Create successful ePaper yourself
Turn your PDF publications into a flip-book with our unique Google optimized e-Paper software.
8 <strong>20</strong> <strong>тамыз</strong>, сейсенбі, <strong>20</strong>19 <strong>жыл</strong> ИІРІМ<br />
САРЫАРҚА САМАЛЫ<br />
ШОҢ БИ ЕДІГЕҰЛЫНЫҢ ТУҒАНЫНА – 265 ЖЫЛ<br />
Құран оқудан жарысты<br />
Биыл Баянауыл сыртқы округінің аға сұлтаны, «Төртуыл»<br />
одағының төбе биі, тарихи тұлға Шоң би Едігеұлының туғанына –<br />
265 <strong>жыл</strong>. Бабамыздың мерейтойы қазақ халқының маңдайына<br />
біткен біртуар тұлғаларды сыйлаған мекен - Торайғыр ауылында<br />
аталып өтті. Мұнда ерекше шара, Құран оқудан облыстық сайыс<br />
ұйымдастырылды.<br />
СПОРТ<br />
Жексенбі күні - Халықаралық<br />
спорт күніне орай «Ertis Half<br />
Marathon – Достық өзені»<br />
атты жартылай марафоны<br />
өтті. Шараға 600-ден астам<br />
адам қатысты.<br />
Марафон<br />
мәресіне жетті<br />
Айдана ҚУАНЫШЕВА<br />
Арғысы Айдабол, Тайкелтір, Едіге,<br />
Шоң, Торайғыр билер, ақын Сұлтанмахмұт<br />
Торайғыров, Қамар Қасымов, Шәкен<br />
Айманов сынды асыл перзенттер дүниеге<br />
келген өңір аймағымыздың ғана емес,<br />
еліміздің мақтанышы десек қателеспейміз.<br />
Осынау киелі өлкеде Шоң би Едігеұлының<br />
туғанына 265 <strong>жыл</strong> толуына орай, Елбасы<br />
Н.Назарбаевтың «Ұлы Даланың жеті қыры»<br />
мақаласындағы «Ұлы Даланың ұлы есімдері»<br />
жобасын жүзеге асыру мақсатында Құран<br />
оқудан облыстық жарыс ұйымдастырылды.<br />
Ауқымды шараға облыстық Мәшһүр Жүсіп<br />
орталық мешіті мен «Мәшһүр Жүсіп» қоры<br />
қолдау көрсетті. Сонымен қатар, Павлодар<br />
қалалық мәдениет және тілдерді дамыту<br />
бөлімінің тілдер секторының меңгерушісі<br />
Мейрам Нұғыман, ауылдық мәдениет үйінің<br />
қызметкерлері де атсалысты.<br />
Қамар Қасымов атындағы Мәдениет<br />
үйінде өткен облыстық жарыс 2 бөлімнен<br />
тұрды. Алғашқы бағыт бойынша бақ<br />
сынағандар жеребе арқылы таңдаған<br />
Құранның 1 парасын жатқа оқып, қазылар<br />
алқасы тарапынан қойылған сұраққа жауап<br />
берді. Ал екінші бөлімде қатысушылар<br />
Құран Кәрімді мәнерлеп оқудан жарысты.<br />
Оларға да қосымша тапсырмалар берілді.<br />
Сайыс үміткерлеріне Баянауыл ауданы<br />
«Мұса Мырза» мешітінің ұстазы Берікбай<br />
Германұлы кесімді баға беріп, төрелік етті.<br />
Сонымен қатар, Павлодар қаласындағы<br />
«Омар Әл-Фаруқ» мешітінің бас имамы<br />
Есембек Советұлы, облыстық Мәшһүр<br />
Жүсіп орталық мешітінің азаншысы Дәулет<br />
Сембайұлы, Екібастұз қалалық орталық<br />
мешітінің ұстазы, қари Ақбарқожа Омарұлы,<br />
Баянауыл ауданы, Майқайың кентінің наиб<br />
имамы Бірлік Скандарұлы төрелік етті.<br />
Қазақстан Мұсылмандары діни басқармасының<br />
Павлодар облысы бойынша өкіл<br />
имамның орынбасары, Мәшһүр Жүсіп орталық<br />
мешітінің наиб имамы Қанат Қабай жарысқа<br />
арнайы келіп, қатысушыларды құттықтап,<br />
ұйымдастырушыларға алғысын білдірді.<br />
- Пайғамбарымыз (с.ғ.с) хадистерінде<br />
«Сендердің ең жақсыларың – Құранды<br />
үйреніп, оны басқаларға үйреткендерің» деп<br />
келтіреді. Сондықтан Мұсылман адамының<br />
ең басты ұстанымы Құран болуы керек.<br />
Оны тек жаттап қана қоймай, өмір бойы<br />
ұстанатын жолына айналдыруы керек.<br />
Өзбекстан, Қырғызстанда қарилар өте<br />
көп кездеседі. Елімізде Шымкент жастары<br />
Құранды жаттауға көптеп келуде. Біздің<br />
