Scheibenschlagen 2012 - Graf-Gurnau

Nachname Vorname 

Grafer Kapelle 

Scheibenschlagen 

2012 

Liabe Leit, heint mecht mar enk olla schia begrießa, 

wos d'rnoch iatz kimmt, sell kuan verdrießa. 

Noch oltem Brauch tia mar ou Böller schiaßa. 

A Verübl, dös war ins gor it recht, 

a Hetz muaß sei, wega dem tia mar's decht. 

D'Fuirwehr tuat enk in dr Noat olli halfa, 

drum seits it beas und lot'sas galta. 

Die earscht Scheiba, die hella, 

keart dr Grafer Kapella. 

Daß dr hl. Johannes von Nepamuk weiterhin über ins wocht, 

und in dr letschta Stund für olla a Fürsproch mocht. 

Da Böller hobts keart, iatz gia mar's on, 

zearscht keima huira d'Gurnauer dron. 

Bürgermeister & Vize Lutz Thomas Sieß Reinhold 

Löschgruppe Graf-Gurnau 

Mit dera Scheiba, dia mar iatz außa schießa, 

mechta mar in Bürgermeister und sein Vize begrüßa. 

S'letscht Johr hoba mar enk vergeblich bei ins gsucht, 

es wards anderwertig ausbucht. 

Nach an am Gemeinderatsbeschluss tuat dr Poller Gerhard die Fuirwehrhalle 

plana und projektiera, 

aber es isch olli no kalt in dr Halle und miar mießa friera. 

Des Projekt muaß ja was bsunders wera, 

sintsch hatta mar miaßa schua lengscht wos heara. 

Enk zwo und dem Grinner Gemeinderat lossa mar iatz a schiane Raketa aua singa, 

dass des Vorhaba tuat ou bold amol gelinga. 

Scheibenschlagen 2012 

Seite 1 von 35 FF Graf-Gurnau


Thöni Maria 

Dia Scheiba tia mar weit außa treiba, 

s'earscht Sprichli kenn mar des Johr dr Maria schreiba. 

Der Winter dauert der Maria viel z'long, 

ober wega dem weart ihr decht nit bong. 

S'Friahjohr kinnt bold und es isch wieder worm und schia, 

und di Weg numma eisig, ma konn wieder giah. 

Iatz muasch no a bissli beim Ofa hocka bleiba, 

und dir mit Fernseh schaua da Tog vertreiba. 

Di Fuierwehr wünscht dir für die nägscht Zeit, 

dass es viel Gsundheit und Glück für di geit. 

Fam Juen Klaus Anna 

Deas Johr, es isch wirklich wohr, 

d'Anni isch gwora 70-ig Johr. 

An dera Stell mechta mir dr gratuliera, 

und dir dafür an Böller spendiera. 

Ou dr Klaus hat huira einiges zum tian, 

ins kimmt vor, die Schneefresa bleibt numma stian. 

Dia hat sich deas Johr echt rentiert, 

weil die bei soviel Schnee alles niederplaniert. 

Mir winscha enk viel Glick für die nägscht Zeit, 

und iatz die Scheiba ocha fliegt gonz weit. 

Autohaus Maschler 

An nuia Nochbor hot s'Autohaus Maschler kriagt im letzta Johr, 

mit Fliasa und Öfa, do wor da Gschäftsleit glei klor, 

dr Tschiderer Norbert isch inser Monn, 

mit dem schliaß mar ins bei dr Frühjohrsschau zomm. 

Dia Idee isch jo wirkli nit dumm, 

do hobts glei amol s'doppelte Publikum. 

Und weil's drnebat no Traktor und Griller zum besichtiga geit, 

wor des a super Soch für olle Leit. 

Dia Raketa tia mar weit aua treiba, 

tiats nu weiter so gschäftstüchtig bleiba. 





Fam Siegele Waldemar & Ruth 

Jo vor Siegele Ruth und vom Waldemar, 

a Sprichli schreiba isch olli schwar. 

Flugs isch des Johr vorbei, 

und miar hoba sa wieder nit derwischt bei ara Gaunerei. 

Miar wünscha enk, dass s'nägscht Johr viel Guats für enk bringt, 

für enk iatz no an Böller erklingt. 

Fam Juen Josef Paula 

Beim Seppl isch´s gesundheitlich wieder a bissli besser gwoara, 

ma sigt ihn schua wieder mit seim Auto uma fohra. 

Er mecht ou schua wieder selber zu seine Viech oa gia, 

um det wieder sei Arbeit zum tia. 

Nu Seppl tuas lei nit übertreiba, 

dass ins no tuasch a Weil erholta bleiba. 

Iatz hosch ou no a Winda auf dein Metrack aua kouft, 

dass as mit´m Holza a bissli leichter louft. 

Und die Paula isch, so wia mar sie kenna, 

olli beim uma-nonder renna. 

Sie tuat olli fleißig ihr Arbeit mocha, 

miar lossa iatz no an Böller für enk krocha! 

Fam Juen Hubert Erika 


Polizeichef sei isch nit olli a Hetz, 

ober ob und zua geat ou an greaßara Fisch ins Netz. 

Dr Hubert hot voller Stolz berichtet, 

dass er im Ötztol drin hot an organisierta Gaunerring vernichtet. 

Nobelbekleidung pfladera wora si grod dabei, 

und hoba nit grechnet mit dr Schlogkroft vor Imschter Polizei. 

Für die Erika und fürń Hubert sein´s momentan kuani feini Zeita, 

uaner vo ihna muas olli da Bua in die Kaserna ausi begleita. 

Do er jo no kuan Führerschein hot, 

sein enkare Qualitäten als Taxler g´frogt. 

Es miasat´s ihn olli schua auf 5uhr früh ausi fiara, 

er weart enk woll amol eppas schians darfür spendiara. 




Juen Julia 


D`Julia tuat bei dr Musi da Schnaps umma troga, 

und sich dr'nach mit dena bsoffna Musikonta uma ploga. 

Obr nit lei die Musi liegt ihra am Herzen sondern oh die nuita Trend, 

drum isch ihra wichtig, dass jeder ausa geat beim Gschäft mit am nuia Hemd. 

Beim Madlabund isch sie oh voll drbei, 

und drum tunkts die Madla olle fei. 

Sie isch det Obfrau und deswega sehr engagiert, 

und schaut, dass olls tadellos funktioniert. 

Dei Scheiba wear mar iatz no weit außa schiaßa, 

und darmit dei Sprichli beschliaßa. 

Juen Johannes 

Dr Johannes macht da Führerschein schua seit 3 Jahr, 

obr fohra tuat er immer no nit, 

so bleibt er zumindest körperlich fit. 

Irgendwenn weard oh er ihn mocha ma weard soga: 

Baura holt die Hennen rein, der Johannes hat den Führerschein. 

Zurzeit dient er fleißig im Staat, 

obr ab und zua woas er sich vo lauter Langweil kuan Rat. 

Die Zeit beim Bundesheer isch obr glei vorbei, 

und was hat er glernt dabei? 

Des Dosa öffna hat er seitdem super drauf, 

drum steigt iats a Raketa für ihn auf. 

Juen Anna-Lena 

Di Lena des wiss mar gwies, 

isch viel mit ihra Freindinna am Ries. 

Wenn si muaß in d'Schual auf Brugga außa, 

sieht ma sa mit dr Vespa außa brausa. 

Dr Freind geaht bei's Juana ou fleißig aus und in, 

wohna tuat er , gloub mar, in Strenga drin. 

Dia Scheiba wear mar iatz weit außa schiaßa, 

dass di s'Schual giah nit tuat verdriaßa. 




Fam Schmid Helmut Linde 

A schiani Scheiba kimmt iatz – dös isch gonz klor, 

weil 2011 wor für’n Helmut a bsunders Johr. 

Zum Siebziger tian miar olle recht herzlich gratuliera 

und ou a Raketa und an Böller spendiera. 

Huira im Juni weard der 70-ger vor Linde im Kalender stiahn, 

nocha gibt schua wieder a Feier nett und schian. 

Ober d’r Sport steaht trotzdem olli nou vorna dron 

Do stellt d’r Helli olli nou sein Monn. 

Fam Schmid Harald Angelika 


Vom Harald und d’r Angelika kenna m’r enk huira wieder amal von am Unfall 

berichta, 

weil d’r Harald tuat sich manchmal seine Fiaß hin richta. 

Sportlich unterwegs, sall isch ja guat und recht, 

lei beim Schifahra sein die Pistenverhältnisse manchmal halt ou recht schlecht. 

