190918 SHUSHICE BOOKLET PER WEB

Projekti
Arkitektura tradicionale e zonës
Ndërtesat tradicionale të Shushicës
përfaqësojnë banesat tipike të fshatrave të
Shqipërisë së Mesme: shtëpi një-katëshe,
me mure balte / qerpiçi, me çati me rrasa
guri e më vonë me dru e tjegulla.
Më vonë, kur edhe ekonomia u rrit,
fshatarët nisën të ndërtonin shtëpi dykatëshe,
ku në katin përdhes mbanin
bagëtinë (quri), e në katin e parë banonin
të zotët e shtëpisë. Në të njëjtën mënyrë
ndërtoheshin edhe godinat e mullinjve, por
kryesisht me muraturë guri.
Ndërtesat e reja
Ndërtimet e reja në fshat, sidomos në
vitet e fundit janë kryesisht struktura të
ndërtuara me materiale betoni, tulle, etj.
Për tju përshtatur ndryshimeve të kohës
dhe teknologjisë, shpeshherë abuzohet me
këto materiale.
Rekomandime
- Sugjerohet kujdes në përzgjedhjen e
materialeve të ndërtimit, duke mos krijuar
ndërtesa të cilat nuk përfaqësojnë një
marrëdhënie të mirë më kontekstin ku
ndodhen.
- Evokimi i stileve të ndërtimit që nuk i
përkasin vendit dhe kontekstit, sugjerohet
të shmanget.
- Rekomandohet përdorimi i kujdesshëm
dhe i ndërgjegjshëm i materialeve të reja
dhe tradicionale, të sjella në stile ndërtimi
bashkëkohore.
- Për tju përshtatur kontekstit rural dhe
natyror, sugjerohet përdorimi i materialeve
ekologjike dhe tradicionale, si guri, druri,
tjegulla e vendit, etj.
- Nuk inkurajohet njëhsimi i ngjyrave të
fasadave të ndërtesave, dhe as përdorimi i
ngjyrave të forta e të shndritshme.
- Sugjerohet kujdes në format e jashtme të
ndërtesave dhe nuk sugjerohet përdorimi
i formave (kryesisht të çative) tejet
ekspresive.
Rikonstruksione dhe adaptime
Rekomandime
- Në rastet e rikonstruksionit apo
ripërdorimit të objektet ekzistuese,
sugjerohet ruajtja e formave ekzistuese
të godinave, si edhe ruajtja e muraturës,
çative, etj. për të shmangur ndryshime
të mëdha fizike, të cilat mund të mos i
përgjigjen kontekstin të ndërtimit.
- Nuk rekomandohet ‘maskimi’ apo
fshehja e materialeve primare të ndërtimit,
nën veshje guri apo materialesh të tjera.
- Sugjerohet identifikimi i objekteve të
braktisura, të cilat mund të adaptohen e të
përmbajnë funksione të tjera.
Fig. 10 (majtas)
Skemë me konceptet dhe parimet e marra në konsideratë gjatë projektimit të Agroturizëm dhe
Kantina ‘Ilir’. Përshtatja me terrenin e thyer kodrinor, orientimi i godinës për të mundësuar ventilimin
natyror të duhur, diellëzimi dhe hijëzimi sipas nevojave të funksioneve.
17