You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
4.12 INQAKU LEMAGAZINI NEPHEPHANDABA<br />
Qaphela:<br />
• Ukuze utsala umdla womlesi, inqaku malibe lelinika ulwazi lusithi ndifunde.<br />
• Isihloko masibe sifutshane sitsale umxhelo.<br />
• Kulula ukufunda inqaku lahlulwe ngokwezintlu.<br />
• Ubhalo malulungelelaniswe lahlulwe ngokwemihlathi kubekho intshayelelo, isiqu nesiphelo.<br />
• Umbhali makakhankanywe.<br />
• Ithoni, isitayile nesihloko sixhomekeke kuhlobo lwenqaku, abantu ababhalelwa nakumbhali.<br />
• Amanqaku adla ngokuchaphazela izinto ezifana nezoluntu, ezopolitiko, ezenkcubeko njalo njalo.<br />
• Ithoni iya kuveza okucingwa ngumbhali.<br />
Umzekelo:Inqaku lemagazini<br />
ISINQANDAMATHE SILITSHISILE ITYOTYOMBE<br />
Umfazi ominyaka ingama-23 uye watsha<br />
kanobomi emva kokuba ityotyombe lakhe<br />
lintunyekwe ngomlilo sisinqandamathe<br />
sakhe emva kokuxabana kwabo. Ivumba<br />
lokutsha, ubumpahlana obutshileyo<br />
nesitya sokuhlambela kuphela kwezinto<br />
eziseleyo kweli tyotyombe emva<br />
kwamalangatye angolwesiHlanu<br />
ngentsimbi yesithandathu ekuseni.<br />
URachael Van Schalkwyk ebexheleke<br />
emoyeni akukhumbula ukuba udade wabo<br />
ebevaleleke kuloo malangatye.<br />
“Indoda ithile ikwazile ukophula amacangci<br />
etyotyombe ngomhlakulo yazenza idini<br />
yangena kuloo malangatye ayelephuza<br />
ngokungenalusizi.Umnyango wawuvalwe<br />
mba. Udade wethu waxhuma wagqotsa<br />
ukuza kum. Ndambona kwantlandlolo<br />
ndathatha ibhatyi endandiyinxibile<br />
ndamcima ngayo. Utshe kakhulu<br />
nasebusweni unezilonda. Isinqandamathe<br />
sakhe naso sabaleka sinezilonda zokutsha<br />
entloko nasezingalweni”<br />
Abekhaya bathi obu buhlobo<br />
sekungamatyeli amaninzi<br />
buchithwa. Esi sibini kungona<br />
sisanda kubuyelana. Isithethi<br />
samapolisa uSergio De Kock uthe<br />
abekhaya nabamelwane<br />
bancedisana ukucima loo mlilo<br />
basindisa eso sibini phambi<br />
kokufika kwezicima-mlilo. Esi sibini<br />
sisiwe eKimberley Hospital<br />
Complex apho bathe banyangelwa<br />
ukutsha ezandleni, ebusweni<br />
nasemilenzeni. Bobabini<br />
bakwimeko encumisayo. Kubekwe<br />
amapolisa esibhedlele ukuba agade<br />
indoda eminyaka ingama-27.<br />
UDe Kock uthe le ndoda ibanjwe<br />
ngamapolisa asemoyeni ngentsimbi<br />
yesibhozo ekuseni. ngonobangela<br />
walo mlilo. Iziphumo ziya<br />
kuthunyelwa kubacuphi.<br />
Umrhanelwa uza kuvela kwinkundla<br />
kamantyi eKimberley kungentsuku<br />
zatywala. UDe Kock wongeze<br />
ngelithi, amapolisa ecandelo lezinja<br />
enza uphando<br />
USophie Van Schalkwyk<br />
ebekhathazekile kuba intombi yakhe<br />
iya kuphuma esibhedlele<br />
ingenakhaya. Iingubo zakhe nezinye<br />
izinto zomandlalo asazibhatalayo<br />
zonke zitshe kuloo mlilo. Uthi ubulela<br />
uThixo kuba umzukulwane wakhe<br />
wayengalelanga nabazali bakhe<br />
ngolwesiHlanu. Icawa yamaDatshi,<br />
Amapolisa newomen’s Network<br />
zinikezele ngokutya nempahla<br />
yokunxiba.<br />
DFA: Mvulo Agasti 3 2009<br />
22