Am Krahberg d’r Harald im Tiefschnee seine Schwingla macht, 

bis es ihm plötzlich uan Fuß nach unten zicht und es recht laut kracht. 

Zum Glück isch der Unfall bei d’r Talstation passiert, 

da isch d’r Harald mit Unterstützung vom Vater und Sohn no salt zum Auto 

marschiert. 

Operiera hasch zum Glück nit missa, 

d’r Huam auf d’r Couch aber glei amal nach d’r Arbeit v‘rdrießa. 

D’Angelika kannt zum Arbeita ja schua fast als Krankenschwester nach Zams 

marschiera, 

weil d’r Harald gibt ihr gnuag Gelegenheiten zum trainiera. 

Dass d’r so a Malhuer so schnell numma passiert, 

a Raketa in Himmel auchi marschiert. 




Schmid Daniel 


Dr Daniel tuat olli fleißig mit´m FC-Pians trainiera, 

und do seine Fitness Einheita absolviera. 

Nu huira hot des numma gonz funktioniert, 

weil du bisch jo im Summer für a holb´s Johr noch Schottland marschiert. 

Du hosch du dei Auslands- Semester gmocht, 

des hosch ou erfolgreich hinter die brocht. 

Du hosch da douba ober nit lei studiert, 

sondern ou des Landli dir amol zu Gemüte gfürt. 

Nu mit´m Bus durch Schottland fohra wor nit so s´dei, 

also a Mietauto sall sett´s schua sei. 

Und do ma des Land nit an uam Tog ab dr'fohrt, 

hosch dar a Übernachtung ou nit dr'sport. 

Jedoch des mit da Übernachtunga da douba isch schua a Soch, 

des Haus wor mia a Baragga mit Doch. 

Bei am Mietauto und ara Übernachtung hot sich bei ins lei die Frog aufdrängt, 

Hot des nit vielleicht die geplantes Budget g´sprengt? 

Hosch zum Schluss miasa a billigs Haus buacha?, 

jo Dani die Scheiba muasch heind im Boch dunta suacha! 

Schmid Thomas 

Ja dr Tommy hat letsch Jahr di Schual fertig gmacht 

Und die Matura ohne Probleme gschafft 

Aus dr Maturareise isch aber nix gwora 

Weil dr Lehrer hat die Matura verschoba 

Am End war di Matura decht am Original Termin 

Di Reis war aber schon storniert und damit dahin 

Im Herbst hat er zum Paras miasa 

Und hat det kenna die Fahrschual fürn LKW geniasa 

S absristen isch iatz nimma weit 

Dr Tommy sich darauf schua lang gfreit 

Snua Joahr set dir viel Glick bringa 

Und die Scheiba weit ochi singa. 




Fam Grießer Hubert Rosmarie 


Glück im Spiel hat si ja dia Frau, 

steaht Rosi decht bei dr Landecker Leistungsgemeinschaft auf dr Siegerlista 

drau. 

Auf deas huirige Schiffsunglück aua, 

weard si dr. Hubert holt numma traua. 

Drum nimmt die Rosi die Helene mit 

zwoa Weiberleit auf'm Traumschiff, deas weart dr Hit. 

Packt's enk für all Fäll die Schwimmflügl in, 

d' Fuirwehr gratuliert jedenfallszu dem Gewinn. 

Grießer Elisabeth 

Die Elisabeth isch Vegetarierin schua seit a poor Johr, 

do isst ma kua Fleisch des isch ins ollna klor. 

Dadrum stellt sich bei ins jetzt nur die Frog, 

Was mochsch du im Fleischhof Oberland an a poor Tog??? 

Orbeita tuasch da nit so wia mar wissa, 

issa´sch decht a Fleisch, zumindest an Bissa? 

Von ihra, des konn ma so soga, 

konn ma aber sinsch ou wirklich alles hoba. 

Nit gnuag dass sie ihren Cousin öfter nach Imst oa kutschiert, 

hot sie ihm sogar no a Frühstück spendiert. 

Auf dass des Johr wieder guat tuasch umabiaga, 

lass mar die Scheiba no weit oa fliaga. 

Grießer Eva Maria 

Über die Eva kenn mar nit viel schreiba, 

Wenn sie sich tuat olli im Deitscha dausa uma treiba. 

Du tuasch mit deim Freind in Düsseldorf dausa, 

in ara super Wohnung hausa. 

Nur, so hom mar keart, 

hoba sich ou deina Tanten über deine mangelnde Anwesenheit beschwert. 

So hoba sie kurzer Hond an Ausflug organisiert, 

und s´Flugzeug hot sie nocha zu diar ausi transportiert. 

Jo Eva du kannt´sch die ruig öfter zu ins hea draua, 

miar dia no die Scheiba weit oa haua. 




Fam Scheiber Helmut Martha 

Bei dem Olltog mit ihra 5 Manderleit, 

braucht di Martha ihr Ruah vo Zeit zu Zeit. 

Wenn d'Sunna scheint relaxt si im Liegestuahl im Gorta, 

weil di Orbeit im Haus, dia konn ou amol worta. 

Yoga isch schua länger ihr Leindenschoft, 

do holt si sich Entsponnung und nuie Kroft. 

Für dia Übunga nimmt si sich jeden Tog Zeit, 

des wirkt super gega Versponnunga und für mia Beweglichkeit. 

A Raketa schiaß mar no obadrau, 

dr Helli hot sicher a Freid mit so ara entsponnta Frau. 

Scheiber Robert 


Beim Robi gibt`s jeds Jahr an Haufa zum schreiba, 

drum miaß mar mit dr Anzahl vo die Zeila am Boda bleiba! 

Dr Robi hat sei Auto in dr Einfahrt grad amal a-derstellt, 

da isch ihm sei Schwägerin ou schua eia-gschnellt, 

iatz hat er gmerkt deas parka da isch wohl betroga, 

da hat der Mathias ihm glei an Parkplatz freigschoba! 

Iatz braucht er um sei Auto kua Angst mia hoba, 

er hat halt mit di Einkäufe weiter zum troga! 

Im Urlaub intressiert den Robi mia di Bar`s und wianiger di Landschaft, 

am beschta geat deas mit ara netta Urlaubsbekanntschaft! 

Wia er - sie - hoaßt will er ins uanfach nit soga, 

drum tian mar ihn ou nit weiter damit ploga! 

An nuia Arbeitgeber hat`s beim Robert huira ou wieder geba, 

miar glouba da weara mar nou a par mia derleba !? 

Miar hoffa dir geats guat da wo du iatz bisch, 

und schicka a Scheiba bis ocha zum Bach und da Fisch! 

Scheiber Peter 

Dr Peter isch fleißig beim Arbeita im Westen, 

dert gibt er sein Können immer zum Besten. 

Als Lokführer isch er sehr engagiert, 

tonnaschwara Züg er sicher noch Vorarlberg manövriert. 

Arbeita muas er oft Tag und Nacht, 

des hat ihn schua manchmol um n' Verstand bold bracht. 

Zur Abwechslung tuat er sich in Gurnau mit seine Freund amüsiera 

miar tia ihm drfür a bsunders schiana Scheiba spendiara. 




Scheiber Markus 

Im Markus tian ma zum Abschluss dr Lehr gratuliera 

Und lassa die Scheiba weit ausi marschiera. 

Im Jänner hat er dann zum Paras miasa 

Er isch in Bludesch und tut det aber net verdriessa 

S einrucken hat er aber fascht nit gschafft 

Dr Schnea hat ihm beinah an Strich durch die Rechnung gmacht 

Auf dass di deas Joar glicklich macht 

No an Böller laut zerkracht. 

Fam Rainalter Eckehardt Hella 


Wenns im Winter schneibt, viel und schian 

dös isch dem Ekki gleich, er hot jo in d’r Garasch a Schneafräsa stiahn. 

Aber wenn deas Geräte nit onspringa will, 

tuat d’r Ekki da Benzin schmiera mit a bissli Öl. 

S’ voarwärtsfohra geaht mit der Fräsa guat, sall isch kua Frog, 

nu nocha s’zruckziacha, sall isch a heida Plog. 

Noch fünf Johr hot er endli da Rückwärtsgong gfunda, 

iatz draht er natürlich viel leichter mit der Fräsa dia Runda. 

Zur dera Raketa lossa miar ou nou an Böller vom Tisch 

und soga, an Vietaktmotor braucht Benzin und kuan Gemisch! 

Fam Huber Robert Gabi 

Wenns ba ins kolt weard und es kimmt d’r Wind, 

nocha rauscht d’r Hansrobert ob und dös gonz gschwind. 

Im Burgenlond hoba si a netts Haus, 

do holtat man’s schua o amol a poor Monat aus. 

