Jakobo 1.12-18 thero

Go fenya diteko
Thero mo Jakobo 1:12-18
Palo ya Beibele: Jakobo 1
Timanathero: Jakobo 1:12-18
Tabataba: Go fenya diteko
Diteko tseo re kopanago le tsona letsatsi le letsatsi. Sarah o bona motho yo a
emego mo pele ga gagwe ge ba reka ka lebekeleng, gore o lebala purse ya
gagwe.
Motho yo o tsere merwalo ya gagwe, empa purse e be e setse go na mo. Bjale
Sarah o tlile go dira eng? Goba go fa mohlala o mongwe. Michael o ba le
segwera le, ngwanenyana wa go se dumele. Ba ratana ka thoko ya mathomo.
Ana o swanetse go ya go yena bekeng ye e tlago, gore a leke go mo humana?
Ka nnete, ke diteko tseo re kopanago le tsona mo letsatsing, tse kgolo goba tse
nyane, tsa lebaka le letelele goba tsa nakonyana fela.
Gomme ye ke yona taba yeo Jakobo a bolelago ka yona mo temaneng ya rena:
Tabataba: Go fenya diteko
Jakobo, motho yo a ngwetsego lengwalo le, e be e le moratho wa Morena Jesu,
ka tswalo.
Mme wa gagwe e be e le Mariah gomme tatagwe e le Josefa.
Empa Jakobo o sokologile fela ka morago ga tsogo ya Jesu.
Pele ga mo bana ba boJesu ba be ba sa dumele mo go Yena.
Bjalo ka ge re bala mo Johane 7:5: “Gomme le bana ba bo ga baka ba dumela go
Yena.”
Empa gona bjale Jakobo o sokologile gomme ka nako ye a ngwalago lengwalo
le, e be e le o mongwe wa bagolo ba kereke mo Jerusalema.
Go a makatsa gore o be a sa ikgogomose ka lebaka la gore ke moratho wa
Mesiah.
Mathomong a lengwalo le o thoma ka go itsebisa ka gore:
“Jakobo, mohlanka wa Modimo le wa Morena Jesu Kriste.”
O nyaka fela go latela Mopholosi wa gagwe, se ke se bohlokwa seo a nyakago
gore babadi ba se tsebe.
Bjalo Jakobo thatathata o bolela ka dintlha tse pedi mo lengwalong. Sa
mathomo ke gore o ka fenya meleko bjang.

Gomme sa bobedi, o bolela ka go se be mokwi wa lentsu fela, empa go
phethagatsa seo mo bo phelong bja gago.
Mo therong ya lehono re tlile go bolela ka ntlha ya mathomo.
Wa lehlogonolo ke monna, yo a dulago a tiile le ka gare ga meleko.
Mo lengwalo le Jakobo o botsa bakriste go ba thome go phela bophelo bjo
bofsa.
Thatathata o lebeletse dibe tse pedi.
Kotsi ya go ba le mahumo, le gore go nyaka go huma ka bowena.
Sa bobedi, dibe tsa leleme.
Bakriste ba swanetse go kgetha go phela bophela bjo bo fapanego, gape le go
tlogela dibe tse.
Ba swanetse go dula ba tiile, le ge ba lekwa, go nyaka fela go huma le ge seo se
ra gore o swanetse go ya go utswa.
Gore o tlile go tsea purse yela,
Motho yola a e lebetsego lebenkeleng pele ga gago.
Lebake la gore, o bitse motho yola le gore o kitimela go yena go mo fa purse ya
gagwe.
Mo teko ye, Jakobo o bolela gore:
O se ke wa bolela wa re: Ke lekwa ke Modimo.
Gobane Modimo o beile se mo tseleng ya ka.
Ke thato ya Modimo gore ke bona purse ye, e dutse mo la e se a bolokega.
Gomme ka lebaka leo ka tla e tsea.
Aowa! Jakobo o realo.
Nako le nako ge motho a lekwa, se se diragala ka lebaka la kgopolo empe, o
gogetswe thoko gomme a tseega.
E se go fela go bona puse e dutse mo la gore ke sebe.
Goba go tsena segwereng le ngwanenyana gore ke sebe.
Tse ke dilo tseo di diragago fela. O ka se kgone go di hlokomeloga.
Empa putsiso ke gore: ana selo se bjalo ka se se a direga go wena?
Bjale o dira ka morago ga se?
Ana o dula o tiile mo tumelong?

