PFIMBAInformationsblatt der Pfadi Mittelrheintal Ausgabe 1/2009

2. Stufe
20 Pfimba 1/09
Contura 08
Im Summer 2008 hät notürlich au d’Pfadi Mittelrheintal am gröschtä schwizerischa
Pfadilager tail gno. S’ganzi Lager isch i 8 Unterlager unterteilt und i da
Linthebani votailt wora.
Di 1. Stufa und i di 2. Stufa vo da Pfadi Mittelrheintal händ eri Zälter im Unterlager
8 ufgstellt. Sunterlager 8 Hät da Nama Big Bang ka und isch eher französisch
sprächend gsi. Da haisst äs hät relativ viel französisch sprächandi Abtailiga
uf am Lagerplatz ka. Für di Aina sind da eher „unagnemi“ Tön i da Ohra
gsi und für di Andara ischas gad
a supper Möglichkait gsi zum iri
Französischkenntniss ufzfrischa.
Doch au ohni Französisch hämmer
d’Ufmerksamkait vo da andara
Abtailiga schnäll uf üszocha.
Mer händ an Wunderschöna Sarasani
ufbaua. Di 1.Stufa hät sogar
an begehbara Ussichtsturm
ka. Mit am Rhiantler-Liad und
üsana Megaphone hämmer üs
au presentiert.
I däna 2 Wucha hämmer viel Sacha erläbt.
Jedi Abtailig hät eras Programm aigantlich sälber köna gstalta, doch jewils am
Obad häts an Alas fürs ganzi Unterlager gä. Wo s’Thema vom jeweiliga Unterlager
da Theilnehmer kli übermitlat wora isch.
Mer händ a voschidana fraiwilliga Aktiona tailgno.
Zum Bischbil a 2 Öbad hämmer
an Programmustusch mit anara
andara Pfadi gmacht. Dahaisst
si sind amana Obad zu üs ko und
händ bi üsam Programm mitgmacht
und umgekehrt. Aso mer
händ für si an gmüatlicha Gnüserobad
gmacht. Mit Massaga,
Gsichtsmaska, und so witer. Und
si händ für üs daför an unterhaltsama
Casinoobad organisiert.