Und wenns mitm Wetter nocha gor numma geaht, 

Teneriffa am Reiseplan vom Robert und der Gabi steaht. 

Und im Feber tuat er sein Bäckerskunst in Kenia demonstriera 

und dort Semmel, Wegga und und viel onders kreierea. 

Dös bringt Abwechslung ins Rentnerleba, 

drum tian miar dia Scheiba aus d’r Gluat aussiheba. 




Huber Susanne und Peter 

Uans tuat insch schua a bissli load, sall miassa mir soga, 

iatz kenne miar numma d’Susanne um Semmel froga. 

Berurlich hot si d’Susi für eppas onders interessiert 

und ou so nebabei z’Grins an Bauplotz ausspioniert. 

Dett werde si sich eppa mit’m Peter a eigenes Neschlti richta 

weiteres darüber kenna miar eppa s’negscht Johr berichta. 

Inser Fuirwehr weard schua a bissli verdriessa, 

drum tian mar nou an Böll’r schiassa. 

Fam Schütz Egon Sissi 


Beim Egon und dr Sissi hat`s Huira a nuis Auto geba, 

mir hatta nia globt dass miar deas nou derleba! 

D' Mercedes hat er iatz gegan VW austauscht, 

auf deas er iatz mit`m Salla im Riedla umma rauscht! 

Dia Scheefräsa hat sich im huiriga Winter ou endlich rentiert, 

ma hat`s gsecha wia er damit isch umma radiert! 

Ma hat ihn gsecha fleissig mit dem Gerät ummafahra, 

die Zeit muass ma sich nehma und ja it beim Kinza einspara! 

Miar hoffa du lasch es iatz wianigschtens bei dr Arbeit a bissla ruhiger angia, 

nacha isch deas Opa sein glei nomal so schian! 

A Scheiba tian miar iatz ou nou spendiera, 

und dia hoffentlich ganz weit ocha katapultiera! 

Schrott Werner Gudrun 

Die Homepage vor Fuirwehr isch schuan guat, 

so sieht d’r Bruder vor Sissy olli, wos sich z’Gurnau tuat. 

A Scheibe lossa miar für die zwao ou huira wieder singa, 

weil dös olli a poor Euro in d’Kassa bringa. 

Danke soga miar dr’rzu olleweil, 

drum saust nou a Raketa – in Nochthimmel gonz steil 




Schütz Florian 


Dar Florian isch olli viel unterwegs und beim Reisa, 

iatz kann er ou auf an Flug nach Hamburg verweisa. 

Am Kiez hat er an falscha Eingang gnoma, 

Glei weart ma beschimpft mit ganz schiache Noma. 

Ou in dar Fortbildung isch dar Flo fleißig gweasa, 

er kann iatz nämlich ou guat Bilanza leasa. 

Finanzbuchhalter kann er sich iatz nenna, 

bei finanziella Probleme kann ma glei zu ihm renna. 

Bei deine nuia Aufgoba winscha mar dar viel Glück und a guate Hond, 

dia Scheiba fliagt außa deas isch kua Schond. 

Fam Larcher Peter Margret 

D’Margret und d’r Peter weara iatz d’ Welt erkunda, 

weil sie hoba im Internet a Wohnmobil gfunda. 

Iatz sein si flexibel und es isch iatz schua a tolli Soch, 

wenn du bei jedem Wetter bisch unter Doch. 

Nocha kennt’s iatz fohra von Italien bis in d’Schweiz 

So a Vehikel hot schuan decht an b’sundara Reiz. 

Vo überoll kennt’s noch d’r Fuirwehr a Kartli schreiba, 

drum tian mar dazu no a Raketa onreiba. 

Larcher Mathias u. Simone 

D’r Mathias tuat beruflich ganz Europa bereisa, 

da kann’r sicher an Haufa Erfahrungen im Umgang mit Bus und Auto vorweisa. 

Im Summer und auf apere Straßa isch deas sicher ganz komott mit dena Waga, 

da muss ma sich nit mit Schneeketta umchaploga. 

Wenn d’r Mathias im Winter aber bei d‘r Carmen auf an Ratscher vorbei schaut, 

sei Auto auf d’r Schneefahrbahn fast abhaut. 

Iatz muss ma Schneeketta montiera, 

sinsch tuat deas Auto über die Straße ocha marschiera. 

Den Umgang mit die Ketta muss ma aber ersch fleißig studiera, 

da isch d’r Mathias froh dass’m Carmen glei die Ketta auf die Radla tuat platziera. 

Dass d’r dia Ketta s’negscht mal kannsch selber montiera, 

tian m‘r no an Böller im Fuier platziera. 




Vogt Irene 

Die Irene isch wie eh und je, 

sehr sportlich am Weg des isch kuan Schmäh. 

Ma sigt sie sogar bei Wind und Wetter, 

mit ihrem Fahrrad umatretta. 

Im Winter konn des mit´m Fahrrad nit funktioniera, 

drum sigt ma sie olli mit da Ski zum Bus marschiera. 

Iatz dia mar dia Scheiba no weit ausi treiba, 

dass weiter hin tuasch so sportlich bleiba. 

Vogt Herta 


Die Herta wollt huira im Winter deas Scheerauma vermeida, 

und hat angfonga sich im Appara umma zum treiba! 

Schnee graumt hat sie nit mit der Schaufel sondern mit am Besa, 

sobald`s mia war isch sie ou schua auf`m Sprung gwesa!! 

Um ou nou a bissla die Heizkosta zum derspara, 

isch sie sofort nach Kärnten gfohra! 

Es isch ja schua a morz Einfahrt zum rauma, 

miar hoffa du hasch da kuan Stress dabei und tuasch nix versauma! 

Aber iatz tia mar di nit länger mit dem ploga, 

und dir a Scheiba ganz weit ausischloga! 

Fam Schultes Hubert Brigitte 

Miar hoffa es gibt nix zum kloga und es geat enk guat, 

vu dr Schuachsohla aua bis zum Huat! 

Schifoahra tat Gitte no gera und sie kanns ja guat 

nur beim Hubert in Kappl - Schi, Bindung und Schuch numma zompassa tuat. 

So hat er an Ausred der gute Monn und braucht numma gia 

weil es tunkt ihn dahuam ja so schia. 

Iatz tia mir dia Scheiba ganz weit aussi jaga! 

dass miar ou wieder fürs s`nägschte Jahr eppas derfroga! 

Fam Marth Edmund Helene 

Den Herbst hot d’Helene ruhiger ang’fonga 

Und isch ou glei in d’Renta gonga. 

Dear wohlverdiente Ruhestond 

isch für d’Helene schuan ollerhond. 

Sie muaß iatz numma noch Zoms marschiera 

Iatz konn d’r Edi und d’Helene am gleich Weg marschiera. 

Loß di dös ober nit verdriaße, 

weil miar tian darzua nou an Böller schiaßa. 




Fam Landerer Franz Elfriede 

Ja, aso a Hecke ums Haus deas isch richtig schian, 

und so hat ma ou alli eppas zum tian. 

Letschten Summer hat dar Franz die Hecke richtig gstutzt, 

deas hot halt fürn Winter nit gar soviel gnutzt. 

Viel z’schwar war dear Schnea für die gstutzta Pflonza, 

sou hat miaßa dar Franz mit der Schaufel uma tonza. 

S’negscht mal tuasch as beim pflega nit überteiba, 

und vielleicht lei die Spitzla vu deam Grinazuig weck schneida. 

Würthenberger Claudia u. Armin 

D’Claudia und dar Armin sein viel umanand, 

ma siecht sie bei viele Socha Hand in Hand. 

Schi- und Fohrradli fohra und wondra giahn, 

selche Freiluftaktivitäten dia sein holt schian. 

Ua Frog plogt ins schua seit longar Zeit, 

sein bei enkarm Hausgang die Fenster douba z‘weit? 

Miar glouba dass as die Claudia gor nit darlongt, 

drum geaht ou dar Armin olli geara zur Hond. 

Öttl Wolfgang Christina 

Dr Wolfgang orbeitet in Zoms im Spitol, 

er bastelt bei der Buchholtung umma, dass ou passt jede Zohl. 

In dr Feizeit kümmert er si um sei nuis Haus, 

dass rundum olls schaut pico bello aus. 

Fleißig geat er und die Christa mit dr Anna spaziara 

bei Wind und Wetter, des tuat si nit irritiara. 

Miar wünscha enk iatz nou s'beschte und hoffa, es geat enk guat, 

auf des dia Scheiba fliagt mit ara schiana roata Gluat. 

Fam Pfeifer Karl Brigitte 

So liabe Leit, es gibt a riesen Nuigkeit! 

