Liselotte

SAMMY 2010

AMENE SCHÖNE SUMMERMORGE
ISCH DR BUUR SÄMU MIT SIM
CHLINE GRÜENE TRAKTOR UF
Z‘FÄUD GA GRUPPE. ÄS ISCH Ä
WUNDERSCHÖNE HEISSE TAG GSI
U D‘ARBEIT ISCH GÄBIG
VORWÄRTS GANGE. U SO HET DR
SÄMU, NO BEVOR DASES FIESTER
ISCH WORDE, ZRÜG UF SI HOF
CHÖNNE.

WO ÄR SO GMÜETLECH AM ZRÜG
FAHRE ISCH, GSEHT ÄR
PLÖTZLECH SINI CHUE UFEM
FÄUD AM GRASE. „OU,
D‘LISELOTTE ISCH JA ONO
DUSSE, HÄTTI FASCH VERGÄSSE,
U ÄS ISCH SCHO SPÄT. SOFORT
DR TRAKTOR GA VERRUHME U
D‘CHUE NÄR GA I STAU TUE.“ U
SO ISCH DR BUUR SÄMU SCHNÄU
WITERS GRAHRE.

D‘LISELOTTE ISCH SO FEST
ABEM LUTE TRAKTOR ERCHLÜPFT,
DASS SI Z‘TÖRI BIM ZUUN
UFGSTOSSE HET U WAS GISCH
WAS HESCH DRFOH G‘SECKLET
ISCH. OHNI O NUME EINISCH
HINGERE Z‘LUEGE ISCH SI
DRVO, AUS WÜRDI SI VOMENE
GSPÄNGST VERVOUGT. U ZWAR
GRAD DIRÄKT UFE STAU ZUE.

D‘TÜRE VOM STAU ISCH OFFE
GSI, U SO ISCH D‘LISELOTTE
GRAD INE GANGE. WO DR SÄMU D
CHUE HET WÖUÄ GA I STAU
HOLE, ISCH SI SCHO DA GSI.
„AH GUET, DU BISCH JA SCHO
SÄUBER I STAU GANGE. WART IG
GA NO GRAD Ä SILOTBAUE GA
HOLE, DASS IG DI NO SHNÄU
CHA FUETTERE“.HET DR BUUR
GSEIT U HET D‘LISELOTTE
ALLEINI ZRÜG GLA.

DI ARMI LISELOTTE HET SICH
LANGSAM WIDER VO IREM
SCHRECKE ERHOUT. SI HET
GSEH, DASES NUME DR GRÜEN
CHLI TRAKTOR VOM BUUR ISCH
GSI.U DA HET SICH OSCHO UME
IRE MAGE GMÄUDET, AUSO ZRÜG
UF D‘WISE ZUM SAFTIGE GRAS,
HET SI DÄNKT. WO SI MIT IREM
KOPF A Z‘TÖRI ISCH CHO, HET
SI GMERKT, DASS DR SÄMU
D‘VERRIGELIG GAR NID HET ZUE
TA. AUSO HETSI UFGMACHT U
ISCH SO SCHNÄU SI HET CHÖNNE
ZRÜG UF DI GRÜENI WISE.

WO DR BUUR SÄMU MITEM
FUETTER ISCH ZRÜG CHO, ISCH
KE LISELOTTE ME DA GSI.“OH
NEI, WO ISCH SI DE ITZE SCHO
UME HÄRE? HA DOCH KE ZYT FÜR
VERSTECKIS Z'SPILE. U IRES
FUETTER HETSI ONO NID GHA.
JA NU, DI CHUNT DE SCHO UME
WESE DR HUNGER TRIBT.“ HET
DR SÄMU GSEIT U ISCH I
GEDANKE SCHO AM IFÜÜRE GSI.
DA HET ÄR Z‘TÖRI VOM STAU
GRAD GANZ ZUE TA U
VERRIGLET.

ÄS ISCH NID LANG GANGE, U ÄS
ISCH FISCHTER WORDE.
D‘LISELOTTE HET PLÖTZLECH
GFÜRCHEGI GRÜSCH GHÖRT. VO
ÜBERAU, US JEDERE
HIMMUSRICHTIG HETS GRUSELIG
AFA TÖNE. U WOS HINHERMNE
STEI ONO HET A GFANGE HÜÜLE,
HET SI ANGST ÜBERCHO U HET
TA WINES VERRUCKTS KAUB.
D‘LISELOTTE HET NUME NO ZRÜG
I IRE STAU WÖUÄ. WO SI SICH
GENG SICHER U GEBORGE HET
GFÜEUT. AUSO ISCH SI I EIM
GARACHO RICHTIG STAU LOS
G‘SECKLET.

WO SI TOTAU KAPUT BIM STAU
ISCH A CHO, ISCH Z‘TÖRI ZUE
U VERRIGLET GSI. U AUS WÄRI
DAS NO NID GNUE, HETS ITZE
ONO GRAD AFA RÄGNE. DI ARMI
LISELOTTE, SI ISCH
PLITSCHNASS WORDE U HET AFA
FRIERE, ABER LEIDER HET SI
NID A SCHÄRME CHÖNNE. SI HET
NID GWÜSST, WAS SI SÖU
MACHE, DA HET SI US VOUER
KRAFT AFA MÖGGE „MUHHHHH,
MUHHHH, MUHHH!“

DR SÄMU ISCH ERWACHET U
GHÖRT DAS LUTE GMÖGG. ZERSCH
HET ÄR ABER NID WÖUÄ GA
LUEGE, ÄR ISCH IMMER NO
VERRUCKT GSI U USSERDÄM
HÄTTI ÄR GRAD SO SCHÖN
GSCHLAFE. ABER WO
D‘LISELOTTE NID HET WÖUA
UFHÖRE, ISCH DR BUUR SÄMU
ZUM FÄNSTER GANGE U HET
NACHE GLUEGT. WO ÄR D‘CHUE
SO HET GSEH STAH, NASS U
ÄNGSTLECH, HET ÄR DOCH
BEDURE ÜBERCHO. AUSO ISCHER
ABE GANGE, HET D‘LISELOTTE I
STAU GLA U HETSE PROBIERT
Z‘BERUHIGE. SI HET SOGAR NO
ÖPIS Z‘ FRÄSSE ÜBERCHO U DR
SÄMU HETSE NO CHLI HINGERDE
OHRE KRÄBELET, DAS HET SI JA
SO GÄRN. ÄR ISCH HAUT GLICH
FROH, DASS SINI LISELOTTE
UME DAHEIME I IREM STAU
ISCH.

IDEE, KONZEPT, GESCHICHTE: SAMMY
BILDER: SAMMY, PADDY, PÄPPU
TEXT:
MAMMA
DRUCK:
COMPUTER
ENTSTEHUNGSJAHR: 2010