Ganzer Bipper Turner 1/2003 - Turnvereine Niederbipp - Turnverein ...

DTV VOLLEY BIPP
Jahresbericht
däm Johr hei mir nit esoviel Turnier
chönne bestritte wie mir eigentlich hätte welle.
Mir si a de Expo-Games in Münchenstein gsi und hei is sogar für s'Finale in
-
Yverdon qualifiziert. Aber nit öppe dur die eigeti Leischtig D Leitig vo däm Turnier
het wahrschinlich bi dene schuderhafte Temperature nümm chönne klar dänke.
I bi schön verschrocke wo mir als Sieger gnennt worde si und i no öppis is Mikrofon
ha dörfe stackle.
Mitem eigentliche Gwünner vom Turnier hei mir is geinigt und sie si dr Meinig gsi
mir sölle doch numme uf Yverdon. Es isch uf allfäll e unvergässliche Tag gsi! Au
z'Yverdon isch viel erläbt worde aber do gömmer jetz nit nöcher druf i.
Dr Spieltag im Mai isch leider buchstäblich is Wasser gheit, freue mir is halt scho
uf nögscht Johr.
E Premiere isch s'Volley-Turnier vom Turnfescht gsi. Das het gfägt gege Mannschafte
vor ganze Schwiz z’spiele, mir hei is vorallem mit de Oschtschwizer
umeploget. Sogar am Obe bim Feschte si mir vone verfolgt worde.
In Grasswil hei mir au müesse ufs alljährliche Duschvergnüege (wäge däm gö mir
jo eigentlich) verzichte. Das Turnier isch no vo andere SpielerInne entdeckt worde
und so hets für üs kei Startplatz me gha. C'est la vie!
Im Moment lauft grad d'Winterhallemeisterschaft. Dr erscht Match in Wange isch
zu üsne Gunschte entschiede worde und mir si mit vollem Optimismus i die zwei
nöchschte Spiel gange. Leider hei mir müesse feststelle das Sieg und Niederlag
sehr nöch zämme choi si. S'erschte Spiel gege Aeflige isch über 3 Sätz knapp
verlore gange und gege Huttu hei mir nes scho grad echli eifach gmacht.
Vergässe mir das alles ganz schnäll und hoffe uf die verbliebende Mätche.
Mir blibt numme no z’danke; nämlich all mine treue Spielerinne, Schiedsrichterinne
und Fans für ihre Isatz durs ganze Johr. Extrem!
Die Leiterin
Fränzi Kallen
AD GARAGE
ndert
garage
R. Landert
Hinterer Rützelenweg
4704 Niederbipp 032 633 29 18
37