Hefti 43 A frá 18. november 2011

362
74) Ll. nr. 62 frá 31. mai 2010 um Húsalánsgrunn.
75) Løgtingslóg nr. 102 frá 11. november 2010 um at seta í gildi ásetingarnar í tvískattasáttmála millum Føroyar
og Schweiz frá 23. november 1973, sum seinast er broyttur við protokol frá 21. august 2009.
76) Ll. nr. 60 frá 26. mai 2011 um stuðul til Saltsilogrunnin.
77) Ll. nr. 64 frá 26. mai 2011 um manntal í 2011.
78) Ll. nr. 82 frá 7. juni 2011 um Búskapargrunn Føroya.
Umsitingarøkið
§ 15. Landsstýrismaðurin í fíggjarmálum umsitur avgjøld v.m, avtalur við fakfeløg um sáttmálar og avtalur fyri
størv hjá landinum, búskaparmál, hagfrøði, fíggjarmál hjá landi og kommunum, innheinting av almennari skuld,
lønar- og setanarviðurskifti, ráðgevir øðrum landsstýrismonnum í arbeiðsrættarligum og setanarrættarligum
spurningum, skatt, starvsfólkapolitikk, stuðul o.l., tvungnar reglur um eftirlønaruppsparing og útgjald. Harumframt
umsitur landsstýrismaðurin í fíggjarmálum viðurskifti viðvíkjandi projektinum Salt á Drelnesi.
Stk. 2. Landsstýrismaðurin í fíggjarmálum útvegar KT undirstøðukervi, felags nýtsluskipanir og standardforrit,
sum fyrisitingarligar eindir hjá landinum kunnu fáa atgongd til.
Stk. 3. Landsstýrismaðurin í fíggjarmálum hevur heimildir landsstýrisins mótvegis:
1) Elektron P/f.
2) Fíggingargrunninum frá 1992, vinnurekandi grunnur.
3) Føroyagrunninum frá 1971, vinnurekandi grunnur.
4) Virðisbrævamarknaði Føroya P/f.
Løgtingslógaruppskot
§ 16. Landsstýrismaðurin í fíggjarmálum fyrireikar og leggur á landsstýrisfund, til framløgu í løgtinginum,
uppskot til løgtingslógir á hesum økjum:
1) Sbr. heimastýrislógini lista A nr. 1: Setan av egnum tænastumonnum, avsetan teirra, tænastutreytir, lønir og
eftirlønir teirra.
2) Sbr. heimastýrislógini lista A nr. 2: Kommunuskattur. Fíggjar-, íløgu- og lønarviðurskifti í kommunum.
3) Sbr. heimastýrislógini lista A nr. 6: Beinleiðis og óbeinleiðis skattur. - Harundir hoyra eisini stempulgjøld,
gjald av totalisatorspæli, gjald av serligum føroyskum happadrátti, tó ikki tinglýsingargjøld.
4) Sbr. heimastýrislógini lista A nr. 7: Játtanarrætt og yvirhøvur rætt til at ráða yvir øllum egnum inntøkum.
Skipan av roknskaparførslu, grannskoðan og decisión viðvíkjandi egnum inntøkum og útreiðslum.
5) Sbr. heimastýrislógini lista A nr. 15: Kreditfeløg o.l.
6) Sbr. heimastýrislógini lista Listi B nr. 5: Eftirlit við inn- og útflutningi.
7) Sbr. L. nr. 315 af 17. mai 1995 om sociale ydelser på Færøerne § 1, stk. 2 nr. 2 tá ið umræður tvungnari
eftirlønaruppsparing og útgjald av somu.
Ríkislógartilmælisuppskot
§ 17. Landsstýrismaðurin í fíggjarmálum fyrireikar og leggur á landsstýrisfund, til framløgu í løgtinginum,
uppskot til ríkislógartilmæli á hesum økjum, eins og hann á somu økjum ummælir mótvegis ríkismyndugleikum
sbr. stýrisskipanarlógini § 49:
1) Sbr. ræðislógini § 1 stk. 2: Fíggjarstovnar og eftirlit við slíkum.
2) Sbr. yvirtøkulógini § 1 stk. 2: Gjaldoyra- og peningapolitikk.
Ræði á løgtingsfíggjarlógini
§ 18. Landsstýrismaðurin í fíggjarmálum hevur ræði á § 3, fíggjarmál.
Tænastuboð
§ 19. Landsstýrismaðurin í fíggjarmálum hevur yvirskipaða eftirlitið við hesum stovnum og hevur heimild at
geva teimum tænastuboð:
1) Fíggjarmálaráðið.
2) Føroya Gjaldstova.
3) Hagstova Føroya.
4) TAKS (Toll- og Skattstova Føroya).
Stk. 2. Landsstýrismaðurin í fíggjarmálum hevur, eftir at hava fingið samtykki til tess á landsstýrisfundi, heimild
at geva øllum stjórnarráðum og stovnum undir landinum tænastuboð um:
1) Keyp av vørum og tænastum.
2) KT - nýtslu og trygd.
3) Útvegan av arbeiðsklæðum, persónligari verndarútgerð, flutningsførum, fartelefonum, heimateldum og
nýtslu av hesum.