C1244 Mord on Backstage - Breuninger

Peter: Ich kenn dich gar nicht mehr, du warst so sanft und liebenswert, als
wir heirateten. Und jetzt so kalt und ruchlos.
Melanie: Die Sanftheit und die Liebenswürdigkeit verschwinden rasch,
wenn das Geld entschwinden tut. (umarmt ihn schmeichelnd) Und wie
glücklich und erotisch unser Eheleben doch wieder sein werden tut,
wenn keine drückenden Geldlasten unser leidenschaftliches
Liebesspiel niederdrücken täten!
Peter: (reisst sie enthusiastisch in die Arme) Oh, wenn das so ist, geliebte
Sophie, in meine Arme!!
Melanie: (lässt ihn abrupt los, an Heini) Tschuldigung, das isch doch
hanebüchene Blödsinn. Das isch doch kein Dubel, de merkt doch au,
dass sini geliebti Sophie ihn nume wägem Geld ghürote hett und jetzt
wott sie ihn no dezue missbruche, für sie öpper umzbringe.
Peter: Söll jo ned nume im Theater vorcho, dass Fraue ihri Manne
probiered z manipuliere.
Katrin: So, das wird mir jetzt z dumm, do chöme mer jo nienets ane! (geht
nach links) Heini!
Heini: Das isch kein hanebüchene Blödsinn. Das isch künstlerische
Freiheit, würdisch du das bitte am Autor überloh, was er i sini
unglaublich intelligente Text tuet ine interpretiere?!
Peter: Und ich muess do so en Dubel spiele?
Melanie: (gemeines Lächeln) Lueg Peter, es git Rollene, die sind eifach
directamente zuegschnitte für e Person.
5. Szene: links
Annemarie, Melanie, Peter, Heini, Cindy, Katrin, Danielle, Luca
Katrin: Heini, ich möcht jetzt de Schluss üebe. De händ mer no gar nie
richtig duregno und mich gurkt das efängs aa, immer dohinde z hocke
und warte und denn chumm ich schlussendlich gliich ned dra!
Heini: (resigniert) Also guet, denn halt. (brüllt nach rechts) Alles do ane!!
Au de Simon! Okay, 4. Akt, Schlussszene. D Katrin wott au emol
spiele.
Katrin: Was heisst denn do spiele? Ich han grad emol drü Sätz und de
Reschte legg ich tod am Bode!
- 27 -