Dar Karl hat sich denkt er macht Nägel mit Köpf, 

und schnappt im Ronacher in dar Fließerau die Tankstell weck. 

Iatz kann ma da billig Treibstoff koufa, 

und muas numma zu andere Anbieter loufa. 

Miar winscha bei deiner nuia Aufgab viel Glück, 

und schiaßa dar iatz an Böller ganz dick. 





Pekar Manfred und Sabine 


Die Sabine und in Manfred kann ma schua vu Weitem erkenna, 

sie tian recht oft mit ara Warnwesta umarenna. 

Auf am Motoradli deas ou wirklich wichtig isch, 

damit du für andere Verkehrsteilnehemer ou wirklich guat sichtbar bisch. 

Was mar nit wissa isch ob dar Manfed ou beim Skitoura giahn, 

mit dar Warnwesta tuat am Gratli douba stiahn! 

Deas miasa mar nou genau nachfroga, 

und drweil tian mar a Scheiba in d’Mulda ocha troga. 

Sailer Gerhard & Brigitte 

Dar Gerhard und die Brigitte hoba sich denkt a sou an Urlaub isch recht schian, 

ma muaß aber nit unbedingt in weit entfernte Länder giahn. 

A so an Wohnwoga und an fixa Stellplotz war ou recht fein, 

wou mecht man denn ganz in dar Nähe geara sein? 

Dar Gardasea biatat sich da richtig an, 

a richtig feins Klima und er isch nochnat an Österreich dran. 

Damit enk deas Camping richtig guat gfollt, 

iatz nou a Scheiba außa knollt. 

Carpentari Jürgen und Sonja 

Um-, Zu- und Neubau, bei enk gibt’s olli eppas zum tian, 

deas Haus bleibt kua Jahr unverändert stiahn. 

Letscht’s Jahr habt’s enkre Terrasse saniert, 

die Wänd verputzt und an neua Boda platziert. 

Damit ma kann die Wand ou schian verputza, 

muss ma als Hilf a G’rüst dazu nutza. 

Lei Jürgen beim Aufstella vo dem G’rüst tuasch neagscht‘s mal mehr Zeit 

investiera, 

nit dass deas Teil wieder anfangt von d’r Wand weg marschiera. 

Zum Glück hat dann alles no guat funktioniert, 

die neue Terrasse weart huira sicher amol bei am Griller präsentiert- 




Fam Carpentari Reinhard Michaela 


Alles Guate Michaela, glei am Anfong vu deam Spruch schiaßa mar an Böller an, 

huira worsch du nämlich zum 40er dran. 

Und uans miaßa mar neidvoll zugeaba, 

die meischta vu deana 40 Johr sein dar nit zum anseacha. 

Fürs nuie Einsatzzentrum vu dar Wasserrettung hat dar Reinhard viel Arbeit 

investiert, 

miar hoffa es isch schian gwoara und die Schufterei hot sich ou wirklich rentiert. 

Ou enk zwoa im Jahr 2012 viel Erfolg und viel Glück, 

an Böller sell klinga und schnella gonz dick. 

Fam Carpentari Reinhard Marlies 

Dar Reinhard und die Marlies hoba sich denkt „deas war decht zum locha“, 

miar weara ins iatz a nuis Bad icha mocha. 

Aber sou uanfach ischas holt decht nit gloufa, 

eas isch bald gwoara a kluane Katastropha. 

2 Mal haba sie miaßa die Wonna tauscha, deas isch decht a Gfrett, 

und deas lei weil d’Wonna die richtig Greaß nit hat gket. 

Iatz sells letscht endlich aber passa, 

und eas kennats endlich s’Wosser in enkar nuis Bad icha lossa. 

Carpentari Julia 

Die Julia hot die Wohnung für sich gonz alua, 

auser ihr Freind, der keart do ou dr'zua. 

Eis hobatsás da douba sicher gonz fei, 

aber im Winter do aua fohra isch oft a Rutscherei. 

Gega die Rutscherei hilft nit viel, 

jedoch mit Ketta hot ma leichtes Spiel. 

Iatz miast ma dia Ketta lein o auf die Radla dar montiera, 

und darnoch sett ma sie jo ou nit verliara?! 

Nach einiger Zeit und vereinter Kroft, 

hot´s dein Freind mit am Nochbar g´schoft. 

Miar hoffa es tiat´s olli guat auf und ob manephriara, 

darfür tia mar enk no a Raketa spendiara! 




Carpentari Carina 

Von der Carina heart und sigt ma numma so viel, 

nu wenn sie hot ihr oltes dahuam als Ausflugsziel. 

Im Dez beim viela Schnee bisch amol z´fuaß huam aua grennt, 

Die holba Leid hoba die jo gor numma kennt. 

Des Ausflugs Ziel kanntasch ruig öfter wähla, 

sinsch hom mar iatz nocha gor nuit mia zum dr zähla. 

Miar weara die Scheiba iatz no weit oa haua, 

Du kannt´sch ruig wieder öfter vor bei schaua. 

Wilhelm Karin & Ingeborg 


Als negschts stiahn d’Ingeborg und die Karin auf dar Lischta drau, 

da fohrt decht alli a bestimmts Auto in Bichl durchau. 

D’Karin hat sich anglocht an netta Mann, 

ob dear woll ou Schneakettna montiera konn? 

Dar Ingeborg mechta mar nou herzlich „Alles Guate“ soga, 

zum 80er winscha mar Gsundheit und möglichst kuane Kloga. 

A guats Johr 2012 winscha mar auf jeden Fall, 

drum krocht iatz an Böller mit am lauta Knall. 

Pfisterer Dieter Christine 

Als erschters tian miar der Christine zum runda Geburtstag (60er) gratuliera, 

und lassa a wunderschiane Raketa ganz weit aui marschiera! 

Miar hoffa eas habat`s fescht gfeiert und ou fleißig trunka, 

und seits nacha nit beim Aufrauma z`fescht in dr Arbeit versunka! 

A schians Jahr winscha miar enk,und ou a feine Zeit, 

auf deas dass alles guat isch,und ou so bleibt! 

Dia Scheiba was iatz kimmt sell enk viel Freid bringa, 

und ganz,ganz weit aussi singa! 




Pfisterer Peter 


Dr Peter hot sich ou 2011 on sein olta Arbeitgeber bunda, 

und somit endgültig im Spezialtiefbau sei Begabung gfunda. 

Nu bei ins do isch dr letzt Johr fost longweilig gwoara, 

drum mechtasch 2012 wieder in Norwegen douba deine Lecher boara. 

Jo da douba, so hom mar keart, 

isch die gleiche Arbeit ou viel mia weart. 

Aber momentan tuasch olli mia, 

mit deina Kollega auf Dawin aui gia. 

Mit da Toura-ski tuasch olli dein Rucksack aui troga, 

und darnach sigt ma die da Bichl oa joga. 

Und dass 2012 ou alles rund louft, 

hoba mar extra für die no an Büller kouft! 

Fam Haag Sabine u. Peter 

Di Sabine und dr Peter tia fleißig als Taxifohrer fungiara, 

und ihre Buaba vo uam Fuaßbollplotz zum nägschta fiahra. 

Beim Fuaßboll learna di Buaba verliara und gwinna, 

des isch wichtig, ou wenn noch'm, Spiel a poor Zacher rinna. 

Di Sabine hot an nuia Orbeitsplotz in Londegg daußa, 

beim Frauaarzt schiabt si di E'Kartla ins Kastli icha und außa. 

Enker Scheiba sells iatz weit außa troga, 

mir wünscha enk a schiane Zeit und nix zum kloga. 

Fam Schütz Erwin Christine 

Die letschta Jahr habt’s es am Haus außen olli fest umchabaut, 

deas steht isch ganz schin da mit d‘r nuia Außenhaut. 

Huira habt‘s dann innen a neue Kuchl installiert, 

da fühlt ma sich iatz sicher wie an 5-Sterne Wirt. 

Christine, d'Fuierwehr tuat d‘r nachträglich zu deim 50-er gratuliera, 

und dia schiane Raketa dazu spendiera. 

An Böller lassa m’r ou no singa, 

damit enkre weitera Bauvorhaben ou so guat gelinga. 




Schütz Manuel & Petrovic Regina 


Dr Manu und di Gini tian nit lei fleissig kocha und Kuacha mocha, 

die lassa`s iatz ou hinterm Haus ganz anschtändig krocha! 

Viele Stauda haba sie eingsetzt mit an Haufa verschiedene Beer, 

deas macht natürlich glei eppas her! 

An Wein sells nocha ou nou geba, 

sein mar gspannt was mar da nou alles derleba! 

