Der Kliny Fjyśt
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ejwum płoc, wu yh jes jür bej rogyfoła.
– Klin menćła, cy ej dos ny nok ȧ bejzer troüm myt dar yter
ȧn myt dam cüśtyma mytum śtam…
Oder ȧ ziöet mer uf dos ju nist ny cyryk. Ȧ ziöet:
– Wo ej wihtik, zit’ȧ ny…
– Frȧłik…
– S’ej wi mytum błimła. Wen dy ȧ błimła höst gan, wo’s uf
ȧm śtam wönt, do ys’s śejn, s’nahts ym hymuł cücyzan. Oły
śtam hon błimła.
– Frȧłik…
– S’ej wi bym woser. Dos, do dy mer gost cy trynkja, wiöe wi
müzik, dy śwengzuł ȧndy śnür… Dy gydenkst… s’wiöe güt.
– Frȧłik…
– Dy wyst ju s’nahts yn śtam cüzan. Mȧj śtam ej cy klin, do’h
der’ȧ wje kyna wȧjza. Ȧzu ys’s beser. Mȧj śtam wyt fjyr dejh
ȧner fu dan śtam błȧjn. Ȧzu wysty y oła śtam gan cüzan… Zy
wan oły dȧj gyśpona zȧjn. Ȧn derzȧnk wa yhy der ȧ gyśenk
maha…
Ȧ łaht wejder.
– Ȧ, klin menćła, klim menćła, yhy ho zu łiw, y dam łaha
cücyhühja!
– Grod dos ej mȧj gyśenk… S’wyt zȧjn wi myt woser…
– Wos mȧnsty myt dam?
– Dy łoüt hon jyr śtam, wo zy ny zȧjn nymłik fjyr idyn. Fjyr
miöehja wagabunda zȧjn dy śtam byłȧtyn. Fjyr andry zȧjn
zy nok kliny łihtła. Ȧn wejder fjy dy ander, fjy dy gyłiöeta,
zȧjn zy umśtend cy füśja. Fjyr men Koüfmon wün zy fu gułd.
Oder oły di śtam mȧlta zih ny. Dü oder, dü wyst dy śtam hon
wi zyst-kȧner…
– Wos mȧnsty?
– Wen dy s’nahts ym hymuł cüzist, diöh dos, do yhy uf ȧm
86