau‘a atu paha i ni‘a i te
maa tei faatupuhia e vetahi ê.
■ Eaha atu â ta tatou e haapii mai na roto i te tanuraa e te ootiraa i te
hoê faaapu ?
Te Haamataraa e te Hoê Faanahoraa
Hou tatou a tanu mau ai i ta tatou mau faaapu, e ti‘a roa ia rave tatou i
te mau faaotiraa i muri nei :
157

Haapiiraa 16
I Hea Tatou e Tanu ai ?
■ A faaite i te hoho‘a 16-a, « E nehenehe te hoê faaapu i te fare iho e
faahotu mai e rave rahi huru maa » ; 16-b, « E nehenehe ia tanuhia te
mau faaapu, fatata i te mau vahi atoa »; e 16-c, « E nehenehe te mau
pota e te mau maa hotu ia tanuhia i roto i te mau farii mai te peu aita
e vai nei te fenua. »
Ei vahi maitai roa‘e no te faaapu ia nehenehe, no te mea e riro mai te
reira ei tuhaa fenua faufaa. Te hoê vahi e mahanahia no te farii e ono
a‘e hora mahana i te mahana tata‘itahi, te mea maitai roa‘e ïa no te hoê
vahi faaapuraa.
E ti‘a ia tae ohie atu i te faaapu na te fare atu. Eiaha te vahi opa rahi
roa, e tamâ ê te pape i te repo e te mau aihere. Mai te mea tei ni‘a te
faaapu i te vahi opa roa, e ti‘a te mau aroa tanuraa e aore râ te mau
apoo roa i roto i te repo, ia tere tarava i te oparaa, eiaha na ni‘a i raro.
E mea faufaa atoa te repo. Mai te mea e mea oneone roa, eita te reira e
tape‘a i te pape. Mai te mea ua rahi roa te repo araea, e haapu‘e noa te
pape i ni‘a e faarari marû roa. E nehenehe ia pahono i na fifi atoa na
roto i te tuuraa atu i te tahi huru repo ê atu e na roto i te tuuraa i te
mau pehu tapehia. Mai te mea aita e rava’i ra te ua i te vahi, e hinaarohia
ïa te pape no te faataheraa pape.
Te feia o te ora nei i roto i te mau nohoraa appartement e fifi taa ê ïa
to ratou no te mau taoti‘araa o te vahi. E nehenehe teie mau taata e
faaapu i roto i te mau farii e te mau afata tanuraa e aore râ e tipee e
aore râ e tarahu mai i te fenua. Teie tei ravehia e na utuafare toopiti i
Heremani no te noaaraa mai te hoê faaapu. A papa‘i ai i to ratou iteraa
i tupu i te peresideni Spencer W. Kimball, ua parau ratou :
« E piti utuafare matou i roto i te Misioni Frankfurt, e [te papa‘i atu nei]
matou no te faaite ia oe no ni‘a iho i ta matou faaapu.
« E ere i te mea ohie roa te imiraa i te hoê tapu fenua i roto i te hoê oire
rahi mai ia Frankfurt—e faaapu na’ina’i roa—e i to matou tarahuraa
mai i te reira, e hi‘oraa mai te hoê medebara ra, e te aua parari, e te hoê
fare na’ina’i parari, e te matie tupu oviri na te mau vahi atoa. Aita te
reira i haaparuparu I to matou mana‘o.
« Te ohipa matamua, ua hamani i te paruru aua apî, ua tata‘i i te fare
na’ina’i, ua o haere i te taatoaraa o te faaapu. I te tau mahanahana, ua
tanu atu matou i te mau pota e ua parau maira te mau taata tupu ia
matou e, eita [te reira] e tupu. Te vai ra te hoê anavai iti o ta matou e
nehenehe e haere atu na ni‘a i to matou mau pereoo taataahi e ta
matou mau punu farii pape, e na roto i teie rave‘a ua poi mai matou i
ta matou pape. Ua pure matou i te Fatu ia haamaitai oia i ta matou
faaapu. Ua pahono mai ihoa te Fatu i ta matou mau pure. Ua tupu
158

16-b, E nehenehe te mau faaapu ia tanuhia fatata i te mau huru vahi ato‘a.
159

160
16-c, E nehenehe te mau pota e te mau hotu e faatupuhia
i roto i te mau farii mai te mea aita e fenua e vai ra.

Haapiiraa 16
mai te mau huru pota atoa. Mea maere roa ia ite atu i te mau raau ia
tupu mai » (faahitihia e Spencer W. Kimball, I roto Conference Report,
Atopa. 1976, 5; e aore râ Ensign, Nov. 1976, 5).
Eaha ta Tatou e Tanu ?
Te piti o te faaotiraa ta matou e ti‘a ia rave oia ho‘i eaha ïa te tanu. Te
tahi mau vahi faaapuraa e area rahi ïa, te tahi ra e mea na’ina’i ana‘e ïa.
Mai te mea, ua taotiahia te area, e ti‘a roa ïa ia maiti matou te mau maa
hotu o te tupu haere i ni‘a i te mau pou e aore râ i ni‘a i te aua, mai te
vine, te mau pipi i ni‘a i te pou, e aore râ te mau tomati. E nehenehe
atoa ia faaherehere i te area na roto i te tanuraa i te mau huero o te
hotu rahi roa mai, mai te mautini e te mau tomati, eiaha râ i te tanuraa
i te mau huero o te hotu noa mai hoê maa e aore râ te maa hoê aa, mai
te mau radis.
Noa’tu â e hinaaro tatou ia faaherehere i te area, e ti‘a râ ia maiti tatou i
te mau maa o te horo‘a i te mau maa ora haapa’ia i to tatou mau melo
o te utuafare ta ratou e hinaaro nei. E ti‘a atoa ia tanu atu tatou i tera
mau maa noa ta ratou e au e, e amu.Te mau maa [légumes] mai te mau
lentilles e te p¥p¥ soja, te p¥p¥ petits pois, e te mau auteraa [noix], te
mau maa hotu [fruits] e te mau pota rauere; te mau pota aa ; e, e horo‘a
mai te mau p¥p¥ i te rauraa o te mau maa ora haapa’ia mai roto mai i te
taa-ê-raa o te mau p∂p∂ maa. Oia mau, i roto i te raveraa i ta tatou
mau maitiraa, e ti‘a ia maiti noa tatou i te mau maa o te tupu maitai i
roto i te tau i o tatou iho e te repo.
■ A faaite i te hoho‘a rahi i tabulahia te mau maa hotu taa maitai, te
mau pota [rauere], te mau légumes [lentilles], e te mau p¥p¥ o te tupu
nei i to outou vahi, e aore râ a hi‘o i te haamaramaramaraa I ni‘a i te
tabula papa‘iraa. E hinaaro paha outou ia aparau, tehea te mau maa
faaapu o te horo‘a i te maa rahi a‘e i roto i te area iti roa‘e.
E ti‘a ia papa‘i tatou i te hoê hoho‘a fenua no ta tatou mau faaapuraa
a faanaho ai tatou i ta tatou mau maa faaapu ia nehenehe ia tatou ia
mono atu te mau maa i te matahiti tata‘itahi. Mai te mea e faatupuhia
taua mau raau rii nei â i roto i te hoê â vahi, matahiti i muri iho i te
matahiti, e ino to ratou huru au.
■ A faaite i te hoho‘a 16-d, « Te hoê faanahoraa faaapu ohie. »
Eaha te taime Tano ia Tanu ?
Te tahi atu faaotiraa ta tatou e ti‘a roa ia rave oia ho‘i anahea e tanu ai.
E tupu te mau maa taa ê, e te mea maitai roa‘e i raro a‘e ïa i te taa-ê-raa o
te mau titauraa. E tupu maitai a‘e te tahi mau maa faaapu i te tau marô,
te tahi pae ra, e mea au i roto i te tau ua. Te tahi mau maa faaapu, e tupu
maitai roa‘e ïa i te taime toetoe rii a‘e, mai te mau betteraves, te choux,
161

162
Tô popaa
Chou
Mau carottes e mau radis
Mau betteraves
Pota o ta outou ma’itiraa
Mau oniani
Laitue [salade]
Mau umara putete
E‘a
Pou no te mau pipi, faaapuamui-hia
e te mau radis
Mau tomati i roto i te mau
haamenemeneraa niuniu
Tanuraa i muri a‘e i te tahi :
petits pois e i muri iho
te mau carrottes
Mau mereni popaa
Mautini aihere
Mau pipi
aihere
Omuaraa e mau carrottes e
i muri iho te mau hua puaaniho
[aubergines] e te mau poivrons
Hoê pota apî
Mautini Zucchini
6 1/2 avae 6 1/2 avae
15 avae
20 avae
20 avae

Haapiiraa 16
te mau carrottes, te mau salades, te mau oniani, te mau petits pois, e te
épinard. E tupu maite roa‘e te tahi pae i te taime mahanahana a‘e, mai te
mau p¥p¥, te tô popaa, te mau mereni popaa [melons], te mautini, e te
mau tomati E ti‘a ia ite tatou anahea e tanu ai i te mau maa faaapu o te
tupu maitai roa‘e i to tatou fenua.
■ A faaite i te hoê hoho‘a rahi i tabulahia te mau taime no te tanuraa
no te mau maa faaapu taa maitai i to outou vahi, e aore râ a hi‘o i te
haamaramaramaraa i ni‘a i te tabula papa‘iraa.
Te Faaineineraa i te Ti‘araa no te Faaapu
E maha tae atu i te ono hebedoma hou te taime tanuraa, a faateatea te
ti‘araa faaapu i te mau aihere ino, te mau tumutumu, te mau ofa‘i, te
pehu, e te mau amaa riirii, e a tamarû te repo i te ope e aore râ i te tapu
repo ia nehenehe i te pape ia o ohie maitai. E tano maitai te repo no te
tanuraa mai te mea, e mea hu‘ahu‘a eita ra i te mea paari orarahi.
E nehenehe te pae rahi o te repo ia haamaitaihia. Te mau pehu tapehia
[compost] oia ho‘i te mau raau rii i pe maitai e te mau materia faaru‘e o
te animala, e haamaitai ïa i te huru o na repo oneone e araea. E tauturu
atoa te pehu tapehia i te faahoturaa hau atu e te maitai roa‘e o te mau
maa faaapu no te mea e amui atu te reira i te mau maa ora haapa’ia i te
repo. Area râ, eita e nehenehe ia hamani i te pehu tape-tano-maitai-hia
e amuihia’tu ai I te repo I tera ihoa mahana. E rave pinepine te hamaniraa
i te pehu tapehia e maha tae atu i te ono ava‘e. No teie huru, e
hamani te tahi mau taata i te hoê haapu‘eraa pehu tapehia i te mau
matahiti atoa e amui atu ai te reira i roto i ta ratou faaapu i te matahiti i
muri mai.
E ere i te mea fifi ia hamani i te pehu tapehia. Te ohipa matamua, te
faataaraa hoê vahi no te pehu tapehia [compost]. E nehenehe te hoê
apoo, i te hoê vahi ateatea tei atea mai i te inuraa pape, e aore râ te hoê
aua e toru apaapa tei hamanihia i ni‘a i te repo i te raau e aore râ i te
niuniu aua. I muri mai, a haaparare i ni‘a i te vahi hoê ahuru ma pae
tenetimetera me‘ume‘u no te materia faaru‘ehia mai te matie tapûhia,
te mau rauere, te mau puo tô popaa i tapûpuhia, te tumu aihere, te
mau paa tipitipihia no te mau pota e aore râ hotu, e aore râ te toe‘a no
te mau maa pota, ma te haapa‘o maitai ia eiaha te mau punu, te mau
ohipa aauri, te mau ivi, te mau hinu paari, e aore râ te tahi atu mau
materia o te ore e pe ‘oi‘oi ia tuu atu ïa i rapae i te haapu‘eraa pehu.
I teie me‘ume‘uraa, amui atu i te pehu animala e aore râ te tutae moa
e aore râ ho‘i te haamaitai repo [engrais] e hoohia nei. Na te pehu
tapehia o te mau tutae puaatoro, moa, mamoe, puaaniho, puaahorofenua,
e to te pua’a e hamani maitai i te pehu tapehia. Eiaha roa e
faaohipa i te tutae taata e aore râ te mau tutae animala amu ina’i ;
e tu‘ino teie mau materia tutae i te repo.
163

Me‘ume‘uraa 1 :
materia tino animala
Me‘ume‘uraa 2 : repo
Me‘ume‘uraa 3 :
materia tino animala
164
3
2
1
16-e, Te haapu‘eraa pehu tapehia [compost]

Haapiiraa 16
■ A faaite te hoho‘a 16-e, « Te haapu‘eraa no te pehu tapehia [compost]. »
A faaoti i te pehu tapehia na roto i te tapo‘iraa i te me‘ume‘uraa o te
maa faaru‘ehia e te hoê me‘ume‘uraa e pae tenetimetera repo. I muri
iho, a faatanotano te ni‘araa o te haapu‘eraa no te hamani i te hoê farii
o te haaputu mai i te pape. A haaputu ai outou i te faaru‘eraa pehu hau
atu, a tapo‘i hoê ahuru ma pae tenetimetera te me‘ume‘u i te faaru‘eraa
pehu e, e pae tenetimetera me‘ume‘uraa repo. Faahaumi i te me‘ume-
‘uraa tata‘itahi ia amui ana‘e atu outou i te reira i te haapu‘eraa.
A tape‘a noa ia haumi te haapu‘eraa eiaha râ ia rari, e a faahurihuri i
te reira i te patia faaapu rahi i te mau hebedoma atoa e aore râ no te
vaiiho i te mata’i ia ô haere. E pe roa te haapu‘eraa pehu ma te vitiviti
roa‘e mai te mea, te «âhu ra » te ropuraa 160 deteri F. Mai te mea, aita te
haapu‘eraa pehu tapehia e ve‘ave‘a ra i ropu, amui faahou atu te mata’i
[azote] e vai ra i roto i te huru o te mau huero vavai, e aore râ, te maa
toto animala i haamarôhia e aore râ a faaohipa te raau haamaitai faaapu
[engrais d’azote], mai te mea te vai ra. I ore ana‘e te hau‘a o te haapu-
‘eraa pehu, ua ineine ïa te pehu tapehia no te amui atu i te repo.
■ A ani manihini i te tahi tau melo ia faataa mai e mea nahea ia hamani
i te pehu tapehia [compost].
Te Tanuraa i te Faaapu
I te mau vahi e mea poto mai te taime tanuraa, e nehenehe ia haamata
te hoê faaapuraa i roto i te mau fare [ma te tanu] i roto i te mau farii
repo. Mai te mea e haamata outou i ta outou faaapu i rapaeau, a tanu i
te mau huero i roto i te aroa afaro ia nehenehe outou ia ite i te mau
pota tupu apî mai roto mai i te mau aihere.
A tanu te mau aroa hoê â huru maa faaapu mai te tô popaa, i te mau
hebedoma atoa no te mau hebedoma e rave rahi e pee mai ia ore te
maa faaapu e paari hoê â taime. E huru rau te rahi o te mau huero, no
reira eita e tano ia tanuhia hoê â huru hohonuraa. To’na tanoraa, e ti‘a
ia tanuhia te mau huero eiaha ia hohonu atu i te toru taime o te tiametera
[o te huero]. A faatano te area no te mau huero, ia rava’i te atea i te
tahi e te tahi i roto i te area tata‘itahi ia nehenehe te reira ia oteo mai e
ia tupu mai, e rava’i ïa te vahi no te paariraa o te mau tumu ia rahi
mai. Pa’ipa’i te repo ma te haapaari maitai i ni‘a i te mau huero, e a
vaiiho ia rava’i te vahi i rotopu i te mau aroa no te mau huero, no te
faatia i te repo ia haamarûhia ati a‘e te mau tumu a tupu mai ai te
reira i te rahi.
I muri a‘e i te tanuraa o te mau huero, a tape‘a ia haumi te repo. Mai te
mea e marô te repo, eita te mau huero e oteo mai.
165

Haapiiraa 16
Te Haapa‘oraa i te Faaapu
Ta outou faanahoraa atoa, te faaineineraa, e te tanuraa, e maitai iti ïa te
noaa mai te mea eita outou e haapa‘o no te faaapuraa i muri mai. I roto
i taua haapa‘oraa ra e iteahia ïa i muri nei :
A Pipi i te Pape
A pipi te faaapu ia rari roa hoê a‘e taime i te hebedoma i te vahi aita e
rava’i te ûa. E tia ia rari te repo hoê ahuru ma va‘u tenetimetera te
hohonu i muri a‘e i te pipiraa. No te parururaa i te repo ia ama, a
tamata ia ore ia pipi i te taime ve‘ave‘a roa‘e o te mahana.
A Faaapu
E eia te aihere i te pape e te mau maa ora haapa’ia i te mau raau tupu.
A vaere i te mau aihere na te rima, e aore râ a ‘o mai i te reira i te hoê
tapu repo. I muri a‘e i te oteoraa mai o te mau raau tupu, e nehenehe te
hoê tapo‘i aihere me‘ume‘u e paruru i te mau aihere ia ore ia tupu mai,
tera râ e ti‘a ia outou ia tamarû â i te repo i te hebedoma tata‘itahi. Ma
te faaohipa i te hoe tapu repo, a iriti i te tapo‘i aihere na te hoê hiti,
a tamarû ai i te repo, e i muri iho a mono atu ai te tapo‘i aihere.
Te Tapo‘i Aihere
Ia teitei mai te mau tumu e rave rahi tenetimetera, a vaere i te toe‘a atoa
o te mau aihere, e a tuu atu te hu‘a raau e’eraa, te mau api parau ve‘a i
faahu‘ahu‘ahia, te matie, te mau rauere, e aore râ te mau tumu aihere e
pae tae atu i te va‘u tenetimetera te teitei ati a‘e te mau raau tupu e i
rotopu i te mau aroa.E paruru te tapo‘i aihere i te repo i te marôraa e
aore râ i te mahanahana-roa-raa. E rave rahi taata o te faaohipa nei i te
tapo‘i aihere o te ite nei ua iti mai te vaereraa pinepine.
A Tape‘a i te Ino Pau Manumanu
E faaino te mau manumanu i te mau raau tupu e tae noa’tu i te
haamou-roa-raa i te mau maa faaapu taatoa. E nehenehe ta outou e
iriti i te mau manumanu na te rima, e horo‘i ê atu i te reira, e aore râ e
tupohe i te reira i te raau tupohe manumanu. Mai te mea e faaohipa
outou i te raau tupohe manumanu, e ti‘a roa ia horoi maitai te maa
hou a amu ai i te reira.
A Ooti i te Mau Maa Faaapu
■ A faaite i te hoho‘a 16-f, « Te riro nei te ootiraa maitai ei faahope‘araa
no te faaapuraa maitai. »
Te mau hotu e te mau pota tei pafa‘i-noa-hia mai hou te reira e tunuhia
ai, e amuhia ai, e aore râ e faahereherehia ai, e mea au roa‘e ïa e e mea
rahi roa‘e te maitai maa ora. Te tahi mau maa faaapu mai te mau totoma,
e hotu maitai a‘e mai te mea e ooti pinepine outou i te reira. Eita e ti‘a ia
166

16-f, Te riro te hoê ootiraa maitai ei faahope‘araa no te faaapuraa maitai.
167

Haapiiraa 16
vaiihohia te reira ia para roa, ia maemae, e aore râ ia marô atu. A ooti i te
mau pota rauere i te taime te apî ra e te marû ra te reira.
■ Nahea tatou ia faaitoito ia tatou iho no te haapa‘oraa ite hoê faaapu i
muri a‘e i to tatou faanahoraa, te faaineineraa, e te tanuraa i te reira ?
Faahope‘araa
E nehenehe tatou e faaite e te here nei tatou e te ti‘aturi nei i te Fatu na
roto i te raveraa i te mea ta Ta’na mau peropheta e ani nei ia tatou. Hoê
mea ta ratou i ani ia tatou ia rave, oia ho‘i te tanuraa i te hoê faaapu.
Mai te mea, e faanaho tata‘itahi tatou, e faaineine, e haapa‘o ai i te hoê
faaapu, ma te tape‘a- nahonaho-raa i te reira e te faahotu-maitai-raa, e
haamaitaihia ïa tatou.
Tamataraa
A ohipa amui e to outou mau melo o te utuafare ia tanu e ia haapa‘o i
te hoê faaapu.
Te Tahi Atu Papa‘iraa Mo‘a
■ Te Parau Haapiiraa e te Mau Parau Fafau 59:16–20 (Ua horo‘a mai te
Atua i te mau mea maitai o te fenua)
Faaineineraa a te Orometua Haapii
Hou te faaiteraa i teie haapiiraa :
1. A haapii mai roto mai i ta outou fare vairaa buka, te mau tauturu
haamaramarama no te ohipa faaapu o te fenua iho, e aore râ na roto
mai i te feia faaapu ite i te ohipa
a. Eaha te mau maa faaapu o te horo‘a maitai roa‘e i to outou vahi.
b. Tehea o teie mau maa faaapu te horo‘a rahi roa‘e i te maa i roto i
te taime iti roa‘e.
c. Te mau tai‘o mahana no te tanuraa i teie mau huero tata‘itahi.
2. A faaineine i te mau hoho‘a rahi tei horo‘ahia te mana‘o i roto i te
haapiiraa, e aore râ a papa‘i i te haamaramaramaraa i ni‘a i te tabula
papa‘iraa.
3. A faataa i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a e aore râ te mau faahitiraa parau
ta outou e hinaaro nei.
168

TE FAAHOTURAA
O TE TAATA IHO

170
TE MAU FÂ NO
TE TAATA HOÊ IHO E
NO TE UTUAFARE
Haapiiraa 17
Te tumu no teie haapiiraa, no te tauturu ïa ia haamau e ia faaoti i te
mau fâ a te taata hoê iho e a te utuafare.
Omuaraa
I te taime 14 matahiti to te peresideni Spencer W. Kimball, ua haere
manihini atu te hoê faatere o te Ekalesia i ta’na amuiraa t¥t¥ e ua parau
atu i te amuiraa e, e ti‘a ia ratou ia tai‘o i te mau papa‘iraa mo‘a. I roto i
te haamana‘oraa i te reira iteraa, ua parau te peresideni Kimball :
« Ua ite au e, aita roa vau i tai‘o i te Bibilia, [no reira] i taua pô ihoa
ra... ua haere na raro atu vau i to‘u fare, hoê vaehaa te atea e ua pauma
atu vau i roto i to‘u piha iti i ni‘a i te fare e ua faaama i te lamepa hinu
arahu e vai ra i ni‘a i te airaa maa iti, e ua tai‘o vau i te pene matamua
no te Genese. Hoê matahiti i muri a‘era, ua tapiri atu vau i te Bibilia,
ma te tai‘o i te mau pene atoa i roto i taua buka rahi ra e te hanahana…
« Ua ite au e, te vai ra te tahi mau tuhaa e mea fifi ia taa no te hoê
tamaiti 14 matahiti te paari. Te vai ra te tahi mau api, e ere i te mea
anaanatae roa ia‘u, tera râ i te otiraa ta‘u tai‘oraa, ua farii au i te hoê
maharaa mahanahana oia ho‘i, ua rave au i te hoê fâ e ua faaoti au i
te reira » (i roto Conference Report, Aperera. 1974, 126–27; e aore râ
Ensign, Me 1974, 88).
Te hoê fâ o te hoê ïa mea ta tatou e hinaaro roa ia faaoti. I roto i to
tatou oraraa hou teie nei ao, ei mau tamarii varua no to tatou Metua i
te Ra‘i ra, ua haapii mai tatou e, ua riro teie nei ao ei hoê taime no te
haereraa i mua e riro mai ai mai to tatou Metua i te Ra‘i ra. E ti‘a ia riro
teie haereraa i mua ei fâ matameha’i na tatou i roto i te oraraa. No te
rae‘ahia taua fâ ra, e titauhia ia haamau e ia faaoti tatou i te mau fâ e
apiti mai. E tauturu atoa te haamauraa i taua fâ ra ia tatou ia ora i te
hoê oraraa taatoa e tei hau i tei rava’i.
Te Maitiraa i te Mau Fâ a te Taata Iho e a te Utuafare
Te taahiraa matamua i roto i te ma’itiraa i te hoê fâ o te feruriraa no
ni‘a iho i te rave‘a ta tatou e ora nei e te faaotiraa nahea ia haamaitai.

Haapiiraa 17
I muri iho e nehenehe tatou e ma’iti i te mau fâ a te taata hoê iho e a te
utuafare no te tauturu ia tatou ia haamaitai. Mai te mea e hinaaro tatou
ia riro ei taata puai a‘e i te pae varua, ei hi‘oraa, e ti‘a ïa ia hi‘opo‘a
tatou i to tatou puai pae varua e ia haamau i te mau fâ e tano no te
haamaitairaa. I roto i te raveraa ra, e feruri paha ïa tatou i te mau uiraa
i muri nei :
Te pure ra anei au ma te pinepine te ti‘a ia‘u ?
Ua ite anei au i te mea ta te peropheta e parau nei, e te pee nei anei
au i ta’na a‘o ?
Te tai‘o nei anei au i te mau papa‘iraa mo‘a ma te tuutuu ore ?
Te faaohipa nei anei au ma te haapa‘o maitai i te mau faaueraa no
to‘u autahu‘araa ?
Te parau ti‘a nei anei au i roto i te aufauraa i te mau tuhaa ahuru e
te mau ô ?
Te feruri nei anei au ma te mau mana‘o mâ e te ti‘amâ i te mau
taime atoa ?
Te faatere nei anei to tatou utuafare i te pô pureraa utuafare i te mau
hebedoma atoa ?
Ua taatihia anei to tatou utuafare i roto i te hiero ?
Te faaineine nei anei to tatou utuafare ia vetahi ê no te farii i te
evanelia ?
E ti‘a ia feruri atoa tatou no te haereraa i mua ta tatou e tia‘i nei ia rave i
roto i to tatou ite haapiiraa, te toro‘a e te tahi atu mau vahi. A feruri ai
tatou i te vahi tata‘itahi o to tatou mau oraraa, e ti‘a ïa ia faaoti tatou
nahea tatou ia haamaitai atu. I muri iho e ti‘a ïa ia haamau tatou i te mau
fâ no te tauturu ia tatou ia na reira. E ti‘a i te fâ tata‘itahi ia riro ei tamataraa,
tera râ e ti‘a ia riro atoa ei hoê mea te nehenehe ia tatou ia rave.
■ A ani manihini i te mau melo o te piha haapiiraa ia tabula e ia aparau
no te mau fâ tano i roto i te mau vahi i muri nei: te pure, te haapiiraa
papa‘iraa mo‘a, te pô pureraa utuafare, te faaipoiporaa hiero, te aamu
utuafare, te hahaereraa utuafare, te ohipa misionare, te tuhaa ahuru,
te feruriraa i te mau mana‘o mâ, te ite haapiiraa, e te toro‘a.
E rave te reira i te taime e te tautooraa no te ohipa atu i teie mau mea.
No reira ïa, e ti‘a ai ia haamata tatou na roto i te ma’itiraa hoê e aore râ
e piti ana‘e ra fâ no te ohipa atu. A haamaitai atu ai tatou i te hoê mea,
e nehenehe atoa ïa ia faatuati to tatou mana‘o i ni‘a i te tahi atu ohipa.
Ua riro te maitai roa ei hoê mea ta tatou e ohipa atu ma te taahiraa i
171

Haapiiraa 17
ni‘a i te taahiraa i roto i to tatou oraraa atoa e i roto i te ao mure ore,
eita râ e tupu noa no te mea e ua haamau tatou i taua ohipa ra ei fâ na
tatou.
No te haamauraa i te mau fâ na te taata hoê iho, e ti‘a ia feruri tatou i
to tatou mau hiaai e te mau aravihi e ia pure no te faaurûraa no ô mai i
te Fatu ra. E hinaaro atoa paha tatou ia ani i te hoa faaipoipo, te metua,
te taata faatere no te Ekalesia, e aore râ te hoa ti‘aturihia no te haamaramaramaraa
i roto i te haamauraa i te mau fâ. E ti‘a ho‘i ia faaoti tatou
eaha ta tatou e hinaaro e rave, mea nahea ta tatou e hinaaro nei ia rave
i te reira, e anahea ta tatou e hinaaro nei ia faaoti i te reira.
Ua faaite te peresideni N. Eldon Tanner no te hoê iteraa to’na e te hoê
mootua tamaroa tei haamau i te hoê fâ nona iho :
Ua parau maira te mootua : « ’Papa û, ua hanere i ni‘a i te hanere au
mai te taime â vau i faatoro‘ahia ai ei diakono hoê matahiti i mairi
a‘enei... Aita vau i mairi i te hoê pureraa oro‘a, te haapiiraa Sabati,
e aore râ te pureraa autahu‘araa... ’
« Ua haamauruuru atura vau ia’na e ua parau atu, ‘John, mai te mea e
tamau oe hanere i ni‘a i te hanere e tae noa’tu ua rava’i to oe paari no
te haere i te hoê misioni, e aufau vau i ta oe misioni.’ Ua ata maira oia
e ua parau maira, ‘E na reira vau.’
« Ua mana‘o vau e, ua paruru maitai-roa-hia ïa vau, tera râ, ua haamau
ihoa oia e hanere i ni‘a i te hanere nona. Te haamana‘o nei au e piti
ohipa ta’na i faatitiaifaro ia’na iho no te rave-faaoti-raa i ta’na titauraa.
I te hoê taime, ua ani manihini maira to’na pa’ino [oncle] ia’na ia haere
no te hoê tere e ona e ta’na mau tamaroa ta ratou e haere atu no te
Sabati atoa. Ua parau atura o John, « E vahi anei ta‘u e nehenehe e
haere i te mau pureraa i te Sabati ?’ e a faaitehia mai ai oia e, aita, ua
parau atu oia, ‘Eita, eita e nehenehe ia‘u ia haere. E riro mai au ei
tamaroa hanere i ni‘a i te hanere,’ e no reira, ua faatusia oia te hoê
tere au roa i te miti e i te hoê motu i reira ratou e haere e faaoaoa.
« Te tahi atu taime, fatata atu ai te hope‘a hebedoma, ua fati to’na avae.
Te ohipa matamua ta’na i ani i to’na taote,’E nehenehe anei au e haere i
te Fare Pure i te Sabati ? E ti‘a ia‘u ia hanere i ni‘a i te hanere’ Ua tae
ihoa oia, i ni‘a i te mau turu tootoo.
« I te 19 o to’na matahiti, ua parau oia, ‘Papa û, ua riro vau ei tamaroa
hanere i ni‘a i te hanere mai te taime taua i faaafaro ai. » Ua oaoa roa
vau ia aufau ia’na no ta’na misioni. Ua riro teie faaotiraa ei puai mana
rahi i roto i to’na oraraa » (I roto Conference Report, Eperera. 1975, 113 ;
e aore râ Ensign, Me 1975, 77).
172

Haapiiraa 17
■ Eaha te maorôraa ta John i ohipa no te faaoti i ta’na fâ ? (E ono matahiti).
Nahea outou ia feruri i te huru i roto i to’na aau i te taime a
faaoti ai oia i ta’na fâ ?
No te haamau i te hoê fâ na te utuafare, e ti‘a i te mau melo o te utuafare
ia aparau i to ratou mau hiaai e te mau huru o te aau i te tahi e
te tahi. E ti‘a i te taata tata‘itahi ia riro ei tuhaa i roto i te haamauraa i
te fâ, e te metua tane no te arata’i i te aparauraa, mai te mea e nehenehe.
E tauturu te pure i roto i te haamauraa i te fâ.
Ua faaite o Elder J. Thomas Fyans e mea nahea te hoê utuafare i te
ma’itiraa i ta’na mau fâ :
« E toru tauasini maile na Roto Miti atu, i Utaha, te ora nei te hoê utuafare
o te rave faahou â i te hoê mea taa ê roa i muri iho i teie amuiraa. I te
taeraa mai o te Ensign [Liahona] e te mau a‘oraa o te amuiraa i to ratou
fare, ua tai‘o te utuafare i taua taime ihora i te mau parau poro‘i, e na te
mau tamarii paari a‘e e faaite mai no ni‘a i te mau a‘oraa i ma’itihia.
« Area râ, ua rave rahi atu ratou i te tai‘o noa. I roto i te pureraa pô
utuafare, e ma’iti ratou i te mau fâ no te taata hoê iho e no te utuafare
tei faatumuhia i ni‘a i te mau parau poro‘i o te amuiraa. Mea ohie noa
ia faaohipa ta ratou mau fâ : ‘A haamana‘o ia Mama û i roto i ta tatou
mau pure o te mau mahana’toa, a tamau aau i te hoê himene o te
Ekalesia, a hi‘o faahou i te ineineraa no to tatou utuafare, a rave i te
ohipa a te Fatu i roto i ta’na rave‘a—eiaha i ta tatou, a afa‘i i te hoê
melo ore i te pureraa.’ E aparau ratou i ta ratou mau fâ, e pure no te
reira e, e hi‘o faahou atu i te reira ma te pinepine.
E Tauturu te Mau Fâ i To Tatou Haereraa Mure Ore i Mua
■ A ani i te mau melo o te piha haapiiraa ia feruri no te hoê taime no
ni‘a iho i ta ratou mau fâ mure ore. A ani manihini i te tahi rii o ratou
no te faaite mai i ta ratou mau fâ i te piha haapiiraa. A tabula i teie
mau fâ i ni‘a i te tabula papa‘iraa.
A haamau ai tatou i ta tatou mau fâ o te tauturu ia tatou ia riro mai te
huru o te Faaora e te Metua i te Ra‘i ra, e ti‘amâ ïa tatou e to tatou mau
utuafare no te farii i te ora mure ore. Ua parau te peresideni Iosepha
Fielding Semita : « I reira ra (ni‘a i te fenua, ua tuu tatou i te niu. Tei ô
nei te vahi e haapiihia’i tatou i teie mau parau mau ohie no te evanelia
a Iesu Mesia, i roto i teie tau no te tamataraa, no te faaineine ia tatou
no taua maitai roa ra. E ohipa na tatou ia maitai a‘e i teie mahana i to
tatou huru i nanahi ra, e ia maitai a‘e ananahi i to tatou huru i teie
mahana. » Doctrines of Salvation, haaputuhia e. Bruce R. McConkie,
3 buka rahi. [1954–56], 2:18).
173

17-a, E horo‘a te haapiiraa papa‘iraa mo‘a a te utuafare e rave rahi haamauruururaa.
174

Haapiiraa 17
■ A faaite i te mau hoho‘a 17-a, « Te horo‘a nei te haapiiraa papa‘iraa
mo‘a a te utuafare e rave rahi haamauruururaa » ; 17-b, « E nehenehe
te pure e haafatata amui i te mau utuafare », e 17-c, « E nehenehe te
pureraa pô utuafare e patu i te huru varuaraa. »
E titauhia tatou ia ma’iti e ia faaoti i te mau fâ o te tauturu ia tatou ia
faaineine no te ora mure ore e ia haafatata a‘e i te Metua i te Ra‘i ra.
Mai teie te hi‘oraa, e haamau paha tatou i te mau fâ no te tai‘oraa i te
mau papa‘iraa mo‘a i te mahana tata‘itahi, ia faaoti i te pure utuafare,
e aore râ ia rave i te pô pureraa utuafare.
■ Eaha ta te tahi atu mau fâ e nehenehe e tauturu ia tatou e faaineine ïa
no te ora mure ore e no te haafatata a‘e i te Atua ?
Te faahoho‘a nei te aamu i muri nei, nahea te mau fâ i te tauturu ia
tatou ia haere i mua no te ora mure ore :
I to Jerry farereiraa i te taime matamua i te mau misionare, e 24 ïa
to’na matahiti te paari e ua fifi roa te feruriraa. Ua haapiipiihia na oia
ei orometua haapii tera râ, aita i rave i te hoê ohipa tei tano no te
haapiiraa’tu. Aita oia i faaipoipohia e aita i ite atu i te tumu mau i roto
i te oraraa. Po‘ipo‘i a‘e e po‘ipo‘i a‘e, ua ani ihoa ïa oia ia’na iho, « No
te aha e haere ai na roto atu â i te hoê atu mahana ? »
I te hoê mahana, ua ani manihini maira te hoê hoa tahito tei amui mai
i te Ekalesia ia farerei e te mau misionare. Ua tamata atu te mau elders
ia’na ia tai‘o oia e ia pure no ni‘a iho i te Buka a Moromona. A haapii
mai ai oia i te evanelia a Iesu Mesia, ua ite a‘era Jerry e, te vai mau ra
te hoê tumu no te oraraa. A pure ai oia, ua ite ‘oi‘oi a‘era oia e, e parau
mau te Buka a Moromona e ua hinaaro oia ia pee i te Faaora. No te
mea ua hinaaro oia ia bapezitohia, ua taui oia i to’na oraraa e ua
haamata ihora i te ora i te evanelia.
I muri a‘e i to’na bapetizoraa, ua farii o Jerry i te hoê piiraa no ô mai i
te episekopo ra e ua haapa‘o-maitai-roa i te mau ohipa o to’na autahu-
‘araa. Ua ite i roto i to’na aau i te hinaaro rahi ia tauturu ia vetahi ê ra,
e aita i maorô, itehia maira te hoê ohipa ei orometua haapii no te mau
tamari rii. I muri iho, ua farerei oia e ua faaipoipohia i te hoê tamahine
nehenehe, tei faafariu-noa’toa-hia maira. Ua haamau raua i te hoê fâ ia
haere i te hiero e ua taatihia ihoa raua toopiti no amuri noa’tu. Mai te
reira mai mahana, ua ite raua i te oaoa rahi i roto i te peeraa i te
faanahora a te Fatu.
Te Faaotiraa i ta Tatou Mau Fâ
■ A ani i te hoê melo o te piha haapiiraa ia tai‘o 2 Nephi 32:9.
Te faaite nei o Nephi ia tatou ia pure hou a tamata ai tatou i te ravefaaoti
i te tahi noa’tu mea. Hoê o te mau tuhaa faufaa roa‘e no te
175

176
17-b, E nehenehe te pure e haafatata amui a‘e i te utuafare.

Haapiiraa 17
haamauraa i te hoê fâ, oia te haapapûraa tatou iho ia faaoti i te fâ.
A pure ai tatou i to tatou Metua i te Ra‘i ra, e ti‘a ïa ia ani tatou no
Ta’na tautururaa. Ia fafau ho‘i tatou e, e rave tatou i te mau mea’toa
ta tatou e nehenehe no te faaotiraa i ta tatou mau fâ.
■ Eaha ta tatou e nehenehe e rave no te faahaamana‘oraa ia tatou iho i
ta tatou mau fâ ? (Ia haapapû i te parauraa atu no te mau mana‘o i
muri nei : e nehenehe tatou e papa‘i i ta tatou mau fâ i roto i te hoê
buka aamu, ia papa‘i i te reira i ni‘a i te hoê api parau ta tatou e ite
atu i te mau mahana’toa, e aore râ ia aparau i te reira ma te tuutuu
ore e to tatou utuafare).
Te mau hiaai parau ti‘a atoa e te mau fâ ta tatou e farii paha, eita ïa e
tauturu ia tatou maoti râ e rave tatou i te ohipa no te faaotiraa i te
reira. Ua parau maira te Fatu : « E faatupuhia te mau rê e te mau hanahana
ia outou na roto I to outou itoito, te haapa‘o maitai, e te mau pure
faaroo » (PH&PF 103 :36). A rave ai tatou ma te itoito i te ohipa, a
haapa‘o ai i te mau faaueraa, e a pure ai, e nehenehe ïa tatou e faaoti i
ta tatou mau fâ parau ti‘a. Ua riro te mahana tata‘itahi ei rave‘a fana‘o
ia haere haafatata a‘e mai maa vahi iti no te faaotiraa i ta tatou mau fâ.
E nehene atoa tatou e rave i te mau tautooraa taa ê no te tautururaa i
te mau melo o te utuafare ia rae‘ahia ta ratou ra mau fâ.
Mea pinepine, e ti‘a roa ia faatusia tatou no te rae‘araa te hoê fâ. Ua
faataa maira te peresideni Spencer W. Kimball i te hoê taime, nahea oia
i nehenehe ai na roto i te faatusiaraa ia faaoti i te hoê o ta’na mau fâ :
« I muri a‘e i ta‘u misioni, ua hinaaro vau ia haere i te haapiiraa tuarua,
area râ, aita i nehenehe i to‘u utuafare ia tono atu ia‘u. No reira ua
rave au i te hoê ohipa i roto i te mau aua fereti na te Southern Pacific
Railroad [Poromu Pereoo Auahi no Patitifa i te Pae Apato‘a] i Los
Angeles no te noaaraa mai te moni no te haapiiraa. Ua rave au i te
ohipa hoê ahuru ma maha hora i te mahana ma te tura‘i-haere-raa i te
fereti i rotopu i te mau fare vairaa tauihaa e te mau pereoo afata i ni‘a
iho i te pereoo [truck] tura‘i rima e piti huira. Mea pinepine, ua farii au
i te ohipa hoê tauasini poune i ni‘a i te pereoo [truck] tura‘i rima.Mea
papû ia‘u, e nehenehe outou ia taa mai no te aha ua rohirohi vau i te
hope‘a o te mahana.
« Te ora ra vau i pihaiiho i to‘u tuahine e piti e aore râ e toru maile te
atea. Te moni pereoo o te poromu hoê ahuru pene ïa, e ua na raro vau i
te haere fifi atu i te atearaa taatoa no te haere e no te ho‘i mai e no te
faaherehere e piti ahuru pene i te mahana. Ua hinaaro rahi roa vau i
te haere atu i te haapiiraa tuarua, e na roto i te haereraa na raro i taua
atearaa ra ua faariro ïa i ta‘u fâ no taua fatata-a‘e-raa ra... [Na roto i te
faatusiaraa] ua nehenehe ia‘u ia faaherehere ia rava’i te moni no te ho‘i
177

178
17-c, E nehenehe te pô pureraa utuafare e patu i te huru varuaraa.

Haapiiraa 17
atu i to‘u tuhaa fenua ai‘a no Arizona e ia haere i te Fare Haapiiraa
Rahi no Arizona » (« Decisions: Why It’s Important to Make Some
Now », New Era, Eperera. 1971, 2–3).
Faahope‘araa
Ua parau o Elder O. Leslie Stone : « E ti‘a ia tatou atoa ia hi‘opoa tamau
noa i to tatou haereraa i mua. No te oraraa i te mau oraraa parau ti‘a e
no te rave-faaoti-raa i te mau tumu no to tatou hamaniraahia, e ti‘a roa ia
hi‘opo‘a tamau noa tatou i te tau i mairi, ia faaoti no to tatou ti‘araa i teie
nei, e ia haamau i te mau fâ no te tau i mua nei. Aore ana‘e teie raveraa,
maa faana‘o iti noa te vai nei no te rae‘araa o te mau tumu ohipa a te hoê
taata » (i roto Conference Report, Eperera. 1978, 87; e aore râ Ensign, Me
1978, 57).
Te faataaraa i te mau fâ ti‘amâ, te faanahoraa e te ohiparaa i te reira, te
hi‘opoaraa I to tatou haereraa I mua, e i reira te faataaraa i te mau fâ
apî, e tuhaa ia no te raveraa o te afa‘i fatata atu a‘e ia tatou i te ora
mure ore. Te oaoa nei te Metua i te Ra‘i ra ia faataa ana‘e tatou i te
mau fâ ti‘a, e e tauturu Oia ia tatou ia faaoti i te reira.
Tamataraa
Ma te pure a ma’iti i te hoê fâ a te taata hoê iho. E hinaaro paha outou
ia haamau i te hoê fâ i roto i te hoê o te mau vahi i muri nei : te pure,
te haapiiraa o te papa‘iraa mo‘a, te pô pureraa utuafare, te faaipoiporaa
hiero, te ohipa no te aamu utuafare, te ohipa misionare, te tuhaa ahuru,
te faatupuraa o te mau mana‘o mâ, e aore râ te hahaereraa utuafare.
A papa‘i i ta outou fâ i roto i ta outou buka aamu e aore râ i ni‘a i te
hoê api parau ta outou e ite pinepine atu. A horo‘a ia outou iho no te
faaotiraa i te fâ. A pure no te tautururaa e a horo‘a ia outou iho i te
Fatu oia ho‘i e rave outou ma to outou maitai roa‘e.
A aparau e to outou utuafare hoê fâ ta outou e nehenehe e faaoti amui,
e i muri iho a ohipa no te faaotiraa i te reira.
Faaineineraa a te Orometua Haapii
Hou a faaite ai i teie haapiiraa :
A faataa i te mau melo o te piha haapiiraa no te faaite atu i te mau
huru aamu atoa, te mau papa‘iraa mo‘a, e aore râ te mau faahitiraa
parau ta outou e hinaaro.
179

180
TE FAATUPURAA E
TE HAAPIIRAA I
TE TAPE‘ARAA
IA’NA IHO
Haapiiraa 18
Te tumu o teie haapiiraa, no te tautururaa ïa ia tatou ia faatupu i te hoê
tape‘araa rahi a‘e ia’na iho e ia haapii ia tatou nahea ia tauturu i ta
tatou mau tamarii ia faatupu i to ratou puai.
Omuaraa
Ua faati‘ahia te hoê aamu nahea to te mau puaahorofenua o Arabia
ma’itiraahia e haapiipiiraahia. No te mea ho‘i e, ua faaohipahia teie
mau puaahorofenua i roto i te taviniraa faufaa, e ti‘a roa ia vai te
haapa‘o-roa-raa i to ratou ra mau fatu. I te omuaraa ra i roto i to ratou
haapiipiiraa, ua haapiihia ïa ratou ia pahono ‘oi‘oi roa i te faaue a te
fatu. I muri iho, ua horo‘ahia te hoê hi‘opo‘araa no te hi‘o eaha to ratou
huru i raro a‘e i te faataumiraa. No te hoê taime roa, ua tape‘ahia ratou
i roto i te hoê aua atea ê i te pape e vai ra i rapae noa mai i te uputa.
I muri a‘e i te hoê taime e iritihia te uputa, e ua horo atu ihoa ïa te mau
puaahorofenua no te pape. Teie râ, na mua noa iho i to ratou taeraa i
te pape ra, e faata’i te fatu i te hoê hio. No to ratou poiha pape, aita te
tahi pae o te mau puaahorofenua e haapa‘o mai. Area vetahi râ, e fariu
mai i tera ihora taime e, e haere mai i te fatu ra. Ua haapii mai teie mau
puaahorofenua haapa‘o i te faatitiaifaroraa e, e faariihia ïa ratou no te
mau ohipa faufaa roa‘e. Ua faaohipahia te tahi pae i roto i te ohipa iti
mai te faufaa. (Faatanohia mai roto mai Sterling W. Sill, Leadership
[1958], 1:62–63).
Ua horo‘a mai te Fatu ia tatou i to tatou ti‘amâraa. No reira, ua ti‘amâ
tatou ia rave i te mau ma’itiraa. Na teie mau ma’itiraa e faaoti i to tatou
tau i mua nei. A ma’iti ai tatou i te parau ti‘a, te faaite nei ïa tatou iho i
to tatou ti‘amâ no te tavini i roto i te basileia o te Atua. Tera râ, no te
ma’itiraa i te parau ti‘a, o tatou nei, mai te mau puaahorofenua ho‘i,
e titauhia ïa i te haapiipiiraa, te faatitiaifaroraa, e te haapa‘oraa. Na teie
mau mea e tauturu ia tatou ia tape‘a maite i to tatou mau hiaai e to
tatou mau hinaaro e ia haapii ia tatou ia pee i te mau faaururaa a to
tatou Fatu, oia’toa ia tamata-ana‘e-hia tatou.
■ A tai‘o Maseli 16:32.

Haapiiraa 18
E Titauhia te Tape‘araa Ia’na Iho no te Haereraa Mure Ore i Mua
Te tape‘araa ia’na iho o te puai ïa i roto ia tatou iho no te tape‘araa i
to tatou mau hinaaro roa e te mau faaohiparaa. Ua titauhia taua puai
ra no te ho‘i atu e ora i pihaiiho i to Metua i te Ra‘i ra. E titau te reira i
te tautoo tamau noa ei tuhaa na tatou, area râ, a faatupu ai tatou i te
tape‘a ia’na iho, e riro mai tatou ei feia ineine maitai a‘e no te rave i te
mau faaotiraa tano.
E mea faufaa taa ê mau te tape‘araa ia’na iho no tatou ei feia mau i te
autahu‘araa. Eita e nehenehe ia tatou ia a‘o ma te maitai roa e ia tavini
ia vetahi ê maoti te tamata nei tatou i te tape‘a ia tatou iho. A tutava ai
tatou no te tape‘araa ia’na iho, te riro nei ïa tatou ei hi‘oraa no ta tatou
mau tamarii e no vetahi ê.
I te taime ua bapetizohia tatou, e haamata tatou i te hoê oraraa apî, tei
horo‘a-mau-hia no te pee i te Faaora. Area râ, no te pee Ia’na, e ti‘a roa
ia upooti‘a tatou i ni‘a i to te ao nei, te paruparu e te ti‘a ore.Ua haapii
mai te Faaora, « O te taata i hinaaro i te pee ia‘u, e faarue oia ia’na iho
a rave ai i ta’na satauro, a pee mai ai ia‘u » (Mataio 16:24). Ua haapii
atoa mai Oia, « E tomo na te uputa pirihao; te atea nei ho‘i te uputa e
te aano nei te e‘a e tae atu ai i te pohe ; e e rave rahi tei na reira i te
tomo. Te apiapi ra o te uputa e te piri ho‘i o te e‘a e tae atu ai i te ora,
e te iti ho‘i o te feia i ite au i te reira » (Mataio 7:13–14).
E titau te tomoraa na te e‘a piriha‘o i te faahu‘araa ia’na iho e te
haamo‘eraa ia’na iho. Te auraa ra, ia upooti‘a ïa i ni‘a i te mau faahemaraa.
Tera râ, te fafau nei te Fatu ia haamauruuru ia tatou no te tape-
‘araa ia tatou iho e te peeraa i Ta’na mau faaueraa.
Na te Tape‘araa Ia’na Iho e Faati‘amâ ia Tatou
Ua horo‘a mai te Metua i te Ra‘i ra ia tatou i te mau faaueraa no te mea
te here nei Oia ia tatou e te hinaaro nei Oia ia paruru ia tatou i te oto.
E faati‘amâ te peeraa i Ta’na mau faaueraa ia tatou.
E tauturu te faatupuraa te tapearaa ia’na iho ia tatou ia haapii i te mau
peu maitai i matauhia mai te ti‘araa i ni‘a i te po‘ipo‘i roa, te haapiiraa
i te papa‘iraa mo‘a i te mahana tata‘itahi, e te faaotiraa i ta tatou mau
faaueraa ohipa ma te haapeepee. E nehenehe taua mau peu matauhia
ra e faati‘amâ ia tatou i te ano‘ino‘iraa. Tei muri nei te tahi atu mau
parau tumu o te hopoi mai i te ti‘amâraa ia tatou ia haapa‘o ana‘e
tatou i te reira :
Te Tuhaa Ahuru
Na roto i te haapa‘oraa i te ture no te tuhaa ahuru, e haapii mai ïa tatou
ia upooti‘a i ni‘a i te mau hiaai pipiri.
181

Haapiiraa 18
Te Parau Paari
Na roto i te oraraa i teie ture, e nehenehe tatou ia ti‘amâ i te mau huru
ino o te avaava, e te raau taero.
Te Viivii Ore
Na roto i te tape‘araa i ta tatou mau faaohiparaa e te mau mana‘o i roto
i te mau oti‘a ta te Fatu i haamau, e faati‘amâ te reira ia tatou i te oto e
te tatarahaparaa.
■ Eaha te tahi atu mau parau tumu no te evanelia o te hopoi mai i te
ti‘amâraa ia tatou ia pee ana‘e tatou i te reira ? Nahea te reira i te
faati‘amâ ia tatou ?
Te Noaaraa te Tape‘araa Ia’na Iho
■ A tai‘o Alama 37:32–37. Eaha ta teie papa‘iraa mo‘a e haapii nei ia
tatou no ni‘a i te tape‘araa ia’na iho ? (E ti‘a ia ite i te au ore no te
hara e te ino, ia tatarahapa, ia farii i te faaroo i te Mesia, ia ha‘ehaa,
ia faaitoito ia ti‘a atu i mua i te mau faahemaraa atoa, ia ore roa ia
rohirohi i te mau ohipa maitai, ia haapii i te paari, ia tape‘a i te mau
faaueraa a te Atua, ia pure e ia paraparau e te Fatu i roto i ta tatou
mau raveraa ato‘a).
Te noaaraa te tape‘araa ia’na iho, o te hoê ïa raveraa no te roaraa o te
oraraa. E titau te reira i te hoê ite no tatou iho e no te mau parau tumu
o te evanelia. Te auraa ra, te haamauraa i te mau fâ no te ora i taua
mau parau tumu ra e te turu‘iraa i ni‘a i te Fatu no te puai e no te patururaa
a rave ai tatou ma to tatou maitai a‘e ia rae‘ahia taua mau fâ ra.
■ A faaite i te hoho‘a rahi no te tabula i muri nei, e aore râ a hi‘o atu i
te haamaramaramaraa i ni‘a i te tabula papa‘iraa :
Te Iteraa Ia Outou Iho
A noaa mai ai te ite no te oraraa ia tatou e a haapii mai ai hau atu no
ni‘a i te evanelia, e ite maitai mai ïa tatou i to tatou mau puai e te mau
182
Nahea ia Noaa te Tape‘araa Ia’na Iho
1. Ia ite ia outou iho.
2. Ia haamau i te mau fâ parau ti‘a.
3. Ia turu‘i i ni‘a i te Fatu na roto i te pure e
te haapiiraa o te papa‘iraa mo‘a.