Miar hoffa aber schua du bleibsch bei die Schandi und mach deas nu nebabei, 

sinsch hat mar in Gurnau nit nu an Friseure sondern ou nou a Gärtnerei! 

Dia Idee tuat aber schua anschtändig verlocka, 

vielleicht keama miar z`Nacht amal zum procka! 

An Weinberg hammar bis iatz ou nou kuan ket, 

miar hoffa du machsch deas ou so wia`s sei set! 

Da brauch mar ins bei dir ganz sicher kuane Soarga macha, 

und miar lassa enk auf guats Gelinga a Scheiba ausikracha! 

Fam Walter Markus Sybille 

Liabe Sybille und liaber Markus, a so an eigener Loda isch nit lei an Sega, 

die viele Arbeit rund herum muaß ma halt ou mega. 

Und huira hat senk mitm Schnea hort troffa, 

dar Markus isch eigentlich olli mit dar Schneafreasa umagloufa. 

Viellleicht hobats enk ou deswega denkt a nuis Auto muas ma koufa, 

dass ma ou beim ergschta Schnea nit muaß z’Fuaß zum Haus aucha loufa. 

An schianer Geländewoga steaht iatz vorm Haus, 

mit deam geaht enk dar Grip garantiert nit aus. 

A Scheiba houla mar iatz no aus dar Gluat, 

damit enk dar Schnea im negschta Johr verschona tuat. 

Walter Berta 

Die Berta lat sich`s huira im Vorarlberg guat gia, 

deas kann ma ou guat verstia! 

Sei tuats ja so a Art Therapie, 

aber nit in Tirol sondern im Gsi! 

Miar hoffa du kimmsch ganz entspannt wieder, 

und miar lassa dir dia Scheiba ausi ganz hoach und nit zu nieder! 

Iatz lasch dir deas Kaskiachla ou nou guat schmecka, 

und tuasch ins bei dem Böller für die - nit gar aso derschrecka!! 




Vollath Hubert 


Dr Hubert isch huira ou wieder bei ins auf Bsuach gwesa, 

sein tuat`s schua an heilloser Fahrbesa! 

Deas Rosamaja (rasenmähen) dahuam hat ihn uanfach zu fescht gschlaucht, 

drum hat er iatz stantipee an Traktor braucht! 

Sein tuat deas Fahrzeug vu voarna bis hinta grasgrian, 

zum fahra a bissi schwierig aber dafür wunderschian! 

Bei der Proberunde durch Gurnau isch es nocha passiert, 

der Traktor isch ohne Lenkradl weitermaschiert! 

Ket hat dr Hubert ganz uanfach viel z viel Kraft, 

miar froga ins lei wia er deas in seim Alter nou schafft!? 

Miar hoffa doaba in Hamburg hasch mit dem Gefährt viel Gaudi, 

und fahrsch nit alli lei wia an Raudi! 

Miar hoffa du tuasch iatz ou nix mia an dem Fahrzeug hinmocha, 

und lassa dir für die no an Böller krocha! 

Senn Michaela 

Di Michaela hat die Handelschual guat fertig gmacht 

und iats wora die Zukunftspläne angebracht. 

Entschieden hat sie sich, - z´weara a Krankenschwester 

und gia tuat des iats 6 Semester. 

Di Orbeit geaht dir do sicher nia aus, 

weil Patienta liega gnuag dunta, im Kronkahaus. 

Vo Gurnau noch Zoms war's jo nit weit, 

nu blöd, dass es kua gscheide Busverbindung geit. 

Drum hot sie ou a gebrauchtes Auto gkouft 

und der Freind schaut dass des olli guat louft. 

Senn Verena 

D'Verena isch auf dr Uni fescht ongagiert, 

und hot neba Französisch und Sport ou für Psychologie inskribiert. 

A Praktikum hat sie im Gym in Imst und in der Hak in Landeck gmeistert, 

mir hoffa die Schüler wara ou begeistert. 

Als Sportlehrerin muaß ma ou Nuis probiera 

denn alls kam ma auf dr Uni nit studiera. 

Im Urlaub in Frankreich hosch dr a Brettli gschnapt 

beim Wellasurfa hosch gübt bis es hat klappt. 

In dem Sinn lossa mar nou a Scheiba fliega, 

loss die vo da Schüler lei it unterkriega. 




Senn Anna 


D'Anna tuat fleißig am Sunnti in'd Kircha spaziera, 

und losst sie lei bei schlechtem Wetter von dr' Brigitta auf Pians ichafiera. 

Werner tua dr Anna no 2 Stecka koufa 

nocha kannt sie ou als Nordic-Walkerin umchaloufa. 

Anna tua weiter auf dei Gesundheit schaua, 

d'Fuirwehr mecht dr no viele Johr a Scheiba ocha haua. 

Fam Senn Werner Brigitte 

Di Brigitte verbringt viel Zeit, 

mit unterrichta in der HAK und HWL die junga Leit. 

Die Frau Professor für Deutsch und Religion 

schaut drauf, dass jeder bis zur Matura eppas konn. 

Die deutsche Grammatik isch nit olli leicht, 

aber Brigitte bemüht si, dass jeder Schialer sei Ziel erreicht. 

Dr Summerurlaub war s'letscht Jahr a Hit, 

oh die Madla zommt da Freind, olla wora mit. 

Zum fohra mit'm Auto war's a bissli weit, 

dafür war der Urlaub in Frankreich an der Atlantikküste a tolle Zeit. 

Senn Evi 

Nit leicht isch bei d’r Evi a Sprichli zum schreiba, 

was wissa miar schua vo deim Leba und Treiba? 

Mir wünschta ins viel mehr Information, 

a guats Sprichli im negschta Johr war nocha dar Lohn. 

Dass d’r weiterhin alles guat gelingt, 

dia Scheiba b’sonders weit außi singt. 

Fam Senn Arnold Ursula 

Die Tonnabäum vor’m Haus , wia jeder woaß, 

sein zwor schian, ober decht schua z’groaß. 

So denkt d’r Arnold, dass i konn besser d’Sunna nutza 

muaß ia deana Bäum die Gipfl stutza. 

Er schneidet ob dia Gipfel und schaut nocha drau 

Und denkt si, dia Onsicht gfollt sicher nit meiner Frau. 

So lot er sich noch nit long bitta, 

und hot si nocha gonz unta obg’schnitta. 




Pfeifer Anna Vogel Benjamin 


Die Anna und dar Benjamin hoba mar zum erschta mal auf insarar Lischta drauf, 

drum steigt iatz a Raketa in da Neadar drüba auf. 

Miar hoffa eas hobats as guat in enkarm nuia Heim, 

da weart's enk tunka sicher recht fein. 

Vu dar Anna woas ma, dass sie alli tuat ihra Sportsocha ins Vitadom ausa troga, 

det wert sich decht nit unsportliche Leit aufm Loufbantli ploga? 

A herzlichs Griaß enk Gott no amol vu ins, 

dia Scheiba set fliaga aucha bis auf Grins. 

Fam Plattner Wolfgang Angelika 

S' Finanzamt in Landeck tia sie umbaua, 

da hat dr Wolfgang alli eppas zum schaua. 

Die Akta tuat dr umstapla und im Gong umanodar fiehra, 

do wearsch eppa des ua oder onder Stückli verliera. 

D' Angelika mechta mar iazt aber ou no erwähne, und zum 50-er gratuliera 

und die Raketa lossa mar speziell für die weit aucha marschiera. 

Plattner Christian 

Huira isch´s ou beim Christian passiert, 

Papa Staat hot ihm a grians G´wantli spendiart. 

Neiba dem gonza Exerziera, 

sigt ma ihn mit´m Atemschutz uma spaziera. 

Beim ABC-Awehrzug macht ma einiges mit, 

da bleibsch ou übern Winter sicher fit. 

Du hosch iatz ou no so neibabei, 

Beim FC- Pians ongfonga mit dar Fussballerei. 

Ma sigt die olli die Tore ini und ausi lupfa, 

und dann als Gooli vo uam Egg ins andere hupfa. 

Zum schluss well mar dar no zu deiner bestandenen Matura gratuliera, 

und dia dar no a Rakeita spendiara. 




Plattner Kathrin 

D'Kathrin isch noch dr Schual glei zur Fohrschul gonga, 

dies isch iatz schua long her, da weara 5 Johr nit longa. 

Dr Job scheint dennoch für sie passa, 

es gibt kuan Grund warum sie setzts lossa. 

Aber dass a Hobby nebebei ou gonz nett isch hot sie kapiert, 

und hot iatz mit'm Klavierspiela probiert. 

