11 ақпан, 2020 жыл №16 (15486)

8 11 ақпан, сейсенбі, 2020 жыл ИІРІМ
SARYARQA SAMALY
ТЕАТР
АБАЙДЫҢ ҚАРА СӨЗДЕРІ
Наурызда -
қос премьера
Облыстық Ж.Аймауытов атындағы қазақ музыка-драма театры
көрерменге ерекше сый әзірлеуде. Оның бірі Абай Құнанбаевтың
175 жылдығына орай Мұхтар Әуезовтің «Жас Абай» қойылымы
болса, екіншісі – Ұлы Жеңістің 75 жылдығына арналған Шыңғыс
Айтматовтың «Жәмиласы».
«Абайдың портреті» 1945 ж.
Суретші - Ә.Қастеев.
Қарлығаш ХАШЫМҚЫЗЫ
Биыл іргетасы қаланғанына 30 жыл
толып отырған аймақ руханиятының қарашаңырағы
- Ж.Аймауытов атындағы қазақ
музыка-драма театры еліміздегі мерейлі
даталарды атап өтуде бейжай қарап қалмауды
жөн көріпті. Өнер ошағы қазіргі таңда
қос мерекеге орай екі жаңа қойылымның
премьерасына әзірлікті бастап кеткен.
Оралхан ҚОЖАНОВ
Турнирдің ашылуы салтанатында сөз
алған ҚМДБ Павлодар облысының өкіл
имамы Жолдас Қоспақұлы Қазақстан мұсылмандары
діни басқармасының құрылғанына
30 жыл толуына орай аймағымызда көптеген
игі шаралар қолға алынатынын жеткізді.
Волейбол турнирі – соның бірі.
- Алдағы уақытта 30 жетім баланың
оқу ақысын төлеу, ауылдық мешіттерді
күрделі жөңдеуден өткізу, көпір салу сияқты
бірқатар маңызды шаруалар атқарылады.
Хакім Абайдың 175 жылдығына байланысты
мешіт қызметкерлері арасында Абай
оқуларын өткізу жоспарда бар. Имамдарды
уағызды Абайдың ғибратты әңгімелерімен
сабақтастырып айтуға үндеп жатырмыз, -
дейді Жолдас Қоспақұлы.
Театрдың бас режиссері Әділет Ақанов
жас Абайдың бейнесін ашуды, сол кездегі
жер дауы мен жесір дауын бұқараға бүкпесіз
жеткізуді өзіне міндет еткен екен.
- Қойылымның негізгі өзегі болатын
көрініс - Қодар мен оның келіні Қамқаның
жазықсыз айыпталып, өлім жазасына кесілуі.
Осы сәтті өз көзімен көрген бала Абайдың
өмірге деген көзқарасы мен ойын көрсетуге
тырысамыз. Бұл қойылымның премьерасы
наурыз айының басына жоспарланып отыр, -
дейді Ә.Ақанов.
Қазір жаңа туындының сахналық безендірілуі
мен актерлердің костюмдері дайындалу
үстінде. Спектакльдегі Абай образын
ашу театрдың жас әртісі Абзал Жақып
мен Нұржан Әбіласанға бұйырған. «Жас
Абай» драмасын тамашалап, хәкімнің
жастық шағының куәсі болғыңыз келсе,
премьераға келіңіз!
Ақсу жамағаты жарады
«Баянтау» спорт сарайында
мешіт жамағаты арасында
волейболдан облыстық турнир
ұйымдастырылды. Ауа
райының қолайсыздығына
қарамастан жарысқа аймағымыздың
түкпір-түкпірінен
16 команда қатысты.
Волейбол турниріне келсек, команда
сапында міндетті түрде 1 мешіт қызметкері
болу керек деген талап қойылды. Жолдас
Қоспақұлының айтуынша, имамдар жан-жақты
болуы тиіс. Спорттық шараның өткізудің
бірден-бір себебі – осы.
Тарихқа зер салсақ, Мұхтар Әуезовтің
«Абай жолы» эпопеясы негізінде дайындалған
сахналық қойылым алғаш рет 1949 жылы
28 желтоқсанда Қазақ драма театрында
қойылған. Оның режиссері - даңқты жерлесіміз
Шәкен Айманов. Ал Мұхтар Әуезов
пен Леонид Соболев жазған «Абай» трагедиялы
пьесасы алғаш рет 1940 жылы
қазанның 30-ы күні Асқар Тоқпановтың саxналауымен
көрермен назарына ұсынылған.
Содан бері қазақ сахнасынан түспей келе
жатқан Абай тақырыбы әлі талай ұрпаққа
өнеге болары хақ.
