Tug sau: Dr. Nyaj Looj Yaaj - Hmong District

Tug sau: Dr. Nyaj Looj Yaaj

Vim Le Caag Koj/Mej 

Txhaj Txav Txim Sab 

Sau Npe Ua Tswvcuab 

Rua Huv Pawg Ntseeg 

Nuav? 

2

Zoo sab txais tog koj rua txujkev 

kawm nub nua! 

Ca peb kawm uake txug kev lug 

ua tswvcuab rua huv pawg 

ntseeg saib zoo le caag. 

3

Cov peb yuav kawm txug yog le nraag nuav: 

Zaaj 1 – Pawg Ntseeg Yog Dlaabtsi? 

Zaaj 2 – Pawg Ntseeg Teg Dlejnum 

Zaaj 3 – Tug Ntseeg Teg Dlejnum 

Zaaj 4 – The Christian & Missionary Alliance 

Zaaj 5 – Hauvpaug Koomhum Moob 

Zaaj 6 – Peb Pawg Ntseeg 

4

Cov kws kawm taag qhov orientation nuav lawm, 

yog mej tshais chaw moog rua lwm pawg ntseeg 

los mej yuav tsi tau kawm ntawm zaaj 1-5 ntxiv 

lawm, tabsis yuav tau kawm zaaj 6 ntxiv, vim qhov 

ntawd yog yuav kawm txug tej pawg ntseeg le kev 

coj noj coj ua. 

Txhua pawg ntseeg yeej coj zoo tsi sisthooj, yog le 

txhaj le yuavtsum tau kawm ntawm zaaj 6 ntxiv. 

5

Loos 12:4-5 

Pawg ntseeg yog Yexus lub cev; 

yog ib lub cev kws muaj ntau 

yaam lug koom uake, hab lub cev 

ntawd caj sa. 

7

Efexaus 5:23 

Yexus yog pawg ntseeg lub taubhau. 

Nwg yog tug txhwv pawg 

ntseeg lug ntawm Nwg cov 

ntshaav. 

Txhais tau has tas peb yuav ua 

txhua yaam lawv nraim le Nwg 

Txujlug qha txhua lu. 

8

Kev koom pawg ntseeg yog moog ua dlaabtsi? 

1. Moog pehawm, moog qhuas, hab ua Vaajtswv 

tsaug. 

2. Moog kawm kuas yug paub Vaajtswv ntxiv. 

3. Moog thov Vaajtswv nrug/rua lwmtug. 

4. Moog cog kev phoojywg nrug lwmtug. 

5. Moog koom nrug lwmtug ua dlejnum. 

6. Moog kuas yug paab tau lwmtug. 

9

Kev koom pawg ntseeg muaj qaabhau dlaabtsi? 

1. Qha tau has tas yug yeej yog ib tug ntseeg tag. 

2. Ib leeg yuav paab tau hab txhawb tau ib leeg. 

3. Yuav siv tau tej koobmoov (gifts) kws yug muaj 

moog ua Vaajtswv dlejnum. 

4. Yuav muaj lwm tug thawjcoj kws yeej paub 

Vaajtswv zoo lawd ua cov saib yug hab coj yug 

kuas luj hlub ntawm saab ntsujplig. 

10

Pawg ntseeg yog 

tug sawvcev 

ntawm Vaajtswv 

rua lub nplajteb 

nuav. 

11

“Puab naj nub tuaj kawm tej kws cov timthawj 

qha, puab sis hlub sis paab, puab koom noj 

Yexus rooj mov hab thov Vaajtswv uake.” 

- Teg Num 2:42 

12

Tswv Yexus thov Vaajtswv has tas, 

“Kuv nyob huv puab hab koj nyob huv kuv, kuv 

ua le ntawd kuas puab txhaj koom tau ib lub sab, 

tuabneeg nplajteb txhaj paub has tas koj khaiv 

kuv lug, hab paub has tas koj hlub puab ib yaam 

le koj hlub kuv.” - Yauhaas 17:23 

13

“Nwg ua le ntawd tub yog nwg qha kuas cov 

ntseeg paub ua Vaajtswv teg num, cov ntseeg 

kws yog Yexus Khetos lub cev txhaj le yuav txawj 

luj hlub zuj zug moog txug thaus peb suavdlawg 

ua tau ib lub sab, ntseeg ib yaam nkaus, paub 

tseeb txug Vaajtswv tug Tub, hab ua tau lub neej 

zoo ib yaam le Yexus Khetos.” 