Haapiiraa 18
paruparu. Ma teie iteraa mai, e tae mai te hinaaro ia upooti‘a i ni‘a i te
mau peu ino matarohia e te mau iteraa o te aau e te hoê faaitoitoraa ia
haamaitai i te mau puai i vai a‘ena ia tatou ra.
Ua parau te peresideni David O. McKay e, te tahi o te mau ino ta tatou
e ite nei i roto ia tatou iho maoti te pohehae, te riri roa, te nounou, e te
inoino. No teie mau mea, ua parau oia : « Taua mau ino atoa ra, e ti‘a
roa ia upooti‘a outou na roto i te faaore-roa-raa. O te reira te vahi e ô
mai ai to outou tape‘araa. A faaore roa i taua riri ra !A faaore roa i taua
pohehae ra, taua nounou ra ! E mau mea faaino atoa ïa i te varua »
Gospel Ideals [1954], 356).
E ere i te mea ohie ia upooti‘a i ni‘a i teie mau iteraa o te aau, e rave te
reira i te taime no te taui. Area râ, a rave ai tatou i te mau tautooraa e
a ti‘aturi noa’i i te tautururaa a te Metua i te Ra‘i, e faatupu tatou i te
faaoroma’i e te itoito ia upooti‘a i ni‘a i te mau ino ta tatou e ite i roto
ia tatou iho.
A Haamau i te Mau Fâ Parau Ti‘a
Te hoê rave‘a maitai no te noaaraa te tape‘araa ia’na iho maoti te
haamauraa e te faaotiraa i te mau fâ. Mai te mea, e fâ ta tatou tei
haamau-paari-hia i roto i to tatou mau feruriraa e a ohipa ai no te
faaotiraa i ta tatou mau fâ e te tautururaa a te Fatu, e faaoti ïa tatou i te
tape‘araa ia’na iho. E titau teie raveraa i te faaoroma’iraa, area râ, ua
faaite mai te Fatu ia tatou e, e ti‘a roa ia faaoroma’i tatou e tae atu i te
hope‘a i roto i te oraraa parau ti‘a no te faaotiraa i te fâ o te faateiteiraa,
e aore râ o te ora mure ore (a hi‘o PH&PF 14:7).
■ A ani i te mau melo o te piha haapiiraa ia feruri maite no te hoê
taime no te mau fâ ta ratou e ohipa nei i teie nei ihoa.
A Turu‘i i ni‘a i te Fatu na Roto i te Pure e te Haapiiraa o te
Papa‘iraa Mo‘a
Ei faaroo ia Iesu Mesia no te upooti‘araa i ni‘a i to tatou mau faahemaraa
e ia faaoti i ta tatou mau fâ mure ore. E faatupu te pure tuutuu
ore e te haapiiraa o te papa‘iraa mo‘a i teie faaroo e, e tauturu ia tatou
ia noaa mai te puai no te upooti‘araa i ni‘a i to tatou mau fifi. Taa ê atu,
te mau oraraa o te mau tavini o te Fatu i faahu‘ahu‘ahia i roto i te mau
papa‘iraa mo‘a te haamau nei ïa te reira i te mau hi‘oraa no tatou ia
pee atu; e tauturu te reira ia tatou ia ite e, mai te mea ua noaa ia vetahi
ê te tape‘araa ia’na iho ra, e nehenehe ia noaa atoa te reira ia tatou.
■ A ani manihini i te mau melo o te piha haapiiraa ia faaite nahea e
noaa ai ia ratou te tape‘araa ia’na iho na roto i te tai‘oraa o te mau
papa‘iraa mo‘a e te pureraa.
183

Haapiiraa 18
Te Tautururaa i te Mau Tamarii ia Faatupu i te Tape‘araa Ia’na Iho
■ A faaite i te hoho‘a 18-a, « E haapii te mau metua maramarama i ta
ratou mau tamarii i te tape‘araa ia’na iho. »
E ti‘a i to tatou mau fare ia riro ei mau vahi I reira ta tatou mau tamarii
e nehenehe ai ia haapii mai i te tape‘araa ia’na iho. E nehenehe na
parau tumu e maha i muri nei e tauturu ia tatou ia haapii i ta tatou
mau tamarii i te tape‘araa ia’na iho.
■ A faaite i te hoho‘a rahi no te tabula i muri nei, e aore râ a hi‘o i te
haamaramaramaraa i ni‘a i te tabula papa‘iraa :
Nahea ia Haapii i te Mau Tamarii
i te Tape‘araa Ia’na Iho
1. A haamau e a haapuai i te mau ture na
mua roa.
2. A haapii i te mau tamarii i te mau parau
tumu no te evanelia.
3. A horo‘a te hopoi‘a i te mau tamarii.
4. A faatitiaifaro ma te here.
A Haamau e A Haapuai i te Mau Ture Na Mua Roa
Ua haapii te peresideni David O. McKay e, e ti‘a i te hoê tamarii ia
haapii mai i te haapa‘o i te apîraa ra. Mai te mea eita te mau metua e
haapii i ta ratou mau tamarii i te haapa‘o i te apîraa ra, e farii paha
ratou i te fifi na roto i te raveraa i muri a‘era. Ua haapapû roa oia e,
e ti‘a ia vaiiho tatou i te tamarii ia ti‘amâ no te faatupu [ia’na iho], area
râ, mai te mea haere te tamarii na ni‘a atu i te mau ture i haamauhia,
e ti‘a ia marû atu tatou, ia paari atoa râ, i roto i to tatou faaitiraa mai.
(A hi‘o Stepping Stones to an Abundant Life, haaputuhia e Llewelyn R.
McKay [1971], 38).
Ua aparau atoa te peresideni N. Eldon Tanner no te faufaa o te
haapiiraa i te mau tamarii i to ratou apîraa ra : « A haapii ai tatou i ta
tatou mau [tamarii], tei ia tatou te hopoi‘a no te faatitiaifaroraa ia ratou
e ia ite e, te rave nei ratou i te mea ti‘a. Mai te mea, e [îhia] te tamarii i
te repo, eita tatou e tia‘i e tae noa’tu ia paari oia no te faaoti e hapu
anei oia i te pape e aore râ eita. Eita tatou e faatia‘i ia’na no te faaotiraa
e rave anei e aore râ eita oia e rave I ta’na raau ia ma’I-ana‘e-hia e aore
râ ia haere i te haapiiraa e aore râ i te fare pure » Seek Ye First The
Kingdom of God A Imi Na Mua te Basileia o te Atua], haaputuhia e. LaRue
Sneff [1973], 87).
184

18-a, E haapii te mau metua paari i ta ratou mau tamari i te tape‘araa ia’na iho.
185

Haapiiraa 18
A Haapii i te Mau Tamarii i te Mau Parau Tumu o te Evanelia
Ua parau te peresideni N. Eldon Tanner : « E ti‘a atoa i te mau metua ia
haapii na mua roa i ta ratou mau tamarii i roto i te oraraa i te mana‘o
hanahana e te tupuraa e, e mau tamarii varua ratou na te Atua, e [oia
ho‘i] te ma’itiraa ia pee i te mau haapiiraa a Iesu Mesia, o te rave‘a
ana‘e ïa no te popou i te manuïaraa e te oaoaraa i ô nei e te oraraa
mure ore no amuri atu. E ti‘a roa ia haapiihia ratou e, te vai mau nei
Satane e, e faaohipa oia i te mau piha ohipa atoa e vai i mua ia’na no te
faahema ia ratou ia rave i te hape, no te [tamata] ia arata’i ia ratou ia
atea ê, ia faariro ia ratou ei feia-faatitihia na’na, e ia tape‘a ia ratou i [te]
oaoa teitei e te faateiteiraa ta ratou e nehenehe e popou » (Seek Ye First
The Kingdom of God A Imi Na Mua i te Basileia o te Atua], 87).
Mai te mea e hinaaro tatou ia haapii i ta tatou mau tamarii i te mau
parau mau o te evanelia, e ti‘a roa atoa ïa ia haamau i te mau hi‘oraa
tano no ta tatou mau tamarii no te pee mai. Mai te mea, e ore tatou e
tape‘a i to tatou mau hiaai e mau hinaaro, eita e nehenehe ia tatou ia
titau i ta tatou mau tamarii ia tape‘a i to ratou iho.
A Horo‘a i te Hopoi‘a i te Mau Tamarii
Ua parau o Elder L. Tom Perry : « E ti‘a roa ia ... papû tatou e, e mea
afaro roa ta tatou haapiiraa e ua tuu tatou i te hoê faaroo e te ti‘aturi i
te Fatu i roto i te oraraa o [ta tatou mau tamarii]. E ti‘a roa ia papû
tatou e, ua haapii maitaihia ratou, e a haamata ai ratou i te paari i te
pae varua, e titauhia ïa ia tatou ia horo‘a no ratou te mau rave‘a fana‘o
no te faaite i te puai o te tupu nei i roto ia ratou. E titauhia ia tatou ia
horo‘a ia ratou to tatou faaroo e te ti‘aturiraa e i muri iho ia horo‘a
te hopoi‘a ia ratou ra » (i roto Conference Report, Sao Paulo Area
Conference 1975, 12).
E rave rahi rave‘a no te haapii i te hopoi‘a i te mau tamarii. Ua horo‘a o
Elder F. Enzio Busche hoê hi‘oraa :
« Te tamata nei tatou i te arata’i i ta tatou mau tamarii i te faatura ia’na
iho... e i te pae rahi ra, ia vaiiho ia ratou ia haava ia ratou iho. Ua ite mai
tatou i te ohipa i tupu oia ho‘i, aita te hoê taata e maitai atu i te hoê
orometua haapii ia ite ana‘e te hoê taata e a faaite mai ai i te mau hape... i
ta te hoê taata e tauturu i te hoê tamarii ia ite oia no’na iho e, te rave nei
oia i te hape. Ia nehenehe ana‘e te tamarii ia maramarama i ta’na mau
hape ona iho, te taahiraa matamua ia taui, ua rave a‘ena-hia ïa.
« Te haamana‘o nei au i te hoê taime, nahea to maua aniraa i ta maua
tamaiti, i muri a‘e i te hoê ofatiraa ture, ia haamau oia i ta’na iho
faautu‘araa. Ua faaoti oia, eiaha oia ia faati‘ahia ia hi‘o i te afata teata
no te hoê ava‘e. E au ra ia maua e, ua eta‘eta roa raua, area râ, eaha to
maua oaoa i te faarooraa mai roto mai i to’na mama ruau oia ho‘i,
186

Haapiiraa 18
a hahaere ai ia’na ra, ua haapapû oia e ua hape oia i te faaitoitoraa
ia’na [te tamaiti] ia hi‘o te hoê ihoa faanahoraa afata teata, noa’tu â eita
roa to’na na metua e ite i te reira. Aita vau e mana‘o nei e nehenehe te
tahi popou rahi atu e vai mai no te mau metua maoti râ ia ite i te hoê
tamarii ia haapa‘o maitai ia’na iho i roto i te hoê huru fifi » (« Provoke
Not Your Children », Ensign, Mati. 1976, 42).
■ Eaha ta Elder Bushe ia rave no te tauturu I ta’na mau tamarii ia
faatupu i te tape‘araa ia’na iho ? (Ua tauturu oia ia ratou ia noaa te
faaturaraa ia’na iho na roto i te iteraa i ta ratou iho mau hape. Ua
faaitoito oia ia ratou ia faatitiaifaro ia ratou iho).
Hou a horo‘a ai tatou i ta tatou mau tamarii te mau hopoi‘a, e ti‘a roa
ia tatou ei mau metua ia haapapû e, ua ineine ratou no te reira. Te
faataa ra te peresideni Tanner : « Eita te mau tamarii e haapii na roto
mai ia ratou iho nahea ia ite maite atu i te mea ti‘a i te hape. E ti‘a i
te mau metua ia faaoti i te ineineraa o te tamarii no te raveraa i te
hopoi‘a e, no to’na aravihi ia rave i te mau faaotiraa maitai, no te
hi‘opo‘a ho‘i i te mau monoraa ohipa, e ia ite i te mau hope‘araa
no te raveraa i te reira » (Seek Ye First The Kingdom of God, 87).
Te Faatitiaifaroraa ma te Here
Ia faatitiaifaro ana‘e tatou i ta tatou mau tamarii, e ti‘a ia rave tatou i
te reira ma te eta‘eta eiaha ra ma te peu tahae. E ti‘a ia faahitihia ma
te maramarama ta tatou mau titauraa no ratou e ia horo‘a i te mau
faautu‘araa tano. I muri a‘e i to tatou faatitiaifaroraa i ta tatou mau
tamarii, e ti‘a ïa ia faaite tatou i te faarahiraa no te here ia ratou.
■ A tai‘o i Te Parau Haapiiraa e te Mau Parau Fafau 121:43–44. No te aha
tatou e faaite ai i te hoê faarahiraa no te here i te mau tamarii i muri
a‘e i te faatitiaifaroraa ia ratou ? {Ia maramarama ratou e, te here nei
tatou ia ratou e te faatitiaifaro nei tatou ia ratou no te haapapû i to
ratou maitairaa, e ia ore ratou ia mana‘o e enemi tatou no ratou).
■ A aparau i te mau hi‘oraa i muri nei e te piha haapiiraa. A haapapû e,
e titau te mau hope‘araa i te tape‘araa ia’na iho. E hinaaro paha outou
ia ani i te mau hi‘oraa o te taata hoê iho mai roto mai i te mau melo o
te piha haapiiraa, eiaha râ ia tabulahia teie mau hi‘oraa.
1. E toru tamarii taure‘are‘a ta Sven e Inger o te mâro e te tama’i tamau
noa. Nahea raua e nehenehe ai e tauturu i ta raua mau tamarii ia
faaea i te tama’i e ia faatupu i te tape‘araa ia’na iho ?
2. Te hinaaro nei o John e o Elsie ia rave i te pureraa utuafare i roto i to
raua utuafare i te mahana tata‘itahi, tera râ te tafifi nei te mau tabula
ohipa, te mau tabula haapiiraa, e te tahi atu mau ohipa. Te ite nei te
mau melo o te utuafare e, eita e nehenehe ia amui atoa ratou no te
187

Haapiiraa 18
pureraa utuafare. Eaha ta John e Elsie e nehenehe e rave no te
tauturu i te utuafare ia faatupu i te tape‘araa ia’na iho ia farii i te
pureraa utuafare ?
3. Te ite nei te utuafare Unga i te hinaaro ia aufau i te tuhaa ahuru,
tera râ, aita roa te mau melo o te utuafare e ite nei e, ua rava’i ta
ratou moni no te pahono i te tahi atu o ta ratou mau haamau‘araa.
Noa’tu râ, e aura e ua rava’i tamau noa ihoa ta ratou moni no te
faaarearearaa, no te ahu apî, e no te tahi mau ohipa faufaa ore ia
hinaaro ana‘e ratou i te reira. Nahea teie mau melo o te utuafare e
nehenehene ai ia faatupu i te tape‘araa ia’na iho no te aufau i te
tuhaa ahuru ?
■ Nahea te mau taata hoê o tei tape‘a ia ratou iho ia ohipa no vetahi ê i
roto i to ratou utuafare ?
Faahope‘araaa
Na roto i te faaohiparaa i te ti‘amâraa i horo‘ahia mai e to tatou Atua e
na roto i te raveraa ma te haapa‘o maitai i te ohipa, e ti‘a roa ia tatou ia
faatupu i te tape‘araa ia’na iho mai te mea e hinaaro tatou ia faaineine
ia tatou iho e to tatou mau utuafare no te pahonoraa i te mau tamataraa.
E nehenehe roa ia tatou ia rave i te mau ma’itiraa tano e ia tape‘a
i to tatou mau hiaai e te mau horuhoruraa o te aau mai te mea e
titauhia ia faaineine tatou no te ho‘i atu i to tatou Metua i te Ra‘i ra.
■ A faaite i to outou iteraa papû, oia ho‘i a faatupu maite te mau melo
no te utuafare i te tape‘araa ia’na iho, e nehenehe ratou e upooti‘a i
ni‘a e rave rahi o te mau fifi i roto i to ratou mau oraraa.
■ A himene « Ma’iti i te Maitai » (Te Mau Himene no.144) e aore râ ia
tai‘o i te mau parau, e itehia i raro nei.
Ma’iti i te Maitai
A ma’iti i te maitai ia tuu-ana‘e-hi‘a mai te hoê ma’itiraa i mua ia oe.
I roto i te maitai e arata’i te Varua Maitai ;
E to’na maramarama te anaana mai nei ïa ia ni‘a ia oe e amuri no‘atu,
I roto i te maitai e ti‘aturi ai i to oe aau.
[Faaho‘iraa] Ma’iti i te maitai! Ma’iti i te maitai !
Vaiiho i te paari ia tapa‘o i te e‘a i mua.
I roto i to’na maramarama, ma’iti i te maitai !
E, e haamaitai te Atua ia oe e amuri noa’tu.
Ma’iti i te maitai! Ia ore te varua no te faataa-ê-raa
Ia upooti‘a i ni‘a ia oe i roto i te hora ino.
Te vai ra te maitai e te ino i te mau uiraa atoa ;
Ia paruruhia [oe] na roto i te mana no te faaururaa.
188

[Faaho‘iraa]
Ma’iti i te maitai ! Te vai ra te hau i roto i te raveraa ti‘a.
Ma’iti i te maitai ! Te vai ra te parururaa no te varua.
Ma’iti i te maitai i roto i te mau haaraa’toa ta oe e tapapa nei ;
Ia riro te Atua e te ra‘i ei fâ na oe.
[Faaho‘iraa]
Haapiiraa 18
Tamataraa
A ma’iti hoê fifi i roto i to outou oraraa e aore râ i roto i to outou utuafare.
A pee i te mau taahiraa i faanahohia i roto i te haapiiraa no te
upooti‘araa i ni‘a i te fifi. A tai‘o i te mau papa‘iraa mo‘a no te mau
hoho‘a tano i roto i te faatupuraa i te faatitiaifaroraa ia’na iho.
Te Tahi Atu Mau Papa‘iraa Mo‘a
■ Maseli 25:28 (faatere i to outou iho varua)
■ Iakobo 1:26 (tape‘a i ta outou oreroraa)
■ Alama 38 (Te a‘o a Alama no Siberona ia haapa‘o I te marû e te
tape‘araa ia’na iho)
Faaineineraa a te Orometua Haapii
Hou a faaite ai i teie haapiiraa :
1. A haapii i Te Mau Parau Tumu no te Evanelia pene 4, « Te ti‘amâraa no
te Ma’iti. »
2. A faaineine i te mau hoho‘a rahi i mana‘ohia mai i roto i te
haapiiraa, e aore râ a papa‘i i te haamaramaramaraa i ni‘a i te tabula
papa‘iraa.
3. A faaineine ia himene mai te piha haapiiraa i te faahope‘araa o te
haapiiraa « Ma’iti I te Maitai » (Te Mau Himene, no. 144), e aore râ ia
faanaho no te tai‘o i te mau parau i roto i te piha haapiiraa.
4. Ia faaineine no te faaiteraa i to outou iteraa papû oia ho‘i a faatupu
ai te mau melo no te utuafare i te tape‘araa ia’na iho ma te ite papû,
e nehenehe ratou ia upooti‘a i ni‘a i te mau fifi e rave rahi o te taata
hoê iho.
5. A faataa i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a, e aore râ te mau faahitiraa parau
ta outou e hinaaro nei.
189

190
TE FAATUPURAA
I TA TATOU
MAU TALENI
Haapiiraa 19
Te tumu o teie haapiiraa no te faaitoitoraa ïa ia tatou ia haamaitai i ta
tatou mau taleni e ia faauru i te mau melo o to tatou utuafare ia rave
mai te reira’toa.
Omuaraa
Ua horo‘a mai te Metua i te Ra‘i ra i te mau taleni na tatou tata‘itahi, e
te hinaaro nei Oia ia tatou ia faaohipa i te reira. I roto i te hoê parabole
i papa‘ihia i roto i te Mataio, te faaite ra te Fatu no te hoê taata tei
fatata i te faaru‘e mai no te hoê tere roa. Hou a faaru‘e mai ai, ua pii
amui oia i ta’na mau tavini e ua ti‘aturi ia ratou no ta’na mau tao‘a. I te
hoê tavini, ua horo‘a oia e pae taleni (i roto i teie parabole, te auraa no
te mau taleni e moni ïa) ; i te tahi, e piti, e i te tahi atu, hoê. I te taata
tata‘itahi ua horo‘a atu oia i te mau taleni mai te au i to’na aravihi.
A atea ê ai te fatu, ua tuu atura te tavini e pae taleni i te reira ia faaohipahia
e ua noaa maira e pae atu mau taleni. Te tavini e piti taleni, ua
tuu atu ïa i te reira ia faaohipahia e ua noaa mai e piti atu. Area te
tavini e te hoê taleni, ua faatapuni i te reira i roto i te repo.
I muri a‘era, ua ho‘i maira te fatu e ua ani i ta’na mau tavini ia faataa
mai no ta ratou mau taleni. I te mau tavini tei farii e piti taime atu ta
ratou mau taleni ua parau atu oia, «Ua tia roa, e teie nei tavini maitai
e te haavare ore ; o oe i haapa‘o maitai i tena na tao‘a iti haihai, e
faatiaau atu vau ia oe i ni‘a iho i te mea rahi : e haere oe i roto i te oroa
oaoaraa a to fatu» (Mataio 25:21). Area râ, ua pii atura te fatu i te tavini
tei faatapuni ta’na taleni « ino e te faatau.» Ua na ô atura oia e, e rave
mai oia i te taleni mai ia’na maira e horo‘a atura i te tavini e 10 taleni
ta’na. (A hi‘o Mataio 25:14–30).
Ua faaite te Fatu i teie parabole no te haapii i te faufaa no te faaohiparaa
i to tatou mau aravihi, e aore râ mau taleni, ma te paari. Ua rahi
atu tei titauhia i te taata i horo‘ahia e rave rahi taleni i te taata tei iti
mai te mau taleni, teie faahou râ, ua titauhia i te taatoaraa ia faarahi i te
mau taleni tei horo‘ahia ia ratou. Oia’toa te taata hoê taleni, ua titauhia
ïa ia faaohipa oia i te reira ma te paari.

Haapiiraa 19
Ua parau te peresideni Spencer W. Kimball : «Ua faaahu te Atua ia tatou
i te mau taleni e te taime, ma te mau aravihi ite-ore-hia e te mau rave‘a
fana‘o no te faaohipa e no te faatupu i te reira i roto i ta’na taviniraa.
No reira, e titau rahi Oia ia tatou, ta’na mau tamarii i haafana‘ohia »
(The Miracle of Forgiveness [1969], 100).
E Mau Taleni Ta te Mau Taata Atoa
Ua haamaitaihia tatou tata‘itahi i te mau taleni no ô mai i te Atua ra.
Te mau taleni i horo‘ahia ia tatou, e nehenehe na te taata hoê iho, no te
peu paari e aore râ no te faatupuraa ohipa. E ti‘a ia faaohipa tatou i teie
mau horo‘araa no te tavini ia vetahi ê e ia hopoi mai i te popou i to
ratou ra mau oraraa’.
■ A faaite i te hoê hoho‘a rahi no te tabula i muri nei, e aore râ a hi‘o i
te haamaramaramaraa i ni‘a i te tabula papa‘iraa. A ani manihini i te
mau melo o te piha haapiiraa ia imi mai e ia feruri maite no ta ratou
iho mau taleni (aita e titauhia ia tabulahia te mau taleni i ô nei).
Te Mau Taleni a te Taata
Hoê Iho
Te fariiraa i te tape‘araa ia’na
iho
Te riroraa ei taata faaoroma’i
Te fariiraa i te itoito
Te riroraa ei taata marû
Te fariiraa i te huru faaarearea
Te riroraa ei taata faaroo maitai
Te faaore-ohie-raa i te hara
Te ti‘aturiraa faauruhia i roto
ia vetahi ê ra
Te fariiraa i te faaroo
Te hereraa ia vetahi ê
Te fariiraa i te hoê iteraa papû
puai
Te itoitoraa i roto i te Ekalesia
Te patururaa i te feia faatere o
te Ekalesia
Te iteraa i te maitai i roto ia
vetahi ê
Te riroraa ei taata faaoaoa
Te Mau Taleni Peu Paaari e
te Faatupuraa Ohipa
Te himeneraa
Te peniraa hoho‘a
Te nana‘oraa i te tapu raau
Te ohiparaa e te mau
céramique [mai te
hamaniraa potera]
Te tarairaa
Te tunuraa i roto i te umu
Te faaapuraa
Te papa‘iraa
Te papa‘iraa i te mau himene
Te oriraa
Te faati‘araa aamu
Te hautiraa taata ora
Te faata’iraa i te hoê mauhaa
upaupa
Te riroraa ei ma‘ona
Te niraraa ahu
Te ha‘uneraa
191

Haapiiraa 19
Ua faaite te Fatu ia Iosepha Semita :
« No te mea aore i hope te mau horoa i te horoahia na te mau taata
tatai tahi atoa; no te mea e rave rahi te mau horoa, e ua horoahia mai
te hoe horoa I te taata hoe atoa e te Varua o te Atua ra.
« Ua horoahia te hoe i te tahi, e ua horoahia te tahi ê ia vetahi ra, ia
maitai te mau taata atoa na roto i te reira » (PH&PF 46:11–12).
Te faahi‘o nei teie papa‘iraa mo‘a i te mau horo‘araa pae varua ta te
Fatu i horo‘a ia tatou. Te parau nei te reira e, ua horo‘a-atoa-hia ia tatou
te mau taleni no te tauturu ia vetahi ê e no te haamaitai ia tatou iho.
Ua faataa mai te hoê melo o te Ekalesia :
« Ta tatou rave‘a rahi roa‘e no te faaaanoraa e te faatupuraa e tae mai ïa
i roto i te vahi o ta tatou mau taleni, to tatou mau viritu, e to tatou mau
aravihi...
« Mai te peu e hinaaro oe i te hoê tua puai, ta oe noa e titau ia rave o te
amoraa ïa i te hoê ohipa rahi. Na roto i teie â raveraa, e nehenehe tatou
e faaaano te horo‘araa hau atu o to tatou iho mau aravihi noa’tu eaha
te huru faito » Sterling W. Sill, « A Hundred-Hundred Marriage »,
Ensign, Mati. 1971, 34–35).
Te Ohiparaa no te Iteraa’tu i Ta Tatou Mau Taleni
Ua faaite te Aposetolo Paulo i to’na hoa taure‘are‘a ia Timoteo, « Eiaha
e vaiiho-noa-hia tei horoahia ai e te Varua I roto ia oe na » (1 Timoteo
4:14). E ti‘a ia pee atoa tatou i te a‘o a Paulo, tera râ, mai te mea e ti‘a ia
faatupu tatou i ta tatou mau horo‘araa, e ti‘a roa ïa ia ite atu tatou na
mua eaha te reira.
No te iteraa’tu i to tatou mau taleni, e ti‘a ia pure tatou na mua i te
Metua i te Ra‘i ra, ma te ani i Ta’na arata’iraa i roto i te ite-maite-raa i
te reira.
Te piti, e ti‘a ia farii tatou i te hoê haamaitairaa patereareha (a hi‘o Te Mau
Ohipa e te Mau Haamaitairaa o te Autahu‘araa, Tuhaa A, haapiiraa 10. « Te
Mau Patereareha e te Mau Haamaitairaa Patereareha »). E mea pinepine
te mau horo‘araa taa ê i te heheuhia mai i roto i teie mau haamaitairaa.
Ua parau te peresideni Spencer W. Kimball, « Te riro nei te reira ei ti‘aturiraa
rahi na matou, oia ho‘i, e horo‘ahia ... i te mau taata atoa te rave‘a
fana‘o no te fariiraa i te hoê haamaitairaa patereareha » (Church News,
8 Atopa 1977, 3). Noa’tu â, e ohipa noa te mau patereareha i roto i te mau
t¥t¥ faanahonahohia, e nehenehe te hoê melo ti‘amâ i roto i te hoê vahi e
faatupuhia nei o te Ekalesia e farii i te hoê haamaitairaa patereareha mai
roto mai i te patereareha o te t¥t¥ fatata roa‘e mai.
192

Haapiiraa 19
Te toru, e nehenehe te tahi atu mau taata e tauturu ia tatou ia ite maite
mai i ta tatou mau taleni. Na te aamu i muri nei, tei faaitehia e Elder
Franklin D. Richards, e faaite mai nahea to te peresideni Spencer W.
Kimball tautururaa i te hoê taata ia ite maite hoê o ta’na mau taleni :
«Tau matahiti ia mairi a‘enei, tei Cusco, Peru te peresideni Kimball e
vau, i te hoe Sabati e te haere ra i te Haapiiraa Sabati o te amaa. Te
faata’i ra hoê misionare taure‘are‘a no Amerika Apatoerau i te piano.
I muri a‘e i te pureraa ua ani atu te peresideni Kimball e aita anei hoê
melo o te fenua iho i ite i te faata’i i te piano. Ua faaite maira te peresideni
amaa ia’na, hoê o to’na na tauturu ua nehenehe ia faata’i e piti
himene. Ua ani atura te peresideni Kimball i muri iho ia faata’i mai teie
taata i na himene e piti no te pureraa oro‘a e ua na reira oia. I muri
a‘era, horo‘a atura te peresideni Kimball i te mana‘o ia tamau noa oia
I te faatupuraa i ta’na taleni no te upaupa e ia faata’i i te piano no te
mau pureraa atoa a te Ekalesia » « (i roto Conference Report, Sao Paulo
Area Conference 1975, 24).
Aita roa paha te taata i roto i teie aamu i ite maite i ta’na taleni. Na te
hoê atu râ taata e faaite mai i ta’na taleni ia’na hou e haamata ai oia i te
faatupu i te reira.
Te maha o te rave‘a ta tatou e nehenehe ia ite maite i ta tatou mau
taleni, na roto ïa i te taviniraa o te Ekalesia. A imi ai tatou i te tautururaa
a te Fatu i roto i to tatou mau piiraa, e tauturu Oia ia tatou ia ite i
te mau taleni ta tatou e hinaaro no te faaî i ta tatou mau hopoi‘a. Ua
parau Elder Franklin D. Richards : «E mea pinepine te mau taata anihia
ia farii i te hoê ti‘araa i roto i te Ekalesia, ua topetopehia ïa ia parau e,
« O, eita e nehenehe ia‘u ia rave i te reira. Aita i rahi to‘u ite no te
ohipa e aore râ no te ite haapiiraa i to te tahi atu taata o te tavini nei
paha.’ Teie râ, ma te faaroo, te haapiiraa, te ohiparaa, e te pure, e horo‘a
mai te Fatu i te rave‘a no tatou ia rave faaoti i te mau mea ia hi‘ohia-
’tura eita e nehenehe » (i roto Conference Report, Sao Paulo Area
Conference 1975, 23).
■ Eaha’tu te nehenehe e tauturu ia tatou ia ite i ta tatou mau taleni ?
Te Faatupuraa i ta Tatou Mau Taleni
Ia iteahia ana‘e ia tatou ta tatou mau taleni, e ohipa ïa na tatou ia
faatupu e ia faaohipa i te reira. E titau te raveraa i te reira i te ohipa
rahi e te faaohipa-noa-raa. I te tahi mau taime, e hi‘o tatou i to vetahi ê
mau taleni e, e mana‘o e ua tae mai te reira ia ratou ma te tautooraa iti
roa. Aita tatou e taa nei e, e mea pinepine ua tuu te taata i te tautooraa
rahi i roto i te faatupuraa i ta ratou mau taleni.
193

Haapiiraa 19
Hoê taata tei ohipa puai i roto i te faatupuraa i ta’na mau taleni oia ho‘i
te peresideni Heber J. Grant. A faataa ai nahea oia i te faatupuraa i te
reira, ua parau oia :
« Aita i nehenehe ia‘u ia taora i te popo mai te hoê ti‘araa i te tahi
iho ... Ua ere au i te puai ia horo e aore râ ia ta’iri maitai i te popo.
Ia ohi mai au i te hoê popo, i te rahiraa o te taime, e pii u‘ana te mau
tamaroa, ‘A taora mai i ô nei, sissy [tamahine] ! Ua rahi roa te faaataataraa
tei noaa mai no to‘u huru... e ua horeo hanahana vau e, e hauti
au i te ta’iriraa popo [i roto i te hoê p∂p∂] o te upooti‘a i roto i te
hautiraa rahi no te Fenua o Utaha...
« Ua haaputu vau hoê tara marite, ta‘u i faahotu i roto i te hauti ta’iriraa
popo. Ua haamau‘a vau i te mau hora e te mau hora i te taoraraa i te
popo i ni‘a i te fare animala a te (Episekopo Edwin D. Woolley)... Mea
pinepine ua mauiui to‘u rima e no reira varavara roa vau i te taoto i te
pô. Tera râ, ua tape‘a i te faaohipa-noa-raa e i te pae hope‘a, ua manuïa
i roto i te ôraa atu i roto i te [p∂p∂] piti no ta matou taiete. I muri roa
mai, ua amui atu vau i te hoê taiete maitai a‘e, e ua hauti ihoa ïa vau
[i roto i te p∂p∂ matamua] tei rê mai no te hautiraa rahi o te Fenua. Na
roto i te faahaamaitairaa i ta‘u fafauraa ia‘u iho, ua tatuhaahia vau mai
roto mai i te tahua ta’iriraa popo » (« Work, and Keep Your Promises »,
Improvement Era, Tenuare 1900, 196–97).
Ua ohipa atoa te peresideni Grant i ta’na taleni no te papa‘i-rima-raa.
Ua « faaoti oia e, ia tae i te hoê mahana e riro mai oia ei taata haapa‘o
buka na te Sotaiete fare moni Wells Fargo. » E ti‘a ia papa‘i maitai te
hoê taata haapa‘o buka, no reira, ua haamata ihoa oia ia ohipa no te
riro mai oia ei taata papa‘i rima. Ua papa‘i te hoê taata papa‘i buka:
« I te haamataraa e mea ino roa ta’na papa‘i-rima-raa e a hi‘o ana‘e ai
to’na na [hoa] toopiti i te reira, ua na ô ihora hoê i te tahi, « Mai te mau
taahiraa avae mo‘a ra tera papa‘iraa.’ ‘Eita,’ ta te tahi iho i parau, ‘E
huru râ e, ua topa mai te patiri i ni‘a i te hoê mohina inita.’ Ua haaputapû
te reira i te te‘ote‘o o Heber e, ma te tuu i ta’na rima haamenemene
maitai i ni‘a i ta’na airaamaa ohipa, ua parau oia, ‘Ia tae i te hoê
mahana e nehenehe au e horo‘a i te mau haapiiraa no ni‘a i te papa‘irima-raa
ia outou te mau hoa’, e ua riro mai ihoa oia » (« Work, and
Keep Your Promises », Improvement Era, Tenuare. 1900, 196–97).
E mea au na te peresideni Grant iho ia parau, « Te mea ta tatou e
tamau noa i roto i te raveraa, e riro mai ïa ei mea ohie a‘e no tatou ia
rave; eiaha ua taui te natura o te ohipa iho ra, tera râ, ua faarahihia to
tatou puai no te raveraa » (i roto Conference Report, Eperera. 1901, 63).
E titau atoa paha te faatupuraa i ta tatou mau taleni ia upooti‘a tatou i
ni‘a i te mata‘u no te faaohiparaa i te reira. Ua parau te Fatu : « Area
194

Haapiiraa 19
râ i te tahi râ aore au i mauruuru roa ra, no te mea ... te huna atu ra
ratou i te taleni ta‘u i horoa atu no ratou ra, no te mata‘u i te taata
nei... E tupu ho‘i teie, mai te mea aore ratou e haapa‘o maitai a‘e ia‘u
nei, e rave-ê-hia’tu te reira, oia ho‘i o te reira ta ratou e mau nei»
(PH&PF 60 :2–3).
E ere roa i te mea ohie ia upooti‘a i ni‘a i to tatou mata‘u ia rave, tera
râ ua horo‘a mai te Fatu ia tatou i te tahi a‘o o te nehenehe e tauturu :
« Mai te mea râ ua vai ineine noa outou e ore outou e mata‘u »
(PH&PF 38 :30). Mai te mea ua ineine tatou, tei matauhia e ti‘aturi to
tatou e, e nehenehe tatou ia rave i te mea ta tatou i faaineine tatou iho
no te rave. Na taua ti‘aturiraa ra e faaupooti‘a ia tatou i ni‘a i te mata‘u.
E faahope‘a te faaineineraa na roto i te haapiiraa e te faaohipa-noa-raa.
Ua a‘ohia tatou ia « A imi ho‘i i te ite, oia ïa na roto ho‘i i te haapii e na
roto atoa i te faaroo » (PH&PF 88:118). Mai te mea e mea puai to tatou
hinaaro, e nehenehe te mau taleni paruparu e haapuaihia na roto i te
haapiiraa, te faaohipa-noa-raa, e te haapiipii-noa-raa.
Mai te mea aita tatou e manuïa nei ia faatupu i te mau taleni ta te Fatu
i horo‘a mai ia tatou, e rave-ê-hia’tu te reira ia tatou. Ua faataa mai te
hoê melo no te Ekalesia : «Ua horo‘a mai te Fatu i ta tatou [mau taleni
e te mau aravihi] i ni‘a i te hoê huru no te horo‘a-tarahu-raa e, e rave ê
oia i te mau mea’toa o te ore e faaohipahia. O teie te mau auraa parau
aifaito no ratou ta’na i horo‘a i te maa mana oia te mau tamarii o
Iseraela i roto i te medebara. I te mahana tata‘itahi, ua tapo‘i te hoê
auhuneraa maa mana i te repo e, e haaputu te mau taata noa’tu te rahi
o ta ratou i hinaaro, tera râ, tei ore i faaohipahia ra, e pe ïa. Mai tera
atoa e to tatou mau aravihi. Te pae rahi o tatou eita roa e farii i te mau
tua puai e aore râ e farii i te mau feruriraa rahi no te mea, te mau
faateimaharaa ta tatou i horo‘a no te reira ia amo, aita roa i rava’i te
teiaha. To tatou puai atoa e vai ra aore i faaohipahia, e mo‘e ïa. »
(Sterling W. Sill, Ensign, Mati. 1971, 35).
■ A ani i te melo o te piha haapiiraa i faataahia ia faaite mai nahea oia i
te ite-maite-raa e i te faatupuraa hoê o ta’na mau taleni.
Te Tautururaa i te Mau Melo o To Tatou Utuafare ia Faatupu i Ta
Ratou Mau Taleni
■ A faaite i te hoho‘a 19-a, « E ti‘a i te mau metua ia faaamu i te mau
taleni o ta ratou mau tamarii. »
E ti‘a ia tauturu tatou i te mau melo o te utuafare ia ite maite e ia
faatupu i ta ratou mau taleni e ia haapii ia ratou ia faaohipa i ta ratou
mau taleni no te taviniraa i te Fatu.
195

196
19-a, E ti‘a i te mau metua ia faaamu i te mau taleni o ta ratou mau tamarii.

Haapiiraa 19
Tei muri nei te mau rave‘a ta tatou e nehenehe e tauturu i te mau melo
o te utuafare ia faatupu i ta ratou mau taleni :
■ A faaite i te hoê hoho‘a rahi no te tabula i muri nei, e aore râ a hi‘o
atu i te haamaramaramaraa i ni‘a i te tabula papa‘iraa :
Te Tautururaa ii te Mau Melo o te Utuafare ia
Faatupu i ta Ratou Mau Taleni
1. A faaitoito i te melo tata‘itahi o te utuafare
ia farii i te haamaitairaa a te metua tane e
aore râ i te hoê haamaitairaa o te autahu-
‘araa.
2. A haamau i te mau huru ti‘araa maitai o te
utuafare no ni‘a iho i te mau taleni.
3. A tauturu i te mau melo o te utuafare ia
ma’iti i te mau taleni no te faatupu atu.
4. A faaitoito i te mau melo o te utuafare ia
pure no te puai, te itoito, e te faaururaa i
roto i te faatupuraa i ta ratou mau taleni.
A Faaitoito te Melo Tata‘itahi o te Utuafare ia Farii i te Haamaitairaa
a te Metua Tane e aore râ i te Hoê Haamaitairaa o te Autahu‘araa
■ A faaite i te hoho‘a 2-c, «Te mau haamaitairaa o te Autahu‘araa e vai
nei no te mau melo atoa o te utuafare », e aore râ 12-a, « E nehenehe
te mau haamaitairaa a te Metua Tane e haapuai i te mau melo o te
utuafare.»
E nehene te mau metua tane ia horo‘a i te mau haamaitairaa i te mau
melo o te utuafare no te tauturu ia ratou ia noaa mai te hinaaro e te
aravihi no te faatupuraa i ta ratou mau taleni. Mai te mea eita e nehenehe
i te hoê taata ia farii i te hoê haamaitairaa a te metua tane, e nehenehe
oia, te tamaroa e aore râ te tamahine e farii i te hoê haamaitairaa o
te autahu‘araa no te hoê â tumu na roto mai i te hoê taea‘e hahaere
utuafare e aore râ i te tahi atu taata faatere o te autahu‘araa.
Te Haamauraa i te Mau Huru Ti‘araa Maitai o te Utuafare no Ni‘a Iho
i te Mau Taleni
E ti‘a roa ia tatou ia haapii e ia faaite na roto i to tatou hi‘oraa e, e mea
maitai ia faatupu i te mau taleni. E ti‘a atoa ia tatou ia faateniteni atu i te
mau melo o to tatou utuafare ia faaoti ana‘e ratou e ia tamahanahana ia
ratou ia ore ratou e manuïa. Eiaha roa tatou e faaino atu ia ratou.
197

Haapiiraa 19
A Tauturu i te Mau Melo o te Utuafare ia Ma’iti i te Mau Taleni no te
Faatupu atu
A faanaho e te mau melo o te utuafare i te hoê tabula faaohiparaa no te
faatupuraa o te taleni, e i muri iho, a tabula atu te taime no ratou no te
faaohipa-noa-raa e a faaite atu i teie mau taleni. Te hoê taime maitai no
ratou ia faaite atu i ta ratou mau taleni i roto ïa i te mau pô pureraa
utuafare.
A Faaitoito te Mau Melo o te Utuafare ia Pure no te Puai, te Itoito,
e te Faaururaa i roto i te Faatupuraa i ta Ratou Mau Taleni
Mai te mea i roto i ta tatou mau pure o te utuafare e ani tatou i te Fatu
ia tauturu i te mau melo o te utuafare ia faatupu e ia faaohipa i ta ratou
mau taleni, e faauruhia ïa ratou no te pure atoa no teie mau haamaitairaa.
Faahope‘araa
Ua horo‘a maite mai te Atua i te mau taleni ia tatou tata‘itahi. I roto i te
haamauruururaa e na roto i te faaueraa, e ti‘a roa ia ite atu e ia faatupu i
te reira, ma te haamana‘o i teie a‘o a na reira ai tatou : «A mata na outou
o te haavarehia outou ; e ia ore outou ia haavarehia ra a imi onoono
outou i te mau horoa maitai roa ra, ma te haamana‘o-noa-raa i te tumu i
horoahia mai ai taua mau mea ra. No te mea oia mau ta‘u e parau atu
nei ia outou, ua horoahia mai taua mau mea ra ei maitai no ratou o tei
here mai ia‘u nei e o tei haapa‘o noa i ta‘u mau faaueraa atoa ra, e o oia
atoa o te imi noa i te ravea ia na reira. » (PH&PF 46:8–9).
Tamataraa
A haamau i te hoê huru ti‘araa maitai o te utuafare no ni‘a iho i te faatupuraa
e te faaohiparaa i te mau taleni. A faanaho i te hoê opuaraa no te
faatupu hoê o ta outou mau taleni. Mai te mea e metua tane outou o te
mau nei i te Autahu‘araa Melehizedeka, a horo‘a i te melo tata‘itahi o te
utuafare hoê haamaitairaa no te tautururaa ia’na te tamaroa e aore râ te
tamahine ia ite atu i ta’na iho mau taleni. I muri iho, a tauturu i te mau
melo o te utuafare ia ma’iti i te hoê e aore e piti o te mau taleni ta ratou
e au no te faautupu. A faaitoito ia ratou ia pure no te puai, te itoito, e te
faaururaa i roto i te faatupuraa i ta ratou mau taleni.
Te Tahi Atu Mau Papa‘iraa Mo‘a
■ Luka 12:47–48 (i te taata i horo‘a-rahi-hia ra, e rahi te titauhia)
■ Etera 12:35 (te mau taleni no te rave-ê-hia’tu mai te mea eita e
tufahia)
198

Haapiiraa 19
Faaineineraa a te Orometua Haapii
Hou a faaite ai i teie haapiiraa :
1. A tai‘o Te Mau Parau Tumu no te Evanelia, pene 34, «Te Faatupuraa i
Ta Tatou Mau Taleni. »
2. A ani i te hoê melo o te piha haapiiraa ia faaineine oia no te faaite
mai nahea oia i te iteraa e te faatupuraa hoê o ta’na mau taleni.
3. A faaineine i te mau hoho‘a rahi i mana‘ohia mai i roto i te
haapiiraa, e aore râ a papa‘i i te haamaramaramaraa i ni‘a i te
tabula papa‘iraa.
4. A faataa i te mau melo o te piha haapiiraa ia faaite mai i te mau
huru aamu atoa, te mau papa‘iraa mo‘a, e aore râ te mau faahitiraa
parau ta outou e hinaaro.
199

200
TE FAATUPURAA
O TE FAATERERAA
[IA MAITAI]
Haapiiraa 20
Te tumu o teie haapiiraa no te tauturu ïa ia tatou ia maramarama i te
mau parau tumu niu no te faatereraa.
Te Omuaraa
■ Eaha te faatereraa ? (Te aravihi no te arata’i ia vetahi ê)
Te hinaaro nei te Ekalesia i te feia faatere maitai—te mau tane e te mau
vahine o te nehenehe e haapa‘o i to’na tupu-oi‘oi-roa-raa i roto i te
meloraa, o te nehenehe e arata’i i te ohipa imiraa faufaa e o te tape‘a i
te nahonahoraa o te Ekalesia i faati‘ahia e te Fatu, o te nehenehe e
tauturu ia vetahi ê ia haapa‘o i te mau faaueraa e, o te ti‘a papû atu
na te ao atoa nei no te tumu o te parau mau.
Te feia faatere o te Ekalesia o te tutava nei no te haamaitai a‘e i te ao
nei na roto i te oraraa e te haapiiraa’tu i te mau parau tumu no te
evanelia, e farii mau ratou i te ite e te faaururaa. Ia arata’i-ana‘e-hia
tatou e taua feia faatere nei, e haapuaihia to tatou mau nohoraa, mau
utuafare, mau oire, e mau nunaa. Ta tatou ohipa ei mau taea‘e tei mau i
te autahu‘araa, o te faaineineraa ïa ia tatou iho ia riro mai ei feia faatere
i faauruhia, no te mea e nehenehe ta tatou faatereraa e horo‘a i te taa-êraa
o vetahi ê i roto i to ratou mau oraraa.
Ua faaite te Episekopo Victor L. Brown i te mauruuru no te feia faatere
i roto i te omuaraa o to’na oraraa. Ua parau oia :
« Te haamana‘o nei au e te teatea ho‘i i te oaoa no te opereraa i te oro‘a
mo‘a ei diakono i roto i te Paroita Piti no Cardston, Titi Alberta, i
Canada…
« Te haamana‘o nei au nahea to‘u feruriraa i te reira ei hanahana ia
ohipa atu i roto i taua taviniraa mo‘a ra. Te haamana‘o maitai roa nei
au nahea to to‘u na metua haapiiraa ia‘u, oia ho‘i, e ti‘a ia mâ e te viivii
ore to‘u na rima e to‘u aau ia nehenehe ia‘u ia ti‘amâ no te ohipa atu i
roto i teie oro‘a.

Haapiiraa 20
« Te mea faahiahia roa‘e i roto i te mau haapiiraa atoa maoti te hi‘oraa
maitai ta to‘u metua tane e metua vahine i haamau no‘u. I muri mai, o
te hi‘oraa maitai ïa o te taata haamaramarama no ta‘u p∂p∂ diakono,
tei riro atoa ei taata faatere no‘u no te ohipa Scout. Ua riro [oia] ei
hi‘oraa maitai mau no te huru o te mau taata faatere no te mau
tamaroa te ti‘a ia riro. Ua ite te mau tamaroa atoa i raro a‘e i ta’na
faatereraa i to’na here rahi. Aita to’na huru maitai i ta‘oti‘ahia no te
Sabati poi’ipo‘i e aore râ no te mau Mahana piti ahiahi, ua itehia râ te
reira na roto i te hebedoma taatoa. E mauruuru noa ihoa vau i to‘u
taata haamaramarama no te mau diakono, no te mau haapiiraa o te
oraraa ta’na i haapii ia‘u ei diakono ahuru ma piti matahiti te paari,
e mau haapiiraa ïa tei tauturu ia‘u mai tera mahana mai â e tae roa mai
i teie nei » (i roto i te Conference Report, Eperera 1972, 101 ; e aore râ
Ensign, Tiurai 1972, 89–90).
■ No tehea feia faatere ta te Episekopo Brovn i mauruuru ? No te aha
ratou i riro ai ei feia faatere maitai roa ?
■ A ani i te mau melo o te piha haapiiraa ia feruri no ni‘a i te mau uiraa
i muri nei : Eaha ta‘u e rave nei no te faaineineraa no te mau piiraa o
te faatereraa ? Eaha to‘u huru I teie nei ei taata faatere ? Eaha to‘u
huru no te hi‘oraa puai i ni‘a ia vetahi ê ?
Eaha te Hoê Taata Faatere ?
■ A faaite i t e hoho‘a 20-a, « Mai te hoê tia‘i mamoe mau ra, e faaite te
hoê taata faatere ia vetahi ê te rave‘a, ma te faauru ia ratou ia pee
mai ia’na.»
Ua parau o Elder Bruce R. McConkie: « Te fare o Iseraela ra o te n≤n≤
maitihia ïa a te Fatu, e o ratou tei faataahia no te haapa‘o i te mau
mamoe ra o te mau tia‘i mamoe ïa a te Fatu. No reira, te taata atoa e
tavini nei noa’tu te huru o te ohipa i roto i te Ekalesia i roto i te reira e
hopoi‘a na’na te maitai i te pae varua e aore râ i te pae tino o te mau
huru tamarii atoa a te Fatu, e tia‘i mamoe oia no taua mau mamoe ra.
Te horo‘a nei te Fatu i ta’na mau tia‘i mamoe i te ti‘aauraa no te parururaa
(faaoraraa) o ta’na mau mamoe (Ezekiela 34) » (Mormon Doctrine,
2raa o te nene‘iraa [1966], 710).
E arata’i te tia‘i mamoe mau i ta’na mau mamoe. E haere oia na mua
mai ia ratou, ma te horo‘a i te mau arata’iraa. Ua matau ratou i to’na
reo e, e pee [ratou] ia’na. Ua ite oia e, e here [oia] i te mamoe tata‘itahi.
E tia‘i oia no te mau fifi e haafatata mai nei e, e vai ineine oia no te
horo‘a i to’na ora no ta’na mau mamoe.
Mai te hoê tia‘i mamoe mau, e faauru te hoê taata faatere ia vetahi ê ia
pee mai ia’na e ia faaoti ta ratou iho mau ohipa. E faaite oia i te rave‘a
201

202
20-a, Mai te hoê tia‘i mamoe mau ra, e faaite te taata faatere i te rave‘a,
ma te faauru ia ratou ia pee ia’na.

Haapiiraa 20
na roto i te oraraa i te mau parau tumu ta’na e haapii atu nei e na roto
ho‘i i te taa-maitai-raa e te pahonoraa i to vetahi ê ra mau hinaaro.
E taa maitai te taata faatere e, e faaafaro oia i te mau fifi, e haamau e e
faaoti i te mau fâ, e e hi‘opo‘a ho‘i oia i ta’na iho e i te mau faaohiparaa
a ta’na mau taata e pee nei e, e rave ho‘i ma te horo‘a i te mana‘o no te
mau haamaitairaa’tu â.
A parau ai no te taime a riro mai ai oia ei peresideni no te Ekalesia,
te faataa ra te peresideni Harold B. Lee, eaha te faatereraa mau:
« E aura e, te mau faaiteraa tei tae mai ia‘u, o teie noa ïa, te papaa
parau mau ana‘e o tei ore roa â i ravehia a‘enei no ta‘u taviniraa i roto
i to‘u piiraa apî, o te papaa parau ïa ta‘u paha i papa‘i i roto i te mau
aau e te mau oraraa o ratou o ta‘u i tavini atu e ta‘u i rave i te ohipa,
i rotopu e ma te ore te Ekalesia » (i roto i te Conference Report, Atopa
1972, 19 ; e aore râ Ensign, Tenuare 1973, 24).
Te Mau Aravihi o te Hoê Taata Faatere Maitai
Ua heheu mai te Fatu i roto i te mau papa‘iraa mo‘a no te mau aravihi
o te faariro i te hoê taata ei faatere maitai.
❥ A ani i te hoê melo o te piha haapiiraa ia tai‘o Te Parau Haapiiraa e
te Mau Parau Fafau 121:41–45. Eaha te mau aravihi no te faatereraa
ta te Fatu e ite nei i roto i teie irava ? (A tabula i te mau pahonoraa i
ni‘a i.te tabula papa‘iraa).
Mai ta te Fatu e faaite nei i roto i teie papa‘iraa mo‘a, e ti‘a i te mau
taata faatere ia farii i te mau aravihi i muri nei :
Te Taparuraa
Te taparuraa o te tamataraa ïa ia faafariu ia vetahi ê no te rave i te tahi
mea. Te taa ê nei ïa i te faaueraa e aore râ te faaheporaa. Ua faaohipa te
hoê taata faatere i te taparuraa no te tauturu i te hoê taea‘e hahaere ia
faaoti i ta’na faaueraa ohipa. Ua farerei atu te taata faatere e te taea‘e
hahaere e ma te marû roa ua faataa’tu e, e pae utuafare tei « tapu-roahia
» i te paraparauraa e te episekopo no te mea aita te taea‘e hahaere
i rave i ta’na ohipa. Ua faaite oia i te taea‘e e, mai te peu aita oia e
hinaaro ra ia rave i ta’na faaueraa ohipa, ua nehenehe i te tahi atu taata
ia anihia no te mono ia’na. Noa’tu râ, ua haapapû maitai te taata
faatere e, ua hinaaro oia i te taea‘e ra ia faaoti i ta’na faaueraa ohipa.
Ua faaohipa maitai te taea‘e hahaere i ta’na taparuraa e ua haamaitai
rahi atu i ta’na ohipa.
Te Faaoroma’i-noa-raa
E haere â te hoê taata faatere maitai roa i roto i ta’na mau tamataraa
ohipa, na roto i te turu‘iraa i ni‘a i te Fatu no te puai. E faaoroma’i atoa
oia ia ohipa ana‘e e vetahi ê ra, i pihaiiho ihoa râ i te mau melo o to’na
iho utuafare.
203

Haapiiraa 20
Te Marû
Te marû ra o te feruri-maite-raa ïa. O te haapa‘oraa i to vetahi ê mau
huru i roto i te aau ma te here. O te here ïa.
Te Aau Ha‘ehaa
Te aau ha‘ehaa ra o te vaiihoraa ia haapiihia e te faaoroma’iraa. Te feia
aau ha‘eha ra o ratou ïa o te hinaaro nei ia haapii mai, e e ani ai i te
tauturu a te Atua. No teie huru o te aau ha‘ehaa, e here mai vetahi ê,
e e mauruuru mai ia ratou.
Te Here Faito Ore
Te here faito ore o te here mau ïa o te aau. O te feruri-ma-aa ïa no
vetahi ê tei iteahia i roto i te mau faaiteraa e te mau ohiparaa o te faaite
e « Te haapa‘o roa nei au i to oe huru i roto i te aau », « Te taa nei au »,
e « Te hinaaro nei au e tauturu. »
Te Maitai
Te maitai ra o te faaiteraa ïa i te here o te aau, te haapa‘oraa, e te faaturaraa
ia vetahi ê ra. E haamatau te hoê taata faatere maitai ia vetahi ê e,
e taa ohie ho‘i i to ratou mau hinaaro. E faataa oia i te taime no te a‘o
[haapii] e te mau taata hoê.
Te Aroha
E ti‘a roa i te hoê taata faatere maitai ia farii i te aroha, te here mau o te
Mesia, no te mau taata atoa. I roto i teie here, o te faatusiaraa ïa no te
maitai o vetahi ê.
■ A ani manihini i te hoê melo o te piha haapiiraa ia tai‘o Moroni
7:44–48.
Te parau ra te hoê metua tane, i roto i te haapiiraa i ta’na mau tamaroa
no te riro mai ei mau taata faatere, a na ô ai e : « Na roto mai i te mau
peropheta e na roto mai i te Tamaiti Arii no te Hau, a haapii mai nahea
ia faatere, ma te haamata e outou iho. A ti‘a i ni‘a i to outou iho avae.
A ti‘a teitei. A tape‘a teitei i to outou mau upoo i ni‘a mai te mea ra e, o
outou te mau tamaroa mau a te Atua, o outou ihoa ho‘i ïa. A haere na
rotopu i te mau tane mai te mau taata tei mau i te mau mana i pihai
atu i to outou iho, oia ho‘i ta outou i farii, no roto mai i te autahu‘araa.
A haere i mua i ni‘a i te fenua maitai mai te mea ra e, e mau hoa apiti
outou no te Fatu i roto i te tautururaa ia hopoi i te tahuti e te ora mure
ore i te taata nei, o outou ho‘i ïa. A haere ma te hau roa, ... tera râ, a
haere ma te mata‘u ore roa, i roto i te faaroo. Eiaha e vaiiho i te mau
mata’i ino [o te mau faahemaraa] ia haaparuparu i to outou mana‘o.
A haere ei mau taata faatere ma te autahu‘araa i roto i te faatereraa hau
a te Atua. A haere ma te mau rima ineine no te tauturu atu, ma te aau î
204

Haapiiraa 20
i te here no to outou mau taata tupu. Area râ, a haere ma te paari i roto
i te parau ti‘a » (Wendell J. Ashton, i roto Conference Report, Eperera
1971, 61 ; e aore râ Ensign, Tiunu 1971, 58).
Te Mau Hopoi‘a no te Faatereraa
Mai te mea e, e ti‘a ia riro mai tatou ei mau taata faatere maitai, e ti‘a
atoa ïa ia rave tatou i to muri nei :
■ A papa‘i i teie mau aravihi i ni‘a i te tabula papa‘iraa a paraparauhia
ai te reira.
A Haapii mai i Ta Tatou Mau Ohipa
Ua haamaramarama mai te Fatu ia tatou ei mau taea‘e tei mau i te
autahu‘araa ia haapii mai i te mau ohipa no ta tatou mau piiraa e ia
faaohipa i teie mau ohipa (a hi‘o PH&PF 107:99). E nehenehe tatou e
haapii mai i ta tatou mau ohipa na roto i te tai‘oraa i te mau papa‘iraa
mo‘a e te mau buka arata’iraa, te mau buka haamaramaramaraa, e te
mau buka haapiiraa i horo‘ahia mai e te Ekalesia. E nehenehe tatou e
aparau e vetahi ê o te mau nei e aore râ o tei mau na hoê â ti‘araa. E
hinaarohia tatou ia tae i ta tatou mau putuputuraa atoa a te feia faatere
e i te mau uiuiraa a te taata hoê iho. E hinaaro-atoa-hia tatou ia pure e i
te tahi mau taime ia haapae i te maa no te tautururaa i roto i te
haapiiraa mai i ta tatou mau ohipa.
A Faaoti i Ta Tatou Ti‘aauraa
E piti tuhaa i roto i te ti‘aauraa: te horo‘araa [délégation] o te mana e te
ti‘aauraa.
Te horo‘araa o te mana
Ei mau taata faatere, e ti‘a roa ia haapii mai tatou ia horo‘a i te mana
ia vetahi ê ra. Te auraa ra, te horo‘araa ia vetahi ê te hopoi‘a no te rave
i te mau ohipa i raro a‘e i ta tatou arata’iraa e i muri iho, ia faati‘a ia
ratou ia rave i te ohipa. Ua parau te peresideni Harold B. Lee : « A
vaiiho ia rave ratou i te mau ohipa’toa i rotopu i to ratou mana e, e ti‘a
outou i muri mai e haapii ai ia ratou nahea ia rave i te reira. Te mana‘o
nei au, tei roto i te reira te parau huna no te tupuraa, ia faaue i te
hopoi‘a e i muri iho, ia haapii i to tatou mau taata nahea ia amo i taua
hopoi‘a ra » (faahitihia e N. Eldon Tanner, « Leading As the Savior
Led », New Era, Tiunu 1977, 6).
A tauturu ai tatou ei mau taata faatere ia ratou i raro a‘e i ta tatou
arata’iraa, e taa ïa tatou i te faufaa no to ratou mau piiraa. Eita te faatereraa
i te faate‘ote‘oraa; te faatereraa ra o te pûpûraa ïa e te horo‘araa i
te tautururaa e te arata’iraa; te faatereraa o te faaururaa ïa e te faaitoitoraa
ia ratou ta tatou i horo‘a’tu te hopoi‘a. (A hi‘o Mataio 23:11).
205

Haapiiraa 20
Te Ti‘aauraa
Ua parau te Fatu, « Ua titauhia ïa e te Fatu, i te rima o te mau tiaau
atoa ia tuu mai i te hoe papaa parau no to’na tiaauraa, i teie nei e i te
tau mure ore atoa ho‘i » (PH&PF 72:3). Ia horo‘a ana‘e tatou i te mau
faaueraa ohipa ia vetahi ê, e ti‘a ïa ia faataa maramarama roa’tu tatou i
te mau hopoi‘a o te mau faaueraa ohipa, ma te vaiiho i te mau taata ia
ti‘amâ i muri mai no te faaotiraa i te reira ia au i ta ratou e ite maitai
roa‘e. Area râ, e ti‘a ia horo‘a atoa tatou ia ratou i te hoê taime taa
maitai no te faaite mai ia tatou i ni‘a i to ratou haereraa i mua.
Teie huru parau faataaraa ohipa, e aore râ te haapa‘oraa ohipa, e ti‘a
ia rave-noa-hia i te hoê o te mau taata faatere. I roto i te Ekalesia, e
rave-pinepine-hia teie ohipa na roto i te mau uiuiraa o te taata hoê iho.
I roto i te uiuiraa, e nehenehe te mau taata faatere ia horo‘a i te a‘o e ia
hi‘opo‘a eaha te maitai o te ohipa i ravehia. Area râ, i roto i te raveraa i
te reira, e ti‘a i te taata faatere ia faaea au maitai noa e ia tauturu, ma te
pûpû i te arueraa e te faaitoitoraa ia tano te taime.
I reira, o teie ïa te rave‘a ta tatou e faaoti roa i te hoê ti‘aauraa ei taata
faatere i roto i te Ekalesia : (1) a faaue hoê ohipa, (2) a faati‘a i te taata
hoê ia faaohipa i te reira, (3) a pûpû atu i te tautururaa, (4) a farii i te
hoê parau faataaraa ohipa, e (5) a hi‘opo‘a i te taviniraa e a tau‘aparau i
te taata hoê no te reira.
Te Riroraa ei Mau Metua Tane Maitai
To tatou ti‘araa faufaa roa‘e no te faatereraa o te riroraa ïa ei mau
metua tane. Ua haapii te peresideni Joseph F. Smith i te mau metua
tane nahea ia arata’i maitai i to ratou mau utuafare : « Te mau metua
tane, mai te peu e hinaaro outou i ta outou mau tamarii ia... here i te
parau mau e ia maramarama i te reira, mai te peu e hinaaro outou ia
ratou ia haapa‘o roa e ia tahoê e outou, a here ia ratou ! E a faaite papû
ia ratou e, te here mau nei outou ia ratou na roto i te mau parau atoa e
te ohiparaa e ratou ra... Ia parau ana‘e e aore râ ia parau ana‘e e ratou,
eiaha ia rave na roto i te riri, eiaha e rave na roto i te faahepo, i roto i te
hoê varua faautu‘a. A parau ia ratou ma te maitai roa... A tamarû i to
ratou aau; a vaiiho ia ite ratou ma te here no outou. Eiaha e faaohipa i
te raau tairi e aore râ te iriâ, tera râ... a haafatata atu ia ratou ma te
tumu, ma te taparuraa e ma te here faito ore (Liahona: The Elders’
Journal, 17 Atopa 1911, 1:260–61).
A Paturu i to Tatou Mau Mana Faatere
E taata pee maitai atoa te taata faatere maitai no ratou e mana i ni‘a
ia’na. E noaa mai i te mau taata pee maitai te ti‘aturiraa e te haapapûraa
hau no na mea toopiti to ratou mau taata faatere e ratou o ta
206

Haapiiraa 20
ratou e arata’i nei. E ti‘a ia paturu paatoa tatou i to tatou mau taata
faatere na roto i te fariiraa e te faaoti-roa-raa i te mau faaueraa ohipa
ta ratou e horo‘a mai nei ia tatou.
■ O vai ma to tatou mau taata faatere ? (Te mau metua, te mau
orometua haapii, te mau taata faatere o te mau p∂p∂ e aore râ p∂p∂
autahu‘araa, te episekopo e aore râ te peresideni amaa, te peresideni
t¥t¥ e aore râ misioni, e te Hui Mana Faatere no te Ekalesia)
■ A faaite i to outou iteraa papû no ni‘a iho i te tahi taata ta outou e ite
nei e taata faatere maitai roa no te Ekalesia.
Te Faahope‘araa
E ti‘a roa ia faatupu tatou i to tatou mau aravihi no te faatereraa mai te
mea e titauhia tatou ia faaohipa i to tatou mau piiraa o te Ekalesia. Na
roto i te haapa‘oraa i te mau faaueraa a te Atua, na roto i te peeraa i te
a‘o a to tatou mau taata faatere, e na roto i te taviniraa ma te faaroo i
roto i ta tatou mau piiraa, e tauturu te reira ia tatou ia faatupu i teie
mau aravihi e ia patu i te basileia o te Fatu (a hi‘o PH&PF 64:29–34).
Ei mau taea‘e tei mau i te autahu‘araa, e riro tamau noa tatou ei mau
taata faatere. E parau mau roa teie no te mau metua tane atoa o te mau
nei i te autahu‘araa: e farii tamau noa oia i te ti‘araa no te faatereraa i
roto i te Ekalesia na roto i te riroraa ei patereareha no to’na utuafare.
Taua mau metua tane ra o tei taatihia i to ratou mau utuafare i roto i
te hiero, e mau ratou i teie ti‘araa e amuri noa’tu mai te mea e tape‘a
ratou i ta ratou mau fafauraa.
Te Tamataraa
A hi‘o faahou ma te mana‘o maitai i te mau aravihi o te faatereraa i
faaitehia i roto i teie haapiiraa. A ohipa no te faatupuraa i te reira i roto
i to outou iho oraraa na roto i te haapa‘oraa i te mau faaueraa, na roto i
te peeraa i te a‘o a to outou mau taata faatere, e na roto i te taviniraa
ma te faaroo i roto i te mau piiraa e te mau faaueraa ohipa atoa.
Te Tahi Atu Mau Papa‘iraa Mo‘a
■ 2 Timoteo 1:7 (Ua horo‘a mai te Atua i te varua no te here)
■ 1 Nephi 3:7 (e tauturu te Atua ia tatou ia rave faaoti roa i ta tatou
mau ohipa)
■ Mosia 18:8–11 (e ti‘a o te taata faaroo ia tauturu ia vetahi ê)
■ Alama 38:11–12 (te mau rave‘a no te arata’i e no te tavini atu)
207

