Buki di informashon 2021 / 2022 Broeder Rigobertusschool
Nos ke yama bonbiní na tur alumno i mayor di nos skol. Den e aña eskolar nobo, den un nòrmal nobo ta importante pa mayornan traha huntu ku maestronan pa asina por yuda e yu mas miho den su desaroyo
Nos ke yama bonbiní na tur alumno i mayor di nos skol. Den e aña eskolar nobo, den un nòrmal nobo ta importante pa mayornan traha huntu ku maestronan pa asina por yuda e yu mas miho den su desaroyo
- TAGS
- rkcs
- schoolgids
- spesial
- skol
Create successful ePaper yourself
Turn your PDF publications into a flip-book with our unique Google optimized e-Paper software.
Broeder Rigobertusschool
Buki di informashon 2021 / 2022
Skol Katoliko pa Enseñansa Spesial
Sta. Rosa # 29 (Drenta Kaya Djembe)
Tel. 767-1224/ 6781471 / 5681471
e-mail: rigobertusschool@rkcs.org
“Desafio ta hasi bida interesante.
Superá nan ta duna bida balor.”
1
Orashon di Papa Francisco
Na Santisima Birgen Maria, Mama di amor
(kontra pandemia di Corona Virüs)
Oh Maria,
Abo ku semper ta resplandesé den nos kaminda komo
signo di salbashon i speransa.
Abo ku ta salú di enfermonan,
abo kende na pia di e Krus di Hesus, a uni ku su doló i a
mantené bo fe: nos ta konfia den bo.
Abo kende ta intersedé pa salbashon di tur pueblo;
Bo sa di nos nesesidat
i nos tin e siguransa ku bo ta pidi pa nos, meskos ku na
Kana di Galilea, pa nos por haña bèk nos legria i
goso,despues di e momentu di prueba aki.
Yuda nos, Mama di Amor Divino, pa nos ta konforme ku
boluntat di Tata,
i pa nos hasi loke Hesus bisa nos.
E ku a tuma riba su skouder tur nos sufrimentu i dolónan
pa medio di Su Krus,
i asina hiba nos na legria di Su Resurekshon.
Amèn
Nos Tata, Ave Maria i Gloria ( 3x)
2
Introdukshon:
Pagina
Historia di skol Br.Rigobertus .............................................. 4
Ken tabata Broeder Rigobertus ? ......................................... 6
Palabra di Bonbiní ................................................................ 8
Kiko ta enseñansa spesial i kon pa inskribí? ........................ 9
Ki ora un mucha ta bin un skol spesial? ............................. 10
Bishita na skol .................................................................... 11
Diferente manera di duna lès: ............................................ 13
Maestronan di Broeder Rigobertusschool: ......................... 14
Aktividatnan pa mayor ....................................................... 15
Dianan liber den aña eskolar 2021 / 2022 .......................... 16
Reglanan pa muchanan ku ta bai ku bùs ............................ 18
Komishon di keho .............................................................. 20
Komishon di mayor ............................................................ 22
Seguro di skol .................................................................... 23
Materianan ku nos ta duna e muchanan (MLK) ................. 24
Ekskurshon......................................................................... 28
Ayudo èkstra òf ayudo spesial (Zorgplan) ......................... 29
Algun punto ku ta bon pa mayor sa!!! ................................ 33
Orashon pa famia ............................................................... 42
Kon por lanta muchanan drechi i responsabel .................... 49
Derechi i obligashon di alumno, direktiva di skolnan
katóliko (‘bevoegd gezag’) i mayornan .............................. 55
Boletin informativo COVID-19 57
3
Historia di skol Br.Rigobertus
Pa nos haña sa e historia di nos skol i na kua aña el a
kuminsa, nos a buska i lesa den e korant di
SEDUKAL(Servisio Edukashonal) e tempu ei ku tabata
yama “Enfasis”.
Den e luna di desèmber di aña 1976 nan a skibi ku den aña
1954 tabata tin un grupito di mucha ku ta tin problema ku
siñamentu.
Sea nan no por a kòrda e sòmnan ni e lèternan ni nan no
por a konsentrá largu.
E muchanan aki tabata na Johan Mauritsschool i aya nan a
kuminsá ku un klas
spesial pa nan i nan a yamé LOM klas. Pero esei no a yuda
masha.
Segun tempu tabata bai nan a ripará ku tin hopi mas mucha
ku e sorto di
problemanan aki.
Gobiernu a manda buska 2 hende for di Hulanda ku a
studia pa traha ku e tipo di muchanan aki.
Awor ku hendenan a yega tabata tin mester di 2 lokal i
material pa kuminsá
traha pero no tabatin esakinan.
Asina Bellefaas Martisschool a fia 2 lokal, ku nan por a
kuminsá traha aden.
Pero mas mucha tabatin mester di e sistema spesial aki.
4
Ta pesei na aña 1976 a haña pèrmit pa traha e skol aki ku 8
lokal, kantor, kushina ets.
Dia 10 di Sèptèmber 1976 e promé piedra pa nos skol a
wordu poné dor di
Diputado Willy Franco (q.e.p.d.) i sra. Vigdis Jonckheer
(q.e.p.d) di Direktiva di skolnan Katóliko.
E skol a haña e nòmber Totolika.
I na aña 1978 a kambia e nòmber den BROEDER
RIGOBERTUS SCHOOL.
E promé kabes di skol Totolika tabata yama sr. Gert
Hagemans.
Nos skol ta situa den Sta Rosa. E adrès ta: Sta.Rosa # 29/
Drenta Kaya Djembe
5
Ken tabata Broeder Rigobertus ?
Dia 13 di aprel 1908, a nase na Schijndel, Hulanda
Christiaan Van de Ven.
Dia ku el a profesá komo bruder el a skohe e nòmber
“Rigobertus”.
Broeder Rigobertus tabata pertenesé na e promé grupo di
brudernan ku a bin biba i traha na Korsou den kurso di
añanan 50.
Na 1952 el a bin Korsou, kaminda el a traha en total 19
aña.
E tabata kabesante (overste) di brudernan di Sta.Rosa i
tambe kabes di skol na St.Martinus de Porres. Ademas el a
traha na Lourdesschool i Xaverius college.
Na final di añanan 50, Br.Rigobertus a bira “overste” na
G.O.G. i alabes direktor di e ala maskulino na e internat
aki.
Den e funshon aki, el a boga pa introdusí “dagonderwijs”
pa e alumnonan di e internat aki.
Dia 26 di sèptèmber 1974, na edat di 66 aña, Dios a yama
Br.Rigobertus pa bin biba serka djE.
El a fayesé na Utrecht, Hulanda durante un operashon di
kurason.
Mas ku 50 aña pasá e promé brudernan a bin Kòrsou. E
tabata den e grupo aki.Nan a kuminsá na G.O.G.
Tabatin brudernan ku a bai traha den enseñansa. Nan a
kuminsá ku skol St. Antonius,
St. Ignatius, St. Paulus i St. Martinus de Porres.
Esakinan tabata ser yamá: skolnan di frater i skolnan di
sùr.
6
Bruder Rigobertus a hasi hopi pa enseñansa aki na Kòrsou.
Skolnan di bruder tabata traha na e edukashon i formashon
spiritual di e muchanan. Orashon tabata e pilar di mas
fuerte di e grupo aki.
Mainta nan tabatin orashonnan “Lauden” i anochi
“Vespers”.
Brudernan a hasi hopi pa pobernan. Nan meta ta pa sera
amigu ku pobernan.
Brudernan tabata traha ku hopi amor na bienestar di nos
muchanan.
Nan tabata dediká tur nan tempu na enseñansa di e mucha:
na su formashon intelektual i spiritual.
Bruder Rigobertus a boga pa mas posibilidat di hasi
deporte pa nos hobennan aki na Korsou.
Nos skol ta hopi orguyoso di por karga su nòmber.
7
Palabra di Bonbiní
Nos ke yama bonbiní na tur alumno i mayor di nos skol.
Den e aña eskolar nobo, den un nòrmal nobo ta importante
pa mayornan traha huntu ku maestronan pa asina por yuda
e yu mas miho den su desaroyo.
E aña aki Komishon di mayor lo tin diferente charla pa
mayornan i skol lo organisá charla tambe pa e alumnonan.