- Efexus 4:12-13 

14

� The Church’s Mission = Evangelism 

� The Church’s Purpose = To be like Jesus 

� The Church’s Business = Teaching the 

Word 

� The Church’s Joy = Fellowship 

� The Church’s Gift to God = Worship 

� The Church’s Work = Prayer 

15

Muaj 4 Yaam 

17

NYEEM 

18

1. Nyeem Vaajtswv Txujlug Txhua Nub 

• Vaajtswv Txujlug zoo le zaub mov 

• Vaajtswv Txujlug zoo le lub teeb 

• Vaajtswv Txujlug zoo le dlaim av 

• Vaajtswv Txujlug zoo le raab ntaaj 

19

NYEEM THOV 

20

2. Thov Vaajtswv Tsi Tseg Tsi Tu 

• Thaus sawv 

• Thaus noj mov 

• Thaus nce chaw pw 

• Thaus nyuaj sab 

• Thaus txhawj ntshai 

• Ua Vaajtswv tsaug thaus tau zoo 

21

NYEEM THOV 

PAAB 

22

3. Paab Dlejnum 

• Tswvyim 

• Dlaag zug 

• Sijhawm 

• Nyajtxag 

(1 feem 10 & nyaj sab dlawb) 

23

NYEEM THOV 

PAAB KOOM 

24

4. Koom Cov Ntseeg 

• Kev kawm Nubkaaj 

• Kev pehawm Vaajtswv txhua Nubkaaj 

(Sunday) 

• Kev thov Vaajtswv 

• Kev kawm Vaajtswv Txujlug 

• Kev cobqha 

• Small groups, Namtsev, Txivtsev, Hluas 

• Lwm yaam kws pawg ntseeg muaj 

25

The Christian & Missionary Alliance (C&MA) – 

Lossis peb lug Moob hu ua Cov Ntseeg Yexus & 

Kev Koomteg Qha Txuj Moo Zoo. 

Cov Ntseeg Yexus hab Kev Koomteg Qha Txuj 

Moo Zoo (C&MA) yog ib lub koomhum kws muaj 

cov ntseeg lug sis sau uake, zwm uake rua huv 

cov pawg ntseeg, hab npaaj sab yuav ua kuas 

Tswv Yexus lu lug saamfwm tav, kws yog xaa Txuj 

Moo Zoo moog thoob qaab ntuj. 

27

Peb yog Cov Ntseeg Yexus (Christian) vim peb 

ntseeg hab peb lawv Yexus tug kws yog tug Tswv 

hab tug Cawmseej qaab. 

Peb yog cov qha Txuj Moo Zoo (missionary) 

rua qhov peb cog lug yuav coj Txuj Moo Zoo 

moog ncaav kuas cuag txhua tsaav tuabneeg kws 

tsi tau nov txug Tswv Yexus. 

28

The Christian & Missionary Alliance (C&MA) – kuj 

yog ib lub koomhum kws zwm rua huv ib lub 

koomhum kev ntseeg kws hu ua National 

Association of Evangelicals. Lub koomhum NAE 

nuav muaj tshaaj ntawm 53 paab pawg 

(denominations), kws muaj txug 45,000 pawg 

ntseeg nyob thoob tebchaws Amelikas tuaj zwm 

uake rua huv. Taagnrho cov tswvcuab kws nyob 

rua huv NAE yog muaj txug le ntawm 30 plhom 

(million) tug tswvcuab. 

29

Keebkwm Tuab-lu (Brief History) 

Tshaaj le ntawm 100 xyoo kws dlhau lug, 

txhua yaam yog chiv ntawm Dr. Albert B. 

Simpson, ib tug xwbfwb Presbyterian 

kws nyob rua tebchaws Canada. 

Vaajtswv tau siv nwg moog ua Vaajtswv teg 

dlejnum kws yog moog cawm hab moog nrhav 

cov tuabneeg kws pluj lawd kuas puab rov lug 

cuag tau Vaajtswv dlua. 

30


Xyoo 1882, nwg txhaj le lug chiv ua 

Vaajtswv dlejnum nyob rua New York. 

Nwg lug tsim tau lub Gospel Tabernacle 

ua lub chaw cob qha txug kev tshaaj- 

tawm Txuj Moo Zoo. Nwg tsim tau ib phoo 

xuvxwm (magazine) lug qha txug tug ntseeg lub 

neej hab kev xaa moo zoo kws tomqaab nuav 

dlhau lug ua Alliance Life. 

