Сарыарқа самалы, 25 қыркүйек, сенбі

SARYARQA SAMALY
25 қыркүйек, сенбі, 2021 жыл 7
ЭССЕ
Редакциямызға Павлодар қаласы №19 орта мектептің бастауыш сынып оқушылары тырнақалды
туындыларын жолдапты. Оқушылардың әсерлі эсселерін назарларыңызға ұсынуды жөн көрдік.
Тіл ғұмыры -
ұлт ғұмыры
Тіл - қоғамдағы басты қатынас құралы. Себебі
адамдар өмірде бір-бірімен тіл арқылы сөйлеседі,
пікір алмасады, тілдеседі. Сонымен қоса, Мұқағали
атамыздың үш бақытының бірі болған тіл - ұлт
байлығы.
Менің ана тілім - қазақ тілі.
Қазағымның қазақтығын және
азаттығын танытқан қазақ тілі екені
айдан анық. Ана тілінің қадірқасиетін
түсіне білген халқымыз
оны ұлттың рухына, қазынабайлығына
балаған.
Қазіргі таңда әлемде жеті
мыңдай тіл бар. Оның көбіне жойылу
қаупі төніп тұр. Бұл - бұрыннан
келе жатқан тарихи тілдер жоғалып
бара жатыр дегенді білдіреді. Бұдан
не байқауға болады. Тіл қорғауды
қажет етеді.
Қазіргі таңда тіл мәртебесі
жоғары орынға қойылуда. Оны
Қазақстан Республикасының
Президентінің жақында ғана халыққа
жолдаған Жолдауынан байқауға
болады. Жолдауда «Болашағын
Отанымызбен байланыстыратын
әрбір азамат қазақ тілін үйренуге
ден қоюға тиіс. Бұл отаншылдықтың
басты белгісі деуге болады» деп
айтылды. Сонымен қоса, жастардың
өзге тілдерді де меңгеріп, заман
талабына, бәсекелестікке қабілетті
болу маңызды екені белгілі. Әсіресе,
өскелең ұрпақтың, біздің, алдымызда
бірнеше тіл білу міндеті тұр.
Тіл өмір сүрсе ұлт та өмір сүреді.
Ұлттың ұлт екенін танытатын тіл
мен дәстүр екені белгілі. Ендеше,
тілге қандай құрмет көрсетсек те
лайық. Ал оның тапталмай биікке
көтерілуі біздің, болашақ ұрпақтың
қолында. Тіліміздің ғұмыры мәңгі
болғай!
Менің өлкем
Сезім МЕЙРАМБЕК,
2 «Б»-сынып оқушысы.
Мен Павлодар қаласында тұрамын. Жыл сайын
жазғы демалысымды Баянауылда өткіземін.
Баянауыл – еліміздің көрікті аймақтарының бірі.
Онда мал шаруашылығы, туризм жақсы дамыған.
Табиғатында сирек кездесетін
аңдар мекендейді. Баянауылда
менің ата-әжем тұрады. Олар
мен келгенде қуанып, бар тәттісін
дайындап қояды. Көкжал және
Тарзан атты иттерім де менің
алдымнан жүгіріп шығады.
Ауылда уақыт көңілді өтеді.
Әсіресе, ойнағанда, уақыттың
қалай тез өтіп кеткенін білмейсін.
Мен ата-әжеме үй шарушылығына
көмектесемін. Күндіз су тасып, бие
сауысып, кешкісін бұзау бағып,
сиыр айдап әкелемін. Кешке
таман отбасымызбен кезектесіп,
күбідегі қымызды пісеміз. Оған
қоса шілде, тамыз айларында
қарақат, итмұрын тереміз. Бос
уақытта иттермен ойнап, тауларға
шығуға болады. Қалаға келісімен,
ауылымды сағындым. Келесі жазғы
демалысты асыға күтемін.
Әкежан ҚАДЫРКЕШ,
4 «А»-сыныбы.
ҚЫЛҚАЛАМ
Мультфильмдегі сүйікті кейіпкерлер!
