Create successful ePaper yourself
Turn your PDF publications into a flip-book with our unique Google optimized e-Paper software.
2<br />
<strong>31</strong> <strong>қазан</strong>, бейсенбі, <strong>2019</strong> <strong>жыл</strong> АҚПАРАТ<br />
Баспаналы<br />
бола алады<br />
Аймақ ұстаздары мен дәрігерлеріне алғашқы<br />
жарна ретінде тұрғын үй сертификаттарын<br />
табыстау мүмкіндігі қарастырылады. Жауапты<br />
органдарға мұндай тапсырманы қоғамдық<br />
қабылдау шарасы аясында Павлодар облысының<br />
әкімі Болат Бақауов берді.<br />
Аймақ басшысы әр аптаның сейсенбі күні «Nur Otan»<br />
партиясының облыстық филиалында азаматтарды жеке<br />
мәселелері бойынша қабылдайтыны белгілі. Бұл жолы облыс<br />
әкімінің қабылдауына 9 адам жазылған. Олардың бірі дәрігернеонатолог<br />
болып жұмыс істейтін қызына тұрғын үй сертификатын<br />
беруді сұрады. Болат Жұмабекұлы денсаулық сақтау<br />
басқармасы мен өтініш білдірушінің қызы жұмыс істейтін медицина<br />
мекемесінің басшысына аталған мәселені мұқият қарастыруды<br />
тапсырды.<br />
Сондай-ақ, облыс әкімі Б.Бақауов өзінің Instagram әлеуметтік<br />
желісіндегі ресми парақшасында:<br />
- Жалпы, білім беру және денсаулық сақтау басқармаларының<br />
басшыларына Павлодар облысы бойынша бастапқы жарна үшін<br />
тұрғын үй сертификатын берген жағдайда, қанша педагог пен<br />
медицина маманы үй алуға дайын екендігін есептеуді тапсырдым, -<br />
деп жазба қалдырған.<br />
Өз тілшіміз.<br />
Суретті түсірген – Валерий Бугаев.<br />
Құндыз ҚАБЫЛДЕНОВА<br />
Александр Эскиджян отбасылық<br />
жағдайға байланысты орта мектепті<br />
аяқтай алмапты. 8-сыныпты тәмамдаған<br />
соң еңбекке ерте араласуына тура<br />
келіп, түрлі салада қызмет атқарды.<br />
Кейін үйленіп, шаңырақ көтерді.<br />
Отбасының жағдайын жасау үшін<br />
Павлодар қаласындағы базарлардың<br />
бірінде аяқ киім сатты. Ал әйелі<br />
үйде түрлі мерекелік шараға тапсырыспен<br />
торттар пісірді. Тұрғындар<br />
тарапынан сұраныстың жоғары екенін<br />
байқаған отбасы дәл осы бағытта<br />
кәсіп бастауға бел буды. Сөйтіп,<br />
облыс орталығындағы дүкендердің<br />
бірінде орналасқан шағын цехты жалға<br />
алып, тәттінің түр-түрін пісіріп, сата<br />
бастады. Кейін шағын цех тарлық<br />
етіп, кәсіпті кеңейтуді ойлас-тырды.<br />
«Өндіріс» бағдарламасы арқылы 9<br />
млн. теңгеге жеңілдетілген несие<br />
алып, бұл сомаға құрал-жабдықтарды<br />
жаңартып, кең цехқа көшті. Нәтижесінде<br />
кондитерлік орынның қуаттылығы<br />
да, нарық ауқымы да артты. Бұған<br />
дейін тек павлодарлық дүкендерді<br />
қамтып келген «Эскиджян» жеке<br />
кәсіпкерлігінің өнімдеріне Нұр-Сұлтан,<br />
Өскемен, Семей қалаларының<br />
фирмалары тарапынан да қызығушылық<br />
пайда болып, сол өңірлерге түрлі<br />
тәттіні жөнелте бастады. 2018 <strong>жыл</strong>ы<br />
«Бизнестің жол картасы – 2020»<br />
мемлекеттік бағдарламасы бойынша<br />
SARYARQA SAMALY<br />
КӘСІПКЕРЛІК<br />
Дипломсыз-ақ іс бастап...<br />
Жоғары оқу орнын былай қойғанда, орта мектепті тәмамдауға мүмкіндігі болмаған<br />