31


Xyoo 1883, A.B. Simpson txhaj le tsim 

tau ib lub chaw luam ntawv kws yog 

luam tau nwg tsaab xuvxwm hab luam 

nwg cov lug qhuab qha rua suavdlawg 

tau nyeem. Lub chaw luam ntawv ntawd, 

tomqaab nuav yog lub Christian Publications. 

32


Tuablub xyoo 1883 ntawd, A.B. Simpson 

kuj tsim tau ib lub tsev kawm ntawv hu 

ua Missionary Training College, kws yog 

thawj-thawj lub tsev kawm Vaajlugkub 

kws nyob rua huv tebchaws Amelikas Qaumteb 

(North America), lug moog cobqha tej tub tej 

ntxhais kuas txawj moog ua Vaajtswv dlejnum. 

Lub tsev kawm ntawv ntawd nwg nuav hu ua 

Nyack College, nyob rua New York. 

33


Lub koomhum kws hu ua The 

International Missionary Alliance yog 

raug tsaa muaj rua xyoo 1887. Lub 

homphaj yog tsim lug xaa Txuj Moo Zoo 

moog rua txawv tebchaws. 

34


Muaj dlua ib lub koomhum kws hu ua 

The Christian Alliance, kws yog tsim 

lug qha kuas cov ntseeg cog caag ntawm 

saab kev ntseeg kuas tub hab muab lub 

neej tso plhuav rua Vaaj Ntsujplig tug Dlawbhuv 

ua tug coj; Dr. A.B. Simpson hu has tas yog kev 

qha txug “Deeper Life.” 

35


10 xyoo tomqaab ntawd, ob lub 

koomhum nuav (The International 

Missionary Alliance & The Christian 

Alliance) txhaj le lug sis koom uake. 

Lub npe The Christian and Missionary Alliance 

yog chiv muaj lug ntawm ob lub koomhum nuav, 

txij thaus xyoo 1897 lug. 

36


Naj nub nua, C&MA yog ib paab kws kub 

sab heev rua kev xaa Txuj Moo Zoo hab 

kev tsim tsaa pawg ntseeg, tsi has nyob 

tebchaws Amelikas nuav los yog thoob 

qaab ntuj. 

37

1. Muaj Vaajtswv tuableeg yog tug Dlawbhuv 

kawg nkaus, hab Nwg yog tug kws ibtxwm 

muaj nyob kws koom 3 lub npe: Vaaj Leejtxiv, 

Vaaj Leejtub, hab Vaaj Ntsujplig tug Dlawbhuv. 

39

2. Yexus Khetos yog Vaajtswv hab nqeg lug yug 

ua tuabneeg. Vaaj Ntsujplig tug Dlawbhuv lub 

fwjchim ua rua Malis tug kws yog nkaujxwb 

xeeb hab yug Yexus. Yexus yog tug ncaaj 

nceeg kws lug tuag theej tuabneeg lub txim 

sau tug ntoo khaublig: Nwg ua tug mivnyuas 

yaaj kws raug tua fij theej tuabneeg lub txhoj. 

Tug kws ntseeg Yexus, Yexus cov ntshaav 

yuav ntxuav tug ntawd tej kev txhum kuas taag 

moog… 

40

2. Vaajlugkub qha tseg has tas Yexus tub sawv 

huv qhov tuag rov qaab lug lawm hab moog 

nyob ntawm Vaajtswv tug muaj fwjchim saab 

teg xis ua peb cov ntseeg tug povthawj hlub. 

Muaj ib nub tomntej nuav Nwg yuav rov qaab 

lug tsim khu Nwg lub tebchaws kuas ncaaj 

nceeg hab thaajyeeb. 

41

3. Vaaj Ntsujplig yog tug Dlawbhuv, raug xaa lug 

paab peb, ua tug qha hab coj peb txuj 

hauvkev, hab yog tug pub fwjchim rua txhua 

tug ntseeg hab yog tug qheb tuabneeg lub sab 

kuas pum txug kev txhum, pum txug kev ncaaj 

nceeg hab kev txavtxim yaav tom ntej. 

42

4. Phoo Vaajlugkub Qub hab Phoo Tshab, txij 

thaus chivkeeb lug yeej tsi muaj ib lu lug yuam 

kev, yog Vaajtswv tshoov cov sau lub sab, hab 

yog Vaajtswv qha txug tuabneeg txujkev dlim 

txim kws Vaajtswv tau teem tseg lawm. Ob 

phoo ntawv nuav yog Txujlug tseeb kws 

Dlawbhuv hab yog txuj kevcai rua cov ntseeg 

coj hab xyum ua lub neej kuas lawv le ntawd. 