Nos a ripará ku un alumno ta desaroyá muchu mas mihó
ora su mayornan sigui e charlanan ku nos skol ta organisá.
Ta p’esei nos ke rekomendá tur mayor pa hasi nan maksimo
esfuerso pa sigui e charlanan ku nos skol lo bai organisá e
aña eskolar aki.
Un bon komunikashon entre skol i kas i tambe un bon
koperashon di parti di mayornan ta yuda nos alumnonan
bai dilanti. Esaki ta masha importante den Enseñansa
Spesial.
Den e nòrmal nobo, mayornan lo no por subi tereno di skol
sin outorisashon.
Mester traha un sita delantá pa asina e maestro di klas por
splika e forma di komunikashon ku e mayor.
Skol tin un “Whatsapp group”pa asina por komuniká ku
mayor.
8
Kiko ta enseñansa spesial i kon pa inskribí?
Enseñansa spesial ta enserá tur tipo di enseñansa na
muchanan ku pa un òf otro motibu no por sigui enseñansa
fundeshi. Den enseñansa spesial e muchanan ta haña un
programa adaptá na nan posibilidatnan individual.
Muchanan den enseñansa spesial ta bini for di diferente
institutonan, manera skolnan fundeshi, skolnan spesial,
pasadia i tambe for di e programa stimulashon tempran. Un
sikólogó ta tèst, duna konseho i registrá e muchanan ku ser
referí. E raportahe di e sikólogó ta bai pa Direktiva di skol ,
ku ta sòru pa un mucha por haña lugá na un skol pa
enseñansa spesial.
Por distinguí entre otro e siguiente tiponan di skolnan
spesial:
‣ Skolnan Z.M.L.K. ( Zeer Moeilijk Lerende Kinderen ).
‣ Skolnan M.L.K. (Moeilijk Lerende Kinderen).
‣ Skolnan L.O.M. (Leer-en Opvoedings Moeilijkheden).
‣ Skolnan pa muchanan ku problema di oido
‣ Skolnan pa muchanan ku un desabilidat físiko.
For di aña 1954 tabatin un grupo di mucha ku tabatin mester
di atenshon spesial den nan siñamentu.
Na skol Johan Maurits e tempu ei nan a kuminsá ku un klas
spesial pa e alumnonan aki..
Segun tempu tabata bai, nan a ripará ku tin mester di mas di
e klasnan aki pa yuda e mucha na un manera
spesial.Gobiernu e tempu ei a manda buska dos persona for
di Hulanda ku un estudio spesial pa yuda e muchanan.
Awendia aki na Korsou tin hopi maestro kualifiká pa duna e
atenshon i enseñansa spesial na e muchanan aki.
Si ta asina ku bo yu lo mester bai kualke un skol spesial e
direktor di skol mester avisá RKCS. Tur inskripshon ta bai
9
via di RKCS i e skol spesial mes lo tuma kontakto ku
mayor di e alumno.
Ki ora un mucha ta bin un skol spesial?
Ora un mucha bini un skol spesial ta pasobra e mucha no ta
kumpli ku e eksigensianan ku skol fundeshi ta pone. E
proseso di siñamentu ta bai poko poko, tin problema ku
konsentrashon òf problemanan emoshonal (inseguridat,
miedu di faya, èks.). Tambe e mucha por tin problema ku
lesamentu, ortografía, skirbimentu, aritmétika.
Tin algun kos ku mester sosodé promé ku nos por tuma e
mucha na skol.
Pa bo yu por a bini nos skol e mester a pasa un tèst
sikólogiko i didáktiko, pa asina nos sa riba kua nivel e ta
funshoná.
Skolnan M.L.K. (Moeilijk Lerende Kinderen).
E kondishonan general pa siña serka e muchanan aki ta
menos desaroyá kompará ku e muchanan di mesun edat na
skol regular. E programa ta konsistí di entrenamentu i
desaroyo di funshonnan básiko, entre otro idioma, desaroyo
motóriko i sosial, memoria, èts. Ora e alumnonan kaba skol
nan ta bai A.G.O. Akinan e muchanan ta siña un fishi òf nan
ta bai traha.
10
Bishita na skol
Den e nòrmal nobo, mayor mester traha un sita adelantá pa
asina e maestro por palabrá e forma di komuniká ku e
mayor. Durante ora di lès lo no ta posibel pa un mayor papia
ku un maestro, e mayor no por subi tereno di skol. Si mayor
ta deseá un kombersashon mester manda un whatsapp o bèl
skol pa traha un sita pa papia trankil ku e direktor di skol o
maestro di klas. Nos ke dediká hopi tempu na nos
alumnonan, pesei hopi bia nos komo maestronan ta hopi
okupá ku e trabou. Esaki ta hasi ku nos mester traha un sita
pa asina nos por sinta papia trankil ku mayor. Tambe den
kuadro di e protokòl di higiena esaki ta nesesario
enkonekshon ku e virüs COVID-19. Ora ta subi tereno di
skol, mester bisti tapaboka.
Kontribushon di mayor:
Mayor konhuntamente ku e maestronan ta responsabel pa
enseñansa i edukashon di nan yu. Den e kaso di muchanan
den enseñansa spesial ta hopi nesesario pa ta eksistí un
kontinuidat entre aktividatnan edukativo na skol i
edukashon na kas.
Den e forma aki e mucha ta haña mas benefisio di e lèsnan
di skol. Ta importante pa mayor komuniká ku skol di nan yu
i papia ku e maestronan òf direktor di skol tokante e mucha
su progreso den siñamentu.
Un mucha ku tin problema ku siñamentu no ta desaroyá
konfiansa den su mes. P’esei ta esensial pa e mucha sinti’é
aseptá dor di su mayor.
Mayor mester motivá e yu positivamente pa e siña, teniendo
kuenta natural ku e mucha su posibilidatnan i limitashon.
Yunan ta un regalo bunita di Dios.
11
Kada mucha tin balor. Muchanan ta legria di un kas di
famia. Laga nos stima i kuida nos muchanan. E famia i e
muchanan ta dos kos balioso ku Dios a duna nos.
12
Diferente manera di duna lès:
Enseñansa na nos skol ta tuma lugá den e siguiente
formanan:
A. Lès den henter grupo;
Durante di e lèsnan aki e mucha ta keda den su klas. E
lèsnan aki ta lèsnan ku ta wòrdu duná na e grupo kompletu.
Materianan ku ta wòrdu duná na e grupo ta religion, abilidat
sosial, tráfiko, orientashon di mundu (historia, geografia,
biologia), músika, pintamentu, obra di man, gemnastik,
Papiamentu i Hulandes.
Pa sostené e lèsnan aki e maestro/a por hasi uso di
ekskurshon, video, kòmpiüter komo medio di ayudo.
B. Grupo di nivel den klas (differentiëren);
E mucha ta keda den su klas i den su klas gruponan di
diferente nivel ta wòrdu trahá. Esaki kemen ku e maestro su
atenshon pa e mucha ta mas individual. Materianan ku ta
wòrdu duná riba nivel di e mucha ta: Hulandes, matemátika
i skirbimentu.
C. Grupo di nivel;
E mucha ta keda den su klas òf e ta bai na un otro maestro
pa haña lès, huntu ku otro alumnonan di mesun nivel. Asina
e maestro/a por trata tópikonan spesífiko riba un manera
mas profundo pa e mucha. Un materia ku ta wòrdu duná
asina ta: lesamentu.
D. individual
13
Maestronan di Broeder Rigobertusschool:
Grupo Amor : yùfrou Germaine
Grupo Bendishon : yùfrou Marieela
Gr. Ekselente : Mener Pengel
Grupo Ganadó : yùfrou Silvania
Grupo Humildat : yùfrou Janoulle
Asistente di kla : yùfrou Carolina /
Charlenne
Lèsnan di kushiná : Mener Malcolm
Lèsnan di Kunukito : Mener Lennox
Lèsnan di Obra di man : yùfrou Meredith
Logopedista : yùfrou Roanth
Direktor di skol : yùfrou Römer
Trahadó Atministrativo : yùfrou Nadina
Trahadó Sosial : yùfrou Lidoushka
Funshonario di skol spesial pa Direktiva di skolnan
Katóliko: Sra. Rosette Balentina – Hofdam.
Nos skol ta un skol Katóliko pa enseñansa spesial i ta kai
bou di Direktiva di skolnan Katóliko. Esaki ta situa na
Julianaplein, Pietermaai.
