C1244 Mord on Backstage - Breuninger

Annemarie: Scho klar, suscht hesch ihn jo nümme under Kontrolle, gäll.
Melanie: (giftig) Wotsch ned dusse eini go rauche?
Annemarie: Gueti Idee! (hinten rechts ab, nimmt Thermoskanne mit)
Simon: Sali Melanie.
Melanie: Was hett jetzt die dumm Bemerkig sölle bedüüte?
Simon: Villecht hett sie nume gmeint, du söttisch din Maa ned so
umenand kommandiere. Das händ d Manne ned so gern.
Melanie: Was min Maa gern hett und was ned, das bestimm immer no ich!
Simon: Wie du meinsch. -- Isch din Hueschte jetzt besser? Hett min Saft
gwürkt?
Melanie: Jo danke, um einiges besser! Es richtigs Wundermitteli wo du mir
gäh hesch!
Simon: Guet… So, ich muess emol luege, wien ich de Schiinwerfer am
beschte iistelle, damit d Schlusszene guet wirkt, au wenn ich ned det
obe stand. (hinten ab)
Danielle: (von vorne, fröhlich und aufgestellt, trägt ein Tablett, mit einem
Geschirrtuch zugedeckt) Höi zäme! Hüt isch mer wieder emol es
Meischterstuck glunge, absolut grandios!
Melanie: Hesch bache? Sehr guet! Dörf i emol? (hebt das Tuch von der
Platte)
Danielle: (schlägt ihr auf die Finger) Finger ab de Röschti! Suscht hetts
nochane wieder nüüt meh für die andere.
Melanie: Aber ich sterbe vor Hunger! Bin gar ned dezue cho, zum ässe,
bin so gstresst. Chan ich ned es Stuck ässe?
Danielle: Nei! Grundsätzlich sind die Mitbringsel als Häppchen dänkt für d
Pause und ned zum gratis Znacht fuettere.
2. Szene: rechts
Melanie, Danielle,Luca,Cindy
(linke Seite, Cindy kommt auf die Bühne, schaut sich neugierig um, fasst die
Gegenstände an. Langt in die Tasche von Lucas Jacke, nimmt goldenes Feuerzeug,
schaut es an und steckt es ein, dann hinten wieder raus)
- 5 -