43

5. Thaus chivkeeb, Vaajtswv tsim tuabneeg zoo 

le Vaajtswv tug yaamntxwv. Tabsis tuabneeg 

tsi noog Vaajtswv lug, tuabneeg txhaj poob rua 

txujkev txhum lawm. Txij thaus ntawd lug, 

tuabneeg saab cev nqaj dlaim tawv hab saab 

ntsujplig txhaj le tuag. Txhua tug tuabneeg 

kws yug lug ntawm txujkev txhum, yeej raug 

cais tawm ntawm Vaajtswv lawm… 

44

5. Tug kws yuav dlim tau nwg lub txim nuav 

yuavtsum ntseeg Tswv Yexus tug kws lug tuag 

theej tuabneeg lub txhoj xwb. Tug kws tsi leeg 

txim hab tsi kaam lug ntseeg, tug ntawd yuav 

raug kev txomnyem moog ibtxhis. Tabsis, tug 

kws ntseeg yuav tau zoo nyob kaaj sab lug 

moog ibtxhis. 

45

6. Tswv Yexus tub muab txujkev dlim txim rua 

txhua tug tuabneeg lawm. Cov kws leeg kev 

txhum hab txais yuav Yexus yog cov kws yug 

dlua tshab ntawm Vaajtswv tug Ntsujplig kws 

Dlawbhuv. Vaajtswv yuav pub txujsa ntev 

dlhawv ibtxhis rua nwg hab yuav pub nwg 

muaj feem lug ua Vaajtswv le mivnyuas. 

46

7. Vaajtswv dlejsab xaav kuas tug ntseeg muaj 

lub neej puv npo Vaaj Ntsujplig, ca Vaaj 

Ntsujplig muab nwg ntxuav kuas dlawbhuv. Tsi 

xob ua txhum le tuabneeg nplajteb ua, tabsis 

nwg yuavtsum fij nwg lub neej rua Vaajtswv, 

hab ua lub neej kuas hum Vaajtswv sab nyam, 

… 

47

7. nwg txhaj yuav tau Vaajtswv lub fwjchim lug 

paab nwg, hab ua tau teg num tawg paaj txi 

txiv. Nuav yog ib txujkev kws ib tug ntseeg 

yuavtsum muaj hab yuav tau xyum ua thaus 

nwg txais yuav Yexus ua nwg tug Tswv 

Cawmseej lawm. 

48

8. Yexus Khetos muaj cuabkaav khu tej kev mob 

kev nkeeg kws raug rua tuabneeg lub cev kuas 

zoo. Kev thov Vaajtswv hab muab roj pleev 

tug muaj mob yeej qha nyob rua huv Vaajtswv 

Txujlug hab yog ib teg num tseemceeb rua cov 

ntseeg kws nyob tam nuav. 

49

9. Pawg ntseeg yog cov ntseeg Yexus kws raug 

ntxuav lug ntawm Yexus cov ntshaav hab yug 

dlua tshab ntawm Vaajtswv tug Ntsujplig 

Dlawbhuv. Yexus yog lub taubhau ntawm lub 

cev. Pawg ntseeg yog cov kws Vaajtswv 

saamfwm kuas tawm moog ua timkhawv qha 

Txuj Moo Zoo rua txhua tsaav tuabneeg huv 

nplajteb… 

50

9. Pawg ntseeg yog lub cev ntawm cov ntseeg 

Yexus kws tuaj txoos uake pehawm Vaajtswv, 

noog Vaajtswv Txujlug kws khu tau tuabneeg 

lub sab, thov Vaajtswv uake, tshaajtawm Txuj 

Moo Zoo, tuaj koom sab ua kevcai raus dlej, 

hab noj Tswv Yexus Rooj Mov. 

51

10. Txhua tug kws ntseeg hab tsi ntseeg yuav 

sawv huv qhov tuag rov lug; cov ntseeg xub 

sawv rov lug moog txais txujsa ntev dlhawv 

moog ibtxhis; cov tsi ntseeg yuav sawv 

tomqaab lug moog raug txujkev txav txim. 