Театрдың тартуы мұнымен таусылмақ
емес. Наурыз айының ортасында Шыңғыс
Айтматовтың «Жәмила» повесінің желісімен
әзірленіп жатқан жаңа қойылымның
тұсаукесерін жасамақ. Бұл Ұлы Жеңістің
75 жылдығына арналмақ. Қойылымның
режиссері – Жангелді Садықов.
Тартысты өткен турнирде 1-орынды
Ақсу мешітінің жамағаты иеленді. Екінші
орынға Железин аудандық мешіті табан
тіресе, үздік үштікті Шарбақты ауданының
жамағаты түйіндеді. Жүлдегерлерге кубок
пен Алғыс хаттар табысталды.
ҰЛЫ ЖЕҢІСКЕ - 75 ЖЫЛ
Патриоттық әндер шырқалды
АЛТЫНШЫ СӨЗ
Қазақтың бір мақалы: «Өнер
алды - бірлік, ырыс алды -тірлік»
дейді. Бірлік қандай елде болады,
қайтсе тату болады - білмейді. Қазақ
ойлайды: бірлік - ат ортақ, ас ортақ,
киім ортақ, дәулет ортақ болса екен
дейді. Олай болғанда байлықтан не
пайда, кедейліктен не залал? Ағайын
құрымай мал іздеп не керек? Жоқ,
бірлік - ақылға бірлік, малға бірлік
емес. Малыңды беріп отырсаң, атасы
басқа, діні басқа, күні басқалар да
жалданып бірлік қылады! Бірлік
малға сатылса, антұрғандықтың
басы осы. Ағайын алмай бірлік қылса
керек, сонда әркім несібесін құдайдан
тілейді, әйтпесе құдайдан тілемейді,
шаруа іздемейді. Әуелі біріне-бірі
пәле іздейді. Не түсін, не ажарын,
не өкпесін бұлдап, ол болмаса, бір
пәле салып, қорғалатып, әйтеуір
бірін-бірі алдаудың амалын іздеседі.
Мұның қай жерінен бірлік шықты?
«Ырыс алды - тірлік» дейді, ол
қай тірлік? Ол осы жан кеудеден
шықпағандық па? Жоқ, ондай тірлік
итте де бар. Ондай тірлікті қымбат
көріп, бұлдаған адам өлімді жау көріп,
ахиретке дұшпан болады. Жанын
қорғалатып, жаудан қашып, қорқақ
атанып, еңбек қылудан, қызмет
қылудан қашып, еріншек атанып,
ез атанып, дүниеде әлгі айтылған
ырысқа дұшпан болады. Ол айтқан
тірлік олар емес. Көкірегі, көңілі тірі
болса, соны айтады. Өзің тірі болсаң
да, көкірегің өлі болса, ақыл табуға
сөз ұға алмайсың. Адал еңбекпен
ерінбей жүріп мал табуға жігер
қыла алмайсың.
Кеселді жалқау, қылжақбас,
Әзір тамақ, әзір ас,
Сыртың - пысық, ішің - нас,
Артын ойлап ұялмас, -
болып жүріп, тірімін деме, онан да
алла жіберген ақ бұйрықты өлімнің
өзі артық.
1891
Сенбі күні Ұлы Жеңістің 75 жылдығына арналған әскери-патриоттық
әндер фестивалі өтті. Шараға облыс орталығындағы білім
ошақтарының жастары қатысты.
Облыстық «Шаңырақ» халық шығармашылығы
және мәдени–сауық қызметі орталығында
өткен әскери-патриоттық әндер байқауын
«Ауған соғысының және жергілікті
соғыстардың ардагерлері» ҚҚ белсенділері
ұйымдастырды. Екі бөлімнен тұратын байқаудың
бірінші кезеңінде жас әншілер Ұлы
Отан соғысы жылдарында майдангерлерге
рух берген әндер мен Ауған соғысына
қатысты туындыларды орындады.
Байқау қортындысы бойынша, Кенжекөл
мектебінің оқушысы Рузия Әбіл «Мен сені
қалдырмаймын» және «Леха» әндерін нақышына
келтіре шырқап, бас жүлдені еншіледі.
Бірінші орын Павлодар қаласындағы №22
орта мектептің намысын қорғап келген
Баян Айдарханға бұйырды. Жүлделі екінші
орынды №9 мектеп-гимназияның атынан
шыққан Алиса Козолуп пен №41 мектептің
триосы өзара бөлісті. Ал №21, №16 және
№35 мектептің өнерпаздары үшінші орынға
ие болды.
Жеңімпаздар арнайы дипломдармен
марапатталып, бағалы сыйлықтарға ие
болды.
Қ.ХАШЫМҚЫЗЫ.