Ludwig Kroner - Evangelischer Stadtkirchenverband Köln
Ludwig Kroner - Evangelischer Stadtkirchenverband Köln
Ludwig Kroner - Evangelischer Stadtkirchenverband Köln
Sie wollen auch ein ePaper? Erhöhen Sie die Reichweite Ihrer Titel.
YUMPU macht aus Druck-PDFs automatisch weboptimierte ePaper, die Google liebt.
Jo fiere sulle mer ruhisch. Em aale Testament steht:“Eßt un drinkt un fiert, denn<br />
och dat kütt vum Här“. Dat höt sisch jot an: Esse, Drinke un Fiere. Ävver do es<br />
noch e Wötsche: Dat Wötsche „och“. Denn och wat do noh kütt, kütt vum Här.<br />
Mer kann in Rouh fiere, do hät keiner jet dojäje. Ävver et jitt och andere<br />
Saache. Noh däm Fiere kütt et Faste. Alles bruch sing Zick.<br />
De Dagszich för zum Waache, de Naakszick för ze Schlofe. De<br />
Fastelovendszich för sisch Jux un Freud ze maache. Avver no dä<br />
Fastelovendszick jeht et wigger. Dann müsse alles widder zorückschruwe.<br />
Dat Faste hät och singe Senn. Et jeht nit doröm en Zick lang kei Fleisch zo esse.<br />
Et jeht doröm widder klor zo wede. Wenn mer en Zick lang jet nit jehat hät,<br />
dann weiß mer dat widder zo schätze. Dat kann en Zijarett sin oder e<br />
Stöckelsche Schokolad oder jät, wo mer halt dran hängk.<br />
Hück kütt dozo, wemer uns öm sinn, dat sich öm uns eröm allerhand jeändert<br />
hät. Uns Welt hät ene Knacks jekräge. Et es nit alles esu jot, wie mer<br />
blauäugisch jedaach han. In Nju-Jork han se dausende von Minsche ümgebraat.<br />
Dä Terrorismus hät e janz neu Jeseesch kräje. Wat mer für en krankhafte Idee<br />
vun enem Rejisör halte kunnt, es Wirklischkeit jewoode. De janze<br />
Katastrovefilmerei bruch mer sich nit mie anzluure. De Wirklischkeit es vill<br />
schlemmer jewoode. Minsche verfolje sich jäjensiggisch nur weil se dä Här<br />
anders verihre un jät anderes üvver in jläuve. Un dat nit nur zwesche Chreste<br />
und Muslime, Jüdde un Muslime un Chreste un Jüdde. Nä och zwesche Chreste<br />
und Chreste. Luurt op die jröne Insel, noh Irland, do kammer sich doch<br />
schamme, wann mer sage muss, dat mer dozo jehüürt.<br />
In Somalia verhungere widder de Minsche, us Affjanistan kome jede Daach<br />
neue Schreckensnohrischte. Bei uns wede plötzlisch widder Minsche<br />
drangsaleet, jo sujar ömjebraht, nur weil se anders sinn. Isch selver stund zoletz<br />
nochenz in Worringen vür däm Hus, dat se für e paar Joore avvjebrannt hatte,<br />
nur weil Minsche drin jewohnt han, die nit he jebore sin, die nit esu spresche<br />
wie mir. Un dat usjereschnet in Worringen, dämm Dörp wo 1288 dä Jrundstein<br />
für de Freiheit in Kölle jelat wot. Domols hatten se dä Föschbischoff verdrivve,<br />
un esu Platz jemaat für de ezte Verfassung in Kölle. Un och hück hürt mer<br />
plötzlsch jät vum Hass op Fremde, nur weil se fremb sin. Un jrad in Kölle dürf<br />
et sujät nit jevve. Uns Altfüdere wore Ubier, selbst die kome ansisch nit vun he,<br />
sondere vum Westerwald, jenaujenomme aus däm Neuwiederbecken, dann<br />
kome de Römer, e paar Hundert Johr später de Franke. Mansch Volk es dann he<br />
dursch jetrokke, un immer sin e paar he jeblevve: Schwede, Franzuse, Preusse.<br />
Dä Kölsche es dä jeborene Usländer. Denn am Engk sin mer all ens zojereis.<br />
Och deshalb prädije isch hück op Kölsch. Kölsch es für misch die Sproch, die<br />
mer signaliseet, dat he für Hass kene Plaz es.<br />
Jo mer künne fiere, denn och dat kütt vum Här. Fiere, dat heiß dä Alldaach<br />
verjesse, ens jet anderes maache. Jo wie et em Epheser Breef vun däm Apostel<br />
steht: „Dä ahle Minsch avstrieve un dä neue Minsch antrecke“. Do es zwar net<br />
et Kostümeere met jement, ävver mer künnt et fas dorop betrecke. Köstümeere<br />
2