52

11. Tswv Yexus yuav rov lug zag ob. Txhua tug 

yuav pum Nwg hab Nwg yuav lug kaav lub 

nplajteb nuav ib txheeb xyoo. Qhov nuav yog 

cov ntseeg txujkev ca sab, yog ib lub 

ntsablug tseeb kws ua rua cov ntseeg kub 

sab ua lub neej dlawbhuv hab mob sab ua 

Vaajtswv le dlejnum. 

53

Muaj 2-3 yaam ntxiv kws C&MA ntseeg txug: 

54


• Divorce – Kev sis yuav yog Vaajtswv ua tug rhawv 

(Chivkeeb 2:18). Txujkev sis yuav nuav yog ib yaam 

kws suavdlawg yuavtsum saib taug has tas nwg muaj 

nqes heev (Henplais 13:4). Yog le, txujkev sis nrauj tsi 

yog ib yaam kws Vaajtswv pum zoo, tshwj yog ib tug 

cale moog ua kev nkauj kev nraug lawm xwb (Mathais 

5:32, 19:9). Tabsis nwg tsi muaj cai nrauj yog has tas 

nwg tsuas yog xaav moog yuav tug tshab es laam 

nrhav kev muab tug kws nwg tseem yuav ntawd nrauj. 

55


• Abortion – Peb ntseeg has tas tuabneeg txujsa yeej 

chiv muaj thaus xeeb tug mivnyuas nyob rua huv 

leejnam lub plaab lug lawm. Vaajtswv Txujlug yeej qha 

has tas Vaajtswv yeej xub paub peb ua ntej kws peb 

yug lug rua huv lub nplajteb nuav lawm (Yelemis 1:4-5, 

Phoo Ntawv Nkauj 139:13-17). Yog le nuav, peb txhaj 

paub meej-meej has tas tuabneeg tseem ceeb heev 

rua Vaajtswv. Kev rhu mivnyuas yog ib yaam kws peb 

cov ntseeg yuav tsi ua. 

56


• Homosexuality – Vaajlugkub yeej has meej has 

tas thaus chivkeeb Vaajtswv tsim peb tuabneeg yog 

Nwg tsim ib tug quasyawg hab ib tug quaspuj 

(Chivkeeb 2:10-25). Vaajtswv kuas obtug lug sis sau 

uake ua namtxiv hab tu tub tu kiv kuas fuamvaam 

thoob nplajteb. Kev ua txwj ua nkawm tsuas yog muaj 

nyob rua huv ib tug quasyawg hab ib tug quaspuj xwb 

(Efexaus 5:22-33, 1 Kauleethaus 7:1-5, Henplais 

13:4). 

57


• Homosexuality – Tug kws coj lub neej tsi lawv le 

Vaajlugkub qha, kws nwg yog ib tug homosexual, tug 

ntawd yuav lug tuav tsi tau ib teg dlejnum nyob rua huv 

C&MA hab huv pawg ntseeg, los yog yuav lug zwm ua 

tswvcuab rua huv pawg ntseeg tsi tau. 

Txawm le ntawd los peb yeej tseem hlub, tseem 

txhawb, muaj kev zaamtxim rua puab hab paab kuas 

puab lug txais yuav Tswv Yexus ua puab tug Tswv 

Cawmseej nyob rua huv puab lub neej. 

58

C&MA cov cim (symbols) kws peb pum, hab lawv 

le txujkev ntseeg kws peb tub saib lug lawm, yog 

muaj lub ntsab lug zoo le nuav: 

59

Tug Ntoo Khaub-lig: Yexus yog peb tug 

Cawmseej (Christ our Savior) 

Tug ntoo khaub-lig yog qha txug Yexus txujkev 

tuag hab Nwg txujkev sawv huv lub qhov tuag lug 

kuas peb tuabneeg tau txais txujkev dlim txim. 

60



“Tsi muaj leejtwg cawm tau peb dlim peb lub txim, 

tsuas yog Yexus tuableeg xwb txhaj cawm tau, tsi 

muaj dlua lwm tug kws Vaajtswv tso lug cawm 

peb tuabneeg nplajteb kuas peb dlim peb lub txim 

le.” - Teg Num 4:12 

61



Lawv le Vaajtswv Txujlug qha, mas peb ntseeg 

has tas Yexus tau tuag theej peb tej kev txhum 

huvsi. Yexus tau muab Nwg cov ntshaav lug 

txhwv peb, Nwg tau tuag hab tau sawv huv lub 

qhov tuag rov lug, hab coj peb lug cuag tau 

Vaajtswv. 