Haapiiraa 20
Te Faaineineraa a te Orometua Haapii
Hou a faaite ai i teie haapiiraa :
1. Ia vai ineine no te faaite atu i to outou iteraa papû no ni‘a iho i te
tahi taata tei riro ei taata faatere maitai roa no te Ekalesia.
2. A faataa i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a, e aore râ te mau faahitiraa
parau ta outou e hinaaro nei.
208

TE FAATERERAA :
TE RAVERAA I TE
FAAOTIRAA I
FAAURUHIA
Haapiiraa 21
Te tumu o teie haapiiraa no te tauturu ïa ia tatou ia haamaitai i to tatou
aravihi no te raveraa i te mau faaotiraa i faauruhia.
Te Omuaraa
Te niu no to tatou oraraa ei mau tamarii na te Atua, o te hinaaro e te
ti‘araa ïa no te rave i te mau faaotiraa. Area râ, te raveraa i te faaotiraa,
e iteraa ïa e tupu nei no te tamataraa. E mea pinepine tatou i te feruri
no ni‘a iho i te raveraa i te faaotiraa ti‘a e te arepurepu nei [te feruriraa]
no ni‘a iho i te vahi ta tatou e nehenehe e haere no te farii mai i te
tauturu i roto i te raveraa i te reira.
Tera râ, e nehenehe tatou e huri atu i ni‘a i te Fatu no te tauturu. Ua
faaite mai Oia ia tatou e, o Oia te vaipuna no te parau mau atoa e,
oia’toa e na roto atu Ia’na e nehenehe ai tatou e ite i te parau mau no te
mau mea’toa. E mau tamarii tatou Na’na, e aita Oia i vaiiho ia tatou
ma te puai ore i roto i te faarururaa i te mau tamataraa o te oraraa nei.
Ua parau o Elder Boyd K. Packer : « E mea faufaa ino roa ia maramarama
outou e ua ite a‘e na outou i te maitai e te ino, e maitai to outou
mai te fanauraahia mai, no to outou natura, e no te ite feruri-ore-hia.
Ia parau ana‘e outou, « Aita e nehenehe ia‘u! Eita e nehenehe ia faaore
i to‘u mau fifi! » E hinaaro vau ia tuoro, ‘Aita anei outou e ite nei o vai
outou ? Aita â anei outou i haapii mai atura e tamaiti e e tamahine
outou na te Atua Mana Hope ? Aita anei outou e ite nei e te vai nei te
mau vaipuna puai roa i fatuhia no ô mai Ia’na ra o ta outou e nehenehe
e pii atu no te horo‘a mai i te aueue ore e te itoito e te puai rahi ? »
(« Self-Reliance », Ensign, Atete 1975, 88).
Te Tauturu No O Mai i te Fatu ra
I to tatou faaru‘eraa i te aro o to tatou Metua i te Ra‘i ra, ua haamaitai Oia
ia tatou tata‘i hoê e te Varua o te Mesia. Te faaite nei te mau papa‘iraa
mo‘a e, te Varua o te Mesia, i piihia i te tahi mau taime « Te Marama o te
Mesia » e aore râ to tatou mana‘o haava, « tei haamaramarama mai i te
209

Haapiiraa 21
taata atoa i to’na haerea mai i te ao nei » (a hi‘o Ioane 1:6–9). E horo‘a teie
maramarama ia tatou i te hoê taa-maitai-raa niu no te maitai e te hape.
E arata’i te peeraa i te reira ia tatou ia rave i te maitai e ia taa maitai i te
parau mau.
Ua horo‘ahia mai ia tatou te tahi atu vaipuna no te parau mau i te
taime ia haamauhia ai tatou ei mau melo no te Ekalesia. O teie te
horo‘a o te Varua Maitai, i horo‘ahia no te « faaite ia [tatou] i te
mau mea’toa ta [tatou] e rave » (2 Nephi 32:5).
Ua faaite atoa mai te Fatu ia tatou « a popou [tamaa] na i [Ta’na]
parau » no te tauturu i roto i to tatou mau oraraa (a hi‘o 2 Nephi 32:3).
E nehenehe tatou e farii i te mau parau a te Mesia na roto i te mau
papa‘iraa mo‘a, te mau parau a to tatou mau peropheta ora (a hi‘o
PH&PF 1:37–38 ; 68:2–4), e aore râ te mau haaputapûraa o te Varua
Maitai.
Ua parau o Elder Neal A. Maxwell: « E hinaaro tatou ia popou [tamaa] i
te mau parau a te Mesia i roto i te mau papa‘iraa mo‘a e a tae mai ai ho‘i
teie mau parau ia tatou mai ô mai i te mau peropheta ora ra. Na roto noa
i te honihoniraa i tera taime e tera taime, eita ïa e afaro. (A hi‘o 2 Nephi
31:20 e 32:3). Te faatupuraa i te hoê oroa o te tamaaraa e te tamataraa ma
te oaoa ïa—eiaha te amu puupuuraa na roto i te hoê poia feruri-ore area
râ, o te raveraa ïa ma te aau mehara, te amuraa ma te oaoa i roto i te hoê
oroa tei faaineine-maitai-hia... i roto i te mau tenetere i ma‘iri » (Wherefore
Ye Must Press Forward [1977], api 28).
A « popou » [tamaa] ai i te mau parau a te Mesia ma te ha‘ehaa, e ite
maitai a‘e tatou eaha te rave i roto i te mau vahi atoa o to tatou oraraa.
Te mau taata faatere o te Ekalesia o te rave nei i teie ohipa, ei hi‘oraa,
e ite maitai a‘e ïa ratou eaha te parau, eaha te haapii atu, o vai ma no
te pii no te mau ti‘araa, e nahea ia rave i te tahi atu mau faaotiraa tei
taamuhia i ta ratou mau piiraa.
Nahea ia Rave i te Mau Faaotiraa
Te mau nei e aore râ aita tatou e mau nei i teie nei i te hoê ti‘araa no
te Ekalesia, e taata faatere ra tatou tata‘i hoê i ni‘a i ta tatou iho mau
ohipa. No reira, e ti‘a roa ia haapii mai tatou nahea ia rave i te mau
faaotiraa i faauruhia.
■ A faaite i te hoê hoho‘a rahi no te tabula ohipa i muri nei, e aore râ a
hi‘o i te haamaramaramaraa i ni‘a i te tabula papa‘iraa :
210

Te Raveraa o te Mau Faaotiraa i Faauruhia
1. A imi i te fifi.
2. A pure no te arata’iraa e te varua no te itepapû-raa
[discernement].
3. A haapii i te fifi.
4. A rave o te faaotiraa
5. A pure no te haapapûraa.
6. A faaohipa—a rave i te reira.
Haapiiraa 21
Te vai nei te mau taahiraa i muri nei no te raveraa i te mau faaotiraa i
faauruhia. Ua horo‘ahia mai teie mau taatahiraa ei mau reni arata’iraa
rahi noa.
A imi i te fifi
E ti‘a roa ia maramarama maitai tatou eaha te fifi e vai nei hou tatou e
nehenehe ai e faaafaro i te reira. I te tahi mau taime, e tauturu ia papa‘i
i raro te fifi.
A Pure no te Arata’iraa e no te Varua o te Ite-papû-raa
■ A faaite o te hoho‘a 21-a, « E mea faufaa te pure no te raveraa i te
mau faaotiraa ti‘a. »
A haamata ai tatou ia faaafaro i to tatou fifi, e ti‘a ia imi i te tautururaa
a te Metua i te Ra‘i ra. E pinepine teie tautururaa I te tae mai na roto i
te hoê o te mau horo‘a o te Varua: te horo‘a no te ite-papû-raa. Teie
horo‘a, te vai nei ïa no ratou o te pure no te reira, e tauturu ïa ia tatou
ia ite i te parau mau e ia rave i te mau haavaraa tano (a hi‘o Ioane
16:13 ; Moroni 10:5).
A Haapii i te Fifi
Te aniraa i te Fatu no te arata’iraa e tuhaa noa ïa no te raveraa. Te ite
nei te tahi pae e, no te mea ua parau mai te Fatu « E ani, e e horo‘ahia
mai ta outou » (Mataio 7:7), e hinaaro-noa-hia ïa ia ani te hoê no te farii
i te pahono a te Fatu. Tera râ, e ti‘a roa ia hau atu ta tatou e rave i te ani
noa. Ua haamaramarama mai te Fatu ia tatou ia haapii i te fifi i roto i
to tatou feruriraa (a hi‘o PH&PF 9:8). E mea pinepine, hou te Fatu e
faauru ai ia tatou, e titau atoa Oia ia tatou ia noaa mai te mau haamaramaramaraa
atoa e vai nei no te fifi e ia imi i te a‘o no ô mai i te mau
vaipuna tano e ti‘aturihia. Ei hi‘oraa, e nehenehe i te mau taata faatere
ia imi i te a‘o haapii mai ô mai i to ratou mau tauturu, e nehenehe ho‘i
211

212
21-a, E mea faufaa roa te pure no te raveraa i te mau faaotiraa ti‘a.

Haapiiraa 21
te mau tane faaipoipo ia imi i te a‘o haapii mai ô mai i ta ratou ra
vahine faaipoipo e te mau tamaiti mai ô mai ïa i to ratou mau metua
ra. E ti‘a ia imi atoa tatou i te mau faaotiraa e vai mau nei no te fifi e ia
feruri no ni‘a iho i te mau hope‘a o te fifi tata‘itahi.
Ia rave ana‘e i te hoê faaotiraa, e ti‘a ia haaputu mai tatou ia rava’i te
haamaramaramaraa e ti‘aturihia no te rave i te hoê faaotiraa paari. Te
mau faaotiraa i ravehia i ni‘a i te haamaramaramaraa riirii noa e aore
râ aore ti‘aturi-ore-hia, e mea pinepine ïa e mea hape e, e nehenehe e
hopoi mai i te tatarahapa e te oto.
A Rave i te Faaotiraa
I muri a‘e i to tatou haapiiraa i te fifi, e ti‘a ïa ia ma’iti tatou i te faaotiraa
maitai roa‘e ia nehenehe. (I te tahi mau taime, te faaotiraa e ti‘a ia
ravehia aita ïa i rotopu i te maitai e te ino, teie râ, o te ma’itiraa ïa i te
mea maitai roa‘e no te rave i tera taime). E rave tatou i te faaotiraa i
faatumuhia i ni‘a i te mea o ta tatou e ite nei i roto i te aau e mea maitai
roa‘e no te rave i muri a‘e i te haapiiraa ma te haapa‘o maitai i te haamaramaramaraa
ta tatou i haaputu mai.
A Pure no te Haapapûraa
I muri a‘e i te raveraa i te hoê ma’itiraa, e haafatata tatou i te Fatu na
roto i te pure e a ani ai e ua ti‘a anei te faaotiraa. Mai te peu o te reira
mau, e haapapû mai te Varua Maitai i te faaotiraa na roto i te horo‘araa
mai ia tatou te iteraa hau e te haapapû-faahou-raa i roto i te aau no te
reira (a hi‘o PH&PF 6:22–23). I te tahi mau taime, e farii atoa tatou i te
hoê ahu i roto i te papa o te aau (a hi‘o PH&PF 9:8).
Mai te mea, no te tahi noa’tu tumu, aita tatou i ma’iti ma te tano roa,
e faaite mai te Fatu e, ua hape ta tatou faaotiraa na roto i te vaiihoraa
mai ia tatou e te hoê iteraa au ore i roto i te aau e aore râ i te hoê
feaaraa ino. Te faahi‘o nei te mau papa‘iraa mo‘a i teie ei « haapouriraa
no te mana‘o » (PH&PF 9:9). Ia tupu ana‘e te reira, e ti‘a roa ia farii i te
ha‘ehaa no te haamata faahou i te raveraa no te rave-faaoti-raa.
E mea pinepine, e tae mai te haapapûraa mai ô mai i te Varua Maitai ra
ia tatou a pure ai tatou no te reira. I te tahi mau taime râ, e nehenehe
tatou e papû ore i te mea ta te Fatu e hinaaro nei ia tatou ia rave e, e
mea ti‘a roa ïa ia haamata i te faaafaro i te fifi hou e tae mai ai te hoê
haapapûraa pae varua.
Te parau ra o Elder Hartman Rector Jr. e, e titau te Fatu ia tatou ia
« tuu to tatou mau turi i raro e ia paraparau e ona. A faaite ia’na eaha
ta tatou e mana‘o nei ia rave—a rave i te mau fafauraa e ona—a papa‘i
i ta tatou faanahoraa ohipa—e i muri iho a ti‘a i ni‘a i ta tatou mau
tuturiraa e a haere e a rave ma te papû roa i te mea ta tatou i faaite
213

Haapiiraa 21
ia’na e rave tatou. I roto i te raveraa, e tae mai ai te Varua » (i roto i te
Conference Report, Oct. 1973, 135; e aore râ Ensign, Tenuare 1974, 107).
I tera taime e tera taime, e ti‘a paha ia rave tatou i te hoê faaotiraa o te
mana‘ohia nei e mea fifi roa e aita e vai mai nei te pahonoraa. Ia tupu
ana‘e teie huru, e ti‘a ia haamana‘o tatou e, ua roaa te ite i te peresideni
Marion G. Romney : « Ua farii na vau i te mau fifi tei mana‘ohia, eita e
nehenehe ia‘u ia faaafaro, e ua mauiui vau i mua i te reira e tae noa’tu,
tei mana‘ohia, eita e nehenehe ia‘u ia haere i mua atu mai te mea eita
vau e farii hoê faaotiraa no te reira. I muri a‘e i te pureraa e i roto i te
mau taime e rave rahi o te haapaeraa i te maa no te hoê mahana i te
hebedoma tata‘itahi no te mau tau roa, ua farii a‘era vau i te mau pahonoraa
i heheuhia mai i roto i to‘u feruriraa i roto i te mau reni parau
faaotihia. Ua faaroo vau i te reo o te Atua i roto i to‘u feruriraa e ua
matau vau i ta’na mau parau » (Look to God and Live: Discourses of
Marion G. Romney, haaputuhia e George J. Romney [1971], 45).
I te tahi mau taime, e mea ti‘a roa ia haapae tatou i te maa, ia haapii i
te mau papa‘iraa mo‘a, e ia pure no te faaafaroraa i te mau fifi ino roa.
I tera taime e tera taime, i muri a‘e atoa i te raveraa i teie mau mea e
I muri iho te raveraa e te faaohiparaa i te hoê faaotiraa, e nehenehe eita
â tatou e farii i te hoê haapapûraa. I taua mau taime ra, e mea ti‘a ïa ia
pee ohie noa tatou i ta tatou iho haavaraa maitai roa‘e, ma te faaohipa i
te faaroo na roto i te faaoroma’i, e oia mau ihoa e tae mai te haapapûraa.
E ti‘a roa ïa ia haamana‘o tamau noa tatou e, e pahono mai te Atua i ta
tatou mau pure i roto i Ta’na haavaraa i te taime maitai roa‘e no tatou ia
farii i te hoê pahonoraa.
Te ohipa—A Rave i te Reira
Ia farii ana‘e tatou i te hoê pahonoraa no ta tatou mau pure, e ti‘a roa
ia rave tatou i te mea ta te pahonoraa e titau nei ia tatou ia rave. Eita
tatou e nehenehe e titau i te Varua Maitai no te tauturu tamau noa ia
tatou mai te mea, e tau‘a ore tatou i Ta’na mau haaputapûraa. Oia’toa,
mai te peu eita te pahonoraa i te mea o ta tatou e hinaaro nei e aore râ
mai te mea te tautooraa Ta’na e ani nei ia tatou e au ra e mea rahi ino
roa, e mea ti‘a roa râ ia hinaaro tatou ia rave mai te au i Ta’na e arata’i
nei. Aita ana‘e ra, e fifi tatou i te mo‘eraa te farereiraa e te Varua Maitai
e no reira o Ta’na tamahanahanaraa ïa e te arata’iraa.
Ua riro te peresideni Spencer W. Kimball ei hi‘oraa maitai no te hoê tei
fafau ia rave i te mea ta te Fatu i ani ia’na ia rave : « Ma te ite-maitaihia
te tuuraahia i ni‘a i te airaa maa ohipa a te peresideni Kimball,
te vai nei teie parau iti o te tai‘o ohie-noa-hia, « DO IT [A Rave i te
Reira]. » I teie taata faatere i faauruhia, e tai‘o numera piti te nahonaho
214

Haapiiraa 21
maitai o te taata iho. Ua ravehia te mau mea’toa no te pahono i te
nahonaho maitai o te Fatu. Ua riro to’na hi‘oraa no te ohipa ei aai e
te haamauhia nei te reira ei hi‘oraa no tatou paatoa no te pee atu »
(Robert L. Simpson, i roto Conference Report, Atopa 1975, 17; e aore râ
Ensign, Novema 1975, 13).
Te tahi o teie mau taahiraa no te raveraa i te mau faaotiraa, ua faahoho-
‘ahia ïa e te hoê iteraa i faahitihia i roto i ta tatou aamu omuaraa no te
Ekalesia. Te iriti râ o Iosepha Semita i te Buka a Moromona, e te ohipa
râ o Olive Kaudere ei papa‘i parau. I muri a‘e i te hoê taime, ua hinaaro
o Olive ia rave ona iho i te tahi o te iritiraa parau. Ua heheu maira te
Fatu ia Olive i To’na hinaaro no ni‘a iho i teie ohipa. Ua papa‘ihia te
reira i roto i te Parau Haapiiraa e te Mau Parau Fafau 9, o te faaite nei
e mea nahea to Olive tamataraa i te iriti area râ, aita i manuïa.
■ A tai‘o i te Parau Haapiiraa e te Mau Parau Fafau 9:4–9, ma te faaite
atu i te mau taahiraa no te rave-faaoti-raa o te faahitihia.
Te Faaohipa-noa-raa i te Raveraa no te Faaotiraa
■ A faarave i te mau melo o te piha haapiiraa na roto i te fifi i muri nei
ma te faaohipa i te mau taahiraa no te raveraa i te faaotiraa i faauruhia
tei aparauhia na mua mai. E ti‘a ia faaohipa ratou i te ti‘araa no te hoê
o te mau taata faatere o te Ekalesia oia te taea‘e Jones.
Te fifi : ua amui mai te taea‘e Jones i te Ekalesia e pae matahiti te
maoro e ua faatoro‘ahia i te autahu‘araa. No ta’na tabula ohiparaa, aita
i nehenehe ia’na ia tae i te mau putuputuraa’toa a te Ekalesia e i te
mau ohipa faaoaoaraa i muri noa iho i to’na bapetizoraa. E toru tamarii
tauturu maitai ta’na e hoê vahine faaipoipo paturu rahi. E taata tamuta
aravihi oia o te te‘ote‘o taa ê nei i roto i ta’na ohipa.
Taahiraa 1 : A Imi i te Fifi
■ Ia imi te mau melo o te piha haapiiraa i te fifi.
I roto i te ohiparaa e te mau melo paruparu, e ti‘a i te hoê taata faatere
no te autahu‘araa ia rave i te hoê tabula parau omo‘e no ratou o te ore
e tae atoa mai nei i te ohipa faaoaoaraa a te Ekalesia. Mai te mea ua
rahi te mau io‘a i ni‘a i te tabula, e ti‘a ia ma’iti oia ia ratou o ta’na e
haro‘aro‘a nei e pahono maitai roa‘e i te ohipa faahoa’raa, ma te horo‘a
papû i ta’na mau tautooraa i ni‘a ia ratou. Ia itoito mai ratou, e nehenehe
ratou e tauturu ia’na ia faaitoito i te tahi atu mau melo paruparu.
Taahiraa 2 : A Pure no te Arata’iraa e te Varua no te Ite-papû-raa
■ I teie nei ua imi mai tatou i te fifi, i hea ïa tatou e nehenehe ai e haere
no te tautururaa i roto i te faaotiraa nahea ia faaafaro i te reira ?
215

Haapiiraa 21
■ No te aha e ti‘a ia tatou ia faaohipa i te ite-papû-raa ia haafatata
ana‘e i te taea‘e Jones ?
Te mau fifi mai te ohipa-ore-raa i roto i te Ekalesia, e faaite mai te reira
i te mau tamataraa taa ê. Hou e nehenehe ai tatou e rave i te mau huru
faaotiraa’toa no ni‘a iho i te taata hoê paruparu, e ti‘a ia farii tatou i te
Varua no te tauturu ia tatou ia ite maitai i te mau hinaaro mau o te
taata e ia ite papû ho‘i i te parau mau mai roto atu i te hape (a hi‘o
Iakobo 4:13)
Taahiraa 3 : A Haapii i te Fifi
■ Eaha te haamaramaramaraa o te tauturu ia tatou ia faaoti nahea ia
tauturu i te taea‘e Jones ?
A haapii ai tatou i te fifi, e ti‘a ïa ia feruri maite tatou i te ohipa i muri
nei :
1. O vai ma to’na na taea‘e hahaere utuafare ? Nahea tatou e nehenehe
ai ia faaô mai ia raua ma te hau atu te maitai no te tauturu i te taea‘e
Jones ia ho‘i mai i roto i te ohipa faaoaoaraa ? E ti‘a anei ia faaue
tatou i te mau taea‘e taa ê e mau nei i te autahu‘araa no te tauturu i
to’na utuafare ?
2. Nahea tatou ia paraparau atu i te taea‘e Jones e te hinaaro nei tatou
ia’na ?
3. Nahea e nehenehe ia’na ia haapii mai e, e hinaaro oia i te evanelia ?
4. Eaha to’na mau anaanatae e ta’na mau taleni ? Nahea tatou e nehenehe
ai ia faaohipa i te reira ia ite oia e te hinaarohia ra oia e, e mea
faufaa oia ?
5. O vai ma to’na mau hoa ? Nahea ratou e nehenehe ai e tauturu
ia’na ?
6. Eaha te mau ohipa faaoaoaraa ta tatou e nehenehe e faaô mai ia’na o
te ore e faahaamâ ia’na ?
7. Nahea tatou e nehenehe ai e pûpû i te tauturu ia’na ?
■ Eaha atu te tahi haamaramaramaraa ta tatou e nehenehe e feruri ?
■ A aparau i te opuaraa ta tatou e nehenehe e pee no te faaho‘i mai i te
taea‘e Jones i te ohipa faaoaoaraa a te Ekalesia.
Taahiraa 4 : A Rave i te Hoê Faaotiraa
A haapii ai tatou i te fifi, e ti‘a roa ia faaoti tatou nahea ia faaafaro i
te reira. I roto i te faaotiraa nahea ia tauturu i te taea‘e Jones, e ti‘a ia
faatupu tatou i te hoê opuaraa no te faaite i to tatou here e te hinaaro
no’na.
216

Taahiraa 5 : A Pure no te Haapapûraa
Haapiiraa 21
■ Eaha te taahiraa i mua nei i muri a‘e i to tatou faaotiraa eaha te rave ?
Ia oti ana‘e ta tatou raveraa i te hoê faaotiraa, e ti‘a ïa ia ani i te Fatu, o
te reira anei tei ti‘a. Na te Varua e faaite ia tatou e ua faaoti anei tatou
ma te afaro mau e aore râ aita.
Taahiraa 6 : A Te Ohipa— A Rave i te Reira
■ Eaha te taahiraa hope‘a ?
Te taahiraa hope‘a o te peeraa ïa i te hi‘oraa o te peresideni Spencer W.
Kimball e a ohipa ai i ni‘a i ta tatou opuaraa; e ti‘a roa ïa ia « do it »
[rave i te reira]. A pee ai tatou ma te haapa‘o maitai i ta tatou opuaraa,
na roto i te tavini-itoito-raa e te here (a hi‘o PH&PF 81:5), e haaputapû
te Varua i te aau o te taea‘e Jones, o te nehenehe e haere mai, ia tae te
taime, i roto i te ohipa faaoaoaraa atoa.
Te Faahope‘araa
Ua tono mai te Metua i te Ra‘i ra ia tatou i te fenua nei no te haapii mai
e ia paari mai e no te tauturu Ia’na ia rave i Ta’na ohipa. No te taviniraa
maitai e no te raveraa i te mau faaotiraa i faauruhia no ni‘a ia tatou iho
e ia vetahi ê ra, e ti‘a roa ïa ia haapa‘o tatou i te mau faaueraa, ia imi i
te hoaraa o te Varua Maitai, e ia vai te faaroo ia Iesu Mesia. E ti‘a roa
atoa ia vai te faaroo i roto ia tatou iho a amo ai i ta tatou mau faaotiraa.
E rave te reira i te itoito e te fafauraa. E nehenehe tatou e tia’turi e,
ia haapii tatou na roto i te pure no to tatou mau fifi e to te reira mau
faaafaroraa, a faaroo i te mau pahonoraa, e i muri iho a ohipa i ni‘a i
taua mau fifi ra i roto i te parau ti‘a, e paturu mai te Fatu ia tatou e to
tatou puai no te maitai e faarahihia ïa.
Tamataraa
I teie hebedoma, ia rave ana‘e i te hoê faaotiraa, a pee i te mau taahiraa
i papa‘ihia i roto i teie haapiiraa. A tamau i te faaohipa noa i teie
raveraa e tae noa’tu e riro mai te reira ei tuhaa no to outou oraraa.
Te Tahi Atu Mau Papa‘iraa Mo‘a
■ 1 Arii 3:5–15 (te ani nei o Solomona no te hoê aau i taa maitai)
■ 1 Nephi 3:7 (e tauturu mai te Fatu ia tatou ia rave i te mea Ta’na e ani
ia tatou ia rave)
■ Te Parau Haapiiraa e te Mau Parau Fafau 11:12–14 (a tuu i to outou
ti‘aturiraa i roto i te Varua)
217

Haapiiraa 21
Te Faaineineraa a te Orometua Haapii
Hou a faaite ai i teie haapiiraa :
1. A hi‘o faahou i te haapiiraa 12, « Te Faatereraa Maitai Roa no te
Utuafare », i roto i teie buka.
2. A faaineine i te hoho‘a rahi i mana‘ohia i roto i te haapiiraa, e aore râ
a papa‘i i te haamaramaramaraa i ni‘a i te tabula papa‘iraa.
3. A faaue i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a, e aore râ te mau faahitiraa parau
ta outou e hinaaro nei.
218

TE TI‘AAURAA
E TE HORO‘ARAA
I TE MANA I TE
TAHI ATU TAATA
Haapiiraa 22
Te tumu o teie haapiiraa no te tauturu ïa ia tatou ia maramarama e ia
faaohipa i te parau tumu no te ti‘aauraa e no te horo‘araa i te mana na
te tahi e rave i te ohipa.
Te Omuaraa
Ua riro na o Mose ei taata faatere rahi, area râ i muri a‘e i to’na arata-
’iraa i te mau taata o Iseraela i rapae i Aiphiti, ua ite oia e ohipa rahi ia
faaafaro i te mau fifi atoa o te mau taata e ona ana‘e iho. I te mau
mahana’toa, mai te po‘ipo‘i e tae atu i te ahiahi, ua parahi oia i mua i
to’na mau taata no te pahono atu i ta ratou ra mau uiraa e no te tatara
i to ratou mau fifi. Ua rahi roa râ te ohipa na te hoê ana‘e taata. I muri
a‘e i te fariiraa i te a‘o a Ietero, to’na metua hoovai e, e taata faatere
parau ti‘a ho‘i no te autahu‘araa, ua tufa atura o Mose i te mau taata i
roto i te mau pupu 10, 50, 100 e 1.000. I muri iho, ua faataa oia hoê
taata ti‘amâ no te arata’i i te p∂p∂ tata‘itahi. Mai reira atu, ei peropheta
no Iseraela, ua horo‘a o Mose i to’na taime no te haapiiraa i te mau
taata i te mau faaueraa e no te faaafaro i te mau fifi rahi roa‘e. Te tahi
mau fifi ra na te mau taata faatere o ta’na i pii e haapa‘o. (A hi‘o Exodo
18:13–26).
Ua riro mai o Mose ei taata faatere hau atu te maitai roa na roto i te
faanahonahoraa i te mau taata ta’na i tavini atu. Ua tauturu ta’na
faaohiparaa i te mau parau tumu no te ti‘aauraa e no te horo‘araa i
te mana i te tahi atu taata ia’na ia haamau i te nahonaho i rotopu i te
mau taata o Iseraela e ia faatere ia ratou ma te hau atu te maitai roa.
Te Mau Ti‘aau e te Ti‘aauraa
Te hoê ti‘aau o te hoê taata ïa o tei horo‘ahia ia’na te hopoi‘a a te hoê
atu taata e aore râ no te tahi mea i fatuhia e te tahi atu taata. Ua faataa
mai te peresideni Spencer W. Kimball no te hoê ti‘aauraa i roto i te
Ekalesia : « [E] ti‘aturiraa mo‘a i te pae varua e aore râ i te pae tino e
te vai nei te ti‘aauraa [faataaraa] no te reira » (i roto i te Conference
Report, Atopa 1977, 124 ; e aore râ Ensign, Novema 1977, 78).
219

Haapiiraa 22
E faaohipa te ti‘aauraa i roto i te Ekalesia e toru parau tumu niu (a hi‘o
PH&PF 104:11–17) :
■ A faaite i te hoho‘a rahi no te tabula ohipa i muri nei, e aore râ a hi‘o
i te haamaramaramaraa i ni‘a i te tabula papa‘iraa :
Te Mau Parau Tumu Niu no te Ti‘aauraa i roto i
te Basileia o te Fatu
1. E ti‘aturihia te hoê ti‘aau no te tahi mea tei
fatuhia e te Fatu.
2. E faaohipa te ti‘aau i te ti‘amâraa i roto i te
haapa‘oraa i ta’na ti‘aauraa.
3. E haapa‘o maitai te ti‘aau i ta’na ti‘aauraa.
E Ti‘aturihia te Taata Ti‘aau no te Tahi Mea tei Fatuhia e te Fatu
Ua parau te Fatu, « Na‘u, na te Fatu, i hohora atu i te mau ra‘i, e ua
hamani au i te ao nei, o ta‘u iho ïa ohipa rima, e na‘u iho te mau mea
atoa i roto i te reira » (PH&PF 104:14). Na te Fatu te fenua taatoa nei,
e Na’na te mau mea atoa i ni‘a iho i te reira. Te mau mea’toa ta tatou i
farii, ua horo‘ahia mai ïa ia tatou e te Fatu. Ua ti‘aturi Oia i to tatou
mau tino, ta tatou mau taleni e te mau aravihi, e to tatou mau utuafare
na tatou e haapa‘o. E mau ti‘aau tatou i ni‘a i teie mau mea. Ia pii ana‘e
te mau taata faatere i te hoê taata no te hoê ti‘araa o te Ekalesia e aore
râ ia horo‘a ana‘e i te hoê faaueraa ohipa no te autahu‘araa, te faaue nei
ïa ratou i te hoê ti‘aauraa.
■ A ani i te mau melo o te piha haapiiraa ia feruri maite no te hoê
taime i te mau ti‘aauraa ta ratou i farii mai ô mai i te Fatu ra.
E Faaohipa te Ti‘aau i te Ti‘amâraa i roto i te Haapa‘oraa i Ta’na
Ti‘aauraa
Ei mau tamarii na te Metua i te Ra‘i ra, ua farii tatou i te ti‘amâraa no
te ohipa atu no tatou iho. No reira, ia farii ana‘e tatou i te hoê ti‘aauraa,
ua ti‘amâ ïa tatou no te haapa‘o i te reira i roto i te rave‘a ta tatou e
faaoti. Ua ti‘amâ tatou ia riro ei feia faaroo, itoito e haapa‘o; tera râ,
ua ti‘amâ atoa tatou ia riro ei feia hupehupe e te haapa‘o ore. Ua parau
te Fatu, « Ua... horo‘atu ho‘i i te tamarii a te taata nei ia riro ratou ei
mea tiamâ [mau tia‘i] ia ratou iho » (PH&PF 104:17).
E Haapa‘o te Ti‘aau no Ta’na Ti‘aauraa
E titau te Fatu ia tatou ia riro ei feia haapa‘o i roto i ta tatou mau
ti‘aauraa, tera râ eita Oia e faahepo ia tatou ia rave i te reira. Noa’tu râ,
220

Haapiiraa 22
i te taime no te Haavaraa, e ti‘a roa ïa ia tatou ia faaite atu i te hoê
aairaa Ia’na oia ho‘i nahea to tatou haapa‘oraa i ta tatou mau ti‘aauraa.
E ti‘a roa atoa ia faaite tatou i te hoê aairaa i te mau ti‘a o te Fatu—to
tatou mau taata faatere o te autahu‘araa—i roto i te mau uiuiraa a te
autahu‘araa. « Ua titauhia ïa e te Fatu, i te rima o te mau tiaau atoa ia
tuu mai i te hoe papaa parau no to’na tiaauraa, i teie nei e i te tau mure
ore atoa ho‘i » (PH&PF72:3).
■ A ani i te hoê melo o te piha haapiiraa ia tai‘o i Te Parau Haapiiraa e
te Mau Parau Fafau 51:19, 52:13. 72:4, e 78:22. Eaha ta te Fatu e fafau
nei ia ratou o tei haapa‘o i ta ratou mau ti‘aauraa ?
Te Horo‘araa i te Mana i te Tahi Atu Taata
Te auraa no te parau horo‘a i te mana o te horo‘araa ïa i te tahi atu
taata te hopoi‘a e te mana no te rave faaoti-roa-raa te tahi ohipa e na
outou e rave. Te ohipa i faauehia, e riro mai ïa i reira e ti‘aauraa na te
taata i horo‘ahia’tu te ohipa. E taata faatere maitai roa o Mose no te
mea ua faaohipa oia i te mau parau tumu no te ti‘aauraa e no te horo-
‘araa i te mana i te tahi atu taata. E nehenehe atoa te mau taata faatere
o te Ekalesia e riro ei feia hau atu te maitai roa na roto i te faaohiparaa
i teie mau parau tumu.
E ohipa hanahana te paturaa i te basileia o te Atua i ni‘a i te fenua nei,
tera râ, eita te hoê taata e nehenehe ia rave i te reira ona ana‘e. Ia piiana‘e-hia
tatou no te arata’i, e ti‘a ia faaô mai tatou ia vetahi ê. Te hoê
taata faatere o te rave puai i te ohipa, e haamaitai oia i te mau oraraa
e rave rahi, tera râ hoê taata faatere o te horo‘a ma te maitai roa i te
ohipa i te tahi atu taata e o te faauru ia vetahi ê ia rave puai i te ohipa,
e haamaitai oia i te mau oraraa o te tahi atu mau taata e rave rahi atu â.
E faaô mai te horo‘araa maitai roa i te mana i te tahi atu taata i roto i te
Ekalesia i na parau tumu niu e maha :
■ A faaite i te hoê hoho‘a rahi no te tabula ohipa i muri nei, e aore râ a
hi‘o i te haamaramaramaraa i ni‘a i te tabula papa‘iraa :
Te Mau Parau Tumu Niu no
te Horo‘araa I te Mana i te Tahi Atu Taata
i Roto i te Basileia o te Fatu
1. A ma’iti i te taata ti‘a.
2. A faaue i te ti‘aauraa.
3. A faati‘a i te taata hoê ia faatere ona iho e
tane anei e aore râ e vahine.
4. A faarue te hopoi‘a i te taata hoê no ta’na
ti‘aauraa e tane anei e aore ra e vahine.
221

Haapiiraa 22
A Ma’iti i te Taata Ti‘a
Ia farii ana‘e tatou i te hoê ohipa o te hinaarohia ia rave-faaoti-roa-hia,
e ti‘a ia ma’iti tatou na roto i te pure i te taata e faauehia’tu (a hi‘o i te
haapiiraa 21, « Te Faatereraa : Te Raveraa i te Faaotiraa i Faauruhia »,
i roto i teie buka).
A Faaue i te Ti‘aauraa
I muri a‘e i te ma’itiraa i te taata tano, e ti‘a ïa ia faauehia’tu i te ti‘aauraa.
Te rave‘a tano no te faatae i te hoê piiraa i roto i te Ekalesia o te fariiraa ïa
i te hoê uiuiraa e te taata. E mea tano atoa ihoa te ani-manihini-raa i te
hoa faaipoipo o te taata i te uiuiraa.Te mau faaueraa ohipa mai te mau
opuaraa no te ohipa sotauturu e aore râ te faatereraa o te oro‘a mo‘a e
nehenehe ia ravehia ma te ore e arata’i i te hoê uiuiraa.
■ Eaha te haamaramaramaraa ta te hoê taata faatere e ti‘a ia horo‘a atu i
te hoê taata o tei farii noa mai nei i te hoê piiraa apî e aore râ hoê
faaueraa ohipa ? (Te tumu no te faanahonahoraa e aore râ no te
opuaraa ohipa, no te mau ohipa o te faaueraa, no te mau faahope‘araa
taa maitai, oia ho‘i e titauhia’tu i te taata hoê ia faaoti, e i te hoê taime
no te taata ia faaho‘i mai i ta’na ti‘aauraa, e tane anei e aore râ e vahine)
A Faati‘a i te Taata Hoê ia Faatere Ona Iho e Tane Anei e Aore râ e
Vahine
E ti‘a ia faati‘ahia te taata tata‘i hoê ia faaohipa i to’na iho ti‘amâraa i roto
i te haapa‘oraa i ta’na ti‘aauraa e tane anei e aore râ e vahine. E pûpû te
taata faatere paari i ta’na tauturu i te taata i faauehia’tu te ohipa tera râ
eita roa oia e rave i te mau faaotiraa no’na e tane anei e aore râ e vahine.
E pûpû atoa te taata faatere i te patururaa e te faaitoitoraa.
Ia ani-ana‘e-hia nahea oia ia faatere i te mau melo o te Ekalesia, ua
parau o Iosepha Semita, « E haapii au ia ratou i te mau parau tumu
tano, e na ratou e faatere ia ratou iho » (faahitihia e John Taylor, i roto
Millennial Star, 15 no Novema 1851, 339).
Ua papa‘i te peresideni N. Eldon Tanner : « Eita roa e ti‘a i te hoê taata
faatere ia tamata i te rave i te ohipa a te hoê o ta’na i horo‘a atu te hoê
faaueraa ohipa... A horo‘a ia ratou te ti‘amâraa no te rave i ta ratou
ohipa. Eiaha roa e faaino atu ia ratou, tera râ a faateniteni i te manuïaraa
e a faaitoito i te mau tautooraa... O tatou ei mau taata faatere... e ti‘a ïa ia
horo‘a i te haapa‘oraa rahi roa‘e no te tupuraa o te taata iho no te taata
tata‘i hoê na roto i te haapiiraa i te mau parau tumu tano e a tamata i te
arata’i i taua taata hoê nei ia faaineine ona iho no te tahuti nei e no te
oraraa mure ore. No teie, e ti‘a ia rave tatou na roto i te hi‘oraa maitai e
te faaue e i muri iho ia ineine no te tauturu e no te paturu atu ia’na i roto
i ta’na mau tautooraa, tera râ e ti‘a ia vaiiho ia’na ia rave i ta’na iho mau
222

Haapiiraa 22
faaotiraa e ia faatere ona iho mai te au i te ti‘amâraa o ta’na ïa
horo‘araa » (« Leading As the Savior Led », New Era, Tiunu 1977, 6).
A Faaru‘e te Hopoi‘a i te Taata Hoê no Ta’na Ti‘aauraa e Tane Anei e
Aore râ e Vahine
I tera taime e tera taime, e ti‘a i te taata faatere ia uiui i te taata i
faauehia’tu te ohipa e ia farii i te hoê parau faataaraa no ni‘a iho i te
ti‘aauraa. I roto i teie uiuiraa e ti‘a i te taata faatere ia tauturu i te taata
ia hi‘opo‘a i ta’na faaohiparaa e tane anei e aore râ e vahine e ia pûpû
atu i te tauturu e te faaitoitoraa. E ti‘a atoa ia’na ia faaite i te mauruuru
no te mau tautooraa a te taata hoê. Na te faateniteniraa mau o te aau
no te mau ohiparaa a te mau taata e patu i te faaroo e te iteraa papû.
Ua papa‘i te peresideni Tanner : « E ti‘a ia rave-tamau-noa-hia ihoa te
hoê aairaa e te taata faatere e, e ti‘a ia titau atu oia i taua aairaa ra.
I roto i te faatereraa a te Ekalesia, te mauihaa tumu no te ti‘aauraa o
te uiuiraa ïa i te taata iho... E nehenehe teie ia riro mai ei iteraa ohipa
mauruuru rahi no na tuhaa e piti, i te vahi e vai mai te rave‘a fana‘o
no te horo‘a i te hoê hi‘opo‘araa ia’na iho, e i te vahi e ti‘a ai i te paraparauraa
ia matara e ia faatupu mai. E vahi maitai roa no te pûpûraa e
no te fariiraa i te tauturu e te patururaa » (New Era, Tiunu 1977, 6).
■ A ani i te mau melo o te piha haapiiraa ia feruri i te ohipa no te
haapii i muri nei :
Ua hinaaro te peresideni Olson i te pii hoê orometua haapii no te mau
melo o Autahu‘araa Aarona o ta’na amaa. I muri a‘e i te mau pure e te
feruri-rahi-raa, ua ite oia i te faaururaahia mai ia pii i te taea‘e Johnson,
te hoê melo faafariu-apî-hia i te Ekalesia. I to’na farereiraa i te taea‘e
Johnson i te putuputuraa a te autahu‘araa, ua rave oia i te hoê farereiraa
no te taea‘e e te tuahine Johnson ia farerei ia’na i roto i te fare
pure i te hora 6 e te afa i taua ahiahi ra.
I te taeraa mai o Johnson ma, ua ani atura te peresideni Olson i te
taea‘e Johnson ia tomo mai i roto i ta’na piha toro‘a no te hoê uiuiraa
poto no te ti‘amâraa; i muri iho, ua ani manihini maira i te tuahine
Johnson ia amui mai ia raua. I muri a‘e i te farereiraa no te tahi tau
minuti, ua pûpû a‘era te peresideni Olson i te hoê pure. I muri a‘e i
te pure, ua parau oia : « Ua ani manihini au ia orua i ô nei i teie ahiahi
no te faatae i te hoê piiraa i te taea‘e Johnson. Ua pure au no ni‘a iho
i teie ohipa e ua ite au i te faaururaahia ia pii ia oe, te taea‘e Johnson,
no te haapii i te piha haapiiraa a te Autahu‘araa Aarona i roto i ta tatou
amaa. E ti‘aturi rahi to‘u e riro oe ei orometua haapii maitai roa, no
te mea ua ite au e te hinaaro nei te Fatu ia oe ia tavini i roto i teie
ti‘araa. » I muri iho ua faataa ihora te peresideni Olson ma te faahu‘ahu‘a
i te mau ohipa a te hoê orometua haapii no te piha autahu‘araa.
223

Haapiiraa 22
I muri a‘e i te haapapûraa e, ua ite papû roa te taea‘e Johnson i te mea
e titauhia ra ia’na, ua ani atura te peresideni Olson e farii anei oia i te
piiraa. Ua parau maira te taea‘e Johnson : « Te ite nei au i te ha‘ehaa
rahi i roto i te aniraahia ia farii i teie hopoi‘a, tera râ te vai nei to‘u
faaroo e, e tauturu mai te Fatu ia‘u ia rave i te reira ma te tano maitai.
E farii au i teie piiraa e, e rave au ma te maitai roa‘e. » Ua papa‘i ihora
te peresideni Olson i te mau ohipa ta te taea‘e Johnson e rave atu ia’na
ra e ua parau atu ia’na i te faufaa no te mau taea‘e i roto i ta’na piha
haapiiraa no te Metua i te Ra‘i ra.
Ua ani te peresideni Olson i muri iho i te tuahine Johnson e paturu
anei oia i ta’na tane faaipoipo i roto i teie piiraa. Ua parau maira oia e,
ua haapeu roa oia i ta’na tane e, e tauturu oia ma to’na aau atoa. Ua
faaite atura te peresideni Olson i to’na mauruuru ia Johnson ma e ua
faanaho ia faatoro‘ahia te taea‘e Johnson no ta’na piiraa i te Sabati i
muri mai. Ua faanaho te peresideni Olson i muri iho i te hoê farereiraa
no te amui faahou e te taea‘e Johnson i roto i na hebedoma e piti no te
fariiraa i te hoê parau faataaraa no ni‘a i te piiraa.
E piti hebedoma i muri a‘e, i to te taea‘e Johnson haereraa mai no te
uiuiraa, ua horo‘a oia i te hoê parau faataaraa maitai roa no te haereraa
i mua. Ua parau oia e ua haapii rahi mai oia no ni‘a i te haapiiraa atu e
te tamata ra oia ia riro mai ei orometua haapii maitai. Area râ, ua parau
oia e, te vai rahi nei â no te haapii mai. Ua mauruuru roa te peresideni
Olson. Ua faateniteni oia ia’na e ua parau atu, te rave maitai nei oia i te
ohipa. Ua faaitoito ia’na ia tamau noa i te rave ma to’na maitai roa‘e e
ia tamau noa i te haapii mai e ua paraparau raua no ni‘a i te haapiiraa
na roto i te mana o te Varua Maitai. Ua aparau i te mau rave‘a ta te
taea‘e Johnson e nehenehe e tauturu i te hoê melo paruparu o te piha
haapiiraa. A faanaho ai raua no te hoê atu uiuiraa no te parau
faataaraa, ua faaite te peresideni Olson e te taea‘e Johnson i te mau
haamauruururaa i te tahi e te tahi. Ua vai te tia’turiraa ia raua e, e riro
mai te taea‘e Johnson ei orometua haapii manuïa.
■ Nahea te peresideni Olson i te peeraa i te mau parau tumu no te
horo‘araa i te mana i te tahi atu taata ? Eaha ta’na i rave no te tauturu
i te taea‘e Johnson ia mauïa i roto i to’na piiraa ?
Te Faahope‘araa
E tauturu te ti‘aauraa e te horo‘araa i te mana i te tahi atu taata ia tatou ia
faaoti roa i te ohipa a te Fatu hau atu te maitai roa. Ia farii ana‘e tatou i te
hoê piiraa i roto i te Ekalesia, ua ti‘aturihia ïa tatou no te mau hopoi‘a taa
maitai i roto i te basileia o te Atua. E ti‘aauraa teie mau hopoi‘a ta te Fatu
e ti‘aturi nei o tatou te mau ti‘aau. E ti‘amâraa to tatou no te haapa‘o i ta
tatou mau ti‘aauraa ma te maitai roa e aore râ ma te hupehupe tera râ,
e anihia ihoa tatou ia faaite i te hoê aairaa no te reira.
224

Haapiiraa 22
I roto i te horo‘a-maitai-roa-raa i te mana i te tahi atu taata e ô mai te
mau parau tumu no te ti‘aauraa. E titau te reira ia faaue atu tatou i te
hoê ti‘aauraa, ia haapii atu i te mau parau tumu tano, ia faati‘a i te
taata ia faatere ona iho e tane anei e aore râ e vahine, e i horo‘a ei
hopoi‘a na’na e tane anei e aore râ e vahine.
A vai ai to tatou faaroo i roto i ta tatou mau ti‘aauraa e a horo‘a atu ai
ma te maitai roa i te mana, e haere te ohipa a te Fatu i mua. Mai te reira
ta Alama tautururaa i te Ekalesia ia ruperupe i roto i to’na tau.
■ A tai‘o Mosia 25:19–24.
Te Tamataraa
A imi i te mau ti‘aauraa ta te Fatu i horo‘a ia outou. A ma’iti i te hoê
ti‘aauraa ta outou e nehenehe e haamaitai atu, e a haamau i te hoê fâ o
te tauturu ia outou ia rave i te reira. I te taime i mua nei, e hinaarohia
ia rave outou i te hoê faaueraa ohipa i roto i to outou utuafare e aore râ
i roto i te piiraa a te Ekalesia, a pee i te mau parau tumu no te
ti‘aauraa. A horo‘a atu i te mana e a pee na roto i te faaueraa ohipa.
Te Tahi Atu Mau Papa‘iraa Mo‘a
■ Salamo 24:1 (te mau mea’toa e fatuhia e te Fatu)
■ Matai‘o 25:14–30 (te mau ti‘aau i ti‘aturihia e, e tape‘ahia ei mau
ti‘aau no te mau taleni)
■ Luka 16:10–13 (te haapa‘o i roto i te mau ti‘aauraa o te fenua nei)
■ Luka 19:11–27 (te mau ti‘aau ia riro ei mau faatere maitai)
■ Te Parau Haapiiraa e te Mau Parau Fafau 59:16–21 (hamanihia te
mau mea’toa no te faaohiparaa paari a te taata)
■ Te Parau Haapiiraa e te Mau Parau Fafau 70:4 (te ti‘aauraa i te
Mahana o te Haavaraa)
Te Faaineineraa a te Orometua Haapii
Hou a faaite ai i teie haapiiraa :
1. A faaineine i te mau hoho‘a rahi i mana‘ohia i roto i te haapiiraa, e
aore râ a papa‘i te haamaramaramaraa i ni‘a i te tabula papa‘iraa.
2. A faaue i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a, e aore râ te mau faahitiraa parau
ta outou e hinaaro nei.
225

TE ARATA’IRAA I
TE MAU PUTUPUTURAA
E TE MAU UIUIRAA
226
Haapiiraa 23
Te tumu o teie haapiiraa no te tauturu ïa ia tatou ia arata’i i te mau
putuputuraa e te mau uiuiraa maitai roa.
Te Omuaraa
Te faaite nei o Nephi ia tatou e i muri a‘e i to te Mesia haereraa i
Amerika, « [Ua] pee atura râ ratou [te mau Ati Nephi] i te mau faaue ta
ratou i roaa i to ratou Fatu ra i to ratou Atua, e te tamau â ra ratou i te
haapae i te maa, e i te pure, e i te putuputu-pinepine-raa ratou ia pure
e ia faaroo i te parau a te Fatu » (4 Nephi 1:12).
■ Eaha te mau putuputuraa ta tatou e haere nei i roto i te Ekalesia ?
No te aha tatou i farii ai i te mau putuputuraa ?
■ A faaite i te hoê hoho‘a rahi no te tabula ohipa i muri nei, e aore râ a
hi‘o i te haamaramaramaraa i ni‘a i te tabula papa‘iraa :
Te Mau Tumu no te Mau Putuputuraa
1. No te tauturu ia tatou ia haapa‘o i te mau faaueraa a te Atua
2. No te patu i te mau iteraa papû
3. No te haapii atu i te mau parau haapiiraa e te mau parau
tumu o te evanelia
4. No te hopoi mai ia tatou te a‘o a te mau peropheta o teie
anotau
5. No te paturu i to tatou mau taata faatere
6. No te rave i te ohipa misionare
7. No te rave i te oro‘a mo‘a
8. No te horo‘a i te haamaramaramaraa e no te faatuati i te
ohipa a te Ekalesia
9. No te faaafaro i te mau fifi
10. No te faauru e no te haapii atu
11. No te faatere i te mau oro‘a o te evanelia, mai te bapetizoraa

Haapiiraa 23
Te Arata’iraa i te Mau Putuputuraa Maitai Roa
No te maitai-roa-raa, e ti‘a i te mau putuputuraa ia faaoti roa i te hoê
tumu i faataahia. E ti‘a i te mau taata faatere ia arata’i i te mau putuputuraa
ma te nahonaho e te hanahana, ia faaitoito i te faaohiparaa mai
roto mai ia ratou o te tae mai, e ia horo‘a i te hi‘opo‘araa e te peeraa na
roto i te ohipa.
Te Opuaraa [Faanahoraa] Ohipa
E maitai roa te hoê putuputuraa ia tupu ana‘e e ia faaotihia te tumu no
te reira. E titau te reira i te opuaraa ohipa na mua roa.
Hoê tautururaa faufaa i roto i te opuaraa ohipa o te hoê talena ïa. Hoê
talena o te hoê ïa tabula no te mau mea e ravehia i roto i te putuputuraa
e no ratou o te ti‘a ia ohipa atu. E faati‘a te mau talena i te mau putuputuraa
ia faaitehia ma te maramarama e ma te maitai roa. No te hamaniraa
i te hoê talena, e ti‘a roa ia feruri maitai eaha ta tatou e hinaaro nei
ia faaoti roa e i muri iho ia papa‘i i taua mau tumu parau ra i raro na
roto i te panahoraa no te faufaaraa ia nehenehe ia ferurihia na mua te
mau ohipa faufaa roa‘e.
■ Eaha ta tatou e nehenehe e faaô mai i roto i te hoê talena ? (A tabula i te
mau horo‘araa mana‘o i ni‘a i te tabula papa‘iraa. Hoê hi‘oraa no te hoê
talena no te pô pureraa utuafare te vai nei i te hope‘a o teie haapiiraa).
E nehenehe ia faatupu i te hoê putuputuraa poto noa hou te tahi atu
mau putuputuraa mai te pureraa oro‘a e te bapetizoraa. I roto i te reira,
e hi‘o-faahou-hia te talena e ratou o te ohipa nei e, e nehenehe ia
pûpûhia hoê pure no te ani i te arata’iraa o te Varua.
Te parau nei te Fatu ia tatou, « Ua horoa-noa-hia ïa i te mau peresibutero
no ta‘u nei ekalesia mai te matamua mai â, e e na reira-noa-hia ia
faatere i te mau putuputuraa mai te au i tei haapiihia e tei arata‘ihia e
te Varua Mo‘a ra » (PH&PF 46:2). Ia pure ana‘e tatou no te farii i te
Varua Maitai i roto i ta tatou mau putuputuraa e i muri iho a ohipa ai
mai te au i te reira, e parahi mai te Varua Maitai e e tauturu ia tatou ia
faaoti roa i te tumu no te putuputuraa. Ua papa‘i o Moroni no te mau
Ati Nephi, « E ua faaterehia ta ratou mau pureraa e te ekalesia mai te
au i te raveraa a te Varua, e na roto ho‘i i te mana o te Varua Maitai ra;
e ia arata‘ihia ho‘i ratou e te mana o te Varua Maitai ia parau, e ia a‘o,
e ia pure, e ia ani, e ia himene ho‘i, e ua na reirahia ïa » (Moroni 6:9).
E tae mai teie faaururaa rahi na mua i te putuputuraa a faaineine ai
tatou i te hoê talena na roto i te pure.
Te Nahonaho e te Hanahana
Ia arata’i ana‘e tatou i te mau putuputuraa, e ti‘a ia haamau i te hoê
hi‘oraa tano na roto i te mâraa, te faaneheneheraa, e te ahu tano maitai.
E ti‘a ia haapae i te parau titau-ore-hia e ia tape‘a ia vai hanahanaraa.
227

Haapiiraa 23
Te Ohiparaa
Na te mau taata ohipa e hinaaro mau e te ineine e haamaitai hau roa’tu i
te mau putuputuraa. E ti‘a ia ani tatou i te Fatu ia tauturu ia tatou ia farii
i te mau haamaramaramaraa, te haapiiraa, e te mau ohipa no te putuputuraa
a te Ekalesia. E ti‘a ia haere tatou e te hinaaro ia ohipa, ia haapii
mai, e ia farii i te mau faaueraa ohipa te horo‘ahia mai ia tatou. E ti‘a ia
faaineine ia tatou iho ia ohipa i raro a‘e i te mana o te Varua Maitai.
Te Hi‘opo‘araa e te Peeraa na Roto Atu i te Ohipa
I muri a‘e i te hoê putuputuraa, e ti‘a ia hi‘opo‘a tatou i to’na maitai-roaraa.
E nehenehe ta tatou hi‘opo‘araa ia faaô mai te mau uiraa mai teie :
Ua faaoti-roa-hia anei te tumu no te putuputuraa ?
Ua nehenehe anei ia tatou ia rave i te mau faaineineraa maitai a‘e ?
Ua faaoti anei tatou i te mau ohipa atoa i ni‘a i te talena ?
Ua vai mai anei te hoê varua maitai i roto i te putuputuraa ?
Ua maramarama anei te feia ohipa i ta ratou mau faaueraa ohipa e
nahea ia faaoti roa i te reira ?
Na roto i te hi‘o-maitai-raa i ta tatou mau pahonoraa no teie mau uiraa,
e nehenehe tatou e faaoti nahea ia haamaitai te mau putuputuraa i
mua nei.
Te Arata’iraa i te Mau Uiuiraa Maitai Roa
■ A faaite i te mau hoho‘a 23-a, « E faaitoito te mau uiuiraa a te
Autahu‘araa i te mau autaatiraa maitai », e te 23-b. « E faaite hua te
mau uiuiraa maitai roa i te ohipa a te Fatu. »
E titau atoa te mau uiuiraa i te faaineineraa taa ê. E nehenehe te hoê
uiuiraa e faaoti roa i te mau tumu e rave rahi. E nehenehe te reira ia
faaohipahia (1) no te haaputu mai i te haamaramaramaraa, (2) no te
horo‘a i te haamaramaramaraa, (3) no te a‘o e no te faaitoito, (4) no
te pii i te mau taata no te mau ti‘araa, (5) no te farii i te mau parau
faataaraa no te mau ti‘aauraa, (6) no te haapii atu i te mau parau tumu
e te parau haapiiraa, e aore râ (7) no te faaoti i te ti‘amâraa [mâraa] o te
taata. No te mea ho‘i e arata’i pinepine te mau taata faatere i te mau
uiuiraa, e ti‘a ïa ia ite tatou i te tahi o te mau parau tumu niu no te
arata’iraa i te mau uiuiraa a te Ekalesia :
228
A tabula i te mau uiuiraa, e a horo‘a i te taime tei rava’i no te arata’i
i te reira i roto i te hoê peu hanahana e te rû-ore-hia.
A pure no te farii i te Varua e te mana no te ite-papû-raa i roto i te
mau uiuiraa.