Суретті салған - Әлихан НЫҒМАН, №24 орта
мектептің 3-сынып оқушысы.
Денсаулық – зор
байлық!
Әр адам салауатты өмір
салтын ұстану керек. Ол
үшін тек қана пайдалы
тамақты тұтыну қажет.
Фаст-фуд дегенді қойып,
құрамында дәрумендері көп
жеміс-жидектерді көбірек жеу
қажет. Қазір балалар мен бірге
ересектер де тез дайындалатын
өнімдерді жеуге құмар. Бірақ
оны көп мөлшерде тұтыну
ағзаға зиян екенін ұмытпау
керек. Әсіресе, жылдың күз
және көктем мезгілдерінде
дұрыс тамақтанудың пайдасы
зор. Иммунитетті түсіріп алмау
керек. Сонымен қатар, адамдар
таза ауамен
тыныс алуы
қажет. Бүгінде адамдардың
көбі телефонға үңіліп отырады.
Ол да денсаулыққа өте зиян.
Оның орнына серуенге шығу
немесе спортпен шұғылдануды
әдетке айналдыру керек.
Мен салауатты өмір салтын
ұстанамын!
Мектебіммен
мақтанам!
Суретті салған – Нағима ДРАГОНОВА, №24 орта
мектептің 3-сынып оқушысы.
Кәусар СЕРІК,
4 «А»-сынып оқушысы.
Биыл бастауыш сыныпты тәмамдап, келесі
жылы орта сыныпқа көшемін. Білім алатын
мектебім - Павлодар қаласындағы үздік білім
ошақтарының бірі.
Алтын ұямды жақсы
көремін. Күн сайын қуана
сабаққа барып, достарыммен,
ұстаздарыммен көрісіп, мәресәре
болып үйге ораламын.
Білім беретін ұстазымыз
Эльмира Қабиденқызы - біздің
ақылшымыз. Өте бауырмал,
ақкөңіл адам. Екінші анамыздай.
Тәжірибелі ұстаздан тәлім алып
жүргенімізді мақтан етемін.
Тоғжан АЙТПАЙ,
4 «В»-сынып оқушысы.
БАЛАПАН ЖЫР
Анашым
Шыққанда жарқын күн,
Жанарың шашып нұр.
Иіскейсің жақындап кеп,
Төгілтіп ән мен жыр.
Бағымсың, анашым,
Мәпелеп өсірген.
Алдыңда боташың,
Қатесін кешірген.
Бойыңда бар қасиетті
Мұра ғып бересің.
Жақсылық ниетті
Мақсат қып келесің.
Айналып-толғанып
Атады әр кез таң.
Анашым, ардақтым!
Арнадым өзіңе ән!
Саяжан САҒДИЕВА,
№32 орта мектептің
6 «А»-сынып оқушысы,
Павлодар қаласы.
ЭССЕ
Ана –
өмірімнің
мәні
Ана - жер бетіндегі ең
әдемі сөз. Бала айтқан
алғашқы сөз және ол
барлық тілдерде бірдей
нәзік естіледі. Ананың ең
мейірімді жүрегі, бәрін
жасай алатын ең
нәзік қолдары
бар. Адал және
сезімтал
жүректе
ананың
ұлы
махаббаты
ешқашан
өшпейді.
Әлемде көптеген аналар бар және олардың
бәрі әртүрлі. Бірақ оларды біріктіретін
нәрсе бар, бұл - бізге берген махаббат.
Мен үшін анамдай жақын адам жоқ. Ол -
менің досым, ұстазым. Ол мені көп
нәрсеге үйретті. Ол - менің қуанышым.
Бақыт ананың алғашқы сүйіспеншілігінен
басталады, бізді құшақтап, сүйген алғашқы
адам – біздің анамыз. Мен анама көп
қарыздармын. Маған қамқорлық жасай
отырып, осы әлемде өмір сүруді үйретті.
Аналарымызды ешқашан ренжітпейік!
Нұрия ҚАЙЫРГЕЛДИНОВА,
№14 орта мектептің
9 «А»-сынып оқушысы,
Павлодар қаласы.