Team Broeder Rigobertus school
Di man robes pa man drechi e rei ariba: yùf Germaine, yùf Silvania, yùf
Marieela, yùf Charlenne, yùf Meredith, yùf Römer.
Di man robes pa man drechi e rei abou: mener Malcolm, yùf Carolina, yùf
Janoulle, mener Pengel.
14
Aktividatnan pa mayor
sèptèmber 2021:
Anochi di informashon pa mayor
òktober : Aktividat pa rekoudá fondo (Komishon di
mayor )
oktober 2021:
Traha budget/ planifiká (Mayornan )
novèmber 2021:
Workshòp pa mayor/ alumno (Derechi di mucha)
Febr 2022
Alimentashon (Mayornan)
mart 2022:
Reflekshon spiritual pa mayor i yu.(IKD)
Promé rapòrt: desèmber 2021
Di dos rapòrt: mart 2022
Di tres rapòrt: yüli 2022
15
Dianan liber den aña eskolar 2021 / 2022
Fakansi grandi 3 te ku 19 ougùstùs 13 dia
Dia di pais Kòrsou 10 òktober 0 dia
Fakansi intermedio
Fakansi Pasku di
nasementu
4 te ku 8 òktober
20 desèmber te ku 5
yanüari
5 dia
13 dia
Karnaval di mucha 21 febrüari 1 dia
Gran marcha di Karnaval 28 te ku 4 mart
5 dia
Pasku di Resurekshon
13 aprel te ku 22 aprel 8 dia
Dia di rei 27 aprel 1 dia
Dia di obrero
Dia èkstra di fakansi
1 mei
2 mei
0 dia
1 dia
Asenshon 26 i 27 mei 2 dia
Dia di bandera 2 yüli 0 dia
Fakansi grandi 7 yüli te ku 29 yüli 17 dia
Promé dia di aña eskolar
2022/2023
11 ougùstùs
16
Kumpleaños di personal
Luna dia maestro/a
Aug 14 Mnr. Malcolm
Nov 25 yùf Römer
Des 12 yùf Meredith
Yan 05 yùf Lidoushka
26 yùf Roanth
Febr 01 Mnr. Pengel
05 yùf Charlenne
Mart 19 Mnr Lennox
Aprel 11 yùf Carolina
13 yùf Germaine
Mei 03 yùf Silvania
28 yùf Marieela
Yüli 19 yùf Janoulle
Riba e dia di kumpleaño di e maestro di klas di e yu, por tin
aktividatnan spesial den e klas.
17
Atenshon : Si ta un otro persona ta buska e mucha ,
mester avisá skol pa medio di un notifikashon via
whatsapp di mayor. Mayor por bèl skol tambe !
Reglanan pa muchanan ku ta bai ku bùs
Tur mucha ku ta bai ku konvoi ta tene nan mes na e
siguiente reglanan:
1. Tur mucha ta sigui imediatamente òrdu di shofùr.
2. Tur mucha ta respetá e shòfur di bùs.
3.Tur mucha ta drenta i sinta den konvoi riba nan lugá fiho.
4.Ora ku e konvoi para, e mucha ku mester baha ta lanta for
di su lugá.
5.Ora bo baha for di konvoi bo ta kana mesora trankil bai
bo kas.
6.Ora baha for di konvoi bo ta tene bo man serka bo.
7.Den konvoi tambe bo ta papia palabra desente semper i
bo tin rèspèt pa e otro muchanan.
8.Si surgi algun problema den konvoi, e muchanan ta bisa e
maestra esaki siguiente dia na skol.
9.Bo ta wak dor di bentanan i ta tene bo mannan na bo
kurpa.
10.Bo ta respetá e hendenan ku ta kana riba kaya tambe.
Pues tur hende pafó di konvoi.
11.Si surgi kualkier problema, e mayor por bèl e servisio di
transporte o skol.
Mayor no por subi bùs i atendé ku niun mucha den e bus.
12.Skol o e servisio di transporte ta yuda regla
problemanan di muchanan.
13.Tur mayor ta respetá e shòfur di bùs.
14.Si sosodé ku un mucha a hasi daño na e bùs, e mayor
mester kubri e gastunan.
15.Si un mucha no ta bai ku konvoi o si e ta baha otro
kaminda, mester avisá skol pa medio di un karta di mayor.
18
Faltamentu di rèspèt kontra shòfur, tantu di parti di mayor
komo di mucha, mal komportashon di mucha, faltamnetu ku
e reglanan ariba menshoná ta resultá den skòrsin for di bùs.
Den e kaso aki mayor mes lo mester sòru pa transporte
durante e tempu ku e mucha tin skòrsin. E mucha ta haña un
aviso por eskrito di skol o di kompania di bùs. Tambe skol
lo pone Servisio di Asuntunan di Enseñansa ,sekshon
Transporte di skol na altura di e komportashon di e mucha
o mayor.
Si e aktitut aki ta keda ripití su mes kada bia, e mucha lo no
haña bùs mas den futuro.
Br.Rigobertus skol tin muchanan i mayor desente i
responsabel, ku ke yuda konstruí un futuro briante pa nos
Pais Korsou, ta pesei nos ta sigur ku lo no tin nodi di skòrs
mucha, ni baha mucha for di bùs, paso lo no yega dje leu
ei.
Ademas nos tur ke kontribuí na un mihó Korsou dor di ta
UN BON YU DI KORSOU, ta pesei : nos tur ta duna un
aporte pa logra esaki.
19
Komishon di keho
Konforme e lei di enseñansa, artíkulo 18, tur direktiva di
skol mester tin un prosedura pa entregá keho. Kada un
direktiva di skol mester tin un "komishon di keho".
Direktiva di Skolnan Katóliko a instalá dia promé di
mart 2011 ofisialmente su "Komishon di keho" ku su
prosedura pa por entrega un keho.
Tur skol ta konosí ku e prosedura di entregá di un keho.
1 Den kaso un mayor òf miembro di pèrsonal tin un keho
riba e outoridat di skol òf un miembro di pèrsonal, e mayor
òf e miembro di pèrsonal tin ku diskutí e keho promé ku e
pèrsona en kuestion. Si e partidonan no sali afó, mester
apelá na e kabes di skol pa su intermediashon. (si sosodé ku
e kehadó no pone e kabes di skol na altura, e ta wòrdu pone
na altura ku esaki ta un nesesidat pa e proseso di atendé e
keho por sigui kana)
2 Si sosodé ku apesar di intermediashon di e kabes di skol e
partidonan konserní no a logra atendé e keho, e prosedura
ku ta sigui ta un tratamentu di keho informal dor di un
funshonario di Direktiva di Skolnan Katóliko. Tratamentu di
un keho informal tin komo meta pa trata di yega na un
solushon i evitá un tratamentu di keho formal. Meta di
tratamentu di un keho informal ta pa trata un keho
netamente adekuá, pero menos ámplio. Si un keho keda
solushoná na un manera satisfaktorio, lo no pone e
Komishon di Keho na altura di esaki.
3 Den kaso ku e tratamentu di e keho informal no tin e
resultado deseá, e mayor òf miembro di pèrsonal por entregá
su keho serka e Komishon di Keho di Direktiva di Skolnan
Katóliko.
20
4 Tur keho ta keda tratá di un manera konfidenshal. Esei ta
nifiká ku tur ku ta envolví direktamente òf indirektamente
ku atendementu di e keho ta obligá di garantisá sekresia riba
tur informashon ku tin di aber ku e keho.
5 No tin ningun gastu mará na tratamentu di keho. Tur
gastunan èkstra ku mayor(nan) òf e miembronan di pèrsonal
hasi pa atendementu di un keho ta pa nan propio kuenta.
6 E Komishon di Keho di Direktiva di Skolnan Katóliko ta
responsabel pa atendé kehonan.Di un forma independiente e
Komishon ta forma un huisio di e balides di e kehonan
entregá i ta trese esaki por eskrito seka e kehadó, e akusado i
e Outoridat kompetente. (Lei di Enseñansa di Fundeshi,
artíkulo 18).)
7 Un keho formal por wòrdu entregá na tur momentu,
independientemente si un tratamentu di keho informal a
tuma lugá anteriormente.