Haapiiraa 23
A rave i te reira i te hoê vahi tei hau e te mahanahana e ia faati‘a i te
vai mo‘emo‘eraa.
A horo‘a i te haapa‘oraa taatoa e no roto mai i te aau i te mau taata
hoê. A faaite i te anaanatae rahi no ratou.
A tauturu ia ratou ia ite i te mahanahana e ia ohipa na roto I te marû
e te hau.
A haapapû te maramarama nei ratou no te mau huru uiraa atoa ta
tatou e ani nei.
A tape‘a i te mau uiuiraa i ni‘a i te hoê tumu parau.
A vaiiho i te mau taata hoê ia ite e nehenehe tatou e tauturu.
A tape‘a omo‘e i te haamaramaramaraa o te taata iho, e a haapapû ia
ratou e rave tatou i te reira.
Ta tatou mau tautooraa o te aau no te faaroo atu i te mau melo o ta
tatou e uiui nei e tauturu te reira ia ratou ia tatara i to ratou mau
mana‘o. Te auraa ra, te tamataraa ia maramarama i to ratou mau
mana‘o e i muri iho te tautururaa ïa ia ratou ia tapae i te mau faaotiraa
ta ratou e ite nei e hopoi‘a na ratou. E ti‘a ia fafau ratou iho hou e
nehenehe ai ratou e taui no te maitai a‘e.
Ua faataa mai te peresideni N. Eldon Tanner :
« E mea faufaa ia ite maitai ratou o ta tatou e uiui nei e, e mau tamarii
varua na te Atua ratou e, te here nei tatou ia ratou, e ia ite ratou e te here nei
tatou ia ratou e te anaanatae nei i roto i to ratou maitairaa e i roto i te
tautururaa ia ratou ia manuïa i roto i te oraraa...
« A haamana‘o, ua faatumuhia te uiuiraa i ni‘a i te haapa‘o, te au maitai e
te here. E mea faufaa roa te reira. Ia ite te mau taata e te here nei tatou ia
ratou e te tamata noa nei ïa i te tauturu ia ratou » (i roto i te Conference
Report, Atopa 1978, 59–60; e aore râ Ensign, Novema 1978, 41–42).
Te Faahope‘araa
Te tumu o te Ekalesia no te hopoi mai ïa i te mau varua i te Mesia ra,
e e nehenehe te mau putuputuraa e te mau uiuiraa ia tauturu ia tatou i
roto i te reira. Area râ, eita te mau putuputuraa e te mau uiuiraa auraa
maitai e te faufaa e tupu noa mai. E ti‘a roa ia opuahia te reira, ia arata-
’ihia, e ia hi‘opo‘ahia e te mau tumu taa maitai i roto i te feruriraa. Te
parau nei te Fatu :
« Te horoa atu nei au ia outou te hoe faaueraa, ia haaputuputuhia mai
outou e haapii e e paturu ïa outou te tahi i te tahi, ia ite outou i te ravea
no te faatere i ta‘u nei ekalesia, i te ravea no te ohipa i ni‘a i te mau
faataaraa o ta‘u nei ture e te mau faaueraa, ta‘u i horoa’tu ra.
229

230
23-a, E faaitoito te mau uiuiraa a te Autahu‘araa i te mau autaatiraa maitai.

Haapiiraa 23
« E na roto i te reira e haapiihia’i outou i roto i te ture no ta‘u nei
ekalesia, e e haamo‘ahia ho‘i e te mea ta outou i farii ra, e e tapea ho‘i
outou ia outou iho ia rave i te ohipa mo‘a noa i mua ia‘u nei—
« E mai te mea e na reira outou i te rave i teie nei mau mea, e amuihia
mai te hanahana i te basileia ta outou i farii ra » (PH&PF 43:8–10).
Te maitai a‘e ta tatou opuaraa e te arata’iraa i te mau putuputuraa e te
mau uiuiraa, e hau roa’tu vetahi ê i te faauruhia no te ora i te mau ture
e te mau faaueraa a te Atua.
Te Tamataraa
Te mau metua tane : A faanaho e a opua i te hoê talena no ta outou pô
pureraa utuafare i mua nei ia nehenehe outou ia haapii i to outou utuafare
i te evanelia ma te hau atu te maitai roa.
Te mau taata faatere o te Autahu‘araa : A pee i te mau horo‘araa mana‘o i
roto i teie haapiiraa ia horo‘a ana‘e i te hopoi‘a no te arata’iraa i te mau
putuputuraa e te mau uiuiraa.
I te mau taea‘e atoa e mau nei i te autahu‘araa : A opua na roto i te pure i
ta outou hebedoma. A papa‘i i te hoê talena o te tauturu ia outou ia
rave i te mea ta te Fatu e hinaaro nei ia outou ia rave.
Te Tahi Atu Mau Papa‘iraa Mo‘a
■ Moroni 6:5–6 (Ua farerei amui pinepine te mau Ati Nephi)
■ Te Parau Haapiiraa e te Mau Parau Fafau 20:45 (a arata’i i te mau
putuputuraa mai te au tei arata’ihia e te Varua Maitai)
■ Te Parau Haapiiraa e te Mau Parau Fafau 59:9 (a haere i te fare no
te pure)
Faarava’iraa : Hoho‘a o te Talena no te Pô Pureraa Utuafare
1. Taata arata‘i himene : (i‘oa o te melo o te utuafare te riro nei ei taata
arata’i himene)
2. Himene matamua : (i‘oa o te himene e aore râ te himene Paraimere)
3. Pure matamua: (i‘oa o te melo o te utuafare no te horo‘a i te pure)
4. Ohipa a te utuafare : (arata’ihia e te upoo o te utuafare fetii)
5. Numera pehe : (i‘oa o te melo o te utuafare no te horo‘a i te
numera pehe)
6. Haapiiraa mai roto mai i te buka Te Mau Parau Tumu no te Evanelia :
(i‘oa o te melo o te utuafare no te faaite i te haapiiraa)
7. Aparauraa e te opuaraa no te hebedoma e haere mai nei
8. Himene hope‘a : (i‘oa o te himene e aore râ o te himene Paraimere)
231

232
23-b, E faaite hua te mau uiuiraa maitai roa i te ohipa a te Fatu.

Haapiiraa 23
9. Pure hope‘a : (i‘oa o te melo o te utuafare no te horo‘a i te pure)
10. Ohipa faaoaoaraa : (i‘oa o te melo o te utuafare i faauehia)
11. Amuamuraa : (i‘oa o te melo o te utuafare i faauehia)
Faaineineraa a te Orometua Haapii
Hou a faaite ai i teie haapiiraa :
1. A faaineine i te hoho‘a rahi i horo‘ahia te mana‘o i roto i te
haapiiraa, e aore râ a papa‘i i te haamaramaramaraa i ni‘a i te
tabula papa‘iraa.
2. A faaue i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a, e aore râ te mau faahitiraa
parau ta outou e hinaaro nei.
233

234
TE TAPE‘ARAA
I TE EA MAITAI
I TE PAE TINO
Haapiraa 24
Te tumu o teie haapiiraa no te haapii ïa ia tatou nahea ia tape‘a i te ea
maitai e ia paruru i te ma’i.
Te Omuaraa
Te titau nei te Fatu ia tatou ia maramarama nahea ia tape‘a i to tatou
mau tino ia maitai roa i te pae ea i ta tatou e nehenehe, e nehenehe ïa
tatou e rave faaoti roa i ta tatou mau fâ e e tauturu ho‘i ia patu i To’na
basileia.
Te Mau Tumu no te Ma’i
■ Eaha te faatupu nei i te ma’i ?
E rave rahi matahiti i mairi a‘enei, aita te mau taata i ite eaha te
faatupu ra i te ma’i. Ua ti‘aturi vetahi e tae mai te ma’i no te mea aita
ratou i rave i te mau faatusiaraa tano. Ua mana‘o te tahi pae, ua tupu
mai te reira na roto i te mau pifaoraa [faahaparaa] a te mau enemi.
Area râ, ua haapii mai te mau aivanaa e te mau taote eaha te faatupu
nei i te mau fifi pae ea rahi a‘e, e i roto i te tenetere ihoa ra i mahemo
a‘enei, e rave rahi mau ohipa ite-apî-hia tei ravehia no te tauturu ia
tatou ia tape‘a te ea maitai.
I teie mahana te ite nei tatou e, ua tupu mai te pae rahi o te mau ma’i na
roto mai i te mau manumanu ma’i riirii [germes ou microbes]. E mau
tuhaa ora [organismes] na’ina’i roa o te ora nei ati a‘e tatou. No to ratou
na’ina’i roa eita te mata e ite atu i te reira. Te tahi mau manumanu ma’i
riirii ua puehu ê na te aore, vetahi ê ua pee ïa mai te hoê taata i te tahi;
e te vai faahou ra te tahi te pee na roto mai i te mau animala e te mau
manumanu i te taata. Te mau tutae o te tino taata e o te animala, to
ratou ihoa ra mai roto atu i te mau taata e mau animala ma’ihia, te vai
nei ïa e rave rahi mau manumanu ma’i riirii haamauiui o te nehenehe e
faatupu i te mau ma’i fifi ino roa.

Haapiiraa 24
Te Parururaa no te Parareraa o te Mau Manumanu Ma’i Riirii
Mai te mea e hinaaro tatou ia faaore roa i te mau ma’i, e titauhia ïa
tatou ia faaore roa I te mau manumanu ma’i riirii o te faatupu nei i te
reira. Teie te mau rave‘a i muri nei o te nehenehe e faaiti mai e aore râ
e faaore roa i te mau manumanu riirii faatupu ma’i :
A tamâ i to outou fare ma te tuutuu ore, te mau vahi ihoa ra tei reira
te mau manumanu ma’i riirii e nehenehe ai e ora. A paruru te mau
manumanu e te mau animala ia ô mai i roto i to outou mau fare.
A paruru te maa i te mau manumanu e te mau animala na roto i te
tape‘araa i te reira ma te tapo‘i maitai roa. Te vahi e nehenehe, a
faato‘eto‘e te mau maa e pe ‘oi‘oi.
A horo‘i te mau maa ma te haapa‘o maitai ia tatarahia te mau manumanu
ma’i riirii ia rahi i te nehenehe.
A tamâ maitai te mau tutae o te taata e aore râ o te animala, inaha e
umehia te mau manumanu e te mau tu‘a e te reira.
A horoi to outou mau rima hou a tamaa ai, i muri a‘e i te faaohiparaa
i te vahi haumitiraa, i muri a‘e i te tauiraa i te mau pahii repo,
e te tahi atu.
A horohoroi to tatou mau niho i muri a‘e i te tamaaraa tata‘itahi.
A tapo‘i tamau noa to outou vaha ia ma’itihe ana‘e e aore râ ia
hota ana‘e.
A oomo te mau tiaa, te mau tiaa fare [savates] e aore râ te tahi atu
mau puohu avae.
A tamaa tano e a faafaaea. E nehenehe te amuraa i te mau maa tano
e te noaaraa te rava’iraa o te faafaaearaa e tauturu ia tatou ia ape e
aore râ ia upooti‘a i ni‘a i te ma’i. E iti mai to te mau manumanu
ma’i riirii neheneheraa e haape i te hoê tino ea maitai.
A tape‘a ai tatou i te ea maitai, e paruru ïa e aore râ e faaore roa ïa
tatou i te mau ma’i e rave rahi. E riro atoa tatou ei mau hi‘oraa no ta
tatou mau tamarii, na roto i te tautururaa ia ratou ia faatupu i te mau
peu matauhia no te ea maitai.
■ A aparau no te mau faaohiparaa o te haapa‘oraa i te ea maitai no te
mau aiu, te mau tamarii paari rii a‘e, e te mau vahine hapu.
Te Parururaa i To Tatou Ea
Ua haapii mai te feia toro‘a no te ea ia tatou e, taa ê atu i te faatupuraa
e te faaohiparaa i te mau peu matauhia o te ea maitai, e ti‘a râ ia
paruru maitai tatou ia tatou iho i te tahi mau huru ma’i na roto i te
235

Haapiiraa 24
mau raau paruru mai. Ia paruru-ana‘e-hia tatou i te raau, e farii tatou
tei matauhia i te hoê patia no te raau paruru ma’i. No te tahi mau ma’i,
e titauhia ia tatou hoê noa patia; no te tahi pae e titauhia paha ia tatou
e rave rahi mau patia no te hoê â huru raau i roto râ i te mau area e
taime taa ê.
I te pae rahi o te ao nei, e nehenehe tatou e farii i te mau raau paruru
ma’i no taua mau ma’i nei no ô mai i te mau fare ma’i rii e aore râ te
mau taote. E nehenehe tatou e paruruhia no taua mau ma’i ra mai te
ma’i puupuu (rougeole), te mau mauiui oru raro a‘e te taria [oreillons],
te ma’i puupuu hu‘a [rubéole], ma’i pee no arapo‘a haape (diphterie],
te hota huti (coqueluche), fiva aau (fièvre tiphoïde), ma’i puupuu
(variole), ma’i haaparuparu (polio), tahe te hupe (grippe), ma’i iriti
(tétanos), ma’i upa’a A e B (Hépatite A et B), hota puta to‘eto‘e (pneumonie),
e te oniho (varicelle).
Taa ê atu i te mau raau paruru ma’i, ua hamanihia te mau raau i roto i
te huru o te mau raau pape e aore râ mau huero raau, no te tauturu ia
paruru e ia faaora i te mau ma’i. E ti‘a ia faaohipahia te reira ma te
haapa‘o maitai mai te au i te mau arata’iraa a te mau taata toro‘a aravihi
no te pae raau. Eita e ti‘a ia tatou ia rave i te raau tei hope te tai‘o
mahana e aore râ tei horo‘ahia te parau tiiraa raau no te tahi atu taata.
Te tahi atu rave‘a maitai no te paruru i te ma’i o te fariiraa ïa i te hoê
hi‘opo‘araa tamatahiti no te pae tino e te hoê taote e aore râ e tahi atu
taata aravihi taa ê i te pae ea. E nehenehe e itehia te mau tupuraa
matamua o te ma’i i roto i teie mau hi‘opo‘araa tuutuu ore.
■ A aparau i hea e itehia’i te mau fare ea fatata roa‘e mai e eaha te mau
raau paruru ma’I e vai nei i te fenua iho.
Eaha te Rave Ia Tupu Ana‘e te Ma’i
Mai te mea e ma’i fifi ino te tupu nei, te tauturu pae raau maitai roa‘e
tei matauhia te vai ra ïa i te taote ra e aore râ i te tahi atu taata toro‘a
ite i te pae ea. Eita tatou e imi noa i ta ratou tauturu ia ma’i-ana‘e-hia,
tera râ, e ti‘a atoa ia vaiiho ia ratou ia haapiipii mai ia tatou i roto i te
mau faaohiparaa no te ea maitai.
Te pe‘ape‘a râ, te ti‘aturi nei te tahi mau taata e, te faaite nei te reira i te
ereraa o te faaroo i roto i te Fatu ia haere ana‘e i te hoê taote ra. Te titau
nei te Fatu ia tatou ia faaohipa i te faaroo e te mana no te autahu‘araa
ia ma’i-ana‘e-hia, tera râ, te titau atoa nei Oia ia tatou ia faaohipa i te
ite pae raau e vai nei e te mau taviniraa.
Hou a riro mai ai o Spencer W. Kimball ei peresideni no te Ekalesia, ua
farii oia i te mau fifi ino no te ea. Ma te hinaaro ia farii i te ea maitai
roa‘e ia nehenehe, ua farerei atura oia i te hoê taote. Ua parau te taote
236

Haapiiraa 24
ia’na, e ti‘a ia’na ia farii i te hoê tapûraa tapitapi no te hoê fifi i te
mafatu. Ua faaohipa te peresideni Kimball i te faaroo rahi e ua ti‘aturi
i to’na mau taote e ua ravehia te tapûraa.
I te mahana ua faatoro‘ahia te peresideni Kimball, e ua faataahia ei
peresideni no te Ekalesia, ua farii oia i te hoê rata na te Taote Russell
Nelson no ni‘a iho i to’na ea. Ua ite te Taote Nelson e mau uiraa ta te
peresideni Kimball no ni‘a iho i to’na ea, e no reira i roto i ta’na rata ua
faaite oia e, te hi‘opo‘araa haapa‘o-maitai-hia no te pae ea ta te peresideni
Kimball i farii noa a‘e nei, te faaite ra te reira e ua farii faahou â
to’na tino i te ea maitai roa. Te faahiti ra te rata, « Te hinaaro nei to oe
taote tapû ia ite oe e, e mea puai to oe tino, e mea maitai a‘e to oe
mafatu i teie nei i tei vai na no te mau matahiti e rave rahi; e na roto i
te taatoaraa o to matou aravihi taoti‘ahia no te tohu, e nehenehe oe ia
feruri no teie faaueraa ohipa api ma te ore roa’tu e haape‘ape‘araa no
ni‘a iho i to oe ea. »...
Te tamau noa ra â te rata a te Taote Nelson : « I roto i te raveraa o taua
tapûraa fifi ra..., ua ite maite au i to oe piiraa aposetolo, e i to‘u iho
mau paruparu o te tino nei, i roto i te ohiparaa i te hoê o te mau
tapûraa fifi roa‘e e te ohie ore aore â i ravehia a‘enei. Ua riro mai teie
tapûraa ei ite maitai roa i roto i te faahu‘ahu‘araa atoa e ua ite au ma
te mauruuru rahi i te tauturu a te Fatu... Tei hau roa‘e te taa-ê-raa o te
taatoaraa oia ho‘i, a fatata ai te tapûraa i te oti, ua faaitehia mai ia‘u e,
ia tae i te hoê mahana, e riro mai oe ei peresideni no te Ekalesia »
(A hi‘o Edward L. Kimball e Andrew E. Kimball Jr., Spencer W. Kimball
[1977], 8).
E nehenehe atoa tatou e oaoa i te ea maitai roa‘e te nehenehe mai te
mea e ite tatou i te mau tupuraa o te ma’i e ia farii i te utuuturaa tano
ia ma’ihia tatou. Mai te mea e hi‘opo‘a-tano-hia na mua roa, e rave rahi
mau ma’i e nehenehe e rapaauhia ma te manuïa rahi.
■ Eaha te mau tupuraa ma’i o te faaite mai te hoê hinaaro ia hi‘o atu i
te hoê taata aravihi i te pae raau ? (A faahiti no te mau tupura ma’i
tata‘itahi i muri nei, e a aparau no te reira, hoê i te taime : te taheraa
toto aore e faataaraa e te tahi atu mau maniiraa toto matau-ore-hia o
te tino, te mau tutu‘a o te ore e ora, te mau hota tamau noa e aore
râ te hutiraa aho ohipa rahi, te fiva e te ahu puai vai maôro, te mau
puta to‘eto‘e, te fifi o te haatumouraa ia faahaere i rapae i te tino,
te mau potaataa uriuri e aore râ te hoê ma‘ero i ni‘a i te iri tino,
te toparaa te faito kilo aore e faataaraa, te mauiui ino aore e faaea,
te pihae tamau noa e aore râ te ma’i hi, te mau ma’i vahine e matapouri-hia
e aore râ te mau ma’i hopii, te mata e haapouri e aore râ
taui te maramarama, te mau paapaa ino e aore râ paapaa te hoê pae
rahi o te tino, te mauiui e aore râ te oru [te tino], te ite-ore-raa i te
237

Haapiiraa 24
haapa‘oraa, e aore râ te tahi atu mau tauiraa huru ê i ni‘a i te tino
taata e aore râ to’na aravihi ia ohipa mai tei matauhia).
Ia haape‘ape‘a ana‘e teie mau tupuraa ma’i noa’tu o te huru ia tatou e
aore râ ia vetahi ê, e ti‘a ia farerei atu i te hoê taata toro‘a ite no te ea
[te taote ma’i ïa] e aore râ [ia haere] i te fare ma’i i tera iho ra taime.
E nehenehe te tia‘iraa no te noaaraa mai te utuuturaa ma’i tano e
faatupu i te mau haaparuparuraa ino, te roa no te mau tau ma’i, e
tae noa’tu i te pohe.
Te Faahope‘araa
E tauturu te mau tino maitai i te pae ea ia tatou ia pahono i te mau
titauraa no te oraraa. E ti‘a roa i te mau metua ia tape‘a ia ratou iho ia
maitai te pae ea e ia faaohipa i te paari e te haavaraa maitai i roto i te
haapa‘oraa no ta ratou mau tamarii e te haapiiraa ia ratou i te mau
faaohiparaa maitai o te ea.
E rave rahi mau materia tei horo‘ahia ia nehenehe tatou ia tape’ a noa i
te ea maitai. Te titau nei te Fatu ia tatou ia faaohipa i teie mau materia no
te paruru e no te faaora i te mau ma’i o te haape‘ape‘a nei ia tatou e ia
vetahi ê. E titau te reira ia rave tatou i te mau faaohiparaa rapaauraa o
teie anotau e ia faaohipa i te faaroo, te pure e te mana o te autahu‘araa.
Ua haapii mai te peresideni Brigham Young : « No reira, ia imi tatou i
te faatae i te oraraa i teie nei i te vahi maitai roa’tu, na roto i te haapa-
‘oraa i te mau ture atoa no te ea, e na roto i te ohiparaa haafaito tano
maitai, te haapiiraa, te faafaaearaa, e te faahautiraa, e i reira a faaineine
no te hoê oraraa maitai a‘e. Ia haapii atu tatou i teie mau parau tumu i
ta tatou mau tamarii » (Discourses of Brigham Young, ma‘itihia e John A.
Widtsoe [1954], 186).
Te Tamataraa
A paruru i te mau melo atoa o to outou utuafare i te raau paruru ma’i
mai te mea e nehenehe. A faaohipa e a haapii atu i ta outou mau
tamarii i te mau faaohiparaa o te ea maitai. A hi‘o maitai i to outou
mau huru oraraa, e a tamâ i te mau huru vahi atoa tei haapêhia e te
mau manumanu ma’i riirii.
Te Tahi Atu Mau Papa‘iraa Mo‘a
■ Te Parau Haapiiraa e te Mau Parau Fafau 89 (te ture a te Fatu no te
ea–te Parau Paari)
238

Haapiiraa 24
Te Faaineineraa a te Orometua Haapii
Hou a faaite ai i teie haapiiraa :
1. A farerei i te hoê fare ma’i [clinique] i te fenua iho e aore râ i te hoê
rave ohipa no te ea. A imi no ni‘a i te mau ohipa i muri nei :
a. Te mau faaohiparaa no te utuuturaa o te e‘a maitai no te mau aiu,
te mau tamarii paari rii a‘e, e no te mau vahine hapu.
b. Te mau fare raau i to outou vahi.
c. Te mau raau paruru ma’i [immunisations] e vai nei i te vahi iho e
nahea e roaa mai ai te reira.
2. A faaue te mau melo o te piha haapiiraa ia faaite i te mau huru
aamu atoa, te mau papa‘iraa mo‘a, e aore râ te mau faahitiraa
parau ta outou e hinaaro nei.
239

240
TE HAAPA‘ORAA I
TE PARAU PAARI
Haapiiraa 25
Te tumu o teie haapiiraa no te tauturu ïa ia tatou ia taa maitai a‘e e ia
ora i te mau ture a te Fatu no te ea.
Te Omuaraa
« I te taime a anihia ai o Paul C. Kimball, te hoê piahi Feia Mo‘a i te
Mau Mahana Hope’a Nei i te Fare Haapiiraa Teitei no Oxford i
Peretane, ia haapii oia i te hoê p∂p∂ feia hoe vaa apî aore e ite noa‘e,
ua parau oia e, ‘e huru paruparu ra ta’na i ite ia’na. Aita roa vau i rave
a‘enei i te hoê noa’tu haapiipiiraa.’
« Noa’tu râ, ua faarii oia i te ani-manihini-raa ma te hoê titauraa. ‘Mai
te mea e, e haere au e haapii ia outou,’ ta’na i faaite atu i te feia hoe
vaa, ‘E rave au i te haapiipiiraa mai te au i ta‘u mau ture.’ Ta’na mau
ture o te vaiiho-atoa-raa ïa i te avaava, te ava, te ti e te taofe. Ua rave
te mau tamaroa fatata hoê hebedoma no te faaotiraa ia farii i ta’na
titauraa.
« Ma te tû papû to ratou mana‘o, ‘ua haamata ihora o Kimball i te
haapiipii e... ua ohipa i pihaiiho ia ratou i te mau avatea atoa e toru hora
e tae noa’tu i te ava‘e Febuare.’ I taua ava‘e ra, ua tomo atu ratou i roto i
te mau p∂p∂ no te mau tata‘uraa hoeraa vaa i ni‘a i te tahi atu mau fare
haapiiraa tuarua atoa i Oxford. ‘Ua tata‘u atu ta‘u mau tamaroa i ni‘a i te
mau p∂p∂ e mau tane o tei hoe na mai to ratou hu‘araa mai â,’ta
Kimball ïa i parau. ‘Teie p∂p∂ ta‘u e mau tamaroa ïa aita e ite noa‘e. Tera
râ, ua haapii-puai-hia ratou, e aita hoê o ratou, ta‘u i te ite i teie nei, i
faaohipa i te avaava i roto i teie nei taime, e aore râ i farii i te hoê au‘a ti
e aore râ taofe, e aore râ i inu noa’tu i te inu taero noa’tu te huru.’
« Faahou â, i te taeraa mai te mahana no te tata‘uraa, aita hoê a‘e i
mana‘o e nehenehe i te p∂p∂ aore e ite noa‘e ia farii i te fana‘o noa‘e no
te hoê rê. I te taime i paaina ai te pupuhi, ma te haamata e te tata‘uraa
hoê maile e te afa haere i ni‘a i te Anavai Thames, ua mana‘o-noa-hia e,
e faaru’e-’oi‘oi-hia te p∂p∂ apî i muri. Tera râ, i te taime i ra‘ehia ai te
otu’e afa o te tere, ua ite atu o Kimball, o te horo nei na te hiti pape ma

Haapiiraa 25
te tûoro i te mau haamaramaramaraa i ta’na p∂p∂ na roto atu i te afai
parau, te tere noa ra â ta’na mau hopoi‘a hoê â tere e to ratou mau
taata faatitiau‘a.
« Ua pii u‘ana atura o Kimball i ta’na parau hope’a no te a‘o: ‘Haaviti!’
Ua haavitiviti ratou ma te nehenehe maitai e i roto i na minuti rii noa
ua atea’tu e toru ahuru metera i mua i to ratou feia faatitiau‘a fatata
roa‘e. Ua upooti‘a ratou i te tata‘uraa ma te ohie.
« I te mahana tata‘itahi o te ono mahana tata‘uraa hoeraa vaa, ua
mana‘o-noa-hia e, e pau te p∂p∂ a Kimball. Tera râ, i te mahana tata‘itahi,
ma te pee i teie â mau huru raveraa, ua rê noa ïa ratou. ‘Ia ani mai
te taata ia‘u mea nahea to‘u faatereraa i taua manuïaraa ra e te mau
taure’are’a haapii apî, ua pahono atu vau, « Ua faaue au i taua mau
tamaroa ra ia ora ti‘a », ’ ta’na i parau atu. ‘Ia tae mai te taime haavitivitiraa,
ua mâ to ratou mau mahaha; ua mâ to ratou mau melo o te
tino; ua mâ to ratou toto, e ua puai to ratou mau uaua’ »
Te Mau Ture a te Fatu no te Ea
■ Eaha te mau ture a te Fatu no te ea ? (Te Parau Paari, te faaearaa
tano, e te faa‘eta‘etaraa tino)
E fare to tatou mau tino no to tatou mau varua mure ore. E tavini ratou
i te hoê â ohipa i roto i te ao mure ore. No te faufaa roa o to tatou mau
tino e ua pii a‘era te Aposetolo Paulo i te reira « te [mau] hiero o te
Atua » (1 Korinetia 3:17). No te mea e, e ohipa to tatou mau iteraa i
noaa i ni‘a i to tatou mau tino e mau varua, e mea ti‘a roa ïa ia haapa‘o
maitai tatou, ia tape’a mâ e te ora maitai to tatou mau tino.
Te auraa no te mau ture a te Fatu no te ea, no te faaherehere ïa i to
tatou ea i te pae tino, te pae feruriraa, e te pae aehuehu. Ua ite te Fatu
e, ia ora maitai ana‘e tatou i te pae tino, i te pae feruriraa e i te pae
aehuehu, e nehenehe tatou e ohipa i roto i te mau ohipa faaoaoaraa o
te faatupu ia tatou i te pae varua, o te haamaitai ia vetahi ê, e o te patu
i te basileia o te Atua.
E rave rahi o te mau ture a te Fatu no te ea te itehia ra i roto i Te Parau
Haapiiraa e te Mau Parau Fafau 89. Te faaite nei teie tufaa i piihia te
Parau Paari ia tatou eaha te amu e eaha te ore e amu. I rotopu i te mau
mea, ua faaarahia tatou i ni‘a i te mau inu puai, te mau inu ve’ave’a,
e te avaava.
Te Mau Inu Puai
Te mau inu puai ra o te mau inu taero ïa mai te ava, te uaina, e te pia.
Teie e te tahi atu mau inu taero atoa ia ore roa te reira ia inuhia (a hi‘o
PH&PF 89:5, 7).
241

Haapiiraa 25
Te Mau Inu Ve’ave’a
Ua faataahia te mau inu ve’ave’a mai te taofe e te ti. Area râ, ua faaite
mai to tatou feia faatere o te Ekalesia ia tatou ia ore ia faaohipa i te
mau huru inu atoa te vai ra te raau taero e aore râ te tahi atu mau
huru mea o te faaino e aore râ o te haamatau i te peu.
Te Avaava
Aita tatou e rave i te avaava noa’tu o te mau huru (a hi‘o PH&PF 89:8).
E ti‘a ia ape tamau noa tatou i te tahi atu mau huru mea tei roto atoa te
maa e aore râ te inu, o te faatupu i te mau hiaai aore râ te mau poiha e
ere tei matauhia e aore râ o te haape’ape’a i te mau ohiparaa matauhia
o to tatou mau tino. Te manuïa-ore-raa ia rave i te reira e faatupu ïa ia
tatou i te oto rahi o te taata iho.
Mai te mea e, te feaa nei tatou no ni‘a iho i te hoê mea, e ti‘a ïa ia pee
tatou i te a‘o a Elder Joseph Fielding Smith: « Mai te mea te feaa nei no
ni‘a anei i te maa e aore râ te inu, noa’tu e mea maitai e aore râ e mea
faaino, a vaiiho ê atu e ona ana‘e e tae roa i te taime e haapii mai outou
i te parau mau no te reira. Mai te mea, e pûpûhia mai te tahi noa’tu
mea o te haamatau i te peu, e mea paruru-a‘e-hia tatou i roto i te
faaotiraa e te vai nei i roto te tahi mau mea ano‘ihia o te faaino i te tino
e o te ti‘a ïa ia apehia’tu » (« The Word of Wisdom », Improvement Era,
Febuare 1956, 79).
Ua faaite mai te Peresideni Spencer W. Kimball ia tatou ia ape i te tahi
no‘atu mea e aore râ i te tahi no‘atu taata o te faahepo ia tatou ia rave i
te tahi noa’tu mea aore e ea maitai: « To‘u... mau taea‘e e mau tuahine,
i roto i te here atoa, te horo‘a nei matou i te faaararaa oia hoi te tutava
nei o Satane e ta’na mau ve’a ia faahema ia outou ia faaohipa i te mau
mea faaino, no te mea ua ite ratou e ia rave outou ra, e tape’ahia ïa to
outou mau mana o te pae varua e e riro atu outou i roto i to ratou
mana diabolo. A faaea atea ê i taua mau vahi ra e aore râ i taua mau
taata ra o te faatupu ia ofati outou i te mau faaueraa a te Atua. » Ua
parau te Peresideni Kimball e, mai te mea e haapa‘o tatou i te mau
faaueraa a te Atua, « e faarii tatou i te paari no te ite e e ite papû roa
[haro‘aro‘a[ tatou eaha te mea ino » (i roto Conference Report »,
Eperera 1983, 72; e aore râ Ensign, Me 1983, 54–55).
No te faaitoitoraa i to tatou ea e te oaoa, ua hamani te Fatu i te mau
mea’toa o te fenua nei no tatou ia faaohipa e ia maitai na roto mai i te
reira. Te vai nei te reira no te « haamauruuru i te mata e no te faatupu
i te oaoa i roto i te aau; Oia ïa no te maa e no te aahu, no te tamata e
no te hau‘a hoi, ia haapuai i te tino e ia faaitoito i te varua » (PH&PF
59:18–19). Te horo‘a nei te Parau Paari i te mana‘o no te tahi mau maa o
te ti‘a ia riro ei tufaa no ta tatou amu-faatanao-raa. Tei roto i teie mau
242

Haapiiraa 25
maa te mau raau rii maitai atoa e te mau maa hotu (a hi‘o PH&PF
89:10–11; 49:19). E nehenehe atoa tatou e amu i te ina’i o te mau
animala e o te mau manu o te reva e ia faaohipa i te iri o te mau
animala ei ahu (a hi‘o PH&PF 89:12–13; 49:18–19); area râ, eita tatou e
taparahi i te mau animala no te ohipa tuaro noa e aore râ no te faaoaoa
e no te haamau‘a i te ina’i (a hi‘o PH&PF 49:21). Te faahiti atoa nei te
Parau Paari e, te mau huero atoa e mea maitai ïa no te taata e no te
mau animala. E mea maitai taa ê ihoa te titona no tatou.
■ A tai‘o Te Parau Haapiiraa e te Mau Parau Fafau 59:20. Mea nahea ta
te Fatu parau ia faaohipa tatou i te mau tao‘a o Ta’na i horo‘a ia tatou ?
Noa’tu â e ti‘a ia rave tatou i te mau tautooraa atoa no te imi eaha te
mau maa maitai no tatou, e ti‘a ia haapa‘o maitai tatou ia ape i te rahiroa-raa
i roto i te faaohiparaa e aore râ te tape’araa i roto te faaohiparaa
o te tahi mau maa. Aita taua ohiparaa ra i faatanohia e te Parau Paari
(a hi‘o PH&PF 49:18).
Te tahi atu mau papa‘iraa mo‘a tei taa ê i Te Parau Haapiiraa 89 te
aparau nei ïa i te mau ture a te Fatu no te ea. Te tai‘o ra hoê o te reira,
« A faaea roa i te faaea noa ma te ohipa ore; a faaore roa i te viivii; a
haapae roa i te faahapa te tahi i te tahi; a haapae i te taoto maôro a‘e i
tei au i te tino; a haere vave atu i ni‘a i to ro‘i, ia ore outou ia rohirohi;
a tia vave mai i ni‘a i te poipoi ra, ia faaitoitohia to outou mau tino e to
outou mau feruriraa hoi » (PH&PF 88:124). Ua parau-atoa-hia tatou ia
haa, tera râ eiaha ia haa hau atu i ta tatou i farii i te puai (a hi‘o Mosia
4:27; PH&PF 10:4).
■ Nahea ta te Fatu faaararaa « a faaea roa i te faaea noa ma te ohipa
ore » i te ohipa i ni‘a i te ea maitai ? (E haapuai te ohiparaa i te tino).
■ Nahea ta te Fatu faaueraa « ia haapae roa i te faahapa te tahi i te
tahi » e tuati i to tatou ea maitai ? (E hamani te imiraa i te hapa i te
ati i te pae aehuehu, e e titauhia te ea i te pae aehuehu no to tatou
oaoa e te maitai o te pae varua).
Te Mau Ture Ma te Mau Fafauraa
■ A tai‘o Te Parau Haapiiraa e te Mau Parau Fafau 89:18–21. Eaha ta te
Fatu e fafau nei ia ratou o te ora nei i Ta’na mau ture no te ea e o te
haapa‘o nei i Ta’na mau faaueraa ? (« Maitai i roto i to ratou pito e e
puohia to ratou mau ivi » ; te paari, te ite; te « tao‘a rahi i hunahia » ;
te parururaa i te « mau melahi o te pohe »).
Te tahi o te mau haamauruururaa rahi roa‘e ta tatou e farii no te haapa-
‘oraa i te mau ture a te Fatu no te ea oia hoi « te paari e te mau tao‘a
rahi no te ite, oia te mau tao‘a rahi i hunahia ra » (PH&PF 89:19).
243

Haapiiraa 25
■ Eaha te paari ? (Te ite-papû-raa [haro‘aro‘araa] i roto i te faaohiparaa
o te ite).
■ Eaha te « mau tao‘a rahi i hunahia » ? (Te mau mea mo‘a roa‘e e te
hohonu a te Atua)
Teie « mau tao‘a rahi i hunahia ra » ua heheuhia mai ïa ia tatou e te
Varua Maitai: « No te mea e imi te Varua i te mau mea atoa nei, e te
mau mea hohonu atoa a te Atua ra... o te mau mea atoa ïa ta tatou e
parau nei, e ere ra ma te parau haapiihia mai e te paari e te taata nei,
o ta te Varua ra i haapii mai » (1 Korinetia 2:10, 13; a hi‘o atoa PH&PF
88:11–12).
Te mau mea mo‘a e te hohonu ta tatou e haapii mai nei e vai tamau
noa ïa ia tatou nei mai te mea e haapa‘o tatou i te mau faaueraa a te
Atua. Ua fafau mai te Fatu: « Te mau parau tumu no te ite o te noaa
mai ia tatou i roto i teie oraraa nei, e tia ïa te reira e o tatou atoa i roto i
te tia-faahou-raa. E mai te mea e hau a‘e to te hoe taata noaaraa i te ite
e i te maramarama i roto i teie oraraa nei na roto i to’na itoito e to’na
haapa‘o i te tahi ra e maitai a‘e oia i roto i te ao e tae mai ra » (PH&PF
130:18–19).
A farii ai tatou i te paari, te ite, e te maramarama na roto i te Varua
Maitai, e nehenehe tatou e riro mai te huru ra o to tatou Metua i te
Ra’i ra. E riro mai tatou ei mau tamaiti, mau metua tane, mau tane
faaipoipo, mau taea‘e i mau i te autahu‘araa, e ei mau p¥p¥ maitai a‘e
na te Mesia mai te mea e faaohipa tatou i te mea ta tatou i farii no te
haamaitai i to tatou iho mau oraraa e te mau oraraa o vetahi ê ra.
Ua parau te Peresideni Spencer W. Kimball, « No te haapa‘oraa i te
Parau Paari te haamauruururaa ra o te ora ïa, eiaha te ora tahuti
ana‘era i faaroahia tera râ o te ora mure ore atoa ïa. (The Miracle of
Forgiveness [1969], 211).
Ua farii te peropheta o te Faufaa Tahito o Daniela i te hoê taaraa
maramarama e te mâ no te mau ture a te Fatu no te ea. Te faahoho‘a
nei ta’na aamu i te mau haamaitairaa ta tatou e farii nei ia ora ana‘e
tatou i teie mau ture.
■ A faaite i te hoho‘a 25-a, « Ua haamaitaihia o Daniela no te haapa-
‘oraa i te mau ture a te Fatu no te ea. »
I muri a‘e i to Ierusalema haruraahia, ua hinaaro te Arii Nebukanesa
o Babulonia i te tahi mau taata apî mai roto mai i te feia faatîtîhia ia
haapiihia ratou i to’na reo ia nehenehe ratou ia riro mai ei mau tavini i
roto i to’na aora’i. Tera râ, te auraa ra, e amu ïa ratou e e inu ho‘i i te
mau mea tei haapiihia ia ratou ia ore e amu e aore râ e inu.
244

25-a, Ua haamaitaihia o Daniela no te haapa‘oraa
i te mau ture a te Fatu no te ea.
245

Haapiiraa 25
O Daniela te hoê o teie mau taure’are’a tei ma’itihia. Tera râ, eita mai te
tahi pae ra, ua pato‘i râ o Daniela ia inu i te uaina e ia amu i te mau
maa tano ore tei horo‘ahia. Ua ani râ oia ia faati‘ahia oia ia haapa‘o i te
mau ture no te ea a te Fatu e ia amu i te mau maa ta’na i ite e mea ora
no te tino. Ua faati‘ahia te reira, ei tamataraa. I muri a‘e i te hoê tau, o
ratou tei inu i te uaina e tei amu i te mau maa tano ore ua faaauhia’tu
ïa ia Daniela. No to’na haapa‘o, ua maitai a‘e te tino o Daniela i to te
tahi pae ra e ua horo‘ahia ia’na te paari, te ite, te aravihi i roto i te
haapiiraa mai e te mau orama. (A hi‘o Daniela 1:3–6, 8, 12–19).
Mai te mea e haapa‘o tatou i te mau ture a te Fatu no te ea e i te tahi
atu o Ta’na mau faaueraa, o tatou mai ia Daniela ra, e haamaitaihia ïa
e teie â mau horo‘a, e riro i roto paha i te ora tahuti nei tera râ, e mea
papû roa ihoa i roto i te ao mure ore. Ua parau te Fatu ia tatou e « ia
noaa mai ia tatou te hoe haamaitairaa no ô mai na i te Atua ra, ua na
roto ïa i te haapa‘oraa i taua ture i faatumuhia ai no te reira » (PH&PF
130:21). Ua parau atoa Oia, « Ua ruuruuhia vau o te Fatu ia rave outou
i te mea i ta‘u i parau ra; ia aore râ outou ia rave i ta‘u i parau ra, e ore
ïa ta outou fafauraa i reira » (PH&PF 82:10).
■ Eaha atu te tahi mau haamaitairaa o ta tatou e farii na roto i te
haapa‘oraa i te mau ture a te Fatu no te ea ?
Te Faahope’araa
Ua horo‘ahia te mau ture a te Fatu no te ea no te haamaitai ia tatou i
te pae tino, i te pae feruriraa, i te pae aehuehu e i te pae varua. Na roto i
te oraraa i teie mau ture, ua fafauhia ia tatou e rave rahi mau haamaitairaa.
E tauturu teie mau haamaitairaa ia tatou ia haapuai ia tatou iho e i
to tatou mau utuafare, ia tavini ia vetahi ê e ia patu i te basileia o te Fatu.
Te Tamataraa
A titau outou iho ia haapa‘o i te mau ture a te Fatu no te ea i te mau
taime atoa.
Te Faaineineraa a te Orometua Haapii
Hou a faaite ai i teie haapiiraa:
1. A hi‘o faahou i Te Mau Parau Tumu no te Evanelia pene 29, « Te Ture a
te Fatu no te Ea. »
2. A faaue i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a, e aore râ te mau faahitiraa parau
ta outou e hinaaro nei.
246

TE IMIRAA I TE ITE
Haapiiraa 26
Te tumu o teie haapiiraa no te faaitoito ïa ia tatou ia imi i te ite.
Te Omuaraa
Ua faaue mai te Faaora ia tatou ia riro ei feia maitai roa mai Ia’na e mai
to tatou Metua i te Ra’i ra. No te riroraa mai ia raua te huru, e ti‘a roa
ia haapii mai tatou e ia tupu i roto i te ite no te parau mau.
Te Faaueraa ia Imi i te Ite
I roto i Te Parau Haapiiraa e te Mau Parau Fafau te faaue nei te Fatu ia
tatou ia imi i te ite.
■ A tai‘o i Te Parau Haapiiraa e te Mau Parau Fafau 88:78. Mai te au
i teie irava, eaha ta te Fatu e hinaaro nei ia haapii mai ia tatou ? (Te
mau mea’toa tei faufaa no tatou ia maramarama no ni‘a i te basileia
o te Atua).
I te mau ite atoa ta tatou e nehenehe e noaa mai, te mea faufaa roa‘e o
te hoê ïa iteraa papû no Iesu Mesia, Ta’na misioni hanahana, e Ta’na
evanelia. No te noaaraa mai teie iteraa papû, e ti‘a ia haapii tamau noa
tatou i te mau papa‘iraa mo‘a, ia pure, e ia ora ma te parau ti‘a. Te ite
atoa ta tatou e noaa mai, eita e fifi mai te mea ua maramarama tatou e
ua haapa‘o i te mau parau tumu faaora no te evanelia.
■ A tai‘o i Te Parau Haapiiraa e te Mau Parau Fafau 88:79. Taa ê atu i te
evanelia, eaha atu â ta te Fatu e titau nei ia tatou ia haapii ? (A tabula
i te mau pahonoraa i ni‘a i te tabula papa‘iraa. E nehenehe e faaô mai
te mau pahonoraa mai te fenua, te mau ra’i, te aamu, te mau oro‘a e
tupu nei, te mau tohuraa no te tau i mua nei, to tatou iho fenua, e te
tahi atu mau fenua).
Ua parau te Peresideni N. Eldon Tanner, « Ua titau noa te Ekalesia ia
tatou ei mau melo ia noaa mai te ite haapiiraa maitai e ia haapii mai i
te mau mea’toa e nehenehe no ni‘a iho ia tatou iho, te aamu o te fenua
[histoire] e te teotarafia, te ihi ite [science] e te mau ao atoa nei
247

Haapiiraa 26
[univers] e te evanelia ihoa ra a Iesu Mesia » (‘regional representatives’
seminar, 2 Eperera 1971).
Mai te tau mai â o te Faaho‘i-faahou-raa-hia mai o te evanelia ua
faaitoito noa te Ekalesia i to’na mau melo ia noaa mai te hoê ite
haapiiraa. Mai te reira atoa i te mau mahana matamua o te Ekalesia ua
haapii te Fatu i te Peropheta Iosepha Semita ia faanaho i te mau fare
haapiiraa no na toopiti p∂p∂ te taata paari e te mau tamarii (a hi‘o
PH&PF 55:4; 90:7). Taa ê atu i te haapiiraa evanelia, ua pûpû teie mau
fare haapiira i te mau piha i roto i te aamu o te fenua [histoire], te mau
reo, te tarame [grammaire], te mau numeraa, e te tahi atu mau tumu
parau. I teie mahana te tamau nei te Ekalesia i te haamau‘a i te taime
rahi, te tautooraa, e te moni no te patururaa i te ite haapiiraa. I rotopu i
ta’na mau tautooraa o te Pû no te Ite Haapiiraa a te Ekalesia [Service
de l’Education de l’Eglise] tei haamauhia no te tauturu ia pahono i te
mau hinaaro no te pae ite haapiiraa o te mau melo.
Te Tumu e te Mau Haamaitairaa no te Ite
■ A tai‘o Te Parau Haapiraa e te Mau Parau Fafau 88:80. Eaha te tumu
no te noaaraa te ite ? (No te faaohipa puai i ta tatou piiraa e te misioni)
Ia farii ana‘e tatou i te hoê ite no te mau taata e no te ao e haati nei ia
tatou, e nehenehe tatou e faaohipa i taua ite ra no te tauturu ia patu i te
basileia o te Atua. E nehenehe tatou e ite i te mau rave’a maitai a‘e no
te haapii atu i te evanelia ia hau atu â te mau taata. Faahou â, a riro
mai ai te Feia Mo‘a o te Mau Mahana Hopea Nei ei feia faaturahia i
roto i to ratou ra mau toro‘a e riro mai ïa ratou ei mau hi‘oraa o te
nehenehe e haapuai ia vetahi ê ia haapii hau atu â no ni‘a i te Ekalesia.
E mea faufaa te ite haapiiraa eiaha noa ei mauhaa misionare tera râ, ei
vaipuna atoa no te patu i te huru no te feruriraa o te taata. Ua parau te
Peresideni David O. McKay:
« I roto i te ite haapiiraa mau te vai nei eiaha noa ra i roto i te noaaraa mai
o te tahi tau tufaa no te ihi ite, te aamu o te fenua, te tai‘oraa buka e aore
râ te ohipa rima’i, area râ i roto atoa i te faatupuraa o te huru no te feruriraa...
E haapii maite te ite haapiiraa mau ia huna ia ia’na iho, ia tape’a
ia’na iho. E faatanotano te ite haapiiraa mau i te huru ia riri e mono mai
ai i te aroha e, e faariro i te haapa‘o maitai i te mau ture sotiare e te nahonahoraa
i te pae morare ei parau tumu arata’i no te oraraa...
«... Te tumu parau o te ite haapiiraa no te faatupu ïa i te mau taleni e
te mau aravihi i roto i te piahi o te horo‘a atu i to’na maitai mai te mea
e faaoroma’i roa te oraraa » (Secrets of a Happy Life, haaputuhia e
Llewelyn R. McKay [1967], 46–47).
248

Haapiiraa 26
E tauturu atoa te noaaraa te ite ia tatou ia tavini ia vetahi ê ra e i to
tatou sotaiete. E nehenehe tatou e faaohipa i to tatou ite no te horo‘a
mai i te maa, te ahu, e te tapo‘i fare no to tatou mau utuafare; no te
tauturu i te mau taata ia upooti‘a i ni‘a i te ma’i e te mauiui; e ia faariro
i te oraraa ei mea hau atu te faahotu.
I te tahi mau taime râ. a noaa ai i te mau taata te ite o te ao nei, e riro
mai ratou ei feia te’ote’o no to ratou iho paari e, e mana‘o aita e
titauhia ia ratou ia pee i te mau a‘o a te Fatu e a Ta’na mau peropheta.
Ua parau mai te Fatu ia tatou e, e mea maitai ia riro ei feia haapiihia
mai te mea e faaroo tatou i Ta’na a‘o. Aore ana‘e râ, e faaohipa ïa tatou
i to tatou ite haapiiraa ma te maamaa. (A hi‘o 2 Nephi 9:28–29).
Te Faufaa no te Haereraa i te Haapiiraa
■ No te aha e mea faufaa ia haere i te haapiiraa ? Eaha ta tatou e nehenehe
e haapii mai na roto i te haereraa i te haapiiraa ?
Te pae rahi o to tatou ite haapiiraa no roto mai ïa i te fare haapiiraa, i
reira tatou e haapii mai ai nahea ia tai‘o, ia papa‘i, e ia ohipa i te mau
numera niu. E haapii atoa mai tatou no ni‘a i te aamu o te fenua
[histoire], te teotarafia, e te ihi ite. E haapii tatou no te tino o te taata,
te tereraa o te mau feti‘a, e te nehenehe e te tumu o te mau tumu raau
rii e te mau animala. E faati‘a te ite haapiiraa ia tatou ia tape’a noa e te
mau haereraa i mua i roto i te ohipa faahoturaa [industrie], te faaohiparaa
o te ihi ite [technologie], e te ihi ite [science].
■ A faaite i te hoho‘a 26-a, « E mea faufaa te ite haapiiraa no te mau
taata apî. »
No te mau melo o te Ekalesia, te feia apî ihoa ra, tei a‘o tamau-noahia
ia rave i te mau mea atoa i titauhia no te noaaraa mai te hoê ite
haapiiraa maitai. I roto i te reira o te fariiraa ïa i te haapiipiiraa i
titauhia no te faaraveraa ohipa. I te tahi mau taime râ, e mea fifi ia
haere i te haapiiraa. E nehenehe tatou e feruri no ni‘a i te moni, te
taime, e aore râ te tautooraa e titauhia. Area râ, no te mea te hinaaro
nei te Fatu ia tatou ia riro ei feia haapii-maitai-hia, e tauturu Oia ia
tatou ia roaa mai teie fâ mai te mea e imi tatou i Ta’na tauturu na roto
i te pure e na roto i te raveraa i te tautooraa maitai roa‘e. Mai te mea,
eita e nehenehe ia haere i te fare haapiiraa mau, e nehenehe tatou e
imi i te tauturu no ô mai ia ratou e haati nei ia tatou o tei farii i te ite
taa ê e aore râ te mau aravihi. E tauturu taua mau taata ra ia tatou mai
tei matauhia, ia ite ana‘e ratou e te hinaaro nei tatou i te haapii mai.
E Tamau Noa te Ite Haapiiraa na Roto Atu i to Tatou Mau Oraraa
■ A faaite i te hoho‘a 26-b, « E ti‘a ia tamau noa te ite haapiiraa na roto
atu i te oraraa o te taata. »
249

Haapiiraa 26
E ti‘a ia tamau noa tatou i to tatou ite haapiiraa iteahia mai te mea e
nehenehe. E nehenehe te reira ia ravehia na roto i te haereraa i te hoê
fare haapiiraa teitei e aore râ fare haapiiraa rima’i e aore râ fare
haapiiraa tapihooraa [trade] e aore râ na roto i te haapiipiiraa no te
ohipa. E nehenehe atoa tatou e haere i roto i te mau piha haapiiraa i
te vahi iho na te mau taata paari e aore râ te mau piha haapiiraa i
pûpûhia e te tahi mau fare haapiiraa na roto i te papa‘iraa rata.
E ti‘a ia tamau noa tatou i to tatou ite haapiiraa na roto i te haapiiraa
mai « Na roto mai i te mau buka maitatai » (PH&PF 88:118). E titaua te
reira, ia ma’iti tatou ia tai‘o i te materia ma te maramarama. E tauturu
te tahi mau buka e te mau ve’a ia tatou ia riro mai ei mau taata maitai
a‘e na roto i te haapiiraa ia tatou no ni‘a iho i te maitai e te nehenehe.
E faahaere te tahi atu mau buka e te mau ve’a i te ino.
Ua faaara mai te Peresideni Spencer W. Kimball ia tatou e « e rave
rahi... mau mana ino te tae nei i roto i te fare—na roto i te afata teata
[tele], afata paraparau [radio], te mau ve’a, te mau parau apî, e te tahi
atu mau huru o te ohipa tai‘oraa » (i roto Conference Report, Eperera
1978, 67; e aore râ Ensign, Me 1978, 45). 3
E nehenehe atoa te ite e noaa mai na roto i te haereraa i te mau
hautiraa taata ora o te haapii mai ia tatou ia roaa te aroha e te
faahoaraa no te mau taata atoa e na roto i te haereraa i te mau faiteraa
upaupa e te haere-manihini-raa i te mau fare manaha o te ohipa rima’i
no te faarahi i to tatou here no te nehenehe. E i muri iho, e faaite tatou i
taua mau mea o ta tatou e haapii mai ia vetahi ê ra.
Rave rahi haapiiraa i matau-ore-hia e nehenehe ia ravehia ei utuafare.
E nehenehe te mau utuafare ia hamani amui i te mau mea. E nehenehe
ratou e rave i te mau tamaaraa i rapaeau [picnic], te mau tere puhaparaa,
te taime faafaaearaa ohipa, e tae noa’tu i te mau haereraa poto
noa na roto i te mau iteraa haapiiraa o te utuafare.
Te Haapiiraa mai na Roto i te Raveraa
Ua tuu mai te Metua i te Ra’i ra ia tatou i ni‘a i te fenua nei no te haapii
mai e no te noaa te iteraa. E rave rahi o te mau mea e ti‘a ia haapii mai
tatou o te nehenehe ia haapiihia na roto noa i te raveraa; aita e rava’i ia
haapii noa no ni‘a i te reira. Ei hi‘oraa, eita e nehenehe ia haapii mai
tatou ia here i te hoê taata ma te ohie noa na roto i te tai‘oraa no ni‘a i
te here; e ti‘a roa râ ia tavini i taua taata ra mai te mea e hinaaro tatou
ia faatupu i te here no’na e tane anei e aore râ e vahine.
Ua horo‘a te Fatu e rave rahi rave’a fana‘o no tatou ia tavini e ia arata’i
i roto i Ta’na Ekalesia e i muri a‘era e haapii mai ïa. A rave ai tatou i te
mau ohipa i faauehia ia tatou i roto i te hoê toro‘a e aore râ piiraa, mea
250

26-a, E mea faufaa te ite haapiiraa no te mau taata apî.
251

Haapiiraa 26
pinepine tatou i te faaitehia e te mau tamataraa. A upooti‘a mai ai tatou
i teie mau tamataraa na roto i te raveraa i ta tatou mau ohipa, e faarahi
tatou i to tatou mau aravihi, e mau ohipa tei fifi na i te hoê taime e ua
riro maira ei mea ohie a‘e ia rave. E nehenehe tatou i muri iho e
tauturu ia vetahi ê ia upooti‘a i teie â mau huru tamataraa.
Te haapiiraa mai na roto i te raveraa o te tahi ïa mea ta tatou atoa e
nehenehe e rave, noa’tu eaha te rahi o te ite haapiiraa i matauhia ta
tatou e farii. Ei hi‘oraa, ua amuamu hoê vahine i te hoê taime i te Taote
Louis Agassiz, te hoê aivanaa ihi ite tuiroo, oia hoi aita mau roa oia i
farii i te fana‘oraa no te haapiiraa mai. Ua faaite oia ia’na e, te faatere
nei ona e to’na tuahine i te hoê fare haapa‘oraa taata e aita e taime
to’na no te tahi noa’tu ohipa. Ua ani maira oia [te Taote] eaha te huru
ohipa ta’na i rave, e ua pahono atu:
« ‘E tipitipi au i te mau umara putete e, e tapupu vau i te mau oniani.’
« Ua ani oia, ‘Teie nei Vahine, i hea oe e parahi ai i te taime no teie mau
mea anaanatae tera râ e mau ohipa no te fare ïa ?’
« ‘I ni‘a i te taahiraa i raro roa o te mau taahiraa o te fare tutu.’
« ‘I hea to oe na ava‘e e faafaaea ai ?’
« ‘I ni‘a i te piriti vânetihia.’
« ‘Eaha te piriti vânetihia ?
« ‘Aita vau i ite.’
« Ua parau oia, ‘Eaha te roaraa to oe parahi-noa-raa i reira ?’
« ’Ahuru ma pae matahiti.’
« Teie Vahine, teie tau iho tareta,’ ta te Taote Agassiz i parau. « E nehenehe
anei oe e papa‘i mai hoê rata ia‘u no ni‘a i te natura o te hoê piriti
vanetihia ?’
Ua ti‘aturi papû oia ia’na. Ua imi oia i te parau « piriti » i roto i te
ditionare area râ, ua ite oia e mea ohie ino roa te auraa no te hapono
atu i te hoê aivanaa ihi ite tuiroo. No reira ua hi‘o atu oia i roto i te hoê
buka haamaramaramaraa rahi atu [enclyclopedie]. A tai‘o ai oia no ni‘a
i te parau « piriti » , ua tae oia i ni‘a i te mau parau aita oia i maramarama.
No reira, ua hi‘o atoa’tu i te reira. E i muri iho, no te mea ua
anaanatae te mana‘o i te mea ta’na e tai‘o ra, ua haere atura e mata’ita’i
i te hoê aua no te mau piriti. I te otiraa ta’na mau haapiiraa, ua parahi
ihora i raro e ua papa‘i i te Taote Agassiz i te hoê rata e 36 ap¥ i ni‘a i te
tumu parau no te piriti vânetihia.
Tae maira te hoê rata na te Taote Agassiz ma te faaite ia’na e, maa
tauiraa na’ina’i noa, ua haaparare oia i ta’na rata e te hapono maira oia
252

26-b, E ti‘a ia tamau noa te ite haapiiraa na roto atu i te oraraa o te taata.
253

Haapiiraa 26
e 250 tara Marite. I raro i te rata, ua ani oia « Eaha to raro a‘e i taua
mau piriti vanetihia ra ? »
Ua ite oia i te mau rô i raro a‘e i te mau piriti, e no reira ua haamata
ihora i te haapii no ni‘a i te mau rô. Ua ite oia e te vai ra i rotopu i te
800 e 2,500 mau huru rauraa. Ua anaanatae roa oia na roto i te rahiraa
huru o te mau rô e nahea e i hea ratou e ora ai. I muri a‘e i te tai‘o-rahiraa
e te haapiiraa ma te haapa‘o maitai, ua papa‘i oia e 360 ap¥ no ni‘a i
te tumu parau i te Taote Agassiz. Ua haaparare oia i te reira ei buka e
ua hapono atu na’na hau atu te moni.
I te moni ta’na i farii, ua haere oia e mata’ita’i i te mau fenua atoa o
ta’na mau moemoeâ.. (Faatanohia mai roto mai Marion D. Hanks, The
Gift of Self [1974], 151–53).
■ Taa ê atu i te moni ta’na i farii, mea nahea te oraraa o teie vahine i te
haafaufaaraahia ? (Na roto i te faarahiraahia te ite e te anaanatae apî i
roto i te ao e haati nei ia’na).
Ua haapii o Elder Richard L. Evans: « Te vai nei te tahi mau mea ta
outou e nehenehe e horo‘a i te tahi atu taata, e te tahi mau mea eita e
nehenehe ia outou ia horo‘a ia’na, maoti te hinaaro nei oia ia toro te
rima e rave mai ai i te reira, e a aufau ai i te hoo no te faariroraa i te
reira ei tufaa no’na iho. E tano teie parau tumu no te haapiiraa, no te
faatupuraa o te mau taleni, no te momiraa mai i te ite, no te titauraa ia
noaa te mau aravihi, e no te haapiiraa mai o te mau haapiiraa’toa o te
oraraa » (Richard Evans’ Quote Book [1971], 74).
■ A aparau i te mau rave’a fana‘o e vai nei i roto i to outou vahi no te
faarahiraa i te ite e te faaohiparaa i te reira.
Te Faahope’araa
Ua haapii mai te Fatu ia tatou ia noaa te ite no ni‘a iho i te evanelia e
te ao nei. E nehenehe tatou ia rave i teie na roto i te haapiiraa i te mau
papa‘iraa mo‘a e te mau parau a te mau peropheta, te pureraa, te
oraraa ma te parau ti‘a, te haereraa i te haapiiraa e aore râ te raveraa i
te tahi mau haapiiraa, te anaanataeraa i roto i te mau mea e haati nei ia
tatou, e te imiraa ia maramarama i ta tatou mau iteraa i noaa. A noaa ai
ia tatou te ite, e haapii mai tatou ia mauruuru i te mea’toa ta te Fatu i
horo‘a no tatou. E tauturu atoa te ite i faarahihia e te haapiipiiraa ia
tatou ia paturu i to tatou mau utuafare, ia patu i te basileia o te Atua,
ia riro ei mau taata ai‘a maitai a‘e, e ia riro te huru mai to tatou Metua
i te Ra’i ra.
254