Seit Herbst isch sie jede zwote Wocha zur Stund 

und übt sich dahuam die Finger wund. 

Dass weitrhin so engagiert tuasch bleiba 

tia mar dir iatz no a Scheiba ochatreiba. 

Traxl Richard 

Die Scheiba isch aus dr Gluat 

mir hoffa es geht im Richard in Grins douba gut. 

Da weard ar so manches Kartaspiel studiera 

damit er nit gega die Weiberleit im Altersheim muaß verliera. 

Mir wünscha dar für huira s'allerbescht 

und denka an die, bei inserm Fescht 

Kobler Maria 

Die negscht Scheiba isch aussi aus d’r Gluat, 

mir hoffa es geaht d‘r Maria olli guat. 

G‘sundheit winscha mir auf alle Fäll, 

und lossa ou nou a Raketa vor Stell. 

Für’s negschte Jahr ou no s’bescht, 

kimm ins wieder a mal b‘suacha auf am Fuierwehrfescht. 

Fam Kobler Gerald & Gabriele 

Dia Raketa tian m’r weit ausischießa, 

und damit an nuia 50er bei ins begriaßa. 

D’r Gerald hat letscht’s Jahr deas Ereignis g’feiert, 

miar globa du hasch da a morts Feier angleiert. 

Iatz muasch ou numma so wild umma oschta, 

du bisch jo iatz fufzig, tua liaber öfters roschta. 

An Böller lassa m’r no kracha, 

dass die negschta 50 Jahr hasch ou wieder so viel zum locha. 





Perktold Michael 

In d’r Landegger Fuierwehr tuasch dein Mann ganz fleißig stiahn, 

da hasch es sicher olli ganz schian. 

Wenn mir vielleicht amol a Hilf von dir braucha, 

kimmsch an Sprung in d’Fuierwehrhalle aucha. 

Dass bei deine Einsätz nix passiert, 

iatz no an Böller explodiert. 

Schlatter Harald & Melli 


Im Harry sei Leidenschaft isch schua weithin bekannt, 

als Landrover Spezialist reist er durch’s halbe Land. 

Bei am Kolleg in See tuat’r so a Vehikel ganz zerlega, 

mir hoffa du muasch nach‘m zammbaua nit die übrig-bliebana Schrauba abwega. 

Enkre zwoa Madl, die Hanna und Lena, halta enk ja ou gehörig auf Trab, 

da weart enk s’ganze Jahr nie fad. 

An Schuss lassa m’r iatz no ganz laut krocha, 

dass es weiterhin habt’s gemeinsam an Haufa zum locha. 

Fam Schlatter Engelbert Stefanie 

Der Hockschnitzelcontainer vom Engel steaht neba d’r Stroaß, 

und isch ou zugsperrt, wie jeder woaß. 

Und dass jou nuit passiert, 

hotd’r Engl nou an Haufa Holz d’rvoar platziert. 

Daß es viel schneibt und kolt isch, konn niemand eppas d’r für 

Nu kimmt d’r Engl - weg deam Holzhaufa numma zur Containertür. 

Iatz hot er holt dös Holz aus einem Meter Schnea wieder ausgroba miaßa 

Und weil er es ou nou glei kloba hot, tian mar an Böller schiaßa. 

Nöbl Hannes 

D’r Hannes hat huira a Entscheidung t‘roffa, 

er isch dauerhaft über’n Arlberg g‘loffa. 

In Dornbirn hat’r sich mit d’r Petra a neue Wohnung g’sucht, 

deas isch ja ganz schnell ganga, da habt’s gar nicht viel g‘flucht. 

Im "Gsi" isch’s sicher ganz fein zum leba, 

mir hoffa aber schua du tuasch d’r Fuierwehr machmnal no die Treue heba. 

Beim Siedla sein deine Freind als Unterstützung ou glei aumarschiert, 

über die Platzierung der Möbel hat ma dann no ganz fleißig diskutiert. 

A Raketa iatz no in Himmel auchisingt, 

damit deas mit enk zwoa in Vorarlberg ganz guat gelingt. 




Nöbl Anna 

Als erschtres tian mar an Böll’r onreiba 

Und die Scheiba v’r Anna weit aussitreiba. 

A Malheur isch dir passiert 

Bam Stoplera hosch dir d’Arm und d’Hond plessiert. 

Der Aufentholt im Kurhaus isch itz sicher guat 

daß dös ou schnell wieder guat weara tuat. 

Fam Nöbl Ferdinand , Romana 

Als earschtes iatz amlo an Böller krocht, 

weil so an Haufa Schnea hot am Ferdl z’schoffa g’mocht. 

Dia Solar am Doch isch sicher guat, 

nu ba so viel Schnea dös Werkli nit funktioniera tuat. 

Dass do d’Sunna nit durchkimmt, konn jeder verstiahn 

ober moch dir nuit draus – im Langet’s wears schua wieder giahn. 

Und noch nou dös mit Auto, was eppa ou kuaner woaß, 

döt isch er ou kema in ara Kurva neba d’ Stroß. 

Gottseidadonk isch völlig nuit passiert, 

drum ist ou nou a Raketa marschiert. 

Kirschner Katharina 

Dia Scheiba isch außa aus dr Glut, 

mir hoffa es geht dr Kathi guat. 

Gsundheit, Glück und s'allerbescht, 

winsch mir dir heint bei inserem Fescht. 

S' Jahr 2012 dir des alles bringt, 

und zum Schluss a Raketa in Himmel aua singt. 

Mangott Silvia 

Die Silvia isch huira o auf insarer Lischta mit dabei, 

was schreiba mar denn vu dir lei? 

Miar tata geara über Schondtota berichta, 

lei heara mar kuane vu deana Gschichta. 

So worta mar ab aufs negschte Johr, 

vielleicht isch da mia zum schreiba da. 

A Scheiba fliagt außa für die ganz weit, 

bis zum negschta Schloga wünscha mar dar a schiane Zeit. 





Stöckl Kathrin + Mangott Silvia 

D' Silvia und Kathrin mecht ma in Graf begrießa 

und weara glei zwo Böller schießa. 

Im nexta Winter tiats enkter Zeltgarage besser abschneiba, 

damit nit wieder's Auto muaß drunter leida. 

Strigl Andrea 


Dr Andrea hat dar Winter wohl nit so guat passt, 

wean wunderts wenn s’Dachfenschter s‘Wosser durchlosst. 

Damit in dar Wohnung nit alls kimmt zum schwimma, 

hat miaßa an Arbeiter s‘Dach erklimma. 

Da Schnea ocha gschaufelt deas nutzt ja nix, 

nocha rinnts numma icha, sall isch wohl fix. 

Im Summer kannsch deas Wosser ja ondersch verwenda deas war decht zum 

locha, 

lass dar unafach unter deas Fenschter an Wirlpool icha mocha. 

Haas Lisa 

Miar wissa nit was in dar Lisa als drin steckt, 

aber was mar wissa , dass sie isch beim orbeita ganz korrekt. 

Deas muas als Steuerberaterin wohl ou so sein, 

sinscht ischas Finanzamt numma so fein. 

Miar tata geara a bissli mia zu dir schreiba, 

dazua miaßt ma was heara vu deim gonza Treiba. 

Dafür schicka mar iatz a Scheiba in d’Steara, 

auf dass mar im negschta Johr mia vu dir heara. 

Tiefenbrunn Anna & Gröbner Simone 

Die Anna und die Simone miaßa mar iatz amol recht herzlich begriaßa, 

für enk weara mar iatz glei a Scheiba in Bach ocha schiaßa. 

Kenna glernt hoba mar enk zwoa bei insarm Grillfescht im Summer, 

seit det seits eas zwoa aber gar numma umma! 

Miar hoffa miar seacha ins ou beim negschta Happening, 

nocha isch sicher wieder a Tanzli drin. 




Moschen Norbert & Emilia 


Norbert und Emilia tia zwischa Tirol und Steiermark pendeln, 

wia sie des ou tian guat händeln. 

Isch der Norbert in der Steiermark hat er via Internet im Rathaus in Landeck 

als im Blick, 

a Wocha drauf leitet er's Bauamt wieder selber mit großem Geschick. 

Norbert und Emilia miar wünscha enk viel Glück und schiane Stunda, 

a Scheiba fliagt iats no a schiane Runde. 

Moschen Anni 

Am Sonntag isch Anna oft in der Bruggnerkircha in der Mess, 

danach fahrt sie mit dem Bus in Stadt hat zum huam keama kuan Stress. 

Unter der Wocha tuat sie o fest da Talkessel erkunda. 