8 Tur skol ku ta kai bou di Direktiva di Skolnan Katóliko ta
disponé di e prosedura aki i un formulario ofishal pa entregá
keho. Por pidi un ehemplar di e prosedura di keho i e
formulario via klachten@rkcs.org òf dor di manda un karta
pa Direktiva di Skolnan Katóliko, pa e Komishon di Keho,
Julianaplein 23 telefòn 4652212 ekstenshon 163.
Por “download” e prosedura i e formulario tambe via
www.rkcs.org/Algemeen/Klachten.Complimenten en
Suggesties.
Pa mas informashon bishita e website www.rkcs.org
<http://www.rkcs.org/> of aserká direktor di skol.
21
Komishon di mayor
Aktualmente nos tin un komishon di mayor aktivo.
Nos lo sigui aserká mas mayor pa por forma parti di un
komishon di mayor. Durante añanan ku a pasa tin mayor
ku ta splika nos ku e no tin tempu pa forma parti di esaki o
ku nan no sa ta kon ta hasi esaki. Di parti di REMA uní ku
ta e organisashon di tur komishon di mayor i e miembronan
di e komishon aktual, nan ta dispuesto na yuda mayor den
esaki.
Yùf Janoulle i yùf Römer lo yuda mayornan i kordiná e
trabounan di e komishon.
REMA UNI ta dispuesto pa yuda nos forma un komishon di
mayor.
Si tin mayor ku ta deseá pa forma parti di e komishon, sea
asina bon di aserká Yùf Römer o Janoulle di grupo
Humildat.
22
Seguro di skol
Pa kada alumno tin un seguro kolektivo sera serka “ United
Insurance”. E seguro aki ta kubri e siguiente insidentenan
ku por pasa un alumno di skol i bou di ora di skol (entre
7’or di mainta ku 1’or di mèrdia):
Esakinan ta:
A. Morto
B. Invalides permanente
C. Gastunan mediko
Te ku un suma di:
A. FL. 10.000,-
B. FL. 10.000,- max pa insidente
C. FL. 2.500,- max pa insidente
Derecho i deber di alumno i dosente.
Mi ta aseptá tur hende i no ta diskriminá
Mi no ta hasi redu òf tenta otro
Mi no ta mishi ku kos ku no ta dimi
Si un hende/alumno ta kansami, mi ta pidi’é pa e stòp
Si esaki no ta yuda, mi ta pidi un dosente yudansa
Mi no ta menasá otro òf trese arma i droga skol
Nos ta trata otro ku rèspèt i no ku violensia
Mi ta yuda otronan pa mantene nan mes na regla
Kada alumno meresé un bon enseñansa i kada dosente
mester duna esaki
Nos kada un ta soru pa tin un dushi sfeer na skol
Derechi i deber di kada mayor ta pa kumpli ku e kursonan
spesial pa mayor.
Derecho i deber di kada maestro ta pa sigui kurso adishonal.
Den e nòrmal nobo, deber di nos tu ta pa tene nos mes na e
reglanan di higiena i mantené distansha sosial!
23
Materianan ku nos ta duna e muchanan (MLK)
Aritmétika:
Nos ta traha ku un método na Papiamentu, pa siña nos
muchanan traha sòm segun nan nivel i den nan tèmpo. E
método yama ASINA MI TAMBE TA KONTA.
Nos ta usa Remelka tambe aserka.Un metodo di remediá. I
tambe e metodó “Mi ta konta”.
Idioma Papiamentu:
Idioma di instrukshon ta Papiamentu. Nos ta traha ku e
método Lesa Bon,Salto, Papiamentu Nos Idioma, Mas
Trabou i Man na Obra. Di instituto Planifikashon di Idioma
, Fundashon material pa skol nos ta sigui risibí hopi material
nobo pa idioma papiamentu. Tambe nos lo sigui traha ku
gruponan di nivel di lesamentu.
Idioma Ulandes:
E muchanan ku ta bayendo bon kaba den Ulandes lo sigui
haña Ulandes komo materia i siña Papiamentu aserka. Den
di tres aña ta tèst un alumno pa wak si e por kuminsá ku
Ulandes. Nos ta usa e metodo “Spelling in de lift “ , “Stap
voor Stap “i “Zonnig Nederlands “
Lesamentu:
E materia aki lo bai tantu na Papiamentu komo na Ulandes
pa e muchanan ku lo sigui haña Ulandes komo materia. Nos
ta bai forma grupo di nivel pa lesamentu. E muchanan ta
lesa den un grupo di nivel serka sierto maestra.
Skibi:
Pa e materia skibi nos ta usa método Praktiká i atmirá i
Schrijven op maat.Tambe ta hasi ehersisionan pa e desaroyo
motóriko “Kleuters Schrijven“.
24
Orientashon mundial:
Pa e material aki nos tin método “Lessen serie
Wereldorientatie “ di Fundashon material pa skol. Tambe
kada maestra ta skohe su tópiko i buska su informashon
bálido pa trese e tópiko mas mihó posibel. Kada maestro ta
hasi bon uso di teknologia pa por tin mas tantu informashon
posibel pa e muchanan.Tin tópiko pa historia, siensia, salú
geografia èts. E tópikonan ta hopi aktual i relevante pa nos
enseñansa i nos komunidat.
Tambe tur aña den temporada di yanüari i febrüari ta tene
charlanan tokante droga i uso di alkohòl pa siña nos
alumnonan pa bisa Nò ora un hende ofresé nan droga òf
alkohòl.
E alumnonan ta haña charla tokante di seksualidat,desaroyo
i kambio di kurpa.Nos lo tin diferente orador invitá.
Kòmpiuter i teknologia:
Teknologia avansá ta tumando kada dia mas i mas un lugá
importante rònt mundu. Ta pesei riba roster di klas tin tambe
lèsnan di kòmpiuter.
1x pa siman tur klas ta haña 1ora i mei lès di kòmpiuter.
Tambe ta usa e kòmpiuter komo medio didáktiko i oudio
visual pa diferente lèsnan, pa asina hasi e komprendementu
di e lèsnan mas fasil i atraktivo pa e alumnonan. Nos a haña
software spesial pa e lèsnan i nos maestranan a sigui kurso
spesial pa por yuda nos muchanan ku esaki. E aña eskolar
aki tambe nos lo bai traha hopi ku e bòrchi digital den
klasnan.
Ekspreshon:
E materia aki ta enserá pinta, wak video, edukashon físiko,
obra di man i kose. Den e lèsnan aki e muchanan ta haña e
posibilidat pa desaroyá nan abilidatnan riba tereno di
ekspreshon. Pa e lèsnan di obra di man i kose nos tin un
dosente spesial.
25
Religion/ Formashon Spiritual:
Nos ta un skol Katóliko, p’esei nos ta duna e formashon
Kristian Katóliko na nos muchanan. Tur mainta nos ta resa e
Santu Rosario ku e muchanan, kanta alabá i gradisí pa e dia
nobo.
Tambe nos tin nos temporadanan p.e. Pasku di nasementu i
di Resurekshon, ku nos ta dediká hopi atenshon na e
muchanan su formashon spiritual. Tur alumno ta sigui e
lèsnan aki i tambe e selebrashonnan di fiesta Katóliko.
Ta importante pone hopi énfasis riba un bon formashon
spiritual di nos hobennan. Instituto Katekétiko Diosesano ta
yuda pa traha lèsnan di formashon spiritual kual maestranan
ta trata den klas. Maestranan ta sigui kursonan ku e instituto
aki ta organisá pa nan propio kresementu spiritual tambe. Ta
bon pa mayornan pone hopi atenshon na kas na formashon
spiritual di e yu.
Pastor Gregg Redoblado di parokia di Sta. Rosa de Lima ta
yuda nos ku e formashon aki na skol. Un bia pa luna pastor
Gregg ta bini na skol pa selebrá Santu Sakrifisio di misa ku
nos.
Tambe pastor ta bishitá skol i yuda den e formashon
spiritual. Mas o menos 3 bia pa aña nos ta selebrá Santu
Sakrifisio di misa huntu ku tur skolnan di parokia. Por
ehèmpel Dia di mama, di tata, apertura i klousura di aña
eskolar i tambe fiesta di Parokia dia 23 di ougùstùs.