Haapiiraa 26
Te Tamataraa
Te mau metua tane: A faaitoito i ta outou mau tamarii ia noaa hoê ite
haapiiraa. A haamau i te hoê hi‘oraa no te haapiiraa no ratou ia pee.
A opua i te mau ohipa faaoaoaraa a te utuafare o te tauturu i te mau
taata atoa ia haapii amui.
Te mau taata apî e mau nei i te autahu‘araa: A rave i te mau opuaraa
titauhia ia noaa mai te hoê ite haapiiraa maitai.
Te Faaineineraa a te Orometua Haapii
Hou a faaite ai teie haapiiraa:
1. Ia haamatau e te mau rave’a fana‘o no te pae ite haapiiraa i roto i to
outou oire e te mau vahi e haati nei.
2. A faaue i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a, e aore râ te mau faahitiraa parau
ta outou e hinaaro nei.
255

TE MAU PARAU TUMU
O TE EVANELIA E TE
MAU HAAPIIRAA

258
IESU MESIA,
TO TATOU NIU PAPÛ
Haapiiraa 27
Te tumu o teie haapiiraa no te tauturu ïa ia tatou ia faariro ia Iesu Mesia
ei niu papû no to tatou mau oraraa.
Te Omuaraa
■ A faaite i te hoho‘a 27-a, « Te Fatu Iesu Mesia. » A ani i te mau melo
o te piha haapiiraa ia hi‘o i ni‘a i te hoho‘a e i muri iho ia tapiri te
mau mata. A ani ia mana‘o ratou e tei mua ratou i te aro o te Faaora.
A faataa e, e tauturu te aai i muri nei ia tatou ia taa maitai a‘e i to
tatou Faaora, Iesu Mesia.
Te tavini ra o Elder Melvin J. Ballard i te hoê taime ei misionare i
rotopu i te mau Initia Marite Apatoerau. Tei roto oia i ta’na misioni, ua
hinaaro atura oia i te hoê ite mata e te rave ra oia i te hinaaro o te Fatu.
A ani ai i te Fatu no ta’na haapapûraa, ua parau oia e ua farii oia i te
hoê moemoeâ i roto i te reira te ite ra oia ia’na iho i roto i te hiero, e te
tomo nei i roto i te hoê o to’na mau piha.
« A tomo atu ai au na te uputa », ta Elder Ballard i parau, « Ua ite atu
vau, ma te parahi i ni‘a i te hoê vahi teitei, te hoê Taata hanahana roa‘e
ta to‘u na mata i ore roa ana‘e â i ite e aore râ ta‘u i ore roa i mana‘o e
te vai ra i roto i te mau ao mure ore atoa. A haafatata atu ai au no te
haafarereihia, ua ti‘a maira i ni‘a e haere maira i mua ia‘u ma te faatoro
mai i na rima, e ua ata maira a parau marû roa mai ai i to‘u i‘oa. Ahiri
e ti‘a ia ora vau hoê milioni matahiti te paari, eita roa’tu vau e haamo‘e
i taua ata ra. Ua rave maira ia‘u i roto i to’na na rima e ua apa maira
ia‘u, e taumi ihora ia‘u i to’na ouma, e ua haamaitai ia‘u, e tae noa’tu,
e au ra e te tahe ra te puo o to‘u mau ivi! Ia oti ra ta’na e rave nei, ua
topa ihora vau i to’na na ava‘e, e a faahapu ai au i te reira i to‘u mau
roi mata e te mau aparaa, ua ite atu vau i te mau tapa‘o o te mau naero
i ni‘a i na avae o te Faaora o te ao nei. Te ite i roto i to‘u aau e tei mua
vau i te aro o te taata tei farii i te mau mea atoa i roto i to’na pue rima,
te fariiraa i to’na here, to’na aroha, e ta’na haamaitairaa, e no te rahi,
ahiri e nehenehe ia‘u ia farii i te mea ta‘u i farii noa iho nei, maoti te
hoê tamataraa omua, e horo‘a ïa vau i te taatoaraa o ta‘u iho, te mau

27-a. Te Fatu Iesu Mesia
259

Haapiiraa 27
mea atoa ta‘u i tia’i na ia riro mai, ia ite i roto i to‘u aau i te mea ta‘u i
ite na! » (faahitihia e Bryant S. Hinckley, i roto Sermons and Missionary
Service of Melvin J. Ballard [1949], 156).
To Tatou Hinaaro no te Hoê Faaora
Hou a haere mai ai tatou i te fenua nei, ua ora na tatou i pihaiiho i te
Metua te Ra’i ra. A ora ai tatou i pihaiiho Ia’na, ua faaitehia maira te
opuaraa [faanahoraa] no te faaoraraa ia tatou. Ua oaoa roa tatou no
ni‘a iho i teie opuaraa e ua faarii tatou i te reira e ua pii hua ma te
oaoa. (A hi‘o Ioba 38:1–7).
Ua titau te opuaraa no te faaoraraa ia tatou ia faarue i te aro o te Metua
i te Ra’i ra e ia haere mai i te fenua nei ei mau taata tahuti. I onei ua
faataa-ê-hia tatou i te pae tino i te Atua e ua horo‘ahia te ti‘amâ no te
ma’iti no tatou iho ia haapa‘o e aore râ ia ore e haapa‘o i Ta’na mau
faaueraa. Mai te mea e ma’iti tatou ia rave i te hara, e riro mai tatou ei
mau taata mâ ore. Te auraa ra, e ti‘a ïa i te tahi taata hara ore ia aufau i
te utu‘a no ta tatou mau hara e ia tamâ ia tatou, no te mea eita te taata
mâ ore e nehenehe e tomo atu i roto i te basileia o te Atua (a hi‘o
1 Nephi 15:34).
No te tauturu ia tatou ia ho‘i i mua i To’na aro, ua faataa te Metua i te
Ra’i ra i te hoê Faaora no te faaora ia tatou. Teie Faaora to tatou ïa
taea‘e varua matahiapo, o Iesu Mesia, tei hinaaro ona iho ia haere mai i
te fenua nei e ia riro ei Faaora no tatou. I roto i te hinaaroraa ona iho,
ua parau Oia e, te hanahana no to tatou faaoraraa no to tatou Metua i
te Ra’i ra ïa. (A hi‘o Aberahama 3:27; Mose 4:2). O Lucifera, te tahi atu
taea‘e varua no tatou, ua hinaaro atoa ia riro ei Faaora no tatou. Tera
râ, ua hinaaro ia faahepo ia tatou ia faaorahia e ua hinaaro ia tape’a i te
hanahana no’na iho. (A hi‘o Mose 4:1). Ua pato‘i te Metua i te Ra’i ra i
ta’na pûpûraa e ua faatoro‘a na mua ia Iesu ia riro ei Faaora no tatou
(a hi‘o 1 Petero 1:18–20). Na roto i te raveraa i te reira, ua faaherehere
to tatou Metua i te Ra’i ra i to tatou ti‘amâraa.
O Iesu Mesia to Tatou Niu Papû
■ Eaha te hoê niu papû ? (Te hoê niu puai, paari o te ore e nehenehe e
faanuu ê-hia e aore râ e haamouhia).
E paturu te hoê niu papû i te mea atoa e tuuhia i ni‘a iho i te reira. Ia
patu ana‘e tatou i te hoê fare rahi, ei hi‘oraa, e haapa‘o maitai tatou ia
hamani i te niu ia paari i te nehenehe ia vai maôro te fare. I roto i teie â
rave’a, e ti‘a roa ia tatou ia patu i to tatou mau oraraa i ni‘a iho i te hoê
niu papû ia nehenehe tatou ia faaoroma’i i te mau tamataraa i roto i
teie oraraa.
■ A faaite te hoho‘a 27-b, « O Iesu Mesia to tatou niu papû. »
260

Haapiiraa 27
Te riro nei to tatou Faaora, o Iesu Mesia ei niu papû ana‘e i ni‘a i te reira
e nehenehe tatou e patu i to tatou mau oraraa. Ua parau te peropheta
Helamana, « E ia haamau i to orua niu i ni‘a i te p≤p≤ ra o to tatou Ora,
o te Mesia ïa, o te Tamaiti a te Atua hoi, e ia hapono mai te diabolo i
to’na ra mata’i u‘ana... e to’na vero rahi i ni‘a iho ia orua ra, e ere oia i te
mana i ni‘a iho ia orua... , no te p≤p≤ pai ta orua i tia i ni‘a ra, o te niu
mau ïa, o te tumu ia patuhia i ni‘a e te taata, e ore e tia ia mairi ratou i
raro » (Helamana 5:12).
O Iesu te niu papû no te mea ua faatoro‘ahia Oia na mua roa e to tatou
Metua i te Ra’i ra ia riro ei Ora. Ua parau o Nephi, « Aore roa’tu â i‘oa i
raro a‘e i te ra’i e ora ai te taata anei, maori râ o Iesu Mesia ta‘u i parau
nei » (2 Nephi 25:20). Na roto ana‘e ra i te Taraehara o Iesu Mesia e
nehenehe ai tatou e faaorehia i ta tatou mau hara e ia farii i te ora mure
ore. Eita e nehenehe ia tatou ia rave i teie mau mea no tatou iho. O Iesu
ana‘e ra tei farii i teie mana.
Te Paturaa i Ni‘a Iho i te Mesia
E nehenehe tatou e patu i to tatou mau oraraa i ni‘a iho i te Niu Papû,
Iesu Mesia, i roto i te mau rave’a i muri nei:
■ A faaite te hoê hoho‘a rahi no te tabula ohipa i muri nei, e aore râ a
hi‘o i te haamaramaramaraa i ni‘a i te tabula papa‘iraa:
Nahea ia Patu i ni‘a Iho i te Mesia,
te Niu Papû
1. A imi i te hoaraa o te Varua Maitai.
2. A rave i te oro‘a mo‘a.
3. A pure e a haapae i te maa.
4. A haapa‘o i te mau faaueraa.
5. A haapii i te mau papa‘iraa mo‘a.
6. A pee i te peropheta ora.
7. A here e a tavini i te Fatu.
A Imi i te Hoaraa o te Varua Maitai
Te Varua Maitai, e aore râ te Varua o te Fatu, e horo‘a mai ïa ia tatou te
rotoraa o te oraraa e te huru o to tatou Faaora, no te mea hoê o te mau
tumu o te Varua Maitai o te faaite papû ïa no te Mesia (a hi‘o Ioane
15:26). Oia mau, na roto ana‘e ra i te Varua Maitai e nehenehe ai tatou
e haapii mai i te auraa hohonu no te faatusiaraa o te Fatu no tatou.
E haamaitai atoa mai te Varua Maitai ia tatou ia ite e ia maramarama
i te parau mau no te mau papa‘iraa mo‘a e te mau haapiiraa i faauruhia
no te mau peropheta ora.
261

262
27-b, O Iesu Mesia to tatou niu papû.

Haapiiraa 27
Te Raveraa i te Oro‘a Mo‘a
E tauturu tatou ia tape’a mai te Varua Maitai ia tatou nei i muri a‘e i to
tatou bapetizoraa e te haamauraa na roto i te raveraa ma te mâ i te
oro‘a mo‘a (a hi‘o PH&PF 20:70, 79).
■ Eaha ta tatou e ti‘a ia mana‘o no ni‘a i te raveraa i te oro‘a mo‘a ?
A Pure e a Haapae i te Maa
E nehenehe te pure e te haapaeraa i te maa e tauturu ia tatou ia haafatata
atu i te Fatu, ia ite i roto i te aau i To’na here na roto i te mana o te
Varua Maitai, e ia ite i te tamahanahanaraa e te hau o te feruriraa.
Ua faaite te hoê vahine nahea to’na ite-maitai-raa mai i te Metua i te
Ra’i ra e te Faaora i roto i te pure. I te hoê mahana, ua piihia maira oia
ia ho‘i i te fare na ta’na atu ohipa e ua parauhia oia e, ua paremo ta’na
tamaiti. Ua puai ino roa to’na pe’ape’a. I roto i to’na mauiui rahi ua ta’i
oia, « To‘u Fatu, to‘u Atua, no te aha ? » Ma te teatea, i tera ihora taime,
e te marû, ua tae maira te pahono ei faaiteraa i ni‘a i to’na feruriraa:
« Te hinaaro nei au ia’na. »
I roto i te mau mahana i pee mai, ua farii oia i te hoê tamahanahanaraa
maere. « A horo‘a atoa ai au i to‘u aau i roto i te pure i to‘u Metua »,
ta’na i parau, « ua faaroo mai oia ia‘u e i roto i ta’na iho rave’a e i roto
i ta’na iho taime ua pahono maira i taua mau pure ra...
« Ua nehenehe i teie tamataraa ia ume ia‘u ia faatea’tu i to‘u Metua i te
ra’i ra... Aita râ, ua fatata a‘e au i to‘u Taata Poiete i teie nei i ta‘u i ore
roa i ite na mua a‘era, e ua haamaitai oia ia‘u i te ite e te hoê iteraa
papû » (Anita L. Hughes, « Why Did You Take My Son ? » Ensign,
Tiurai 1978, 66).
A Haapa‘o i te Mau Faaueraa
Te parau nei te mau papa‘iraa mo‘a e o ratou ana‘era o te haapa‘o i
te mau faaueraa a te Mesia e ite mau ratou Ia’na (a hi‘o 1 Ioane 2:3).
A haapa‘o ai tatou i Ta’na mau faaueraa, e riro mai tatou maa vahi iti
e maa vahi iti mai Ia’na ra, e tae noa’tu ua farii-atoa-hia tatou i mua i
To’na aro (a hi‘o Joseph Fielding Smith, Doctrines of Salvation, haaputuhia
e Bruce R. McConkie, 3 buka rahi [1954–56], 2:7).
■ A vaiiho i te melo o te piha haapiiraa i faauehia ia horo‘a mai i
ta’na parau faataaraa toru tae atu i te pae minuti i ni‘a ia Mosia 4 e 5.
A haapapû ia aparauhia teie mau mea. No te tumu o te mau parau a
te Arii Beniamina, ua ite to’na mau taata i te Varua Maitai, e aore râ
te Varua o te Atua, e ua fafau ia haapa‘o i te mau faaueraa a te Atua.
I rotopu i te mau faaueraa ua a‘o te Arii Beniamina ia ratou ia haapa‘o
oia hoi ia haamana‘o i te teitei o te Atua; ia faaha‘ehaa ia ratou iho;
263

Haapiiraa 27
ia pure i te mahana tata‘itahi; ia ore ia faaino i te tahi e te tahi; ia haapii
atu i ta ratou ra mau tamarii ia here te tahi e te tahi; ia horo‘a i ta ratou
mau maitai i tei veve; e ia vai mâ i roto i te mana‘o, te parau, e te ohipa.
A rave ai teie mau taata i teie mau mea, ua riro mai ratou mai te huru o
te Faaora. E nehenehe tatou e riro mai te huru o te Faaora na roto i te
raveraa i teie â mau mea.
Te faaite nei Alama ia tatou e, ia ora ana‘e tatou mai te huru o te
Faaora, e farii ïa tatou i « to’na ra hohoa i to tatou mata nei » (Alama
5:14; a hi‘o atoa i te irava 19). Te auraa ra, hoê tufaa, e î-roa-hia tatou i
te here o te Atua e, e ite ho‘i i te aroha no vetahi ê ra. Te auraa ra e
hinaaro tatou e haapa‘o i ta tatou mau fafauraa e te Fatu e ia vai mâ
no te poi i To’na ra i‘oa.
A Haapii i te Mau Papa‘iraa Mo‘a
Te faaite nei te mau papa‘iraa mo‘a ia tatou no te oraraa o te Faaora,
te mau parau haapiiraa, e te mau haapiiraa. « A imi i te mau papa‘iraa
mo‘a », ta te Fatu i faaue, « o te faaite ïa ia‘u o taua mau parau ra »
(Ioane 5:39). I roto i te reira, e ite tatou nahea te Faaora ia ohipa e
ratou i ni‘a i te fenua nei e nahea hoi e ti‘a ai ia tatou ia ohipa te tahi
e te tahi ra.
Te haapii nei te mau papa‘iraa mo‘a ia tatou i te evanelia. Ua parau
te Fatu e, mai te mea e patu tatou i to tatou mau oraraa i ni‘a iho i te
evanelia, e paruru Oia ia tatou ei feia hara ore i mua i te Metua i te
Mahana Haavaraa (a hi‘o 3 Nephi 27:13–16), eita te mau uputa o hate e
upooti‘a i ni‘a ia tatou (a hi‘o 3 Nephi 11:39), e e nehenehe ihoa ïa tatou
e faahanahanahia e faateiteihia i te mahana hopea ra (a hi‘o 3 Nephi
27:17–22). Te paturaa i to tatou mau oraraa i ni‘a i te evanelia a te
Mesia, te auraa ra, te fariiraa ïa i te faaroo i roto i te Fatu, te tatarahaparaa
o ta tatou mau hara, te bapetizoraa, te fariiraa i te horo‘a o te
Varua Maitai, e te faaoroma’iraa e tae atu i te hope’a.
■ A ani manihini i te tahi tau melo o te piha haapiiraa ia faaite nahea
te haapiiraa i te mau papa‘iraa mo‘a ia tauturu ia ratou ia ite i te
Faaora.
A Pee i te Peropheta Ora
■ Nahea te peeraa i te peropheta ora i te tauturu ia tatou ia patu i ni‘a i
te Mesia ?
Ua riro te Peresideni o te Ekalesia ei vaha parau no te Atua i ni‘a i te
fenua nei. A riro ai oia ra, e heheu oia i te hinaaro o te Atua no tatou
i teie mahana. No reira, ia pee ana‘e tatou i te a‘o i faauruhia a te
peropheta, te pee nei ïa tatou i te Atua e te haapa‘o nei i To’na hinaaro.
264

Haapiiraa 27
A haapa‘o ai tatou e a noaa ai te ite o te oraraa, e faatupu tatou i te
faaroo i te Fatu. E ohipa teie faaroo ei « tutau » no to tatou mau varua
e e faaitoito ia tatou ia rave i te mau ohipa maitai (a hi‘o Etera 12:4).
I pihaiiho i te reira, e ite tatou i te maitai e e riro mai tatou ei mau
tamaiti ti‘amâ na te Atua (a hi‘o Moroni 7:25–26).
A Here e a Tavini i te Fatu
Ua faaite te Arii Beniamina i to’na mau taata, « A tavini ai outou i te
taata nei, te tavini [nei] ïa outou i to outou Atua ra » (Mosia 2:17). Ia
here e ia tavini ia vetahi ê ra o te here e te taviniraa ïa i te Fatu. E ia here
ana‘e e ia tavini ana‘e tatou i te Faaora, e haapii nei ïa tatou ia ite i roto
i to tatou aau mai Ta’na e ite nei e, e mana‘o tatou mai Ta’na e mana‘o
nei: « Nahea e ite ai te hoê taata i te fatu aore i tavinihia e ana ra, e tei
vai taata ê ra ia’na e tei te atea ê te mau mana‘o e te mau opuaraa o
ta’na ra aau ? » (Mosia 5:13).
Te Mau Haamaitairaa no te Faariroraa ia Iesu Mesia ei Niu Papû
no Tatou
Ua fafauhia ia tatou e, ia faatumu ana‘e tatou i to tatou mau oraraa i
ni‘a i te ofa’i a te Mesia, te niu papû, e nehenehe tatou e ora faahou
e amuri noa’tu i pihaiiho Ia’na e te Metua i te Ra’i, ma te farii i te
taatoaraa ta Raua e vai ra no tatou. Ua fafau mai te Faaora ia tatou:
« O oia o te farii mai ia‘u nei ua farii atoa ïa i to‘u Metua;
« E, o oia o te farii mai i to‘u Metua ra ua farii ïa i te basileia o to‘u
Metua; no reira o te mau mea atoa na to‘u Metua ra, e hope roa ïa i te
horoahia na’na » (PH&PF 84:37–38).
■ Eaha atu te tahi mau haamaitairaa ta tatou e farii ia faariro ana‘e
tatou ia Iesu Mesia to tatou niu papû ?
Te Faahope’araa
■ A faaite i to outou iteraa papû no Iesu ei Ora e ei Faaora no tatou.
Mai te mea e taimehia, a ani manihini i te tahi atu mau melo o te
piha haapiiraa ia faaite i to ratou mau iteraa papû.
Te Tamataraa
A vaiiho ia oe iho ei taea‘e i mau i te autahu‘araa ia ite i te Faaora e ia
riro mai To’na ra huru. A ma’iti i te hoê aravihi o te Fatu ta outou e
hinaaro ra ia haamaitai roa i roto i to outou iho oraraa. A haamata i
teie nei ia haamaitai roa i teie aravihi.
265

Haapiiraa 27
Te Faaineineraa a te Orometua Haapii
Hou a faaite ai i teie haapiiraa:
1. A hi‘o faahou Te Mau Parau Tumu no te Evanelia pene 3, « Iesu Mesia,
To Tatou Taata Arata’i i Ma’itihia e te Faaora », e 11, « Te Oraa o te
Mesia. »
2. A faaineine i te hoho‘a rahi i mana‘ohia i roto i te haapiiraa, e aore râ
a papa‘i i te haamaramaramaraa i ni‘a i te tabula papa‘iraa.
3. Ia ineine no te faaite i to outou iteraa papû no Iesu ei Ora e ei Faaora
no outou.
4. A faaue i te hoê melo no te piha haapiiraa na mua roa ia horo‘a i
te parau faataaraa toru tae atu i te pae minuti no ni‘a Mosia 4 e 5.
A haapapû e aparau oia i ta te Arii Beniamina i ani i to’na mau
taata ia rave e nahea te mau taata ia farii i ta’na parau poro‘i.
5. A faaue i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a, e aore râ te mau faahitiraa
parau ta outou e hinaaro nei.
266

TE TI‘AMÂRAA:
E HORO‘A NO Ô MAI
I TE ATUA
Haapiiraa 28
Te tumu o teie haapiiraa no te tauturu ïa ia tatou ia taa maitai a‘e i te
parau tumu no te ti‘amâraa e ia haapii tatou i te faufaa no te raveraa i
te mau ma’itiraa paari.
Te Omuaraa
Iakoba, te taea‘e o Nephi, tei faaite i roto i te Buka a Moromona,
« E tena na, ia oaoa to outou aau, e e haamana‘o e, e mea tiamâ outou
ia rave noa’tu i tei au i to outou hinaaro–ia rave i te e’a o te pohe mure
ore, e aore râ, i te e’a o te ora mure ore » (2 Nephi 10:23).
Eaha te horo‘a ia tatou i te mana no te raveraa i te mau faaotiraa ?
No te aha, ei hi‘oraa, i faaoti ai tatou ia bapetizohia ? E aore râ, no te
aha tatou e nehenehe ai ia faaoti eaha te mau ahu e oomo, eaha te fare
haapiiraa te haere atu, e aore râ eaha te ohipa no te tapapa atu ?
Te pahonoraa o teie ïa oia hoi, ua horo‘ahia ia tatou te hoê horo‘a no ô
mai i te Atua ra tei parauhia te ti‘amâraa. Teie horo‘a o te mana ïa no
te raveraa i te mau ma’itiraa. Te ma’itiraa faufaa roa‘e ta tatou e ti‘a
ia rave, te hoê ma’itiraa i faati‘ahia na roto i te Taraehara o te Faaora,
no ni‘a ïa i te ora mure. Mai te mea e ma’iti tatou ia pee i te Fatu, e
haamaitai Oia ia tatou e e haapii ia tatou nahea ia faaohipa i to tatou
ti‘amâraa ia riro mai te Atua te huru e ia noaa te faaoraraa mure ore.
Ua faataa o Lehi i te ti‘amâraa i ta’na tamaiti Iakoba: « No reira, e mea
tiamâ te mau taata... ia rave i te tiamâ e te ora mure ore, na roto i te
Arai rahi o te taata atoa, e ia imi i te tîtîraa e te pohe, mai te au i te
tîtîraa e te mana o te diabolo » (2 Nephi 2:27).
Te Ti‘amâraa: E Ture Mure Ore
Te ti‘amâraa e ture mure ore ïa. A parau ai no to tatou ti‘amâraa, ua
haapii te Peresideni Brigham Young,: « E ture teie o tei vai tamau noa
na mai te ao mure ore atoa mai â, e e tamau noa i te vai mai na roto atu
i te mau ao mure ore atoa e tae mai nei. E ti‘a roa i te taata maramarama
atoa ia farii i te mana no te ma’iti » (Discourses of Brigham Young,
mai te au ia John A. Widtsoe [1954], 62).
267

Haapiiraa 28
■ A ani i te hoê melo o te piha haapiiraa ia tai‘o Aberahama 3:22–28 e
Mose 4:1–4.
Hou i haere mai ai tatou i te fenua nei, ua putuputu tatou i roto i te hoê
apooraa o te ra’i ra. Hoê o te mau ohipa rahi i mua ia tatou i reira no
ni‘a iho ïa i te parau tumu mure ore o te ti‘amâraa. Ua hinaaro o
Lucifera e aore râ o Satane ia rave ê atu i to tatou ti‘amâraa. Area râ,
ua hinaaro o Iesu Mesia ia rave i te hinaaro o te Metua, oia hoi te faati-
‘araa ia tatou ia ma’iti no tatou iho.
« Teie ti‘amâraa » ta te Peresideni Wilford Woodruff i parau na, « ua
vai tamau noa ihoa ei faturaa ai‘a no te taata i raro a‘e i te ture e te
faatereraa hau a te Atua. Ua fatu Oia i te reira i roto i te ra’i o te mau
ra’i ra hou o te ao ra, e ua tape’a maite te Fatu e ua paruru i te reira i
ni‘a i te aro-onoono-raa a Lucifera e o ratou tei apiti mai ia’na... Mai
te au i teie ti‘amâraa, ua faarirohia outou e o vau nei e te taato‘araa
o te taata o te ao nei ei feia haapa‘o, haapa‘o no te haerea ta tatou e
tapapa nei, te mau oraraa ta tatou e ora, e te mau ohipa ta tatou e
rave » (Discourses of Wilford Woodruff mai te au ia G. Homer Durham
[1946], 8–9).
Te Faaohiparaa i to Tatou Ti‘amâraa
E mea titauhia te tahi mau mea ia nehenehe ia tatou ia faaohipa i to
tatou ti‘amâraa. A tahi, e ti‘a roa ia farii i te hoê ite no te maitai e te ino;
a piti, e ti‘a roa ia farii tatou i te ti‘amâraa no te rave i te mau ma’itiraa;
e a toru, i muri a‘e i to tatou faaohiparaa i to tatou ti‘amâraa, e ti‘a roa
ia vai mai te mau faahope’araa o te pee mai i ta tatou mau ma’itiraa.
■ A aparau-tata‘itahi-hia ai, a papa‘i i ni‘a i te tabula papa‘iraa Te Ite
o te Maitai e te Ino, Te Ti‘amâraa ia Rave i te Mau Ma’itiraa, e Te Mau
Faahope’araa no te Raveraa i te Mau Ma’itiraa.
Te Ite no te Maitai e te Ino
No te haavahia ma te tano ia farerei ana‘e tatou e to tatou Faaora, e
ti‘a roa ia nehenehe ia mana‘o e ia horo‘a tatou i te tumu. E ti‘a roa
ia maramarama tatou i te mea ta tatou e rave nei, ma te ite maite i te
taa-ê-raa i rotopu i te maitai e te ino e te mau faahope’araa o ta tatou
mau ohiparaa. No teie tumu, aita te Fatu e tape’a nei ia tatou i ta tatou
hopoi‘a no ta tatou mau ma’itiraa e tae noa’tu ua rae’ahia te vau matahiti
te paari, te matahiti no te iteraa i te haapa‘oraa [ti‘aauraa] (a hi‘o
PH&PF 68:25–27; 29:46–47). Ratou tei apî a‘e i teie [matahiti] eita tei ia
ratou te hopoi‘a no ta ratou mau ohiparaa. Ua faataa mai o Moromona:
« Te tamarii rii ra ua ora ïa ratou, aita hoi e tia ia ratou i te rave i te
hara...
268

Haapiiraa 28
« Aita e tia i te tamarii rii ia tatarahapa; no reira e parau ino rahi roa ia
huna i te aroha mau o te Atua ia ratou, ua ora hoi ratou taatoa ia’na no
to’na aroha » (Moroni 8:8, 10).
Ua faataa atoa mai o Moromona oia hoi, te mau taata « aore te ture »
e « ora ïa i te Mesia » (Moroni 8:22). Te auraa ra, te mau taata o tei ore
i haapiihia i te evanelia e aore râ o tei ere i te taaraa no te reira, mai
ia ratou [tei farii] i te tahi mau paruparu o te feruriraa, aita ratou i
titauhia ia ora e te reira. Eita ratou e tape’ahia i te hopoi‘a e tae noa’tu
ua haapiihia te evanelia ia ratou e aore râ e tae no‘atu e nehenehe ratou
e maramarama i te reira.
Te Ti‘amâraa no te Rave i te Mau Ma’itiraa
Te faaohiparaa rahi roa‘e no to tatou ti‘amâraa tei roto ïa i te ma’itiraa
i rotopu i te maitai e te ino. Te ite nei te Fatu e, e nehenehe tatou ia
umeumehia e na mea e piti te maitai e te ino i roto i te raveraa i te mau
ma’itiraa. Aore ana‘e te tama’i i rotopu i teie na puai e piti, aita ïa tatou
e farii i te mau ma’itiraa no te rave – aita tatou e farii i te ti‘amâraa.
No reira, te horo‘a nei te Fatu ia tatou te mau parau tumu, te mau ture,
e te mau faaueraa no te pee, e te tamata nei o Satane ia haapa‘o ore i
te reira.
Te parau nei te Fatu, « E e hinaaro oe i to Atua ia Iehova ma to aau
atoa, e ma to varua atoa, e ma to mana‘o atoa, e ma to puai atoa »
(Mareko 12:30). E horo‘a papû ihoa o Satane i te mana‘o: « No te aha
e here ai i te Atua ? No te aha e ore ai e hi‘o ino Ia’na ? » Ua nehenehe
atoa ia’na ia faaô mai e, aita e Atua!
Te parau nei te Fatu, « E haamana‘o i te mahana sabati ia haamo‘ahia ïa »
(Exodo 20:8). Te parau nei Satane: « A faaohipa i te Sabati ei mahana
faaahautiraa. Eaha te faufaa e vai nei i roto i te haereraa i te pureraa e i
roto i te oreraa e rave i te ohipa i teie mahana ? »
Te parau nei te Fatu, « E faatura’tu i to metua tane e to metua vahine »
(Exodo 20:12). Te tuu nei Satane i roto i to tatou mau feruriraa i te
mana‘o no te faatura-ore-raa i to outou mau metua: « To outou ora no
outou iho ïa ia ma’iti mai ta outou e hinaaro. A rave i te mau mea’toa
ta to outou mau metua e horo‘a ia outou. Eita e maôro e ruau ratou,
e e nehenehe te tahi taata atu e haapa‘o ia ratou. » Faatanohia mai roto
mai Carl W. Buehner, « Who’s on the Lord’s Side ? » Improvement Era,
Tiunu 1961, 402).
■ A faaite i te hoho‘a 28-a, « Tabu – Aita e Auraa. » A ani i te melo o te
piha haapiiraa i faauehia ia faatano [relate] te aamu i ni‘a i te tapa‘o
« Tabu – Aita e Auraa » (a hi‘o « Te Faaineineraa a te Orometua
Haapii »).
269

270
28-a, « Tabu – Aita e Auraa »

Haapiiraa 28
A faaite ai te aamu no ni‘a i te tapa‘o « Tabu – Aita e Auraa » ia tatou,
e taoti‘a te peeraa i te mau faahemaraa a Satane i ta tatou mau ma’itiraa.
I te taime tata‘itahi e ma’iti ai tatou i te ino, e ere tatou i te tahi ti‘amâraa.
E faarahi â te ti‘amâraa maoti ana‘e ra ia ma’iti tatou i te parau ti‘a.
I te hoê taime, ua papa‘i te Peresideni Spencer W. Kimball i te hoê
rata i te hoê taure’are’a o tei tutava e te hoê faaotiraa no ni‘a iho i te
ekalesia. Ua hinaaro te Peresideni Kimball ia haapapû e ua maramarama
anei teie taure’are’a no ta’na mau ma’itiraa. Ua papa‘i oia:
« Na John here:
« Ua horo‘a to oe eta‘eta e ta oe mau pato‘ito‘iraa i ni‘a i te mau parau
mau o te evanelia i te feruriraa fifi ia‘u.
« Te ite maite nei au eita e nehenehe ia‘u ia haapapû ia oe i ni‘a i to oe
hinaaro... eita vau e na reira, noa’tu e nehenehe ta‘u, e faahepo i to oe
mana‘o no te mea ua riro te ti‘amâraa ei ture niu na te Atua e e ti‘a roa
i te taata tata‘itahi ia haapa‘o i ta’na hopoi‘a no ta’na iho pahonoraa;
tera râ e mea papû ihoa e mea ti‘a roa ia tatou tata‘itahi ia rave i ta’na
tufaa i roto i te haapuairaa no te maitai ia ratou o te nehenehe e
hinaaro i te tautururaa » (« Absolute Truth », Ensign, Setepa. 1978, 3).
Te Mau Faahope’araa no te Raveraa i te Mau Ma’itiraa
Te hope’a matauhia no te faaohiparaa i to tatou ti‘amâraa o te iteraa ïa
i te mau faahope’araa o ta tatou mau ma’itiraa. Noa’tu râ, e ti‘a roa ia
tatou ia maramarama e, a vai ti‘amâ ai tatou no te ma’iti, aita tatou i
ti‘amâ no te ma’iti i te mau faahope’araa o ta tatou mau ma’itiraa. Te
mau faahope’araa maitai e pee ïa i te mau ma’itiraa ti‘a; te mau faahope’araa
ino e pee ïa i te mau ma’itiraa hape. Ua faaite te peropheta
Samuela o te Buka a Moromona: « Na [te Atua] i ho mai ia outou i te
ite i te maitai e te ino, e na’na i ho-mai-atoa-mai ia outou ia maiti i te
ora e te pohe, e e tia ia outou i te rave i te maitai e faatiahia’i outou e
te maitai, e e faahoihia’i te maitai no outou; e aore ïa e tia ia outou i
te rave i te ino, e faaho‘ihia’i te ino no outou. » (Helamana 14:31).
■ A faaite i te hoho‘a 28-b, « Te parau tumu no te ti‘amâraa mai te ture
ïa o te ootiraa: te mea atoa ta tatou e ueue, e ti‘a ia ooti atoa tatou. »
Te ture no te ootiraa oia hoi e ooti tatou i te mea ta tatou e ueue (a hi‘o
Galatia 6:7–8). Te ora nei te hoê taata faaapu na teie ture. Te huru o te
huero ta’na e tanu e faaoti ïa i te mea ta’na e ooti. Mai te peu e tanu oia
i te huero titona, e ooti oia i te titona, eita i te to popaa. Eita e nehenehe
ia’na ia ma’iti ia haapa‘o ore i ta’na maa ia oti i te tanuhia’tu te reira
huero e a farii ai i te ootiraa maitai.
Te parau tumu no te ti‘amâraa mai te ture ïa o te ootiraa; ia rave ana‘e
tatou i te hoê ma’itiraa, e ti‘a roa ia farii i te mau hope’araa o taua
271

272
28-b, Te parau tumu no te ti‘amâraa mai te ture ïa o te ootiraa:
te mea atoa ta tatou e ueue, e ooti atoa tatou.

Haapiiraa 28
ma’itiraa ra. I te tahi mau taime, eita tatou e ite maite i te mau faahope’araa
taatoa o ta tatou mau ma’itiraa e tae noa’tu ua haavahia tatou e
te Atua. Tera râ, e rave rahi taime, e ohipa ta tatou mau ma’itiraa i ni‘a
ia tatou i tera ihora taime. Ei hi‘oraa, ua horo‘ahia ia tatou te horo‘a o
te Varua Maitai i muri mai i to tatou bapetizoraa. Te maitai taatoa no te
fariiraa i te Varua Maitai ei hoa, eita ïa e nehenehe e ite-maite-hia e tae
noa’tu i muri a‘e i to tatou ti‘a-faahou-raa, tera râ, mai te mea e ma’iti
tatou i te haapa‘o ore i te Varua Maitai e a rave ai i te hara, e ere tatou i
Ta’na mana i roto i to tatou mau oraraa. Te faahope’araa tae ‘oi‘oi mai
no te ma’itiraa ia rave i te hape oia ho‘i eita tatou e ite faahou i te tamahanahanaraa,
te taa-maitai-raa, te here, e te arata’iraa ta te Varua Maitai
e horo‘a nei ia rave ana‘e tatou i te mea ti‘a.
■ Ia ofati ana‘e te hoê taata apî i te Parau Paari, eaha te mau faahope’araa
no ta’na mau ohiparaa ? (Aita oia i ti‘amâ no te faanuuhia i
roto i te autahu‘araa. E haere ê te Varua. Aita oia i ti‘amâ no te tavini
i te hoê misioni. E nehenehe oia e haamatau-roa-hia i te mau mea o
te faaino i to’na tino).
■ Ia manuïa ore te hoê metua tane i te haapii i te evanelia i ta’na mau
tamarii, eaha te mau faahope’araa ? (E nehenehe e iti mai te here i
roto i te utuafare. E nehenehe te mau tamarii e ore e ite i te maitai e
te ino. E nehenehe oia e ere i ta’na mau tamarii i roto i te mau ao
mure ore mai te peu ei mau taata paari e manuïa ore ratou ia riro e ia
faaea ei feia ti‘amâ no te hiero. E nehenehe te haereraa i mua o te pae
varua o te mau tamarii ia faataimehia).
E tae mai anei te mau faahope’araa i tera ihora taime e aore râ i te tau i
mua nei, e faaite to tatou mau oraraa nahea tatou ia faaohipa i to tatou
ti‘amâraa. Te mau haamaitairaa o te tae mai na roto i te raveraa i te
mau ma’itiraa ti‘a te vai nei « te faatupuraa, te tupuraa i te paari, e te
haereraa i mua » « (Elder James E. Faust, i roto Conference Report,
Atopa. 1984, 73; e aore râ Ensign, Novema 1984, 59).
■ A himene « A Haapa‘o » (Te Mau Himene, no. 143; e aore râ Te Mau
Parau Tumu no te Evanelia, 342–43).
E Hopoi‘a na Tatou ta Tatou Mau Ma’itiraa
Ua ti‘amâ tatou ia ohipa, tera râ e tape’ahia tatou no te hopoi‘a o ta
tatou mau ohiparaa. Ia tae i te hoê mahana e ti‘a tatou tata‘itahi i mua i
te Atua e horo‘a ai i te hoê aairaa e mea nahea ta tatou faaohiparaa i to
tatou ti‘amâraa. I muri iho, e haava te Atua ia tatou. E vai mai i roto i
Ta’na mau haavaraa e piti mea, te ti‘a e te aroha, tei faatumuhia i ni‘a i
To’na here e te mau ture no te ra’i.
273

Haapiiraa 28
Ua parau te Peresideni Joseph F. Smith: « Ua horo‘a te Atua i te mau
taata atoa te ti‘amâraa e ua haamauruuru ia tatou i te fana‘o ia tavini
ia’na e aore râ ia ore e tavini ia’na... Tera râ e haapapû eta‘eta oia ia
tatou i ta tatou hopo‘ia no te faaohiparaa i te mea ta tatou e rave no teie
ti‘amâraa, e mai tei parauhia ra no Kaina, mai te reira atoa tei parauhia
no tatou; ‘Ia rave oe i te parau maitai ra, eita anei e itehia mai ? e aore i
maitai ra, te vai ra te taraehara i te uputa na’ (Genese 4:7). (Gospel
Doctrine, 5raa o te nene’iraa. [1939], 49). Te na ô ra o Alama:
« E ua au hoi i ta te Atua ra parau-tia, ia faautuahia te mau taata mai
tei au i ta ratou mau ohipa i rave ra; e mai te mea e mea maitai ta ratou
mau ohipa i te ora nei, e ua tia hoi te mau hinaaro o to ratou aau,
e faaho‘i-atoa-hia ïa ratou i tei maitai ra i te mahana hopea.
« E mai te mea e mea ino ta ratou mau ohipa i rave ra, e faaho‘ihia ïa
te reira ei mea ino ia ratou ra » (Alama 41:3–4).
No te mea ta tatou mau ohiparaa ei hope’a ïa no ta tatou mau ma’itiraa,
e mea faufaa ia rave tatou i te mau ma’itiraa tano. Ua riro o
Iosepha i roto i te Faufaa Tahito ei hi‘oraa maitai no te hoê tei rave i te
mau ma’itiraa tano e ua farii i te mau haamaitairaa rahi no ta’na mau
ohiparaa ti‘a.
I muri a‘e i to Iosepha afa’iraahia mai i Aiphiti ua riro maira oia ei
tavini no Potiphara, e taata faatere no Pharao e e kapitana no te
ti‘airaa. Ua haamaitaihia o Iosepha no te mea ua ma’iti oia ia pee i te
Fatu. Ua ite atura o Potiphara e, te mau mea’toa ta Iosepha i rave e
mea maitai, e no reira ua horo‘a oia i te hopoi‘a ia Iosepha i ni‘a i te
mea’toa ta’na e vai ra. No te maitai o Iosepha, ua haamaitai te Fatu e
ua tao‘ahia te fare e te mau faaapu a Potiphara.
I roto i teie taime râ, ua haamata te vahine a Potiphara i te faahinaaro
ia Iosepha. Ua tupu rahi to’na hinaaro i roto i te aau e tae noa’tu i te
hoê mahana ua tamata oia i te faahema ia Iosepha ia rave i te ohipa
tai‘ata e ona.
■ A faaite i te hoho‘a rauraau o Iosepha o te pato‘i nei i te vahine a
Potiphara, tei iteahia i roto i te Tufaa Hoho‘a » o teie buka. A ani i
te hoê melo o te piha haapiiraa ia tai‘o Genese 39:7–12. Ua ite anei
Iosepha i te mau ture a te Atua no ni‘a i te ohipa tai‘ata ? Eaha ta
Iosepha mau ma’itiraa ? Eaha ta’na i ma’iti i te rave ?
I mua i teie faahemaraa, ua mana‘o o Iosepha no ni‘a iho i te ti‘aturiraa
rahi ta Potiphara i horo‘a ia’na; tera râ, te mea hau atu i te faufaa, ua
mana‘o no ni‘a i te Fatu e ta’na fafauraa ia haapa‘o Ia’na. Ua ite o
Iosepha e hopoi‘a matameha’i ta’na i te Atua. Ua horo‘a teie ite ia’na
i te puai no te pato‘i atu i te vahine a Potiphara. Ua ma’iti oia ia
haapa‘o i te Atua.
274

Haapiiraa 28
Teie mau tautooraa a te vahine a Potiphara ia faahema ia Iosepha aita
i faaea no te mea ua pato‘i oia ia’na hoê taime. Ua faahema oia ia’na
mahana i muri mai i te mahana, e ua tamau noa oia i te pato‘i ia’na.
I te pae hope’a i roto i to’na riri u‘ana e te mainaina ua pari atura oia ia
Iosepha no taua hara ra ta’na iho i hara. Ei hope’a, ua tuuhia o Iosepha
i te fare tapearaa.
« Tei pihaiiho ra Iehova ia Iosepha » no te mea ua ma’iti i te haapa‘o.
Oia ia, ua tuuhia o Iosepha i rapae i te fare tapearaa e riro maira ei
faatere i ni‘a i te taatoaraa o Aiphiti. (A hi‘o Genese 39–41).
■ Nahea te hi‘oraa o Iosepha i te tauturu ia tatou ia faaohipa i to tatou
ti‘amâraa ma te tano roa ?
Te Faahope’araa
Ua faahiti te Peresideni David O. McKay: « I muri mai i te horo‘araa
o te ora iho, te ti‘a ia arata’i i to tatou mau oraraa e horo‘a rahi a‘e ïa
na te Atua i te taata nei. Te ti‘amâraa no te ma’itiraa ua hau atu i te
faahereherehia i te tahi noa’tu faturaa o te fenua nei te nehenehe e
horo‘a. E mea faufaa i te varua o te taata. E horo‘a no te ra’i ia i te
taata noa nei... I te taata nei ua horo‘ahia te hoê faaahuraa taa ê, tei
ore i horo‘ahia i te tahi noa’tu mea e ora nei. Ua horo‘a te Atua ia’na
te mana no te ma’itiraa. I te taata ana‘e ra ta te Taata Poiete i
parau,’... tei ia oe iho te maiti, ua horoahia’tu te reira ia oe,... (Mose
3:17). Aore ana‘e teie mana o te ra’i no te ma’iti, eita te taata nei e haere
i mua » (« Man’s Free Agency – An Eternal Principle of Progress »,
Improvement Era, Ditema 1965, 1073).
E ti‘a roa ia farii i te ti‘amâraa no te haereraa i mua. Tera râ, e ti‘a roa ia
faaohipa tatou i to tatou ti‘amâraa ma te tano maitai no te mea e tape’a
te Atua ia tatou no te hopoi‘a o ta tatou mau ma’itiraa. E ti‘a ia imi
tatou ia haapa‘o i te Metua i te Ra’i ra, ia pure, ia faaroo i Ta’na mau
peropheta, e ia vai ti‘amâ no te arata’iraa a te Varua Maitai ia nehenehe
ia noaa te ora mure ore ia tatou ia tae i te hoê mahana.
Te Tamataraa
A ma’iti i te hoê vahi o to outou oraraa ta outou e hinaaro ia haamaitai,
e ia rave e ia faaohipa i te mau faaotiraa o te hopoi mai i te hope’a e
hinaarohia nei.
Te Tahi Atu Mau Papa‘iraa Mo‘a
■ 2 Nephi 2:11 (te pato‘iraa i roto i te mau mea’toa ra)
■ Te Parau Haapiiraa e te Mau Parau Fafau 58:26–29 (aita te Fatu e
faaue nei i roto i te mau mea’toa)
■ Te Parau Haapiiraa e te Mau Parau Fafau 101:78 (ti‘aauraa no te mau
hara.
275

Haapiiraa 28
Te Faaineineraa a te Orometua Haapii
Hou a faaite ai i teie haapiiraa:
1. A hi‘o faahou Te Mau Parau Tumu no te Evanelia pene 4, « Ti‘amâraa
no te Ma’iti. »
2. A ani i te hoê melo o te piha haapiiraa na mua roa ia faaineine no
te horo‘a i te mau ohipa faaairaa i muri nei: « Ia pee ana‘e tatou i te
mau faahemaraa a Satane, ua taoti‘ahia ta tatou mau ma’itiraa. Te
horo‘a nei te hi‘oraa i muri nei i te mana‘o ra nahea teie i te ravehia.
A feruri na i te iteraa i te hoê tapa‘o i ni‘a i te pae miti o te na ô nei:
[‘Tabu – Aita e Auraa.’] E nehenehe paha tatou e mana‘o e tape’araa
noa te reira. Tera râ oia mau anei ? Te vai nei â e rave rahi mau ma’itiraa
na tatou. Ua ti‘amâ tatou ia au i te tahi atu vahi. Ua ti‘amâ
tatou ia haere na te pae miti e ia ohi i te mau poreho. Ua ti‘amâ
tatou ia mata’ita’i i te toparaa mahana. Ua ti‘amâ tatou ia haere i te
fare. Ua ti‘amâ atoa tatou ia tau‘a ore i te tapa‘o e ia au i te vahi fifi
ino. Tera râ, [ia faaara mai ana‘e te tapa‘o tabu ia tatou] tei roto ïa
tatou i ta’na tape’araa e, e umehia ïa tatou i raro a‘e, ua iti roa mai
ta tatou mau ma’itiraa. E nehenehe tatou e tamata ia faatea ê, e aore
râ e nehenehe tatou e pii i te tauturu, tera râ e nehenehe tatou e
paremo » (Te Mau Parau Tumu no te Evanelia [1997], 23).
3. A faaineine no te faaroo i te piha haapiiraa ia himene « A Haapa‘o »
(Te Mau Himene no. 143, e aore râ Te Mau Parau Tumu no te Evanelia,
342–43).
4. A faaue i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a e aore râ te mau faahitiraa parau
ta outou e hinaaro nei.
276

TE HAAMO‘ARAA I TE
MAHANA SABATI
Haapiiraa 29
Te tumu o teie haapiiraa no te haapii ïa ia tatou ia haapa‘o i te mahana
Sabati ia mo‘a.
Te Omuaraa
I te Mau Fenua Amui o Amerika i roto i te mau matahiti 1930 ra, e rave
rahi taata aita e itehia ra te ohipa. Te hoê taime mauiui rahi te aau. Hoê
taea‘e i mau i te autahu‘araa no te Oire Roto Miti i Utaha, tei farii hoê
ohipa i te faatereraa hau. E ohipa moni maitai e te fafau ra i te parururaa.
Te vai ra râ hoê ana‘era fifi: Te titau ra taua ohipa ra ia’na ia ohipa
i te Sabati. Teie râ, ua hinaaro oia i te moni no te paturu i to’na utuafare.
Ua ite oia e aita te Fatu e mauruuru ore roa mai te mea ua titauhia i te
taata ia rave i te ohipa i te Sabati, no reira ua pure oia, ia faati‘a mai te
Fatu no ta’na ohipa i te Sabati. Tera râ, ua horo‘a mai te Fatu i te ite i
roto i te aau e, i roto i to’na huru ra, eita e ti‘a ia’na ia rave i te ohipa i
te Sabati. Ua paraparau atura teie taata i te fifi e ta’na vahine. Ua ite
raua toopiti e ti‘a ia’na ia faaite i to’na raatira ohipa eita oia e tae i te
ohipa i te Sabati. I to’na raveraa i te reira, ua faaarahia ihora oia e te
raatira ohipa e ere oia ta’na ohipa.
■ Eaha ta outou e rave ahiri o outou teie taata ?
I te taime i pato‘i ai teie taea‘e i mau i te autahu‘araa ia rave i te ohipa
i te Sabati, ua ere oia i te ohipa. Area râ, e taime poto i muri mai, ua
haamaitaihia oia i te imiraa i te tahi atu ohipa aore e titau ra ia’na ia
rave i te Sabati.
Te Mo‘araa o te Sabati
I te haamataraa ua horo‘a te Fatu e ono mahana no te hamaniraa i teie
fenua, tera râ i te hituraa o te mahana ua faaea ihora Oia i te ohipa
(a hi‘o Genese 2:2–3). Ua pii Oia i teie mahana te Sabati. Ua haamau i
te hi‘oraa, ma te faaite ia tatou e, e ti‘a ia faatura tatou i te Sabati na
roto i te faafaaearaa i ta tatou mau ohipa atoa. Ua titau noa ihoa te
Atua i Ta’na mau tamarii ia horo‘a hoê mahana i roto i te hitu Na’na.
277

Haapiiraa 29
Na mua te taime o te Mesia ua haapa‘ohia te Sabati i te hituraa o te
mahana o te hebedoma. Tera râ, i muri mai i te Ti‘a-faahou-raa o te
Mesia, ua haapa‘o te pae rahi o te mau Keretetiano i te Sabati i te
mahana matamua o te hebedoma (a hi‘o Ohipa 20:7). Ua piihia ïa te
Mahana a te Fatu (a hi‘o Apokalupo 1:10) no te faahanahana i To’na
Ti‘a-faahou-raa i taua mahana ra (a hi‘o Ioane 20:1).
O te Mesia te Fatu no te Sabati (a hi‘o Mareko 2:27–28). Mai te reira, ua
faaue oia ia tatou ia haapa‘o « I Ta’na mahana mo‘a » (a hi‘o PH&PF
59:9–13).
I roto i te taime o Mose ua haapapû te Fatu i te faufaa no te haapa‘oraa
i te Sabati i te taime i faaô mai ai Oia i te reira i rotopu i Na Ture Hoê
Ahuru.
■ A tai‘o Exodo 20:8–11.
Ua faaite te Fatu i te mau taata no Iseraela e, e mea faufaa roa te Sabati
– ta ratou haapa‘oraa i roto i te faaturaraa i te reira ua riro ïa ei tapa‘o
no to ratou faaroo Ia’na (a hi‘o Exodo 31:12–17).
Ua haapa‘ohia te Sabati mai tei arata’ihia e te Fatu i roto i teie e i roto
i te tahi atu mau papa‘iraa mo‘a e tae noa’tu i te taime o Iesu Mesia.
I roto i teie mau tenetere, e rave rahi feia faatere no te pae faaroo aore
i faauruhia tei tuu i te mau ta‘oti‘araa i ni‘a i te mea ta te hoê taata e
nehenehe e rave i te Sabati. Ei hi‘oraa, ua haapii ratou e, eita e nehenehe
ia faaamahia te hoê auahi e aore râ ia tupohe i te Sabati. Ua nehenehe i
te hoê taata ia tatara te pona taamuhia mai te mea noa ua nehenehe ia
tatarahia i te hoê rima. Hau rii atu i te hoê e te afa kilometera te oti‘a ïa
ta te hoê taata noa’tu o vai e nehenehe e haere. Eita e nehenehe ia
faaafarohia te mau ivi fati e tae noa’tu i muri a‘e i te Sabati.
Ua riro maira ei mea fifi roa no te mau taata ia haapa‘o i te mau ture
atoa e ua mo‘e atura te tumu mau o te mahana Sabati. Aita atura i riro
ei haaamaitairaa e ei oaoaraa, ua riro maira ra te Sabati ei faateimaharaa.
Ua faataa te Peresideni George Albert Smith eaha to tatou huru ti‘araa
o te ti‘a ia riro no te Sabati. « Ua faataa [te Fatu] hoê mahana i roto i te
hitu, eiaha no te faariro i te reira ei faateimaharaa, tera râ no te hopoi
mai ïa i te oaoa i roto i to tatou mau oraraa e faatupu ai oia hoi ia nehenehe
to tatou mau fare ia riro mai ei vahi haaputuputuraa no te utuafare...
ma te faarahi i to tatou here no te tahi e te tahi » (« Obey the
Commandments », Improvement Era, tenuare 1949, 9).
■ Nahea te Sabati e riro mai ai ei oaoa i roto i to tatou mau oraraa ?
278

Haapiiraa 29
Te Haapa‘oraa i te Mahana Sabati ia Mo‘a
Aita te Fatu i horo‘a ia tatou e rave rahi ture no ni‘a i te Sabati. Ua
horo‘a noa maira Oia ia tatou te tahi mau arata’iraa no te arata’i ia
tatou i roto i te haapa‘oraa i te reira ia mo‘a.
■ A tai‘o Te Parau Haapiiraa e te Mau Parau Fafau 59:9–13. No te aha
te Fatu i ani ai ia tatou ia haapa‘o i te mahana Sabati ia mo‘a ? (No te
tape’a ia tatou iho ia ore ia tafetafeta i to te ao nei). Eaha te auraa o te
reira ia « haapa‘o ia oe iho ia ore e tafetafeta i to te ao nei » ?
■ A faaite i te hoho‘a 29-a. « I te mahana Sabati e ti‘a ia ‘pûpû atu... i ta
tatou mau oro‘a mo‘a’ »
■ Mai te au i teie mau irava, eaha ta tatou e ti‘a ia rave no te haapa-
‘oraa i te mahana Sabati ia mo‘a ? (E ti‘a ia haere tatou i te fare no te
pure, ia faaea i ta tatou mau haaraa, ia aufau i ta tatou mau horo‘araa
maitai, ia pûpû i ta tatou mau horo‘araa e te mau oro‘a mo‘a, ia fa’i i
ta tatou mau hara, ia faaineine i ta tatou mau maa ma te ohie o te
aau, ia haapae e ia pure). Eaha te mau horo‘araa ? (Mau horo‘a ïa i te
Fatu. Tei roto i te reira te mau tufaa ahuru e te mau ô) Eaha te auraa
na roto i te parau ra « ia faaineinehia ta oe maa ma te ohie o te aau »
? (Ia faaineine noa i te mau maa ohie i taua mahana ra).
Ua parau te Peresideniraa Matamua o te Ekalesia: « E ere te Sabati i te
tahi noa’tu mahana i reira tatou e faaea rii noa ai i ta tatou ohipa, ma
te ti‘amâ no te rave i te mea ta to tatou feruriraa mâmâ e nehenehe e
horo‘a te mana‘o. E mahana mo‘a râ, te Mahana ïa a te Fatu, ia horo-
‘ahia ei mahana no te haamoriraa e no te faaturaraa » (« The Sabbath »,
Church News, 11 Tiurai 1959, 3).
■ Eaha te tahi atu mau huru o te mau mea ta tatou e nehenehe e rave
i te Sabati no te haapa‘o i te reira ia mo‘a ?
Taa ê atu i te mau haamaramaramaraa i horo‘ahia ia tatou i roto i te
mau papa‘iraa mo‘a e na roto mai i to tatou mau peropheta ora, e nehenehe
tatou e haapii mai nahea ia haapa‘o i te mahana Sabati ia mo‘a,
oia hoi na roto i te haapiiraa i te oraraa o te Faaora. I te hoê mahana
Sabati, ei hi‘oraa, a haere ai Iesu i te hoê sunago no te haapii, ua farerei
atura Oia i te hoê taata e te rima marô. Te mau papa‘i parau e te mau
Pharisea ra, tei papû i roto ia ratou e te faaoraraa i te taata ua ofati ïa i
te Sabati, ua haaputuputu haati ihora ratou i te Faaora no te hi‘o eaha
Ta’na e rave.
Ma te ite i te mea o ta ratou e mana‘o ra, ua ani atura te Fatu ia ratou,
« Eaha te au i te ture ia rave i te sabati ? O te maitai anei, e o te ino ?
O te faaora anei e o te taparahi ? » I muri iho, ma te hi‘o e ati roa‘e ia
279

280
29-a, I te mahana Sabati, e ti‘a ia « pûpû atu... i te mau oro‘a mo‘a. »

Haapiiraa 29
ratou paatoa ra, ua parau atura Oia i te taata, « A titoo [faaroa mai] i
to rima. » Ua na reira te taata, e ua ora roa to’na rima. (A hi‘o Luka
6:6–10).
I te tahi atu mahana Sabati, ua ui atu Iesu, « O vai to outou e ore e ume
mai i ni‘a i tana asini e tana puaatoro ia mairi i roto i te apoo i te
mahana sabati ? » (Luka 14:5–6).
■ Mai te au i te hi‘oraa o te Faaora, eaha te huru o te ohipa te tano i te
Sabati ?
Ua parau te Peresideni Spencer W. Kimball:
« E parau mau e ti‘a roa i te tahi mau taata ia rave i te ohipa i te Sabati.
E, oia mau, te tahi o te mau ohipa o te titau-mau-hia – te haapa‘oraa
i te ma’i, ei hi‘oraa – e nehenehe ihoa ïa e tavini no te haamo‘a i te
Sabati. Tera râ, i roto i taua mau ohipa faaoaoaraa ra, e mea feruriraa
faufaa ïa ta tatou mau tumu o te faaohiparaa.
« Ia hinaaro ana‘e te mau tane e te mau vahine ia rave i te ohipa i te
Sabati no te faarahi i ta ratou tao‘a, te ofati nei ïa ratou i te mau
faaueraa; no te mea te moni i noaa i te Sabati, mai te peu aita i titauhia
te ohipa, e moni mâ ore ïa » (« The Sabbath – A Delight », Ensign,
Tenuare 1978, 5).
Ia faaruru ana‘e tatou e te faaotiraa no te faaô i roto i te hoê ohipa
faaoaoaraa o te tano e aore râ o te ore e tano no te Sabati, e ti‘a [aha ia
ani ia tatou iho e toru uiraa:
E rave anei te reira i te maitai ?
E faateitei anei te reira i te pae varua ?
E rave anei Iesu i te reira ?
Ia ore ana‘e tatou e nehenehe e ape i te ohiparaa i te Sabati, e ti‘a ia
tatou ia tape’a i te varua o te Sabati i roto i to tatou mau aau.
Te Mau Haamaitairaa no te Haapa‘oraa i te Sabati
Ua fafau mai te Fatu ia tatou i te mau haamaitairaa rahi i te pae tino e
te pae varua mai te mea e haapa‘o tatou i te mahana Sabati ia mo‘a.
Mai te mea e faatura tatou i te reira « na roto i te mana‘o haamaitai,
mai te aau e te mata oaoa hoi,...
■ «... no outou ïa te îraa o te fenua nei,... ei maa e a ore ra ei aahu, e a
ore ra, no te mau fare, e a ore ra no te mau fare vairaa maa no te mau
puaa, e a ore ra no te ô faaapuraa maa rii, e a ore ra no te mau ô, e a
ore ra no te mau ô vine » (PH&PF 59:15–17).
■ Eaha te tahi atu mau haamaitairaa o ta tatou e nehenehe e farii mai
na roto i te haapa‘oraa i te mahana Sabati ia mo‘a ?
281

Haapiiraa 29
Te Faahope’araa
Ua parau mai te Fatu ia tatou eiaha ia hauti e te mau mea mo‘a. Hoê o
te mau mea mo‘a roa‘e ta te Fatu i horo‘a mai no tatou o Ta’na mahana
mo‘a ïa. Ua parau o Elder Ezra Taft Benson: « Te tumu o te Sabati no
te faateiteiraa ïa i te pae varua, no te faaapîraa i ta tatou mau fafauraa,
no te haamoriraa, no te faafaaearaa, no te pure. Te vai nei te reira no te
tumu o te faaamuraa i te varua, ia nehenehe tatou ia tape’a ia tatou iho
ia ore e tafetafeta i to te ao nei na roto i te haapa‘oraa i te faaueraa a te
Atua » (« Keeping the Sabbath Day Holy », Ensign, Me 1971, 6).
Te Tamataraa
A imi ia faariro i te Sabati ia hau atu te [maitai] o te varua. A haaputuputu
amui mai i to outou utuafare e a aparau i te mau huru o to outou
utuafare i te Sabati. A aparau i te mau rave’a ia haapa‘o i te mahana
Sabati ia mo‘a. A faahaamana‘o i te mau melo o te utuafare ia ani ia
ratou iho e toru uiraa no te faaoti e ua tano anei ta ratou mau ohipa
faaoaoaraa.
282
E rave anei te reira i te maitai ?
E faateitei anei i te pae varua ?
E rave anei Iesu i te reira ?
Te Tahi Atu Mau Papa‘iraa Mo‘a
■ Levitiko 19:30 (ua faauehia tatou ia haapa‘o i te Sabati)
■ Nehemia 13:15–21 (eita e ti‘a ia hoo atu tatou i te Sabati)
■ Isaia 58:13–14 (eiaha tatou e imi i te oaoa o te ao nei i te Sabati)
Te Faaineineraa a te Orometua
Hou a faaite ai i teie haapiiraa:
1. A hi‘o faahou Te Mau Parau Tumu no te Evanelia pene 24. « Te Mahana
Sabati. »
2. A faaue i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a, e aore râ te mau faahitiraa parau
ta outou e hinaaro nei.

