A0971 Jemmers nei Frau Haueschtei - Breuninger

Trudi: Guet, abgmacht. – So Trudi! Du schtellsch jetz din Maa… eh d
Frau… und do de Flüügetätscher, „ist mein Schild und Hort“, würd de
Pfarrer säge. (es läutet) Trudi nimm di zäme! Auf ich den Kampf!
(öffnet die Tür)
13. Szene:
Trudi, Lisa
Lisa: (kommt unaufgefordert herein) Isch de Pfarrer no ned do?
Trudi: Nei de isch no ned do.
Lisa: Denn halt. Ich sött sofort mit de Frau Haueschtei rede. Sie isch dänk
jetz aasprächbar. Es isch drum dringend… sehr dringend.
Trudi: He, he! Zerscht seit mer grüezi und nochher putzt mer d Schueh ab!
Lisa: Wänd ihr öppe säge, ich seigi dräckig? Also so öppis!
Trudi: Mindeschtens unsuuber… über d Läbere ie...
Lisa: Was söll das heisse? Uf was spiiled ihr do aa, ich bi denn en sehr
integeri Person.
Trudi: Uf was ächt. (schwingt die Fliegenklatsche) Ihr sötted unbedingt öie
IQ schtäile (stylen). No besser wär tiuune (tunen). De esch uf em
niederschte Stand.
Lisa: Ihr sind e Frächi! Ich tue mich beschwäre! Und höred uuf mit dem
Dingsdo eso umefuchtle, das macht mich ganz nervös!
Trudi: Ha, ha! Also mir macht das Fröid. Ihr händ jo immer no d
Möglichkeit z verreise.
Lisa: Nüüt esch, ich bliibe do bis d Frau Haueschtei chunnt. Mit öich red
ich keis Wort meh.
Trudi: Das würd jo heisse, das es äntlich um öiches Muul still und friedlich
wird.
Lisa: Ihr sind ganz e frächi Täsche!
Trudi: He!
Lisa: Ich säge nüüt meh, gar nüüt meh! (es läutet)
Trudi: (öffnet die Tür) Grüessech Herr Pfarrer, was wänd denn ihr scho
wieder do?
- 17 -