26
Formashon sosial:
Kada klas tin tema pa trata ku e alumnonan pa yuda forma
nan, pa asina nan por bira siudadanonan responsabel. Tambe
ta pone énfasis riba rèspèt pa nos himno i bandera.
Durante apertura di siman por trata o evaluá e tema.
Nos tin un programa spesial pa abilidat sosial: A.B.S.O.
Tambe un programa pa yuda e hoben hasi eskohonan salú,
pa asina keda leu for di komportashon no deseá. Den un
palabra pa e hoben skohe pa no-violensia den tur sentido.
Mas enfasis nos lo pone tambe riba norma i balornan. Nos
lo sigui un programa spesial e aña aki: “Sinti,pensa i aktua”
ku lo siña e mucha kon pa dil ku su emoshonnan. Tambe
charla tokante Balor propio, Preshon di grupo, Norma i
balor, No na tentamentu i tèr. Treinen pa remplasá
agresividat.
Trabou den kurá:
Riba roster nos tin tambe ora reservá pa e alumno por siña
mas tokante plantashon. Proyekto “Kunukito di skol
Kada klas “tin un ora reservá pa esaki.
Lès Kulinario :
Nos tin un dosente spesialmente pa esaki. Nos muchanan ta
siña kushiná i ta haña preparashon pa den futuro sigui den e
ramo di HORECA. Nos isla ta sigui desaroyá den Turismo.
Nos mester di trahadó.
27
Ekskurshon
Ekskurshon tambe ta forma parti di nos programa edukativo.
Nos tin dos tipo di ekskurshon:
1. Ekskurshon edukativo ku grupo. Tin programa di lès ku
ta kuminsá o tèrminá ku un ekskurshon. E ekskurshon ta
un ayudo i sosten pa e lès ku e maestro/a ta duna.
2. Ekskurshon sosial-edukativo ku hinter skol. Meta di
esakinan ta pa desaroyá e parti sosial-emoshonal di e
alumno. Maestronan i alumnonan ta haña oportunidat di
siña konosé otro den un otro ambiente i esfera pafó di
skol.
Pa e aña eskolar aki no ta sigur si ekskurshon lo por
sigui, esaki pa motibu di e situashon di Corona Virus.
Landamentu i gemnastik:
Muchanan entre 8 – 10 aña ku no tin diploma di
landamentu. Landamentu ta obligatorio pa e muchanan. Si e
mucha no tin mag di landa pa motibu di salú, e mester trese
un karta di dòkter. Tambe si e mucha no por bai landa un
dia, pa un òf otro motibu, tambe e mester trese un karta di
mayor.
Nos ke pidi mayor pa stimulá e yu pa e landa. Siña e yu pa e
pone su kosnan di landa kla for di e anochi promé pa e no
lubidá nan na kas.
28
Ayudo èkstra òf ayudo spesial (Zorgplan)
Di akuerdo ku e plan di Gobiernu: "Protocol Yuda skol yuda
su alumno", tur skol ta disponé di un plan di kudio
("Zorgplan"). Den e plan aki, kada skol ta skibi kon e kuido
spesial di su alumnonan ta organisá den e skol.
"De Zorgplan is een dinamisch plan. In dit zorgplan wordt
stap voor stap beschreven op welke manier wij de
leerlingenzorg binnen onze school organiseren. De
leerlingenzorg is ontwikkeld vanuit de visie dat iedere
leerling recht heeft op goed onderwijs en met het oog op
verschillen tussen leerlingen.Onze school wil dat ieder kind
zich zo optimaal mogelijk kan ontwikkelen door de zorg zo
goed mogelijk af te stemmen op zijn of haar onderwijs- en
begeleidingsbehoeften."
Mayor por aserká direktor di skol pa mas informashon
tokante e plan di kuido di skol.
E aña eskolar aki nos tim di kuido tin un maestra èkstra
(remedial teacher) 2x pa siman ku ta duna ayudo spesial i
sosten didáktiko . E ayudo aki por ta lo siguiente:
1.Ora e mucha ta traha den grupo chikí, por duné ayudo
individual kaminda e tin problema, spesial riba tereno di
lesamentu, traha sòm, idioma Hulandes i ortografía
Hulandes.
2.Programa spesial:
Pa sierto alumno e atenshon individual so no ta sufisiente. E
ora ei un programa apart ta wòrdu trahá pa e alumno. Tambe
metódonan spesial i otro material ta wòrdu usá. E alumno
aki por haña sierto tareanan (otro for di klas) bini kuné kas,
pa mayor tambe por yuda e mucha.
29
3.Logopedia
Ora e mucha bini nobo na skol e logopedista ta kontrolá su:
Artikulashon
Oído
Stèm
Idioma Papiamentu
Si e mucha bini na remarke pa haña tratamentu serka e
logopedista, mayor ta wòrdu pone na altura òf esaki ta
wòrdu notá den su rapòrt. E logopedista ta un bes pa siman,
riba djarason na skol.
4.Trahadó sosial. Ora ku e alumno tin mester di ayudo
spesifiko ,e por bai serka e trahadó sosial di skol. E maestra
di klas lo hasi e prosedura pa esaki. Mayor mes tambe por
pidi un sita ku e trahadó sosial. E trahadó sosial tei un bes
pa siman, riba djamars na skol.
5.Durante e periodo ku e muchanan ta na nos skol nos ta
observá i monitoriá e komportashon i nan desaroyo
kognitivo. Nos ta traha un raportage di kada alumno
(onderwijskundig rapport).
6. Yudansa eksterno: E trahadó sosial lo por referí un
alumno pa haña yudansa eksterno dor di un terapista o
sikologo. Esaki ta sosodú den ekstrecho koperashon ku
mayor.
30
Proyekto desayuno
Lions club Kòrsou ta sòru pa muchanan di diferente skol
haña desayuno tur mainta na skol. Nos skol tambe ta forma
parti di e proyekto aki. E muchanan por haña pan na skol,
den kaso ku mayor no por alkansá pa duna e yu esaki.
Aserká direktor di skol pa mas informashon tokante di e
desayuno na skol.
Proyektonan ku nos tin planeá pa nos muchanan:
Partisipá na proyekto di CURADOET
Planta den nos “hardin di klas” ”Kunukito di skol “
Saka un boletin informativo kada trimèster pa mayor por
keda na altura di aktividatnan di skol.
Stimulá lesamentu i skohementu di buki na Biblioteka i
bùs di buki.
Stimulá e alumno pa skohe buki den nos biblioteka di
skol
Ekskurshonnan ku Carmabi i otro aktividatnan;
Aktividatnan spesial den kuadro di tema di klas.
Kada klas lo tin un proyekto spesial e aña aki atrobe.
Nos alumnonan huntu ku nos dosente Culinario ta
kordiná benta di snèk, kuminda i otro kos di boka dushi
na skol.
1x pa luna ta selebrá S.S. di misa ku pastor di parokia di
Sta. Rosa o otro parokia;
Traha na kresementu spiritual di mayor en koperashon
ku Instituto Kateketiko Diosesano i pastor di parokia
segun “Beleidsplan” di Direktiva di Skolnan Katóliko.
Sigui traha na e identidat i kultura Katóliko fuerte di e
skol. Siña nos muchanan tradishonnan di nos fe
Katoliko. Sigui kursonan di formashon i reflekshon ku
Instituto Kateketiko Diosesano.
31
Den koperashon ku Sentro pa Guia Edukashonal , Bos
di Hubentut charlanan di Edukashon di mucha, Krese
salú i seksualidat, Sexting & Grooming, Bullying,
Nutrishon, Derechi di mucha, kon dil ku emoshonnan,
tentamentu o tèr , preshon di grupo, imahen propio pa e
alumnonan i pa mayor: Bon kriá, Eduká konsiente, Stap
pa skol avansá i pa nos tatanan :"Un anochi/ Happy
Hour ku tata".
Durante anochi di informashon pa mayor, kada maestra
di klas lo duna splikashon di e programa di klas pa loke
ta trata e aña eskolar 2020/ 2021.
Nos lo tene mayor na altura di tur nos proyektonan.
32
Algun punto ku ta bon pa mayor sa!!!
• Skol tin un proyekto di desayuno na skol. Lions Club
ta spònser esaki.
• Skol ta organisá charlanan pa mucha i mayor, por
ehèmpel: bisa no,kore bai, mi no ta keda no,
seksualidat, kambionan den kurpa di e mucha segun
ku e ta krese. I hopi otro mas.