TE TUHAA AHURU E
TE MAU O
Haapiiraa 30
Te tumu o teie haapiiraa no te tauturu ïa ia tatou ia ora i te ture no te
tuhaa ahuru e ia maitai i roto i ta tatou mau ô.
Te Omuaraa
■ A papa‘i i ni‘a i te tabula papa‘iraa E haru [eiâ] anei te taata nei i ta te
Atua ?
I te taime i haere ai te Mesia i te fenua Amerika i muri a‘e i To’na Ti‘afaahou-raa,
ua ani te Ati Nephi i te hoê uiraa tei anihia i mua a‘era e
Malaki, te hoê peropheta o te Faufaa Tahito : « E haru anei te taata nei i
ta te Atua ? » (Malaki 3:8 ; 3 Nephi 24:8).
■ Nahea e nehenehe ai e haru [eiâ] i ta te Atua ? A tai‘o Malaki 3:8.
Te Ture no te Tuhaa Ahuru
Ua hau atu te ture no te tuhaa ahuru i te hoê faaueraa noa no ô mai i te
Fatu ra. Na roto i te reira te farii nei tatou i te rave‘a fana‘o ia ho‘i atu
Ia’na ra ei tuhaa no te taatoaraa o Ta’na i horo‘a ia tatou.
Ua ani-pinepine-hia teie uiraa, « Eaha te hoê tuhaa ahuru afaro e te
ti‘a ? » Te hoê tuhaa ahuru o te ahururaa ïa o ta tatou faarahiraa (a hi‘o
PH&PF 119). Te auraa ra, e horo‘a tatou hoê ahururaa o ta tatou moni e
noaa nei; e aore râ, mai te peu ta tatou faarahiraa tei roto i te mau n≤n≤
mamoe, te mau n≤n≤ puaatoro, e aore râ te mau maa faaapu e ere râ i
te moni, e horo‘a ïa tatou i te hoê ahururaa o taua mau mea nei (A hi‘o
Levitiko 27:30, 32).
E aufau tatou i te tuhaa ahuru na roto i te horo‘araa i te reira i to te
Fatu taata ti‘a : hoê melo o te episekoporaa e aore râ o te peresideniraa
amaa. I reira, na’na e hapono atu i teie mau moni i te mau pû faatere o
te Ekalesia, i reira te hoê parau faataaraa e tape‘ahia ai no ta tatou
tuhaa ahuru e te tahi atu mau horo‘araa moni.
Hoê taime i te matahiti, e anihia te melo tata‘itahi ia rave i te hoê farereiraa
taa ê e te episekopo e aore râ te peresideni amaa. I teie taime,
283

Haapiiraa 30
e hi‘o faahou oia e tatou ma te omo‘e i te parau faataaraa no ta tatou
tuhaa ahuru e e ani mai oia ia tatou ua aufau anei tatou i te hoê tuhaa
ahuru ti‘a no te matahiti. E parauhia teie farereiraa te faaafaroraa no te
tuhaa ahuru.
Te hi‘o nei te Fatu i te aufauraa o te tuhaa ahuru ei mea faufaa e, eita
tatou e nehenehe e farii i te parau faati‘a no te hiero maoti ua aufau
tatou i te tuhaa ahuru ti‘a. Te tahi atu â, e ti‘a i te mau tane e te feia apî
tane ia riro ei mau taata aufau ti‘a i te tuhaa ahuru hou ratou e fanuuhia’i
i roto i te autahu‘araa.
Ua faaite o Elder Matthew Cowley no te P∂p∂ o te Tino Ahuru Ma Piti
no te hoê tuahine Maori maitai tei ora na i roto i te hoê mataeinaa atea
no Niu Zerani tei farii i te varua mau no te aufauraa i te tuhaa ahuru :
« I teie nei, te haere ra vau i te hoê taime mai ta‘u i na reira noa na ia
hahaere ana‘e au na taua vahi ra, e hi‘o i teie vahine iti faahiahia, i taua
taime ra tei roto oia i te va‘u ahururaa o te matahiti, e tei mata-pô-hia.
Aita oia i ora na i roto i te hoê amaa faanahonahohia, aita e fareirei na e
te autahu‘araa maôti ia haere atu te mau misionare na reira...
« ... Tei rapae mai oia i roto i te aua i muri mai i pihaiiho i ta’na auahi.
Ua faatoro atu vau i to‘u rima no te aroha ia’na, e te hoho‘i ra vau i
to‘u ihu e to’na (i roto i te peu Maori) e ua parau maira, ‘Eita e aroha
mai ia‘u e te rima,’ ...
« ... I reira ua tuu na pu‘e rima e te mau turi i raro e ua nee atu i to’na
fare na’ina’i ra. I te poro o to’na fare, te vai ra te hoê ope. Ua huti maira
i taua ope ra e ua nee atu i te tahi atu vahi, ma te faito te atearaa ta’na
i haere. I te pae hope‘a ua tae ïa oia i te hoê vahi e ua haamata ihora i
te ô... Ua tano atura [ta’na ope] i te pae hope‘a i ni‘a i te tahi mea paari.
Ua rave maira ... i te hoê mohina maa pau. Ua iriti ihora i taua mohina
maa pau ra e ua tinao te rima i roto, rave maira i te tahi mea e horo‘a
maira ia‘u te reira, e e mau moni Niu Zerani ïa. I roto i te moni Marite ra,
ua aifaito i te hanere tara.
« Ua parau oia : « Tera ta‘u tuhaa ahuru. I teie nei e nehenehe au e aroha
i te rima e te autahu‘araa a te Atua.’
« Ua parau atu vau :’Aita oe e aufau i taua rahiraa tuhaa ahuru ra.’
« Ua parau maira oia : « Ua ite au i te reira. E ere no teie nei ta‘u e
aufau nei i te reira, tera râ te aufau nei au na mua i te tahi, no te mea
aita vau i ite eaha te taime e haere faahou mai ai te autahu‘araa a te
Atua na teie vahi.’
« E i muri iho, ua pi‘o atu vau i ni‘a ia’na e ua hoho‘i atura i to‘u ihu e
to‘u rae i ni‘a iho i to’na, e ua tahe ihora te mau roimata mai ni‘a atu i
to‘u mata i ni‘a i to’na na papari‘a » (i roto Conference Report, Atopa
1948, 159–60).
284

Haapiiraa 30
■ Nahea te aufauraa i te tuhaa ahuru i te faaite i to tatou here no te
Fatu ? Nahea te reira i te faaite i to tatou faaroo ?
Te Mau ô
E nehenehe tatou e horo‘a i te tahi atu moni e ere i te tuhaa ahuru no te
tauturu ia patu i te basileia o te Fatu. Teie mau horo‘araa moni ua
parauhia ïa te mau ô.
I te Sabati haapaeraa maa o te ava‘e tata‘itahi, e ti‘a ia horo‘a te mau
melo i te mau ô no te hapaeraa maa tei aifaito rii atu i te faufaa o na
piti tamaaraa tei ore i tamaahia i roto i te haapaeraa maa. E nehenehe
ia faaôhia mai te tahi atu mau ô a te mau melo i roto i te mau horo‘araa
moni i te Ekalesia no te afa moni a te misionare, te Tauturaa Tumu a te
Feia Mo‘a o te Mau Mahana Hope‘a Nei, e aore râ te tauturaa a te
Ekalesia i to te ao nei. E nehenehe te mau melo ia faaohipa i te parau
aufauraa no te Tuhaa Ahuru e te Tahi Atu Mau ô ia aufau ana‘e i teie e
te tahi atu mau horo‘araa moni.
Na te aamu i muri nei, i faati‘ahia e Elder Boyd K. Packer, e tauturu ia
tatou ia maramarama i te faufaa no te aufauraa i te mau tuhaa ahuru e
te mau ô :
E rave rahi matahiti i ma’iri a‘e nei, ua faaite toopiti misionare i to raua
peresideni amaa e ua faaoti ‘oi‘oi roa hoê utuafare ta raua e haapii ra,
ia pato‘i i te bapetizoraa. Ua haapii mai te metua tane no ni‘a i te tuhaa
ahuru e ua faaore i te mau putuputuraa atoa e vai ra i mua e te mau
misionare.
« Tau mahana i muri mai », ta Elder Packer e faataa nei, « Ua haapapû
te peresideni amaa i na misionare ia amui atoa’tu ia’na i roto i te tahi
atu haereraa i te utuafare.
« ‘Te maramarama nei au,’ ta’na i parau atu i te metua tane, ‘ua faaoti
outou eiaha ia amui mai i te Ekalesia.’
« ’E parau tano,’ ta’na i pahono atu.
« Ua faaite mai na elders ia‘u e te haape‘ape‘a nei outou no te tuhaa
ahuru.’
« ‘E,’ te parau a te metua tane. Aita raua i faaite mai ia matou no ni‘a i
te reira; e i to‘u iteraa i te reira, ua parau vau, « I teie nei, ua rahi roa te
anihia nei. Aita roa ta matou ekalesia i ani a‘e i te tahi noa’tu mea mai
te reira. » Te mana‘o nei matou e, ua rahi roa, eita matou e amui atu.’
« ‘Ua faaite anei raua ia outou no ni‘a i te mau moni haapaeraa maa ?’
ta’na i ani atu.
« ‘Aita,’ ta teie ïa taata i parau mai. ‘Eiaha ïa te reira ?’
285

Haapiiraa 30
« ‘I roto i te Ekalesia te haapae nei matou e piti tamaaraa i te ava‘e tata‘itahi
e te horo‘a nei te faufaa o na tamaaraa no te tauturu i te feia veve.’
« ‘Aita raua i faaite ia matou i te reira », ta teie taata i parau...
« ‘Aita raua i faataa atu i te faanahoraa no te ohipa sotauturu ia outou ?’
« ‘Aita,’ ta taua metua tane ïa i parau mai, ‘Eaha tera ?
« ‘Te ite nei outou, te ti‘aturi nei matou i roto i te tautururaa i te tahi
e te tahi. Mai te mea, tei roto te tahi taata i te veve e aore râ i te ma’i
e aore râ aita e ohipa e aore râ tei roto i te hepohepo, ua nahonaho
matou no te tauturu atu, e ua titauhia ia outou ia tauturu.’
« ‘Ua faaite atoa anei raua ia outou e, aita ta matou e orometua toro‘a
no te poro atu ? Matou paatoa te horo‘a nei i to matou taime, ta matou
mau taleni, ta matou mau rave‘a, e te ratereraa – te taatoaraa no te
tauturu i te ohipa. E aita matou e aufauhia nei no te reira i te moni.’
« ‘Aita raua i faaite ia matou hoê noa‘e o te reira,’ ta te metua tane ïa
i parau.
« ‘E,’ ua parau atu te peresideni amaa, ‘mai te mea ua faafariu-ê-hia
outou e te hoê mea iti mai te tuhaa ahuru, te ite nei au aita outou i
ineine no teie Ekalesia. Penei a‘e paha ua rave outou i te faaotiraa ti‘a
e, eita ihoa e ti‘a ia amui mai outou.’
« A faarue mai ai ratou, fatata ei mana‘o no te hope‘a, ua fariu atu e ua
parau atura, ‘Aita anei outou e maere nei no te aha te mau taata e rave
ai i teie mau mea’toa ma to ratou iho hinaaro ? Aita roa vau i farii
a‘enei i te parau titauraa no te tuhaa ahuru. Aita roa vau i niuniuhia
a‘enei no te tii mai i te reira. Tera râ, te aufau nei matou i te reira –
e te taatoa o te toe ra – e te tai‘o nei i te reira ei fana‘oraa rahi.
« ‘Mai te mea e itehia ia outou eaha te tumu, tei rotopu ïa outou i tei
rae‘ahia e te poe tao‘a rahi...
« ‘Tera râ,’ ta te peresideni amaa i parau atu, ‘tei ia outou te faaotiraa.
Te ti‘aturi noa nei au e pure outou no ni‘a i te reira.’
« Tau mahana i muri a‘e, ua ti‘a atura teie taata i te fare o te peresideni
amaa... ua hinaaro oia ia tabulahia te bapetizoraa no to’na utuafare »
(i roto Conference Report, Atopa 1974, 126–27; e aore râ Ensign,
Novema 1974, 88).
■ Eaha tei faaitoito [influenced] I teie taata ia amui mai i te Ekalesia ?
Te Faaohiparaa o te Mau Tuhaa Ahuru e o te Mau ô
Te mau tuhaa ahuru e te mau ô ta tatou e horo‘a nei i te Ekalesia, te
faaohipahia nei ïa no te ohipa a te Fatu. Te haamau‘ahia nei teie moni
e to tatou feia faatere o te autahu‘araa i roto i te mau rave‘a ta te Fatu i
286

Haapiiraa 30
faataa. E tauturu teie mau horo‘araa moni ia faaho‘i i to tatou mau
taea‘e e mau tuahine i to tatou Metua i te Ra‘i ra.
■ No te aha ei moni no te rave-faaoti-roa i te ohipa a te Fatu ?
Te tahi o te mau rave‘a tei faaohipahia ta tatou mau tuhaa ahuru e te
mau ô no te tauturu ïa :
1. Ia faatere i te faanahoraa a te misionare.
2. Ia patu e ia tape‘a mâ te mau fare pure, te mau hiero, e te tahi atu
mau fare rarahi.
3. Ia haapii i te mau taata i roto i te mau fare haapiiraa a te Ekalesia, te
mau haapiiraa evanelia seminaire e institut.
4. Ia hamani, ia nene‘i, ia opere te mau buka papa‘iraa mo‘a, te mau
buka haapiiraa, e te tahi atu mau materia a te Ekalesia.
5. Ia faahaere i mua te ohipa aamu utuafare.
6. Ia horo‘a no ratou i roto i te veve.
7. Ia pahono i te mau haamau‘araa o te mau amuiraa rahi.
Te Aufauraa i te Mau Tuhaa Ahuru e te Mau ô Ma To Tatou Iho
Hinaaro Mau
■ No te aha e faana‘oraa ia horo‘a te mau tuhaa ahuru e te mau ô i te
Fatu ?
E ti‘a ia aufau tatou i ta tatou mau tuhaa ahuru e te mau ô ma te
hinaaro mau. Te faaite nei te mau papa‘iraa mo‘a ia tatou ia horo‘a
« eiaha ma te nounou e mai te mea e no te titau : o te taata horoa noa
ho‘i ta te Atua e hinaaro. » (2 Korinetia 9:7). Te parau atoa nei te mau
papa‘iraa mo‘a e mai te mea te hoê taata « e na reira oia ma te
nounou... no reira ua haapa‘ohia atura ïa na’na mai te mea e ua tapeamau-hia
e ana » (Moroni 7:8).
Ua farii o Elder Marion G. Romney i te hoê iteraa i tupu o te tauturu ia
tatou ia maramarama i teie papa‘iraa mo‘a. Ua tupu teie iteraa i roto i
te taime i anihia ai te mau melo o te Ekalesia ia horo‘a te moni no te
paturaa ihoa râ o te mau fare putuputuraa.
« Mai te mea ra hoê i ni‘a i te toru o te tenetere i mairi a‘enei, ua
faanuu atu vau e te tuahine Romney i roto i te hoê paroita i roto i te
reira ua haamata noa’tura ratou i te patu i te hoê fare putuputuraa.
Te rahi o te horo‘araa moni ta te episekopo i mana‘o e ti‘a ia‘u ia horo‘a
ua faahitimahuta ïa ia‘u. Ta‘u i mana‘o, e piti taime paha te rahi te ti‘a
ia’na ia ani mai. Area râ, ... ua parau vau, « Atira, e aufau vau i te reira,
e te Episekopo, tera râ e ti‘a ia‘u ia aufau i te reira [maa vahi iti i te
287

Haapiiraa 30
taime hoê] no te mea aita ta‘u e moni.’ E no reira, ua haamata vau i te
aufau. E ua aufau e ua aufau e tae noa’tu ua fatata e toru aufauraa
hope‘a, inaha mai ta‘u i matau, te tai‘o ra vau i Te Buka a Moromona,
e ua tae au i te papa‘iraa mo‘a o te na ô ra :
« ‘... ia hopoi mai... te taata i te mea horoa... ma te nounou; no reira ua
haapa‘ohia atura ïa na’na mai te mea e ua tapea-mau-hia e ana; no
reira ua haapa‘ohia’tu ïa taua taata ra ei mea ino i mua i te Atua.’
(Moroni 7:8)
« Ua faainoino te reira ia‘u no te mea fatata hoê tauasini tara marite
aita ta‘u. Atira, ua haere i mua e ua aufau te [toe‘a o te mea] ta‘u i fafau
e aufau vau, e i muri iho ua aufau vau... hau atu... no te haapapû i te
Fatu e, ua rave au i te reira ma te peu ti‘a » (« Mother Eve, A Worthy
Exemplar », Relief Society Magazine, Febuare 1968, 84–85).
Te Mau Haamaitairaa no te Aufauraa i te Mau Tuhaa Ahuru e te Mau ô
Ua fafau te Fatu e ia horo‘a tatou ma te hinaaro mau i te mau tuhaa
ahuru e te mau ô, e haamaitai Oia ia tatou.
■ A tai‘o 3 Nephi 24:10–12. Eaha ta te Fatu e fafau nei ia aufau ana‘e
tatou i ta tatou mau tuhaa ahuru ?
Ua faaite te peresideni Joseph F. Smith i te aamu i muri nei no ni‘a iho i
te mau haamaitairaa o te tae mai na roto i te aufauraa i te tuhaa ahuru :
« Te haamana‘o nei au a ora ai au i te hoê ohipa tei tupu i roto i te mau
mahana o to‘u tamariiraa. E vahine ivi to‘u metua vahine, e te faatama
ra i te hoê utuafare rahi. I te hoê tau mahanahana, i te taime e iriti ai
matou i ta matou mau apoo umara putete, ua ani i ta’na mau tamarii ia
rave mai i te hoê tuhaa rahi o te mau umara putete maitai roa‘e e ua
afa‘i atu i te reira i te piha toro‘a no te tuhaa ahuru; mea varavara ho‘i te
mau umara putete i taua tau ra, e tamaroa na’ina’i â vau i taua taime ra,
e ua faahoro i te pereoo puaahorofenua. I to matou faahororaa e tae atu
i te mau taahiraa o te piha toro‘a no te tuhaa ahuru, ma te ineine no te
manii atu i te mau umara putete, ua haere maira te hoê o te mau papa‘i
parau e ua parau i to‘u metua vahine, « Te vahine ivi Semita, e mea
haama e ti‘a ia oe ia aufau i te tuhaa ahuru’ ... Ua tama’i oia i to‘u
metua vahine no te aufauraa i ta’na tuhaa ahuru, ma te pii ia’na i te
mau huru atoa, tera râ e paari e aore râ te haapa‘o maitai; e ua parau e
te vai ra vetahi tei puai e tei nehenehe ia rave i te ohipa o te paturuhia
ra e te piha toro‘a no te tuhaa ahuru. Ua huri atura to‘u metua vahine i
ni‘a ia’na e parau atura »’ ... E ti‘a ia oe ia haama ia oe iho. E huna anei
oe ia‘u i te hoê haamaitairaa ? Mai te mea eita vau e aufau i ta‘u tuhaa
ahuru, e titau ihoa ia vau ia tape‘a atu te Fatu i ta’na haamaitairaa ia‘u.
Te aufau nei au i ta‘u tuhaa ahuru e ere noa no te mea e ture na te Atua,
no te mea râ te titau atoa nei au i te hoê haamaitairaa na roto i te
288

Haapiiraa 30
raveraa i te reira. Na roto i te haapa‘oraa i teie e te tahi atu mau ture, te
titau nei au ia manuïa e ia nehenehe au ia faaamu i to‘u utuafare’... Ua
manuïa oia no te mea ua haapa‘o oia i te mau ture a te Atua. Ua farii i
te auhuneraa no te paturu i to’na utuafare. Aita roa matou i ere mai ta
vetahi ê i faaruru rahi... Ua haapa‘ohia taua vahine ivi ra no te mau
haamaitairaa no te fare o te Atua. Aore e oro‘a no te evanelia te ti‘a ia
hunahia ia’na, no te mea e vahine haapa‘o oia i te mau ture a te Atua »
(Gospel Doctrine, 5raa o te nene‘iraa [1939], 228–29).
■ No te aha te tuahine Semita i ani ai i ta’na mau tamaroa ia afa‘i i te
mau umara putete maitai roa‘e no te tuhaa ahuru ? Mea nahea teie
iteraa i te tauturu i te mau tamaroa ia maramarama i te faufaa no te
tuhaa ahuru ? Eaha te mau haamaitairaa ta te tuahine Semita i farii
no te aufauraa i te tuhaa ahuru ?
Ua parau o Elder Henry D. Taylor i teie no ni‘a iho i te mau haamaitairaa
ta tatou e farii na roto i te aufauraa i te mau tuhaa ahuru e te
mau ô : « Te tape‘a mau nei te Fatu i ta’na mau fafauraa. Te iriti mau
nei Oia i te mau haamaramarama o te ra‘i e te ninii nei i ta’na mau
haamaitairaa i ni‘a ia ratou o te faaroo nei e o te haapa‘o nei i ta’na
mau faaueraa... E nehenehe teie mau haamaitairaa e tae mai i roto i te
hoê rave‘a i te pae faufaa moni e aore râ i te pae tino e aore râ e nehenehe
ia faatupuhia na roto i te niniiraa i te pae varua, ma te hopoi mai i
te puai, te hau, e te tamahanahana » (i roto Conference Report, Eperera
1974, 158 ; e aore râ Ensign, Me 1974, 108).
Faahopearaa
Ua faaue mai te Fatu ia tatou ia aufau i te mau tuhaa ahuru e te mau ô.
A na reira ai tatou te patu nei ïa tatou i te basileia o te Atua. Te tauturu
nei tatou ia hopoi mai i te oaoa i te mau taata e rave rahi, ia raua
toopiti, te feia e ora nei e te feia i pohe. Ia haapa‘o ana‘e tatou i teie
mau ture te faaite nei ïa tatou i to tatou here no to tatou Metua i te
Ra‘i ra, ia Iesu Mesia, e i to tatou mau taea‘e e mau tuahine. Te faaite
atoa nei tatou i to tatou faaroo i te Atua. I roto i te faaho‘iraa, e farii
tatou i na haamaitairaa e piti, te faufaa i te pae tino e i te pae varua
tei hau roa’tu i te mea ta tatou e horo‘a nei.
Tamataraa
Mai te mea aita outou i rave a‘enei â i te reira, a opua outou iho ia
aufau i te hoê tuhaa ahuru ti‘a e ia haere i te faaafaroraa o te tuhaa
ahuru. A feruri ma te haapa‘o maitai i ta outou mau ô i te Ekalesia.
Mai te mea te ite nei outou e ti‘a ia outou ia horo‘a hau atu, a na reira.
A haapii i te mau melo o to outou utuafare i te mau haamaitairaa no
te aufauraa i te mau tuhaa ahuru e te mau ô, e a tauturu ia ratou ia
haapa‘o i teie mau ture.
289

Haapiiraa 30
Te Tahi Atu Mau Papa‘iraa Mo‘a
■ Genese 14:19–20 (ua aufau Aberahama i te mau tuhaa ahuru)
■ 2 Paraleipomeno 31:5–6 (ua aufau te Ati Iseraela i te tuhaa ahuru)
■ Nehemia 10:37–38 (ua aufau te mau tamarii o Iseraela i te tuhaa
ahuru)
■ Alama 13:13–16 (ua aufau Aberahama i te mau tuhaa ahuru)
■ Te Parau Haapiiraa e te Mau Parau Fafau 64:23 (ratou o tei anihia te
tuhaa ahuru eita ratou e ama i te auahi)
Te Faaineineraa a te Orometua
Hou a faaite ai i teie haapiiraa :
1. A hi‘o faahou i Te Mau Parau Tumu o te Evanelia pene 32, « Te Mau
Tuhaa Ahuru e te Mau ô. »
2. A faaue i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a, e aore râ te mau faahitiraa parau
ta outou e hinaaro nei.
290

IA VAI PARAU TI‘A
Haapiiraa 31
Te tumu o teie haapiira no te haapii ïa ia tatou i te faufaa ia vai parau ti‘a.
Te Omuaraa
Ua papa‘i o Elder Howard W. Hunter no ni‘a i te hoê taure‘are‘a o tei
haapii mai i te hoê haapiiraa faufaa roa :
« Te haamana‘o nei au i te hoê taure‘are‘a o tei ... ratere haere e te hoê
naho‘a taata tei mana‘o e ohipa maramarama ia rave i te mau mea tei
ore e ti‘a. I roto i te tahi tau taime, ua roaahia oia i roto i te tahi mau
ofatiraa ture na’ina’i. I te hoê mahana râ ua farii au i te hoê niuniu no ô
mai i te pû o te mau muto‘i e ua faaitehia maira ia‘u ua tape‘ahia ona
no te tumu o te hoê ofatiraa ture i ni‘a i te puromu. Ua roaahia oia i te
faahoro-vitiviti-raa... Ma te ite i te mau mea o ta’na i rave na, ua nehenehe
paha ïa te reira e paruru ia’na i te haereraa i te hoè misioni, ua
faaafaro râ ia’na, e i te 19 o to’na matahiti, ua farii i ta’na piiraa.
« Eita roa e mo‘ehia ia‘u te aparauraa ta maua i rave ia’na i ho‘i mai ai.
Ua faaite mai oia ia‘u e, i te taime tei te aua misioni oia, ua haamana‘o
pinepine oia i te fifi o ta’na i faatupu na roto i te ti‘aturiraa hape oia
ho‘i te ofatiraa no te mau mea riirii eita ïa i te mea faufaa. Tera râ, ua
tae mai te hoê tauiraa rahi i roto i to’na oraraa. Ua roaa te ite ia’na e
aita e oaoa e aore râ e arearea i roto i te ofatiraa o te ture, e ture anei
na te Atua e aore râ e mau ture anei ta te sotaiete e faahepo nei i ni‘a
ia tatou...
« Ua maere au i te tauiraa rahi tei tae mai i teie taure‘are‘a i te taime a
tavini ai oia i ta’na tau misioni e ua haapii mai i te mau parau tumu no
te pae morale. Aue te faufaa ore oia i haapii i ta’na haapiiraa i te rave‘a
paari, tera râ aue ïa haamaitairaa rahi tei tae ia’na ia vai ana‘e mai te
iteraa mau e eita e nehenehe e ofati i te ture e a ite ai i te maitai no ni‘a
ia taua huru peu ra » (« Basic Concepts of Honesty », New Era, Febuare
1978, 4–5).
■ E vai parau ti‘a ore anei tatou ia ofati ana‘e tatou i te mau ture o te
fenua ? No te aha ?
291

Haapiiraa 31
■ A papa‘i i ni‘a i te tabula papa‘iraa Te ti‘aturi nei matou e, e mea tia i te
taata ia ora ma te parau-tia.
Te ahuru ma toruraa o te mau hiroa faaroo, i papa‘ihia e te Peropheta
Iosepha Semita, tei faahiti, « Te tiaturi nei matou e, e mea tia i te taata
ia ora ma te parau-tia, ... ma te viivii ore, ma te hamani maitai i te mau
taata atoa. » I roto i teie parau e i roto i te tahi atu mau papa‘iraa mo‘a
e rave rahi, ua faaue te Fatu ia tatou ia vai parau ti‘a i roto i to tatou
iho mau oraraa e i roto i ta tatou mau ohiparaa e vetahi ê ra.
■ Eaha te auraa [o te parau] ia vai parau ti‘a ? (O te raveraa ïa i te mea
ta tatou e ite nei e mea ti‘a. Mai te mea, e rave tatou i te mau fafauraa,
e tape‘a tatou i te reira. Mai te mea e tarahu ta tatou, e aufau tatou i te
reira. Te parau ti‘a o te parauraa ïa i te parau mau e te ohiparaa ma te
parau mau roa. Te auraa ra, eita tatou e haavare, e eiâ, e aore râ e ofati
i te mau ture o te fenua. Te auraa ra, eita tatou e faainoino atu i roto i
te mau huru rave‘a atoa).
Te Faufaa o te Parau-ti‘a
E titauhia ia vai parau ti‘a mai te mea e ti‘a ia ora tatou i te evanelia a
Iesu Mesia. Mai te mea ua ite tatou i te parau tera râ aita e ora nei i te
reira, te parau ti‘a ore nei ïa tatou ia tatou iho e i te Atua. No te vai
parau ti‘a e tatou iho e i te Fatu, e ti‘a roa ia haapa‘o tatou i te mau
fafauraa ta tatou i rave. E ti‘a roa ia vai parau ti‘a no te farii i te Varua
Maitai ei hoa no tatou.
Te auraa no te vai parau-ti‘a-raa e tatou iho e i te Atua, oia ho‘i e ti‘a roa
atoa ia vai parau ti‘a tatou e ratou o te haati nei ia tatou. Mai te mea te
na reira nei tatou, e haamaitai mai te Fatu ia tatou e To’na Varua, e e
noaa ia tatou te ti‘aturiraa, te hanahana e te haapa‘o maitai roa no ratou
o ta tatou e amui atu nei. To tatou parau ti‘a e vetahi ê ra e faati‘a ïa ia
tatou ia tavini ia ratou e ia faaohipa puai i to tatou mau piiraa.
■ A tai‘o i te mau huru i muri nei. A aparau ei piha haapiiraa i te mea o
ta outou e rave i roto i te huru tata‘itahi.
Hi‘oraa 1
Te haamana‘o ra o Elder O. Leslie Stone i teie iteraa i tupu : « Aita i
maoro a‘enei, te ratere ra ta maua mootua Adam e te tuahine Stone e vau
nei i California. Fatata i te avatea, ua faaea matou no te tamaa. A afa‘i mai
ai te vahine tuati maa i te parau aufauraa aita vau i haapa‘o maitai roa’tu,
e i muri a‘e i to’na horo‘araa mai i ta‘u moni toe, ua ite au e ua faaaufau
noa oia ia‘u no na faraoa sandwich e piti eita râ e toru. »
■ Eaha te mea ti‘a ia rave ? Mai te mea ua tupu teie ohipa ia outou, nahea
outou ia haapii i ta outou mau tamarii no ni‘a i te vai parau-ti‘a-raa ?
292

Haapiiraa 31
Te parau ra â o Elder Stone :
« Ua ite au e e iti mai [te moni] a teie tamahine i te hope‘a o te mahana,
e ua pura maira i tera taime i roto i to‘u feruriraa teie mana‘o nahea
to‘u metua tane i te haapiiraa ia‘u ia vai parau ti‘a. Ua ite i roto i to‘u
aau e o teie te taime maitai no te parau atu ia Adamu no ni‘a iho i te
parau ti‘a, e no reira ua parahi maua i raro e ua faataa vau i te mea i
tupu. Ua parau vau ia’na e fifi to matou.
« Ua parau vau e, ua nehenehe ia matou ia faaru‘e mai i teie nei e ia
tape‘a te moni toe mai e aita e taata e ite i te taa-ê-raa, e aore râ ua
nehenehe ia matou ia parau atu i te tamahine e, e ti‘a â ia aufau atu
matou ia’na no te hoê atu faraoa sandwich. Ta matou faaotiraa e ere
roa i te mea fifi ia rave no te mea ia faaoti ana‘e matou, ia tape‘a matou
i te moni toe e ere i ta matou, te ofati ra ïa matou i te faaueraa. ‘Eiaha
oe e eiâ.’ Ua tû to matou mana‘o e, e inoino to tatou Metua i te Ra‘i ra
ia matou e eita atoa matou e oaoa no te mea ua ite matou i roto i to
matou aau e, aita matou i vai parau ti‘a.
« Ua haafatata atu maua o Adamu i te tamahine i te vahi aufauraa, e ua
faataa atu vau ia’na e, tei raro mai ta’na faaaufauraa ia matou, e ua fatata
i te hoê tara Marite ta matou e ti‘a ia aufau atu ia’na. Ua vitivi oia i te
haama no te hoê taime noa, e i muri iho ua haamauruuru maira ia
matou no te faaiteraa ia’na no te hape. Ua haere ê atu matou i ni‘a i to
matou haerea e te hoê iteraa maitai i roto ia matou, e ua ite papû vau e
ua faati‘a to tatou Metua i te Ra‘i ra i te mea ta matou i rave. »
Hi‘oraa 2
Te haamana‘o ra o Elder Gordon B. Hinckley : « Aita i maoro a‘enei,
ua tere matou na ni‘a i te pereoo auahi mai Osaka ia Nagoya, i te fenua
Tapone. I te tape‘araa pereoo, tei reira te mau hoa no te farii mai ia
matou, e i roto i te oaoa ua vaiiho to‘u hoa faaipoipo i ta’na pute moni
i ni‘a i te pereoo auahi. »
■ Mai te mea ua iteahia ia outou te pute moni a te tuahine Hinckley,
eaha ta outou e nehenehe e rave ?
Inaha te ti‘aturi ra o Elder Hinckley e, te pae rahi o te mau taata e feia
parau ti‘a ïa, ua « niuniu oia i te tape‘araa pereoo auahi i Tokyo no te
faaite i te reira. Ia tae te pereoo auahi i to’na vahi tape‘araa te tahi toru
hora i muri a‘e, ua niuniu maira te vahi poromu auri no te parau mai e
tei reira te pute moni. Aita matou e ho‘i nei na Tokyo, e ua hau atu i te
hoê ava‘e tei mairi ua faaho‘ihia maira te pute i mua ia matou i Roto
Miti. Te mau mea’toa i vaiihohia i roto i te pute tei roto atoa a faaho-
‘ihia mai ai » (« An Honest Man – God’s Noblest Work », New Era,
Atopa 1976, 47).
293

Haapiiraa 31
■ Eaha ta te Fatu e titau nei ia tatou ia ite ana‘e tatou i ta te tahi atu
tao‘a ?
Ua parau te Fatu, « Mai te mea e ite mai oe i te mea o tei mo‘e atu i to
taata tupu ra, e mata na oe i te paimi atu e tae noa’tu i te taime oe e
faaho‘i faahou atu i te reira ia’na ra » (PH&PF 136:26). Te titau nei te Fatu
ia tatou ia vai parau ti‘a roa. Ia’na, te tahi noa’tu mea aita i vai parau ti‘a
roa e mea ti‘a ore ïa, aita ïa e vai ra taua mea ra ei tuhaa parau ti‘a.
■ Nahea tatou e nehenehe ai e ite eaha te mea parau ti‘a e eaha tei ore ?
A ani i te hoê melo o te piha haapiiraa ia tai‘o Moroni 7:16–17.
■ O vai te vaipuna no te maitai ? Eaha te mau faahope‘araa no te mau
ohiparaa ti‘a ? (Te Maitai, te ti‘aturi i te Mesia, te taviniraa i te Atua).
O vai te vaipuna no te ino ? Eaha te mau faahope‘araa no te mau
ohiparaa ti‘a ore ? (Te ino, te ti‘aturi ore i te Mesia, te hunaraa Ia’na,
te oreraa e tavini i te Atua)
■ A ani i te mau melo o te piha haapiiraa ia aparau i te mau huru i
muri nei. E ti‘a ia faaoti ratou e faatupu anei te taata i te vai parauti‘a-roa-raa.
1. Aita roa o Papa i farii a‘enei te parau aufauraa no te hape i ni‘a i te
poromu. E taata faahoro pereoo maitai oia. E hi‘o maitai noa oia e
e tamata i te haapa‘o i te mau ture atoa no te tereraa pereoo.
2. I ni‘a i te ohipa, ua faaohipa o John i te mau titiro a te taiete no
te faareva i ta’na mau rata i to’na metua vahine i ma’ihia (a hi‘o
PH&PF 42:54).
3. O Jack e o Leo na hoa maitatai roa‘e raua. Te hinaaro nei raua ia
faati‘a i te tahi e te tahi i te tipee noa’tu eaha te ohipa. I muri a‘e i
to te hoê tipeeraa i te tahi mea i to’na taata tupu, e faaho‘i ‘oi‘oi oia
i te reira. (A hi‘o Mosia 4:28 ; PH&PF 136:25).
Te Parau Ti‘a i roto i te Utuafare
Eita te feia i mau i te autahu‘araa e tutava noa ia vai parau ti‘a ratou iho
tera râ, e ti‘a atoa ia haapii atu i ta ratou mau tamarii ia vai parau ti‘a.
Ua parau te peresideni N. Eldon Tanner : « Teie haapiipiiraa i roto i te
parau ti‘a e haamata ïa i roto i te utuafare. Ua farii tata‘itahi tatou i te
mau tao‘a na tatou iho o te ... ore e ti‘a ia rave-noa-hia aore te parau
faati‘araa a te taata fatu. Te tamarii o te faatura i taua parau ti‘a ra i roto
i te utuafare, eita oia e ite ia ofati i te parau tumu i rapaeau i te utuafare.
Taa ê atu i te reira, te oraraa o taua haapiipiiraa ra e faaitoito ïa i te
faatura ore no te mau ti‘araa e te mau tao‘a a vetahi ê » (i roto
Conference Report, Apr. 1978, 64 ; e aore râ Ensign, Me 1978, 44).
294

Haapiiraa 31
■ Eaha ta tatou e nehenehe e rave i roto i to tatou mau utuafare no te
haapii atu e no te faaitoito i te parau ti‘a ?
Ua parau te peresideni Brigham Young :
« Ia vai parau ti‘a. Auê o ratou o te tohu nei ia riro ratou ei Feia Mo‘a e
aita ratou te vai parau ti‘a nei.
« E faahotu te feia aau parau ti‘a i te mau ohiparaa ti‘a » (ia au i tei faahitihia
e Spencer W. Kimball, i roto Faith Precedes the Miracle [1972], 234).
Ia uiui-ana‘e-hia tatou no te farii i te hoê parau faati‘a no te hiero, e
anihia tatou e, te ohipa nei anei tatou ma te parau ti‘a e vetahi ê ra ?
Hoê iteraa i tupu no te hoê melo o te Ekalesia oia te peresideni Ruben
Dario Pacheo no Caracas, i Venezuela, tei faahoho‘a i te huru no te
parau ti‘a i titauhia ia tatou :
Ua hinaaro te peresideni Pacheo e to’na utuafare ia haere i te hiero.
I muri a‘e i te faatusia-rahi-raa e te faaineineraa pae varua, ua imiimi
oia e to’na utuafare i te moni no teie tere roa. Ua tono te peresideni
Pacheo i ta’na tamahine i te fare moni no te tii e 500 tara Marite. Ua
parau oia :
« Ua rave mai to‘u ho‘a faaipoipo i te vehi rata e ua tuu i te reira i te
hoê vahi ma te ore e tai‘o i te moni. Te pô hou te revaraa, ua ani atu
vau i te moni e ite atura vau e ua teiaha te vehi rata tei ore i matauhia.
Ua tai‘o maua i te moni. Ua horo‘a mai ratou na matou e 4,065 tara
Marite. Ua maere au... te faaite ra te parau fariiraa a te fare moni i te
hoê hooraa no te 500 tara Marite ana‘e – te auraa ra ua ere te fare moni
i te tahi 3,500 tara Marite no matou !
« Ua tamata te tahi mau hoa melo ore i tae mai i to matou fare i taua
pô ra ia faaue papû ia matou ia faaohipa i te moni no te faaoaoa i to
matou tere i te Mau Fenua Amui o Amerika. E parau-ti‘a ïa, aita roa
a‘enei au i ite atura i taua moni rahi ra i roto i to‘u oraraa. Area râ, ua
parau puai atura vau, ‘Eita e nehenehe ia matou ia tape‘a i teie moni
no te mea eita i ta matou. Te tumu o to matou tere i te hiero no te
raveraa ïa i te mau fafauraa e te Fatu. Eaha te maitai o te reira mai te
mea eita matou i te feia parau ti‘a’ ? »
« Ua faaho‘i matou i te moni i te fare moni; ua ite ratou e ua mo‘e te
mau moni tera râ aita e parau faataaraa o te faaite nei o vai ma ta ratou
i aufau. Ua ani mai te tahi mau papa‘i parau ia‘u i taua mahana ra,
« No te aha oe i na reira ai ? Aita e taata i ite e tei ia oe ra taua moni ra.’
Ta‘u noa pahono: ‘No te mea e Momoni au’ » (ia au i tei faahitihia e
Mario G. Echeverri, i roto « Venezuela », Ensign, Febuare 1977, 30).
■ Nahea to te utuafare Pacheo faaiteraa i te parau ti‘a ? Eaha i to outou
feruriraa ta te utuafare i ite a taatihia ai ratou i roto i te hiero ?
295

Haapiiraa 31
■ A ani manihini i te mau melo o te piha haapiiraa ia faaite i te tahi o te
mau hoho‘a i tupu noa iho nei no te parau ti‘a ta ratou i ite e aore râ i
hi‘o mata atu.
Te Mau Haamaitairaa no te Parau Ti‘a
E farii tatou i te mau haamaitairaa ia vai parau ti‘a ana‘e tatou e vetahi
ê, ia tatou iho, e i te Fatu. Te vai nei te tahi o teie mau haamaitairaa i
muri nei :
E Faatupu Tatou i te Ti‘aturiraa
E ti‘aturi te tahi mau taata ia tatou ia vai parau ti‘a ana‘e tatou. E ite
ratou e e nehenehe ratou e haere mai ia tatou nei no te tauturu e no te
arata’i. Ua faaite o Elder Spencer W. Kimball i taua huru taata ra :
« I ni‘a i te hoê o te mau tere i te Oire Mexico, ua anihia vau e te hoê
o te mau peresideni o te t¥t¥ ia faatoro‘a i te hoê episekopo o tei piihia.
Ua oaoa vau i te raveraa i te reira. Ua haere mai te peresideni e te
episekopo i pii-apî-hia i to‘u piha e ua paraparau matou e ua
haamatau. Mai te au i ta‘u haamana‘oraa i te reira, teie taata na’ina’i
tera râ hi‘oraa rahi ua faaitehia mai oia ei Initia Aztec i roto i te toto
atoa. Teie ihoa farereiraa, ua faaoaoa rahi ïa ia‘u mai te mea ua vai noa
ihoa taua anaanatae taa ê ra i roto ia‘u no te mau Initia.
« Ua faaitehia vau no ni‘a ia’na e no to’na utuafare e ta’na ohipa. E au ra,
ua faaohipahia oia e te hoê taata e ohipa imiraa moni rahi, e ua ti‘aturihia
to matou episekopo apî no te haapa‘oraa i te mau buka tapa‘oraa faufaa.
Ua faaoti te taata fatu ohipa ia tere raua o ta’na vahine faaipoipo i Europa
no te hoê faafaearaa ohipa e au ra ua faaroahia, e ua niuniu i teie taea‘e
here e ua faaho‘i atu i te hopoi‘a atoa ia’na ra e ua ite oia iho e o teie te
hoê ana‘e o te mau rave ohipa o ta’na i ti‘aturi tei rava’i no te faaho‘i atu
i ta’na mau buka tapa‘oraa faufaa o te fare moni.
« A tuu ai matou i to matou mau rima i ni‘a i te upoo o teie taata apî,
ua oru maira to‘u aau i te te‘ote‘o e ua haamauruuru vau i te Fatu no te
mau tane o tei ti‘aturihia, no te mau tane o tei nehenehe ia faauruhia te
ti‘aturi e te aroha » (i roto Conference Report, Amuiraa Area no te Oire
Mexico City [Area Conference] 1972, 32).
■ Eaha te faufaa no te riroraa ei taata ti‘aturihia e te mau hoa, te mau
taata e amuihia’tu e te feia rave ohipa ? e te Fatu ho‘i ?
Te aamu i muri nei, tei faati‘ahia e te tamaiti a te hoê o te feia omua,
e faahoho‘a ïa i te hau o te aau e te ti‘aturi ia vetahi ê no tatou ia vai
parau ti‘a ana‘e tatou e ratou. « I te hoê mahana, ua tono to‘u metua
tane ia‘u ia taui atu i te hoê puaahorofenua e te hoê Raatira Initia
Navajo paari. E taata iti na’ina’i au e ua haere au na ni‘a i te puaahorofenua,
ma te arata’i atu i te puaahorofenua ia tauihia. Ua haere maira te
296

Haapiiraa 31
raatira i rapaeau e ua haapou ia‘u i ta‘u puaahorofenua. Ua faaite au e
te hinaaro ra to‘u metua tane ia‘u ia taui te puaahorofenua no te tahi
mau paraitete. Ua afa‘i maira i rapaeau ehia rahiraa paraitete nehenehe,
tera râ, mai ta to‘u metua tane i faaite ia‘u no te haapapû e no te
raveraa i te tauiraa maitai, ua taueue au i to‘u upoo e ua parau atu vau
e te hinaaro nei au ia farii i te tahi atu â. Ua hopoi maira i muri iho e
piti ahu iri puatoro oviri e te tahi atu rahiraa paraitete e i te pae hope‘a,
i to‘u mana‘oraa e ua rave maitai au i ta‘u ohipa, ua rave maira i te
potaro i ni‘a i te puaahorofenua e ua haamata i te ho‘i i te fare. I to‘u
horo‘araa i te mau paraitete i to‘u ra metua tane, ua iriti ihora i te reira,
hi‘o ihora i te reira, e i muri iho ua haamata i te faataa ê i te reira. Ua
tuu oia i te paraitete te tahi i ni‘a i te tahi i roto i te potaro e ua faaoti i
te reira, e ua parau maira ia‘u ia paiuma i ni‘a i te puaahorofenua e ia
faaho‘i i te reira potaro e ia parau i te raatira ua rahi roa ta’na i horo‘a
mai. I to‘u taeraa’tu, ua rave atura te raatira paari i te reira e ua ata
maira. Ua parau oia, ‘Ua ite au e ho‘i mai oe, ua ite au eita o Jacob e
tape‘a rahi roa; ua ite oe o Jacob to matou metua tane e metua atoa no
oe’ » (faati‘ahia e Le Roi C. Snow, « Honesty Means Character », i roto
Preston Nibley, haaputuhia, Inspirational Talks for Youth [1941], 101).
Te Faaoaoa nei Tatou i te Atua
Te faaoaoa nei tatou i te Atua ia vai parau ti‘a tatou. Ua faaite o Elder
Howard W. Hunter nahea te parau ti‘a ia faaoaoa i te Atua e ia
haamaitai ia tatou : « Te vai nei te popou o te tae mai i te hoê na roto
mai i te vai parau ti‘a. E faaite atu vau nahea. Na roto i teie rave‘a, e
nehenehe outou e farii i te hoaraa o te Fatu e e nehenehe outou e farii i
te Varua o te Varua Maitai. Te mau ofatiraa no te ture o te parau ti‘a e
iriti ïa ia outou i teie na haamaitairaa rahi. Ua nehenehe anei ia outou
ia ti‘aturi e te hoê taata o te haavare e aore râ o te haavarevare... ua
nehenehe ia’na ia farii i te hoaraa o te Fatu e aore râ ia farii i te Varua
o te Varua Maitai ? » (New Era, Febuare 1978, 5).
Te faaoaoa ore nei te feia i mau i te autahu‘araa i te Atua ia ore te parau
ti‘a ia ratou. Eita e nehenehe i te hoê taata e aore râ te hoê tamaroa parau
ti‘a ore ia ti‘a atu ei taata parau ti‘a, ma te here mau no te Atua.
Te Iteraa i te Maitai no ni‘a ia Tatou Iho
Ia vai parau ti‘a ana‘e tatou, e ite tatou i te maitai no ni‘a ia tatou iho.
■ Nahea te vai parau ti‘a i te faarahi i to tatou faatura ia tatou iho ?
E faatura to te taata parau ti‘a ia’na iho. Aita ta’na e mea no te huna e e
nehenehe oia ia hi‘o i roto i te mata o te hoê noa’tu taata. Te hoê ra taata
parau ti‘a ore, e ite i te faufaa ore, te haamâ, e te taiâ pinepine. E e ti‘a
mau â [ia haamâ], no te mea eita roa te parau ti‘a ore e haere noa e ore ai
e iteahia. Ua ani o Elder Howard W. Hunter : « E mana‘o oe e nehenehe
297

Haapiiraa 31
oe e vai hoê noa ia rave oe i te hoê ohipa parau ti‘a ore ? E mana‘o oe e
nehenehe oe ia vai ite-ore-hia ia haavarevare oe i roto i te hoê haruraa
parau, noa’tu e o oe ana‘e ra te taata i reira i roto i te piha ? » (New Era,
Febuare 1978, 5).
Te Faaitoito [influene] Ume nei Tatou ia Vetahi ê no te Maitai
E mana maitai to tatou parau ti‘a i ni‘a ia vetahi ê ra. Ua faaite te peresideni
Spencer W. Kimball no te hoê taime te faaitoito ra te hi‘oraa
maitai o te hoê melo i te hoê melo ore :
« I ni‘a i te pereoo auahi na New York mai no te haere i Baltimore, ua
parahi matou i roto i te pereoo tamaaraa e te hoê taata ohipa imiraa
faufaa o ta matou i faaô ia matou i roto i te aparauraa.
« Ua tae anei outou i Roto Miti ? E faaroo anei outou i te P∂p∂ Himene
Rahi a te Fare Menemene ? E ua arata’i ihoa ïa teie mau uiraa ia matou
i roto i te mau uiraa piru. ‘Eaha te rahi ta oe i ite no ni‘a i te Ekalesia e
ta’na parau haapiiraa, te mau faaohiparaa, e te mau taata ?’
« ‘Maa vahi noa ta‘u i ite no te Ekalesia »,ta’na i parau mai, ‘tera râ
ua matau vau hoê o to’na mau taata.’ Te patu ra oia i [te mau fare] i
New York. Te vai nei hoê ohipa paturaa i raro a‘e [ia’na] na‘u’, ta’na i
tamau i te parau. ‘No to’na parau ti‘a rahi e te pora‘o ore rahi aita roa
vau e ani ia’na ia horo‘a i te moni no te hoê ohipa. O oia te varua no te
hanahana. Mai te mea, o tera te huru o te mau taata Momoni mai teie
taata, te hinaaro nei au ia ite no ni‘a i te hoê Ekalesia o te faatupu i
taua mau huru taata hanahana ra.’ Ua vaiiho matou i te mau buka rii
tai‘oraa e ua tono i te mau misionare i New York no te poro atu ia’na »
(i roto Conference Report, Amuiraa Area i te Oire Mexico 1972, 30).
Te Faahope‘araa
Ua faaue te Fatu ia tatou ia vai parau ti‘a. No reira, e ti‘a roa ia taa
maitai roa tatou i roto i te parau ti‘a e te mau ohiparaa parau ti‘a ore.
E ti‘a roa ia faaohipa tatou i te mau mana‘o, te mau parau e te mau
ohiparaa parau ti‘a i roto i to tatou mau utuafare, i roto i to tatou mau
taata tupu, e te Ekalesia. E ti‘a roa atoa ia haapii atu i ta tatou mau
tamarii i te parau ti‘a. Mai te mea e rave tatou i teie mau mea e farii ïa
tatou i te hoê mana‘o haava teatea, te hau o te mana‘o, te hoê iteraa o
te aau no te faufaa o te taata iho, e te hoaraa o te Varua Maitai.
■ A tai‘o Mosia 4:30. Eaha ta te Arii Beniamina e faaara nei ia tatou ia
rave ?
■ Mai te mea te ite nei outou i roto i te aau e te faauruhia nei no te rave
i te reira, a faaite i to outou iteraa papû no te parau tumu o te parau
ti‘a.
298

Haapiiraa 31
Te Tamataraa
I roto i te hebedoma i haere mai nei, a hi‘opo‘a i to outou mau mana‘o,
te mau parau, e te ohiparaa no te tamata i to outou parau ti‘a. A imi i
te tauturu a te Fatu ia parau no te parau mau e a ohipa ma te parau
mau roa.
Te mau metua tane : A paraparau e ta outou vahine no te imiraa i te mau
rave‘a ia haapii atu i ta outou mau tamarii i te parau ti‘a.
Te feia apî tane : A faaoti i teie nei ia vai parau ti‘a e to outou mau metua
e te feia faatere o te Ekalesia e ia haapa‘o i te mau ture a te Atua e o te
fenua.
Te Tahi atu Mau Papa‘iraa Mo‘a
■ Exodo 20:15–16 (e faaueraa ia ore e eiâ e aore râ ia faaite i te iteraa
hape)
■ Alama 27:27 (te mau taata o Amona, e feia parau ti‘a maitai roa e te
afaro)
■ 3 Nephi 1:22 (ua tono Satane i te mau haavare no te haamou i te
faaroo tera râ aore i upooti‘a rahi)
■ Te Parau Haapiiraa e te Mau Parau Fafau 42:20–21 (faautu‘araa no te
feia eiâ e te feia haavare)
■ Te Parau Haapiiraa e te Mau Parau Fafau 51:9 (e ohipa te taata atoa i
te parau ti‘a)
■ Te Parau Haapiiraa e te Mau Parau Fafau 97:8 (te farii nei te Fatu ia
ratou tei parau ti‘a, tei oto te aau, e tei haapa‘o)
■ Te Parau Haapiiraa e te Mau Parau Fafau 98 »10 (a imi e a tape‘a
maite i te mau tane parau ti‘a e te paari)
Te Faaineineraa a te Orometua Haapii
Hou a faaite ai i teie haapiiraa :
1. A hi‘o faahou i Te Mau Parau Tumu no te Evanelia pene 31, « Te
Parau Ti‘a. »
2. A faaue i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a, e aore râ te mau faahitiraa parau
ta outou e hinaaro nei.
299

300
TE VIIVII ORE [MÂ]
O TE MANA‘O
Haapiiraa 32
Te tumu o teie haapiiraa no te tauturu ïa ia tatou ia haapuai i ta tatou
fafauraa ia farii i te mau mana‘o viivii ore.
Te Omuaraa
Ua faaite te peresideni Spencer W. Kimball i te aai i muri nei no te
faahoho‘a nahea te mau mana‘o viivii ore e te oraraa ti‘a ia ohipa i ni‘a
ia tatou :
« Ua arata’i o Lord George i te hoê oraraa ino. Ua riro na oia ei taata
inu ava, e taata pere moni, e ei taata haavarevare i roto i te ohipa
imiraa faufaa, e ua faahi‘o to’na hoho‘a mata i te oraraa ta’na i arata’i
mai. E hoho‘a mata ino roa ïa.
« I te hoê mahana, ua ite i te here i te aau e te hoê tamahine iti no te
mataeinaa ta’na i ani no te faaipoipo. Ua parau o Jenny Mere ia’na eita
roa oia e faaipoipo i te hoê taata to’na hoho‘a mata e mea iriâ e e
hoho‘a ino roa, e oia’toa ia faaipoipo ana‘e oia i te hoê taata ei hoho‘a
mata marû ïa mai to te taata mo‘a ra, o te hi‘o ïa no te here mau.
« Na roto i te peeraa i te hoê peu o te mahana, ua haere atura o Lord
George i te fare o Mr. Aeneas... Te hamani ra o Aeneas i te mau tapo‘i
mata i te mori hinu no te mau taata, e no to’na aravihi no te ohipa
rima’i maitai roa ua huna-roa-hia te iho tumu o te hoê taata... Ua haere
atura o Aeneas i ta’na piha haaputuraa taihaa, ma’iti a‘era i te hoê
tapo‘i mata, faaahu ihora i te reira i ni‘a i te hoê mori lamepa, faatanotano
a‘enei no te hoho‘a mata o Lord George, e i to Lord George
hi‘oraa i roto i te hi‘o, e hoho‘a mata to’na no te hoê taata mo‘a o tei
here roa te aau. No reira ua monohia a‘era ïa to’na hoho‘a mata e ua
faati‘a ‘oi‘oi ihora o Jenny Mere ia riro mai oia ei vahine na’na.
« Ua hoo maira hoê fare na’ina’i i te mataeinaa, fatata i te huna-atoahia
i raro a‘e i te hoê tapo‘i no te mau amaa roti, e te hoê aua tiare iti
na’inai. Mai reira atu ua taui to’na oraraa atoa. Ua riro maira oia ei
taata anaanatae i roto i te natura; ua iteahia te mau a‘oraa e te mau