62

Lub Khob: Yexus yog tug ntxuav kuas 

peb dlawb huv (Christ Our Sanctifier) 

Lub khob yog qha txug Vaajtswv tug Ntsujplig kws 

nyob rua huv peb lub sab teg dlejnum kws yog 

ntxuav peb tej kev txhum kuas peb dlawb huv. 

63



“Vaajtswv tug kws muaj fwjchim, nwg pub txhua 

yaam zoo rua peb, kuas peb ua tau peb lub neej 

hum nwg sab. Nwg ua le ntawd kuas peb paub 

tug kws hu peb lug yuav nwg lub fwjchim, hab 

paab tau peb ua tau tuabneeg ncaaj nceeg ib 

yaam le nwg.” - 2 Petus 1:3 

64



Tswv Yexus yog kev dlawb huv – Nwg yog tug 

kws nyob huv peb lub sab hab coj peb kev ua 

neej kuas peb muaj lub neej zoo le Nwg. Qhov 

nuav peb txhaj khaav tsi tau has tas peb ua tau 

zoo. 

65



Rua qhov, ua ntej kws peb yuav txais tau txujkev 

dlawb huv nuav, yuavtsum yog peb leeg paub has 

tas, yog tsi yog Tswv Yexus ua tug paab peb, peb 

yeej ua tsi tau kuas peb dlawb huv hlo le. 

66



Txujkev dlawb huv nuav yog qhov kws peb ua 

peb lub neej vaam khom rua Tswv Yexus hab 

nrug Nwg taug kev txhua nub hab txhua lub 

sijhawm. 

67



Lub khob nuav, yog ib yaam kws yeej siv nyob 

rua huv lub tuamtsev tam Vaajlugkub Qub. Cov 

povthawj hlub siv cov dlej nuav lug ntxuav puab 

txhais kua-taw ua ntej kws puab nkaag moog rua 

huv chaav dlawb huv. Qhov nuav yog qha txug 

lub fwjchim lug ntawm Vaaj Ntsujplig kws yog 

ntxuav peb tej kev txhum txhua nub kuas peb 

dlawb huv. 

68

Lub Qhws: Yexus yog tug khu peb tej 

mob kuas zoo (Christ Our Healer) 

Lub qhws yog qha txug lub neej zoo hab kev zoo 

mob zoo nkeeg kws yog lug ntawm kev noog 

Vaajtswv lug hab ua lawv le Vaajtswv tej lug qha. 

69



“Yog puab ntseeg, tej lug kws puab thov yuav 

paab tau kuas tug kws muaj mob ntawd zoo. Tug 

Tswv yuav ntxiv sav ntxiv zug kuas nwg rov muaj 

zug le qub. Hab tug Tswv yuav zaam tug ntawd 

tej kev txhum huv tuabsi.” – Yakaunpaus 5:15 

70



Qhov kws Tswv Yexus tau lug txhwv peb, tsi yog 

txhwv kuas peb dlim peb lub txim xwb tabsis Nwg 

tau txhwv peb kuas peb zoo mob zoo nkeeg huv 

tuabsi. 

71



Thaus Nwg tuag, Nwg ris peb tej kev mob kev 

nkeeg hab ris peb lub txim huv tuabsi. Lug 

ntawm qhov kws Nwg sawv huv lub qhov tuag rov 

lug, peb txujkev kws peb ntseeg Nwg, qhov ntawd 

muaj peevxwm paab hab khu tau peb tej kev mob 

kev nkeeg kuas zoo. 

72



Lub qhws nuav yog piv txug lub fwj roj kws siv lug 

pleev tug tuabneeg mob kuas nwg zoo, kws yog 

ua lawv le Vaajtswv Txujlug. 

73

Lub Mom: Yexus yog peb tug Vaajntxwv 

kws yuav rov lug (Christ Our Coming King) 

Lub mom yog qha txug Yexus tug kws yog 

Vaajntxwv, kws yuav rov lug tog tug kws ntseeg 

Nwg hab tau leeg txais Nwg ua puab tug Tswv 

Cawmseej lawm. 