• Skol ta bishitá diferente lugá pa amplia konosementu
di e muchanan.
• Skol ta organisá diferente aktividat sosial pa e mucha
por siña komparti, espresá su kreatividat i bira un
individuo sosial ku ta tene kuenta ku su prohimo.
• Skol ta pone hopi enfasis na e formashon spiritual di e
muchanan, saliendo for di e religion Katóliko komo
base.
• Skol ta disponé di un biblioteka kaminda e muchanan
por fia buki.
• Na skol tin reglanan ku ta yuda forma e mucha pa e
por bira un adulto responsabel. Ta importante pa
forma mucha for di ora e ta chiki, pesei ora un mucha
falta ku regla, e ta haña kastigu (straf) pa esaki mesora.
• Si ta asina ku alumno ta sali for di klas sin pèrmit di
dosente, e lo mester keda atardi skol pa hal in su
lèsnan ku e a pèrdè.
• Si loke alumno a hasi ta algu hopi mahos e lo por haña
skòrsen i mayor lo mester presentá ku e alumno na
skol.
• Skol ta apresia si mayornan i maestranan por ta riba un
liña den edukashon di e mucha. Esaki no ta fasil!
Pesei skol ta rekomendá tur mayor pa por sigui e
charlanan ku S.I.G.E./Komishon di mayor èts. lo
organisá durante e aña eskolar aki.
33
Skol ta organisá aktividatnan pa rekoudá fondo pa por
sigui invertí den nos enseñansa, na bienestar di nos
alumnonan.
Skol ta saka premio tur luna pa e alumno ku ta kuida
su ünifòrm i otro material di skol mas mihó i tin un
komportashon positivo!
34
Algun punto ku nos ke pidi mayor pa tene kuenta
kuné
* Kontrolá e ünifòrm di e yu promé ku e sali kas mainta.
Poloshirt i Jeans di skol ku emblema, mea blanku , faha
pretu.
Wak e kuido general di e yu. Laga e peña su kabei, laba
kabei, pela na tempu èts.
Mucha hòmbernan: sin pelanan straño, sin pintura den e
kabes, sin kabei di flèktu, sin drèt èts. Skol ta evaluá si e
pelá ta pèrmití o no.
* Laga e yu bin skol ku un paña òf placemat pa e kome
ariba.
* Laga e yu bin skol ku un lensu o sèrbètè chikitu pa seka
kara ora e soda. Kòrda pa e ta limpi tur dia.
* Laga e yu bini skol tur dia. No tene e yu na kas pòrnada.
* Tur mucha ku a falta skol mester bin skol ku un karta pa
splika e motibu pa kual e no a bin skol. Den kaso si alumno
keda hopi dia kas sin motibu, skol lo avisá “leerplicht”. Por
sosodé ku nan lo buska e alumno na kas.
* Laga e yu drumi trempan anochi. Un mucha den desaroyo
mester drumi 8.00 or anochi, pa e por sosegá su kurpa bon i
tin atenshon na lèsnan mainta.
* Promé ku 7.00 or di mainta NO tin vigilansia pa e
muchanan.
Mayor ku baha yu i bai laga nan, ta hasi esaki riba nan mes
responsabilidat.Skol no por para responsabel.
* Korda ku tin alumno ku komportashon impulsivo. No por
baha i bai laga un mucha asinaki sin vigilansia. Un mayor
35
ku un yu ku tin un komportashon asinaki, ta hasi bon di no
laga e yu bin ku bùs. Hopi bia bùs ta baha e muchanan tòg
promé ku 7.00 or. Direktiva di skolnan Katóliko a pone
Sekshon di Transporte na altura di e peliger aki. Pero mayor
ta keda esun ku e responsabilidat final pa su yu.
Mayor ku ta responsabel pa nan propio transporte mester
sòru pa trese i hiba nan yu na tempu.
Baha yu na tempu i buska yu promé ku 12.45 or.
*No laga e mucha bin skol ku kos di hunga , tampoko
selular, prenda o kosnan di balor. Nos ta konsehá pa
kontrolá tas di e yu promé ku e sali kas mainta.
*Si tin mucha ku ta usa remedi, mester pone skol na altura.
Si mester usa remedi na un sierto ora; Por laga e mucha bin
skol kuné. Den e kaso aki, skol i mayor ta traha un
palabrashon i firma un akuerdo.
* Kòrda e yu pa kuida tur material di skol.
* Solamente un par di renchi orea, no hupel grandi pa
mucha muhé. Esaki ta un peliger ora ku e ta kore hunga.;
Mucha hòmber no por bin skol ku renchi orea.
*Tantu den klas komo den kurá di skol, muchanan mester
komportá manera nos a siña nan i ta spera di nan i sigur
desente, yen di rèspèt. Tur mucha mester obedesé mesora.
*Pa motibu di mal komportashon un mucha lo por haña un
karta bai kas kuné pa pone mayor na altura o pa invitá
mayor pa un kòmbersashon na skol.
*Den e kaso aki mayor mester presentá riba e fecha stipulá
dor di skol. No por keda sin presentá.
Mayor mester presentá riba e fecha ku skol manda yama.
36
* Nos ta pidi pa kada mayor sigui ta e bon ehèmpel pa nos
muchanan, pesei nos ta verwagt ku tur mayor tambe ta
respetá tur maestro i papia semper na òrdu i nèchi ku tur
maestro di skol. Nos ta pidi kada mayor pa bisti desente, ku
trahe adekuá ora ta bin skol pa un sita o ta subi tereno di
skol.
*Nos ta pidi mayor pa firma tur karta ku e yu bin kas kuné,
asina nos por kontrolá ku e mucha a entregá e karta na kas.
Den e nòrmal nobo, nos lo komuniká mastantu via di e
whatsapp group di skol.
* Semper ora skol ta bai sali ku e muchanan, nos lo manda
un karta kas o un whatsapp pa pone mayor na altura. Si un
mucha keda sin bin skol bèk ku e karta firmá dor di mayor
ora ta bai sali ku skol, lo e no por partisipá na e aktividat. Si
un mayor no reakshoná via di e whatsapp, lo e no por
partisipá na e aktividat. Inspektor ta pidi skol pa manda un
karta pa mayor ora ta sali ku mucha. Mayor mester ta na
altura ku e yu ta sali for di skol.
37
Br.Rigobertusschool
Sta.Rosa # 29
7671224
rigobertusschool@rkcs.org
Sta.Rosa, 12-08-2021
Apresiabel mayor,
Nos a nota ku tin alumno ta bini skol ku kos di hunga, i-pod,
selular, prenda di balor èts.
Siendo ku esaki ta kontra regla di skol. Sea asina bon di lesa
e reglanan di skol atrobe den e buki informativo di skol.
E motibu pa kual skolnan ta pidi pa no laga mucha bini skol
ku artikulonan di balor ta entre otro pa motibu ku muchanan
ta fia otro sin pensa i despues esun ta bai kas kuné sin tresé
bèk i mayor ta pidi maestranan pa intervení. Esaki ta algu ku
ta stroba kontinuidat di lèsnan.
Na di dos lugá, e mucha por pèrdè e artikulo dor di
ladronisia i den un kaso asina tambe mayor ke pidi
maestranan pa investigá manera reshèrshi ta ken a kue e kos
di hunga, e selular o e prenda di balor èts.
Atrobe esaki ta stroba e maestra di sigui duna lès i ta tuma
masha hopi tempu di lès for di e muchanan mes.
Nos tur komo adulto sa ku asuntu di telefònnan selular ta
kousando problema di kriminalidat den nos skolnan i den
komunidat.
Pesei nos a pone for di 5 aña pasá komo regla na skol , ku si
un mucha bini skol ku selular o kualkier otro artikulo ku ta
prohibí, lo kité for di e mucha.
Den un kaso asina nos lo yama mayor pa presentá na skol.
38
Nos ke pidi mayor su koperashon den e asuntu aki.
Laga nos kada un yuda e muchanan ku hopi disiplina, guia i
struktura.
MAYOR, KONTROLA TAS DI BO YU PROME KU E
SALI KAS !!!!!!!!!!!!!!!!
Si kada mayor tuma e tempu pa kontrolá e yu su tas, esaki lo
evitá ku e yu ta trese kosnan prohibí skol.