өңірде де осы Құранды жаттайтын қарилар<br />
мен шәкірттерді оқытуымыз қажет. Басқа<br />
аудандарда да осындай жарыс өткізілсе<br />
дейміз, - деді Қанат Қабдіразақұлы.<br />
Жарысқа аудан, қала мешіттерінен 30-дан<br />
астам үміткер қатысты. Олардың арасында<br />
мешіт шәкірттері мен медресе түлектері,<br />
«Құран жаттау» орталығының шәкірттері<br />
болды. Барлығы жоғары дайындықпен<br />
келіп, қасиетті Құранның аяттарын шынайы<br />
ықыласпен оқыды. Атап өтерлігі, жарыста<br />
бақ сынағандардың қатарында имандылыққа<br />
бет бұрған мектеп жасындағы шәкірттердің<br />
қатары да көп болды. Қазылар алқасы<br />
қатысушыларды тізім бойынша шақырып,<br />
берілген тапсырмадан бөлек, қосымша<br />
сұрақтарын қойып, үміткерлердің білімі<br />
мен білігін бағалады.<br />
Жүлдегерлерді филология ғылымдарының<br />
кандидаты, профессор Ертай Жүсіпов<br />
марапаттады.<br />
- Әлемдегі мұсылмандардың көпшілігі<br />
Аллаға мың шүкір етсе, біз қазақ одан екі<br />
есе көп шүкір айтуымыз керек. Өйткені<br />
Алла Тағала бізді қазақ қып жаратты.<br />
Көп ұлттарда мұндай әулие, билер жоқ.<br />
Бейбіт аспан астында Құран оқудан жарыс<br />
өткізіп жатқанымызға шүкір етейік. Барлық<br />
ұйымдастырушыларға, қол ұшын созған<br />
азаматтарға Алла разы болсын, - деді ол.<br />
Қазылар алқасының шешімімен құранды<br />
жатқа оқу секциясы бойынша 3-орынды<br />
Ақсу қаласынан келген Бауыржан Әлімбеков<br />
алды. Ал Ақтоғай ауданының атынан бақ<br />
сынаған Ержан Амралинов жүлделі екінші<br />
орынға ие болды. Құранды нақышына<br />
келтіріп оқыған екібастұздық Райымбек<br />
Тілеубердинов жеңімпаз атанып, бірінші<br />
орынды қанжығасына байлады. Ал Құранды<br />
мәнерлеп оқу секциясы бойынша 3-орынды<br />
Май ауданынан келген Жағыпар Ғабдылғазиз<br />
иеленсе, екінші орынды павлодарлық<br />
Олжас Сираж жеңіп алды. Жүлделі бірінші<br />
орынды Екібастұз қалалық мешіті атынан<br />
сынға түскен Хайрол Нұрахмет еншіледі.<br />
Жүлдегерлердің барлығына ақшалай сыйлық<br />
табыс етілді. Өзге қатысушыларға Алғыс<br />
хат пен, Шоң би Едігеұлының мерейтойына<br />
арнап шығарылған төсбелгі және Ыбырай<br />
Алтынсариннің «Кел, балалар, оқылық»<br />
атты кітабы сыйға тартылды.<br />
Райымбек ТІЛЕУБЕРДИНОВ,<br />
Құранды жатқа оқу секциясының жеңімпазы:<br />
- Құранды оқумен 1 <strong>жыл</strong> айналысып<br />
келемін. Жаз мезгілінде Оңтүстік<br />
Қазақстан облысындағы Сарыағашқа<br />
жолым түсіп, Құранды жаттап,<br />
ұстаздардың уағызын тыңдадым. Бұл<br />
жарысқа бір апта дайындалдым. Өзім<br />
Екібастұз қалалық мешітінің шәкіртімін.<br />
Құран жаттауды Алла Тағала нәсіп етті.<br />
Сол үшін шүкіршілік етемін.<br />
Торайғыр ауылы,<br />
Баянауыл ауданы.<br />
Қарлығаш ХАШЫМҚЫЗЫ<br />
«Ertis Half Marathon – Достық өзені»<br />
марафонына Павлодар облысының<br />
тұрғындарынан бөлек, Нұр-Сұлтан, Орал,<br />
Алматы, Шымкент, Семей, Қарағанды,<br />
Теміртау, Қостанай, Көкшетау өңірлерінен,<br />
сонымен қатар Ресейдің Омбы және<br />
Новосібір қалаларынан спортшылар<br />
арнайы келді.<br />
Шараға қатысушылар жүгіруден бақ<br />
сынады. Мұндағы жартылай марафонның<br />
жалпы ұзындығы – 21 шақырым.<br />
Экиден эстафетасының да ұзындығы<br />
осыған тең. Сонымен қатар, балалар<br />
1 шақырымды бағындыру керек болса,<br />
мектеп жасындағылар үшін VIP жүгіру<br />
100 метр және жаппай жүгіру мен<br />