Grissemann,Fmz und Citypassage wia schnell sei da a paar Stund verschwunda. 

Anna recht hasch tua´s no fest genießa, 

drum wera miar no an Böller schiaßa. 

Wagner Walter Ingrid 

Die Familie Wagner hat a nuie Aufgab kriagt. 

die hot sie ins Paznauntal icha gfiert. 

A Heisli tian sie ab verwolta, 

Dies tuat sie recht jung holta. 

Iatz tia mar no recht grießa 

und a tolle Raketa in Himmel aucha schießa. 

Fam Ruetz Markus Christine 

Dr Markus tuat iatz in der Diözöse Innsbruck s'Personal delegiera, 

Christine und Lea sein fescht beim "Linedance" trainieren. 

Ja und die Kinder sei fleißig beim Musiziera, 

wenn dr Opa sie nit grod mit'm rota Roller tuat umchaschoffiera. 

Mir wünscha enk weiterhin viel Glück und Sega, 

und tia iatz no an Böller ins Feuer lega. 

Huber Karin 

Mit dia paar Zeila wella mar ins amol beschwera, 

va dir kriegt ma ja überhaupt nix zum heara. 

In Zukunft miaßa mar an Spion engagiera, 

um a paar Sprichla va dir zu lukriera. 

Miar schicka iatz a Scheiba übern Berg, 

auf deis ma im nexta Jahr wieder was heart. 




Fam Thurner Udo, Evelin 

Graf hat bis letscht Johr kuan Spielplatz ket, 

deis isch bei soviel Kinder decht a morz Gfrett. 

Dr Udo denkt sich, da muaß mar decht was baua, 

und geht mit a paar Bretter hinters Kappala aua. 

A Boumhitta des muß o no sei, 

da tunkts uan richtig fei. 

Gwora isch dies a super Sach, mir mechta gratuliera, 

und tia dafür a schiane Raketa spendiera. 

Pammer Herbert Kathrein Anni 

Anni sieht ma nu mit dem Auto vorbei fohra, 

viel isch ma ja nit vor der Tür ma isch ja glei dr´frora. 

Die Arbeit lasst kua Zeit für Aktivitäten ums Haus, 

drum wissa miar nit viel zum dr´zähla i sags grad aus. 

Miar wünscha enk viel Gesundheit und Glück, 

nacha meld a miar ins nächst Jahr wieder zúrück. 

FA HW Bau Graf 

Auf dia Scheiba lossa miar nou a Raketa drau 

Weil HW Bau z’Grof gibt’s ollas für’ n Bau. 

Ob Zement, Eisa, Putz braun oder weiß, 

dös aollas zu einem guata Preis. 

Guat isch, dass es dia Firma bei ins do geit 

weil wer Baumaterial braucht, der hot nit weit. 

FA Wille Harald 

Zur Scheibe lossa miar ou an Böller onreiba 

und tian iaz bam Wille Harald stiahn bleiba. 

Vom Harry tuat ma holt nuit d’r froga. 

Miar tat ihn jo so geare ploga. 

S uan und s’ onder weard er schua mocha, 

nu huamlich holta weard er seini Socha 

Mit seini Auto, Schidoo und Quad 

Isch dem Harry sicher niemols fad. 

Viel Erfolg und a guates G’schäft winscha miar 

beim Kassiera keama miar eh nocha zu Dir. 





FA Getränke Wille 

Dia Scheiba isch aussi, weit und schian 

iatz bleiba miar bar Firma Getränke Wille stiahn. 

D’r Wille isch inser Haus und Hof-Lieferant 

Do gibt’s olle Getränke aus earschter Hond. 

Sogor Fuirwehrproba derfa miar auf sein Plotz mocha, 

drum lossa miar zum Donk ou nou an Böll’r krocha. 

Autohaus Zangerl 

Wenn dr Roland oder dr Ingo a Feschtli hot im Kalender stiah, 

braucht er zum Feira nit ins Goschthaus giah. 

Praktisch isch des schua, wenn ma hot so a Autohaus 

do raumt ma di Auto außa und mocht an Partysaal draus. 

Gfeiert hot dr Roland, dass di Fetza fliaga, 

sogor die Pfundskerle wora engangiert, mir tia nit liaga. 

Iatz loss mar no a Raketa auasinga, 

dia sell enk viel Glück und a morz Gschäft ou bringa. 

Horvarth Martha 

D´Martha mießa mar huira wirklich louba, 

die tuat scho im Frühjahr 0n an horta Winter glouba. 

An haufa Fuhra an Brennholz hot sie sich kema lossa, 

am Anfong hammers kenna gor numma fossa! 

Aber mit dem Riacher bisch huria richtig glega, 

und iatz darfsch im Winnter ou in worma Raim leba. 

S Holz setta dir iatz die Junga vom Kaller bringa, 

und mir lossa dir iatz no an Böller singa! 

Fam Horvarth Thomas Denisa 

Dr Thomas isch gfohra in Urlaub in die Tschechei 

und huimwärts hot er ket a Frau und a Kind dabei. 

Denisa mir mechta di in Graf recht herzlich begrießa, 

und fürn Bua tia mar an Böller schießa. 

Dr Thomas tuat enk fleißig Deutsch unterrichta, 

ja und so hoba ou mir eppas zum Dichta. 





Fam Horvath Erich Elisabeth 


DÉrich und Elisabeth hoba huira noch am spirituella Reiseziel gsuacht, 

und hobe ganz einfach Israel und Jordanien buacht. 

S Mahlzuig hot er ou dabei kett, 

ganz ohne wars o des für Erich a Gfrett. 

Erich dassas dir gsundheitlich nit gora so gut geht, 

hoba ou mir Fuiarwehrler kehrt. 

Dass die nit unterkriaga losch, des wissa mar olla, 

und dorauf lossa mar no an onstendiga Böller knolla! 

Horvarh Iris 

DÍris darfmr huira wieder in Graf begriaßa, 

und dorauf dia mar ou a Raketa in an Himml schiaßa! 

Über d Iris wissmar sie isch jeden freia Tog am Berg, 

sinsch hommar eigatlich gar nit so viel kehrt! 

Wenn mar nocha kema zum kassiera , 

wera mar die neue Bleibe o inspiziera. 

Iatz hoffa mar du tuasch länger bei ins bleiba, 

no derfmar ou negscht Jahr a Sprichli schreiba. 

Fam Nitsche Kurdoglu Gerald Brigitte 

Iat'z mechta mar amol herzlich im Gerald zum 70-ger gratuliera, 

und lassa a schiane Raketa marschiera. 

Nit viel Grafer hobas gschofft bis ins Internet 

dr Gerald in der Wikipedia steht drinna ganz dick und fett. 

Dies nui Buch "2084", des miaßa mar allu schu weg deim Aufwand koufa, 

weil wer tuat schua 2001 Nacht wega a paar Zeila umananderloufa. 

Für d'Brigitte lossa miar iatz no an lauter Böller krocha 

weil sie konn über insere Bundesregierung und die Pensiona lei locha. 

Die Pensionsreform tuat Brigitta nit treffa und ou it verstiah 

weil sie tuat mit ihra 64-Jahr alli nou zur Arbeit giah. 

(Buch: " 2084 Aufzeichnungen aus 2001 Nacht Orge Georwell" 

Protokoll der laufenden Ereignisse) 




Fam Schmid Robert Monika 

Dr Robert toat nit nu Holz um's Haus uma schlichta, 

sondern ou beim Haus olli wieder eppas richta. 

S'letscht Johr wor fällig a nuis Doch, 

bis des doba isch, des wor a mords Tschoch. 

Ober wenn's fertig isch und olles isch dicht, 

isch des wieder a saubere Gschicht. 

Ob's iatz stürmt, schneibt oder isch Sunnaschei, 

sells enk tunka unterm nuia Doch gmiatli und fei. 

Maidel Johann 

Ja Leit es isch war 

Dr Johann isch schua 80 Joar 

Ma weard ja nur aomal 80 im Leba 

Und drum tian mir auf di iatz oan heba. 

Dr Johann isch alli auf inserm Fuirwehrfescht 

des tuat ins gfreia sakrisch fescht. 

Da kann es ou passiera, 

dass an Regaschirm tuat numma mit ihm huim marschiera. 

Mir winscha dir Gsundheit und Glick in den nexta Johra 

Und tian die Scheibe für die weit ochischlaga! 

Maidel Wilfried 

In Willi sigt ma viel beim Haus umatian 

Er bauts um - des weard sicha schian, 

Wenn ma kema dia Scheiba kassiera 

Tat ma den Umbau gera inspiziera 

Mir winschn dir weiterhin viel Glick beim Umbau und im Leba 

und lassa die Scheiba weit ausi segla. 