74



“Mej yuav pum Tuabneeg leej Tub nyob ntawm 

Vaajtswv tug kws muaj Fwjchim Luj kawg nkaus 

saab xis, hab nrug fuab nrug cua lug sau ntuj 

lug!” – Malakaus 14:62 

75



Yexus yuav rov nqeg sau ntuj lug rua huv lub 

nplajteb nuav. Yuav tsi yog nqeg lug zoo le tug 

ntsujplig los yog zoo le kev xaa Txuj Moo Zoo 

lawm, tabsis Nwg yuav rov lug kag ntawm Nwg 

cev nqaj dlaim tawv. Thaus Nwg rov moog rua 

sau ntuj zoo le caag, Nwg yuav rov lug zoo le 

ntawd hab. 

76

Lub Nplajteb: Ua kuas Yexus teg num tav 

(Completing Christ’s Commission) 

“Thaus muaj tuabneeg moog qha Txuj Moo Zoo 

kws has txug Ntuj Ceebtsheej moog thoob qaab 

ntuj hab ua timkhawv rua txhua tsaav tuabneeg 

paub lawm, ces thaus ntawd tub yuav txug lub 

sijhawm kawg.” – Mathais 24:14 

77



Lub nplajteb yog qha txug peb teg dlejnum thoob 

lub qaab ntuj nuav. Yaam kws peb tau txais lug 

dlawb-dlawb, peb yuav tau muab pub rua lwm tug 

hab. Tswv Yexus tau saamfwm kuas txhua tug 

kws ntseeg Nwg lawd yuavtsum tau xaa Txuj Moo 

Zoo moog kuas txhua nrho txhua thaaj chaw. 

78



Lu lug saamfwm kws tawm ntawm Tswv Yexus 

lub sab lug rua huv peb lub sab, kws yog kev xaa 

Txuj Moo Zoo nuav, yuav nthuav dlaav zuj zug 

kws yog chiv ntawm pawg ntseeg moog kuas 

thoob lub qaab ntuj nuav; hab peb yuav ua teg 

num nuav kuas moog txug nub kws Nwg rov qaab 

lug. 

79

C&MA 

Hmong District 

Local Church Local Church Local Church 

Hauvpaug Koomhum Moob (Hmong District) 

yog zwm rua huv C&MA. 

81

Lub homphaj yog kuas paub 

Tswv Yexus; txhawb nqaa Nwg 

kws yog tug Cawmseej, tug 

Ntxuav kuas dlawbhuv, tug Khu 

tau mob, hab tug yuav rov lug 

ua Vaajntxwv; hab ua kuas Nwg 

lu lug Saamfwm tav. 

82

HKM yog tug saib taagnrho cov pawg ntseeg 

Moob kws zwm rua huv C&MA. Taamsim nuav 

(2006) yog peb muaj txug 84 pawg ntseeg. 

HKM yog lub hauvpaug kws paab tswvyim rua 

peb cov pawg ntseeg kuas paub ua dlejnum, 

dlaws teebmeem, muab kev txhim khu, kev nrhav 

xwbfwb rua cov pawg ntseeg hab ntau yaam 

dlejnum kws tsimnyog yuav tau ua. 

83

Ob lub xyoo twg HKM yeej tsaa muaj ib lub Rooj 

Saablaaj Txwmxyoo, kws taagnrho cov pawg 

ntseeg yuav tau xaa ib cov sawvcev moog koom. 

Homphaj ntawm lub rooj saablaaj nuav yog kev 

tawm tswvyim, kev txhim khu, kev xaivtsaa cov 

tsaavxwm kws yuav lug tuav dlejnum, hab kom 

nyajtxag rua kev ua dlejnum, kws yog yuav ua 

kuas Vaajtswv lub koob lub npe nrov moog thoob 

qaabntuj. 

84

Tug Thawj Tsaavxwm kws taamsim nuav ua 

dlejnum nyob rua huv Hauvpaug Koomhum 

Moob yog Kx. Nom Lwm Kwm. 

85

Sau mej pawg ntseeg lub npe rua kaab 

ntawv sau toj nuav. 

86

Qee yaam kws peb yuav kawm txug: 

� Pawg Ntseeg Keebkwm 

� Homphaj (Mission Statement) 

� Kevcai Lijchoj Ntxiv (Bylaw) 

� Pawg Ntseeg Dlejnum 

� Cov Ua Dlejnum (staff) 

� Membership Covenant 

87

Sau mej pawg ntseeg le keebkwm 

tuab-tuab lu rua ntawm 2-3 nplooj 

ntawv nuav qha rua suavdlawg 

paub has tas mej chiv le caag lug, 

xyoo twg hab leejtwg tau lug ua 

xwbfwb nyob rua huv mej pawg 

ntseeg nuav lawm. 