скандинавиялық жаяу жүріс 1,6 шақырымды<br />
құрады. Жарысқа қатысушы ерлер<br />
5 шақырымға жүгіріп, КСРО рекордшысы,<br />
спорт шебері Александр Кузнецовтың<br />
жүлдесі үшін бақ сынаса, әйелдер<br />
3 шақырымды жүгіріп өтіп, 1998 <strong>жыл</strong>ғы<br />
Нагано Олимпиадасының қола жүлдегері<br />
конькиші Людмила Прокашеваның кубогі<br />
үшін сайысқа түсті.<br />
Running Pavlodar құрама командасының<br />
үйлестірушісі Сапаргелді Әбдірашев<br />
марафонға көптеген спорттық сайыстардың<br />
чемпиондары арнайы келгенін айтады.<br />
- Бұл шараны өткізуге біз 3 <strong>жыл</strong><br />
дайындалдық. Нәтижесінде марафонға<br />
қатысуға еліміздің әр түкпірінен және<br />
көршілес Ресей елінен спорштылар<br />
келді. Мұндағы ең көп адам қатысқан<br />
түрі экиден эстафетасы болды. Яғни<br />
21 шақырымды бағындыруға 250 адам<br />
жүгірді. Атап өтерлігі, шарамызға қысқы<br />
жүзуден 80 жастағы әлем чемпионы<br />
Евгений Житнов, мүгедектер арбасындағы<br />
марафоншы Аркадий Губарев және жүзден<br />
астам марафонға қатысушы Амегульсин<br />
Мұсылмановалар қонақ болып келді, -<br />
дейді Сапаргелді Әбдірашев.<br />
Марафон жүлдегерлері «Eртіс<br />
Promenade» сахнасында арнайы марапатталды.<br />
Шара соңы жергілікті өнерпаздардың<br />
концертіне ұласты.<br />
Амегульсин МҰСЫЛМАНОВА,<br />
72 жаста, марафонға қатысушы:<br />
- Бұл - мен қатысып отырған<br />
111-ші марафон. Оның ішінде 103-і<br />
42 шақырымға арналған. Мен 5, 10<br />
шақырымдағы жүгірістерді санап<br />
отырған жоқпын. Жүгіру менің<br />
өмірімде ерекше орын алады. Қазір<br />
жүгірістен бөлек, биатлон, триатлонмен<br />
айналысамын. Сондықтан<br />
мен үшін бүгінгі 21 шақырым аса<br />
бір қиындық тудырып отырған жоқ.<br />
Ендігі мақсатым - Азия мен Малайзияда<br />
өтетін чемпионатқа қатысу.<br />
«EРТІС PROMENADE»<br />
Эдвард – Павлодарда!<br />
Сенбі күні «Eртіс Promenade» сахнасында<br />
румыниялық сазгер Эдвард Майя мен отандық<br />
эстрада жұлдыздары «Action» тобы өнер көрсетті.<br />
Қарлығаш ХАШЫМҚЫЗЫ<br />
Дәл осы күні павлодарлықтар «Мұнай-газ кешені қызметкерлерінің<br />
күнін» атап өтті. Айтулы датаға орай Ертіс-Баян өңіріне ат басын<br />
бұрған өнер иелері жерлестерімізге ерекше көңіл-күй сыйлай білді.<br />
- «Eртіс Promenade» жобасы қала тұрғындары үшін демалыс<br />
күндерін тиімді өткізетін орынға айналды. Себебі, біз мұнда өзіміздің<br />
сүйікті әншілерімізбен жүздесіп, олардың әндерін жанды дауыста<br />
тыңдай аламыз. Тіпті, концерттен кейін өңірге келген өнер иелерімен<br />
естелікке суретке түсуімізге де мүмкіндік бар. Бізге әр аптаның<br />
сенбісінде қазақстандық және шетелдік жұлдыздармен қауышуға<br />
мүмкіндік берген ұйымдастырушыларға зор алғысымызды білдіреміз, -<br />
дейді қала тұрғыны Азиза Болат.<br />
Сенбілік кеш әдеттегідей жергілікті өнерпаздардың концертімен<br />
басталып, отандық «Action» тобының шығармаларымен сабақтасты.<br />
Өнерлі топ түрлі жанрдағы хит әндерді орындап, көрермен көңілінен<br />
шыға білді. Тіпті, марқұм Батырхан Шүкеновтің репертуарынан<br />
ерекше орын алған «Джулия» әнін жерлестеріміз өнерлі топпен<br />
бірге шырқады. Ал айтулы күннің басты қонағы болған румыниялық<br />
Эдвард Майяны жерлестеріміз <strong>жыл</strong>ы қабылдады. Өз кезегінде<br />
әнші Павлодардағы ән кешін Қазақстанда туған анасына арнайтынын<br />
жеткізді.