MAYOR, NOS TA KONTA KU BOSO KOPERASHON!!!
“ Pa por sigui krea un skol agradabel, yen di pas i trankilidat
pa asina por reina un ambiente di konfiansa i seguridat”,pa
nos por krea un mihó komunidat, un mihó Kòrsou, laga nos
ta konsiente ku nos mester:
Kas, Skol, Parokia i Komunidat.
Kas ta kuminsá traha na e fundeshi di edukashon di e
mucha, skol ta sigui traha ariba, parokia ta yuda den e guia
spiritual i den komunidat e yu ta demostrá e lokual ku kas,
skol i parokia a siñ'é.
Un mucha di Br.Rigobertus skol ta hasi tur lo posibel pa por
logra un futuro briante, pa e por bira un adulto responsabel
ku ta traha pa gana su pan di kada dia na un manera honesto.
39
Un mucha di Br.Rigobertus skol ta hasi tur lo posibel pa por
yuda, kuida, apoyá, motivá i stima otro pa mantené un skol
agradabel, yen di pas i trankilidat pa asina por reina un
ambiente di seguridat.
Laga nos tur ban hasi nos maksimo esfuerso pa logra esaki
pa por ta e Bon yu di Korsou, mas miho kada dia. Ban biaha
huntu. Nos por !!!!
Na Br.Rigobertus skol, koperashon, rèspèt pa otro,
obedensia, òrdu i disiplina ta importante !!!
Aktividat pa mayor:
Nos a planea i pone fecha pa diferente aktividat pa mayor
e aña eskolar aki tambe !
No ta sigur ku aktividat pa mayor por sigui e aña aki.
Esaki pa motibo di e situashon di Corona Virus.
40
41
Orashon pa famia
Tata Santu, nos ta yama Bo danki pa nos famia.
Nos ke pidi Bo pa pas, amor i trankilidat
reina den kada kas di nos famianan.
Bo konosé nesesidat di kada miembro
di nos famia.
Drama Bo bendishon riba kada un,
Tata.
Yena nos mayornan ku pasenshi, inteligensia
i sabiduria pa guia nan yunan den Bo kaminda.
Laga pa nan ta ehèmpel pa nan yunan.
Tata, kuida i protégé kada paso ku nos yunan
dal den bida.
Tata nos ta pidi Bo pa Kristu ta e sentro den
nos kas di famia segun Bo boluntat.
Amèn.
Algun punto pa tene kuenta kuné den edukashon di e yu
1. Papia hopi ku bo yu.
Ser un bon ehèmpel pa bo yu. Tene hopi pasenshi ku bo
yu. Abo komo mayor mester ta su mihó amigo ku e por
konfia.
2. Demostrá interes den tur lokual bo yu ta hasi.
Ta sumamente importante ku mayornan ta presentá na
anochi di informashon pa mayornan. E yu ta mira ku su
mayornan tin interes pa su progreso i esaki ta stimulá e yu
pa hasi su bèst.
3. Mas sosegá bo papia, mas mihó.
4. Dediká tempu na bo yu. Den su tempu liber por ehèmpel
den wikènt, sali un ratu kuné. Lague siña konosé e
komunidat, e pais den kual e ta biba.
42
5. Trata pa ta semper positivo den tur loke ku ta trata bo yu,
tambe su formashon i edukashon.
Kosnan positivo ta atrae kosnan positivo.
6. Promé ku papia algu ku e yu, pensa kua palabra pa usa.
Palabranan ku ta ofendé,
por kousa daño i heridá bo yu su kurason. Semper e lo por
keda kòrda kosnan ku bo
a bis’é.
7. Bo yu stima bo, sea semper amabel kuné. Dun’é amor,
kariño i hopi rèspèt. Ta di bo e ta siña.
43
Guia, formashon i edukashon di nos yunan
“Tanten bo ta disipliná bo yu, tin speransa ainda, .....”
(Proverbionan 19:18)
Mayor, ta importante pa nos pone regla pa nos yunan,
disipliná nan, si nos ke pa den futuro ora nan bira grandi,
nan ta desaroyá bira adultonan responsabel.
Tur mayor ta deseá pa nan yunan bai bon den bida. Pesei
mayor, sigui traha na un bon formashon di e yu (nan).
Nos sa ku edukashon di yunan por ta un reto grandi pa
mayor. Den kòmbersashon ku mayornan, esakinan ta duna
nos di konosé ku no ta fasil.
Pesei na skol Br. Rigobertus nos ta duna lèsnan pa yuda
mayor den e guia, e formashon i edukashon di e yu.
Nos ke pidi mayor pa partisipá na e lèsnan aki ku skol ta
organisá. Nan tin un karakter obligatorio i ta yuda abo komo
mayor.
Kòrda ku skol i kas tin un meta komun: esta, pa guia e
mucha riba e bon kaminda pa e bira un
bon hende den nos komunidat.
ANIMO, Ban Traha Huntu !!!!
Nos muchanan i hobennan, ta presente i futuro di nos
komunidat !!!
44
Ta nos tur su responsabilidat di entregá un yu responsabel,
obediente ,bon, disipliná i positivo na nos komunidat.
Laga nos ban p’e huntu!! "E futuro ta awe !"
UN PAIS KORSOU KU SIUDADANONAN
RESPONSABEL !!!
Rekomendashonnan pa famia:
1. Sinta kome huntu na mesa.
2. Hasi orashon huntu pa gradisí Señor pa e kuminda.
3. Promé ku bai drumi, hasi orashon kòrtiku den famia.
4. Tuma por lo menos 10 minüt pa sinta kòmbersá huntu.
Paga televishon, kòmpiüter, telefòn un ratu.
5. Buska un bon DVD i wak esaki huntu i despues
komentá riba esaki.
6. Bai misa huntu djadumingu i despues selebrá e dia aki
ku un barbeque den famia, òf bai laman, òf piknik den
kurá.
7. Hasi palabrashonnan pa reuni huntu den famia por lo
menos un biaha den siman pa sa kiko ta biba serka
miembronan di famia. Kòmbersá i skucha e muchanan.
8. Kompartí un teksto di beibel, por ta esun ku nos a
skucha djadumingu den misa.
Pa un famia por ta uní i felís, tin reglanan manera:
Komuniká bon ku otro.
Sòru pa por tin amor den kas.
Respetá otro.
Ser sinsero ku otro.
Mantené disiplina den kas.
Mantené ordu den famia.
Kòmbersá hopi ku otro, ekspresá nos mes ku otro, konfia
otro.
45
Demostrá amor pa otro, mayor pa yunan i yunan pa
mayornan.
Si den un famia mayor i yunan ta kumpli ku e reglanan, e
ora ei nan ta un famia uní i felís.
I nan tin amor pa otro.
Por demostrá amor na otro dor di:
Traha tempu pa e yunan.
Ser un ehèmpel pa e yunan.
Demostrá interes honesto pa e problemanan di e yunan.
Krea alegria den kas.
Stima otro i laga nan sa esei.
46
Muchanan ta siña loke nan ta biba
Dorothy Law Nolte, Ph. D.
Si mucha ta biba ku kritiká, e ta siña kondená.
Si e biba ku hostilidat, e ta siña pleita.
Si e biba ku miedu, e ta bira miedoso.
Si e biba mimu, e ta siña haña duele di su mes.
Si e biba ku bofon, e ta bira timido.
Si e biba jalurs, e ta siña envidia.
Si e biba ku bèrgwensa, e ta siña sinti kulpabilidat.
Si e biba enkurashá, e ta siña tin konfiansa.
Si e biba ku toleransha, e ta siña tin pasenshi.
Si e biba ku atmirashon, e ta siña di apresiá.
Si e biba ku aseptashon, e ta siña stima.
Si e biba ku rekonosementu, e ta siña balor di un meta.
Si e biba ta kompartí ku otro, e ta siña generosidat.
Si e biba ku sinseridat, e ta siña papia bèrdat.
Si e biba ku honestidat, e ta siña di ta hustu.
Si e biba ku bondat i konsiderashon, e ta siña rèspèt.
Si e biba ku seguridat, e ta siña di tin fe den su mes i
den esnan rond di dje.
Si e biba ku amistat,
e ta siña ku mundu ta un luga bon pa biba.
47
Tene pas den kas di nos alumnonan
Nos tur ta biba den kas huntu ku un of mas persona.