Goba o a dumela go wela mo sebeng.
O bona purse e dutse mo la.
Ana o tlile go dira eng ka morago?
Ana o bitsa motho yola a tsamayago?
Goba o tsea purse gomme o a mo kitimela o a mo fa yona?
Goba ka go hlokomela o ntsha tshelete ka gare go yona gomme o a etsenya ka
potleng ya gago?
O swanetse go dira kgetho, ana o tlilego ema, o tiile goba o tlile go dira sebe?
O ka se kgone go swaya Modimo phoso.
Bjalo ka ge Jakobo a bolela: Ge motho a lekwa, a se ke a re: Ke lekwa ke
Modimo. Gobane Modimo ga a lekwa ka bobe, goba ga a leke motho.”
Bjale nke ke botsise:
Lebaka la gore se se diragala, gomme se diragala gore le nna ke gona mo,
gomme ke a bona gore purse e tlogetswe mo...
Ana ke thato ya Modimo gore e be mo?
Gona ka motsotso o?
Ka nnete, re ka re, ga go seo se diragago ka ntle le thato ya Modimo.
Modimo o buse lefase le, o busa dilo tsohle.
Empa, Jakobo o a re laya, se ga se re gore re ka busetsa dilo mathomong. Ka
lebaka la gore re ka se kgone gore ke Modimo, ka gore o ratile gore re be mo
ka nako yeo, gobane Modimo ga a lekwe ke bobe.
Go a leka go ka bolela ka tsela ye.
Nka se kgone go ithusa gobane Modimo o dirile gore ke be mo, goba Modimo o
dirile gore ke ratane le motho wa go se dumele...
Gomme o ka bolela ka lebaka wa re: Modimo ka tsela yengwe o gapeleditse
gore ke dire sebe.
Empa aowa, Jakobo o realo, Modimo ga a leke motho.
Bana beso Moreneng, Jakobo o nyaka gore re rebelele ka tsela ye bonolo.
Sebe a se tswe legodimong.
Sebe ga se a tswalwa ka baka la diteko.
Sebe ke ngwana wa dikganyogo tse mpe.
Sebe se tswa mo lefaseng.
Sebe se tswetswe ke dikganyogo tse mpe.
Beibele e re ruta gore – batho – ba bjalo ka meetse a belago a ditshila.
Se ke nnete.
Ka letsogo le lengwe, re leboga kgaugelo ya Modimo, gore motho o kgona go
mpshafatswa!

