Flyer - beim MGV Beerbach

MGV Beerbach
Singschdund is immer am Dunnerschdooch
umma achda bei derr Feierwehr in Babach.
Singa demmer na immer zwa Schdund.
Manchmol bleimerr a nu a weng hoggn.
In die Schulferien und im Summer mach mer
normol Bause, deswegn wennsd kumma
moggsd: frooch erschd amol!
Männergesangverein 1905
Beerbach e.V.
Vorstand Dieter Weis
Herrnbergstr. 52
OT Beerbach
91463 Dietersheim
09161-5064
Mail: webmaster@mgv-beerbach.de
Mid Freind singa
www.mgv-beerbach.de
frängisch

Männergesangverein ???
Dess werrsd wissen wolln
Worum soll iech edzerdla bei eich miedsingga?
Du kannsd derrs gor nedd vorschdelln woss mier
fier an Schbass homm. Wenn mer na nu fier
annara singa, na gfällds dena aa.
Wenn iech sing falln die Daum vom Himmel. In
der Schull homms immer über miech glachd.
A jeder kann singa. A JEDER! Und derr MGV iss iss
gladde Gecherdaal vo anner Schuul.
Die Muggerschiess auf eier Nodenbläddli
verschde i aa nedd.
Iss worschd. Unner Korleider kanns und des muss
langa. Der redd offd vo Derziär-Gesang und so a
Zeich. Dess iss immer lusddi.
Woss solli denn nu alles machen?
Mier broom doch bloos amol die Wuchn und in
die Ferien und im Summer is goor nix.
…und na miss mer a nu aufdreeden….
Bloss so zeha Mol im Johr, du Bfobferer.
Lauder alda Mannsbilder und alda Liedli!
Edz her obber auf! Horch a mol hie und schau di
um!
| |
Mier singa in vier Schdimma. Massdens.
Mier singa Liedli und manchmol schbield derr
Korleiter middn Klavier derrzu.
Liedli auf Deidsch, Englisch, Ladein, Russisch,
Afrikanisch und FRÄNGISCH….
Liedli die 100 Johr ald sinn und Liedli die sinn
ganz nei.
A jeder gibbd sei Besds und wemmers effder
machd werds mid derr Zeid.
Mier singa nedd bloos, mier hoggn a
manchmol nu a weng zamm.
Mier sinn Franngn (mancha edz nedd wergli vo
Geburd oh) und desweegn ess merr scho mol
woss und dringn a ann Schlugg.
Mier freia uns ieber jeden der a mol in die
Singschdund kummd und sich dess ohschaud.
Do siechd er nemli glei obss bassd.
Neugieri wonn? Eddz kannsd mol aan
ohschmarrn oderr rufsd oh oderr schiggst so a
IE-Mäil! Iss eigendli worschd, haubdsach du
maggsds aa.