Den tur kas sa tin momentu di pleitamentu. Apesar di esaki
nos tur mester kontribuí
pa pas i harmonia reina den nos kas.
Nos por hasi esaki dor di mustra rèspèt pa otro dor di
dominá nos emoshonnan,
espesialmente na momentunan di konflikto.
Nos mester koperá ku otro, mustra komprenshon i sòru pa
semper tin un bon
komunikashon entre tur hende den kas.
Laga nos tur, for di e dia di awe,
tene kuenta ku tur e puntonan aki di manera ku pas
por reina den kas di kada un di nos!
Ata algun tep ku por yuda trese pas den nos kas:
Yama otro mòru, bon dia, ayó.
Skucha otro
Dediká tempu na otro
Koperá ku otro i yuda otro
Pensa kon pa hasi otro kontentu
Tenebu na regla di kas
Pidi despensa despues di kualke problema
Duna otro kariño
Papia nèchi ku otro
Tene kuenta ku otro
Kome huntu
Sali huntu, keiru huntu
Papia nèchi ku otro, ku rèspèt!
48
Kon por lanta muchanan drechi i responsabel
E muchanan di awe ta e adultonan di mañan.
Nan lo ta siudadano i lidernan di nos pais i miembronan di
Iglesia. Ta p'esei, e reto di mas grandi ku mayornan ta
enfrentá ta eduká nan yunan
pa nan por pensa i aktua riba nan mes.
Aki ta sigui algun tep ku por yuda mayornan lanta yunan
responsabel i drechi i asina libra nan di maldat, kriminalidat,
droga i otro problemanan sosial:
1. Mustra bo amor pa bo yunan. Gaba nan ora nan hasi algu
bon i korekto.
2. Keda imparsial, firme i konsistente di eksihí displina.
Siña nan pa hasi semper loke ta bon i ku bon intenshon.
3. Siña nan mas trempan posibel e balor di trabou i
sakrifisio. Siña nan ku nan no por haña i hasi tur loke ku nan
ke.
4. Trempan den bida, siña nan di e balor di bida Kristian,
orashon,
partisipashon den Sakrifisio di misa i obranan di karidat.
Mustra nan riba importansia di balornan spiritual i
moral: Amor,kompashon, honestidat, generosidat, hustisia,
rèspèt pa otro èts.
49
5. Siña nan di hasi mas tantu kos posibel ku nan por, nan
mes.
6. Supervisá nan tur dia: sa unda nan ta, kiko nan ta hasi,
ken ta nan amigunan kua buki i revista nan ta lesa, kua
programa di televishon i kòmpiuter nan ta mira i kiko ta nan
problema.
7. Korehí nan ora nan kuminsá papia palabra malu. Siña nan
dominá nan
impulso, manera rabia, gana di kos, egoismo èts.
8. Aklará i splika e balornan ku nan ta haña di televishon,
pelíkula, kòmpiuter, revistanan èts.
9. Para nan tras ora nan tin rason; korehí nan ora nan ta
robes i laga nan sa ku nunka lo bo para nan tras ora nan no
tin rason.
10. Mustra bo interes riba importansia di edukashon. Manda
e yu skol tur dia.
Solamente ora tin un bon motibu, e por keda kas.
11. Aseptá bo responsabilidat pa loke nan ta hasi te ku e
edat ku nan bira adulto.
50
Br.Rigobertusschool
Sta.Rosa # 29
7671224 / 6781471
rigobertusschool@rkcs.org
2021/2022
UMBRIG
Universidat di Mayor Br. Rigobertusschool
Ami mayor di: ..............................................................tambe tin e yabi di
éksito di mi yu den man.
Skibi nòmber di e yu
Nòmber di mayor:..................................................................
Skibi nòmber di mayor
Pa mi yu mi ta partispá ku hopi interes na e siguiente aktividatnan:
Promé anochi Promé rapòrt Di dos rapòrt Di tres rapòrt
di informashon
Aktividat: CuraDoet
Misa pa famia
Aktividat: yuda mi yu ku spreekbeurt
Informá kon ta bayendo ku e yu
Aktividat:
Anochi di Charla Tema:
Aktividat:
Selebrashon Katóliko
51
52
53
Derechi i obligashon di alumno, direktiva di skolnan katóliko (‘bevoegd gezag’) i
mayornan
Direktiva di skolnan katóliko (‘bevoegd gezag’), alumnonan i mayornan ta konektá ku
otro den un forma di triángulo. Den e kuadro aki derechi di mayor i di alumno ta un
obligashon di direktiva di skolnan katóliko (‘bevoegd gezag’).
Alumno i Direktiva di skolnan katóliko (‘bevoegd gezag’)
E derechinan di mas importante di un alumno ta:
- Derechi riba oportunidatnan igual den enseñansa, kaminda ta pone atenshon na
desaroyo sosial-emoshonal, desaroyo kognitivo i desaroyo di kreatividat.
- Derechi riba formashon di suidadania
- Derechi kontra di ekspreshon i/òf komportashon diskriminatorio
- Derechi riba un skol seif (tantu físiko komo sosial)
- Derechi riba supervishon di parti di gerensia di skol pa vigilansia di e límite di kontakto
personal i sòru pa no tin konfiansa indeseá
- Derechi riba apstenshon di e miembro di personal di tur forma di abuzu (di poder) òf
intimidashon seksual pa ku e alumno
- Derechi riba enseñansa di kalidat duná dor di personal kapasitá
- Derechi riba partisipashon real na e proseso di enseñansa/siñamentu
- Derechi riba evaluashon/balorashon di prestashon i ku esaki ta sosodé di un manera
adekuá
- Derechi riba informashon i partisipashon
E obligashonnan mas importante di alumnonan pa ku direktiva di skolnan katóliko
(‘bevoegd gezag’) ta:
- Obligashon di partisipashon aktivo na e proseso di siñamentu kaminda ta fèrwacht e
esfuerso nesesario pa por terminá e proseso ku éksito
- Kada alumno ta ko-responsabel pa un bon esfera di trabou durante di lèsnan
- Obligashon pa komportá su mes segun normanan di un bon alumno
55
Mayornan i Direktiva di skolnan katóliko (‘bevoegd gezag’)
Na momentu ku mayornan permití e yu na skol, mayornan ta traspasá parti di nan tarea
edukashonal na skol. Den e konteksto aki, e relashon entre mayor i direktiva di skolnan
katóliko (‘bevoegd gezag’) por keda partí den dos esfera:
- E esfera den kua solamente mayor ta outorisá pa edukashon di e yu (situashon na kas)
- Esfera den kua e responsabilidatnan di edukashon di skol i di mayornan ta kubri otro
parsialmente. Hustamente den e esfera aki e koperashon entre ámbos partido ta
importante.
E derechinan mas importante di mayornan pa ku direktiva di skolnan katóliko ta:
- Derechi riba partisipashon den asuntunan di skol
- Derechi riba partisipashon via di komishon di mayor
- Derechi riba suministro di informashon tokante di e yu
- Derechi riba un tratamentu ophetivo di keho via di direktiva di skolnan katóliko
E obligashonnan mas importante di mayornan pa ku direktiva di skolnan katóliko ta:
- Sòru pa inskripshon di nan yu na un skol òf na un institushon di enseñansa
- Duna informashon relevante di e yu na direktiva di skolnan katóliko (‘bevoegd gezag’)
- Notifiká skol di malesa di nan yu (si por ku spesifikashon di e índole di e malesa)
preferibel mesora pero pa mas tardá denter di dos dia
- Perkurá pa nan yu ta na skol riba un base regular. Esaki ta enserá sin apsenteismo di lès
òf tempu di práktika
- Obligashon pa komportá su mes segun normanan di un bon mayor
56
Te ainda nos pais tin e situashon di e CORONA virus bou di kòntròl.
Den kaso ku kualkier situashon presentá i ku Gobiernu notifiká esei, nos lo mester
kambia e situashon aktual di bini skol. I adaptá nos forma di duna enseñansa.
Nos lo tene mayor debidamente na altura si tin kualkier kambio.
Aki ta sigui e protokòlnan i boletin informativo ku nos a mantené durante e lunanan ku ta
tras di lomba:
Nos ke pidi mayor di tuma bon nota di e informashonnan, tene kuenta i kumpli ku e
puntonan.
57
58