88

Yog mej pawg ntseeg muaj 

missions statement, muab sau 

rua ntawm nuav hab muab qha 

kuas meej-meej rua puab paub. 

89

Lawv le C&MA phoo Kevcai Lijchoj 

(Constitution) tau teev tseg, mas 

tug kws yuav lug zwm ua tswvcuab 

rua huv pawg ntseeg yuavtsum ua 

le nraag nuav: 

90

1. Tau leeg txais yuav Tswv Yexus 

lug ua nwg tug Tswv Cawmseej 

hab nwg lub neej yeej qha has 

tas nwg yeej muaj Vaajtswv 

lawm tag. 

91

2. Ntseeg has tas muaj Vaajtswv, kws 

yog Vaaj Leejtxiv, Vaaj Leejtub, hab 

Vaaj Ntsujplig tug Dlawbhuv; ntseeg 

has tas phoo Vaajlugkub yog 

Vaajtswv txujlug; ntseeg has tas 

Yexus yog tug kws tuag theej peb tej 

kev txhum; ntseeg has tas tug kws 

ntseeg Yexus yuav tau txujsa ntev 

dlhawv moog ibtxhis tabsis tug kws 

tsi ntseeg yuav raug kev teem txim. 

92

3. Leeg txais yuav txuj kev ntseeg 

kws qha has tas Yexus yog tug 

Cawmseej, tug Ntxuav Kuas 

Dlawbhuv, tug Khu tau Mob 

Nkeeg, hab yog tug Vaajntxwv 

kws yuav Rov Lug zag ob. 

93

4. Nrug C&MA koom sab koom 

ntsws hab sis koomteg ua 

Vaajtswv teg dlejnum kuas txhua 

lub homphaj tav log. 

5. Hab lwm yaam kev tswjfwm kws 

lawv le huv tej pawg ntseeg txuj 

kevcai lijchoj ntxiv tau teev tseg. 

94

Muab mej pawg ntseeg cov Kevcai 

Lijchoj Ntxiv (Bylaw) sau rua ntawm 

nuav hab muab qha kuas meejmeej 

rua puab paub txug mej 

txujkev tswjfwm los yog kev coj noj 

coj ua. 

95

Ntawm tshoobkug & kev plujtuag, 

peb pawg ntseeg yuav siv lawv le 

tej kaabke kws HKM tub tau 

saablaaj pum zoo txais yuav lawm. 

96

Nyob rua peb pawg ntseeg, peb 

muaj cov dlejnum (ministries) zoo le 

nuav: 

• Rooj Tsaavxwm 

• Txwjlaug 

• Txivtsev, Namtsev, Cov Hluas 

• Tshaajtawm 

• Ncig Num 

• Txaistog Qhua 

• Saib Kev Pehawm Vaajtswv 

97

• Sunday school 

• Small groups 

• Lwmyaam kws mej muaj 

98

Cov ua dlejnum (staff) huv pawg 

ntseeg yog muaj le nuav: 

Thawj xwbfwb: _______________ 

(sau lawv le mej pawg ntseeg muaj) 

99

Pawg ntseeg le chaw nyob & xuvtooj: 

1234 Heaven Street 

Anytown, STATE, 12345 

(800) 123-4567 

www.churchname.org (yog has tas 

mej muaj). 

100

101

Having received Jesus Christ as my 

Lord and Savior and being in 

agreement with Your Church Name’s 

doctrinal statement, I now feel led by 

the Holy Spirit to unite with the Your 

Church Name family. In doing so, I 

commit myself to God and to the other 

members to do the following: 

102

1. I will protect the unity of my church 

...by acting in love toward other members 

...by refusing to gossip 

...by following the leaders 

103

2. I will share the responsibility of my 

church 

...by praying for its growth 

...by inviting the unchurched to attend 

...by warmly welcoming those who visit 

104

3. I will serve the ministry of my church 

...by discovering my spiritual gifts and 

talents 

...by being equipped to serve 

...by developing a servant’s heart 

105

4. I will support the mission of my church 

...by attending faithfully 

...by living a godly life 

...by giving regularly 

_______________ _______________ 

Signature Date 

106

You have successfully completed our 

Church Membership Orientation 

107

To the Family of 

Name of Your Church Here 

Please stay for some refreshment and 

chat with our church leaders. 

108

109

Tug sau: Dr. Nyaj Looj Yaaj - Hmong District

You also want an ePaper? Increase the reach of your titles

Delete template?

Save as template?