Haapiiraa 32
haapiiraa i roto i te mau mea’toa e haati ra ia’na. Na mua a‘era, ua fiu
ïa e aita e anaanatae no’na te oraraa; i teie nei râ, ua faarahihia ïa i roto
i te maitai, e i roto i te ao e haati ra ia’na.
« Aita oia i mauruuru e te haamata-apî-raa i te oraraa, tera râ ua
tamata i te rave i te mau tauiraa no te oraraa i mahemo. Na roto i te
hoê notera i ti‘aturihia, ua faaho‘i i te moni e te tahi atu mau tao‘a i
noaa ino mai ia ratou ta’na i haavare. Ua afa‘i mai te mahana tata‘itahi
i te mau haamaitairaa i to’na huru, hau atu te mau mana‘o nehenehe
no to’na varua.
« No te hoê hape iti, ua iteahia to’na iho tumu e to’na mau hoa i mua
a‘era. Ua haere maira ratou e hi‘o ia’na i roto i ta’na aua tiare, e ua titau
u‘ana ia’na ia ho‘i faahou i to’na oraa ino i tahito ra. I to’na pato‘iraa,
ua taparahihia oia, e ua mahae a‘era te tapo‘i mata i to’na hoho‘a mata.
« Ua faatautau ihora i to’na upoo. Tei ô nei te hope‘a o te mau mea’toa;
tei ô nei te hopea o to’na oraraa-itea-apî-hia mai e ta’na moemoeâ no te
here. A ti‘a ai oia ma te upoo i pi‘o, e te tapo‘i mata i to’na avae i ni‘a i
te matie, ua horo maira ta’na vahine faaipoipo na te tahi pae mai o te
aua tiare e ua tuturi ihora i mua ia’na. A hi‘o atu ai oia i ni‘a ia’na, eaha
ta outou e mana‘o nei ta’na i ite atu ? Reni i ni‘a i te reni, hoho‘a no te
hoho‘a, hoê â te hoho‘a mata i to te tapo‘i mata.Te mau reni no te nehenehe
– te mau hoho‘a tano maitai. »
Ua faaoti ihora te peresideni Kimball i te aamu, ma te parau, « Aita e
vai te feaa, oia ho‘i te oraraa ta te hoê taata e arata’i nei, e te mau
mana‘o ta te hoê taata e mana‘o nei, ua tapa‘ohia ïa ma te ohie roa i
ni‘a i to’na hoho‘a mata » (ia au i tei faahitihia i roto Conference
Report, Eperera 1975, 119–20; e aore râ Ensign, Me 1975, 80–81).
E Arata’i to Tatou Mau Mana‘o i te Mau Ohiparaa
■ Nahea to tatou mau mana‘o ia ohipa i ni‘a i ta tatou mau ohiparaa ?
E haapuai rahi roa to tatou mau mana‘o i ta tatou mau ohiparaa. Mai
te mea te mana‘o nei tatou i te mau mana‘o ti‘a, e rave tatou i te mau
ohiparaa ti‘a. Mai te mea e mana‘o tatou i te mau mana‘o ino, e rave
ihoa ïa tatou i te mau hara ta tatou e mana‘o nei.
Ua parau pinepine te peresideni David O. McKay no te ohipa ta te
mau mana‘o e vai i ni‘a i ta tatou mau ohiparaa. I roto i te hoê taime,
ua parau oia : « Te riro nei te mau mana‘o ei mau huero no te mau
ohiparaa, e na mua mai te reira... Te hinaaro e te tautooraa tamau a te
Faaora o te tanuraa ïa i roto i te feruriraa te mau mana‘o ti‘a, te mau
faaitoitoraa viivii ore, te mau peu faahiahia, ma te ite maitai roa e, te
mau parau ti‘a e te mau ohiparaa e pee papû mai ïa » (Stepping Stones
to an Abundant Life, haaputuhia e Llewelyn R. McKay [1971], 206).
301

Haapiiraa 32
Te tamaiti a te hoê peropheta rahi, o Nephi tei imi ia farii i te heheuraa,
mai to’na metua tane te huru. Ua haamauruuruhia to’na parau ti‘a, e ua
riro mai ona iho ei peropheta no to’na mau taata.
■ Eaha ta Nephi i rave o tei tauturu ia’na ia vai parau ti‘a ?
Ua horo‘a o Nephi ia tatou te hoê rave‘a nahea oia i nehenehe ai ia ora
ma te parau ti‘a a papa‘i ai oia :
« No te mea ua au to‘u varua i te mau parau mo‘a i papa‘ihia ra, e te
feruri nei to‘u aau i te reira e te papa‘i nei ho‘i i te reira ei haapiiraa e
ei faufaa na to‘u mau tamarii.
« Inaha, te popou nei ta‘u varua i te mau mea o te Fatu ; e te feruri noa
nei â ta‘u aau i te mau mea ta‘u i hi‘o e ta‘u i faaroo ra » (2 Nephi
4:15–16).
Ua faaite te peresideni David O. McKay i te aamu i muri nei :
« E rave rahi matahiti i mairi a‘enei, ua haere maira te hoê taata apî
ia‘u ra a riro ai au ei peresideni no te Misioni Europa e ua fa‘i maira no
te hoê ohiparaa hape e te hara. Ua faatanotano ihora ia’na iho na roto
i te parauraa e ua tupu te reira i roto i te hoê fare toa i te hora tapiriraa,
e i te taime te uputa i ponaohia ai, ua vaiiho ia’na i te faahemaraa.
Ua faahapa ra oia i te mau huru tupuraa no to’na hi‘araa.
« Tera râ. Ta‘u i parau atu, E ere no te mau huru tupuraa ; e ere no te
uputa i ponaohia, e ere no te aratoraa. Ua feruri ra oe i te reira hou a
haere ai oe i taua fare toa ra. Ahiri aita roa oe i mana‘o noa’tu no taua
ohiparaa ra, aore ïa e vai mai te huru tupuraa tei rava’i te puai no te
arato e aore râ no te faahema ia oe, te hoê misionare, no te hi‘a’tu. E na
mua tamau noa te mana‘o i te ohiparaa » (« Cleanliness Is Next to
Godliness », Instructor, Mati 1965, 86).
Ua papa‘i o James Allen i te hoê taime :
« Mai te huru ra te feruriraa o te taata i te hoê faaapu maa o te nehenehe
e faaapu-maramarama-hia e aore râ o te faati‘ahia ia tupu etene
noa, tera râ ia faaapuhia e aore râ ia tau‘a-ore-hia, e ti‘a roa, e e tupu
mai ihoa ïa. Mai te mea eita i te mau hueru faufaa tei tuuhia i roto i te
reira, e topa ïa te hoê rahiraa huero aihere faufaa ore i roto i te reira,
e e tamau i te faahotu i to ratou ra huru.
« Mai ta te taata faaapu maa e faaapu i to’na vahi, ma te haapa‘o ia ore
te aihere, e te faatupuraa i te mau tiare e te mau maa hotu o ta’na e
titau, mai te reira atoa te taata ia haapa‘o i te faaapu o to’na feruriraa,
ma te utaru i te mau mana‘o hape atoa, faufaa ore e te viivii, e a faaapu
ai i te maitai-roa-raa o te mau tiare e te mau maa hotu no te mau
mana‘o ti‘a, faufaa e te viivii ore. Na roto i te tamauraa i teie raveraa,
302

Haapiiraa 32
e ite ‘oi‘oi te taata e aore râ e ite i muri a‘e e, o oia te fatu faaapu o
to’na varua, te taata faatere no to’na oraraa. E maramarama
atoa... oia, ma te afaro tei tupu rahi e amuri noa’tu, nahea te mau puai
o te mana‘o e te mau tuhaa o te feruriraa ia ohipa i roto i te hamaniraa
o to’na huru, te mau huru tupuraa, e te vahi hopea » (As a Man
Thinketh [1983], 15).
■ Eaha ta tatou e rave no te farii i te hoê faaapu o te horo‘a i te mau
maa e te mau tiare maitatai ? Eaha ta tatou e rave mai te mea e
faahotu mai ta tatou faaapu i te mau aihere ?
■ Eaha ta tatou e ti‘a roa ia rave no te farii i te hoê feruriraa o te arata’i
ia tatou i te mau ohiparaa maitatai ? Eaha ta tatou i rave mai te mea
te arata’i nei to tatou feruriraa ia tatou i te mau ohiparaa ino e aore
râ faufaa ore ?
Ua parau o Elder Bruce R. McConkie, « Mai te mea te haapapû nei i
roto i to tatou mau aau no te mau mea o te parau ti‘a, e riro mai ïa
tatou ei feia parau ti‘a » (i roto Conference Report, Atopa 1973, 56 ;
e aore râ Ensign, Tenuare 1974, 48). A parau ai i te tahi atu rave‘a,
« Te parau maira te Fatu e, E ore oia e parahi i roto i te hiero viivii,
te parahi ra oia i roto i te aau o te feia parau ti‘a » (Alama 34:36). Ia
viivii ore ana‘e to tatou mau mana‘o, e parahi mai te Varua o te Fatu i
pihaiiho ia tatou; e mai te mea te parahi nei te Varua Maitai i pihaiiho
ia tatou, e tamâhia ihoa ïa to tatou mau oraraa.
Te Tape‘araa i te Mau Mana‘o Viivii Ore
Aita i rava’i noa i te tape‘araa i to tatou mau feruriraa ia ti‘amâ i te ino
mai te mea e ti‘a ia riro mai tatou mai te Mesia ra te huru. E ti‘a ia
tape‘a maite i to tatou mau feruriraa ia î i te mau mana‘o ti‘a.
■ A ani i te hoê melo o te piha haapiiraa ia tai‘o Philipi 4:8. Eaha ta
Paulo e faaite nei ia tatou ia mana‘o atu ? (A tabula te mau pahonoraa
i ni‘a i te tabula papa‘iraa. E neenehe e faaô mai i roto i te mau
pahonoraa mai te mau mea atoa e parau mau, te parau ti‘a, te afaro,
te viivii ore, te nehenehe, no te parau faataaraa maitai, te viritu, e
aore râ te faufaa ia arue atu).
Te taime atoa e nehenehe tatou, e ti‘a ia mana‘o tatou no ni‘a i te mau
parau mau o te evanelia. Hoê o te mau rave‘a maitai roa‘e no te rave i
teie maoti te tape‘araa i te fafauraa ta tatou e fafau ia rave ana‘e tatou i
te oro‘a mo‘a : ia haamana‘o noa i te Faaora.
I te taime e melo te peresideni Spencer W. Kimball no te P∂p∂ o te Tino
Ahuru Ma Piti, ua parau oia : « Ia hi‘o ana‘e outou i roto i te ditionare
no te parau faufaa roa‘e, ua ite anei outou eaha te reira ? E nehenehe te
parau ‘haamana‘o.’ No te mea o outou atoa ua rave i te mau fafauraa –
303

Haapiiraa 32
ua ite outou eaha te rave e ua ite outou nahea ia rave i te reira – to
tatou hinaaro rahi roa‘e o te haamana‘o ïa. No reira ïa e haere ai te mau
taata atoa i te pureraa oro‘a i te mahana Sabati atoa – no te rave i te
oro‘a mo‘a e no te faaroo i te mau tahu‘a ia pure oia ho‘i ia ... haamana‘o
tamau noa [ratou] ia’na e ia haapa‘o i ta’na mau faaue tei horo-
‘ahia ia ratou ra’ (Circles of Exaltation, [address delivered at seminary
and institute summer school [a‘oraa i horo‘ahia i te haapiiraa o te tau
mahanahana no te haapiiraa evanelia seminaire e institut], Brigham
Young University, 28 Tiunu 1968], 8).
■ Nahea tatou ia haamana‘o noa i te Faaora ?
Ua horo‘a te peropheta rahi Alama i te a‘o paari i ta’na tamaiti ia
Helamana o te nehenehe e tauturu ia tatou ia haamana‘o noa i te
Faaora.
■ A ani i te hoê melo o te piha haapiiraa ia tai‘o Alama 37:35–37. Nahea
te arata’iraa tamau o to tatou mau mana‘o i te Fatu e nehenehe ai e
tauturu ia tatou ? (E nehenehe tatou e faaruru i te faahemaraa e ia
faatupu i te faaroo rahi a‘e, te haapa‘o, te tia‘i, e te here). Nahea te
pure e nehenehe ai e tauturu ia tatou ia tape‘a i to tatou mau mana‘o
e te mau ohiparaa ia viivii ore ?
Te haati nei te mau mana ino ia tatou i roto i te ao nei, e te faaohipa nei
Satane ia ratou no te tamata ia arato ia tatou. Noa’tu râ, e nehenehe
tatou e rave rahi no te aro atu ia’na mai te mea e ape tatou i te faaroo
atu e i te tai‘o e aore râ i te hi‘o atu i te mea ino. Ua haamaramarama
o Elder J. Thomas Fyans i teie parau tumu na roto i te faaohiparaa i te
mau anavai o Amerika Apatoa no te faahoho‘a e mea nahea to tatou
mau mana‘o i te faaohipahia e te mea o ta tatou e tai‘o nei e aore râ e
ite nei :
« Hoê hoho‘a anaanatae no ni‘a i [te mau anavai o Amerika Apatoa] o
to ratou mau û huru rau. Te Madeira, ei hi‘oraa, ua piihia ei anavai
uouo no te mea te hopoi nei ta’na mau pape i te mau materia araea
maitai i roto i to’na haerea. Te û ereere o te Rio Negro no roto mai ïa i
te mau materia e pê nei tei ohihia mai i roto i te mau uru raau ta’na e
haere nei na roto. Te tahe noa ra â te tahi atu mau anavai i ni‘a i te mau
one uouo e, e mea pinepine e fâ mai te mau ofa‘i anaana matie e aore
râ ninamu matie.
« Mai teie ihoa mau anavai tei taui-haere-hia te û e te mau mea i ohihia
a tahe ai ratou na roto i te reira, mai te reira atoa te mau pihaa o to
tatou mau mana‘o i te taui-haere-hia te û e te materia na roto i te reira
tatou i te faatahe atu » (i roto Conference Report, Buenos Aires Area
Conference 1975, 28).
304

Haapiiraa 32
■ Nahea te hoê feruriraa e riro ai mai te huru ra o te hoê anavai ? (Mai
te hoê anavai ihoa ïa tei taui-haere-hia te û e te mea e tano atu, to
tatou atoa mau feruriraa e tauihia ïa e te mea ta tatou e tai‘o, e hi‘o
atu, e aore râ e faaroo nei).
■ Eaha te mau mea ino ta Satane e faaohipa nei no te tamata ia arato i
to tatou mau mana‘o ? (Te mau hoho‘a faufau; te mau taata viivii e
faufau; te parau ino; e te tahi mau huru o te pehe, te ori, e te faaarearearaa)
E ti‘a ia ape tatou i te mau mea’toa o te faatupu i te mau mana‘o ino e
o te haamou i to tatou huru varuaraa. E mea fifi teie no te mea te ora
nei tatou i roto i te hoê ao tei î i te ino. Ia tomo mai te hoê mana‘o viivii
e aore râ ino i roto i to tatou mau feruriraa, e tia ia ti‘avaru i te reira i
tera ihoa taime.
Ua faataa mai o Elder Boyd K. Packer no te hoê rave‘a ta tatou e nehenehe
e aro i ni‘a i te mau mana‘o ino :
« Mai te tahua hautiraa te feruriraa – Tei ni‘a tamau noa te paruru maoti
ia taoto ana‘e tatou. Te vai tamau noa ra te tahi ohiparaa tei ravehia i
ni‘a i te tahua hautiraa. E nehenehe ei hautiraa arearea, ei hautiraa ati
ino, anaanatae e aore râ morohi, maitai e aore râ ino, tera râ te vai
tamau noa ra te tahi ohiparaa e hautihia ra i ni‘a te tahua hautiraa o
te feruriraa.
« Ua ite atu anei outou e, aore ana‘e te tahi noa’tu hinaaro mau i ta
tatou tuhaa, i roto i te ropuraa fatata o te huru faaiteiteraa atoa, e nehenehe
te hoê mana‘o iti haamarumaru e tomo mai na roto mai i te mau
pererau e, e ume ai i to outou mata ? ...
« Mai te mea e faati‘a outou ia haere noa, te mau mana‘o atoa no te
viritu noa’tu te huru e faarue mai ïa i te tahua hautiraa. E vaiihohia
mai outou no te mea ua faati‘a outou i te reira, i te mana o te mau
mana‘o ti‘a ore. Mai te mea e ani outou i te reira, e hauti mai â ratou
no outou i ni‘a i te tahua hautiraa no to outou feruriraa noa’tu eaha
te huru i te taoti‘araa o ta outou e e farii ... E nehenehe te reira e hauti
mai i te hoê tumu parau no te inoino rahi, te pohehae, e aore râ te hae
u‘ana. E nehenehe te reira e riro ei mea parau ino, ei mea viivii e tae
noa’tu i te mea faufau roa…
« Eaha ta outou e rave i te hoê taime mai te reira te huru ?
« E haapii au ia outou i teie mea : ma’iti mai roto mai i te mau pehe
mo‘a a te Ekalesia te hoê himene au roa, hoê e mau parau o te faateitei
e te pehe o te faaite i te faatura, hoê o te faatupu i roto ia outou te tahi
mea hoê â e te faaururaa. A faaroo faahou i te reira ma te haapa‘o
305

Haapiiraa 32
maitai i roto i to outou feruriraa. A tamau aau i te reira. Noa’tu â aita
outou i farii i te haapiipiiraa no te pehe, e nehenehe outou e feruri na
roto atu i te hoê himene.
« I teie nei, a faaohipa teie himene ei vahi no to outou mau mana‘o ia
haere. A faariro i te reira ei taheraa no te ohipa rû no outou. I te taime
atoa e ite outou i teie mau taata hauti haamarumaru tei ô mai na roto
mai i te mau reni hiti o to outou mana‘o i ni‘a i te tahua hautiraa o to
outou feruriraa, a tuu teie pehe, i te vahi tei reira.
« A haamata ai te pehe e a puta ai te mau parau i roto i to outou feruriraa,
e hee ê te mau mana‘o faufaa ore ma te haamâ. E taui te himene i
te huru taatoa i ni‘a i te tahua hautiraa o to outou feruriraa. No te mea
te faateitei nei e te tamâ nei, e ore atu te mau mana‘o faahaehaa, no te
mea, eita te viritu na roto i te ma’itiraa, e amui atu i te mea hairiiri, eita
e nehenehe e faati‘a i te ino i te vahi e mori...
« Ia ite ana‘e mai outou ia faateatea i te tahua hautiraa o to outou feruriraa
i te mau mana‘o mâ ore, a tape‘a i te reira ia ohipa noa e te mau
mea faufaa no te haapii mai. A taui te huru o to outou vahi ia nehenehe
ia farii i te mau me‘a no ni‘a ia outou iho o te faauru i te mau mana‘o
maitai e te faateitei. A tape‘a faaohipa noa e te mau mea e parau ti‘a »
(Teach Ye Diligently [1975], 46–47).
■ Eaha atu ta tatou e nehenehe e rave no te faatahe i to tatou mau
mana‘o ? Ia pure ; ia faahiti i te hoê pehe faateitei [te feruriraa], te
papa‘iraa mo‘a, e aore râ te mana‘o; e aore râ ia mana‘o no ni‘a i te
hoê iteraa mo‘a i tupu e aore râ te hoê vahi)
■ No te aha e mea faufaa ia ti‘avaru i te mau mana‘o ino i te taime ihoa
e tomo mai ratou i roto i to outou mau feruriraa ?
E ti‘a roa ia faaapu i te mau mana‘o mâ, ti‘a mai te mea e ti‘a ia ite
tatou i te oaoa mau. « Aita te oaoa mau e ti‘aturi i ni‘a i te mau mea
no rapaeau... Te huru o te oaoa o te faaea mai i roto ia tatou o te oaoa ïa
o te pihaa mai roto mai i te mau mana‘o e te aamu aehuehuraa no roto
mai ia outou... E ti‘a roa ia faaapu i roto i to outou feruriraa mai te mea
te hinaaro nei outou ia faatae roa i te oaoa no amuri atu. E ti‘a roa ia
horo‘a outou no to outou feruriraa i te mau mana‘o e te mau titauraa
anaanatae. No te mea e tupu mai te hoê feruriraa maa ore i te ha‘umani
e eita e nehenehe e faaoroma’i ona iho. E imi te hoê feruriraa maa ore i
te popou ei mono no te oaoa » (William Lyon Phelps, faahitihia e
Harvey Fletcher, The Good Life [1961], 137).
■ A tai‘o Salamo 1:1–3.
306

Haapiiraa 32
Te Faahope‘araa
Na to tatou mau mana‘o e aratô i ta tatou mau ohiparaa. E arata’i te
mau mana‘o e te mau hinaaro viivii ore i te oraraa ti‘a. E faatupu te
mau mana‘o ino ia ere tatou i te Varua o te Fatu e e nehenehe e arata’i
ia tatou ia rave i te ino.
No te tape‘araa ia mâ to tatou mau feruriraa, e ti‘a ia tutava tamau noa
tatou ia mana‘o no ni‘a i te mau mea no te Atua. E ti‘a ia feruri maite
no te mau parau mau o te evanelia e ia pure tamau noa. A rave ai tatou
i teie mau mea, ua fafauhia ia tatou te mau haamaitairaa rahi. Ua fafau
mai te Fatu : « E ia faaunauna noa te taiata ore i to outou mau feruriraa
i te mau taime atoa, ei reira to outou tiaturiraa e puai roa ai i mua i te
aro no te Atua... E, e riro te Varua Maitai ei apiti no outou i te mau
taime atoa » (PH&PF 121:45–46).
E nehenehe tatou e tape‘a i to tatou mau mana‘o ia mâ na roto i te
aperaa i te ino. Ia tomo ana‘e te hoê mana‘o ino i roto i to outou mau
feruriraa, e ti‘a i tera râ ihora taime ia feruri no ni‘a i te tahi mea o te
faauru i taua mau mea ra mai te hoê himene, pehe e aore râ papa‘iraa
mo‘a. E nehenehe atoa tatou e pure no te tauturu a te Fatu ia pato‘i atu
i te mau mana‘o repo.
Te Tamataraa
E rave rahi taime i te hoê mahana, a feruri no ni‘a i te mau mea no te
Fatu. A rave i te me‘a maitai roa‘e « ia haamana‘o noa ia’na. » A faaoti i
ni‘a i te hoê rave‘a no te faatahe i to outou mau mana‘o. E nehenehe
outou e tamau aau hoê o ta outou mau himene, te mau papa‘iraa mo‘a,
e aore râ te mau pehe au roa. I te taime atoa tei mua outou i te hoê
mana‘o repo, a feruri i tera râ ihoa taime na roto atu i te mau parau ta
outou i tamau aau no te faahepo i te mana‘o ino ia haere i rapae.
Te Faaineineraa a te Orometua Haapii
Hou a faaite ai i teie haapiiraa :
A faaue i te mau melo o te piha haapiiraa ia faaite i te mau huru aamu
atoa, te mau papa‘iraa mo‘a e aore râ te mau faahitiraa ta outou e
hinaaro nei.
307

308
TE FAATAERAA E
TE FARIIRAA I
TE FAAORERAA HARA
Haapiiraa 33
Te tumu o teie haapiiraa no te faaitoitoraa ïa ia tatou ia faaore i te hara
a vetahi ê e ia farii i te faaoreraa hara.
Te Omuaraa
I roto i te parabole i muri nei, ua haapii te Faaora ia tatou no ni‘a iho i
te here o te Metua i te Ra‘i ra no tatou :
E toopiti tamaiti tamaroa a te hoê taata. Ua ani te tamaiti apî a‘e i to’na
metua tane no ta tuhaa o te mau taoa’a o te utuafare. I muri iho, ua
rave atura i ta te metua tane i horo‘a na’na e haere ê atura i te hoê atu
fenua, i reira to’na haamau‘araa i te taatoaraa o ta’na moni e ua ofati i
te mau faaueraa a te Atua.
I to te tamaiti peu rau haamau‘araa i te mau mea’toa ta’na i farii, ua
tupu maira te o‘e maa rahi. Ua roohi‘a ihora i te poia, e ua itehia maira
hoê ohipa faaamuraa i te mau puaa. Tera râ, te veve noa ra â oia e te
poia e ua hinaaro i te amu i te maa e horo‘ahia ra i te mau puaa.
I roto i to’na veve rahi, ua ite maite atura te tamaiti apî nei i ta’na mau
hape. Ua haamana‘o oia e, e tae noa’tu i te mau tavini a to’na metua tane
ua rava’i ratou no te tamaa. Ua faaoti ihora ia ho‘i i te fare e ia ani ia ora
ei tavini. I to’na haafatataraa’tu i to’na fare, ua ite maira te metua tane
ia’na i te haereraa mai e ua horo atura no te farereira ia’na. A aroha ai
raua ia raua, ua parau atura te tamaiti, « To‘u metua, ua hara vau i ni‘a i
te ra‘i, e i mua i to’na mata, e aita vau i ti‘amâ faahou ia piihia ta oe
tamaiti. » Area râ, te metua tane ra ua oaoa roa ïa ia farii faahou i ta’na
tamaiti i te utuafare e no reira ua rave maira i to’na ahu maitai roa‘e e ua
tuu atura i te reira i ni‘a ia’na. Ua horo‘a atura ia’na ra te mau tiaa no te
tiaa e ua tuu i te tape‘a rima i ni‘a i to’na rima. I muri a‘era ua faaue i
ta’na mau tavini ia faaineine i te hoê tamaaraa rahi.
I to te taea‘e paari a‘e, tei faaea mai ma te haapa‘o, iteraa atu i te mea e
tupu nei, ua mauiui ihora. Aita te metua tane i horo‘a noa‘e na’na i taua
huru tamaaraa ra. Ua tamahanahana te metua tane ia’na na roto i te

Haapiiraa 33
parauraa’tu ia’na e, te mau mea’toa ta te utuafare e fatu nei e riro ïa
na’na Ua haamau‘a to’na taea‘e i ta’na faturaa ai‘a, area râ no to’na
ho‘iraa mai i te fare e faaoaoa ai. Ua parau oia, « O to taea‘e nei ho‘i,
i pohe na, e ua ora mai nei; i moe na, e ua iteamai nei. » (A hi‘o Luka
15:11–32).
Ua hara tatou tata‘itahi i roto i te tahi raveraa, tera râ ua faati‘a te
Taraehara o te Fatu ia tatou ia faaorehia i ta tatou mau hara. I roto i te
parauraa no Ta’na tusia, ua na ô oia e, « No te mea inaha, ua faaoromai
au, o te Atua, i teie nei mau mea no te taata’toa, ia ore ratou ia roohia i
te mamae mai te mea e e tatarahapa ratou » (PH&PF 19:16).
■ A faaite i te hoho‘a 33-a, « Ua mauiui te Mesia no ta tatou mau hara i
roto i te O no Getesemane. »
I roto i te tahi atu papa‘iraa mo‘a, te parau nei te Fatu, « Inaha, o oia o
tei tatarahapa i ta’na ra mau hara, ua faaorehia ïa te reira, e e ore ho‘i
au, o te Fatu e haamana‘o faahou â i te reira » (PH&PF 58:42). E ti‘a roa
ia tatarahapa tatou tata‘itahi no te farii i te faaoreraa hara mai ô mai i te
Fatu ra.
■ Eaha ta te tamaiti tamaroa apî a‘e i roto i te parabole i hinaaro i te
rave no te taui i to’na oraraa ? (Ia ite maite i ta’na mau hape, ia ho‘i
i te fare, ia fa‘i i ta’na mau hara, e ia faaore i te reira). Eaha te mau
huru i roto i te aau o te tamaiti i to outou feruriraa, a haafatata atu ai
oia i te fare ? (Ua nehenehe ia ite i te taiâ o te pato‘ihia mai. Ua nehenehe
ia ite i te oaoa no te ho‘iraa i te fare. Ua nehenehe ia ite e, te
rave ra oia i te mea ti‘a).
Te Faaoreraa o te Hara e Hopoi Ma’i ïa i te Popou
■ Eaha to outou mana‘o i muri a‘e i to te tamaiti iteraa i roto ia’na e te
farii nei te metua tane ia’na ?
■ Eaha te huru i roto i to outou aau no ni‘a i te Faaora, a ite ai e ua
faatupu To’na mauiui no outou ia tatarahapa i ta tatou mau hara ?
Ia tatarahapa ana‘e tatou, e oaoa te Metua i te Ra‘i ra e, e faaore i ta
tatou hara – mai te metua tane i roto i te parabole. A feruri na no to
outou iho oraraa e te popou ta outou e ite i roto i te aau mai roto mai i
te tatarahaparaa e te faaoreraahia o te hara.
O Alama Tamaiti te tamaiti tamaroa a te hoê peropheta a te Atua, tera râ
ua rave oia i te tahi mau hara ino roa. Hoê o ta’na mau hara ino roa ua
tamata oia i te haamou i te Ekalesia a te Atua na roto i te arata’i-ê-raa i
te mau taata i te parau mau. Ei taata arata’i no te Ekalesia, ua ite rahi te
metua tane o Alama i te oto no ni‘a i te ino rahi o ta’na tamaiti e ua pure
pinepine i te Fatu ia nehenehe i ta’na tamaiti ia ite mai i te parau mau.
309

310
33-a, Ua mauiui te Mesia no ta tatou mau hara i roto i te O o Getesemane.

Haapiiraa 33
No te tumu o te faaroo e te mau pure a to’na metua tane e a te tahi atu
mau tavini o te Fatu, ua hahaerehia o Alama Tamaiti e te hoê melahi i
te hoê mahana. Ua parau atu te melahi e taua puai rahi ra e ua topa
ihora Alama i raro i ni‘a i te fenua. Ua ite papû roa‘era oia i te mana
rahi o te Atua. Ua maere rahi o Alama e aita i nehenehe ia’na ia parau
noa’tu. Ua topa faahou â i ni‘a i te repo e aita e puai faahou no na
mahana e piti. I te taime i nehenehe a’i oia ia parau faahou mai, ua
faaite oia i te mau taata e, ua ite oia i te hoê tauiraa rahi i roto i to’na
oraraa, ua tatarahapa i ta’na mau hara, e ua faaorahia e te Fatu. Ua
faaoti a‘era o Alama ia haapa‘o i te mau faaueraa a te Atua e ia rave i
te taato‘araa o ta’na i nehenehe no te faahoonaraa i ta’na mau hara i
mairi a‘era. Ua puai rahi ta’na mau tautooraa e ua riro maira ei misionare
rahi e i muri a‘era riro maira ei peropheta no te Ekalesia. (A hi‘o
Mosia 27, 29:42).
I roto i te faataaraa i to’na iteraa, ua parau Alama :
« E teie nei, ua haamauiuihia ihora vau i te mau ati o te varua i faahapahia
ra, e e hope a‘era na ao e toru ra e na rui ho‘i e toru ra.
« E ua na reirahia ho‘i au i te haamauiui-rahi-hia i te ati, e ua
ahoahohia atoa vau i te haamana‘oraa i ta‘u ra mau hara e rave rahi,
inaha, ua haamana‘o vau e, i faaroo na vau i to‘u ra metua tane i te
tohura’tu i te taata i te taeraa mai o te hoê, o Iesu Mesia, te Tamaiti a
te Atua, ei taraehara no to te ao nei.
« Te tapea ra to‘u aau i taua mana‘o ra, ua pii ihora vau i roto ia‘u iho,
E Iesu e, te Tamaiti a te Atua ra, aroha mai oe ia‘u nei, i tei roto i te au
avaava ra, e tei ati-roa-hia ho‘i i te tapea mure ore o hade ra.
« E teie nei, inaha, te feruri noa ra vau i te reira ra, aore i tia ia‘u ia
haamana‘o â i to‘u ati; oia ïa, e aore ho‘i au i aehuehuhia â i te haamana‘oraa
i ta‘u ra mau hara.
« Auê ho‘i e te oaoa e te maramarama maere ta‘u i ite i te reira; î a‘era
to‘u aau i te oaoa, ua tae atura ho‘i ïa i te faito o to‘u ra mauiui i te
rahi !
« E, ... aore roa te mea e hau i te mamae ri‘ari‘a i to‘u ra mamae. E te
parau faahou atu nei au ia oe na e, e ta‘u tamaiti e, aore ho‘i te mea e
hau i te oaoa e te maitai i to‘u ra oaoa » Alama 36:16–21).
■ Eaha ta Alama i rave ia faaorehia te hara ? (Ua tatarahapa oia e ua pii
i te Atua no te faaoreraa o te hara).
Ua ite atoa te mau taata o te Arii Beniamina i te popou no te fariiraa i
te faaoreraa hara. I roto i te faarooraa i te a‘o rahi hope‘a a te Arii
Beniamina, ua tatarahapa ratou e ua ani ia faaorehia ta ratou mau hara.
Te faataa nei te papa‘iraa mo‘a e « O te Varua o te Atua i ni‘a maira ia
311

Haapiiraa 33
ratou ra, î ihora ratou i te oaoa, i matara ho‘i ta ratou mau hara, e ua
hau to ratou aau, no te mea tei ia ratou te faaroo rahi ia Iesu Mesia ra »
(Mosia 4:3).
Ua Titauhia ia Tatou ia Faaore i te Hara a te Taata Atoa
No te tumu o te here maitai roa o te Faaora no tatou, te hinaaro mau
nei Oia ia faaore i ta tatou hara mai te mea te hinaaro mau nei tatou i te
tatarahapa. Ei faaho‘iraa, ua ani Oia ia tatou ia riro mai Ia’na te huru e
ia faaore i te hara a te tahi e te tahi.
■ A ani i te hoê melo o te piha haapiiraa ia tai‘o i Te Parau Haapiiraa e
te Mau Parau Fafau 64:8. No te aha te Mesia i faautu‘a ai i Ta’na mau
p¥p¥ ? (Aita ratou i faaore i te hara a te tahi e te tahi).
■ A ani i te hoê melo o te piha haapiiraa ia tai‘o i Te Parau Haapiiraa
e te Mau Parau Fafau 64:9–11. A papa‘i i ni‘a i te tabula papa‘iraa
Ia outou râ, e titauhia’tu ra outou ia faaore i te hapa a te mau taata atoa.
■ Eaha te auraa a te Fatu a parau ai Oia e, te faaea nei te hara rahi a‘e i
roto ia tatou ia ore tatou e faaore i te hara ?
Te faahoho‘a nei Iesu i te parau tumu no te faaoreraa hara na roto i te
parabole o te tavini aroha ore :
Ua ti‘a i te hoê tavini ia aufau i to’na fatu 10,000 taleni – e moni rahi ïa.
I te taime no te aufauraa i te tarahu, ua taparu ihora te tavini i to’na
fatu ia faaoroma’i; aita ta’na e moni, tera râ ia tae te taime e aufau ihoa
oia i te reira. Ua aroha te fatu i te tavini e ua faaore i te tarahu ana ra.
Area râ, teie â tavini, ua haere atura i rapae e ua ani atura i te hoê hoa
tavini tei tarahu ia’na i te moni na’ina’i roa ra. I te taime aita i nehenehe
i te taata ia aufau, ua tamau te tavini ia’na i te fare tape‘araa. I te
iteraa te fatu i te mea i tupu, ua riri roa ihora oia i te tavini aroha ore e
ua faaufau i te taatoaraa o ta’na i tarahu. (A hi‘o Mataio 18:21–34).
Ua faaoti Iesu i te parabole na roto i te haapiiraa i te mau taata, « E na
reira atoa mai tau Metua i te ao ra ia outou atoa na, ia ore outou ia
faaore ma te aau atoa i te hapa a to’na taea‘e » (Mataio 18:35).
■ Nahea tatou e riro ai mai te huru o te tavini o tei faaore i ta’na tarahu
rahi ? Mai te mea eita tatou e faaore i te hara a vetahi ê ra, nahea
tatou e riro ai mai te tavini aroha ore ?
E tae mai te hi‘oraa maitai rahi roa‘e no te faaoreraa o te hara na roto
mai i te oraraa o te Faaora. A tautau ai Oia i roto i te mamae rahi i
ni‘a i te satauro, ua pure Oia ia faaore mai te Metua i te hara a te mau
faaehau tei faasatauro Ia’na. « E ta‘u Metua », Ta’na i parau, « e faaore
mai i ta ratou hara, aore ho‘i ratou i ite i ta ratou e rave nei » (Luka
23:34).
312

Haapiiraa 33
Ua parau te peresideni Spencer W. Kimball : « Ia vai i roto i te ti‘a, e
mea ti‘a roa ia faaore tatou i te hara, e, e mea ti‘a roa ia rave i te reira
ma te ore e hi‘o atu e tatarahapa mai anei to tatou taata faahapa e aore râ
eaha te huru ti‘a i roto i te aau i to’na (tauiraa), e aore râ e ani anei e
aore râ eita anei oia e ani mai i ta tatou faaoreraa hara. E ti‘a roa ia
pee i te hi‘oraa e te haapiiraa a te Fatu » (The Miracle of Forgiveness
[1969], 283).
Te Faaoreraa i Ta Vetahi ê Hara e Hopoi Mai ïa i te Hau
E rave rahi taime ia hara ana‘e te tahi taata i ni‘a ia tatou, e inoino
tatou e e riri. E nehenehe teie mau huru o te aau e faatupu ia oto roa
tatou, noa’tu â aita tatou i rave i te hara. Mai te mea e faati‘a tatou i
teie mau huru ia faaea mau i roto i to tatou mau varua, e faatea atu
tatou i te Varua o te Fatu. O teie te tumu i faaue mai ai te Fatu ia
tatou ia faaore i te hara a ratou o te haamauiui nei ia tatou.
Ua parau te peresideni John Taylor, « No te fariiraa i roto i to outou aau
te varua o te faaoreraa i te hara e no te faaore-roa-raa mai roto mai i to
outou mau aau i te varua o te hae u‘ana e te inoino rahi, e hopoi mai ïa
i te hau e te popou » (Discourses of Brigham Young, ma‘itihia e John A.
Widtsoe [1954], 186).
Ua faaite te peresideni Spencer W. Kimball i te aamu i muri nei no te
faahoho‘a i te hau o te tae mai na roto mai i te faaoreraa i te hara a
vetahi ê ra :
I te matahiti 1918, e toru taata toro‘a no te ture tei tararahi-pohe-hia i te
taime i tamata ai ratou i te tape‘a e rave rahi feia ofati ture. Te metua
tane o Glenn Kempton te hoê o te mau taata toro‘a tei taparahihia. I te
tahi taime i muri a‘era, ua roaa mai te mau taata taparahi taata, ua
haavahia e ua tonohia i te fare tapearaa no te oraraa atoa.
■ Eaha te huru i roto i to outou aau no te tahi taata o tei rave i te ora o
to outou metua tane ? No te aha e mea teiaha ia faaore i te hara a
taua huru taata ra ?
Ua faataa mai te taea‘e Kempton no to’na iteraa i tupu i teie huru :
« Ei tamaroa apî i roto i to‘u tau taure‘are‘a roaraa, ua tupu mai i roto i
to‘u aau te hoê inoino rahi e te hoê hae u‘ana i ni‘a i te taata taparahi
tei fa‘i no to‘u metua tane, no te mea ua parau ihoa o Tom Powers
na’na i taparahi i to‘u Papa.
« Ua mahemo te mau matahiti, ua tupu vau i te paari, tera râ te vai noa
ra â taua huru teimaha tei faaea mai i roto ia‘u. Ua oti te fare haapiiraa
tua rua, e i muri iho ua farii au i te hoê piiraa ia haere i te Misioni Pae
Hiti‘a o te Ra o te Mau Fenua Marite. I reira, ua tupu ‘oi‘oi maira te ite
e te iteraa papû no te evanelia, inaha ua horo‘a i te taatoaraa o to‘u
313

Haapiiraa 33
taime no te haapii e no te poro i te reira. I te hoê mahana a tai‘o ai au i
te Faufaa Apî, ua tae atura vau i te Mataio, i te pene 5, te mau irava 43
haere ti‘a i te 45. »
■ A tai‘o Mataio 5:43–45.
Ua parau noa â te taea‘e Kempton : « Tei ô nei te na ôraa te mau parau
a te Faaora, e ti‘a ia faaore tatou i te hara. Ua tano teie ia‘u. Ua tai‘o
faahou vau i taua mau irava ra e faahou â e te auraa faahou ra te
faaoreraa ïa i te hara. Aita i maoro roa i muri a‘e i teie, ua iteahia ia‘u
te 64 raa o te tuhaa o Te Parau Haapiiraa e te Mau Parau Fafau, te mau
irava 9 e 10, te mau parau hau atu â a te Faaora... »
■ A tai‘o faahou i Te Parau Haapiiraa e te Mau Parau Fafau 64:9–10.
« Aita vau i ite ua tatarahapa anei e aore râ aita o Tom Powers tera râ
ua ite au i teie nei e te vai ra te hoê farereiraa ia rave i muri a‘e a ho‘i
atu ai au i te fare, e ua faaaoti au ia faarue au i te aua o te misioni ia
rave i tera noa ïa.
« I muri a‘e i to‘u ho‘iraa i te fare, ua farerei au e ua faaipoipo i te hoê
tamahine melo i te Feia Mo‘a i te Mau Mahana Hope‘a nei, e ua
haamaitai te Fatu i to maua utufare e na toopae tamarii. Ua mahemo
‘oi‘oi te mau matahiti e ua maitai te Fatu ia matou, faahou â e puta mai
i roto ia‘u te hapa i te mau taime atoa ia mana‘o vau i te farereiraa ta‘u
i haapa‘o ore.
« Tau matahiti i mairi a‘e, na mua noa iho i te Noela, te hoê tau e tupu
ruperupe ai te here o te Mesia e te varua no te horo‘araa e te faaoreraa
i te hara e ô mai ai i roto ia tatou, tei Phoenix maua o ta‘u vahine
faaipoipo no te hoê tere poto noa. No te otiraa ta maua ohipa i roto i te
afa o te pitiraa o te avatea, ua hamata maua i te ho‘i i te fare. A tere ai
na te poromu, ua faaite atu vau i to‘u hinaaro ia ho‘i i muri e ia ho‘i i
te fare na Florence atu, no te mea tei reira te fare tape‘araa no te tuhaa
fenua te vairaa. Ua faati‘a to‘u ho‘a faaipoipo ma te ineine roa.
« Tei muri a‘e i te hahaereraa e hora e, e hora inaha ua tae maua tera râ
ua haere atu vau i roto mai e ua ani i te taata tia‘i. Ua arata’ihia vau i
ta’na piha toro‘a.
« I muri a‘e i to‘u faaiteraa ia‘u iho e ua faaite atu i te hinaaro no te
farerei e no te aparau ia Tom Powers, ua tae maira te faaiteraa ano‘ino‘i
i te mata o te taata tia‘i, tera râ i muri a‘e noa i te hoê maa otoheraa iti,
ua parau maira ‘Te papû nei au, e nehenehe ia faanahonaho.’ I muri
noa iho ua faataehia i te taata tia‘i i roto i te tuhaa fare i raro o tei ho‘i
‘oi‘oi mai e o Tom. Ua haafareireihia maua e ua tae maua i roto i te
piha aparauraa ei reira ua farii au i te hoê paraparauraa roa. Ua ho‘i
atu maua i taua ava‘e Febuare po‘ipo‘i to‘eto‘e ra, e te marehurehu e
314

Haapiiraa 33
toru ahuru matahiti na mua a‘enei, ma te faahiti faahou i taua ati riaria
atoa ra. Ua paraparau maua mai te mea ra hoê hora e te afa. I te pae
hope‘a, ua parau atura vau, ‘Tom, ua rave oe i te hoê hape no te reira e
tarahu ta oe i te sotaiete e no te reira te ite nei au i roto i te aau e ti‘a
roa ia tamau noa â oe i te aufau, mai te hoê â huru o ta‘u i ti‘a roa ia
aufau i te hoo no te faaamuraahia ma te ore te metua tane.’ »
■ A faaite i te hoho‘a 33-b, « Tom Powers e Glenn Kempton. »
« I muri iho, ua ti‘a ihora vau i ni‘a e ua faatoro atu i to‘u rima. Ua ti‘a
maira oia i ni‘a e rave maira i te reira. Ua parau faahou â vau, ‘Ma to‘u
aau atoa, te faaore nei au i ta oe hara no teie mea hairiiri tei tae mai i
roto i to taua oraraa.’
« Ua pi‘o ihora i to’na upoo e ua vaiiho atura vau ia’na i reira. Aita vau
i ite eaha te huru i roto ia’na i muri iho, e aita vau e ite nei eaha te huru
i roto i to’na aau i teie nei, tera râ to‘u iteraa papû ia outou oia ho‘i e
mea hanahana ia matara te inoino e te hae u‘ana i rapae i to outou aau
e tomo mai ai te faaoreraa hara.
« Ua haamauruuru vau i te taata tia‘i no to’na maitai, e a haere mai ai
au i rapaeau i te uputa e i raro i taua haerea roa o te mau taahiraa, ua
ite au e mea maitai a‘e te faaoreraa i te hara i te tahoo atu, no te mea ua
ora mai au i te reira.
« A faahoro ai maua i te pereoo no te fare i roto i te marama e haaputu
maira ra, ua tae maira te hoê maniaraa marû e te hau roa i ni‘a ia‘u.
Mai roto mai i te aau mehara mâ ua tuu atura vau i to‘u rima ma te
haati i ta‘u vahine faaipoipo, o tei maramarama, no te mea ua ite au e,
ua iteahia ia maua i teie nei te hoê oraraa aano atu, tao‘a rahi atu e hau
atu te ruperupe » (faahitihia i roto The Miracle of Forgiveness, 291–93).
Te Faahope‘araa
Te faaore nei te Faaora ia tatou i ta tatou mau hara mai te mea e tatarahapa
tatou e i muri iho e pee ai Ia’na, ma te rave i te mea atoa Ta’na e
ani ia tatou. Hoê o te mau mea Ta’na e titau ia tatou ia rave o te faaore
ïa i te hara a vetahi ê. A rave atoa ai tatou i te reira, ua fafau Oia ia
tatou i te popou e te hau, ma te haapii ia tatou e na mea e piti te
faaoreraa o te hara e te faaoreraahia te hara e mea faufaa ïa no to
tatou faaoraraa mure ore.
Te Tamataraa
A tatarahapa i te mau raveraa hape noa’tu o te mau huru o ta outou
i rave. Mai te mea ua haamauiui te tahi noa’tu taata ia outou i roto i
te mau huru rave‘a atoa, a tamâ i to outou varua no te mau huru
inoinoraa atoa na roto i te faaoreraa i te hara a taua taata ra.
315

316
33-b, Tom Powers e Glenn Kempton

Te Tahi atu Mau Papa‘iraa Mo‘a
Haapiiraa 33
■ Mataio 6:14–15 (eaha te tupu ia faaore ana‘e tatou i te hara a vetahi ê
e ia ore ana‘e e na reira)
■ Mataio 7:1–5 (eita e ti‘a ia haava tatou ia vetahi ê ra)
■ Mataio 18:21–22 (a faaore i te hara hitu ahuru taime hitu)
■ Ephesia 4:32 (a faaore i te hara a te tahi atu taata)
■ Te Parau Haapiiraa e te Mau Parau Fafau 42:88 (ia faaafaro e ratou o
tei faaino ia tatou)
Te Faaineineraa a te Orometua Haapii
Hou a faaite ai i teie haapiiraa :
1. A hi‘o faahou Te Mau Parau Tumu no te Evanelia, pene 19, « Te
Tatarahapa. »
2. A faaineine ia outou iho i te pae varua no te horo‘araa i te haapiiraa
na roto i te haapa‘o-maitai-raa noa’tu o te fifi i roto i to outou iho
oraraa tei tuati i te faaoreraa o te hara.
3. A faaue i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a, e aore râ te mau faahitiraa parau
ta outou e hinaaro nei.
317

318
TE MAU HORO‘A O
TE PAE VARUA
Haapiiraa 34
Te tumu o teie haapiiraa no te tauturu ïa ia tatou ia maramarama e ia
imi i te mau horo‘a o te Varua.
Te Omuaraa
I te ava‘e Mati 1961, ua tairi te hoê mata’i rahi riaria na roto atu i te mau
Motu no Tonga ma i roto i Patitifa Apatoa. Ua puhi-ê-hia te mau fare
rarahi. Ua mahuti te mau aa o te mau tumu raau aano. Ua haehaehia te
mau fare e ua taorahia na roto i te reva. E tae roa ua pohe te hoê taata.
I roto i te hoê oire iti na’ina’i, ua putuputu amui maira te mau melo o
te hoê utuafare Feia Mo‘a i te Mau Mahana Hope‘a nei i roto i to ratou
fare na’ina’i, ma te taiâ no to ratou mau ora. I roto i te faataaraa no teie
iteraa i tupu, ua parau te metua tane o te utuafare, ua nehenehe ia’na
i ite i to ratou fare i te aueueraa mai te mea ra ua ineine no te topa.
Ua ite oia e, ia faaea to’na utuafare i roto i te fare e pohe ratou, e mai
te mea e haere i rapaeau no te tauturu e pohe oia. A tutava ai oia no
te faaotiraa eaha te rave, ua ite oia i te faaururaahia ia faaohipa i te
autahu‘araa no te paruru i to’na utuafare.
Ma te paiuma i ni‘a i te hoê parahiraa, ua tuu i to’na rima i ni‘a i te tuhaa
o te tapo‘i fare ta’na e mana‘o ra e pee ê na mua. I muri iho ua parau oia,
« Na roto i te mana o te autahu‘araa o ta‘u e mau nei, e i roto i te i‘oa o
Iesu Mesia, te faaue nei au ia oe ia ti‘a ma te paari maitai e ia oti maitai
na roto atu i teie mata’i rorofa‘i. » I muri a‘e i to’na parauraa i teie mau
parau, ua faaea te fare i te aueue e ua faaea te tapo‘i fare i te avivi.
I muri a‘e i te mata’i rahi, o to’na ana‘era fare i taua vahi ra tei ti‘a noa
mai. (Faatanohia na roto mai ia Eric Shumway, « Faith in the Tongan
Islands », i roto Margie Calhoun Jensen, haaputuhia, Stories of Insight
and Inspiration [1976], 71–73).
■ A ani i te mau melo o te piha haapiiraa ia feruri maite i teie uiraa :
Mai te mea e tupu mai te hoê ati rû i teie nei ihoa, ua ineine anei au
no te faaohipa i to‘u faaroo e to‘u autahu‘araa ?

Haapiiraa 34
Mai te mea e faaroo to tatou e ua ti‘ama, e horo‘a te Fatu ia tatou te
mau haamaitairaa o te pae varua. Ua faataa te peropheta Iakoba o te
Buka a Moromona i taua huru nei i rotopu i to’na mau taata : « E no
reira, i imi ai matou nei i ta te mau peropheta ra, e tei ia matou te mau
parau heheu e rave rahi, e te Varua o te tohu ho‘i; e i te mea, te vai ra
teie mau ite ia matou, ua roaa ïa ia matou te tiairaa; e ua vai ïa ia ho‘i
to matou faaroo ei mea aueue ore e tae atu ho‘i i te faaueraa’tu i te i‘oa
o Iesu ra, e faaroo ai te mau raau ia matou, e te mau mou‘a, e te are
miti ra » (Iakoba 4:6).
Te Mau Horo‘a o te Varua
Te mau horo‘a o te Varua e mau haamaitairaa taa ê ïa no te ite pae
varua e te mana ta te Fatu e horo‘a nei ia tatou. E rave rahi horo‘a o
te Varua tei tabulahia i roto i te 1 Korinetia 12, Moroni 10, e Te Parau
Haapiiraa e te Mau Parau Fafau 46.
■ A ani i te hoê melo o te piha haapiiraa ia tai‘o Te Parau Haapiiraa e
te Mau Parau Fafau 46:13–26. Eaha te mau horo‘a o te pae varua o tei
tabulahia i roto i teie papa‘iraa mo‘a ? (A tabula i te mau pahonoraa
i ni‘a i te tabula papa‘iraa. E nehenehe ia faaô mai i roto i te mau
pahonoraa te heheuraa, te iteraa papû, te haavaraa, te ite, te paari,
te haapiiraa, te faaroo no te faaora, te faaroo ia faaorahia, te mau
semeio, te tohuraa, te ite-papû-raa o te mau varua, te parauraa e
te mau reo, e te tatararaa o te mau reo).
A nehenehe ai tatou e farii e rave rahi o teie mau horo‘a o te pae varua,
aita e taata e oaoa nei i te taatoaraa o te reira :
« No te mea aore i hope te mau horoa i te horoahia na te mau taata
tatai tahi atoa; no te mea e rave rahi te mau horoa e ua horoahia mai
te hoê horoa i te taata hoê atoa e te Varua o te Atua ra.
« Ua horoahia te hoê i te tahi, e ua horoahia te tahi ê ia vetahi ra, ia
maitai te mau taata atoa na roto i te reira. (PH&PF 46:11–12)
■ A ani i te mau melo o te piha haapiiraa ia feruri maite no te hoê
taime i ta ratou iho mau horo‘a o te pae varua.
Te Noaaraa te Mau Horo‘a o te Pae Varua
Te vai ra i te Fatu ra e rave rahi horo‘a o te pae varua o Ta’na e horo‘a ia
tatou. No te fariiraa i te reira, e ti‘a roa ia ite atu tatou i teie mau horo‘a
e aore râ mau taleni, e i muri iho ia faatupu e ia faaohipa i te reira. E ti‘a
roa atoa ia ora tatou ma te ti‘amâ no te farii i teie mau horo‘a. Ua faataa
te peresideni Joseph Fielding Smith no te aha eita roa te tahi mau melo
e farii i te horo‘a o te Varua Maitai : « E haavaraa na‘u oia ho‘i e rave
rahi melo o teie Ekalesia o tei bapetizohia no te faaoreraa o ta ratou
mau hara, e o tei farii i te mau rima i tuuhia i ni‘a iho i to ratou ra mau
319

Haapiiraa 34
upoo no te horo‘a o te Varua Maitai, area râ, eita roa ratou e farii i taua
horo‘a ra – oia ho‘i, te mau faaiteraa no te reira. No te aha ? No te mea
aita roa ratou i tuu ia ratou iho ia nehenehe ia farii i teie mau faaiteraa.
Aita roa ratou i faaha‘ehaa ia ratou iho. Aita roa ratou i rave i te mau
taahiraa o te faaineine ia ratou no te hoaraa [apitiraa] o te Varua Maitai.
No reira, e haere ratou na roto atu i te oraraa nei ma te ore taua ite ra »
(« ‘Seek Ye Earnestly the Best Gifts’ » Ensign, Tiunu 1972, 3).
Ua faaue te Fatu ia tatou ia imi i te mau horo‘a maitai roa‘e (a hi‘o
PH&PF 46:8). Mea pinepine ua faaitehia ia tatou eaha te mau horo‘a ta
tatou e farii e aore râ e imi ia faataa ana‘ehia tatou i te hoê toro‘a e aore râ
piiraa e aore râ ia farii ana‘e tatou i te hoê haamaitairaa patereareha. Ua
piihia te hoê misionare i te hoê fenua ê, ei hi‘oraa, e nehenehe e fafauhia i
te horo‘a o te mau reo no te tauturu ia’na e tane e aore e vahine ia haapii
mai i te hoê reo apî, e aore râ e nehenehe te hoê orometua haapii apî roa
ia faaitehia ia imi i te horo‘a no te haapiiraa atu.
No te farii i te mau horo‘a o te Varua, e ti‘a roa ia rave tatou i to muri nei :
A Tamâ roa i To Tatou mau Oraraa
Hou tatou e nehenehe ai e farii i te mau horo‘a o te pae varua, e ti‘a roa
ia tamâ roa i to tatou mau oraraa na roto i te tatarahapa-tamau-noa-raa
no ta tatou mau hara.
A Haapa‘o i te Mau Faaueraa
E mea ti‘a roa ia haapa‘o tatou i te mau faaueraa a te Fatu ia ti‘amâ
no te mau horo‘a o te pae varua. Te haapa‘o ra o te hoê ïa o te mau
titauraa faufaa roa‘e no te fariiraa i te mau horo‘a o te Varua.
A Haapae i te Maa
E nehenehe te haapaeraa i te maa e tauturu ia tatou ia upooti‘a i ni‘a i
te te‘ote‘o e ia noaa te ha‘ehaa i titauhia no te farii i te mau horo‘a o te
pae varua. E tauturu te reira ia tatou ia tuu i to tatou mau hinaaro o te
pae varua na mua i to tatou mau hinaaro o te pae tino.
A Pure
■ A faaite i te hoho‘a 34-a, « E ti‘a ia ani tatou i te Fatu no te mau
horo‘a ta tatou e hinaaro nei ia farii. »
Ua faaue te Fatu ia tatou ia ani Ia’na no te mau horo‘a ta tatou e
hinaaro nei ia farii (a hi‘o Mataio 7:7–11. E titau taua mau pure nei i te
faaroo–te faaroo oia ho‘i e farii tatou i te mau horo‘a e te faaroo i roto i
te Taata Horo‘a o te mau horo‘a.
Ua horo‘a mai o Elder James A. Gullimore ia tatou i te tahi mau uiraa
no te feruri a imi ai tatou no te mau horo‘a o te pae varua : « Ei mau
melo no te Ekalesia, ua nava’i anei te puai o to tatou faaroo ? Ua au
320

34-a, E ti‘a ia ani tatou i te Fatu no te mau horo‘a ta tatou e hinaaro nei ia farii.
321

Haapiiraa 34
anei e te Varua ia nehenehe tatou ia haamaitaihia e teie mau horo‘a
rahi ? Te tiaturi nei anei tatou e, e nehenehe te hoê semeio e ravehia e
aore râ te hoê haamaitairaa e horo‘ahia ? Te pii nei anei tatou i te autahu‘araa
ia pinepine te ti‘a ia tatou ia faatere no tei ma’ihia ? Te ti‘aturi
nei anei tatou e nehenehe tatou ia faaorahia ? E faaroo anei to tatou no
te faaora ? Ua ineine tamau anei te autahu‘araa no te horo‘a i te hoê
haamaitairaa ? Eaha te puai o to tatou faaroo ? » (i roto Conference
Report, Atopa 1974, 34; e aore râ Ensign, Novema 1974, 27).
■ A ani i te mau melo o te piha haapiiraa ia feruri maite no te hoê taime
eaha te ti‘a roa ia ratou ia faaineine ia ratou iho no te mau horo‘a o te
pae varua e ia haapa‘o i te mau horo‘a tei farii-a‘ena-hia e ratou.
A farii ai tatou i ta tatou mau horo‘a, e ti‘a roa ia tatou ia haapa‘o maitai
eiaha ia faaoru no ni‘a i to tatou mau iteraa i tupu e aore râ ia parau i to
te ao nei no ni‘a iho i te reira (a hi‘o PH&PF 84:65–73). E nehenehe tatou
e faaite i to tatou mau iteraa i tupu no te pae varua e te mau melo o te
utuafare e i te mau hoa fatata, tera râ e ti‘a ia haamana‘o tatou e, e mea
mo‘a ta tatou mau horo‘a e e ti‘a roa ia aparauhia ma te haapa‘o maitai
(a hi‘o PH&PF 63:64).
Te Mau Tumu o te Mau Horo‘a o te Pae Varua
Ua heheu mai te Fatu e ua horo‘ahia te mau horo‘a maitai roa‘e o te
pae varua no te tauturu ia ratou o te here nei Ia’na e o te haapa‘o nei
i Ta’na mau faaue e ia ratou o te tamata nei ia rave i te reira (a hi‘o
PH&PF 46:9). Na roto i te faaohiparaa tano o teie mau horo‘a e
faaorahia tei ma’ihia, e ti‘avaruhia te mau diabolo, e fariihia te mau
heheuraa, e noaa te ite, e nehenehe i te mau misionare ia paraparau i
roto i te mau reo eê. Na roto i te mau horo‘a o te Varua e nehenehe te
Varua Maitai e arata’i, e tamahanahana, e faaitoito, e haapii ia tatou.
E tauturu teie mau horo‘a ia tatou ia haere ma te parau ti‘a roa i mua i
te Fatu e ia paruru ia tatou ia ore ia vare noa e te mau parau haapiiraa
hape. A ora ti‘amâ ai tatou no te ite i roto i te aau i te mau faaururaa o
te Varua, e ite mai tatou anafea e faaohipa ai i ta tatou mau horo‘a e
anahea ia ore e faaohipa i te reira (a hi‘o Alama 14:10–11).
Ua faaue te Fatu ia tatou ia haamana‘o tamau noa e ua horo‘ahia taua
mau horo‘a o te pae varua ra ia ratou o te ani ha‘ehaa i roto i te faaroo
(a hi‘o PH&PF 46:8–9). Ua faaau o Paulo i te Ekalesia i te hoê tino no te
faaite i te faufaa o te horo‘a e aore râ o te mau horo‘a a te melo tata‘itahi
i te toe‘a o te Ekalesia (a hi‘o 1 Korinetia 12:12–31). Mai te hoê tino e
hinaaro nei i te mau rima, te mau avae, te mau mata, e te mau taria, mai
te reira atoa te Ekalesia i te hinaaro i te mau horo‘a a te melo tata‘itahi.
No reira, e ti‘a ia tatou tata’aitahi ia faaohipa i ta tatou mau horo‘a. A na
reira ai tatou, e nehenehe te mau taata atoa ia haamaitaihia. (A hi‘o
PH&PF 46:11–12). Te haapapû nei te Metua i te Ra‘i ra e, eita e ti‘a ia
322

Haapiiraa 34
imihia teie mau horo‘a ei mau tapa‘o e aore râ no te mau tumu pipiri
(a hi‘o PH&PF 46:9).
Ua faaite o Elder Franklin D. Richards no te tahi mau haamaitairaa o te
tae mai na roto i te Varua i roto i te taime e hinaarohia :
« Ua fafau mai te Faaora e, no te mau melo ti‘amâ e riro te Varua
Maitai ei tamahanahana i roto i te mau taime no te ma’i e no te pohe.
« E rave rahi tei faaite i te iteraa papû no te varua tamahanahana tei
tauturu ia ratou i roto i te mau taime no te oto, ma te tauturu ia ratou
ia ite i te hau e te maramaramaraa.
« Tau hebedoma i mairi a‘e nei ua farii au i ta‘u fana‘oraa ia farerei
toopiti vahine maere rahi, na hoa fatata, ua pohe ta raua na tane
faaipoipo i roto i te hoê ati ino o te manu reva. Ua ite anei au ia raua i
roto i te hepohepo e te oto hohonu ? Aita, oia mau. Aita roa â vau i ite
mata i te itoito rahi a‘e e te puai. Ua faaite raua toopiti oia ho‘i, ua ite
mau raua i te tamahanahanaraa o te Varua, e ua ite raua te vai ra te hoê
tumu i roto i te piiraa tei horo‘ahia i ta raua na tane faaipoipo, e ua farii
raua i te haapapûraa e, ua maitai te mau mea’toa ia raua e to raua na
utuafare ia ora fatata raua i te Ekalesia e ia haapa‘o i te mau faaueraa a
te Fatu » (i roto Conference Report, Eperera 1973, 171 ; e aore râ Ensign,
Tiurai 1973, 117).
■ A faaite i te hoho‘a 34-b, « Ua haapii Iosepha Semita na roto i te
mana o te Varua. »
I roto i te hoê taime, ua ani-manihini-hia te Peropheta Iosepha Semita
ia poro i te evanelia i te hoê p∂p∂ no te Feia Marite tumu. Aita ratou i
maramarama i te reo Peretane, e aita oia i parau i to ratou reo, no reira
ua aufau oia i te hoê taata ti‘a taa ê no te hau ia auaha i ta’na mau
parau. Ua paraparau te Peropheta no te tahi tau minuti, e ua auaha te
taata ti‘a i muri iho. I to te mau taata faaiteraa i te au ore e te riri i te
parau poro‘i a te Peropheta, ua faaite maira te Varua ia’na e, te haavare
ra te taata ti‘a ia faahuri mai ia ratou i ni‘a iho ia’na. Ua turai atura
Iosepha i te taata tatara parau i te hiti e i muri iho ua poro i te a‘o ia
ratou. Ua maramarama ratou i te mau parau atoa. (Faatanohia na roto
mai E. Cecil McGavin, i roto The Historical Background of the Doctrine
and Covenants [1949], 156).
■ Eaha te mau horo‘a o te pae varua ta te Peropheta Iosepha Semita i
faaohipa i roto i teie fifi ? (Te ite-papû-raa, te heheuraa, te horo‘a o te
mau reo, e te haapiiraa)
■ Mai te mea e taime, a faatia i te tahi tau melo o te piha haapiiraa ia
faaite i to ratou mau iteraa papû no ni‘a i te mau haamaitairaa ta
ratou i farii na roto i te mau horo‘a o te pae varua.
323

324
34-b, Ua haapii Iosepha Semita na roto i te mana o te Varua.

