124

TOKIO 2020
S P O R T S M A N
Startına 4 ay qalmış
təxirə salınan olimpiada
2020-ci il iyulun 24-dən
avqustun 9-a kimi keçirilməli
olan XXXII Yay Olimpiya
Oyunları 2021-ci ilə təxirə
salınıb. Olimpiadanın gələn
il 23 iyul – 8 avqust tarixlərində
baş tutacağı açıqlanıb.
Planetin ən böyük idman
yarışının keçirilmə yeri isə
dəyişməyib – oyunlar Tokioda
olacaq.
İlin əvvəlindən COVID-19 pandemiyasının
inkişafı fonunda digər
böyük yarışlar kimi Tokio olimpiadasının
da təxirə salınacağı barədə
şaiyələr yayılsa da, məsul şəxslər
əvvəlcə inamla oyunların öz vaxtında
təşkil ediləcəyini deyirdilər. Belə
ki, martın 15-də Yaponiyanın baş naziri
Shinzo Abe yaya kimi vəziyyətin
düzələcəyini və Olimpiya oyunlarını
elə planlaşdırılan tarixdə keçirəcəklərini
bəyan etdi.
Martın 18-də isə Beynəlxalq
Olimpiya Komitəsinin (IOC) prezidenti
Thomas Bach Avropa Olimpiya
Komitələri və Avropa ölkələrinin üzv
milli olimpiya komitələrinin rəhbər
şəxsləri ilə təşkil etdiyi videokonfransda
olimpiadanın təxirə salınacağı
ilə bağlı aparılan mülahizələrin
yolverilməz olduğunu bildirdi.
Bach deyirdi ki, IOC milli olimpiya
komitələri və beynəlxalq idman
federasiyaları ilə birlikdə olimpiadanın
keçirilməsi üçün bütün mümkün
tədbirləri reallaşdırmaqda maraqlıdır.
4
спортсман № 124 / 2020