A sokologa.
Gobane Modimo o re tswadisitse ditaba tse botse.
Ka Ebangedi re a mpshafatswa.
Gomme seo se ra go reng mo go rena?
Gabotse, go boela gape mo mohlaleng wa rena.
Ge o bona purse e dutse mo la, kgopolo e tlile go tla mo monaganong wa gago.
Sa mathomo: e tsee ka pela!
E fihle ka putleng! Ke mahlatse a gago! O tlile go hwetsa tshelete e ntsi!
Empa sa bobedi gopolo yengwe e tlile go tla: Ke madimabe a motho yola! Ke
be ke tla dira eng ge e be e le nna? Etla, ke tla kitimela go yena gomme ka mo
fa yona.
O a bona, ke dikgopolo tse pedi tseo di kitimago ka mo naganong wa gago.
Sa mathomo, kgopolo ya bo motho ye mpe.
Sa bobedi, kgopolo yeo, Modimo a re neilego yona, go rata wa geno bjalo ka ge
o ithata.
Wa lehlogonolo ke monna, yo a dulago a tiile mo melokong.
Wa lehlogonolo ke monna, yo a go tlelelago ka gare ga teko, gobane ge a fentse
teko, o tlile go hwetsa mphaphahlogo wa bophelo bjo Modimo a
botshepisitsego mo go bao ba moratago.
Ke ka mo temana ya rena e thomago ka gona.
Go itumedisa bjang go dira thato ya Modimo.
Ga re lateleng Jesu, ke mohlala wo a re file go ona.
Le se ke la forwa, bana beso.
Mpho engwe le engwe e botse le dineo di tswa godimo, di etla fase di etswa go
Tate wa magodimong, yo a sa fetogego bjalo ka meriti.
O kgethile go re nea tswalo ka lentse la nnete, gore re be bao ba enywago
dienywa tseo a di bopilego.
Bakriste ba bitswa: dienywa tsa mathomo.
Se se dira gore re nagane ka puno.
Dienywa tsa mathomo tsa go bunwa.
Ka morago ga marega a matelele, ge go se seo se melago, lefase le dula le
omile,
Bjale ka lehlabula re bona dienywa tsa mathomo, dimedi tsa mathomo tse tala
dimela go tswa mobung.
Se ke mohlolo!
Lebaka la gore dienywa tsa mathomo di a gola, go na le lebaka.
Go bego ka se diragale ge o ka be go se mobjadi yo a bjetswego mo lefaseng.

Go bjalwa thoro.
Gomme, gonabjale, ka morago ga nako e telele, ge dimela tse ditala di hloga,
mobjadi o kgontisisa dibjalo tsa matsogo a gagwe.
Bana beso Moreneng, mohlala wo o lebisitswe go lena, mo lefaseng le le
omilego, lehu ke sebe, mo lehu le busago, dibjalo tse tala tse nenyane di a
mela.
Bophelo bjo bofsa!
Jesu, mobjadi, o dirile tiro e botse.
Bjalo ka ge re thoma go bona ditlamorago.
Jakobo o ngwalela bakreste ba:
Le dienywa tsa mathomo.
Le mpsafaditswe.
Le humane bophelo bja nnete.
Le dibjalo tse nenyane.
E hlokomeleng.
Le se ke la ineela diteko.
Empa tsosa dihlogo, dula le tiile, Modimo o dula a kgethegile.
Ge o dula kgauswi le Yena, o tlilego go tia, gomme o tlilego kgona go fenya
diteko.
Gomme o se ke wa re: Ke a palelwa gomme wa iphora.
Gomme o ganetsa tshokologo ya gago.
O swanetse fela ke go dula kgauswi le Modimo.
O lebelele thato ya gagwe.
O tshaba mabaka ao a ka go wetsago mo melekong.
Gomme o a tseba: ge o kgonne go fenya diteko tsa sebe, o tlile go gola wa ba le
maatla!
Tumelo ya gago e tlilego go gola go ya pele.
Ka thoko ya polelo ye, Jakobo o re, ke teko go fenya diteko,
Go tswa ka gare ga yona o tiile, go ba motho yo a gotsego.
Bjalo ka ge a bolela mo temaneng ya bobedi:
“Bana beso, ge le wela melekong ya mehutahuta, le re: ke lethabo fela, le fele le
tseba gore go lekwa ga tumelo go tsweleta kgotleleo.
Kgotlelelo yona a e be le modiro wo o tletsego, gore le be ba bolo ka tlalo ba ba
se nago senyalo, le se be le mo le hlaetsago.”
O se ke wa ikgogomosa.
Ka nako tsohle lebelela Modimo.
O tlile go go nea maatla, e ka ba a go tshabela sebe, goba a go fenya diteko.
Modimo o dula a kgethegile.

O kgethile go go nea tswalo ka lentsu la nnete, gore le wena o tle o be dienywa
tsa mathomo go tseo a di hlodilego.
Amen.