Matt Christian 

Mit'm Richard und dr Rosi tuat si dr Christian guat verstiah, 

und glei mit ihna ins nuie Haus nach Starkaboch ocha giah. 

A Blaulicht weara mar auf dei Auto drucka, 

dass schneller in Graf bisch beim Ausrucka. 

An Böller no zum Schluss, 

weil der Christian hot d'Fuirwehrkassa guat in Schuss. 





Jäger Michael Zangerl Sandra 

Vo dena zwoa tuat ma nit viel secha, gschweige heara, 

aber Sprichli tuat enk ou uans kehra. 

Es tiats 3 Katza und a paar Hosa hoba, 

mit dena es enk gera tiats umchaschloga. 

An toller Schlitta - Cabrio - hoba sie ou wella 

hoffentlich sechts nit glei vor Polizei die Kella. 

Der Böller iatz oh enk gkeart 

dass mar s'negscht Jahr ou wieder was heart. 

. 

Fam Matt Egon Annemarie 


Annemarie tuat da Patrik zum Schifohra fiara, 

da kann der Bua allein auf Lift d´rfriera. 

In ara Fusballdress macht Annemarie a guate Figur , des steht dr guat 

g'secha in Pians gega die U12, mir nehma dr Huat. 

D´r Egon geht jeden Tag in der Früh mit da Hund trainiera, 

wega da niedriga Temperatura tuat er si nit scheniera. 

Wichtig isch für Ihn die frische Luft, 

Danach mag er a guat´s Frühstück mit Kaffeduft. 

Miar wünscha enk no viel Glück und Gsundheit im nuia Jahr, 

iat´s fliagt no a Raketa wunderbar. 

Franz Elisabeth u. Friedrich 

& Heimhilcher Manuela 

Dia Scheiba hat alla Leit in dem Haus keart, 

da isch es aso, daß ma einfach nuit heart. 

Für die Kneipanlog (Pool) vorm Haus, 

isch d'Fuirwehr gruckt mitm Wasserschlauch aus. 

A Leitung hommar gleit, dr. Teich isch voll, 

und deis isch für alla decht toll. 

. 




FA Streng 


Huira hots schua Schnea geba, und dös grod gnua, 

drum hoba dia Auto und Loder vom Streng nit amol im Winter a Ruah. 

Sie miassa dia Schneahäufa rauma und ou verfiehre 

Sinsch kannt ma si umadaum numma riahra. 

Ba enk hoba miar ou d’Abschnittsübung mocha kenna, 

drum lossa miar zum Donk a Raketa und an Böller on-brenna. 

FA Walch + Plannger 

Kanalbau und Wasserleitungen isch für die Firma Alltags´gschicht, 

ma braucht a guate Planung weil sinsch die Leitung glei bricht. 

Im Strenghaus isch es für des Planungsbüro a guater Standort, 

oben wird plant und unta fahrt schua der erste Bagger fort. 

Miar hoffa es habt´s viel Arbeit im nuia Jahr, 

aber Wasserleitungen wera bestimmt nit rar. 

Schröcker Evelyn 

Evelyn isch viel beim Arbeita in der Bank in Landegg, 

kaum isch sie d´r huam isch sie schua wieder weg. 

Die Wohnung braucht nit groaß sein, 

da isch sie liaber im Urlaub und hat's dert fein. 

Des Reisa macht der Evi viel Spaß, 

kaum hat sie a paar Tag frei isch sie weg und nit dr´huam Liegestuhl im Gras. 

Miar wünscha dir no viel schiane Stunda am Strand, 

drum schiaßa miar no a Böller den ma hert im gonza Land. 

Fam Schröcker Hermann & Frida 

Dr Hermann hat long gnug ket a Malheur mit seim Fuß, 

aber iatz er numma aufpassa muaß. 

So sieht man mit dr Frida im Ausland umanond, 

Urlaub mocha vo Land zu Land. 

Türkei und Zypern, deas geht in uam 

und nocha kera die zwoa wieder huam. 

Iatz lossa mir enk no an Böller krocha 

damit huira kennets wieder an schiane Urlaub mocha. 




Bar Melody 


A Bier, an Cafe oder an g‘mitlicha Ratscher, 

Die Bar Meldoy isch für die Grafer und Gurnauer kuan weiter Hatscher. 

Da kann gera jeder kema vorbei, 

und isch sicher glei bei’r netta Runde auf a Bierli dabei. 

Miar wünscha enk a guats, ertragreichs Jahr, 

und haue enk dia Scheiba b’sonders weit durcha. 

Fam Hotz Martin & Maggi 

Liabe Maggi, liaber Martin, 

in enkarm Spruch isch huira richtig viel drin. 

Zu Beginn mechta mar gratuliera, 

zur Geburt vu enkarm Sohn sell a Raketa aucha marschiera. 

Außerdeam seits inzoacha in enkare nuie Wohnung im letschta Jahr, 

miar hoffa eas fühlats enk wohl und alles isch wunderbar. 

Aber ou bei dar Fuierwehr hat in Martin nuit verdrossa, 

er tuat sich fleißg weiterbilda und hat da Funklehrgang abgschlossa. 

Alles alles guate wünscha mar enk vu Herza, 

die Scheiba sell in d’Heach steiga wie a Kerza. 

Nöbl Markus 

Dr Markus isch von der Löschgruppe gonga 

und hat in Grins nui angfonga 

Du hasch viel Zeit in di Löschgruppe inveschtiert 

Und warsch immer top motiviert 

Im Herbscht hat dann gkosa "habt Acht" 

Aber du haschs ja bald fertig gmacht. 

An oam Wochenend isch er auf Salzburg gfohra 

und hat sich di Nacht um di Ohra gschloga. 

Beim Weg zruck hats aber a Problem geba 

Isch decht an Bam auf dene Schiana glega. 

5 Stunda hat er warta miasa 

und koane alkoholischen getränke kenna geniasa. 

Markus, mir winschn dir all weitrhin s’allerbescht 

Und lassa de Scheibe weit ausi segla bei inserm Fescht. 




Hotz Monika 

Monika geht viel spaziera, 

jeden Tag tuat sie irgendwohin maschiera. 

Die Urlaubspläne wera im Frühjahr schua fixiert, 

der Platz im Bus isch schua reserviert. 

Im Alter lasst sie viel leichter als koordiniera, 

da kann ma all Jahr a anders Land inspiziera. 

Miar wünscha dir no viel schiane Tag auf deine Reisen, 

vielleicht kimsch no ins heilige land die Zukunft wird´s weisen. 

Hönl Robert 

Dem Robert mecht ma no zum 60-er gratuliera, 

und glei a schiane Raketa spendiera. 

Diar sett des nuie Jahr viel Gsundheit bringa 

und mit ara Scheiba lossa miar deis Sprichla ausklinga. 

Hotz Lydia und Beate 


Lydia hat im letzta Jahr da 70 er vollendet, 

in der Bruggnerstubn war a groaßes Fest und hat ersch spat am Abend geendet. 

Mit Ihre Gschwister hat sie verbracht ganz schiane Stunda, 

da hat ma o a tolls Lokal in der nächa g´funda. 

Lydia miar wünscha alles Gute und Gesundheit und allerbest., 

Schon die lei und arbeit numma z´fest. 

Hotz Hannes 

D´r Hannes tuat gera ökologische Socha erproba, 

drum hat er iatz o Photovoltaik am Dach doba. 

Kaum scheint die Sunna auf die Zella drauf, 

hert der Voltmesser sich garnumma zum Draha auf. 

Die Investition isch sogar a G´schäft für die nächsta Jahr, 

drum fliagt iats no a Raketa aucha wunderbar. 




Fam Hotz Oskar Edith 


D´r Oskar und Edith gian o im kalta Winter spaziera, 

ma sieht sie öfters im Fald maschiera. 

Bei der tollen Schneelag isch es da am Bach wunderschian, 

was kannt ma da schianers tian. 

Lieber no tuat d´r Oskar aber mit seim nuia Auto fohra, 

der kleine Flitzer kann ma no Sprit spora. 

Heikel isch lei die hintere Türa gian entgegen g´setzt zu da vodera auf, 

da isch lei guat, dass die Spiegel sei nu vorna drauf. 

Oskar und Edith miar wünscha enk no viel schiane Tag am Sanna Strand, 

verlofa´ts enk halt nit im tiefa Sand.

Scheibenschlagen 2012 - Graf-Gurnau

Sie wollen auch ein ePaper? Erhöhen Sie die Reichweite Ihrer Titel.

Template löschen?

Als Template speichern?