павлодарлық Александр Эскиджян – бүгінде табысты кәсіпкерлердің бірі. Өз<br />
ісін облыс орталығындағы базарлардың бірінде аяқ киім сатудан бастаған ол<br />
қазіргі кезде кондитерлік өнімдерді шығарумен айналысады. Кәсібін одан әрі<br />
дамытып, нарықтан ойып тұрып орын алу үшін орта жолда үзіліп қалған білімін<br />
қайта жалғастырмақ.<br />
несие ресімдеп, жеке ғимарат пен<br />
италиялық заманауи пештер, қант<br />
қосылған печенье пісіретін арнайы<br />
тізбек сатып алды. Бүгінде күніне<br />
шамамен 700 келі кондитерлік өнім<br />
шығарады. Оның жартысына жуығы<br />
Шығыс Қазақстан облысы мен<br />
Ресейдің Бийск, Славгород өңірлеріне<br />
сатылады. Атап айтқанда, айына<br />
2-2,5 мың тонна павлодарлық өнім<br />
басқа аймақтардың дүкен сөрелерінен<br />
орын алады. Ал оларды небары<br />
9 кондитер пісіреді.<br />
- Қазіргі кезде 65 түрлі кондитерлік<br />
өнімді дайындаймыз. Жуық арада<br />
бірнеше жаңа құрал сатып алып,<br />
өнім түрлерін көбейткіміз келеді.<br />
Оған қоса, біздің цехтың қасындағы<br />
ғимаратты сатып алып, жеке дүкен<br />
ашуды қалаймыз. Сол кезде маман<br />
тапшылығы болуы әбден мүмкін.<br />
Себебі бұл мәселе өңірде өзекті тұр.<br />
Павлодар қаласындағы колледж- дер<br />
биыл кондитерлік өнімдер технологиясы<br />
мамандығы бойынша<br />
студенттерді қабылдамағанға<br />
ұқсайды. Тек мейрамхана, қонақ<br />
үй, қоғамдық тамақтану ісі сынды<br />
салалар мамандарын оқытуда. Білімді,<br />
білікті технологтардың болмауы кәсіпті<br />
кеңейтуді қалайтын бизнес өкілдеріне<br />
кедергі келтірмей қоймайды, - дейді<br />
А.Эскиджян.<br />
Бұл ретте кәсіпкер өзінің орта<br />
мектепті де тәмамдамағанын айтып<br />
қалды.<br />
- Менің аттестатым да, дипломым<br />
да жоқ. Соған қарамастан, мемлекет<br />
қолдау білдіріп, бағдарламаларға<br />
қатысып, бүгінде игілігін көріп<br />
отырмын. «Атамекен» кәсіпкерлер<br />
палатасының қолдауымен биыл<br />
Нұр-Сұлтан қаласындағы Назарбаев<br />
университетінде «Іскерлік байланыстар»<br />
жобасына қатысып, кейін<br />
С.Торайғыров атындағы Павлодар<br />
мемлекеттік университетінде бизнескурстан<br />
өттім. Соның нәтижесінде<br />
кәсіпті жүргізудің қыр-сырын үйрендім.<br />
Енді кезінде үзіліп қалған орта білімімді<br />
қайта жалғастырып, 9-11-сыныптың оқу<br />
бағдарламасын меңгермек ойым бар.<br />
Себебі бизнесті дамытып, нарықты<br />
зерттеп, әріптестермен байланыс<br />
орнату үшін міндетті түрде білім<br />
керек, - дейді ол.<br />
Айта кетелік, бүгінгі күні аталмыш<br />
кондитерлік цех өз өнімдеріне<br />
сауда белгісін алу үшін патенттеу<br />
бюросына өтініш берді. Бұл<br />
бюроның мамандары тиісті талдама<br />
жұмыстарын жүргізіп, отандық<br />
және әлемдік нарықты саралайды.<br />
Егер Александр Эскиджян қалаған<br />
атау бос болса, көпшілік «Эскиджян»<br />
жеке кәсіпкерлігінің өнімдері деп<br />
білетін тәттілер нақты атауға ие<br />
болмақ.<br />
НАРЫҚ<br />
Нанның бағасы<br />
төмендеді<br />
Екі апта бұрын «Павлодар нан-тоқаш комбинаты»<br />
