Ukumelana Nemithi - Treatment Action Campaign

UKUMELANA NEMITHI
8
njengezingodla zamaselula. I-HIV kungenzeka ukuthi ibe
kwamanye amathishu kodwa ukukhathazeka okukhulu
kubantu abenza ucwaningo ngokwelapha, amaseli alele.
Ngokushesha lapho kuyekwa ukwelapha, i-HIV
ingaphuma ezingodleni ze-gciwane lapho kade
icashe khona bese iqala ukuziphindaphinda futhi
ngokukhululeka . Yingakho nje okwamanje ukwelashwa
kwe-HIV kungokokuphila konke.
Uma uyeka ukuphuza imithi igciwane lizosebenzisa
leso sikhala ukuziphindaphinda ngokuguquka kakhulu
ngokukhululeka. Ezinsukwini ezimbalwa inani lakho
legciwane lizobe selitholakala futhi nasemasontweni
ambalwa lingabuya ngezinkulungwane. Yingakho
nje ukuphela kwesitokwe kubanga ukukhathazeka
okungaka. Eminyakeni embalwa eyadlula
kwakucatshangwa ukuthi kungenzeka ukuthi kuthathwe
ikhefu ekuphuzeni imithi, kodwa uhlolo olukhulu
lwathola ukuthi abantu abathatha ikhefu emithini bagula
kakhulu kunabantu abangazange balithathe. Isizathu
esisodwa salokhu ukuthi amakhefu ekwelashweni
avumela igciwane ukuthi liguquke ngokukhululeka.
Isibonelo, isimo esincane soguquko lwegciwane
singalawuleka kodwa ngenxa yokuthi isiguli siyeke
imithi lolu hlobo oluguqukile lungaba isimo se-HIV
esingazweli nhlobo ekwelashweni. Uma isiguli sesiqala
futhi siphuza umuthi ofanayo nangaphambilini,
kungenzeka ukuthi ungasasebenzi. Izinhlobo ezindala
zisazobe lokhu zicindezelwa yimithi, kodwa izinhlobo
Uma ngabe uguquko selwenzekile
olumelana nama-ARV athize, lolo guquko
luphindaphindana ngesivinini.
ezintsha eziguqukile angeke zilawulwe futhi zizozalana
zande, zibe uhlobo olukhulu emzimbeni walowo
muntu. Esimeni esinjalo isiguli kufanele sishintshele
enhlanganiseleni yama-ARV entsha uhlobo lwe-HIV
olungakamelani nalo.
Kungadluliseleka yini ukumelana
nemithi?
Uma umuntu otheleleke ngohlobo lwe-HIV olumelana
nomuthi edlulisela igciwane komunye umuntu, umuntu
osanda kutheleleka uzoba nokumelana nomuthi
okufanayo. Ngale ndlela umuntu osandakutheleleka
angangazweli emithini ethize kusukela ngosuku
lokutheleleka. Ngeshwa asinawo umqondo ocacile
wokuthi inkinga yokumelana nomuthi inkulu
kangakanani eNingizimu Afrika. Ngokuhlambekisela
okuwuhlaka, kungaphansi kwama-5% ukutheleleka
okusha kwe-HIV okubandakanya izinhlobo ezimelene
nemithi.
Kwamanye amazwe acebile ukuhlolwa kokungazweli
kuyatholakala ezigulini ezisandakuxilongwa. Lokhu
kuhlola kusiza ukucabangela ukuthi yimuphi umuthi
ozosebenza ngempumelelo nokungenzeka ungasebenzi
ngempumelelo. Kodwa-ke, ukuhlolwa kokungazweli
akukabi bikho njengamanje ohlelweni lwezempilo
lukahulumeni eNingizimu Afrika ngenxa yokubiza
kwalo kakhulu nokuthi uhlelo lwezempilo lukahulumeni
lusebenzisa izinhlobo zemithi ezisezingeni kunemithi
eyenzelwe umuntu ngamunye.
Uma i-HIV ingasezweli emithini yomugqa wokuqala,
imithi yomugqa wesibili isuke isasebenza
ngempumelelo ngokuvamile.