Haapiiraa 34
Te Faahope‘araa
Te Parau Haapiiraa e te Mau Parau Fafau 46 o te tai‘o nei :
« A imi onoono outou i te mau horoa maitai roa ra, ma te haamana‘onoa-raa
i te tumu i horoahia mai ai taua mau mea ra ;
« No te mea oia maua ta‘u e parau atu nei ia outou, ua horoahia mai
taua mau mea ra ei maitai no ratou o tei here mai ia‘u nei e o tei
haapa‘o noa i ta‘u mau faaueraa atoa ra, e o oia atoa o te imi noa i te
ravea ia na reira; ia haamaitaihia ratou atoa o tei imi mai e a ore ra o tei
ani mai ho‘i ia‘u nei, o tei ani mai e eiaha ei tapao ia haamau‘a ratou i
te reira i ni‘a i to ratou ra mau hinaaro tia ore.
« E teie faahou â, oia mau ta‘u e parau atu ia outou na, te hinaaro nei au
ia haamana‘o noa outou, e ia vai noa i roto i to outou mau feruriraa e,
eaha mau ra taua mau horoa ra, o tei horoahia i te ekalesia ra.
« No te mea aore i hope te mau horoa i te horoahia na te mau taata
tata‘i tahi atoa; no te mea e rave rahi te mau horoa, e ua horoahia mai
te hoê horoa i te taata hoê atoa e te Varua o te Atua ra.
« Ua horoahia te hoê i te tahi, e ua horoahia te tahi ê ia vetahi ra, ia
maitai te mau taata atoa na roto i te reira » (te mau irava 8–12).
Te Tamataraa
A imi ia ite maite i ta outou mau horo‘a o te pae varua. A tamau noa i
te tatarahapa, i te haapa‘o i te mau faaueraa, ia haapae i te maa, e ia
pure no te tamâ i to outou oraraa, e ia faaineine ia outou iho no te farii
i te mau horo‘a o te pae varua.
Te mau metua tane : A tauturu i ta outou mau tamarii ia faanahonaho e
ia faatupu i ta ratou mau horo‘a.
Te Feia Apî Tane : A imi i te a‘o a to outou mau metua e feia faatere no te
tauturu ia outou ia faatupu i te mau horo‘a o te pae varua.
Te Tahi atu Mau Papa‘iraa Mo‘a
■ Ioane 11:22 (a ani i te Atua no te mau horo‘a)
■ Te Ohipa 2:17–18 (e rave rahi o te farii i te mau horo‘a o te pae varua)
■ 1 Korinetia 7:7 (ua farii te mau taata atoa i ta ratou iho horo‘a)
■ 1 Timoteo 4:12–16 (eiaha e tau‘a ore i ta outou horo‘a)
■ Iakobo 1:17 (ua tae mai te mau horo‘a maitai atoa mai ô mai i te Atua ra)
■ Alama 9:21 (ua farii te Ati Nephi e rave rahi horo‘a)
325

Haapiiraa 34
Te Faaineineraa a te Orometua Haapii
Hou a faaite ai i teie haapiiraa :
1. A hi‘o faahou Te Mau Parau Tunu no te Evanelia pene 22, « Te Mau
Horo‘a o te Varua. »
2. A faaue i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a, e aore râ te mau faahitiraa parau
ta outou e hinaaro nei.
326

TE PATURAA I TE
BASILEIA O TE ATUA
Haapiiraa 35
Te tumu o teie haapiiraa no te faaitoitoraa ïa ia tatou ia tauturu i te
paturaa i te basileia o te Atua.
Te Omuaraa
I te hoê taime, ua faaite o Elder Gordon B. Hinckley no ni‘a i te hoê taata
toro‘a apî e te maramarama o te ihitai no Asia mai o tei haere mai i te
Mau Fenua Amui o Amerika no te hoê haapiipiiraa faahaere faahou i
mua. A haapiipiihia ai e te Nuu Ihitai no te Mau Fenua Amui o Amerika,
ua farerei teie taata apî i te tahi mau melo o te Ekalesia. I ta’na titauraa,
ua haapii ratou ia’na no ni‘a i te evanelia. Ua haaputapû te Varua i to’na
aau, e ua bapetizohia oia.
Ua parau o Elder Hinckley :
« Ua haafareireihia mai oia ia‘u na mua noa iho i to’na ho‘iraa i to’na
fenua ai‘a. Ua paraparau maua no teie mau mea, e i muri iho ua parau
vau,’E ere to oe mau taata i te feia Keretetiano. Ua haere mai oe na te hoê
fenua mai i reira te mau Keretetiano i farii ai i te taime fifi. Eaha te tupu
ia ho‘i ana‘e oe i te fare ei Keretetiano e, ei Keretetiano Momoni ihoa ra ?
« Ua rumaruma ihora to’na hoho‘a mata, e ua pahono maira, ‘E inoino
to‘u utuafare. Te mana‘o nei au e tiahi ratou ia‘u i rapaeau. E hi‘o ratou
ia‘u mai te taata pohe ra. E no to‘u oraraa i mua e no to‘u toro‘a, te
mana‘o nei au e te mau rave fana‘o atoa e tapirihia ïa i ni‘a ia‘u.’
« Ua ani au, ‘Te hinaaro nei anei oe i te aufau i te hoo rahi roa no te
evanelia ?’
« To’na na mata ereere, tei faararihia e te mau roimata, ua anaana mai ïa
na roto mai i to’na hoho‘a mata maereere nehenehe a pahono mai ai oia,
‘E parau mau, e ere anei ?’
« Ma te haama no te aniraa’tu i te uiraa, ua pahono atu vau, ‘E, e parau
mau.’
« I te reira ua pahono mai oia, ‘I muri iho, eaha atu te fifi ?’ » (i roto
Conference Report, Eperera 1973, 72; e aore râ Ensign, Tiurai 1973, 48).
327

Haapiiraa 35
■ No te aha teie taure‘are‘a i vaiiho ai i to’na utuafare e to’na toro‘a no
te basileia o te Atua ? (Ua ite oia e, e mea faufaa a‘e te evanelia i te
mau mea atoa).
Ta Tatou Hopoi‘a ia Patu i te Basileia
■ A faaite i te hoê hoho‘a rahi no te faahitiraa parau i muri nei, e aore râ
a faahi‘o i te reira i ni‘a i te tabula papa‘iraa : Te Basileia o te Atua o te
mea tei faufaa mau. Te tahi atu mau mea atoa aita e faufaa ia tape‘a
mai i ô nei anei e aore ra i muri a‘era (Brigham Young, Discourses of
Brigham Young, mai te au i ta John A. Widtsoe [1954], 444).
■ Eaha te basileia o te Atua ?
Ua parau te peresideni Joseph F. Smith, « Te basileia o te Atua o te
faanahonahoraa ïa o Te Ekalesia a Iesu Mesia i te Feia Mo‘a i te Mau
Mahana Hope‘a Nei, i ni‘a i te reira te faatere nei te Tamaiti a te Atua,
e eita te taata nei » (Gospel Doctrine, 5raa o te nene‘iraa [1939], 72).
Mai te taime mai â ua faaho‘i-faahou-hia mai te basileia o te Fatu i te
fenua nei, ua farii te mau melo atoa o te Ekalesia i te hoê hopoi‘a no te
hi‘o atu e te tamau noa ra te reira i te tupu i te rahi. Ua titauhia ia tatou
tata‘i tahi ia faaite i te evanelia i te mau melo ore e ia haapuai i te tahi
atu mau melo. Ta tatou ohipa o te ohipa ïa a te Atua, oia ho‘i « no te
faatupu i te tahuti ore e te ora mure ore o te taata nei » (Mose 1:39).
A tauturu ai tatou ia patu i te basileia o te Atua, aita tatou e faaineine
noa ana‘e nei i te ao no te Tae Piti-raa Mai o te Faaora, tera râ te
tauturu atoa nei tatou i to tatou mau taea‘e e mau tuahine ia roaa te
ora mure ore. Aita’tu e mea faufaa atu i teie ohipa.
I roto i te paturaa i te basileia o te Atua, e mea ti‘a roa ia haamana‘o e, ua
riro te utuafare ei niu no te amuitahiraa no taua basileia ra. Te tumu mau
o te basileia o te Atua oia mau, no te faateiteiraa o te mau utuafare i roto i
te basileia o te ra‘i ra (a hi‘o 1 Korinetai 11:11 ; PH&PF 93:40 ; 131:1–4). E
ti‘a roa ia haapapû tatou, e no reira, ia ore tatou e tau‘a ore i to tatou mau
utuafare a tavini ai tatou i roto i te ekalesia: Mea maramarama te a‘o a te
Fatu: « O te taata atoa o te titauhia ia imi i te aufaa no to’na iho utuafare
ra, a tuu atu ia’na ia imi ra, e e ore ho‘i oia e ere i to’na korona; e a tuu atu
ho‘i ia’na ia rave i te ohipa i roto i te ekalesia » (PH&PF 75:28).
Te Ture no te Haamo‘araa
Hoê o te mau fafauraa ta tatou e rave e te Fatu ia farii ana‘e tatou i to
tatou mau ahu [endowments] o te hiero, o te oraraa ïa i te ture no te
haamo‘araa. Ua parau te Fatu i teie ture ei ture tiretiera, i raro a‘e i te
reira te horo‘a nei tatou i to tatou taime, te mau taleni, te mau tao‘a no
te patu i te basileia o te Fatu.
328

Haapiiraa 35
■ A tai‘o Te Parau Haapiiraa e te Mau Parau Fafau 88:22 e 105:1–5. No
te aha e ti‘a roa ia tatou ia maramarama i te ture no te haamo‘araa e
ia hinaaro ia ora i te reira ?
No ni‘a iho i teie ture te parau ra te Peropheta Iosepha Semita, « Te
haapa‘oraa o te ore e titau i te faatusiaraa o te mau mea’toa, aore roa ïa
e farii i te mana i rava’i no te faahotu i te faaroo e titauhia i roto i te
oraraa e te faaoraraa » (Lectures on Faith [1985], 69).
Mai te au i ta te Peropheta i faataa, e ti‘a roa ia faatupu i te huru o te
faaroo o te arata’i ia tatou i te ora mure ore. Taua faaroo ra e tae mai ïa
a tuu ai tatou i te mau mea no te basileia o te Atua na mua i roto i to
tatou mau oraraa.
Te Oraraa i te Ture no te Haamo‘araa i Teie Mahana
Noa’tu â e titau te ture no te haamo‘araa ia tatou ia hinaaro i te horo‘a
i te taatoaraa ta tatou i farii i te Fatu no te patu i To’na basileia, « aita
tatou i pii tamau-noa-hia ia ora i te ture taatoa o te haamo‘araa »
(Bruce R. McConkie, i roto Conference Report, Eperera 1975, 74;
e aore râ Ensign, Me 1975, 50).
■ Noa’tu â aita tatou e ora nei i te ture no te haamo‘araa mau i teie
taime, eaha ta tatou e nehenehe e rave no te faaite i to tatou hinaaro ia
ora i te reira ? (A tabula i te mau pahonoraa i ni‘a i te tabula papa‘iraa.
E nehenehe e faaô mai i roto i te mau pahonoraa te horo‘araa i to tatou
taime, te mau taleni e te mau tao‘a no te tauturu i te basileia o te Fatu.
E nehenehe e faaô mai te mau pahonoraa taa ê, te haapa‘oraa i to tatou
utuafare; te tautururaa ia vetahi ê i roto i te veve; te riroraa ei mau
misionare no to tatou mau taata tupu, mau hoa, mau opu fetii, e vetahi
ê; te raveraa i te maimiraa aamu utuafare e te ohipa o te hiero; te taviniraa
ma te haapa‘o maitai i roto i ta tatou mau piiraa o te Ekalesia ; te
aufauraa i te hoê tuhaa ahuru ti‘a e te horo‘araa i te tahi atu mau ô; e
te pureraa no te ite eaha ta te Fatu e titau nei ia tatou).
Te Haamo‘araa i to Tatou Taime, te Mau Taleni e te Mau Tao‘a
E ohipa fana‘o ia horo‘a i to tatou taime, te mau taleni, e te mau tao‘a
no te tauturu ia patu i te basileia o te Fatu. Ua parau o Elder Bruce R.
McConkie : « O te reo o te [Mesia] o te ani manihini nei ia tatou ia
horo‘a i to tatou taime, ta tatou mau taleni, e ta tatou mau rave‘a no te
amo i ta’na ohipa. O to’na reo te pii nei no te taviniraa e no te faatusiaraa.
O ta’na ohipa teie. Te arata’i nei ... oia e te arata’i nei i te vahi
hope‘a o to’na basileia » (i roto Conference Report, Eperera 1975, 77;
e aore râ Ensign, Me 1975, 52).
329

Haapiiraa 35
Te Taime
■ Nahea tatou e nehenehe ai ia faaohipa i to tatou taime no te tauturu
ia patu i te basileia o te Atua ?
Ua farii tata‘itahi tatou e 24 hora i te mau mahana atoa, tera râ te
faaohipa nei tatou tata‘itahi i te reira ma te taa ê. Te tahi o tatou te
haamau‘a nei i te taime e aore râ aita i nahonaho roa no te rave i te
taatoaraa o te hinaarohia nei ia tatou ia rave no to tatou mau utuafare,
te Ekalesia, ta tatou mau ohipa, e to tatou oire. Ua parau râ te peresideni
Spencer W. Kimball, oia ho‘i, mai te mea e opua tatou e e faanahonaho
i to tatou taime ma te paari, « te vai ra te taime no te taviniraa i
roto i te mau faanahonahoraa o te Ekalesia e i roto i te mau p∂p∂
[peresibutero] ; e taime no te ohipa misionare; e taime no te riroraa ei
peresideni p∂p∂, ei taata faatere no te mau p∂p∂, ei episekopo, ei peresideni
no te Sotaiete Tauturu, e [aore ra] ei orometua haapii » (The
Miracle of Forgiveness [1969], 253).
Te Mau Taleni
■ Nahea tatou e nehenehe ai ia faaohipa i ta tatou mau taleni no te
tautururaa ia patu i te basileia o te Atua ?
Ua horo‘a te Fatu ia tatou tata‘itahi i te mau taleni (a hi‘o PH&PF
46:11). Ua parau te peresideni Brigham Young : « Eaha te mea maitai
roa‘e ta outou e horo‘a ia outou no te Basileia o te Atua ? O te mau
taleni ïa ta te Atua i horo‘a ia tatou. Ehia rahiraa ? Ua farii te taata
atoa hoê o te reira » (Discourses of Brigham Young, 445).
Te tuahine JoAnn Ottley, te vahine faaipoipo a Jerold D. Ottley, tei faaau
i te hoê iteraa o te faaaite nei mea nahea to’na e ta’na tane faaipoipo i te
faaohiparaa i to raua mau taleni no te pehe ia tavini i te Fatu. Ua horo‘a
raua i to raua mau taime o te oraraa atoa i roto i te haapiiraa e te faatupuraa
i teie mau horo‘a e ua ti‘a i te rave i te mau faaotiraa e rave rahi
no ni‘a i ta raua faaohiparaa. I te taime tei Europa raua i te haapiiraa, ua
ite maite o te taea‘e e te tuahine Ottley e, ua farii raua i te hoê faaotiraa
faufaa e te fifi taa ê ia rave. Ua ite raua toopiti e mai te mea e faaea raua
i Europa, e farii raua i te mau rave‘a fana‘o no te manuïaraa. Teie râ, ua
hinaaro raua i ni‘a i te mau mea’toa ia rave i te mea ta te Fatu e hinaaro
ia raua ia rave. Ua hinaaro na hoa faaipoipo Ottley ia haapa‘o, tera râ,
hau atu i te reira, ua titau raua ia faaohipahia raua e te Fatu i roto i te
paturaa i To’na basileia i ô nei i ni‘a i te fenua nei.
Ua tapiti noa te taea‘e e te tuahine Ottley i te haapae i te maa e ua pure
no te arata’iraa a te Varua e no te ite i te hinaaro o te Fatu. Ua tae maira
ta raua pahono i roto i te hoê pureraa oro‘a i te hope‘a o te hoê taime
haapaeraa maa. Ua farii raua toopiti i te mau haamaramaramaraa hoê
330

Haapiiraa 35
â huru na roto i te Varua – oia ho‘i ta raua ohipa tei te fare. Ua ti‘a ia
Ottley ma ia ho‘i mai i te Mau Fenua Marite.
Ua pee maira te mau ava‘e hau atu no te haapiiraa, no te faaineineraa,
e no te tamataraa. I muri iho, ua faati‘a te Fatu ia raua ia ho‘i i Roto
Miti. Ua riro mai te tuahine Ottley ei melo no te P∂p∂ Himene Rahi o
te Fare Menemene, e ua amui atu te taea‘e Ottley i te Piha Toro‘a no te
Pehe a te Fare Haapiiraa Teitei o Utaha.
Hoê taime poto i muri mai, ua piihia te taea‘e Ottley e te Peresideniraa
Matamua o te Ekalesia ia riro ei arata’i no te P∂p∂ Himene Rahi a te Fare
Menemene. Ua faaineine mau â te Fatu ia raua no te taviniraa taa ê.
Ua maramarama o Ottley ma e e ere roa’tu i ta tatou mau to tatou
taime, ta tatou mau taleni e ta tatou mau tao‘a, na te Fatu ra. Te oaoa
rahi a‘e ta tatou e nehenehe e ooti i ni‘a i te fenua nei o te faaohiparaa
ïa i te reira i roto i te paturaa i te basileia o te Atua. (A hi‘o « The
Apples in a Seed », i roto Turning Points [1981], 23–29).
■ Eaha te huru ti‘araa ta te taea‘e e ta te tuahine Ottley i farii o tei horo‘a
i te hinaaro ia faaohipa i ta raua mau taleni no te paturaa i te basileia ?
(Ua ti‘aturi raua e, ua tae mai ta raua mau taleni no ô mai i te Fatu ra e
Na’na ïa).
■ A ani i te mau melo o te piha haapiiraa ia horo‘a mai i te mau mana‘o
no te mau taleni e rave rahi, e a tabula i te reira i ni‘a i te tabula papa-
‘iraa. A aparau nahea e nehenehe ai i te taata hoê ia faaohipa no te
paturaa i te basileia o te Atua. I muri iho a ani i te mau melo o te piha
haapiiraa ia feruri maite no te hoê taime i ta ratou iho mau taleni e
nahea ratou e nehenehe ai ia faaohipa i te reira no te faahaere i te
ohipa a te Fatu i mua.
Te Mau Tao‘a
■ Nahea tatou e nehenehe ai ia faaohipa i ta tatou mau tao‘a no te
tauturu ia patu i te basileia o te Atua ?
Ua papa‘i o Iosepha Semita, « No te hoê taata ia haamo‘a i ta’na tao‘a...
i te Fatu, aita e mea rahi atu aita atoa ho‘i i iti mai i te faaamuraa ïa i tei
poia, ia faaahu tei vai tahaa, ia hahaere i tei ivi e te otare, i tei ma’ihia e
tei ati, e ia rave i te mea’toa ta tatou e nehenehe no te aupuru i to ratou
mamâraa i roto i to ratou mau ati, e no’na e no to’na utuafare ia tavini
ïa i te Fatu » (Teachings of the Prophet Joseph Smith, mai te au i ta Joseph
Fielding Smith [1976], 127).
Noa’tu â ua horo‘a mai te Fatu ia tatou i te taato‘araa o ta tatou e fatu
nei, i te tahi mau taime, e ite tatou i te reira ei mea fifi no te faaohipa i
ta tatou mau tao‘a no te tauturu i Ta’na ohipa. Tera râ, ia faaohipa
331

Haapiiraa 35
ana‘e tatou ma te hinaaro mau i ta tatou mau tao‘a no te patu i te basileia
o te Fatu, te faaite nei ïa tatou i te here no vetahi ê, no te Metua i te
Ra‘i ra, e no Iesu Mesia. Te faaite nei hoê aamu i roto i te Faufaa Apî
eaha te fifi – tera râ, eaha atoa te faufaa – i te tahi mau taime o te horo-
‘araa ïa ma te hinaaro mau i ta tatou mau tao‘a o te fenua nei :
Ua haafatata maira hoê taata ia Iesu i te hoê mahana e ani maira,
« Eaha ta‘u e rave ia noaa ia‘u te ora mure ore ? »
Ua pahono Iesu e, e ti‘a ia haapa‘o oia i te mau faaueraa: eiaha e
faaturi, e taparahi, e eiâ, e parau i te iteraa hape, e rave ino ia vetahi ê.
Ua parau atoa Iesu ia’na ia faatura i to’na metua tane e to’na metua
vahine.
Ua pahono maira te taata e ua rave noa na oia i teie mau mea’toa. Ua
pahono atura Iesu, « Te toe ra te hoê mea ia oe : a haere a hoo atu i ta
oe ra e hope roa e, a hopoi atu ai na te taata rii, e e tao‘a ta oe i te ao i
reira ; a haere mai ai, a rave ai i to satauro, a pee mai ai ia‘u. » I to te
taata apî faarooraa i teie ua haere ê atura ma te oto no te mea e taata
ona roa oia (A hi‘o Mareko 10:17–22).
I te tahi mau taime, mai teie taata ona, te hinaaro nei tatou ia horo‘a i te
mea ta tatou e farii nei i te Fatu, e te tahi pae ra, ua hinaaro ïa ia horo‘a
hau atu i ta ratou e nehenehe. Ua maramarama te Fatu i to tatou mau
huru e ta tatou mau ohiparaa mai te reira huru. O ratou o te ore e
nehenehe ia horo‘a i te mea o ta ratou e hinaaro nei ia horo‘a, ua
parau te Arii Beniamina :
« E parau atu vau ia outou, e te veve ra, Aita a outou e faufaa, mori ra
ua navai ta outou i teie nei â mahana; e parau atu vau ia outou i tei
faaere i te taata veve, no te mea aita a outou; teie to‘u hinaaro ia outou,
ia parau iho outou i to outou aau e, aita vau e horoa, no te mea aita a‘u
e tao‘a ; ahiri e faufaa ta‘u, ua horoa’tu ïa vau.
« E tena na, ia parau outou i te reira i roto i to outou aau, te vai na ïa
outou i te hapa ore » (Mosia 4:24–25).
E ti‘a ia hinaaro tatou ia horo‘a i te Fatu i te taatoaraa ta tatou – mau
tao‘a, te taime e te mau taleni. E ite tatou e e tauturu teie hinaaro ia
tatou ia faatupu i te faaroo i te Fatu e te here no vetahi ê ra.
Te Faahope‘araa
Ei mau melo no Te Ekalesia a Iesu Mesia i te Feia Mo‘a i te Mau
Mahana Hopea Nei, ua farii tatou i te hopoi‘a ia patu i te basileia o te
Atua. E nehenehe tatou e rave i teie na roto i te haapa‘oraa i ta tatou
fafauraa ia tavini i te Fatu ma to tatou aau, te feruriraa, te mana‘o e te
puai atoa. Te auraa ra, e ti‘a ia hinaaro mau tatou ia horo‘a i te mea’toa,
te taime, te mau taleni e te mau tao‘a tei anihia ia tatou ia horo‘a no te
332

Haapiiraa 35
haaparareraa i te evanelia. A rave ai tatou i te reira, te faatupu nei tatou
i te faaroo e te here e te faaite nei i te Fatu e, te tuu nei tatou i To’na
basileia na mua. E mea ti‘a roa ia ora tatou i teie ture mai te mea e fatu
tatou i te basileia tiretiera.
Te Tamataraa
A feruri maite i to outou hinaaro ia horo‘a i te mea ta te Fatu e ani ia
outou. A hi‘opo‘a eaha te maitai ta outou e haamo‘a nei i to outou
taime, te mau taleni e te mau tao‘a no te ohipa a te Fatu. I muri iho a
faaoti ia rave maitai a‘e.
Te Tahi Atu Mau Papa‘iraa Mo‘a
■ Daniela 2:44 (e haere i mua te basileia o te Atua)
■ Luka 12:16–21 (te parabole no te taata ona maamaa)
■ Te Ohipa 2:44–45 (ua farii te mau Keretetiano matamua i te mau
mea’toa i roto i te hoê)
■ 1 Nephi 13:37 (te mau haamaitairaa no ratou o te tauturu nei ia
faahaere ia Ziona i mua)
■ Iakoba 2:18–19 (a imi i te basileia o te Atua na mua i te mau tao‘a rahi)
■ 4 Nephi 1:3 (ua farii te Ati Nephi e te Ati Lamana i te mau mea’toa i
roto i te hoê i muri a‘e i to te Mesia hahaereraa ia ratou)
■ Te Parau Haapiiraa e te Mau Parau Fafau 42:29–36 (hoê rave‘a ia
horo‘a i te veve oia ho‘i mea na roto ïa i te mau ô i horo‘ahia i te
episekopo)
Te Faaineineraa a te Orometua Haapii
Hou a haapii ai i teie haapiiraa :
1. A tai‘o Te Mau Parau Tumu no te Evanelia pene 34, « Te Faatupuraa i
ta Tatou Mau Taleni. »
2. A hi‘o faahou i te haapiiraa 19, « Te Faatupuraa ai ta Tatou Mau
Taleni », i roto i teie buka.
3. A faaineine i te hoho‘a rahi i horo‘ahia’tu te mana‘o i roto i te
haapiiraa, e aore ra a papa‘i te haamaramaramaraa i ni‘a ai te
tabula papa‘iraa.
4. A faaue i te mau melo o te piha haapiiraa ia faaite i te mau huru
aamu atoa, te mau papa‘iraa mo‘a e aore ra te mau faahitiraa parau
ta outou e hinaaro nei.
333

334
TE FAAHORORAA
A
Ti‘aauraa
Maitiraa [no te mau], 242–43
ti‘aauraa [e te] 185, 195–98
faahitiraa parau no ni‘a
e/na Iosepha F. Semita,
e/na N. Eldon Tanner,198
Ohipa faaoaoaraa A hi‘o Ohipa
faaoaoaraa a te utuafare
Faatahinuraa i te feia ma’i,
raveraa no te,
Ti‘amâraa,
ti‘aauraa [e te],
hoê ture mure ore
faahitiraa i ni‘a
e/na Brigham Young,
Ava, e opani te Parau Paari
Tupuna [mau]
haruharuraa i te haamaramaramaraa
no ni‘a,
haamana‘oraa i to tatou,
Huru ti‘araa [mau], haamauraa i te
maitai, no ni‘a i te mau taleni,
Mana Faatere [mau], patururaa o,
e hopoi‘a no te faatereraa,
Bapetizoraa
oro‘a no,
raveraa no te,
Haamaitairaa
B
metua tane [a te]. A hi‘o Mau
haamaitairaa a te metua tane
arata’iraa [no te] e te tamahanahanaraa,
raveraa no te
horo‘araa [e te] i te i‘oa o te mau
tamarii,
raveraa no te,
patereareha. A hi‘o Haamaitairaa
Patereareha
C
Piiraa [mau], autahu‘araa
ohiparaa,
iteraa e, no Spencer W. Kimball,
fariiraa i te tauturu i roto,
iteraa e, no Orson Pratt,
faahitiraa parau no ni‘a, e/na
Marion G. Romney,
Aroha, aravihi no te taata faatere
maitai,
Viivii ore e te tape‘araa ia’na iho,
Tamarii [mau]
faatitiaifaroraa,
haamauraa i te mau ture no te,
faahitiraa parau no ni‘a
e/na David O. McKay,
e/na N. Eldon Tanner,
horo‘araa i te hopoi‘a i te,
faahitiraa parau no ni‘a,
e/na F. Enzio Busche,
e/na L. Tom Perry,

e/na N. Eldon Tanner,
horo‘araa i te i‘oa e te haamaitairaa
o te,
raveraa no te,
haapiiraa
mau parau tumu o te evanelia,
haahitiraa no ni‘a, e/na N. Eldon
Tanner,
tape‘araa ia’na iho,
Ma’itiraa [mau]
ti‘aauraa no te,
faahitiraa parau no ni‘a e/na
Joseph F. Smith,
faahope‘araa [mau] no te raveraa,
faahitiraa parau no ni‘a, e/na
James E. Faust,
ti‘amâraa no te rave,
e te tape‘araa ia’na iho,
faahitiraa parau no ni‘a, e/na
David O. McKay,
faahoho‘araa aamu, e/na Spencer W.
Kimball,
Mesia. A hi‘o Iesu Mesia
Taofe, e opani te Parau Paari,
Tamahanahanaraa e te arata’iraa,
mau oro‘a no te,
Faaueraa [mau], te faatura i te
paturaa [e te] i ni‘a i te Mesia,
horo‘a [e te mau] pae varua,
Horo‘araa o te autahu‘araa
Melehizedeka, raveraa no te,
Haamauraa
titauhia no te, faahitiraa parau no
ni‘a, e/na Iosepha Semita,
oro‘a o te,
raveraa no te,
Haamo‘araa, ture no te,
oraraa,
faahitiraa parau no ni‘a,
e/na Brigham Young,
e/na Bruce R. McConkie,
e/na Iosepha Semita,
e/na Spencer W. Kimball,
Haamo‘araa o te hinu, raveraa no te,
Te Faahororaa
D
Tiakono [mau], mau hopoi‘a a te,
Feia i pohe, te mau oro‘a hiero no te,
Raveraa i te faaotiraa
Faaururaa [na roto i te],
tautururaa no ô mai i te Fatu ra i roto,
faaohiparaa,
faahitiraa parau [mau] no ni‘a
e/na Hartman Rector Jr.,
e/na Marion G. Romney,
e/na Robert L. Simpson,
Faaotiraa [mau], nahea ia rave,
Haamo‘araa [mau] o te mau
menema,
raveraa no te,
Horo‘araa i te mana
parau tumu [mau] no te,
faahitiraa parau [mau] no ni‘a
e/na Harold B. Lee,
e/na N. Eldon Tanner,
e te ti‘aauraa,
Hanahana i roto i te mau putuputuraa
a te Ekalesia,
Paruparu to te tino [mau], mau
arata’iraa no te faaitoitoraa i te
mau melo e,
Ite-papû-raa, pureraa no te, ia rave
ana‘e i te mau faaotiraa,
Faatitiaifaroraa i te mau tamarii,
Ma’i. A hi‘o Ma’iraa
Ohipa [mau], mau feia faatere ia
haapii mai,
E
Ite haapiiraa
Faaitoitohia te mau melo o te
Ekalesia ia noaa,
faahitiraa no ni‘a, e/na N. Eldon
Tanner,
tamau noa na roto atu i te oraraa,
faahitiraa no ni‘a, e/na Marvin J.
Ashton,
faarava’iraa [e te] ia’na iho,
335

Te Faahororaa
Puai i te pae aehuehu e te faarava-
’iraa ia’na iho,
Ohipa e te faarava’iraa ia’na iho,
Faaahuraa [endowment], hiero.
A hi‘o Faaahuraa o te hiero
Hi‘opo‘araa o te mau putuputuraa a
te Ekalesia,
Ino
Iteraa i te,
Mana, faahitiraa parau no ni‘a,
e/na Spencer W. Kimball,
Faateiteiraa, mau oro‘a e titauhia
no te,
Haamau‘araa [mau], faaitiraa mai,
na roto i te faaapuraa,
F
Utuafare
ohipa faaoaoaraa [mau]
opuaraa,
haapuai i te mau melo,
tahoê [o te],
apooraa,
manuïa ore e te, faahitiraa parau no
ni‘a, e/na David O. McKay,
metua tane ia pahono i te mau
hinaaro pae varua o te,
faaoaoaraa e te taatoaraa ei,
faufaa o te, faahoho‘araa aamu,
e/na Marion D. Hanks,
tautururaa i te mau melo o te
faatupu i te mau taleni,
faarii i te mau oro‘a o te hiero,
faahitiraa parau no ni‘a, e/na
Marvin J. Ashton,
Aamu. A hi‘o Ohipa o te Hiero
Nehenehe [e] te Varua Maitai ia
arata’i e ia haamaitai,
faufaa no te, faahitiraa parau no
ni‘a, e/na N. Eldon Tanner,
faatereraa o te,
opuaraa no te mau ohipa faaoaoaraa
na te,
faaineineraa i ta tatou,
poro‘i faaiteraa no ni‘a,
336
ma’itiraa i te mau fâ no te,
haapuaihia na roto i te mau ohipa
faaoaoaraa,
haapuairaa, na roto i te purera pô
utuafare,
oro‘a [mau] o te hiero no te,
tahoêraa, haamauruururaa no te
ohipa faaapuraa,
rave-amui-raa ei, 000–00. A hi‘o atoa.
Ohipa
Family home evening, 112–22
planning and conducting, 114–18
statement on, by First Presidency,
118
purpose of, 118–22
statements on, by First Presidency,
112, 122
spirit of, story illustrating, by
Marion D. Hanks, 120
strengthening family through, statements
on, by First Presidency,
120
strengthens family, 118–20
Haapaeraa i te maa
paturaa [e te] i ni‘a i te Mesia,
mau horo‘a [e te] i te pae varua,
Metua tane
a‘o ia, e/na Joseph F. Smith,
taviri [ei mau] no te haamaitai i te
utuafare,
faahitiraa parau [mau] no ni‘a
e/na a. Theodore Tuttle,
e/na Ezra Taft Benson,
e/na H. Burke Peterson,
faahoho‘araa aamu, e/na Eldred G.
Smith,
uiuiraa na, iteraa i tupu o N. Eldon
Tanner e,
ti‘araa o te
patereareha [ei] o to’na utuafare,
faahitiraa parau no ni‘a, e/na
Joseph F. Smith,
faahitiraa parau no ni‘a, e/na
Spencer W. Kimball,

Haamaitairaa [mau] a te metua
tane,
Nehenehe [e] e tauturu i te mau
melo o te utuafare ia faatupu i te
mau taleni,
raveraa no te horo‘araa,
faahoho‘araa aamu, e/na Ezra Taft
Benson,
Faahoaraa
Ekalesia [i roto i te],
hopoi‘a a te autahu‘araa no te,
faahitiraa parau [mau] no ni‘a,
e/na Gordon B. Hinckley,
Faahoaraa, mau rave‘a no te,
Peeraa na roto atu i te mau putuputuraa
a te Ekalesia,
Faaoreraa i te hara
hopoi i te popou,
hopoi i te hau,
faahitiraa parau no ni‘a, e/na John
Taylor,
faataeraa e te fariiraa,
faahoho‘araa aaa, e/na
Spencer W. Kimball,
Faaoreraa, titauraa no te, te mau taata
atoa,
faahitiraa parau, e/na Spencer W.
Kimball,
Ti‘amâraa. A hi‘o Ma’itiraa [mau],
G
Faaapu
opuaraa no te,
tanuraa i te,
faaineineraa i te vahi no te,
haapa‘oraa i te,
Faaapuraa,
haamauruururaa no te,
faahitiraa [mau] no ni‘a, e/na
Spencer W. Kimball,
aamu faahoho‘araa, e/na Spencer W.
Kimball,
Marûraa, aravihi o te taata faatere
maitai,
Te Faahororaa
Horo‘araa [mau], o te pae varua,
tai‘ohia,
faahoho‘ahia i roto i te iteraa i tupu
o Iosepha Semita,
noaaraa,
faahitiraa parau no ni‘a, e/na
Joseph Fielding Smith,
tumu [mau] o te,
aamu faahoho‘araa, e/na
Franklin D. Richards,
uiraa [mau] no te feruri a imi ai
tatou, e/na James A. Cullimore,
Fâ [mau]
rave-faaoti-raa
tauturu i te haereraa mure ore i
mua,
faahitiraa parau no ni‘a, e/na
Joseph Fielding Smith,
iteraa i tupu e
e/na J. Thomas Fyans,
e/na N. Eldon Tanner,
e/na Spencer W. Kimball,
taata iho e te utuafare,
e te tape‘araa ia’na iho,
faahitiraa parau no ni‘a, e/na
O. Leslie Stone,
Maitai, ite no te,
Evanelia
huru ti‘araa no ni‘a, faahitiraa parau
no ni‘a, e/na Gordon B. Hinckley,
haapiiraa i te mau tamarii i te mau
parau tumu o te,
Menema [mau], haamo‘araa o te,
raveraa no te,
Arata’iraa e te tamahanahanaraa,
mau oro‘a no te,
Reni arata’iraa
faaôraa [no te] mai i te mau melo e
melo paruparu,
horo‘araa [no te] i te mau i‘oa no te
ohipa o te hiero,
H
Upoo o te utuafare, mau taea‘e
hahaere utuafare no te tauturu,
337

Te Faahororaa
Ea
noaaraa, na roto i te faaapuraa,
ture [mau] a te Fatu no te,
faahitiraa parau no ni‘a, e/na
Brigham Young,
tape‘araa i te pae tino maitai
pae tino, e te faarava’iraa ia’na iho,
rave‘a [mau] no te parururaa,
Varua Maitai
paturaa [e te] i ni‘a i te Mesia,
nehenehe e arata’i i te utuafare,
aamu faahoho‘araa, e/na Henry B.
Eyring,
peeraa i te arata’iraa no te,
faahitiraa parau no ni‘a, e/na
Joseph Fielding Smith,
horo‘a o te, raveraa no te horo‘araa,
nahea te mau utuafare ia haamaitaihia
e te,
faufaa no te faarooraa i te, aamu
faahoho‘araa, e/na Bruce R.
McConkie,
Varua Mo‘a. A hi‘o Varua Maitai
Haaputuraa a te utuafare e te faarava’iraa
ia’na iho,
taea‘e hahaere utuafare
tauturu [no te] i te upoo o te utuafare,
faufaa no te, faahitiraa parau no
ni‘a, e/na Boyd K. Packer,
tavini [e] no te Fatu,
pahonoraa [e te] i te mau hinaaro
ote mau utuafare,
hopoi‘a [mau] o te,
faahitiraa parau no ni‘a,
e/na Davida O. McKay,
e/na Harold B. Bee,
Hahaereraa utuafare,
Parau ti‘a,
haamaitairaa o te,
faahitiraa parau [mau] no ni‘a, e/na
Howard W. Hunter,
338
aamu [mau] faahoho‘araa, e’na
Spencer W. Kimball,
utuafare [i roto i te]
faufaa o te,
faahitiraa parau no ni‘a, e/na
Brigham Young,
aamu [mau] faahoho‘araa
e/na Gordon B. Hinkley,
e/na O. Leslie Stone,
aamu faahoho‘araa, e/na Howard W.
Hunter,
Inu [mau] ve‘ave‘a
faataahia mai te ti e te taote,
opanihia e te Parau Paari,
I
Ma’i
tumu [mau] o te,
parururaa o te,
faaiteraa [mau] o te,
eaha te rave ia, tupu,
Faaururaa i roto i te raveraa i te
mau faaotiraa,
Haamaramaramaraa, noaaraa, na
roto i te faaapuraa,
Uiuiraa [mau]
arata’iraa maitai roa,
faahitiraa parau no ni‘a, e/na
N. Eldon Tanner,
J
Iesu Mesia
haamaitairaa [mau] no te faatupuraa
i te mau oraraa no ni‘a,
paturaa i ni‘a,
tamaaraa i ni‘a i te mau parau o te,
faahitiraa parau no ni‘a, e/na
Neal A. Maxwell,
« Te Mesia Ora. »
hereraa e te taviniraa,
hinaaro [to tatou] no te,
niu [ei] papû no te oraraa,
iteraa papû no te, e/na Melvin J.
Ballard,
Popou, hopoi te faaoreraa o te hara,

K
Taviri [mau], autahu‘araa,
mau [te] te metua tane, ei upoo no
te utuafare,
faufaa o te,
faahitiraa parau no ni‘a,
e/na Joseph Fielding Smith,
e/na Joseph F. Smith,
mau [o tei].\,
Maitai, aravihi o te taata faatere
maitai,
Basileia o te Atua,
paturaa,
faufaa o te, aamu faahoho‘araa,
e/na Gordon B. Hinckley,
ture [e te] no te haamo‘araa. A hi‘o
Haamo‘araa, ture o te
hopoi‘a [ta tatou] no te paturaa,
faahitiraa parau [mau] no ni‘a
e/na Brigham Young,
e/na Joseph F. Smith,
Ite,
faaueraa ia imi,
maitai [no te] e te ino,
tumu e te mau haamaitairaa o te,
faahitiraa parau no ni‘a, e/na
David O. McKay,
L
Ture o te haamo‘araa. A hi‘o
Haamoa’raa, ture o te
Ture [mau] o te ea. A hi‘o Parau Paari
Taata faatere
faataaraa o te,
faufaa o te, faahitiraa no ni‘a, e/na
Victor L. Brown,
aravihi [mau] o te maitai,
faahitiraa parau no ni‘a, e/na
Wendell J. Ashton,
Faatereraa
raveraa i te faaotiraa e,
horo‘araa i te mana ei huru no te,
faatupuraa,
hopoi‘a [mau]
Te Faahororaa
faahitiraa parau no ni‘a,
e/na Bruce R. McConkie
e/na Harold B. Lee,
Haapiiraa mai
raveraa [na roto i te],
faahitiraa parau no ni‘a, e/na
Richard L. Evans,
aamu faahoho‘araa, e/na Marion D.
Hanks,
Oraraa [mau], tamâraa, no te
fariiraa i te mau horo‘a o te pae
varua,
Faaoroma’iraa roa, aravihi o te taata
faatere maitai,
Fatu. A hi‘o Iesu Mesia
Here, hinaaro tumu o te taata nei
no te,
aamu faahoho‘araa, e/na Loren C.
Dunn,
Here faito ore, aravihi o te taata
faatere maitai,
M
Buka haapiiraa, faaohiparaa i teie,
Faaipoiporaa, oro‘a o te hiero,
Marû, aravihi o te taata faatere
maitai,
Putuputuraa [mau]
arata’iraa maitai roa,
tumu no te,
Autahu‘araa Melehizedeka
horo‘araa o te,
ohipa [mau] o te feia i mua i te
Melo [mau] e te mau melo paruparu,
mau reni arata’iraa no te faaô mai,
Taviniraa misionare,
taatoaraa no te rave,
faahitiraa parau no ni‘a, e/na
Gordon B. Hinckley,
faaôraa mai te utuafare i roto,
faahitiraa parau no ni‘a, e/na
Spencer W. Kimball,
nahea ia rave,
339

Te Faahororaa
Faateraa o te moni e te faarava’iraa
ia’na iho,
Metua vahine, faahitiraa no ni‘a i
te ohipa a te, e/na Spencer W.
Kimball,
N
Horo‘araa e te haamaitairaa o
te mau tamarii,
raveraa no te,
Hinaaro [mau], tumu o te taata nei,
O
Tapuraa e te fafauraa o te autahu-
‘araa,
fafauraa [e te mau] a te Fatu,
fafauraa [e te mau] i te Fatu,
faahitiraa parau no ni‘a
e/na Marion G. Romney,
e/na Spencer W. Kimball,
aamu faahoho‘araa, e/na Spencer W.
Kimball,
Haapa‘oraa e te mau horo‘a o te pae
varua,
O [mau]
haamaitairaa [mau] no te horo‘araa,
faaohiparaa [mau] o te,
aufauraa ma te hinaaro mau,
aamu faahoho‘araa, e/na Marion G.
Romney,
Hinu, raveraa no te haamo‘araa o te,
Nahonahoraa
Ekalesia [i roto i te],
putuputuraa [mau] i roto i te
Ekalesia,
Oro‘a [mau]
No te tamahanahanaraa e te arata-
’iraa,
titauhia no te faateiteiraa,
faahitiraa parau [mau] no ni‘a,
e/na Lorenzo Snow,
e/na Wilford Woodruff,
Faatoro‘araa, i te toro‘a autahu‘araa,
raveraa no te,
340
P
Faaohiparaa i roto i te mau putuputuraa
a te Ekalesia,
Haamaitairaa [mau] Patereareha,
faahitiraa parau no ni‘a, e/na
Spencer W. Kimball,
Hau, e hopoi mai te faaoreraa o te
hara,
Faaite-papû-raa, aravihi o te taata
faatere maitai,
Ea i te pae tino e te faarava’iraa
ia’na iho,
Opuaraa no te mau putuputuraa o
te Ekalesia,
Oaoa, noaaraa, na roto i te
faaapuraa,
Tao‘a [mau], haamo‘a i ta tatou, i te
Fatu,
Pure
patura [e te] i ni‘a i te Mesia,
raveraa [e te] i te faaotiraa,
ma’itiraa [e te] i te mau taata no te
haamatau atu i te Ekalesia,
tape‘araa [e te] ia’na iho,
horo‘a [e te mau] o te pae varua,
faaohiparaa, no te faatupu i te mau
taleni,
Faaineineraa
Ekalesia [ei]
faahitiraa parau [mau] no ni‘a,
e/na Joseph B. Wirthlin,
e/na Russell M. Nelson,
Autahu‘araa
haamaitairaa [mau]. A hi‘o
Haamaitairaa [mau]
piiraa [mau]. A hi‘o Piiraa [mau]
horo‘araa o te,
raveraa no te,
ohipa [mau] o te,
faaturaraa e te faarooraa ma te
hanahana,
faahitiraa parau [mau] no ni‘a,
e/na Brigham Young,
e/na David O. McKay,

e/na Harold B. Lee,
e/na James E. Talmage,
e/na Robert L. Simpson,
aamu faahoho‘araa, e/na
Harold B. Lee,
faufaa o te, mau faahitiraa parau
no ni‘a
e/na Joseph Fielding Smith,
e/na Reed Smoot ,
taviri [mau]. A hi‘o Taviri [amu],
autahu‘araa
feia faatere, mau hopoi‘a a te,
tapuraa e te fafaufaa o te. A hi‘o
Tapuraa e te fafauraa o te autahu‘araa
toro‘a [mau] i roto,
oro‘a [mau]. A hi‘o Oro‘a [mau]
faatoro‘araa i te mau toro‘a o te,
raveraa no te,
mana o te,
faahitiraa parau no ni‘a, e/na
H. Burke Peterson,
Tahu‘a [mau], mau ohipa o te,
Parau Tumu [mau], haapiiraa i te
mau tamarii i te evanelia,
Fifi [mau]
Iteraa, ia rave ana‘e i te mau
faaotiraa,
Haapiiraa, ia rave ana‘e i te mau
faaotiraa,
Faaafaroraa i te fifi, faahitiraa parau
no ni‘a, e/na Boyd K. Packer,
Haereraa i mua, mure ore
Tauturuhia e te mau fâ,
Tape‘araa [e te] ia’na iho,
Fafauraa [mau]
Fatu [a te], no te feia i mau i te autahu‘araa,
feia i mau i te autahu‘araa, i te Fatu,
Peropheta, peeraa i te peropheta ora,
e te paturaa i ni‘a i te Mesia,
Viivii ore
oraraa [o te mau] e te mau horo‘a o
te pae varua,
Te Faahororaa
mana‘o [o te]. A hi‘o Mana‘o [mau]
Tumu i roto i te oraraa, hinaaro
tumu o te taata nei no te,
R
Parau faati‘a, mau nei i te parau
faati‘a no te hiero,
Materia no te faatereraa e te faarava’iraa
ia’na iho,
Hopoi‘a, horo‘araa i te mau tamarii,
Faahitiraa parau no ni‘a, e/na
N. Eldon Tanner,
Ture [mau], haamauraa, no te haapii
i te mau tamarii i te tape‘araa
ia’na iho,
S
Mahana Sabati
haamaitairaa [mau] no te haapa-
‘oraa,
haapa‘oraa, mo‘a,
faahitiraa parau [mau] no ni‘a
e/na te Peresideniraa Matamua,
e/na Spencer W. Kimball,
mo‘araa o te,
faahitiraa parau [mau] no ni‘a,
e/na Ezra Taft Benson,
e/na George Albert Smith,
Oro‘a mo‘a
paturaa [e te] i ni‘a i te Mesia,
oro‘a o te,
Faaora. A hi‘o Iesu Mesia
Haapiiraa [fare], faufaa no te
haereraa,
Papa‘iraa mo‘a [mau]
paturaa [e te] i ni‘a i te Mesia,
tape‘araa [e te] ia’na iho,
Faatitiaifaroraa ia’na iho, hinaaro
tumu o te taata nei no te,
Arue ia’na iho, te hinaaro tumu o te
taata nei no te,
Tape‘araa ia’na iho
viivii ore [e te],
faatupuraa e te haapiiraa,
ti‘amâraa [e te],
341

Te Faahororaa
noaaraa,
tautururaa i te mau tamarii ia
faatupu,
titauhia no te haereraa mure ore i
mua,
faahitiraa parau no ni‘a, e/na Davida
O. McKay,
aamu faahoho‘araa, e/na
Sterling W. Sill,
tuhaa ahuru [e te]
Parau Paari [e te]
Tape‘araa ia’na iho
ite haapiiraa [e te]
toro‘a ohipa [e te]
haaputuraa [e te] maa,
opuaraa a te Fatu no te,
taata [a te] iho e a te utuafare,
ea [e te] i te pae tino,
materia [e te]no te faatereraa,
pae varua [e te], aehuehu, e te puai
sotiare,
faahitiraa parau no ni‘a, e/na
Boyd K. Packer,
aamu faahoho‘araa, e/na Marvin J.
Ashton,
Nava’iraa ia’na iho, haapiiraa mai,
na roto i te faaapuraa,
Taviniraa e te paturaa i ni‘a i te Mesia,
Faaiteraa i te evanelia. A hi‘o
Taviniraa Misionare
Ma’i, faatahinuraa i te,
raveraa no te,
Aravini [mau], faatupuraa no te
toro‘a ohipa,
Puai sotiare e te faarava’iraa ia’na
iho,
Varua. A hi‘o Varua Maitai
Pae Varua
horo‘araa [mau]. A hi‘o Horo‘araa
[mau], pae varua
Ti‘aau, faataaraa o te,
Ti‘aauraa
Ti‘aauraa [e te],
Faaueraa i te hoê,
342
faataaraa o te, e/na Spencer W.
Kimball,
horo‘araa i te mana [e te],
feia faatere no te faaî,
parau tumu [mau] no te,
Haaputuraa, utuafare, e te faarava-
’iraa ia’na iho,
Inu [mau] puai, te opani nei te
Parau Paari,
Patururaa i te hui mana, hopoi‘a a
te feia faatere,
T
Taleni [mau]
haamo‘araa i ta tatou, i te Fatu,
faatupuraa,
iteraa i tupu o Heber J. Grant e te,
faahitiraa parau [mau] no ni‘a,
e/na Heber J. Grant,
e/na sterling W. Sill,
iteraa atu,
faahitiraa parau no ni‘a, e/na
Franklin D. Richards,
aamu faahoho‘araa, e/na Franklin D.
Richards,
farii te taata atoa,
tautururaa i te mau melo o te utuafare
ia faatupu,
faahitiraa parau [mau] no ni‘a,
e/na Spencer W. Kimball,
e/na Sterling W. Sill,
Orometua haapii, mau ohipa a te,
Haapii atu, te faaineineraa ia,
Ti, e opani te Parau Paari,
Hiero
ahu [endowment], oro‘a o te,
faahitiraa parau no ni‘a, e/na
Brigham Young,
haere tuutuu-ore-raa i te,
faaipoiporaa, oro‘a no te,
oro‘a [mau]
tautururaa i te mau melo o te utuafare
ia farii i to ratou,

faufaa o te, mau faahitiraa parau
no ni‘a
e/na Boyd K. Packer,
e/na Howard W. Hunter,
titauhia no te faaoraraa,
horo‘araa, no to tatou mau tupuna,
fariiraa i ta tatou iho,
parau faati‘a, mauraa i te hoê,
faufaa o te, mau faahitiraa parau
no ni‘a,
e/na Gordon B. Hinckley,
e/na Howard W. Hunter,
ohipa,
aamu [e te] utuafare, mau faahitiraa
parau no ni‘a,
e/na Gordon B. Hinckley,
e/na Iosepha Semita,
reni arata’iraa [mau] no te,
Mana‘o [mau].
Tape‘araa, viivii ore,
Faufaa o te, aamu faahoho‘araa,
e/na Spencer W. Kimball,
Faahitiraa parau [mau] no ni‘a
e/na Boyd K. Packer,
e/na J. Thomas Fyans,
e/na Spencer W. Kimball,
Taime, horo‘araa i to outou, i te Fatu,
Tuhaa ahuru,
haamaitairaa [mau] no te aufauraa,
faahitiraa parau no ni‘a, e/na
Henry D. Taylor,
aamu faahoho‘araa, e/na Joseph F.
Smith,
ture o te,
tape‘araa [e te] ia’na iho,
varua o te, mau aamu faahoho‘araa
e/na Boyd K. Packer,
e/na Matthew Cowley,
faaohiparaa [mau] o te,
aufauraa ma te hinaaro mau,
Avaava, e opani te Parau Paari,
Ti‘aturiraa, e hope‘a to te parau ti‘a i
roto,
Te Faahororaa
W
Vahine [mau], te vai nei te mau
haamaitairaa autahu‘araa no te,
Parau Paari
opanihia te ava e te,
haamaitairaa [mau] no te haapa-
‘oraa,
faahitiraa parau no ni‘a, e/na
Spencer W. Kimball,
opanihia te taofe e te,
oraraa,
tapea’raa [e te] ia’na iho,
faahitiraa parau [mau] no ni‘a
e/na Joseph Fielding Smith,
e/na Spencer W. Kimball,
opanihia te ti e te,
opanihia te avaava e te,
Ohipa
Aravihi no te, hinaaro tumu o te
taata nei no te,
Faaueraa, i roto i te utuafare,
Faaaifaitoraa e te faafaaearaa e te
faataimeraa o te tino, faahitiraa
parau no ni‘a, e/na Franklin D.
Richards,
Utuafare taatoa [no te]
Utuafare ia tufa i roto,
Aamu faahoho‘araa, e/na Loren C.
Dunn,
Faanahonahoraa, i roto i te utuafare,
Haapiiraa, na roto i te faaapuraa,
Faufaa o te,
Faahitiraa parau [mau] no ni‘a
e/na David O. McKay,
e/na Neal A. Maxwell,
e/na Spencer W. Kimball,
343

344
TE MAU NOTA

TUHAA HOHO‘A
Te vai nei i roto i teie tuhaa te mau hoho‘a i ma’itihia mai roto mai i te
Afataa Hoho‘a Rima’i o te Evanelia (34730). E nehenehe teie mau hoho‘a
ia faaohipahia ei materia i amuihia mai no te haapiiraa o te evanelia e te
haapiiraa i te fare pure e i roto i te utuafare.
Te Faufaa Tahito
1. Aberahema o te Rave nei ia Isaaka no te Faatusiahia
Genese 21:1–8 ; 22 ; Tatararaa a Iosepha Semita, Genese 22:2
2. Te Pato‘i nei Iosepha i te Vahine a Potiphara
Genese 39
3. Mose e te Aihere e Ama nei
Exodo 3:1–4:17
4. Tootoru Tane i roto te Auahi Ama
Daniela 3
Faufaa Apî
5. Te Tamaiti Haere i te Fenua roa
Luka 15:10–32
6. Te Faati‘a nei Iesu ia Lazaro mai te Pohe mai (na Carl Bloch.
Faaohipahia e te parau faati‘a a te National Historic Museum i
Frederiksbord i roto i Hillerod).
Ioane 11:1–45
7. Iesu te Tamâ nei i te Avae o te Mau Aposetolo
Ioane 13:4–15 ; Tatararaa a Iosepha Semita, Ioane 13:8–10
8. No reira a Haere Outou
Mataio 28:16–20 ; Mareko 16:14–20
9. Te Mau‘eraa o Iesu
Te Ohipa 1:3–11
Buka a Moromona
10. Te Liahona
1 Nephi 16:6, 9–10, 16, 28–29 ; Alama 37:38
11. Amona o te Paruru nei i te N≤n≤ Mamoe a te Arii Lamoni
Alama 17:19–39 ; 18
12. Te taea‘e o Iareda te Ite nei i te Rima o te Fatu
Genese 11:3–8 ; Etera 1:33–43 ; 2–3; 6:2–3
345

Tuhaa hoho‘a
13. Te Huna nei o Moromona i te Mau Ap¥ i roto i te Aivi Cumorah
Moromona 6:6; 8:1, 3–4; Moroni 1:1; 10:2, 4–5
Aamu o te Ekalesia
14. Te Tatararaa te Buka a Moromona
Te Parau Haapiiraa e te Mau Parau Fafau 20:8–11 ; Iosepha Semita—
Aamu 1:34–35,
15. Te Pereoo Puaahorofenua o te Feia Omua te Haere nei i te Too‘a
o te râ Our Heritage: A Brief History of The Church of Jesus Christ of
Latter-day Saints, 75–80
Te Mau Hoho‘a o te Hiero
16. Te Hiero D.F. Mexico no te Oire Mexico
17. Te Piha Tiretiera, te Hiero Billings Montana
346