A0971 Jemmers nei Frau Haueschtei - Breuninger

14. Szene:
Trudi, Lisa, Pfarrer
Pfarrer: (tritt ein) Der Herr segne dieses Haus. D Frau Dängeli hett mer
gseit, dass d Frau Haueschtei sehr chrank worde isch. Es isch mini
Pflicht, ihre Troscht und Chraft z gäh.
Trudi: Sie isch aber ned z spräche.
Pfarrer: Ich sött sie aber gliich sofort spräche. Würded ihr ihre bitte
uusrichte, dass ich do bi.
Lisa: Isch guet Herr Pfarrer, dass ihr au grad chömed. Ich warte nämlich
au uf d Frau Haueschtei.
Pfarrer: Eh, ihr sind au scho do, Frau Dängeli?
Trudi: (zu sich) Die füered öppis im Schild, warted nume, ihr chömed no
eis uf s Bätzi über. (zum Pfarrer) D Frau Haueschtei empfoht niemer.
Pfarrer: Es liit mir aber sehr am Härze, Frau Holzer.
Lisa: Mir, das heisst ich und de Herr Pfarrer dörfed kei Ziit verlüüre.
Trudi: Genau, ihr händ nume no z verlüüre!
Lisa: Was söll das heisse?
Trudi: Bin ich zwenig düütlich gsi?
Lisa: Was fallt öich ii! Wüssed ihr eigentlich wär do vor öich stoht?!
Pfarrer: Sind so guet Frau Dängeli, das isch ned de richtig Augeblick.
15. Szene:
Rolf, Lisa, Pfarrer, Trudi
Rolf: (kommt vom Schlafzimmer, ein Stethoskop umgehängt) Grüezi mitenand.
Lisa: Jemmers nei, en Dokter!
Pfarrer: Grüessech Herr Dokter, öich schickt de Himmel. Mir sötte
unbedingt sofort zu de Frau Haueschtei! Das isch mini Pflicht als Hirt
vo dere Gmeind.
Trudi: Die isch leider...
- 18 -