Ukumelana Nemithi - Treatment Action Campaign

Ukudalula kanye nenhlamba
Ukwesaba inhlamba kaningi kubanga abantu
abanokuzethemba okungekukhulu bazizwe
bephoxekile ngokusebenzisa ama-ARV. Ukujoyina
amaqembu okubambelela noma okusiza kusiza
ukubhekana nalobu bunzima.
“Uma ungakadaluli [kubantu]
abasondelene nawe kakhulu kuzoba
nzima ukuphuza imithi. Kufanele
uchaze ukuthi kungani uyiphuza
bese ugcina ungasayiphuzi.”
(owesifazane one-HIV, eKapa)
Ukukhumbula ukuphuza ama-ARV
Izikhumbuzi, njengokusetha i-alamu yefoni noma
ukusebenzisa ukuqala kohlelo lwe-TV ukucabanga,
kungakusiza ukukhumbula ukuphuza ama-ARV akho.
Uma udalula kubantu ophila nabo bangakukhumbuza
nabo.
“Ukuba ngumuntu omatasatasa
ngezinye izikhathi oya emihlanganweni,
inselele yami ukuthi ngiwafaka
esikhwameni sami bese ngiyawakhohlwa
ukuwaphuza, ngoba azange
ngisethe isikhumbuzi efonini yami….”
(owesifazane one-HIV, eKapa)
‘Ukuphumula’
Uma abantu abelashwa ngezidambisigciwane
sebeqala ukuba ngcono ngezinye izikhathi bayayeka
ukuphuza umuthi. Lokhu kuvumela igciwane ukuthi
liphindaphindeke ngokukhululeka. Uma labo bantu
sebegula futhi ama-ARV afanayo kungenzeka
angasasebenzi ngenxa yokumelana nomuthi. Ngakho
kokubili i-HIV ne-TB kubaluleke kakhulu ukuphuza
imithi yakho - ngisho ngabe uzizwa uphilile impela.
“Abanye abantu banquma
ukuphumula [kuma-ARV] bese kuthi
uma sebegula banqume ukuphindela
kuwo futhi. [Kodwa-ke] umuthi
awusebenzeli ngenxa yokumelana
kwegciwane nawo.”
(owesifazane one-HIV, eKapa)
Isithombe ngu-Adam Malapa.
Ukutreyisa abantu abenza
amaphutha
Ngu-Adam Malapa
UFrancinah Chauke ngomunye wabangama-20 wama-
Prevention Treatment Literacy Practitioners (PTLPs) asebenzela
i-TAC eSigodini saseMopani, eLimpopo. I-PTLP umfundisi
osemphakathini endaweni yezempilo ofundisa iziguli
ngokwelashwa nokuvimbela.
Elinye lamaqhaza ama-PTLP ukutreyisa abantu abenza amaphutha
ngokuthatha imithi - abantu abasandakuhluleka ukulanda imithi
yabo. UChauke udinga ukuqonda ukuthi kungani umuntu enze
iphutha, nokumenza ukuthi aqale imithi yakhe futhi. Ngeshwa,
olunye lwalolu hlelo lwenzeka emva kwendaba njengoba i-HIV
noma i-TB kungenzeka ukuthi kusuke sekwenze umonakalo
omkhulu kakhulu ngalesi sikhathi kade beyeke umuthi.
“[Isizathu esikhulu sokwenza iphutha] imali yesibonelelo
somphakathi”, kusho uChauke. “Abantu abaningi [...] bangitshela
ukuthi bacabanga ukuthi isibonelelo sabo sizomiswa uma impilo
yabo iba ngcono, ngakho-ke [bangamane] bahlale bengenamandla
ukuze bagcine isibonelelo sabo somphakathi.”
U-Oscar Mabela uyi-PTLP ye-TAC e-Dr C N Phatudi Hospital,
eLimpopo. Uthi, “Inkinga enkulu endaweni yangakithi izithuthi”.
“[…]Abantu […] kufanele basebenzise izithuthi ukuze bafinyelele
ezindaweni zosizo bebe belokhu bengenakho ukudla kokudla
emizini yabo.” Le nkinga ixhumana nobunzima uFrancinah
abubona: uma abantu bengenakudla namali yokugibela, abaningi
bangamane bahlale emakhaya baze bagule bese befaka isicelo
sesibonelelo semali yomphakathi.
“Abantu abasebenza emapulazini kaningi abanaso isikhathi
esikhululekile [...] sokulanda imithi yabo,” kusho uMasingita
Mavodze ovela eRotterdam. “Kungcono ukuthi bavele bengayiceli
nemvume kubaqashi babo [...] ngoba bafuna ukuvikela imisebenzi
yabo.” Abanye abantu abasuka kwenye indawo beye kwenye
ngomsebenzi abakucabangi ukuthola izincwadi zokudluliselwa
ezizobavumela ukuthi bathole imithi eduze nemisebenzi yabo
elandelayo.
Ngokwalokhu okutholakele, i-TAC Mopani yanikeza u-Chauke
umsebenzi wokusebenza emapulazini asendaweni, afundise
abantu ngokubaluleka kokuphuza imithi ngendlela elungile
nangesikhathi.
UKUPHILA NE-HIV NAMA-ARV
19