жауапкершілігі шектеулі серіктестігі<br />
«Тау нан» формалық нанның бір бөлкесін<br />
дүкендерге 105 теңгеден босатса, енді оның<br />
бағасы 95 теңгеге төмендеді.<br />
Суретті түсірген – Роза Мұстафина.<br />
Бұл туралы кәсіпорынның басшысы Виталий Сартаков қол<br />
қойып, Павлодар қаласының әкімдігіне жолдаған хаттан белгілі<br />
болды. Хатта 22 <strong>қазан</strong>нан бастап комбинаттың бірінші сұрыпты<br />
ұнға деген тәуліктік қажеттілігі 10 тонна болса, ол қазіргі кезде<br />
толық өтелетіндігі туралы айтылған. Кәсіпорынға ұн сататын<br />
«Агро-Даму» ЖШС-і ұнның бағасын бір деңгейде ұстауда. Яғни,<br />
комбинат ұнның бір келісін 95 теңгеден сатып алады.<br />
- Жоғарыда айтылғанға байланысты, сондай-ақ, «Агро-<br />
Даму» жауапкершілігі шектеулі серіктестігі алдағы уақытта ұнның<br />
сатылым бағасын бір деңгейде сақтап, біздің ұнға деген тәуліктік<br />
қажеттілігімізді өтеп отырады деген сеніммен «Тау нанның» бір<br />
бөлкесін 95 теңгеден сату туралы шешім қабылдадық, - деп<br />
жазады комбинат басшысы.<br />
Еске салайық, <strong>қазан</strong> айының ортасында нан-тоқаш комбинатында<br />
бірінші сұрыпты нанның сатылым бағасы көтерілген еді.<br />
Дүкендер комбинаттан жеткізілген нанды 105 теңгеден сатып<br />
алуға мәжбүр болды. Кәсіпорын басшылығы нан бағасының<br />
қымбаттауын ұнның құнының өсуімен байланыстырды.<br />
Павлодар облысы әкімінің баспасөз қызметі.<br />
«НҰРЛЫ ЖЕР»<br />
Жеке үйлерге жайғасады<br />
Биыл Ақсу қаласында 56 көпбалалы отбасы баспаналы болады. Олар үшін<br />
«Нұрлы жер» мемлекеттік бағдарламасы аясында екі пәтерлі 28 үйдің құрылысы<br />
жүргізілуде. Жеке тұрғын үйлер осы <strong>жыл</strong>дың соңына дейін пайдалануға берілмек.<br />
Құндыз ҚАБЫЛДЕНОВА<br />
Ақсу қаласындағы №14 және №15 шағын аудандарда<br />
«ГСУ Құрылыс», «Жәрдем», «Портал-ПВ» және<br />
«Боровков» құрылыс компаниялары бір қабатты жеке<br />
үйлерді салуда. Көпбалалы отбасыларға арналған<br />
тоғыз үйдің құрылысын қолға алған «Боровков» жеке<br />
кәсіпкерлігінің директоры Виктор Боровковтың айтуынша,<br />
келесі айдан бастап тұрғын үйлер ел игілігіне<br />
беріле бастайды.<br />
- Құрылыс жұмыстары осы <strong>жыл</strong>дың маусым айында<br />
басталды. Әр пәтердің аумағы – 85 шаршы метр.<br />
Қазіргі күні ішкі және сыртқы жұмыстар жүргізіліп,<br />
төбесі жабылуда. Алғашқы 4-5 үйді қараша айында,<br />
ал қалғанын желтоқсан айында тапсыру жоспарланып<br />
отыр. Мұнда орталықтандырылған <strong>жыл</strong>у, су, кәріз,<br />
электр желілері тартылған. Құрылыс барысында 30-ға<br />
жуық адам еңбек етуде, - дейді В.Боровков.<br />
Жалпы, Ақсу қаласындағы дәл осы шағын аудандарда<br />
жеке үй құрылысын дамыту мықтап қолға<br />
алынды. Мәселен, былтыр №14, 15 аудандарда барлығы<br />
11 баспана пайдалануға берілсе, биыл 8 үйдің иелері<br />
белгілі болды. Ал келесі <strong>жыл</strong>ы 62 баспананың құрылысы<br />
басталмақ. Бұл мақсатқа мемлекеттік қазынадан<br />
909,4 млн. теңге қарастырылды.<br />
Ақсу қаласы.